מילתא דבדיחותא

ומעשה שהיה: איינער פון די (געוועזענע) פראסעקיוטארס אין דעם משפט אקעגן טראמפ אין דזשארדזשיע האט געשיקט א בילל פאר די רעגירונג פאר ארבעט וואס ער האט געטון. איין טאג האט ער געבילל'ט...24 שעה...! האבן די רעגירונגס מענטשן געפרעגט א קשיא. אזוי פלייסיג האסטו געארבעט? 24 שעות רצופות. האט ער זיך ארויסגעדרייט ווי א לאיער. די 24 שעה איז געווען פאר עטליכע טעג. נאר דער דאטום איז געשטאנען פאר איין טאג.

א בעל בשר האט אמאל געטראפן א מאגערע אינגערמאן, זאגטערעים, אז מען קוקט אויף דיר קוקט ליידער אויס ווי ס'איז דא א הונגער יאר, ענפערט אים דער דינער: און ווען מען קוקט אויף דיר פארשטייט מען פארוואס...

מענין לענין באותו ענין...

איך באקום אמאהל א טעלעפאון פון אן ארגעניזאציא אז ער נעמט צוזאם אלטע קליידער סוטס און בעקעטשע'ס פאר הונגעריגע מענטשען

האב איך איהם געזאגט אז... אויב פיט ער אריין אין מיין סוט... איז ער נישט הונגעריג

א איד איז אמאל אדורכגעגאגנען א געשעפט וואס אין די דיספלעי ווינדאו איז געווען א גרויסער זייגער. גייט ער אריין אין געשעפט און פרעגט דעם בעה"ב... איהר פאררעכט זייגערס? זאגט דער בעה"ב ניין, איך בין א מוהל. נו, דאמאלס פארוואס האט איהר א זייגער אין די פענסטער?... וואס דען זאל איך ארויסלייגן...!

למעשה וואס האט ער פארקויפט אין יענעם געשעפט?...

אפוינטמענטס:

בעניין די תוכחה פון פ' בחוקותי: אמאליגע צייטן אינדערהעים אין יוראפ איז געווען אן איינרעדעניש און מענטשן האבן "מורא" געהאט פון די תוכחה. האט מען געדינגען א מענטש, געוויינליך אן ארעמאן וואס ער זאל עולה זיין די תוכחה.

איז געווען אמאל אין א ביהמ"ד וואו דער מענטש פון די תוכחה איז אנגעקומען. ער האט זיך זייער שטארק געאיילט. ער האט אונטערגעיאגט דעם בעל קורא. האט מען איהם געפרעגט...ר' איד וואס איילט איהר זיך אזוי שטארק? האט ער געענטפערט...איך האב נאך 2 פלעצער וואו איך דארף אנקומען. עולה צו זיין. עטץ מיינטס אז פון איין תוכחה קענמען מאכן פרנסה?!

סתם אזוי #

פאלאצ'ינטא #

א איד איז אמאהל געקומען צו רב פרעגען...

איעדען טאג מאכט מען דריי ברכות...

שלא עשני גוי

שלא עשני עבד

שלא עשני אישה

פארוואס מאכט מען נישט נאך א ברכה? שלא עשני בהמה?

האט דער רב גע-ענטפערט... מחשש ספק ברכה לבטלה

ונ"ל אז דער רב האט גע-ענטפערט שיינערהייט...
Politically correct בלעז

ווייל באמת ווער עס פרעגט נאר אזא קשיא איז עס א ריכטיגע ברכה לבטלה

קרעדיט:ר מיילעך בידערמאן

נישט דער ונ"ל. דאס איז מיינס

טיעפ אינעווייניג איז באהאלטען ברכות...

