מילתא דבדיחותא

תשפג #

ווי אין שמונה עשרה בעט מען פאר געלט?
ביי די ברכה פון ועל הצדיקים… ״ושים חלקינו עמהם״…

דערמאנסט מיר פון א ענדליכע ווערטעל
מטרעפט ביי תפילת שמונה עשרה יעדע סארט בקשה
דעת, תשובה, רפואה, פרנסה, גאולה וכו'
פארוואס בעהט מען נישט פאר א גוטע וויקאציע?
מזאל טרעפען א גיטע ווילא, א גוטע פול, די קינדער זאלען נישט משוגע מאכען, וכדומה?
דער תירץ איז אז מ'בעהט יא
"ושים חלקנו עמהם"..............

אן עלטערער יוד האט זיך אזוי אויסגעדריקט אין מקוה און מיטן א העפטיגן שמועס צווישן די יונגערלייט איבער די שטייגענדיגע געז פרייזן,
״איך ווייס נישט ווי די גאנצע נושא איז נוגע, ווען אימער די געז לעמפל אין מיין קאר צינד זיך אהן, פאר איך אריבער צום געז סטעישן און פיל אהן פאר $20 רעגולאר - שוין 50 יאר אלעמאל די זעלבע״…

פוילישע פעפער #

תשפג #

ווי אין שמונה עשרה בעט מען פאר געלט?
ביי די ברכה פון ועל הצדיקים… ״ושים חלקינו עמהם״…

דערמאנסט מיר פון א ענדליכע ווערטעל
מטרעפט ביי תפילת שמונה עשרה יעדע סארט בקשה
דעת, תשובה, רפואה, פרנסה, גאולה וכו'
פארוואס בעהט מען נישט פאר א גוטע וויקאציע?
מזאל טרעפען א גיטע ווילא, א גוטע פול, די קינדער זאלען נישט משוגע מאכען, וכדומה?
דער תירץ איז אז מ'בעהט יא
"ושים חלקנו עמהם"..............

א איד איז געפארן קיין פלארידא צו מיאמי ביעטש, ווייל אסאך צדיקים ליגן דארטן.

שמן למאור #

א איד איז געפארן קיין פלארידא צו מיאמי ביעטש, ווייל אסאך צדיקים ליגן דארטן.

דארט ווי מען טרעפט די רבי/עושר בעירום ובחוסר כל…

תשפג #

ווי אין שמונה עשרה בעט מען פאר געלט?
ביי די ברכה פון ועל הצדיקים… ״ושים חלקינו עמהם״…

מענין לענין, גייט וויירעל יעצט

דרעזנער זאגט אויף קול מבשר תמחה את זכר עמלק - מיינט מען "לרבות אחיך הגדול"....

פארציילט מען אויף איינער פון די אמאליגע חזנים, וואס האט שוין נישט אזוי שטארק געהאלטן ביי יודישקייט, האט זיך עהם אמאל געמאכט א פיינעם קאנטרעקט ביי א פרומען שול, האט ער זיך פרום צוגעשטעלט.
איין שבת צופרי האבן צוויי פון די ראשי קהילה אריינגעוואקט צו עהם און צימער און עהם געכאפט מיט א אנגעצינדערנער צוגאר און מויל, עס איז געווארן אזא אומבאקוועמער שטילקייט דארט, ביז ער האט זיך געגעבן א כאפ, און זאגט זיי ״אנטשאלדיקט, אבער איך בין יעצט פארנימען, איך קען נישט יעצט רעדן, קומט צוריק און אזא נאך א האלבע שעה״.
ווען זיי זענען צוריק געקומען האבן זיי עהם געטראפן אנגעטיען און טלית און תפילין.
פרעגן זיי ״ס׳איז דאך שבת היינט, תפילין לייגסטו?״
שטעלט ער אהן אויף זיי א פאר דערשראקענע אויגן,
״היינט איז שבת? אוי וויי איז מיר!, איך האב דאך פריער פארויכערט א צוגאר״…

