זאכן וועלכע רעגן מיר אויף!

שמעקי איך ערלעדיג שוין 2 קרעסטירער אייניקלעך (פאר די רייט פרייס קען זיין א מנין פון זיי) זאלן קלאפן ביי דיר אין טיר, וויפיל גייען זיי באקומען?

ווען איך בין איינער אדער אפילו ביידע פון די משולחים וואלט איך געזאגט כהאי לישנא: הערט מיך אויס ר' שמעקעדיג. אזוי ווי אונז קומען שוין ממילא אינוועידן דיין פרייוועסי וויל איך דיר געבן א קורצע רשימה פון וואס אונז האבן באמערקט אז דו טוסט נישט ריכטיג: (א) דו האסט נישט געמאכט א ברכה אויף די פאטעיטאס בורא פרי האדמה. אלס דין קדימה בברכות: ב)( אונז האבן באמערקט אז ס'וואלגערט זיך ארום ביי דיר אויפ'ן פלאר א טמא'נע ענגלישע ציוניסטישע צייטונג המודיע: ג) אין ספרים שאנק ליגט ביי דיר א מעשה ביכל געדרוקט דורך הוצאת ירושלים איבערגעדרייט: ד) דיין קליין יונגל וואס איז נאך נישט אינגאנצן טוילעט טרעינד דרייט זיך ארום אן א טלית קטן. די רשימה איז נאך לאנג. ווען איך בין אויף דיין פלאץ, כאפ איך אן די צוויי יונגעלייט ביי די האנט און זאג אז זיי זאלן פארמאכן די טיר אויף די אנדערע זייט. אדער כ'וואלט זיי לכתחילה נישט אריינגעלאזט. קעיס קלאוז'ד. גוט שבת.

מחוצפים. א וואלט זיי געזאגט. עטס כאפטס נישט קיין רמז? געט אוט!!!

לצים.... רוב פון די זאכן איז נישטא ביי מיר. המודיע האט נאך נישט איבערגעטרעטן די שוועל פון מיין טיר...
און איך האב נישט א קינד דעי עידזש.

דעם שבת בינעך געווען ביי א קידוש פון א חבר. מען האט געענדיגט דאווענען, זעץ איך מיר אראפ ביים טיש, נעקסט צו א פיינעם טאץ קעיק. נאך איידער איך האב עספיעט צו נעמען א סלייס, זענען אנגעפאלן א באנדע בחורים און אינגלעך, און פארצוקט דעם גאנצן טאץ, אן איבערלאזן אפילו איין סלייס פאר די בעלי בתים וועלכע זענען געזעצן דארט ביים טיש.

דאס זעלבע האט פאסירט ביי די קוגל. מען האט אראפגעלייגט א טעלער קוגל ממש נישט ווייט פון מיר, און איך האב שוין אויסגעשטרעקט מיין גאפל צו נעמען א סלייס, און פון אונטער מיין האנט האט א בחור ארויסגעשלעפט דעם טעלער און אויסגעליידיגט דעם אינהאלט!

מחוצפים? חזירים? יו נעים איט!

וואו איז אביסל דרך ארץ? פארוואס ווען איך בין געווען א קינד וואלט איך זיך נישט געוואגט צו טון אזוינס! כ'האב מיך דאן געטרייסט אז ווען איך וועל ווערן א טאטע וועלן די ראצערס האבן דרך ארץ פאר מיר!

Poor שמעקעדיג! 🙄

הה"ד בעקבתא דמשיחא חוצפא יסגי, ונערים פני זקנים ילבינו.

לאדיך אפ

מחוצפים. א וואלט זיי געזאגט. עטס כאפטס נישט קיין רמז? געט אוט!!!

איך וואלט נאך צוגעלייגט א פאר גלענצנדע לשונות צווישן די צוויי ווערטער געט און אוט.

שמואל הלוי

הה"ד בעקבתא דמשיחא חוצפא יסגי, ונערים פני זקנים ילבינו.

ברוך שכיוונתי. כ'האב אים געוואלט געיבן דעם זעלבן ענטפער נאר ד'האסט מעך מאקדעם געווען.

עס רעגט אויף די שטאטע בעלי תפילות וואס מיינען זיי טוהן דעם אויבערשטען א טובה ווען דער עולם קראכט פין זיי.

