נתן מנחםדי אינהאלט פון די דרשה היינט נאכט וועט זיין אזוי: די בית דין און די רבנים זענען קאראפטירט אדורך און אדורך די גדולי ישראל האבען אלע אזוי געזאגט (בעל פה פארשטייט זיך.....). יעדע ווייסט די פשוט'ער הלכה למשה מסיני אז "חתנו כבנו" (עיין אין די גראבע 400 זייטיגע קונטרס וואס בית צדוקים האט ארויסגעגעבען לכבוד די מעמד אדיר ונשגב). אני שלום! אונז זיכען שלום און אונז ווילען זיך מפשיר זיין אזוי ווי ר' משה שטרנבוך שרייבט אז אפילו נאך א פסק מעג מען זיך מפשיר זיין, אונז אפעלירערן צו די צד הגעווינערס אז אונז ווילען זיך אראפזעצען און אויסארבעטען א פשרה וואס וועט ברענגען שלום.
טייערע געוועזענע באבוב'ער חסידים, איטס טא לעיט! יעצט איז צו שפעט זיך מפשיר צו זיין. מ'קען נישט שיקען ר' גרשון שפיגעל די 88 טאג צו פראבירען צו מאכען עפעס א פשרה. די שיף איז שוין אפגעפארן נאכ'ן פארלירען אזוי מיאוס מאכט מען נישט קיין פשרות!
שלום? דאס יא, אויב עטץ פאלגטס 101% אן קיין שום שטיקלעך קען מען רעדען וועגען א שלום. (באבוב'ער, הרג'טס מיר נישט פאר דער ליין) אבער קודם וועט מען מוזען אויספאלגען א פסק דין אויף וואס מען האט גע'חתמ'ט שטרי בירורין צוויי מאהל.
ווי נאר עטץ קומטס אהן צו די האטעל היינט אויב וועט עטץ קוקען לינקס וועט עטץ זעהן די ברוקלין בריק, אלץ א דערמאנונג אז לאטס ענק נישט פארקויפען די ברוקלין בריק היינט נאכט (די ריזיגע מעכטיגע ביהמ"ד אויף 49 סטריט וואס וועט לייגען בעלזא ירושלים צו שאנד גייט נישט ארויף אזוי שנעל ווי עטץ מיינטס וכו' די רבי'ס קינדער דארפען הייזער קודם!) און ווען מען קוקט רעכטס זעהט מען די קאורט הויז וואס וועט ענק דערמאנען טאמער וועט מען נישט אויספאלגען ביז די לעצטע סיעף קטן וועט מען זיך טרעפען אין קאורט בקרוב און דעמאלטס וועט עטץ פארלירען אפילו די פאר זכותים וואס די בית דין האט ענק יא געשאנקען (ווי די צו-נאמען די 6 מיליונערס און די דריקען די ספרים פון כ"ק אדמו"ר מהרנ"צ זצ"ל) ווייל אין קאורט איז נישט שייך פשרות ביי זיי קוקט מען ווער איז גערעכט און ווער איז ראנג. און נאך ענקער ריזיגע ריסוירטש (געדויערט 90 טעג און נעכט) ווייסט עטץ זייער גוט ענקער קאורט אפציע איז זייער שוואך.
ביטע נישט עסן צופיל דורך'ן טאג ווייל מען ברויך האבען פלאץ פאר די לאקשאן און קאלעיד וואס מען וועט ענק היינט נאכט פיטערען. מען גייט ארויסוואקען מלא שמחה אויפגעהייטערט מיט א פנים משחקת און די מח וועט מען שוין דמיון'ן ווי די ריזיגע בנינים וואקסען ארויס איבער נאכט. ווי אלע שטיקלעך וועט גוט ארבעטען קעגן באבוב וכו' אבער געדענקטס ווי נאר ענק וואקען ארויס פון די האטעל גיבטס נאכאמאל א קוק רעכטס צו די ברוקלין בריק און לינקס צו די ברוקלין קאורט הויז.
און צום שלוס וויל איך מיך געזענגענען פון אלע געוועזענער באבוב'ער חסידים מיט א ברכה א ברכה וואס איז פאסיג פאר ענק אלע בלי שום יוצא מן הכלל. "יהי רצון שניהי' לראש ולא לזנב" ביי אונז אין באבוב זענט עטץ אלס געווען די זנב פון די חסידים (די צווייטע קלאס פון ריין ראסע באבוב'ער). לאמיר האפען אז מיט די נייע גרינדונג פון די פרישע חסידות וועט עטץ זיין פון די ראש און נישט די זנב.
איך וויל דא אראפברענגען עפעס וואס איך האב געשריבען 3 חדשים צוריק און איז ווידער גילטיג היינט נאכט לכבוד די מעמד האדיר והנשגב:
ווער איז שולדיג און ענקער פארלוסט?