עשרת ימי תשובה שטייען יודן ביים וואסער צו זאגן תשליך.
קומט דארט אהן איינער, זאגט שנעל אפ די פסוקים און ווארפט אריין א פאר הויזן און רעקל אין וואסער אריין.
״הלו רעב יוד!״ שרייט צו עהם איינער, ״ מען דארף נישט! מען דארף נישט!, בס״ה איז דא אזא מנהג פון אויסשאקלען די טאשען, נישט מער פון דעם!״
״מישט אייך נישט אריין און זאכן וואס איר ווייסט נישט״, ענפערט צוריק דער ווארפער.
״וואס הייסט? וואס איז דא מער צו וויסן דא?״ פרעגט ער עהם.
״דארפסט פארשטיין״ איז דער ווארפער מסביר, ״ביי מיר איז עס נישט נאר די טאש פראבלעמאטיש, די גאנצע אנצוג איז א גע׳גנב׳עטער״….

א משגיח אין ישיבה רופט אריבער א בחור, פרעגט עהם, ״ס׳איז אמת וואס איך הער אויף דיר?״
״וואס הערט דער משגיח?״
״לעצטענס הער איך אז די נעמסט פון די סחורה… די ווייסט.. דיע וואס מאכט הויעך… אמת?״
״און פון ווי ווייסט דאס דער משגיח״? פרעגט דער בחור
״איך האב זיך מיינע מקורות״ זאגט דער משגיח, ״עוף השמים יוליכי את הקול״…
״אזוי?״ ענפערט די בחור, ״צום משגיח רעדן פייגלעך, און איך בין אויף דראגס?״…

סאיז געוועהן איינער וואס איז אריין געקומען איו א היט געשעפט און געזאגט םאר די בעה"ב
איך גיי זיכען פארקינג פאר מיין קאר, איך בעהט דיך האלט די פרייז פאר מיר ביז איך קום צרויק...................

איינער איז אמאל ארויף אויפן סקעיל און ער האט זיך צואמגעקוועטש זיין בויך.
זאגט אים איינער עס מאכט נישט אז מען זאל וועגן ווייניגער!!
ענטפערט אים יענער איך וויל פשוט זען די נומבערס...

עס זענען ארויפגעקומען אויף א ערעפלאן 3 מענטשן א איד א גוי און א אראבער... און די פיילאט קומט צו צו זיי און זאגט: פליז גייטס אראפ פון די ערעפלאן איך דארף נישט קיין דזשאוקס דא.....

ווי אזוי זאגט מען אויף ספאניש "איינציגע באשעפער"???
אנא השם...

פורים נאכמיטאג, שטעלט א פאליציי אפ חאטצקל׳ס קאר.
״וואס איז די פראבלעם?״ פרעגט חאטצקל פון דער פליצאנט.
״דיין קאר פארט נישט גראד אויפן לעין״ זאגט דער פאליס, ״די ווילסט מיר מסביר זיין פארוואס?״
״קוק מיך אהן״ זאגט ער פארן פאליס, ״היינט איז פורים ביי אונז, און איך בין שוין געווען פארברענגען היינט דא און דארט, איך האלט שוין נאכן טרינקען אזא 12-10 כוסות וויין״.
״אזוי״ צולאכט זיך דער פאליס, ״אהא!, גוט, גוט, יעצט פארשטיי איך פארוואס די האסט געלאזט דיין ווייב דרייוון״…

פוילישע פעפער #

ווי אזוי זאגט מען אויף ספאניש "איינציגע באשעפער"???
אנא השם...

דארף מען מסביר זיין פאר די וועלכע קענען נישט ספאניש. אין ספאניש הייסט "אנא" איינס.

יעצט נאך די בחירות אין אלעד האט א טאטע געזאגט פאר זיין בחור איך לאז פון אלעם רעדן ביים שבת טיש חוץ פון "אידישקייט"...