שמעקעדיג

לצים.... רוב פון די זאכן איז נישטא ביי מיר. המודיע האט נאך נישט איבערגעטרעטן די שוועל פון מיין טיר...
און איך האב נישט א קינד דעי עידזש.

דעם שבת בינעך געווען ביי א קידוש פון א חבר. מען האט געענדיגט דאווענען, זעץ איך מיר אראפ ביים טיש, נעקסט צו א פיינעם טאץ קעיק. נאך איידער איך האב עספיעט צו נעמען א סלייס, זענען אנגעפאלן א באנדע בחורים און אינגלעך, און פארצוקט דעם גאנצן טאץ, אן איבערלאזן אפילו איין סלייס פאר די בעלי בתים וועלכע זענען געזעצן דארט ביים טיש.

דאס זעלבע האט פאסירט ביי די קוגל. מען האט אראפגעלייגט א טעלער קוגל ממש נישט ווייט פון מיר, און איך האב שוין אויסגעשטרעקט מיין גאפל צו נעמען א סלייס, און פון אונטער מיין האנט האט א בחור ארויסגעשלעפט דעם טעלער און אויסגעליידיגט דעם אינהאלט!

מחוצפים? חזירים? יו נעים איט!

וואו איז אביסל דרך ארץ? פארוואס ווען איך בין געווען א קינד וואלט איך זיך נישט געוואגט צו טון אזוינס! כ׳האב מיך דאן געטרייסט אז ווען איך וועל ווערן א טאטע וועלן די ראצערס האבן דרך ארץ פאר מיר!

Poor שמעקעדיג!

איך בין נאך קיינמאל נישט געווען ביי דיר אין שטוב צו וויסן דעם פונקטליכן מצב. אבער כ'האב געוואלט אראפלייגן א בילד וויאזוי ס'זעהט אויס ווען מ'איז עובר אויף די כללים פון מענטשליכקייט, אפילו מיט גוטע כוונות. די יודן וואס גייען נאך געלט זענען צדיקים און איך נעם זיי אויף בסבר פנים יפות. אבער ס'איז דא צייטן ווען מ'קען נישט. דאס דארף מען פארשטיין.
לגבי דעם צווייטן ענין פון וואס דו רעדסט דיך אפ, האב איך געגעבן דעם זעלבן ענטפער וואס שמואל הלוי שליט"א.

נ.ב.: איך זעה אז איך האב שוין ב"ה פיר רינגעלעך האב איך געוואלט מקיים זיין דעם מאמר חז"ל: אינו דומה לשונה פרקו שש מאות פעמים לשונה פרקו שש מאות פעמים ואחד.

איחוד פעלד

עס רעגט אויף די שטאטע בעלי תפילות וואס מיינען זיי טוהן דעם אויבערשטען א טובה ווען דער עולם קראכט פין זיי.

כ'האב שוין מציע געווען פאר די גבאים אין מיין ביהמ"ד אז ווען ס'גייט צו צו מוסף א בעל תפילה וואס האט ליב צו הערן זיין אייגענעם קול און ער ציעט אויס דאס דאווענען זאל מען קודם געבן קידוש.

שמעקעדיג

דאס זעלבע האט פאסירט ביי די קוגל. מען האט אראפגעלייגט א טעלער קוגל ממש נישט ווייט פון מיר, און איך האב שוין אויסגעשטרעקט מיין גאפל צו נעמען א סלייס, און פון אונטער מיין האנט האט א בחור ארויסגעשלעפט דעם טעלער און אויסגעליידיגט דעם אינהאלט!

קוגעל?
דיין שוהל האט נישט קיין "תקנות"?
נו, קיין וואונדער אז מחוצפים וואקסען דארט אויף

עס רעגט מיך אויף אז עס איז נאכנישט דא קיין app פאר קאווע שטיבל.

אז נאכ'ן מצטט זיין און שרייבן א תגובה איז מיר די סיסטעם מודיע אז מען קען נישט מצטט זיין מער ווי פיהר, ער האט מיר דאס נישט געקענט מודיע זיין גלייך ביים מצטט זיין, פאר איך האב געשריבן?

