נייעס אין די וועלט פון וויסנשאפט

וואו, פונקט נעכטען זעהענדיג א קליפ פון אלעס וואס איז געווען 2012 ברענגענדיג אז ער איז געשטארבען ברענגען זיי די ווערטער ווי ער זאגט עס האב איך ביי מיר געטראכט אז ס'מוז זיין אנגעגרייט אזאנס שארט מען נישט ארויס פון ארבעל! יעצט קען מען זאגען "ברוך שכוונתי ליאנטשי"!

נעכטן איז געשטארבן די עלטסטע נאבעל פרייז געווינער, ריטע מאלטעטשיני, א אידישע פרוי אין איטאליע, אין עלטער פון 103 יאר. זי האט דערגרייכט דעם נאבעל פרייז אין מעדיצין צוליב איר פארש ארבעט אין נערוון צעלן, וואס האט געברענגט פארשריט אין אזעלכע מחלות ווי פארקינסאנ'ס און אלצהיימער'ס. עס איז וואונדערליך אז איר מח איז געווען פריש און קלאר ביז'ן לעצטן טאג, און זי האט געטון פארש ארבעט יעדן טאג, אריינגערעכנט א טאג פאר זי איז געשטארבן! זי האט געארבעט אין א קליין צימער אין איר הויז, ארומגענומען מיט סייענטיפישע ביכער און זשורנאלן. לעצטנס האט זי געשריבן אויף איר פעיסבוק בלאט, "מיין זעה און הער קראפט איז שוין זייער אפגעשוואכט, אבער מיין מח איז קלארער ווי ווען איך בין געווען 20 יאר אלט(!) וויבאלד איך האב שוין אזויפיל מער עקספיריענס זייט דעמאלט..."
מאלטעטשיני האט קיינמאל נישט חתונה געהאט, און זי האט נישט איבערגעלאזט קיין קינדער. זי האט מורא געהאט אז חתונה האבן וועט איר מאכן ווייניגער זעלבסטשטענדיג, און זי זאגט אז זי האט קיינמאל נישט חרטה געהאט אויף דעם באשלוס.


(איך מיין מען זאל מאכן א תקנה אז מען מעג לייגן בילדער פון פרויען פון הונדערט יאר און העכער)

א שטודיע ווייזט אז ניי געבוירענע קינדער הייבן שוין אן זיך צו אויסלערנען די שפראך פון זייערע עלטערן נאך איידער זיי ווערן געבוירן. פון עטליכע חדשים בעפאר די געבורט הערן זיי זיך צו צו די קלאנגען פון די מאמע, און ווען זיי ווערן געבוירן קענען זיי דערקענען די עלטערנ'ס שפראך. מען האט געשטעלט קינדער וואס זענען געבוירן געווארן ביי ענגלישע מאמעס קעגן קינדער וואס זענען געבוירן ביי שוועדישע מאמעס, און מען האט זיי געלאזט הערן ענגלישע קלאנגען און שוועדישע קלאנגען, בשעת זיי האבן געזייגט א געוויסע מאשין. ווען זיי האבן געהערט א פרעמדע קלאנג האבן זיי געזייגט לענגער, וואס איז באקאנט אלס א סימן פון עפעס וואס איז אומבאקאנט און פרעמד פאר זיי.
איך קלער אויב דאס קען האבן א השפעה אויף די אומצאליגע הפלות וואס מען פירט כסדר דורך, וויבאלד לשיטתם איז אן עובר נאכנישט קיין מענטש.

אפשר דאס האט גורם געוואן מאנכע צו גלייבן אז פון זיך אליין וועט א קינד רעדן לשון קודש....
אולי יש דברים בגו באופן וואס די עלטערען האבן אזוי גערעדט

דער לינקער ענווייראמענטאליסט מארק לינאס האט יארן לאנג אנגעפירט מיט צוויי מערכות. איינס, איבער גלאבעל אנווארעמונג און די צווייטע אנטקעגן גענעטיש מאדיפיצירטע געוואוקסן. אבער נאכן שרייבן א בוך איבער גלאבאלע אנווארעמונג איז ער געוקמען צום הכרה אז זיין אנטי-GMO מערכה איז פונקט אזוי אנטי-סייענס ווי די מיינונג פון די קאנזערוואטיווע אנטי-קלימאט-טויש געמיינדע. דאס האט אים געברענגט צו דורכטון די עסק פון אן אקאדעמישער שטאנדפונקט, און ער איז צוגעקומען צום מסקנא אז סייענטיפיש אז נישט נאר GMO נישט קיין סכנה, נאר גאר א טובה פאר די וועלט. פאריגע וואך האט לינאס זיך אויפגעשטעלט און געטון עפעס וואס ווייניג וואלט געהאט די קוראזש צו טאן: ער האט זיך מתודה געווען ברבים און גערופן זיינע קאלעגע ענווייראמענטאליסטן אויפצוהערן אטאקירן סייענס און GMO.
<a class="postlink" href="http://www.marklynas.org/2013/01/lecture-to-oxford-farming-conference-3-january-2013/">http://www.marklynas.org/2013/01/lectur ... uary-2013/</a>