פון אונזערע #

יעצט נאך די בחירות אין אלעד האט א טאטע געזאגט פאר זיין בחור איך לאז פון אלעם רעדן ביים שבת טיש חוץ פון "אידישקייט"...

ועזהד״ר
האט מען ביי ״געוויסע״ געטוישט די נאמען פון שבת ״שקלים״ אויף שבת ״(א)יודישקייט״…

עלטערן פון א יונגל האבן געוואלט וויסן וויאזוי ער ווערט אויסוואקסן ווען ער ווערט זיין גרויס.
האבן זיי עהם אנגעגרייט א טיש מיט דריי זאכן, א גמרא, א הינדרטער, און א פלאש וואדקא,
וועט ער זיך זעצט לערנען וועט ער וואקסן א ת״ח, וועט ער נעמען די געלט וועט ער וואקסן א סוחר, וועט ער פאלן צום טרינק וועט ער נעבעך זיין א שיכור.
בקיצור, דער יונגל קומט אהיים, זעהט די דריי זאכן אויפ׳ן טיש, ער געט א לייג אריין די געלט און טאש, טרינקט אויס די פלאש, און זעצט זיך שאקלען איבערן גמרא…
די עלטערן קוקן זיך אהן איינער אין צווייטנס אויגן אריין מיט שוידער.

דער וואקסט אונז דא א חבד׳טסקער…

א יעקע׳ר און א גער׳ער זענען אריין אין א ביזנעס בשותפות.
דער יעקע׳ר האט געהאט געלט אבער נישט קיין עקספיריענס, ער האט אריינגעלייגט דאס געלט, דער גער׳ער האט געהאט די עקספיריענס.

נאך א יאר האט דער גער׳ער געהאט די געלט און די יעקע׳ר האט שוין געהאט די עקספיריענס…

דער ראש הקהל מיטן חזן האבן זיך עפעס מיעס צוקריקט, עס איז געגאנגען הויעכע קולות אויף טישן און בענק.
דער ראש הקהל האט געטענ׳עט אז דער חזן האט זיך צו עהם מתחצף געווען, און דער חזן האט געשריגן ״וואס? פאר זיין גרויסן איגו דארף איך זיך בייגן?״
פארשטייט זיך אז דער גאנצער קהל איז געווארן פארמישט לכאן ולכאן, און עס איז געווארן הויעך יום טוב דארט, ביז דער ראש הקהל האט מער נישט צוגעלאזט דעם חזן צום עמוד.
דער רב האט געזעהן אז עס איז נישט קיין תכלית אזוי, האט ער אריבער געריפן דעם חזן זעהן וואס מען קען דא שטיל מאכן.
בקיצור, נאך א דין ודברים איז געבליבן, אז דער רב וועט פארשרייבן א קורצען נוסח פון עפאלעשי, וואס דער חזן וועט פארליינען הויעך שבת נאכן ליינען, הארט פאר מוסף, און דאן וועט ער גלייך קענען אנהייבן דאווענען צוריק אלץ חזן.
קומט שבת אינדערפרי, דער גאנצער עולם איז שוין שטיל, דער חזן נעמט ארויס דאס פארגעשריבן צעטעלע, און נעמט זיך פארלייינען מיטן נוסח פון בתמיה, ״מורי ורבותי, האב איך דעם ראש הקהל געטשעפט?
וויל איך עהם יעצט איבערבעטן? פון היינט און ווייטער וועל איך מער נזהר זיין אין זיין כבוד?״
און דער חזן דרייט זיך אויס צום עמוד און הייבט אהן קדיש…
פארשטייט זיך שוין אליינס וואס פון דעם שלום איז ארויס…
רופט דער רב אריבער דעם חזן און האלט עהם אפיר,״ הזאת נעמי? דאס האבן מיר אפגעמאכט?״
זאגט דער חזן ״ווערטער ארויף ווערטער אראפ, דאס איז נישט אזוי מיין ליין, אבער די נוסח, וויאזוי צו זינגען די תנועה, דאס בין איך דאך שוין דער מבין״…

א ספרדישער יוד האט שטארק געוואלט א בן זכר, צו זיין בושות האט ער יעדעס יאר צוויי געהאט נאך א מיידל…
פיינעלי נאך 11 מיידלעך איז דער לאנג ערווארטעטער יונגעל עהם אנגעקומען.

