זאכן וואס כ'וויל וויסן

אלס א גרויסער "ידען" איז דאך פשוט אז איך האב אויך די מידה פון נייגער, און איך וויל אלעמאל וויסן און פארשטייין אלעס. אבער איך וויל נישט מאכן נייע אשכולים ביי יעדע זאך וואס האט מיר פונקט אנגעכאפט א נייגער צו וויסן, וועל איך נוצן דעם אשכול פאר דעם צוועק, צו לייגן קורצע זאכן און אויב ס'וועט ווערן א לענגערע שמועסעריי איבער א געוויסע ענין וועט מען עס קענען אפטיילן.

איך וועל אנהייבן

ווען האט זיך געטוישט דער ענין פון א גדול בישראל. ווען איז עס געווארן א ירושה ענין, און פארוואס האבן די המון עם מסכים געווען צו אזא מהלך ווען מען זעט זייער קלאר אז אפט איז עס ממש א קארופציע.

ביי די חסידישע איז עס געשען ערגעץ וואו ביי די תלמידי בעש"ט (דוכט זיך די דריטע דור). די ערשטע איז געווען אין חב"ד. ביי די ליטווישע איז עס א זאך וואס האט אנגעהויבן פאסירן הארט פארן צווייטער וועלט קריג, בפרט אין סלאבאדקע און אין וואלאזשין. ביי די מאדערנע האט זיך עס נאכנישט אריינגעכאפט (אפשר ווייל די קינדער זענען טאקע נישט ראוי ממלא צו זיין מקום אביהם וד"ל...)

הייליגע גוטע אידן זענען אייביג און וועלן שטענדיג אליינס אויפגעפיקט ווערן, כלל ישראל האט זייער א גוטע נאז און שמעק

דו רעדסט איבער די אזוי גערופענע היינטיגע רבנים, דע בעסט וועי אוט וואלט געווען צו מאכען וואלן אין יעדע קהלה ובית המדרש.
נאר אזוי וועט א רב זיך אהערשטעלן און זיין גרייט אויפצוטון פארן כלל ופרט, וויסענדיג אז איינמאל אין 4 יאהר דארף ער זיך שטעלן פאר די וויילער
און מ׳וועט אריינוועלן נאר קוואליפיצירטע חברה.
און רובא דרובא מחלוקת ושנאת חנם וואלט בטל געווארן.

וואלן זאגסטו? עיין ערך וויען וויליאמסבורג...

אין אן אנדערן אשכול <!-- l --><a class="postlink-local" href="/topic/240">viewtopic.php?f=13&t=240</a><!-- l --> וויל רואיק וויסן וואס איז דער מקור האיסור פון מאשין מצות היינט צו טאגס (וואס די טעכנעלאגיע היינט איז דאך ממש מוראדיג, אין אפילו די עדה החרדית איז מכשיר מאשין מצות לפסח, און הג"ר משה שטערנבוך איז אפילו מקפיד צו נוצן דוקא מאשין מצות). איינער ווייסט?

דער מקור האיסור בימים ההם איז פילפאכיג. ערשטנס איז אז דער אמאליגער מאשין צו מאכן מצות האט סך הכל געטון איין זאך: עס האט געוועלגערט טייג. די "מאשין" (וועלכער מ'האט געדארפט דרייען מיט די הענט ס'זאל ארבייטן...) האט געהאט פעסטע חששות פון חמץ. די ארבייטער האבן אויסגעשניטען רינדיגע מצות און די איבעריגע טייג צוריקגעלייגט, שטיקלעך טייג האבן זיך אנגעקלעבט אין די מאשין ועוד. שפעטער איז דער מאשין געווארן מער פארגעשריטן אין האט שוין אויך געשניטן אין קעסטלעך, אבער די פראבלעם פון צוגעקלעבטע טייג איז נישט אוועקגעגאנגען.
צווייטענס זענען געווען אזעלכע וואס האבן גע׳טענה׳ט אז די מאשין נעמט אוועק די ארבייט פון די ארימע אידן וועלכע האבן נישט געהאט קיין אנדער פרנסה חוץ ארבייטן אין מצה בעקעריי. דריטנס, זענען געווען די וואס האבן גע׳טענה׳ט אז ס'איז א פראבלעם צוליב וואס עס איז נישט לשם מצוה וויבאלד עס איז נישט בידי אדם. דערנאך זענען געווען אזוינע וואס האבן געטענהט אז אונזער מסורה איז צו עסן דייקא רינדיגע מצות, נישט פיר עקיג. נאכדעם איז געווען דער באקאנטער אויסדרוק פון צאנזער רב אז ער אסר'ט משום "טעם הכמוס" אצלו.

