נאר,,פרייליךרפאלנאר,,פרייליךדא האט איר נאך עטוואס אינפא. מהנעשה והנשמע על שטח הבית עלמין
זעהט מער אביסעל איבער די שקרים מחצר המתיר מלפנים המתפטר (רייבעד)
<a class="postlink" href="https://docs.google.com/file/d/0B_mdv1cAHgS5YTBRTE1wOWxDUmc/preview?pli=1">https://docs.google.com/file/d/0B_mdv1c ... view?pli=1</a>
@נאר,,פרייליך. עס איז אינטערעסאנט צו זעהן ווי דו ברענגסט א גאנצן צייט ראיות לסתור דבריך.
איך האב
אויבן צוגעברענגט וואס דער ראב"ד שרייבט אז די
לעכער (פירים) זענען נישט גענוג גרויס צו קענען דארט אראפ נידערן א מת אן קיין בזיון, מען רעדט דא פון די
לעכער פון אויבן און נישט פון די
מערות צו וואו די לעכער פירן.
משום איזה סיבה האסט נישט געפיהלט פאר וויכטיג זיך מתייחס צו זיין צו מיינע ווערטער, פאר דיר איז א שטערקערע ראי' אז מען זעהט ארונים טאנצן דארט, איז דאך א מפורש'ע ראי' אז די ארונים זענען יא פארמישט דא, און ממילא? ווייס איך נישט די אויספיר.
טענו לו בחיטין והודו לו בארונים. דו ברענגסט קליפס אז אינווייניג פון די מערה איז גענוג גרויס, און דער ראב"ד רעדט אז די אויבערשטע לאך איז נישט גענוג גרויס, און צו קענען אראפלאזן א מת דארט דארף מען אים איינבייגן די פיס, וואס דאס האט מען קיינמאל נישט געטוהן ביי אידן.
האסט עפעס א תירוץ אויף דעם?
ביסט דיר אומזינסט מייגע אויף די הייליגע רייד פינעם הייליגען,.,.,. ער שטייט און לאכט ווי די רפאל ביסט'ר יעדן טאג מטפל מיט זיינע פרישע רייד
ביי אונז נעמט אהן לשון ראשון כדאיפסקא תפוס לשון ראשון
דער ראב''ד שרייבט קלאר ''בבירור שיתוודע שהם קברי עכו''ם'' אפגעזעהן צו ס'לעכער בורות תבואה מים אוצרות שמן חולדה גוררתן, ערד ציטערניש, שוין מיין הענט טוט מיר שוין וויי
נמשיך עוד אי''ה
אינטערעסאנט ווי דיינע הענט טוען שוין וויי אזוי שנעל, דאכט זיך אז דו האסט שוין געשריבן מערערע לענגערע תגובות אין די נושא.
איך פרעג דיר א נארמאלע קשיא. דו ברענגסט קלארע ווידיאס צו איבערצייגן דיין רעכט, און איך זאג דיר אז דיינע ווידיאס זענען בכלל נישט סותר מיט די דברי המתירים, ענטפערסטו מיר מיט נארישקייטן. הזאת נעמי?
עס דערמאנט מיר פון די קול חומת הדת ליין, וואס ער האט יעדן צווייטן טאג א באמבאסטישע נייעס אז יעצט קען מען הערן א געוואלדיגע דרשה ווי עס וועט ווערן אויפגעדעקט די
קלארע פאקטן. עס מאכט מיר יעדע מאל נאכאמאל נייגעריג, אפשר דאך וועל איך יעצט שוין הערן עפעס נארמאלע דיבורים, אבער מפטירין כדאתמול, צוריק צו די אלטע ליצנות. איינמאל ליגט מיר יעצט אויפן זיכרון ווי ער האט געזאגט דארט אז מען גייט הערן פון אן עד ראי' וואס האט אליינס געזעהן מיט די אייגענע אויגן. און מישענדיג אהין הער איך ווי ער זאגט אז ער האט אליין געזעהן מיט די אייגענע אויגן ווי מען האט אנגעשלאגן די מוחים...