.....נאר מיז מען זאגען אז
די ביסט אליין שולדיג! די חמור גרם, וואס האסטו געגלייבט די אלע שקרים וכזבים וואס מ'האט אייך שטענדיג פאפירט: "אין 48 שעה נעמען אונז צוריק דאס ביהמ"ד!!!".... "בנות ציון איז קיין פראגע נישט דאס איז זיכער אונזער!!".... "מתיבתא קעמפ דאס איז דאך אונזער היים-ארט (יא יא, פרעדיג ארט) אונז זענמיר דאך דארט מוחזק!!"... "קעמפ גילה איז דאך יעקב פירער'ס פריווארט"... "אונז גייען באקומען 150 מיליאן"... שפעטער "50 מיליאן"... און נאך שפעטער "30 מיליאן"... נאך ביז פארגאנגענעם חודש "זיכער נישט אונטער 20 מיליאן"... הא! הא! ניטאמאל קיין קארגע 7 מיליאן!! [וויינגער ווי 5%...], און וויפיל מאל האבן ענק נעבעך געטאנצען "חסדי השם" און זיך געכאפט נאכדעם וואספארא פארלירערס עטס זענטס?... און ווי כתה א' קינדער האט עטס געגלייבט יעדע ווארט ווי בהמות דקות, מ'האט ענק געשטאפט ווי געשטאפטע גענז און עטס עסט נאך אלס אלע בעלאוני"ס, ווי לאנג נאך וועלן ענק זיך לאזן נער'ן און פארפירט ווערן פון ענקער וועג ווייזערס?!....
עס ווערט פארציילט בשם די אלטע וואוידיסלאוו'ע רב זצ"ל, אז ס'דא א באקאנט ווערטל, אז 'טאמער מען לייגט זיך מיט א קאץ שטייט מען אויף צוביסען'. האט די וואוידיסלאוו'ע רב צוגעלייגט מיט א זיסען קנייטש, אז 'טאמער שטייט מען אויף און מען איז נישט ציביסען,
איז א סימן אז מ'שלאפט נאך', ודפח"ח. ווענד איך זיך צו די אלע חסידים פונ'ם 'צד א', עורו משנתיכם! שטייטס אויף פון ענקער טיפן און 'לאנגען' שלאף! קוקטס מיט וועמען עטץ שטייטס, ווער ס'איז ענקער ראשי הקהילה, כאפטס ענק וויפיהל זיי האבן ענק איינגערעדט, און וויפיהל ס'איז מקיום געווארן, איך רעד שוין נישט ווי מיאוס ענק האבן פארלוירן "על פי דין תורה" - וואס איז געוועהן ענקע פאן טראגער באלד אהנהייב ענקער רבי'סטיווע ואכמ"ל - נאר אפי' דעם בית המדרש וואס גייט צאמפאקען די וועלטס גרעסטע און שענסטע אשר כמהו לא היה... איז אויך נאך בדמיון, און עטץ האלט שוין ווייטער ביים זיכן א נייעם קעמפ, נאך 10 יאר וואנדערן, און די הרחבת גבולי הקודש און קיין קאנטראסט מיט וואס באבוב האט פיאנירט און פארלויף פון איר "ווידער-אויפבלי" וכו' וכו',
פרעגט זיך די שאלה: "ווילאנג נאך וועט עטץ גלייבען די שקרנים מיט זייערע טעאריעס?, ווילאנג נאך וועלן ענק פאלען און מאמין זיין און נערישע ראשי הקהילה?
ענק שטייען יעצט ביי א שוועל מיט א שווערע נסיון, 'ויקוב ההר את הדין', מ'האט ענק ביטער צוגעפאכעט, עטץ זענטס צופראסקען אינגאנצען, די בי"ד צדק האט ענק אריינגעריבן אינ'ם זיבעטען ריב אריין, אויסגעשפילטע בהמות זענען ענק פארבליבן, וואס האבן אמת'דיג געגלייבט די וואס האבן ענק איינגערעדט מיט כל ערליי מינע שטותים והבלים, שקרים וכזבים, וכו', און יעצט: וואס איז ריכטיג צו טוהן?, גיין אין ערכאות ח"ו?! מ'וועט ממילא דארט פארלירן קעגן די מאנסטערישע צד שכנגד וואס האט בלויז געהאט סייעתא דשמיא פון די ערשטע רגע ביז'ן היינטיגע טאג. און ווער רעדט נאך וואס די רבנים וועלן זאגען?!? און וואס די המון עם וועט זאגען?.... נאר וואס דען? זאגען אז די ב"ד צדק איז נישט עהרליך, לאמיר נישט פארגעסן ווער ס'איז די "תובע" - די ריפער'ס צו בי"ד?, און ווער ס'האט אויסדערוועלט די דיינים? און ווער האט מיט דריי יאר צוריק גע'חתמ'ט ווידער שטרי בירורין אז מען גייט פאלגן די פסק פון דעם "עהרליכן" בי"ד, (און אויף דעם אז א דיין געט אן השגחה אויף א זאל וואס דינגט ביי באבוב וואס איז א כלי שלישי..., האט ער באקומען א בפירוש'ן פסק-הלכה פון הרב שמחה ראטה, "ענקער טוען", אז ער מעג, ודי בזה).... אלא מאי מען וועט סתם 'נישט פאלגען' ווייל מ'איז נישט צופרידען, וואסארא פנים עט דאס האבן פאר די גאס? פאר דיר אליין? פאר דיינע קינדער? נישט פאלגען א בי"ד'ס פסק דין?!?!, וויאזוי פלאנט מען צו האבן סיעתא דשמיא אויב מען פאלגט נישט וואס אין די תורה שטייט?!?