[quote="קרעמער אין אייוועלט"]דער בן איש חי שרייבט אויף אן ארט בשם די חכמי הניתוח (דאכט זיך) אז ביים גלגולת הראש (סקאל בלעז) איז דא א דיפערענץ צווישן זכרים און נקבות, נעמליך ביי א זכר איז די גאנצע קאפ איין שטיק ביין, אבער ביי א נקבה איז דאס צוזאמגעשטעלט פון צוויי שטיקער!

און די סיבה דערצו: וואלט די פרוי'ס גלגולת געווען פון איין שטיק, וואלט דאס געפלאצט רח"ל פון צער לידה!!!!!!!![/quote]

יידל (דער פון די נפלאות הבורא אשכול...), אדער ווער אימער עס ווייסט: וואס זאגן די היינטיגע חכמי הניתוח?

[quote="אפאר תגובות שפעטער, קרעמער אין אייוועלט"]רבותי!

איך האב אויסגעדרייט די זאך... דא האט איר דעם לשון פונעם בן איש חי, ער שרייבט פונקט קאפויער ווי איך האב עס געדענקט (בעוה"ר).

אמרו חכמי הטבע, גלגולת של האיש היא עשויה שני חתיכות כשתי קערות מחוברות זע"ז והמוח בתוכם, אבל גלגולת של האשה היא כולה חתיכה אחת מעצם אחד, והטעם מפני שהאשה יש לה חבלי יולדה ואם תהיה הגלגולת שלה שתי חתיכות אז מכח תוקף חבלי יולדה מתפרקים זמ"ז והיתה נזוקת, משא"כ האיש דאין לו חבלי יולדה לא אכפת ליה בכך (בן יהוידע שבת דף קי"ט ע"ב ד"ה שם מניחין ידיהן).

און אויף נאך אן ארט:

יש היכר מובהק בין אנשים לנשים בראש, מצד הגלגולת, כי הנקבה הגלגולת עצם אחד, והזכר שנים מורכבים זב"ז (בן יהוידע סנהדרין דף י"ט ד"ה ברם).[/quote]

אדער ווייסט דער עולם אלעס אדער שעמט מען זיך צו פרעגן...

איך וועל מיך אבער שטארקן אויף מיין ביטערע בושה און מיין רויטער פרצוף און וועל אוועקוקן אויף מיין נאמען וואס ווייזט קלאמפערשט אויף מיין ברייטע ידיעות און מודה זיין אז כבין נישט אזוי אנגעפעקעלט מיט ידיעות ווי כאב וואלט געוואלט זיין.

היינט צופרי הער איך אז סע גייט זיין צווישן 2 און 4 אינטשעס רעגן, האב איך געטראכט , כמיין וויפיל רעגן קען שוין זיין? צוויי אינטשעס איז דאך גארנישט. סע וועט געבן א רעגן אפ און אוהז וועלן זיך ווייטער בראטן אויפן ביעטש.

א נעכטיגע טאג. סע מבולט. סע גיסט העמערס וואער נאאאאאאו סטאפ. איך וער שוין צופלאושקעט פון די ביטערע שווערע טייכן וואס האבן זיך געפנט פון די הימלען .

וואס מיינט עס צוויי אינטשעס? איינער האט זייער מעסטער? וואו הייבט מען עס אןן אויסצורעכענען?

ידען

אדער ווייסט דער עולם אלעס אדער שעמט מען זיך צו פרעגן...

איך וועל מיך אבער שטארקן אויף מיין ביטערע בושה און מיין רויטער פרצוף און וועל אוועקוקן אויף מיין נאמען וואס ווייזט קלאמפערשט אויף מיין ברייטע ידיעות און מודה זיין אז כבין נישט אזוי אנגעפעקעלט מיט ידיעות ווי כאב וואלט געוואלט זיין.

היינט צופרי הער איך אז סע גייט זיין צווישן 2 און 4 אינטשעס רעגן, האב איך געטראכט , כמיין וויפיל רעגן קען שוין זיין? צוויי אינטשעס איז דאך גארנישט. סע וועט געבן א רעגן אפ און אוהז וועלן זיך ווייטער בראטן אויפן ביעטש.