נו שוין, יו ליוו ענד לורן.

קאווע טרינקער

שמעקעדיג

דאס זעלבע האט פאסירט ביי די קוגל. מען האט אראפגעלייגט א טעלער קוגל ממש נישט ווייט פון מיר, און איך האב שוין אויסגעשטרעקט מיין גאפל צו נעמען א סלייס, און פון אונטער מיין האנט האט א בחור ארויסגעשלעפט דעם טעלער און אויסגעליידיגט דעם אינהאלט!

קוגעל?
דיין שוהל האט נישט קיין "תקנות"?
נו, קיין וואונדער אז מחוצפים וואקסען דארט אויף

ס'פעלט נישט קיין "מחוצפים" בעיקבתא דמשיחא אפילו וואו ס'איז יא דא "תקנות". איך האב אליין געזעען אין א היימיש ביהמ"ד וואו בחורים וואס זענען אנגעקומען צו מוסף האבן זיך גענומען איבער'ן טשאלנט און האבן עס ערלעידיגט נאך פאר די עלטערע אידן האבן "געהאט א טשנס" טועם צו זיין דערפון.

איך זע די עולם האט אסאך זאכן וואס דאס רעגט זיי אויף... עטץ נעמטס אלע פילן פאר די בלוט דרוק?

ונבנתה העיר

אז נאכ'ן מצטט זיין און שרייבן א תגובה איז מיר די סיסטעם מודיע אז מען קען נישט מצטט זיין מער ווי פיהר, ער האט מיר דאס נישט געקענט מודיע זיין גלייך ביים מצטט זיין, פאר איך האב געשריבן?

נו שוין, יו ליוו ענד לורן.

רוב מאל לאזט ער עס יא אדורך. נאר אמאל, פונקט ווען דו האסט א גוט'ס פארטשעפעט ער זיך.

ברוך השם סאיז לעצטענס זײער רואיג שוין א לענגערע צײט װאס קײנער רעגט זיך נישט
אינז האמיר זעט אויס אלעס מתקן געװען פארשטײט זיך צוליב אינזערע גרויסע עבודה דעם שובבים
והכל על מקומו יבא בשלום

sunbar

עס רעגט מיך אויף אז עס איז נאכנישט דא קיין app פאר קאווע שטיבל.

קענסט דיך רעגן ביז מארגען, אפילו די גרויסע מעכטיגע איי-וועלט-דאט-קאם האט נאכנישט קיין עפפ, דארט האט מען שוין כמה פעמים פראבירט עפעס אויסצוארבעטען ולא עלתה בידם וועגן די פילע שוועריגקייטן מיט וואס עס איז פארבינדן.
טו בעד!

petergrifin

ברוך השם סאיז לעצטענס זײער רואיג שוין א לענגערע צײט װאס קײנער רעגט זיך נישט
אינז האמיר זעט אויס אלעס מתקן געװען פארשטײט זיך צוליב אינזערע גרויסע עבודה דעם שובבים
והכל על מקומו יבא בשלום

אוי האסטו מיר אויפגערעגט יעצט 😈 😈 😈 😈

איך קום אריין אין א פרעמד ביהמ''ד פאר א שחרית און דער עולם סטאפט נישט פעגערען ... איינער מוז גיבן שלום עליכם בשעת איך דריי מיר דע פיאות .... און דער צווייטער מאכט זיכער מיך צו צו געבן אן עליה.....
i mean bug off!!

נו אוודאי אז דו דרייסט זיך ארום אפענערהייט מיט cash, נישט קיין וואונדער אז מען לעקט זיך צו דיר.

איך רעג מיך מיט פולע כעס אויף דעם אינגערמאן וואס זאגט ברכת השחר הויעך אויפן קול אין קאווע שטיבל (די עכטע) בשעת איך טרינק קאווע. גיי דיר אין בית-מדרש, דא שמועסט מען!

און אויף דעם אינגערמאן וואס טרינקט קאווע אין ביהמ"ד רעגסטו זיך נישט אז דא דאווענט מען, טרינק נישט דא! ???