נאר וואס דען? יא, די אמת טוט וויי, אבער מ'האט נישט קיין ברירה מען מוז מודה זיין אז ביז היינט האבן ענק זיך געלאזט נער'ן. דערמאנט אייך נאר די באקאנטע מעשה ביים הייליגען קדושת ציון זצוק"ל דער יוד וואס האט זיך אפגערעדט אז די פרנסה גייט אים נישט גוט און זיין קאנקארענט איז זעהר מצליח האט אים די הייליגע קדוש"צ געענטפערט "
ווייל אז מ'פירט יענעמס געשעפט באותו זמן ווען מ'פירט די אייגענע געשעפט קען מען נישט מצליח זיין".. הערטס אויף צו זיין ביזי מיט אונז און פאקעסטס אויף אייער קהילה אז זי זאל בליען, די מוסדות זאלן וואקסען, דורך האבן אייגענע פרעכטיגער בנינים, וכו וכו', והעיקר גייטס ווייטער נעמטס אהן דעם פסק-"דין" וועט עטס ארויסגיין זיגערס. פארקערט וועלן ענק דאך ממילא פאלירן.
לערנטס ענק אביסעל פון אונז באבובער חסידים. אלעס פראבירט עטץ נאכצומאכען פראבירטס דאס אויך..... אונז פירען
נאר אונזער חסידות עס גייט אונז נישט אהן כי הוא זה וואס עס טוט זיך ביי ענק. אונז האבן און קארגע 10 יאר אויפגעשטעלט פרישע בנינים אפילו אונז זענען געווען מוחזק אוןן אלע בנינים וואס זענען געשטאנען בימי רבינו המהרנ"ץ זצ"ל. א נייע קעמפ כרם שלמה, א נייע בנין בנות ציון, א משנת יונה, א נייע ת"ת אין מאנסי, א נייע ישיבה קטנה אין מאנסי, א נייע ביהמ"ד אין לעיקוואד, א נייע בנין פאר די ישיבה גדולה אין בני ברק, עס בויעט זיך יעצט א נייע ביהמ"ד אין מאנסי, מען ארבעט אויף די פלענער אויף א נייע ריזיגע בנין פאר די ת"ת אין בארא פארק, און א נייע בנין פאר די בנות ציון. א טיש שטוב אויף 48 סטריט. ועוד. און ענק פארמאגען ליידער נישט קיין איין בנין, זיצען מיט אנגעמארגעדשטע און אנגעחובות'טע רענטאל בנינים וואס יעדע יאר ווארפט מען ענק ארום ווי שרצים. מ'צאלט נישט אין צייט די מלמדים און איינגעשטעלטע די איינגעשטעלטע טוישן זיך עפטער ווי די וועש. די אומסטאבילקייט איז ביטער. פארוואס? "
ווייל אז מ'פירט יענעמס געשעפט באותו זמן ווען מ'פירט די אייגענע געשעפט קען מען נישט מצליח זיין".. און פארקויפטס מיר נישט אז ענק האבען נישט קיין גבירים מיט געלט! ענק האבען גענוג און נאך עשירים. נאר אוודאי אז מ'נעמט געלט פון זיי אויף שטותים והבלים ווי גרויסע חתונות, פראפעגאנדע, בילדער ביכער, מעילינגס, הייזער פאר די בנש"קלעך, וואקאציעס וכו' מען ברענגט Nat Lewin פאר 50 אלפים צו פארלירען א קאורט קעיס וכו' וכו, וכו' האט מען נישט קיין געלט פאר קיין מוסדות און קיין איינגעשטעלטע און עס פארגייט די אפעטיט פון די גבירים צו געבן פאר אזעלכע נערישקייטען. און די מוסדות באקומען א שם אזוי ווי זיי האבן.
"ווייל אז מ'פירט יענעמס געשעפט באותו זמן ווען מ'פירט די אייגענע געשעפט קען מען נישט מצליח זיין"..
געדענק ווען די וועסט זיצען ביים אסיפה היינט נאכט, אז אויב וועלן די פארשטייערס פון דיין קהילה טוהן ווי די פארשטייסט, און אהנעמען די פס"ד באהבה אהן קיין שטיקלעך, אשריכם ואשרי חלקם און אפשר וועט אמאהל ווערען שלום. אבער טאמער גייען זיי אייך איינרעדן מיט נייער טאקטיקען וויאזוי מען גייט "זיכער געווינען",
געדענק! אז די ביסט שוין אויפגעשטאנען.... די האסט אנערקענט אין דיין טעות... חזר עס נישט איבער נאכאמאל.... ווייל עס טוט זייער וויי נאכאמאל יעדן מאל ווען מען פאלירט...[/quote]
