אפשר איז מיין אפיניאן נישט אזוי פאפולער, אבער פאקטיש האט אבאמא ביים ארויסגיין איינע פון די העכסטע אפראוועל ראטעס אין לאנד אין היסטאריע - און דאס איז א זאך וואס ווערט נאר העכער מיט די צייט.
אבאמא איז קלאר נישט געווען דער פערפעקט קאנדידאט וואס אמעריקע האט געדארפט, ער האט געהאט זיין שמאלע בליק אין געוויסע נושאים, ער האט זיכער נישט געוואוסט ביים לויפן (פונקט ווי אונז אלע) אז ער וועט דארפן קעמפן מיט אייסיס און א מיטלעבן פארצויגענע סיריע קריזיס וואס וועט זיך אויסלאכן פון זיינע רויטע ליניעס; פארט איז ער געווען אן ערנסטער רעספעקטירטער מענטש (עכ"פ געשפילט האט ער זיכער אזוי), ער האט זיך גערעכנט מיט א צווייטנ'ס דעה (אנרופן נארסיסיסט איז זייער נישט אין פלאץ לענ"ד), האט אמת'דיג שווער געארבעט צו מאכן אמעריקע פאר א בעסער פלאץ.
איך פאר מיר בעצם זוך נישט אז אמעריקע זאל זיין דער אויבן-אן אין אלע מלחמות, און אויב מיינט דאס אז אמעריקע איז מער נישט אזוי גרעיט, איז נישט. איך קען לעבן אין-איינס-פאר-די-בעסטע מדינה פונקט אזוי... חוץ מזה לדעתי איז אמעריקע ווייט נישט גרעיט, נאר טיף אין דער אדמה, און קען זיך לערנען גוטע זאכן פון כמעט אלע אנדערע לענדער אויף דער וועלט.
נישט קיין ספק אז דער היסטארישער געווינס פאר טראמפ האט ארויסגעברענגט דעם ווייטאג פונעם פאלק, אז מען איז שוין מיד פון די פאליטישע קארופציע, און אפילו אויב אונטער טראמפ קען זיין שרעקעדיג, איז מען גרייט צו נעמען דעם ריסק, אבי צו זעהן א דראסטישע "טשעינדזש" אינעם לאנד - א זאך וואס אבאמא האט פייערליך פארשפראכן 8 יאר צוריק, אבער שוואך דעליווערט. ווי אויך איז דאס געווען א נצחון אין די מידיא וואס פרובירט ארומדרייען דעם דעת הקהל און "מאכן טראכטן" ווי די רעדאקטארן ווילן. גענוי ווי ביי ברעקזיט, און יא, איך האב
גענוי די זעלבע מחשבות ווי דעמאלס...
הלכה למעשה. ווי יעדער ווייסט, האט טראמפ נאך בכלל נישט קיין קלארע בלו-פרינט אויף אלע זיינע גרויסצוגיגע פלענער, אבער ער וועט מוזן ארבעטן פלייסיג, האבנדיג מיט זיך דעם סענאט און קאנגרעס, ער האט כמעט נישט קיין באמפס אויפן ראוד און קיינע תירוצים. לאמיר האפן אז ער וועט נוצן זיינע גוטע חלקים און ביזנעס עקספיריענס צו פירן דאס לאנד אין די ריכטיגע דירעקציע. שלימות וועט ממילא נישט זיין קיינמאל אין גלות. אין לך אדם שאין לו שעה. פון הימל האט מען געפירט אז ער זאל זיין פרעזידענט, איז דאס זיכער לטובה.
פאר די אלע וואס זענען ביזי שרייען נצחון, נצחון - קלינגט אין קאפ די מימרא "די נצחונות וועלן נאך באנק טון".... נישט ווייל איך האלט אז טראמפ קען נישט זיין געלונגען, נאר ווייל פאליטיק איז א גלגל החוזר, און יעדע 4 אדער 8 יאר האט א צווייטער א "נצחון", אזא שארט טורם זאך הייסט ביי מיר נישט קיין "נצחון"... אלזא, פריי זיך נישט, רעג זיך נישט, נעם עס נישט פערסאנאל.. נאר וואס, חיי שעה איז אויך עפעס. נאך א מזל עס איז דא קאמעפטישאן, אזוי קענען מיר נאר פארדינען.
LOOKING FWD.......