מ'האט אמאל אנגעטראן א שידוך פאר א בחור. דער שדכן האט געזאגט אז די כלה איז א "יפת תואר". דער חתן האט זיך זייער שטארק געפרייט. ביז ער האט געזעהן די מדוברת. איז איהם שלעכט געווארן. רופט ער אן דעם שדכן און געט איהם א פסק...היתכן דו האסט געזאגט ליגנט... זאגט דער שדכן...איך האב געזאגט אז זי איז א יפת תואר...ברייט ווי א פאס. און זי האט א מויל ווי א טויער...!

berlbalaguleh #

[ציטאט אראפגענומען]

מ'האט אמאל אנגעטראן א שידוך פאר א בחור. דער שדכן האט געזאגט אז די כלה איז א "יפת תואר". דער חתן האט זיך זייער שטארק געפרייט. ביז ער האט געזעהן די מדוברת. איז איהם שלעכט געווארן. רופט ער אן דעם שדכן און געט איהם א פסק...היתכן דו האסט געזאגט ליגנט... זאגט דער שדכן...איך האב געזאגט אז זי איז א יפת תואר...ברייט ווי א פאס. און זי האט א מויל ווי א טויער...!

זייער שיין

נאך א פשט, א יפת תואר נאך די 30 טעג פראסעס

א איד אין ניו יארק האט אמאל באשלאסן אז ער גייט ארבעטן פאר די קעי. דזשי. בי. ער האט געהערט אז זיי צאלן זייער גוט.

איז ער געגאנגען צו די רוסישע עמבעססי און ער האט זיך אנגעטראגן אז ער וויל ארבעטן פאר זיי. זיי האבן איהם אנגענימען און געזאגט אז ער זאל זיך פארבינדן מיט זייער שפיאן, מר. גאלדבערג. אלס סימן אז ער איז דער ריכטיגער מענטש האבן זיי איהם געזאגט ער זאל זאגן דעם פאלגענדן סענטענס..."ס'איז א קאלטע נאכט אין בוקארעסט"... זיי האבן אים געגעבן אן אדרעס אין בראנקס. ער קומט אן צו די אדרעס זעהט ער אז דאס איז אן אפארטמענט בילדינג און ס'זענען דא 5 משפחות מיט דעם נאמען. האט ער אריינגעקלינגען צו איינעם פון זיי. ווען יענער מאכט אויף די טיר זאגט ער דעם "פסוק"...זאגט איהם יענער..אה, דו זוכסט דעם שפיאן גאלדבערג. ער וואוינט אויפ'ן דריטן שטאק אין די בעק...!

(געליינט אין דזשואיש פרעס מיט א סאך יארן צוריק.)

נ.ב.: ווער ס'שטאמט פון אונגארן און ער האט נאכנישט געכאפט דעם דזשאוק קען איך עס מסביר זיין...!

א פרוי קומט צום רב שבת צופרי און פרעגט איהם אז זי האט בטעות אריין געלייגט פעקל פוטער אין די טשולענט.

פרעגט איהר דער רב וויפיהל טשולענט איז אין טאפ?

און וויפיהל פוטער?

נאך הערען וואס זי זאגט ענטפערט ער אז עס איז בטל בשישים און מען מעג עס עסען.

נאך אפאר וואכען קומט זי צוריק צום רב געבען א יישר כוחך.

פארוואס? פרעגט דער רב

עעטפערט זי ווייל זייט זי לייגט אריין די בטל בשישים אין די טשולענט קומט עס אויס אסאך בעסער

די פאלגנדע מעשה איז אמת'דיג געעהן ביי ר' שמואל סאלנט, אב"ד ירושלים.

איין טאג ווען ער האט געהאלטן אינמיטן פארלערנען זין שיעור פאר די תלמידים קומט אריין א אידענע (פרוי/אשה) און זי פרעגט א שאלה...זי האט געהאט א לעבער פון א טשיקן אויף די פענצטער אין א טעללער. די קאץ האט אויפגעגעסן די לעבער. צי מעג מען עסן די טשיקן...די תלמידים האבן זיך איינגעהאלטן פון לאכן. די רבי האט זיי געווינקען אז זיי זאללן נישט לאכן. ער האט ארויסגענימען ספרים. אריינגעקוקט. פארמאכט. און ארויסגענימען אנדערע ספרים. נאך א שטיק צייט רופט ער זיך אן צו די פרוי...די טשיקן איז כשר צו עסן. נאר איהר זאלט נישט איבערלאזן די לעבער אז די קאץ זאל דאס קענען אויפעסן.