ערב יום כיפור פאר כל נדרי זענען אלע קינדער אין די רייע עהם אריבער ווינטשען א גוט יאר, ער געט יעדען א האג מיט א ברכה, צום סוף שורה ווען ער קומט אהן צום בן זכר דערלאנקט ער עהם א געזונטען פראסק, ווען ער זאגט עהם ״די זעהסט די אלע דא? זיי זענען אלע צוליב דיר״…

פארציילט מען אן אמת׳ע (?) מעשה אויף ר וועלוועלע בריסקער, אז ער האט אמאל בייגעגנט א חסיד וואס האט עהם געבעטן פייער צו אנצידן א סיגאר, נאכן געבן האט ער אנגעמערקט פאר׳ן חסיד אז ״אינטרעסאנט אז א הייסע חסיד דארף צוקימען צו מיין פייער״…
האט עהם דער חסיד גלייך גע׳ענפערט אז עס שטייט דאך שוין ביים מזבח, אז אפילו עס איז געווען פייער פון הימל, נאךאלץ ״מצוה להביא מן ההדיוט״…

איז ער געגאנגען צום זיין טאטען, בריסקער רב, און פארציילט ווי דער חסיד האט עהם גוט געענפערט.
האט עהם זיין טאטע געזאגט, יא, איך ווייס שוין לאנג אז מיט חסידים הייבט מען זיך נישט אהן, פון ווי? ווייל ביי ברכות ועל הצדיקים שטייט קודם צדיקים נאך דעם חסידים נאך דעם זקני שארית, איז עס לכאורה נישט און סדר ווייל א חסיד איז גרעסער פון א צדיק משא״כ זקני שארית זענען נאך קלענער, גייט עס ארויף אדער אראפ?
נאר, איז ער מסביר, לעולם גייט עס מיטן סדר אראפ, ד.ה. קודם די מער חשובע, אבער צדיקים שטייען קודם, ווייל מיט חסידים הייבט מען נישט אהן….

מאמר העולם ער איז פון די חסידי אומות העולם, האט זיך א ליטפאק פארקנייטשט די שטערן וואסי פשט? פארוואס זאגט מען די מאמר ’’חסיד’’ אפשר כשר אומות העולם
האט ער געזאגט ווייל עס איז הלכה בידוע שעשו שונא ליעקב אויב איז ער נישט מקיים די הלכה ’’מיז ער זיין א חסיד’’! ודפח’’ח

היום: די ליטפאקעס קענען אויך גוט צוריק ענפערן...

דער רומענער פויער פלעגט זיך שטארק צו וויינען אויפ׳ן איכה ניגון ביי מגילת אסתר ״ובביזה לא שלחה את ידם״….

קומען אריין צוויי בחורים פאר פורים אין דער לאקאלער וואל מארט,
זיי בעטן דער גוי וואס שטייט ביי די עלעקטראניקס זאל זיי ארויס ברענגען א ספיקער.
פרעגט זיי דער גוי, ״זאגטס נאר, ענק פלאנען עס צוריקציברענגען נעקסטע וואך נאך פורים? אויב יא, נישט קיין פראבלעם, נאר טוט׳סט מיר א טובה, און נעמטס דא פון די אפענע באקסעס״…

היום #

א יעקע׳ר און א גער׳ער זענען אריין אין א ביזנעס בשותפות.
דער יעקע׳ר האט געהאט געלט אבער נישט קיין עקספיריענס, ער האט אריינגעלייגט דאס געלט, דער גער׳ער האט געהאט די עקספיריענס.