ניין. ווייל אונזערע בתי מדרשים זענען קלאב'ס, אזוי פסקנט צאנזע רב (דער וואס האט געאסרט מאשין מצות).
ס'האט נישט קיין שום קדושה. ס'איז דעם רבי'ן דיינוג רום, דארט דאווענט; עסט; פראווערט; זינגט; וויינט; וכו'.
ס'איז זיין זאל (אולם) פאר וואך-נאכט'ס, ניחום אבלים, קבלת פנים'ס, וכו'.

קאווע טרינקער

ס'האט נישט קיין שום קדושה

חלילה אזוי צו רעדן/שרייבן, אפילו פאר א דזשויק.

שמואל הלוי

קאווע טרינקער

ס'האט נישט קיין שום קדושה

חלילה אזוי צו רעדן/שרייבן, אפילו פאר א דזשויק.

איך רעד אין פאל קאווע טרינקער געפינט זיך דארט.

אה, ב"ה געווען א פורים, מקיים געווען אזויפיל געוואלדיגע מצוות אין איין טאג, משמח געווען אזויפיל אידישע קינדער (ובתוכם מיר אליינס), און אוועקגעטיילט א פארמעגן מיט געלט (וואס כאב נישט). אבער אז חז"ל זאגן כל הפושט יד נותנים, מאכט מען נישט קיין חשבונות, מען גיבט און מען טיילט אן קיין חשבונות, און מען האפט אז דער רבש"ע וועט באצאלן כפלי כפליים.
ביי מנחה אליין האב איך מסתמא פארטיילט קרוב צו 50 דאלער, כ'האב ממש נישט געקענט אטעמען, קינדער און בחורים און אפילו אינגעלייט שלענגלען זיך אין די רייע, אלע דארפן אנקומען צו מיין קוואדער אדער מחצית השקל מטבע...

פארשטייט זיך אז ביי שחרית איז קיין סך גרינגער נישט געווען, אבער עכ"פ אז מען לייענט די מגילה קען מען דאך נישט מפסיק זיין און מען קען נישט גיין נאך געלט, איז כאטש געווען א שטיקעלע הפסקה פון די געלט גייער.
ביי מעריב נאך 10 ביינאכט זענען זיי ווייטער געגאנגען, די דוא-דעיט פון כל הפושט יד נותנים האט שוין עקספייערט; אבער ביי חסידים -- ווי מען האט קיינמאל נישט מקפיד געווען אויף מאדערנע פונקטליכקייט, און זאגאר אריינגעצויגן די ימי השמחה אינעם קומענדיגן טאג -- האט בכלל נישט אויסגעזעהן ווי די געלט-גייערס פוס הייבט אן וויי צו טאן. פארקערט גאר, ס'איז געווען בבחינת וקול השופר הולך וחזק, וקווי ה' יחליפו כח, דער אפעטיט איז געקומען מיטן עסן. זייער בעקישע האט שוין געהאנגען אויף דער ערד פונעם שווערן וואג פון אלע קוואדערס אין די טיפע טאשן, אבער אם לא עכשיו אימתי, מען דארף קאלעקטן ווי מער! היינט איז פורים; מארגן איז אויס. נו, האט מען ווייטער געטיילט בסבר פנים יפות, בפרט אז דער קאפ איז נאך נישט געווען אויפן פלאץ פונעם משתה היין, און מען האט נישט צופיל ארייגעטראכט צי ס'איז לאגיש צי נישט.

היינט צופרי, שושן פורים, אויסגעניכטערט און אויסגעשלאפן, איך קום זיך אריין מיט א געמיטליכן שמייכל אין ביהמ"ד, מיט די טלית אויפן פלייצע, לשם יחוד, מען גייט דאווענען רואיג, עס הערשט א יו"ט'דיגע שטימונג, דער עולם איז אנגעטון בגדי שבת ויו"ט, אפאר דרייסטע חברה האבן נאך דעם רבי'שן שלאף קאפל, און א טייל די רבי'שע קאפטענעס פון נעכטן, א מחי' צו קוקן.

אבער... ער וואקסט ווידעראמאל ארויס פון דער ערד! א ראצערל קומט קלאפן, אין זיינע צארטע הענט ליגן 4 קוואדערס, און שרייעט אויס: צדקה! א צווייטער קומט צו: הכנסת כלה! און זיי נעמען מיך ארום ווי די בינען, סבוני כדבורים, זיי גייען נאך פון נעכטן?