א נעכטיגע טאג. סע מבולט. סע גיסט העמערס וואער נאאאאאאו סטאפ. איך וער שוין צופלאושקעט פון די ביטערע שווערע טייכן וואס האבן זיך געפנט פון די הימלען .

וואס מיינט עס צוויי אינטשעס? איינער האט זייער מעסטער? וואו הייבט מען עס אןן אויסצורעכענען?

מיר האט געוואונדערט אקוראט די זעלבע פראגע.... 😳 אז איינער ווייסט, רופט דיך אן..

צו האבן א אנונג פון וואס מ'רעדט, 2 אינטשעס רעגן איז אזוי ווי 20 אינטשעס שניי, (א אינטש רעגן איז 10 אינטשעס שניי).

די טייכן וואס דו זעסט איז פון אנגעלאפענע וואסערן , זיי רעכענען אויף די גראדע ערד 2 אינטשעס

א געווענדליכע רעגן איז צווישן א האלבע אינטש און א אינטש, צוויי ביז פיר אינטשעס רעגן הייסט א גאר גרויסע רעגן.

שכויח שמואל און זר!! קלוגער געווארן מיט נאך א ידיעה-צוויי.

וואס איז דער פשט פון די ווארט HIDE לעבן מיין ניק אינדרויסן פונעם אשכול, דארט ווי עס שטייט ווער עס האט די לעצטע צוגעלייגט צום אשכול?

פארוואס האט קאווע שטיבל צוויי URLs צו יעדע פעידזש איינס מיט WWW און איינס אנדעם, ווייסן נישט די מנהלים אז דאס ברענגט אראפ די סוירטש רענקינגס פון די סייט?

וואס הייסט צוויי URL's? ווי זעסטו דאס?

איינער קען אפשר לייגן א לינק ביטע, ווי מ'רעדט דערפון?
ייש"כ

משה רוקח

וואס הייסט צוויי URL's? ווי זעסטו דאס?

קוק דא פאר מער אינפארמאציע

א איד

איינער קען אפשר לייגן א לינק ביטע, ווי מ'רעדט דערפון?
ייש"כ

אויבן אויפן לינקע זייט איז דא א זוך קנעפל, אזויווי איך זע אז האסט נישט קיין כח אויפצוהייבן די הענט אזוי הויעך דא האסטו א לינק: www.kaveshtiebel.com/search.php?keywords=hide

ייש"כ געפילטע

וויפיל וואסער דארף מען טרינקען יעדן טאג?

אמאל איז געווען פארשפרייט די איינרעדעניש אז מע דארף טרינקען אכט גלעזלעך וואסער יעדן טאג, שפעטער האב איך געלייענט אז סע הייבט זיך נישט אן און מע דארף טאקע טרינקען אביסל וואסער אביר בכלל נישט קיין אכט גלעזלעך.

די וואך אין די צייטונג ביי זייער וועכענטליכע געזונהייט ארטיקל זעה איך אז מע דארף טרינקען נאך סאך מער ווי אכט גלעזלעך א טאג, למשל ״עמיצער וואס וועגט 160 פונט, זאל האבן ווייניגסטנס 80 אונסעס וואסער א טאג...״ נאך א שורה, ״מען זאל זיך אפוועגן און צוטיילן דעם ציפער אין העלפט, דאס איז וויפיל אונסעס איינפאך וואסער מען דארף טרינקען א טאג״.

וואס שטערט מיך נאכמער איז אז אין די צייטונג אליינס האב איך געלייענט וועגן די נארישקייט פון טרינקען אכט גלעזלעך א טאג.

וואס בלייבט?

ידען

די וואך אין די צייטונג ביי זייער וועכענטליכע געזונהייט ארטיקל זעה איך אז מע דארף טרינקען נאך סאך מער ווי אכט גלעזלעך א טאג

די סיבה דערצו איז ווייל לעצטנס טרינקט מען מער קאווע (זינט די עפענונג פון קאווע שטיבל), און קאווע טריקנט אויס כידוע.

איך בין נישט זיכער. אין א רעגן פון 4 אינטשעס וועט זיך א 10 אינטשיגער קאנטעינער גענצליך איבערפילן און איבעררינען. גאראנטירט. כ'מיין, עס גיסט דאך טאנען וואסער פאר שעות ארוכות! איך פארשטיי אויך נישט ווי אזוי דער מעסטער ארבעט.