נאך א יאר האט דער גער׳ער געהאט די געלט און די יעקע׳ר האט שוין געהאט די עקספיריענס…

היום: איך וויל נישט פארמינערן דעם שמייכל פון דיין (געלונגענעם) דזשאוק. נאר אט די עצה האט א געוויסער רבי געגעבן פאר זיין חסיד וואס איז זיך געקומען שואל עצה זיין איבער אן ענליכן מצב. האט איהם די רבי געזאגט אט די ווערטער...היינט האסטו די געלט און ער די עקספיריענס. ווען דו וועסט איהם געבן די געלט וועט ער האבן ביידע. און דו קיין איינס נישט. על כן ביניך דיר מייעץ אז דו זאלסט נישט טון דעם געשעפט.

ס'מיר נישט קלאר וואס דיין פוינט איז דא?
אז אויב מען פרעגט אן עצה פון א רבי ווערט מען געראטעוועט? אסאך מאל...
אז א פיפיגער סוחר קען ארייננארן א יוד מיט געלט? עס קען זיין פארקערט אויך...
כבוד פאר כ"ק מרן אדמו"ר מ"געוויסע רבי" שליט"א? זאג ווער ער איז...
סיפורי צדיקים? אהא! א געלט מעשה פאר מוצאי שבת? אפשר איז ער גאר געווען א מתנגד?...

תימה!

א חשובער טוען איז געזיצן שבת נאכמיטאג און געלערנט חושן משפט,
קומט איינער צו צו אים און זאגט אים נו שבת ביסטו עוסק אין דיינע וואכענדיגע געשעפטן?
האט ער געענטפערט קענסט זיכער זיין אז ביי דין תורה ווערט נישט דערמאנט קיין ווארט פון חושן משפט...

שמעקעדיג #

אקעי בערל, איך גלייב... איך פרוביר מיך צו פיקטשערן א 92 יאריגע איד ארומלויפן... סארי ס'ארבעט עפעס נישט 🙄

יעצט נאך די 88 יעריגע פירסט טיים טאטע, איז עס שוין גרינגער צו אימעדזשענען?

היום #

יעצט נאך די 88 יעריגע פירסט טיים טאטע, איז עס שוין גרינגער צו אימעדזשענען?

😂 😂 😂 😂

היום #

ס'מיר נישט קלאר וואס דיין פוינט איז דא?
אז אויב מען פרעגט אן עצה פון א רבי ווערט מען געראטעוועט? אסאך מאל...
אז א פיפיגער סוחר קען ארייננארן א יוד מיט געלט? עס קען זיין פארקערט אויך...
כבוד פאר כ"ק מרן אדמו"ר מ"געוויסע רבי" שליט"א? זאג ווער ער איז...
סיפורי צדיקים? אהא! א געלט מעשה פאר מוצאי שבת? אפשר איז ער גאר געווען א מתנגד?...

תימה!

איך האב עס געליינט בשם א געוויסן רבי, איך געדענק שוין נישט.
דו קענסט עס ארויפשמירן אויף סיי וועלכן רעבי'ן דו ווילסט.

מיינע אפציעס דערווייל זענען:

יארמער רב,
פעסטער רבי,
חאטצאצקער רבי,
בארדיטשעווער.
פונטער רב.
בעלאנער רבי.

העלף מיר ארויס דא,
אויף וועמען שמירט זיך גוט?

היום #

קומען אריין צוויי בחורים פאר פורים אין דער לאקאלער וואל מארט,
זיי בעטן דער גוי וואס שטייט ביי די עלעקטראניקס זאל זיי ארויס ברענגען א ספיקער.
פרעגט זיי דער גוי, ״זאגטס נאר, ענק פלאנען עס צוריקציברענגען נעקסטע וואך נאך פורים? אויב יא, נישט קיין פראבלעם, נאר טוט׳סט מיר א טובה, און נעמטס דא פון די אפענע באקסעס״…

ס'איז טאקע פאני: נאר ליידער באזירט אויף אן אמת. אונזער היימישער עולם האט (געהאט?) א מנהג צו גיין "קויפן" עיר קאנדישאנערס אנהייב זומער ביי וואל-מארט. און צוריקברענגען נאכ'ן זמער פאר מ'איז אהיים געפארן פו די קאנטרי.