איך בין שוין אויסגעליידיגט, אויסגעמאטערט, איך פארמאג שוין נישט קיין דאלער, איך ווארט קוים ס'זאל זיך שוין איינקעשן די השפעות פון פורים פאר אביסעלע קעש, און די חברה לאזן נישט קיין מנוחה!

האלא? טראג דיך אפ פון דאנעט!! נעכטן א גאנצן טאג האסטו טעראריזירט יעדן איינעם, פיין! גוד לאק טו יא, ס'איז געווען דיין טאג, אבער אלעס האט א שיעור, גענוג איז גענוג! לאמיך אויך אביסל הנאה האבן פונעם יו"ט, פארגינסט מיר נישט אביסל רואיגקייט? שטילע 5 מינוט? ווילסט טאקע איך זאל אנטלויפן פון ביהמ"ד?

עס וואלט געדארפט ארויסקומען א תקנה אז די אלע געלט גייער זאלן בלייבן איינגעמאכט אום שושן פורים! איך פארשטיי אז יעדע פרוטה וואס דו האסט נעכטן געמאכט האסטו אויסגעטיילט "בו ביום" און ביסט געבליבן אויסגעזעקלט (נעבעך!), אבער איך בין נישט דיין ATM, האסטו געהערט?? טראג אפ פון דא! פארשטאנען?

שמעק ווען דו בעיטסט די באשעפער פרנסה ווילסטו אז די אייבישטער זאל דיך זאגען האסט שוין נעכטען געבעטען היינט געב איך נישט??? איך מיין אז נישט אז דו אייבישטער זעיט אז דו געבסט אן חשבונות וועט ער דיך צוריק געבען אן חשבונות

שמעקעדיג, איך פארשטיי דיין אנטריסטונג, אבער דו דארפסט נישט ווערן אזוי אויס מענטש. יענער מעג בעטן, און דו מעגסט אפזאגן. גיב א שמייכל מיט'ן מויל, א ציה מיט די פלייצע, און פאר א נויט, אן עפן מיט די האנט, ווי צו זאגן, אז דו גייסט פאר הכנסת כלה, מעגסטו וויסן אז איך האב חתונה געמאכט א האלב יאר צוריק, אפשר גיבסטו מיר טאקע אפאר דאלער?

@יאיר, איך שרייב עס טאקע מיט א אויפגערעגטן פנים (עס איז דאך א אשכול פאר זאכן וואס רעגן אויף!), אבער כ'נעם נישט די זאכן אזוי ערנסט ווי איך שרייב דא, דאנט ווארי...
אפשר ביסטו מיר דן לכף זכות אז איבערדרייען מיין האנט אזויפיל מאל און וויייזן אז "כ'האב נישט" איז שוין אויך צופיל, די האנט טוט מיר שוין וויי דערפון? איך דארף גיין צו א קייראפראקטאר אדער מאסאזש-טעראפיסט זאל מיר אויסרייבן דעם האנט?

@לעמיל, וואס נאך טוט זיך אין הימל?..

שמעקעדיג

@לעמיל, וואס נאך טוט זיך אין הימל?..

עס טוט זיך צו זאל מען דן זיין שמעקעדיג לכף זכות אז ער האט אלקהאל און זיך איז פארדעים איז ער אונגעצויגען אז מ'בעיט אים געלט אדער חליחה....

לעמיל

שמעקעדיג

@לעמיל, וואס נאך טוט זיך אין הימל?..

עס טוט זיך צו זאל מען דן זיין שמעקעדיג לכף זכות אז ער האט אלקהאל און זיך איז פארדעים איז ער אונגעצויגען אז מ'בעיט אים געלט אדער חליחה....

און ווי אזוי קוקט מען אן דעם לעמיל? ער הערט זיך אונטער וואס ס'גייט פאר דארט אויוון, וואס גאט זאגט, און וועם ער איז דן, און דערציילט עס איבער פאר די דרי מטה.

@שמעקעדיג, נישט געזארגט, מארגן גייען זיי צוריק אין חדר\כולל\ישיבה.