איינער האט אריינגעשיקט א בריוו צו די צייטונג וועגן די 8 גלעזלעך וואסער אז סע שוין היינט אנגענומען אז מע דארף טרינקען ווען מע איז דורשטעריג און נישט זיך אנפילן מיט וואסער וואס קען מאכן שאדן, זיי ענפערען אז זיי האבן יענע וואך צוגעלייגט אז מע זאל פרעגן די אייגענע דאקטער.. אבער פון זייער פאריגע וואכיגע ארטיקעל האבן זיי שטארק געדריקט אס מע זאל טרינקען גאר אסאך...

ידען, דו פרעגסט צו דו זאגסט?

יידל

ידען, דו פרעגסט צו דו זאגסט?

פאריגע וואך האבעך געפרעגט מיט א ווינדער, און יעצט האבעך געשריבן וועגן א בריוו צום צייטונג וואס ווייזט אז איך בין נישט געווען אליין מיט מיין פלא.

וויזוי ארבעט עס?

היינט צופרי איז 1010 wins געווען זייער ביזי מיט די נייעס אז חסידים באדעקען די שמוץ וואס קומט פאר צווישן זיי, און זיי האבן געגעבן free advertising פאר די מסיבה וואס מע מאכט פאר א עסקן.

מע האלט נאכנישט ביי די מסיבה און א נייעס טראק איז שוין א גאנצע טאג ביי קאנטינענטעל און פליצלינג רעדן זיי מער נישט דערפון.

פארוואס?

יעדער איז אויף מיט די כינוס און די stores האבן שוין specials פון binoculars, ווילעך וויסן וויזוי מע זוכט פאר א גוטע? וואס דארף מען קוקן צו וויסן וועלעכע מע זעהט ווייט אדער קלארער?

די נייעס אז מע האלט אין איין אריינשיקן וויירוסעס אין איראן. ווילעך פארשטיין, זיי מוזן זיין connected צו די אינטערנעט? אנישט וואלט מען דאך נישט געקענט אריינשיקען די אלע ווערעמלעך. פארוואס פעלט עס אויס?

זייער נוקלעארע סיסטעם איז גענצליך אפגעטיילט פונם אינטערנעט, טאקע פאר דעם סיבה, אז האקערס זאלן נישט קענען ארומשפאצירן, און נישט צו ווערן אינפעקטירט מיט וויירוסעס. אבער פון צייט צי צייט מוז מען דאך צולייגען אינפארמעישען, פיילס, פירמוועיר אפדעיטס, וכדו, דעמאלס האט א וויירוס די געלעגענהייט זיך ארויף צו קאפיען אויפן פלעש דרייוו און אינפעקטירן די סיסטעם.

די מאס חכמה וואס איז אריין אין דעם סטאקסנעט וויירוס איז מורא'דיג, די סיבה פארוואס ס'האט גענומען אזוי לאנג עס צו דיטעקטען איז ווייל ביזווילאנט ער איז נישט אנגעקומען אויפן ריכטיגע פלאץ איז ער געזעצן מיט צאמגעלייגטע הענט און גארנישט געטוהן, נאר ווען ער איז אנגעקומען צו אזא סיעמענס סיסטעם מיט דעם נומבער סענטריפיודשעס, וכו' וכו' האט ער אנגעהויבן צו מאכן טראבל. און זיי טענה'ן אז די לעצטע וויירוס "פלעים" איז 20 מאל אזוי קלוג, העמער ווארטן אויף די פונקטליכע דעטאלן.

געפילטע פיש

זייער נוקלעארע סיסטעם איז גענצליך אפגעטיילט פונם אינטערנעט, טאקע פאר דעם סיבה, אז האקערס זאלן נישט קענען ארומשפאצירן, און נישט צו ווערן אינפעקטירט מיט וויירוסעס. אבער פון צייט צי צייט מוז מען דאך צולייגען אינפארמעישען, פיילס, פירמוועיר אפדעיטס, וכדו, דעמאלס האט א וויירוס די געלעגענהייט זיך ארויף צו קאפיען אויפן פלעש דרייוו און אינפעקטירן די סיסטעם.