יעצט קומסטו ווייטער מיט פארדרייטע פאקטן. מען האט געטראפן א ביין, ממש א גרויסע מציאה. אבער מיר האבן א שולחן ערוך וואס איז נר לרגלינו. די הלכה איז אז א שטח קען נישט באקומען א דין בית הקברות נאר אויב מען טרעפט דארט דריי מתים מושכבים כדרכם וואס ליגן איינס נעבן צווייטן נישט ווייניגער ווי פיר און נישט מער ווי אכט אמות אפגעריקט. דאס האט מען לכו"ע נישט געטראפן אויף קיין איינע פון די שטחים. קומסטו מיט א געוואלדיגע בילד אז מען האט געטראפן א ביין. איז וואס?
און די ליצנות גייט נאך מער אז מען וויל גאר זאגן אז אפילו נאכן פינוי זאל די פלאץ בלייבן אסור בהנאה... ווען עס האט קיינמאל נישט געהאט קיין דין ביה"ח לפי דין תורתינו הק'.
יעצט גייט מען צוריק קומען מיט די אלטע טענה אז מען האלט אין איין טוישן תירוצים פון בורות יין ושמן איז געווארן עצמות כלבים און דערנאך קברי עכו"ם. דאס איז די נארישסטע טענה וואס עס קען נאר זיין. ווען איינער האט אפגעמאכט מתחלה אן אז דאס איז א בית הקברות און פארטיג. אן קייין הוכחות אן קיין באווייזן און אן קיין שולחן ערוך, ביי אזא איינעם בלייבט עס אייביג די זעלבע. אבער ווען מען גייט צו צו די זאך מיט א תורה'דיגע בליק איז עס גאר אנדערש.
מען טרעפט א שטח וואס האט מאדנע לעכער, און לכו"ע איז עס נישט די געווענליכע אויסשטעל ווי אזוי מערות קברים קוקן אויס. מען הייבט אן בודק זיין און מען טרעפט גארנישט נאר ליידיגע לעכער, דאן דארף מען עפ"י הלכה נישט חושש זיין אז דא איז געווען קברים, מען קען זאגן אז עס איז געווען בלויז בורות תבואה יין שמן, אדער וואטעווער.
שפעטער טרעפט מען ביינער, דארף מען עפ"י הלכה נאך אלץ נישט חושש זיין אז עס איז ביינער פון מענטשן, מען קען תולה זיין אז עס איז פון בע"ח. און שפעטער ווען האט יא געטראפו א מת, אפילו עס וואלט געווען מושכב כדרכו, מעג מען אים עפ"י הלכה נאך אלץ מפנה זיין, פון איין מת באקומט נישט די גאנצע פלאץ א דין בית הקברות. אבער אז דער מת איז מושכב שלא כדרכו איז עס א קלארע הוכחה אז אויב עס איז יא געווען דא מתים זענען זיי געווען גוים.
און בצירוף אז די פירים, די לעכער פון אויבן וואס פירן צו די מערות, זענען נישט גענוג גרויס אראפצולאזן דארט א מת אן דעם וואס מען זאל אים דארפן איינבייגן די פוס וואס דאס האט מען קיינמאל נישט געטוהן ביי אידן.
יעצט גייט קומען די נעקסטע ליצנות אז די רבנים האבן געזעהן מיט די אייגענע אויגן אז די מערות זענען יא גרויס צו קענען לייגן א מת כדרכו, ווען מען רעדט דא בכלל נישט פון די אינעווייניגסטע מערות, נאר פון די פירים פון אויבן.
איך האב דא נישט קיין שום נגיעה. איך האב גארנישט מיטן ראב"ד און אויך גארנישט מיט ר' אהרן, איך בין מיט ביידע פון זיי נאך אין מיין לעבן נישט געשטאנען אונטער איין דאך. אבער איך קוק אזוי צו פון די זייט, און דאס הארץ טוט וויי ווי אזוי עטליכע ליצים מאכן דאס גענאר פונעם שטאט, און פירן אריין רבנים אין א טאפ פון ליצנות און שקר, און אלעס מיט א לבוש פון פרימקייט און ערליכקייט, און לוחם זיין להעמיד הדת על תילה.