שמעקעדיג

@יאיר, איך שרייב עס טאקע מיט א אויפגערעגטן פנים (עס איז דאך א אשכול פאר זאכן וואס רעגן אויף!), אבער כ'נעם נישט די זאכן אזוי ערנסט ווי איך שרייב דא, דאנט ווארי...
אפשר ביסטו מיר דן לכף זכות אז איבערדרייען מיין האנט אזויפיל מאל און וויייזן אז "כ'האב נישט" איז שוין אויך צופיל, די האנט טוט מיר שוין וויי דערפון? איך דארף גיין צו א קייראפראקטאר אדער מאסאזש-טעראפיסט זאל מיר אויסרייבן דעם האנט?

קען זיין אז איך בין נאאיוו, אבער דער בילד ווי מיליאנען קינדער, בחורים, און ערוואקסענע מענטשן גייען נאך געלט עמיוזט מיך פשוט. די קינדער און בחורים טוען עס אזוי פראגראמירט אז פורים גייט מען נאך געלט, אז ס'זעט אויס ווי ס'פאלט זיי פשוט נישט איין צו טון עפעס אנדערש זיך צו ענדזשויען אין אזא טאג. בעת גוי'אישע קינדער וואלטן שוין געווען איינגעזינקען אין סעקס, דראגס, און אלקאהאל אין אזא טאג, זענען אונזערע קינדער פארנומען אויסצושטרעקן די הענט ווי ראבאטן און דער איינציגסטער ציל איז ארויסצוגיין מיט מער געלט סוף טאג - צו גיבן פאר א צווייטן איד. איז דאס נישט וואונדערליך?
ווייטער די ערוואקסענע מענטשן, איז פון איין זייט טוט מיר וויי אז אזויפיל מענטשן זענען נעבעך אין חובות בדרך כלל צוליב די נארישע peer pressure וואס הערשט ביינאונז. אבער פון די צווייטע זייט, איז דאס נישט א מעכטיגע המצאה וואס נאר די חסידים וואלטן געקענט אויסטרעפן?, קיינער האט נישט קיין געלט, און אלע ארימעלייט בעטן געלט פון אנדערע ארימעלייט וועלכע וועלן צוריקבעטן דאס געלט פון די פריערדיגע ארימעלייט... א בחינה פון לכו והתפרנסו זה מזה (אויך מיר א פרנסה).

געפילטע פיש

לעמיל

שמעקעדיג

@לעמיל, וואס נאך טוט זיך אין הימל?..

עס טוט זיך צו זאל מען דן זיין שמעקעדיג לכף זכות אז ער האט אלקהאל און זיך איז פארדעים איז ער אונגעצויגען אז מ'בעיט אים געלט אדער חליחה....

און ווי אזוי קוקט מען אן דעם לעמיל? ער הערט זיך אונטער וואס ס'גייט פאר דארט אויוון, וואס גאט זאגט, און וועם ער איז דו, און דערציילט עס איבער פאר די דרי מטה.

@שמעקעדיג, נישט געזארגט, מארגן גייען זיי צוריק אין חדר\כולל\ישיבה.

איך הער נישט וואס טוט זיך און הימעל אבער דעיס האב איך אמאל געהערט פון א גוטע איד און עס איז מיר געפאלען האב איך עס דא איבער געזאגט זה הכל

לעמיל, איך האב דאס קיינמאל נישט געזאגט.

Home work?????

ווי אזוי קען זיין אז קיינער האט נאכנישט געשריבן וועגן די פארווייטאגטע נושא??

כבר דשו בו רבים. קענסט רעדן צום דופן!
די איינציגסטע עצה היינט איז נאר מיט מסירה... (דזשאסט קידינג)

שמעקעדיג

אפשר ביסטו מיר דן לכף זכות אז איבערדרייען מיין האנט אזויפיל מאל און וויייזן אז "כ'האב נישט" איז שוין אויך צופיל, די האנט טוט מיר שוין וויי דערפון? איך דארף גיין צו א קייראפראקטאר אדער מאסאזש-טעראפיסט זאל מיר אויסרייבן דעם האנט?