די מאס חכמה וואס איז אריין אין דעם סטאקסנעט וויירוס איז מורא'דיג, די סיבה פארוואס ס'האט גענומען אזוי לאנג עס צו דיטעקטען איז ווייל ביזווילאנט ער איז נישט אנגעקומען אויפן ריכטיגע פלאץ איז ער געזעצן מיט צאמגעלייגטע הענט און גארנישט געטוהן, נאר ווען ער איז אנגעקומען צו אזא סיעמענס סיסטעם מיט דעם נומבער סענטריפיודשעס, וכו' וכו' האט ער אנגעהויבן צו מאכן טראבל. און זיי טענה'ן אז די לעצטע וויירוס "פלעים" איז 20 מאל אזוי קלוג, העמער ווארטן אויף די פונקטליכע דעטאלן.

יא ס'איז געוואלדיג וואס גייט היינט פאר די ריזיגע טאנקען שיפן קאמפס זשעטס קענען זיך לייגן שלאפן די עכטע וואפן פונעם צוקונפט וועט זיין טעכנאלאגישע. זיצן אפאר קעפ אין תל אביב אין א קעלער און מאכן חרוב אינפראסטרוקטור פון א גאנצן לאנד אן א שאס. די מולאס מיט די טורבאנען קענען הייבן די הענט צו מוכאמעד ואין עונה.

עס איז נישט אזוי ווי די מוסלעמענער טעראריסטן זיצן מיט פארלייגטע הענט, זיי נוצן אויך סייבער טעראר שטיקלעך. טאקע נישט אזוי פארגעשריטן ווי די עמטליכע רעגירונגען, אבער זיי האבן שוין געהעקט עטליכע גרויסע וועבזייטלעך, און אנגעפיקעוועט מיט מוסלעמענער ליטעראטור.

ביידע קענען קענען ווען זיי ווילען, די ווארט איז נאר אז האבן א מיליטער אליין איז שוין נישט גענוג, מען קען היינט סאך מער שאדען מאכען טעכנעלאגיש ווי מיט אנדערע וועגן

די טעראריסטן האבן קיין מיליטער קיינמאל נישט פארמאגט.

זייער איינציגע מאכט און כח איז דורכן אפטון טעראריסטישע אקציעס, צומאל אויף א גרעסערע פארנעם און צומאל קלענער. היינט האבן זיי אין זייער ארסענאל פון געווער צוזאמען מיט באמבע טעכניקער, עטליכע קאמפיוטער טעקנישאנס.

זייערע באמבעס קומט נישט צו צו די רעגירונגס ערצייגטע באמבעס, און זייער סייבער אטאקעס קומט נישט צו צו די רעגירונגס ערצייגטע וויירוסעס.

זאל דער אויבערשטער האלטען די רעכטע הענט.
אבער לויט ווי אזוי איך עם הארץ פארשטיי איז גרינגער פאר א פריוואטע מענטש (ליין: טערעריסט) זיך צו פארמעסטען מיט טעכנעלאגיע ווי מיט א מיליטער.

איך וויל וויסן, פארוואס אלץ ווען איך קאל א קאמפאני, למשל ספרינט, בעט די אויטאמאטישע מאשין מיר מיין טעלעפאן נומבער, (in order to look up your account)

אבער ווען איך הייב אן צו רעדן צו א לייוו-רעפרעזענטעטיוו, האט ער נישט קיין השגה ווער איך בין און וואס מיין אקאונט נומבער איז. ער הייבט אן נאכאמאל אלע קשיות פון די אלף.

אסאך מאל פלאץ איך פון דעם. צו וואס פעלט דאס אויס?

כ'פארשטיי מיך נישט אויף דיר. האסט שוין אמאל געהערט פון א מושג ווי א קאמפיוטער סיסטעם וואס האט אריינגעפראגרעמט אלע דיינע אינפארמאציע, און באזיצט נישט דעם פענאמען ווי שכחה?

טאמבל סאס

כ'פארשטיי מיך נישט אויף דיר. האסט שוין אמאל געהערט פון א מושג ווי א קאמפיוטער סיסטעם וואס האט אריינגעפראגרעמט אלע דיינע אינפארמאציע, און באזיצט נישט דעם פענאמען ווי שכחה?

איך פארשטיי נישט דיין אומפארשטענדליכקייט אויף מיר, און נישט דיין טענה.