ווען זי איז ארויס האבן די תלמידים אויסגעשאסן אין א געלעכטער. זיי האבן זיך אויך געוואונדערט פארוואס זייער רבי האט גענימען די שאלה ערנסט. האט ער זיי מסביר געווען...אויב איך וואלט נישט גענימען ערנסט די שאלה פון די פרוי וואלט זי אויפגעהערט קומען פרעגן. אפילו ווען זי וועט האבן אן ערנסטע שאלה...!

אנאנים: דאס איז איינס און א גוטס. איך האב מיך געקוילערט פאר געלעכטער.

דאס דערמאנט מיך די מעשה פון די גמ' אין מס' פסחים. רב מתנא (וועלכער איז געקומען פון ארץ ישראל) האט אמאל ביי די שבת הגדול דרשה אין די שטאט פפוניא געזאגט אז מ'דארף נעמען מים שלנו פאר די מצות. צו מארגנס זענען אלע פרויען פון שטאט געקומען צו איהם אהיים מיט זייערע כלים און געבעטן אז די רבי זאל זיי געבן פון זיין וואסער. די רביצין האט נישט געוויסט וואס צו טון האט זי געפרעגט פון איהר מאן...וואס גייט דא פאר. פארוואס קומען אלע פרויען בעטן וואסער פון די רבי? האט ער זיך צולאכט...אוי, איך האב נעכטן ביי די דרשה געזאגט אז מ'דארף נעמען מים שלנו (איבערגענעכטיגט וואסער) האבן זיי פארשטאנען אז איך וויל מ'זאל נעמען אונזער וואסער...!

נאר די מעשה האט א המשך: פארוואס פארציילט אונז די גמרא די מעשה? די גמרא איז נישט געמאכט צו פארציילן פאני מעשיות. נאר די גמ' וויל אונז לערנען וואס הייסט אמונה פשוטה/אמונת חכמים. אפילו לויט זייער מיינונג האט די רבי געזאגט א זאך וואס מאכט נישט קיין סענס. דאך האבן זיי געפאלגט.

נאכדעים איז דא א מעשה (להבדיל פון די מעשה פון די הייליגע גמרא). אן אמת'ע מעשה שהיה. אין בארא פארק. פאר די לעצטע סטאפ פון מאנסי טרעילס באס, איז א פרוי צוגעקומען צו דעם דרייווער און זי זאגט איהם אז זי ווייסט נישט אויב זי מעג בלייבן אויפ'ן באס וועגן איסור יחוד. דער באסדרייווער, א שטיקל לץ האט איהר געזאגט זי זאל ווארטן איין מינוט. ער האט אנגעצינדן די לייט און אנגעטון זיינע ריעדינג גלעזער און איהר אנגעקוקט. און ער זאגט, ניין ס'איז נישט דא קיין חשש פון איסור יחוד...!

היימלינד #

[ציטאט אראפגענומען]

טיף אינעווייניג איז באהאלטן ברכות...

וועלכע ברכות? אשר יצר....?
חמת מלא צואה 😂

איינער איז אמאל געווען אין א האום , ער האט זעך באקלאגט אז זיין שכן מאכט זיך איין 3 מאל א יאר

ווינטער
זומער
און ווען סקומט אים אונטער

א ליטווישער גאדעל א ראש ישיבה קומט ארויף נאך 120 און מען פרעגט איהם אויב ער קען לערנען

לייגט ער אראפ א דרשה א פלפול פון 2 שעה אויף א רמב'ם

צום סוף קומט אן דער רמב'ם אליין און זאגט איהם... עס איז פאלש, דו האסט נישט פארשטאנען פשוט פשט.

נעעע, רופט זיך אן דער גאדעל וואס פארשטייט א פרענק צו א רמב"ם

דו וועיסט ניט? דער רמב"ם איז געווען א בריסקער. אויך א תלמיד פון וואלאזשין. ער האט נאך אלס 5 יעריג אינגל געקנעלט ר' חיים'ס.

עפסער האבן די פרענקן עיך געהאט א ראמבא"ם. נאר ר'איז ניט דער אונזעריגער...!

אויך: אין לוח פון כולל שומרי החומות איז דא א פיקטשער וואס שטייט דארט די פאלגנדע ווערטער...אידן לערנען משניות לעילוי נשמת די מנדבים.

