נהורא נפישאאיך פארשטיי נישט פארוואס איר כאפט נישט וואס איך מיין, מיין שאלה איז א פשוטע היסטארישע שאלה איבערן פילוג וואספארא משמעות דער פילוג האט געהאט, איז דער איזשיביצער אוועקגעגאנגען בבחינת גבה טורא ביניהו און איז געווען א תוהה על הראשונות און אפגעהאקט מכל וכל אדער האט ער געהאלטן אז דער קאצקער איז א צו הויעך פאר די מענטשהייט אבער ער האט נאכאלטס מחשיב געווען דעם קאצקער אזויווי אסאך כותבי הקורות שרייבן.
איך וויל זיך דאס אויפדרינגען פון דעם אויב אינעם חדר פון די פורשים ברענגן זיי מדברי תורתו פונעם קאצקער לכה"פ אזויווי זיי ברענגן פון אנדערע גדולי החסידות דאן איז א סימן אז למעשה האבן זיי אים מחשיב געווען. צוזאגן אז פונעם קאצקער איז נישט דא קיין דברי תורה וואס איז נישט פארבינדן מיט דעם שארפן אנטי-שקר פיליזאפיע איז זיכער נישט ריכטיג. איך קען אויב ס'פאדערט דא נאכברענגן גענוג און נאך דברי תורה וואס וואלט געקענט שטיין אין ר' צדוק, אויב ברויכסטו איבערצייגונג קען איך ברענגן איך וויל פשוט יעצט נישט זיין כי ריכול ליזול וליחשב.
אין הקדמה פון בית יעקב שרייבט דער אייניקל (דאכט זיך ר' גרשון העניך טאקע) דער סדר ההשתלשלות פונעם זיידענס דרך החסידות, פונעם בעש"ט הק', דער רבי ר' בער, דער רבי ר' אלימלך, דע רעבין פון לובלין, (דער 'חוזה') דער 'ייד' וואס איז נסתלק געווארן בחיי רבו, דער 'רבי ר' בונם' פון פרשיסחא און אויף דעם שרייבט ער אז דער איזשביצער זיידע ר' מרדכי יוסף (בעל מי השילוח) איז געוועהן המורם מתלמידיו (
דא), פונעם רעבין ר' בונם! (דער רבי פונעם קאצקער)
און: "ואחר הסתלקות רבינו שמחה בונם זללה"ה שלש עשרה שנה סבל צער החבאת מערת עדולם שלא הגיע העת עדיין ללמד תורה ברבים בפרהסיא" (
דא)
ווער ס'האט נישט פארשטאנען מיינט ער די יאהרן וואס ער איז געוועזן אין קאצק.
און '
@ריעל פעייק ניוז' האט שוין דערמאנט דאס, אבער נישט מדוייק,:
real fake newsס'דא א ספר פון די ראדזינער (בעל התכלת) א הקדמה צו זיין טאטן'ס ספר בית יעקב, ווי ער רעכנט אויס די השתלשלות החסידות פון בעש"ט ביז עם, אין ער לאזט דארט אויס די קאצקער.
ככלל איז די הקדמה זייער לאנג און מקיף, אסאך טענות וואס מ'האט געהאט אויף דרכי המקובלים ודרך החסידות בכלל ודרך פרשיסחא ואיזשביצא בפרט.
און ער פארענטפערט אלעס דבר דבור על אופניו.
עד כאן וואס מ'האט אפגעלערנט אין ראדזין איבער די נקודה.
מצד שני, ווייס איך אז כקש"ת אדמו"ר הגה"צ ר' יצחק מאיר מארגענשטערן שליט"א ראש ישיבת 'תורת חכם' בעיה"ק ירושלים תובב"א
וואס טוט כידוע כסדר אסאך אין תורת קאצק ואיזשביצא, האב איך אמאהל געליינט אין זיינע קונטרסים א ביאור אז שפיץ נקודת קאצק האט ממשיך געוועהן דער איזשביצער
דאס הייסט, אז דער איזשביצער איז א המשך פון קאצק, (מיט א שינוי א ביסל, וועגן די נייע דערהער)
ס'איז נאך פארהאן א געוואלד וואס צו שרייבן, ועוד חזון למועד.