אז איך האב אריינגעגעבן אלע מיינע אינפארמאציע פארן קאמפיוטער, וואלט אלעס געדארפט ערשיינען אויפן סקרין פונעם מיסטער/מיסיס וואס הייבט אן רעדן צו מיר נאך 3 מינוט ווארטן. אויב נישט, וואס איז די פוינט פון געבן די אינפארמאציע פארן קאמפיוטער? טוט ער עפעס דערמיט? איינער פארדינט עפעס דערפון? סתם, למען ניגע לריק און מיר פארדרייען א קאפ?

ריכטיג! און ער זעט אלעס אויפן קאמפיוטער אבער די געזעץ פארלאנגט אז ער מוז קאנפערמירן אז דו ביסט טאקע דער ווער דו זאגסט דו ביסט! און א מענטש מיט 'פארשטאנד' קען לויטן וועג וויאזוי דו ענטפערסט דיינע פריוואטע דעטאלן זען און פונאנדערשיידן צווישן דער אמת'ער מאן און א שווינדלער. משא"כ א מאשין. אבער קען זיין אז א מאשין האט אנדערע וועגן וויזוי זיכער צומאכן אז דו ביסט טאקע דער. אזוי צו אזוי טוט זיי אבער די מאשין פאקטיש איינשפארן אסאך צייט און געלט, און די עיקר איינגעשטעלטע וואס דאס איז א גרויסע עקספענס פאר א ביזנעס

חוץ פון דעם טוט א מאשין מילא נישט אויספירן אזעלכע וויכטיגע פונקציעס, די מאשין קען נעמען געלט און נאכטרעיסן א ארדער, און העכסטנס נאך אפאר שטותים . ברגע דו דארפסט עפעס וויכטיג ווי טוישן דיינע דיטעליס, און הערן עני פריוואטע אינפארמעישן דארפסטו שוין ווידער אנקומען צו א מענטש

איך האב אסאך מאל ווען איך רוף, בעטן זיי מיך מיינע אינפארמעישן כדי צו מאכן א סוירטש אזוי אז מיין אקאונט זאל ארויף קומען אויף זייער סיסטעם.

פארוואס האט סקים מילך מער קארבס ווי רויטע מילך?

זר זהב

פארוואס האט סקים מילך מער קארבס ווי רויטע מילך?

וויבאלד מ'נעמט ארויס די פעטענס איז די פערפארציע פון קארבאהיידרעיטס וואס בלייבט איבער מער.

פארוואס הייסט עס אזוי?

און פארוואס גייען חסידים מיט אזעלעכע לאנגע גאטקעס?

ווייל די רבינו תם האט א לאנגע שקיעה

Sent from my SPH-D700 Using ForumTouch for Android

כ'האב שטארק געוואלט וויסן די מקור פון אידישע מאכלים. ווען האט זיך אנגעהויבן טשיקן זופ פאר פרייטאג צונאכטס? געפילטע פיש (נישט די ניק)? פערפעל? קוגל?

רוב מאכלים וואס אידן האבען געגעסן בארצות הגולה זענען געווען ענדליך צו די לאקאלע סאסייעטי. דאס איז די טעם אז בני ספרד האבען אנדערע זאכן ווי אשכנזים וכו'.

לאדיך אפ

כ'האב שטארק געוואלט וויסן די מקור פון אידישע מאכלים. ווען האט זיך אנגעהויבן טשיקן זופ פאר פרייטאג צונאכטס? געפילטע פיש (נישט די ניק)? פערפעל? קוגל?

איך האב געהערט אז די חסיד׳ישע מאכלים האבן אן ענין ע״פ סוד, מרומז אין די ז׳ מדות. כ׳געדענק אז קוגל איז מדת היסוד, אבער קען זיין אז כ׳מאך א טעות.

שבת איז דער 7טע טאג. "דג" באטרעפט 7, "מרק" באטרעפט 7 מספר קטן, "בשר" אויך 7. ("קגל" אויך 7...)

-- אין מס שבת קי"ח שטייט "ואמרו במה מענגו בתבשיל של תרדין ודגים גדולים"

"געפילטע פיש" איז לויט גוגעל אפיר געקומען צוליב וואס מ'האט מורא געהאט פון איסור בורר מיט ביינער פיש. באקאנט איז אבער אז געפילטע פיש שטאמט פון די ארימע אידן וואס האבן גענומען די פסולת פון די פיש און געמאכט אן איינגעמויזעכטס וואס איז פארוואנדעלט געווארן אין געפילטע פיש. -- (מיט קאטשעניא!!) אויך מיר ארעם...