די אינטרעסאנטע זאך איז אז די מענטשן זענען די זעלבע וואס זענען געווען אויף די פיקשטער פון לוח ווען איך בין נאך געווען א יונגל.

חלק גדול #

איינער איז אמאל געווען אין א האום , ער האט זעך באקלאגט אז זיין שכן מאכט זיך איין 3 מאל א יאר

ווינטער
זומער
און ווען סקומט אים אונטער

לאנגסאם זאגט אז ער האט אויף געהערט צו רייכערן, שוין אסאך יארן צוריק,
זייט דאנמאלץ רייכערט ער ממש קיינמאל, חוץ פון דריי זמנים אין יאר...
מוצאי תענית.
חול המועד.
און וואכן טעג…

berlbalaguleh #

די פאלגנדע מעשה איז אמת'דיג געעהן ביי ר' שמואל סאלנט, אב"ד ירושלים.

איין טאג ווען ער האט געהאלטן אינמיטן פארלערנען זין שיעור פאר די תלמידים קומט אריין א אידענע (פרוי/אשה) און זי פרעגט א שאלה...זי האט געהאט א לעבער פון א טשיקן אויף די פענצטער אין א טעללער. די קאץ האט אויפגעגעסן די לעבער. צי מעג מען עסן די טשיקן...די תלמידים האבן זיך איינגעהאלטן פון לאכן. די רבי האט זיי געווינקען אז זיי זאללן נישט לאכן. ער האט ארויסגענימען ספרים. אריינגעקוקט. פארמאכט. און ארויסגענימען אנדערע ספרים. נאך א שטיק צייט רופט ער זיך אן צו די פרוי...די טשיקן איז כשר צו עסן. נאר איהר זאלט נישט איבערלאזן די לעבער אז די קאץ זאל דאס קענען אויפעסן.

ווען זי איז ארויס האבן די תלמידים אויסגעשאסן אין א געלעכטער. זיי האבן זיך אויך געוואונדערט פארוואס זייער רבי האט גענימען די שאלה ערנסט. האט ער זיי מסביר געווען...אויב איך וואלט נישט גענימען ערנסט די שאלה פון די פרוי וואלט זי אויפגעהערט קומען פרעגן. אפילו ווען זי וועט האבן אן ערנסטע שאלה...!

וואלט זיך געפאסט מער אין אנאנדערן אשכול…
נאך נישט זיכער וועלעכע.
אבער נישט דא ביי די בדיחתא…
איך מיין אזוי, אפשר, וואס האלטסט דו?

היום: ייש"כ. זיכער דאס איז א שטארקער לימוד און גאר אן ערנסטע נושא. איך האב עס נאר געברענגט וועגן די "פאני" זייט פון די געשיכטע.
ועוד: מילתא דבדיחותא איז א גרויסע זאך פון וואס מ'קען זיך א סאך אפלערנען.

להבדיל פון ליצנות. ליצנות הייסט שפעטן/אפשפעטן, וואס גרעניצט זיך מיט אפיקורסות.

איך האב אמאל אויפגעמאכט אן אשכול איבער ווער ס'זענען די ליצני הדור וואס רש"י ברענגט ביי אברהם אבינו. ואלה תולדות אברהם. אברהם הוליד את יצחק. זאגט די הייליגע רש"י...שהיו ליצני הדור אומרים...מאבימלך נתעברה שרה...לפיכך צר קלסתר פניו של יצחק כאברהם. והיו כולם אומרים אברהם הוליד את יצחק...!

berlbalaguleh #

אויך: אין לוח פון כולל שומרי החומות איז דא א פיקטשער וואס שטייט דארט די פאלגנדע ווערטער...אידן לערנען משניות לעילוי נשמת די מנדבים.

די אינטרעסאנטע זאך איז אז די מענטשן זענען די זעלבע וואס זענען געווען אויף די פיקשטער פון לוח ווען איך בין נאך געווען א יונגל.

שפתותיהם דובבות בקבר...

Until I met my wife I always felt incomplete... now I'm finished."