געהערט אמאל פון א גוטן איד, וואסע טאקע פשט פון די תנועה וואס מען הייבט אזוי די האנט ארויף ווען מען האט נישט צו געבן?
דאס איז ווייל מען הייבט די הענט צום באשעפער מיט א תפלה "געב מיר אסאך געלט צו קענען טיילן".

יאיר

ווייטער די ערוואקסענע מענטשן, איז פון איין זייט טוט מיר וויי אז אזויפיל מענטשן זענען נעבעך אין חובות בדרך כלל צוליב די נארישע peer pressure וואס הערשט ביינאונז. אבער פון די צווייטע זייט, איז דאס נישט א מעכטיגע המצאה וואס נאר די חסידים וואלטן געקענט אויסטרעפן?, קיינער האט נישט קיין געלט, און אלע ארימעלייט בעטן געלט פון אנדערע ארימעלייט וועלכע וועלן צוריקבעטן דאס געלט פון די פריערדיגע ארימעלייט... א בחינה פון לכו והתפרנסו זה מזה (אויך מיר א פרנסה).

ווי האט יענער ירושלמי געזאגט, איך לערן אויס מיינע קינדער צו קענען גוט שנארן, אזוי וועלן זיי האבן א פאך אין די האנט, און נישט דארפן צוקומען לידי מתנת בשר ודם...

שמעקעדיג

@יאיר, איך שרייב עס טאקע מיט א אויפגערעגטן פנים (עס איז דאך א אשכול פאר זאכן וואס רעגן אויף!), אבער כ'נעם נישט די זאכן אזוי ערנסט ווי איך שרייב דא, דאנט ווארי...
אפשר ביסטו מיר דן לכף זכות אז איבערדרייען מיין האנט אזויפיל מאל און וויייזן אז "כ'האב נישט" איז שוין אויך צופיל, די האנט טוט מיר שוין וויי דערפון? איך דארף גיין צו א קייראפראקטאר אדער מאסאזש-טעראפיסט זאל מיר אויסרייבן דעם האנט?

@לעמיל, וואס נאך טוט זיך אין הימל?..

@ שמעקעדיג, האסט ריזיג אראפגעלייגט די מצב, אבער איך דערמאן מיך פון יארען צוריק ווען כ'בין ארויס א צופאטשעטער פורים זיך פארלאזט אויף כמה וכמה גבירים און גארנישט געמאכט, שושן פורים בין איך געגאנגען אין די הייזער אלע קינדער זענען געוועהן אינדערהיים און ס'איז נישט געווהן א שטוב וואו מ'האט מיר נישט געגעבען, כ'האב נאך קיין איין יאר נישט געמאכט אזויפיל פורים!!!
און דאס וואס דו ווילסט וויסען וואס טוט זיך אין הימל, ס'איז א באקאנט ווארט אז מ'זאל געבען צדקה אפילו אז מ'ווייסט אז יענער האט אז די אייבישטער זאל דיר אויך געבען א מתנת חינם, אפשר טראכסטו אז ס'קומט זיך דיר סתם אזוי?!

מיר האט געבאדערט די חוצפה פון א קליינעם 8 יעריגס וואס איז געשטאנען אויף די גאס נאך געלט מיט בלויזע דאלערס מיט אזא קאנפידענס אז ער דארף נישט האבן טשעינדזש אויב איינער וועט אים בעטן, איך האב אים בלית ברירה געמוזט געבן א גאנצן דאלאר.

זר זהב

מיר האט געבאדערט די חוצפה פון א קליינעם 8 יעריגס וואס איז געשטאנען אויף די גאס נאך געלט מיט בלויזע דאלערס מיט אזא קאנפידענס אז ער דארף נישט האבן טשעינדזש אויב איינער וועט אים בעטן, איך האב אים בלית ברירה געמוזט געבן א גאנצן דאלאר.

ס'געווען מיין יונגעל, און מיין איידיע. יא, ס'האט געהאלפן.

קאווע טרינקער

לעמיל, איך האב דאס קיינמאל נישט געזאגט.

דבורה האט מיך עס נאך געזאגט פון דיך, האסט פארגעסען איך האב איר דיך אונגעשדכנט??