יא. מ'האט פארגעסן צו זאגן א יישר כח.

אונז זעמיר אין "גוטע" קאמפעני. איך בין אמאל געווען ביי האום דיפאו. האב איך געהערט ווי אן (אפריקאנער אמעריקאנער) גוי איז געשטאנען און גערעדט אויפ'ן טעלעפאן. זאגט ער צו איינעם..."דו דארפסט נישט זארגן איכ'ל נעמען א לייטער. צו ענדיגן דעם דזשאב נאכדעים וועל איך עס צוריקברענגן.

והך קאווע. אומר ועושה. ער איז צוגעגאנגען צו אן ארבעטער און ער האט איהם געבעטן א הויכע לייטער. ע"מ עס צוריקצוברענגען ווען די דזשאב איז פארטיג.

היום #

מיינע אפציעס דערווייל זענען:

יארמער רב,
פעסטער רבי,
חאטצאצקער רבי,
בארדיטשעווער.
פונטער רב.
בעלאנער רבי.

העלף מיר ארויס דא,
אויף וועמען שמירט זיך גוט?

דו קענסט עס ארויפשמירן אויף אלע: אזוי ווי ס'שטייט אין שמונה עשרה על הצדיקים. און ועל כולם יתברך.

דער שטאטס גנב האט אמאל געמאכט א ברית בשטו״מ, איז דער מוהל געקומען פרעגן פונם רב, צו ער מעג עסן פון דער סעודה?.
האט דער רב געהייסן דעם מוהל צו ווארטן אביסל ביז ער וועט מברר זיין.
דער רב געלאזט אריבער רופן דער גנב, און געכאפט א שמועס מיט עהם אזוי ביני לבינך.
״זאג נאר, אז עס מאכט זיך אמאל א געלעגנהייט שבת צו לייגן די האנט אויף א גוטן גניבה, ווי אזוי ביסטו זיך נוהג?״.
״מ׳גייט און מ׳גנב׳עט״ ענפערט די גנב.
״און אז סאיז טינקל און מען דארף לעכטיג מאכן מיט א לעכט אדער עפעס?״
״צינט מען אהן״.
״און אז עס איז פארשפארט און מען דארף ברעכן שלעסער?״
״ברעכט מען״.
״און וואס איז מיט גוים? קומט אויך אויס צו גנב׳ענען פון זיי?
ענפערט די גנב מיט א שמייכל, ״וואס? ווייל ער איז א גוי דארף ער פארדינען? גוי׳איש געלט איז עפעס ווייניגער ווערט?״…
״אהא״ פרעגט דער רב״ און אויב טרעפסטו דארט טריפה פלייש אדער חזיר, נעמסטו דאס אויך?״
״פארוואס נישט? איך פארקויף דאס פאר גוט געלט אויפ׳ן גוי׳אישן מארקעט״.
״פארוואס עסטו עס נישט?״ פרעגט דער רב.
״וואס?״ עפענט דער גנב אפאר גרויסע אויגן אויפ׳ן רב, ״איך? עסען טרפות? חזיר פלייש?״
״אזוי?, אינטרעסאנט!״ ווינדערט זיך דער רב, ״גנב׳ענן? יא! אנצינדן לעכט און ברעכן שלעסער אום שבת? דאס אויך יא! אבער עסען נישט כשר, דאס נישט? וואס איז? איז דאס עפעס א גרעסערע עבירה?
״אחח! דער רב פארשטייט נישט״… איז זיך די גנב מסביר מיט א פשטות, ״גנב׳ענען און ברעכן שלעסער, דאס איז דאך מיין פרנסה! אבער עסען טריפות, קיינמאל! בין איך דען נישט א יוד?״…
שוין, דער רב האט עהם געלאזט גיין.