Norman McDonald

<https://twitter.com/EvyatarS3625/status/1803340388008169554?ref_src=twsrc%5Etf"

צוויי פרויען טרעפן זיך, און איינער פארציילט פארן צווייטן אז פיינעלי נאך יארן ווארטן, זי איז פרעגנענט..
וויאזוי האסטו מצליח געווען? פרעגט די אנדערע

- איך בין געגאנגען צו א געוויסע רב אין באר שבע פאר א ברכה

איך און מיין מאן זענען אויך געווען ביי אים, אבער ער האט אונז נישט געקענט העלפן..

- אוואדע נישט, מדארף גיין אליינס...

דאס דערמאנט מיר אן ענליכע מעשה: אינדערהעים, אין מארמאראש אדער גאליציע אדער אונגארן איז געווען א תקופה ווען ס'איז געווען א שפע פון רבי'לעך און גוטע אידן. אזוי ווייט אז ס'זענען געווען רבי'ס ספעציאליסטן. איינער איז געווען גוט פאר שטארקע קאפוויי. א צווייטער פאר ציין ווייטאג. א דריטער פאר בויך וויי.

האבן זיך געטראפן צוויי אידענעס. פארציילט איינע פאר איהר חבר'טע...איך האב געהאט שטארקע קאפ וויי.איך בין געגאנגען צו דעם געוויסן רבי. זאגט איהר חבר'טע... אוי וויי וואס האסטו געטון? דער רעבא איז דאך פאר בויך וויי...!

נאך א מעשה: איינער האט אמאל געזעהן א "פרומער" איד אין ביהמ"ד דאוונט זייער ערליך. ער שאקלט זיך ווי א לולב ביי הושענות. ער קלאפט אין שטענדער. ער מאכט קולות. גייט ער צו צו איהם און פרעגט...דו האסט שוין פרובירט מיט גוטן?...!

א איד קומט צוריק פון זיין ווייב'ס לוי' און גייט ארויף די טרעפ פאר זיין הויז און פלוצלונג פאלט אראפ א ציגל פון דער הויז פונקט ארויף אויף זיין קאפ.

גיבט ער א שריי... שוין... איך זעה אז דו ביזט אנגעקומען

פון א ספר פון 1707.

📎 Screenshot_20240627_204218_Chrome.jpg

כרם זית #

פון א ספר פון 1707.


Screenshot_20240627_204218_Chrome.jpg

לא זכיתי להבין: ביטע זיי א ביסל מרחיב את הדיבור. ס'ארא שייכות די רישא האט מיט די סיפא. וכו'. אפשר 'עמיר דאמאלס קענען לאכן.

סייענטיסטן פון א געוויסע יוניווערזיטעט האבן דורכגעפירט אן עקספערימענט. זיי האבן אפערירט א מענטש בשעת ער איז געווען וואך און ארויסגענומען די רעכטע זייט פון זיין מוח און אים געבעטן צו ציילן ביז צען.

דער מענטש האט זיך גענומען צו ציילן: איינס, דריי, פינעף, זיבן, ניין...

דאן האבן זיי צוריקגעלייגט די חלק פון זיין מוח און ארויסגענומען די לינקע זייט פון זיין מוח, און אים ווידער געהייסן ציילן ביז צען.

דער מענטש האט זיך ווידער גענומען ציילן: צוויי, פיר, זעקס, אכט, צען...

דאן האבן זיי ארויסגענומען די גאנצע מוח און אים געבעטן צו ציילן ביז צען.

די מענטש האט זיך גענומען צו רעדן:

"איך האב די בעסטע נומערן, די מעכטיגסטע נומערן פון סיי וועמען. יעדער ווייסט אז איך קען ציילן ביז צען און יעדער ווייסט אז איך קען ציילן ביז צען בעסער פון יעדעם. איך קען בעסער ציילן פון א סקול טיטשער אדער מעטמעטישן. איך קען שוין אנפאנגען צו ציילן ביז צען, ממש די רגע. איך קען עס טון אן קיין שום פראבלעם, יעדער ווייסט דאס, פרענקלי צייל איך כסדר ביז צען אלל די טיים".