פון איין זייט שטייט דער ראב"ד און ער שרייבט קלארע תשובות להלכה אז מען מעג דא גראבן בלי שום פקפוק, און אנשטאט צו ענטפערן כדרכו של תורה מיט ראיות להלכה אקעגן אים, גיסט מען זאמד אין די אויגן מיט אלערליי ליצנות. און מען איז נאך מהפך הקערה על פיה, אז די מתירים זענען גאר די וואס מאכן ליצנות.
די צד המתירים האבן ארויסגעגעבן א שיינעם קונטרס דברי אמת וצדק צו מסביר זיין זייער צד, מיט די ווארט 'שיין' מיין איך נישט אז עס איז אמת וואס זיי שרייבן, עס קען זיין אז עס איז הוילע בלאף. אבער די נארמאלע וועג פון ענטפערן אויף דעם קונטרס וואלט געווען צו ארויסגעבן א קונטרס צו אפענטפערן זייערע שקרים. און אויב איז נישטא גענוג געלט פאר דעם, זאל מען כאטש עס פארענטפערן אויף זייער האטליין. אבער אנשטאט דעם האט ער גע'דרש'נט דארט אויפן האטליין אז עס גייט קומען א לענגערע ענטפער (אויף וואס איך ווארט נאך דערויף ביז היינט) אבער ביזדערווייל האבן זיי אביסל פארענטפערט.
איינס אז עס איז קלאר נישט געשריבן געווארן דורך די קונים אזוי ווי עס שטייט אויפן דעקל, נאר עס איז געשריבן געווארן אין בלאט אפיס... די ליצנות איז גרויס. וכי על זה אנו דנין?...
נאכדעם האבן זיי געהאט א דרשה פון הרב רובין, אז דאס וואס עס שטייט דארט אז ר' דוד שמידל איז געגאנגען צו די בחירות איז קלאר נישט אמת. און דאס וואס ער לערנט פאר דף היומי דאס איז נאר פאר ספרדישע בעלי תשובה... די ליצנות איז גרויס. וכי על זה אנו דנין?...
ער שרייט נאכאמאל און נאכאמאל אז ממש מען גלייבט נישט אין השארת הנפש. סארא ליצנות. מען איז דאך דן אויף דעם, אויב דא ליגן מיתי ישראל אדער נישט.
און אזוי ווייטער רעדט ער פון אלעס ארום נאר נישט צום פינטל אויף וואס מען איז דא דן.
די צד המתירים פרובירט כאטש צו מסביר זיין זייער צד מיט נארמאלע דיבורים עפ"י הלכה און עפ"י המציאות, און די צד האוסרים קענען נאר שרייען פוי, מאכן מעכטיגע הפגנות, שרייבן פארפירערישע צעטליך. און איך -- צוקוקער פון דער זייט -- שטיי און איך וואונדער זיך וואס דא גייט פאר. ווי אזוי קען מען אזוי משוגע מאכן די מענטשהייט, מען קען פון די צד האוסרים נישט הערן קיין איין נארמאלע גראד ווארט צום נושא, און ווי אזוי ווילן זיי אז מען זאל זיי אויסהערן און גלייבן?
און איך הייב אן טראכטן אז אויב אלע מערכות למען חיזוק הדת האט טאקע אזוי אויסגעזעהן אלע יארן זענען מיר אין עי ווערי בעד שעפ.
@נאר,,פרייליך. עס ליגט יעצט אין דיינע הענט צו ראטעווען א נפש אחת מישראל נישט צו ווערן פארכאפט אין כפירה בהשארת הנפש. אויב דו קענסט מיר ענטפערן נארמאל צום דבר וועסטו מיר ראטעווען.