זאגט דער רב פאר דעם מוהל, ״זעהט מיר אויס אז אלץ כשרות המאכלים איז נישט קיין פראבלעם צו עסן דארט, געב נאך גוט גוט אכטאנג אויף דיינע חפצים, וואס ער קען נאך זעהן אלץ זיין ״לצורך פרנסה״…

דערמאנסט מיר פון א ענדליכע ווארט
פארוואס הייבט זיך די מגילה אן ויהי בימי אחשורוש און נישט מיט אסתר?
ווייל מיט א פרוי הייבט מען זיך נישט אן...

פון אונזערע #

יעצט נאך די בחירות אין אלעד האט א טאטע געזאגט פאר זיין בחור איך לאז פון אלעם רעדן ביים שבת טיש חוץ פון "אידישקייט"...

און א וואך שפעטער נאך די חופה אין גער האט איינער געזאגט: "איך האב קיינמאל נישט געוויסט אז בחירות איז אידישקייט און א חופה איז פאליטיק..."

ר' יצחק לעבאוויטש מוואדירזש האט געזאגט ביים די גיוס מערכה אז די חילוק צווישן האחים האדמו״רים מסאטמאר איז אז:

מהר״א צינדט אן די בלינקערס אויף לינקס, אבער אייביג פארט ער רעכטס.

מהרז״ל צינדט אן די בלינקערס אויף רעכטס, אבער אייביג זעט ער זיך אויף די לינקע זייט.

יעצט ביי די פעטוועי מערכה איז די זעלבע!!!
@Krishkes

חלק פין די גרויסען נס פורים איז, אין אסתר מגדת. אז אסתר האט גיקענט האלטן א סוד.

The hardest thing about a perpetual commotion machine is where to hide the batteries.

Hugh Rawson

דער ק******** רבי האט זיך געשטעלט שבת זכור מיט א הארבן קשיא,
וואס האט אונז אזוי שלעכט געטיען דער עמלק אז מען דארף עהם אזוי עוקר מן השורש זיין מיט זיינע פיר קוגלעך?
האט דער רבי מסביר געווען אז די תורה שרייבט קלאר דער סיבה דערביי… ווי עס שטייט אין פסוק, אשר קרך… אז די קוגלעך זענען נישט גענוג הייס…
און ווען דער אייבישטער וועט העלפן, מען ווען אויסמעקן דעם עמלק, דאן וועט די קוגל זיין הייס ווי עס דארף צו זיין…

היום #

דער ק******** רבי האט זיך געשטעלט שבת זכור מיט א הארבן קשיא,
וואס האט אונז אזוי שלעכט געטיען דער עמלק אז מען דארף עהם אזוי עוקר מן השורש זיין מיט זיינע פיר קוגלעך?
האט דער רבי מסביר געווען אז די תורה שרייבט קלאר דער סיבה דערביי… ווי עס שטייט אין פסוק, אשר קרך… אז די קוגלעך זענען נישט גענוג הייס…
און ווען דער אייבישטער וועט העלפן, מען ווען אויסמעקן דעם עמלק, דאן וועט די קוגל זיין הייס ווי עס דארף צו זיין…

כידוע, איז דער רבי׳ס עבודה ביי די קוגלעך געווען עפעס גאר גרויס…

ווי ער האט זיך כמה פעמים אזוי אויסגעדריקט מיט השתוקקות,
אז ״הלואי ווען דער קוגל וואלט ווען געווען אזוי גרויס ווי דער מקוה, און דער מקוה אזוי הייס ווי דער קוגל״…

כהער זאגן אז די נטורי קרתא האבן באקומען א הודעה אז פון האנט און ווייטער טאר מען נישט מאכען הבדלה אויף ביעור
ווייל סאיז חמר מדינה...

סאיז געוועהן איינער וואס האט פארלוירען זיין בערזעל
נאך א וואך צייט פון זיכען איז ער געוואר געווארן אז זיין ברידער האט עס
זייט דעמאלטס זיכט ער זיין ברידער...