לערן זיך פון דיין בארד: וויפיל דו וועסט אים פליקן וועט ער נאר גרעסער ווערן .

berlbalaguleh #

דאס דערמאנט מיך די מעשה פון די גמ' אין מס' פסחים. רב מתנא (וועלכער איז געקומען פון ארץ ישראל) האט אמאל ביי די שבת הגדול דרשה אין די שטאט פפוניא געזאגט אז מ'דארף נעמען מים שלנו פאר די מצות. צו מארגנס זענען אלע פרויען פון שטאט געקומען צו איהם אהיים מיט זייערע כלים און געבעטן אז די רבי זאל זיי געבן פון זיין וואסער. די רביצין האט נישט געוויסט וואס צו טון האט זי געפרעגט פון איהר מאן...וואס גייט דא פאר. פארוואס קומען אלע פרויען בעטן וואסער פון די רבי? האט ער זיך צולאכט...אוי, איך האב נעכטן ביי די דרשה געזאגט אז מ'דארף נעמען מים שלנו (איבערגענעכטיגט וואסער) האבן זיי פארשטאנען אז איך וויל מ'זאל נעמען אונזער וואסער...!

נאך א מזל די מעשה פון די גמרא (מס' פסחים) איז נישט געשעהן היינטיגע צייטן אין ארץ ישראל ביי איינעם פון די באבא'ס. מ'וואלט שוין מפרסם געווען אויף זיין וואטס-עפפ סטאטוס אז ביי דעם געוויסן באבא הקדוש קענמען באקומען הייליגע וואסער, און אלע "מסורתיים" וואלטן געלאפן מיט זייערע פלעסטיק באטלעך צו קויפן די היייליגע וואסער. דער באבא וואלט געמאכט מיליאנען.

ביי די לויה פון מיין פעטער, ע"ה. א איד א גרויסער תלמיד חכם ומרביץ תורה האט איינער פון די מספידים, דער ס-----ץ'ער רב שליט"א אלס שכן פונ'ם נפטר (ער האט נאך געדאוונט דארט מנחה-מעריב און א סאך מאל שבתים. נאך ביי דעם פריער'דיגן רב) געזאגט אינמיטן די דרשה ווען ער האט זיך שטארק צופייערט...ר'--- ווען איהר וועט ארויפגיין צו בי"ד של מעלה זאלט איהר זאגן אז אונז (דא אין וויליאמסבורג) קענמיר שוין נישט אויסהאלטן פון די רשעות פון די ציונים. האטציך דער נפטר אנגערופן...גוט. כ'וועל איבערגעבן...!

מיין פעטער איז געווען אזוי ווייט פון די גאנצע זאך הן לטוב והן למוטב. זיין גאנצער קאפ איז געליגן אין תורה. שיעורי תורה פאר זיך און פארגעלערנט שיעורים ברבים אין ביהמ"ד. אויך האט ער געלערנט מיט די אידישע קינדערלעך אין ת"ת.

אין זיין יוגנט איז ער געווען א סוחר. אויך א גרויסער בעל צדקה.

ווער ס'האט זיך נאכנישט געווארפן פאר געלעכטער פון די מעשה'לע ביז אהער 'עמיר מסביר זיין. דער רב שליט"א. נישט קיין איבערגעשפיצטער האט פארגעסן אז די אלע זאכן האבן ביים נפטר נישט געהאט קיין שום שוויות.

מדי דברי: האביך מיך דערמאנט אן אנדערע טשיקאווע מעשה'לע פון א "פלאפ" וואס א רב א בעל מספיד האט געהאט ביי א לויה.

ווען מ'האט מספיד געווען מיין מומע, ע"ה האט דער בעל מספיד, א חשוב'ער רב שליט"א שטארק ארומגערעדט וויפיל די נפטרת האט זיך איבערגעגעבן אז די קינדער זאללן אויסוואקסן תלמידי חכמים און בני תורה. וואס זיי זענען ב"ה אויסגעוואקסן. לסיום האט דער רב געזאגט..."אונז זעהמיר דאך וויאזוי זיי זעהען "ליידער" אויס...עה עה ...ברוך ה'...!

די פסיכאלאגן רופן דאס אן א "פרוידיען סליפ"...! להבדיל אלף אלפי הבדלות די מוסר ספרים און די תלמידי הבעש"ט הק זאגן די זעלבע. אז וויאזוי דער הילוך המחשבה פון א מענטש איז דאס קומט ארויס בעל כורחו.