זר זהב

מיר האט געבאדערט די חוצפה פון א קליינעם 8 יעריגס וואס איז געשטאנען אויף די גאס נאך געלט מיט בלויזע דאלערס מיט אזא קאנפידענס אז ער דארף נישט האבן טשעינדזש אויב איינער וועט אים בעטן, איך האב אים בלית ברירה געמוזט געבן א גאנצן דאלאר.

על טעם וריח... מיר האט עס גראדע זייער דערפרייט זענענדיג ווי אימער קליינע קינדער מיט אזא שטארקע קאנפידענס... הגם אז זייערע טאשן האט געהאנגן פון די קליין געלט וואג, דאך האבן זיי געהאט אזא שמייכעל אויפן פנים כאילן זיי פארשטיין נישט אז מען קען געבן רעשט פון א דאלער.

איך האב אויך געהאט אזא קליינעם דרייסטן מחוצפ'ל, א דאלער ברויך ער, עפעס ווייניגער שטעלט אים נישט צופרידן.
כ'האב אים געגעבן א פעני און געפרעגט צי ער האט רעשטע.. ער האט מיר געגעבן אזא בליק און אפגעצויגן פון מיר בשעת איך וואקל זיך פאר געלעכטער...

(מעשה שלא היה)

די גויטעס קומען יעדעס יאר און זאגען צעדאקע, א חברה ציגיינערס, איך האב איינעם געזאגט אז איך גיב זי א דולר אויב זי זאגט שמע, זי האט מיטאמאל פארשטאנען פין וואס איך רעד.

א חוצפה.

כ' מיין אז ס' שטייט אז פורים זאל מען געבן אויך פאר גוים וואס בעטן

למדן

כ' מיין אז ס' שטייט אז פורים זאל מען געבן אויך פאר גוים וואס בעטן

כ'ווייס נישט עפעס עקסטער פאר פורים, אבער נאדיר א לשון הגמרא אין גיטין דף ס"א עמוד א': "מפרנסים עניי נכרים עם עניי ישראל... מפני דרכי שלום". און אזוי ווערט אויכעט צוגעברענגט אינעם רמב"ם הלכות עבודה זרה פרק י' הלכה ח'.און אין רמ"א אין הלכות צדקה [נישט געטראפן אויפן מינוט] פסק'ענט אזוי. און אזוי האבן צדיקים וגדולים זיך געפירט!

איחוד פעלד

די גויטעס קומען יעדעס יאר און זאגען צעדאקע, א חברה ציגיינערס, איך האב איינעם געזאגט אז איך גיב זי א דולר אויב זי זאגט שמע, זי האט מיטאמאל פארשטאנען פין וואס איך רעד.

א חוצפה.

אין שומרי שבת שול אין ב.פ. האט זיך געדרייט א גוי וואס האט געשריגן "צעדאקע" און ביי קדושה האט ער געקענט זאגן די ערשטע צוויי ווערטער "נקדישך ונעריצך".

סקען זײן אז אײנער האט זיך שוין גערעגט דא אבער װיפיל איז די שיעור פון די ראבא קאלס פון די אײגענע מוסדות איעדען
טאג מינימאם אײן פאן קאל פון א מאשין װאס בעט געלט געלט געלט געלט געלט!!!!! געניג שוין לאז לעבן
מען ריפט אלעמאל אינדערפרי פארמיטאג נאכמיטאג פארנאכטס בײנאכט שפעט בײנאכט א גאנצע װאך אפילו יעצט אהאלבע שעה
נאך די זמן אין דורךן װאך בשעת איך ארבעט און שטײ אויפען לײטער עני טײם מקען פײניגען פלאס איעדע צװײטע װאך ריפט פערזענליך
אײנער פין די אנגעשטעלטע פשוט אויף צי באריוהגען די נערװען אין בעט נאך אביסל אפשר דאך װיפיל קענסטו געבן קען איך שיקן אײנער אויפ פיקען אפאר דאלער װי ביסטו
אײ מין קאם אן איך בין גארנישט שילדיג פאר שכר לימוד איך האב סך הכל געזאגט אז װען איך װעל קענען װעל איך געבן עטץ מוזט
נישט פײניגען!!!!!!!

שכוח פאר מיך אויס הערן איך פיל שוין בעסער

צוליב דיין גראבן ניק מיינען זיי אז דו האסט אסאך איבריג געלט צו פרעסן...