שיח שרפי קודש: מעשה ונפגשו שני גדולי הדור, כבו"ק אדמו״ר הקדוש מסאדיגורה והכ"ק מגור. תחת אחד השיחים החלו השניים לפלפל כדרכם בדברי תורה בעומק העיון.

פתח כבו"ק הינוקא פיו בחכמה ואמר לאדמו״ר הקדוש מגור את שעלה ברעיונו:

מה הריבוי של במילה "את" בפסוק מחה תמחה את זכר עמלק?
אשתומם שעה חדא אך איהו מותיב לה ואיהו מפרק: הלא שנינו, את לרבות אחיך הגדול.

ענה לו כ״ק הגה״ק מגור ברגע כמימריה: והלא גמרא מפורשת היא, את לרבות תלמידי חכמים!

ואלו ואלו דברי אלוקים חיים

טרעף איך א בחור אין ביהמד ארויסנעמען די סטעפל'ס פונעם ברסלבע גליון, אויף מיין וואונדער פארוואס טוסטו דאס? זאגט ער מיר זייער פשוט, פין איעדע זאך קען מען ארויסנעמען עפעס א גוטע זאך...

היום #

היום #

דער ק******** רבי האט זיך געשטעלט שבת זכור מיט א הארבן קשיא,
וואס האט אונז אזוי שלעכט געטיען דער עמלק אז מען דארף עהם אזוי עוקר מן השורש זיין מיט זיינע פיר קוגלעך?
האט דער רבי מסביר געווען אז די תורה שרייבט קלאר דער סיבה דערביי… ווי עס שטייט אין פסוק, אשר קרך… אז די קוגלעך זענען נישט גענוג הייס…
און ווען דער אייבישטער וועט העלפן, מען ווען אויסמעקן דעם עמלק, דאן וועט די קוגל זיין הייס ווי עס דארף צו זיין…

כידוע, איז דער רבי׳ס עבודה ביי די קוגלעך געווען עפעס גאר גרויס…

ווי ער האט זיך כמה פעמים אזוי אויסגעדריקט מיט השתוקקות,
אז ״הלואי ווען דער קוגל וואלט ווען געווען אזוי גרויס ווי דער מקוה, און דער מקוה אזוי הייס ווי דער קוגל״…

און אודאי מיז מען דערמאנען די מעשה הידוע מיט דער גרויסער ירושלמי שטריימל קוגל וואס מען האט איין פרייטאג צונאכטס אראפ געלייגט אויפן טיש, פארנט פונם רבי׳ן.
און פלוצלינג איז געשעהן א בלעק-אוט און ס׳איז געווארן טינקל, נאך א קורצע וויילע ווען די לעקטער האט זיך צוריק גע׳עפנט איז נתגלה געווארן א ליידיגע קוגל טאץ אהן א ברעקל איבער געבליבן.
זאגט דער רבי, איך וועל אייך מגלה זיין וואס איז געשעהן דא בשעת ס׳איז געווען טינקל, אז מלאכים ושרפים זענען געקומען כאפן הייליגע שיריים פון מיין קוגל, און עס איז גארנישט געבליבן….
רופט זיך אהן א יוד דארט ביים עק טיש, ״רבי אינטרעסאנט אז די מלאכים ושרפים האבן אהין געלייגט אפאר געבליבענע לאקשען פארקניפט אין דעם רבי׳נס בארד״…

פון וואו ווייסט מען אז אחשורוש איז געווען א גערער חסיד?

שטייט אין די מגילה אז אסתר האט געזאגט:

ואני לא נקראתי לבוא אל המלך זה שלושים יום...

שמן למאור #

פון וואו ווייסט מען אז אחשורוש איז געווען א גערער חסיד?

שטייט אין די מגילה אז אסתר האט געזאגט:

ואני לא נקראתי לבוא אל המלך זה שלושים יום...

באלאנגט אין מאחורי...

דיין מגילה ליגט אויך מאחורי?