א בחור איז אמאל איינגעשטאנען ביי א צווייטן אין שטוב, מאכט זיך א נאכט ווען ער איז אהיימגעקומען און ער האט אפען געלאזט די טיר (וועגן יחוד צו וואס), איז געקומען א גנב און געטון דאס זייניגע.
אינדערפרי ווען די עקרת הבית האט געזען וואס דער בחור'ל האט אנגעוואורטשאפט האט זי גענומען א שטעקן און אים אריינגעגעבן מנה אחת אפים - למען ישמעו ויראו.

קומען זיי צום רב פאר א דין תורה, די פרוי שרייט ער דארף באצאלן פאר די אלע חפצים זייערע נאכן לאזן אפען די טיר, און דער בחור שרייט ער דארף קאמפענסאציע פאר די קלעפ מיטן שטעקן.

רופט זיך דער רב אן, עס איז די ערשטע דין תורה זיינע ווי די פרוי טענה'ט 'פתח פתוח מצאתי' און דער מאן טענה'ט צוריק 'מוכת עץ אני'...

דערמאנט מיר אז אמאל איז געקומען א אומוויסענדיגער בחור פון א"י צו העלפן א קעכער אין די קעטסקילס, דער בחור האט ליעב געהאט צו קלינען און שפריצן מיט’ן שלויך, דעם קעכער האט עס נישט געפאלן, און ער האט געשריבען צום בחור: " אסור לאחוז באמה - אבל מותר לסייע בביצים"... [שו"ע סימן ג’]

מיין טאטע זז"ג האט מיר דערציילט אז ווען די קעכערין פון די ישיבה איז אוועק האט דער מנהל איר מספיד געווען בקול בוכים און געזאגט = אזא חשוב'ע פרוי, פון איר עסען זענען דאך ארויס גדולים......

וויאזוי זאגט מען 'גוטע העררינג' און לשון הקודש?

שמועות טובות!
_______

וויאזוי זאגט מען 'געצוויבעלטע העררינג' און לשה"ק?

בְצִלְצְלֵי שָׁמַע!

מענין לענין באותו ענין
מרדכי היהודי איז געווען אנ'אינטערנאציאנאלע הערינג סוחר
הה"ד ושמעו הולך בכל המדינות.....

רש''י וואונדערט זיך שוין אויף יתרו ''מה שמועה שמע ובא'' ?

אוודאי שמאלץ....

נאופס
רש''י ענטפערט עפעס וועגן אן עמלק קוגל

עננטשולדיגט
די מאכסט דא א צימעס פון הערינג און קוגל....

דאס אריינשטעלן העריס אנשטאטס ביידן דורך די דעמאקרטישן פארטיי, דערמאנט מיר די מעשה פון יענקל שטינקאוויטש וואס האט זיך שטארק געשעמט מיט זיין נאמען און האט מחליט געווען צו טוישן צו משה שטינקאוויטש...

אלפא #

וויאזוי זאגט מען 'גוטע העררינג' און לשון הקודש?

שמועות טובות!
_______

וויאזוי זאגט מען 'געצוויבעלטע העררינג' און לשה"ק?

בְצִלְצְלֵי שָׁמַע!

מיט דעם זעלבען לש"ק ווי אזוי זאזגט מען tooth pick ?

שן חזיר

אזוי ווי דער ליטווישע חבר הכנסת האט געזאגט:

בעצם הכנסת הוא מקום טמאה כמו בית הכסא, ואין לחרדי ליכנס שם, אבל מה אעשה, הגדולים לוחצים.

מענין לענין באותו ענין
א בריסקער איז אריין אין היכל שלמה
א חבר האט אים געפרעגט = היתכן ? ווייסטו דען נישט אז דער רב ז"ל איז געווען גאר שטארק אקעגען אריין געהן אין היכל שלמה ?
האט ער געזאגט = אוודאי געוויס ! אבער דער רב ז"ל איז נאר געוועהן אקעגען אריין געהן אין היכל שלמה, אבער נישט אקעגען ארויס געהן אין היכל שלמה.....