אין 1980 האט דער בארימטער אסטראנאם, אסטראפיזיקער, און קאסמאלאגיסט קארל סעיגן (נישט דער ניק) רעקארדירט א 13 חלקים'דיגער טעלעוויזיע סעריע מיטן נאמען "קאסמאס: א פערזענליכע רייזע". (ווערט דא דערמאנט - מיט לינקס - דורך הציץ ונפגע און ונבנתה העיר). די סעריע האט געהאלטן די רעקארד פאר די מערסט געקוקטע טעלעוויזיע סעריע פאר צען יאר, ביז 1990! עס ווערט געשאצט אז עס איז שוין געזען געווארן דורך איבע 500 מיליאן מענטשן. סעיגן האט אויך ארויסגעגעבן א בוך מיטן נאמען קאסמאס, באזירט אויפן טעלעוויזיע סעריע, וועלכע איז תיכף געווארן א בעסטסעללער.

א צייט צוריק איז געמאלדן געווארן אז א המשך צו סעיגן'ס קאסמאס וועט נאכאמאל רעקארדירט ווערן, און דאס מאל וועט דאס געהאוסט ווערן דורך אן אסטראפיזיקער וועלכער האט באקומען דעם צונאמען "קארל סעיגן'ס יורש", ניעל דעגרעס טייסען. טייסען איז גאר פאפולער און פארמאגט איבער 900,000 טוויטער פאללאוערס (א נומער וועלכע וועט זיכער שטייגן ווען די טעלעוויזיע שוי וועט אנהייבן לויפן).

ליינט אן אינטערעסאנטע אינטערוויו מיט טייסען איבער דעם ערווארטעטן טעלעוויזיע שוי.

פיזיקער אנדרעי לעבעד האט אויפגעשאקלט דער עולם הפיזיקס ווען ער האט לעצטנס פארגעשלאגן אין א פארש פאפיר אז איינשטיין'ס באקאנטע איקוועיזשאן E=mc² איז נישט ריכטיג אין געוויסע פעלער. אסאך טעכנעלאגיעס, אריינגערעכנט סעלפאונס און דזשי פי עס מאשינקעס ארבעטן אויף דעם פרינציפ וועלכע מיינט אז ענערגיע און מאסע זענען די זעלבע זאך.
<a class="postlink" href="http://www.dailygalaxy.com/my_weblog/2013/01/-einsteins-emc2-may-breakdown-in-outer-space.html#more">http://www.dailygalaxy.com/my_weblog/20 ... .html#more</a>

יידל

דער לינקער ענווייראמענטאליסט מארק לינאס האט יארן לאנג אנגעפירט מיט צוויי מערכות. איינס, איבער גלאבעל אנווארעמונג און די צווייטע אנטקעגן גענעטיש מאדיפיצירטע געוואוקסן. אבער נאכן שרייבן א בוך איבער גלאבאלע אנווארעמונג איז ער געוקמען צום הכרה אז זיין אנטי-GMO מערכה איז פונקט אזוי אנטי-סייענס ווי די מיינונג פון די קאנזערוואטיווע אנטי-קלימאט-טויש געמיינדע. דאס האט אים געברענגט צו דורכטון די עסק פון אן אקאדעמישער שטאנדפונקט, און ער איז צוגעקומען צום מסקנא אז סייענטיפיש אז נישט נאר GMO נישט קיין סכנה, נאר גאר א טובה פאר די וועלט. פאריגע וואך האט לינאס זיך אויפגעשטעלט און געטון עפעס וואס ווייניג וואלט געהאט די קוראזש צו טאן: ער האט זיך מתודה געווען ברבים און גערופן זיינע קאלעגע ענווייראמענטאליסטן אויפצוהערן אטאקירן סייענס און GMO.
<a class="postlink" href="http://www.marklynas.org/2013/01/lecture-to-oxford-farming-conference-3-january-2013/">http://www.marklynas.org/2013/01/lectur ... uary-2013/</a>

סייענס דזשורנאליסטן אפלאדירן לינאס פאר האבן די גאטס מודה צו זיין על האמת.

ער איז נישט קיין סייענטיסט נאר א ענווייראמענטאליסט און בוך-שרייבער.

יידל

יידל

דער לינקער ענווייראמענטאליסט מארק לינאס האט יארן לאנג אנגעפירט מיט צוויי מערכות. איינס, איבער גלאבעל אנווארעמונג און די צווייטע אנטקעגן גענעטיש מאדיפיצירטע געוואוקסן. אבער נאכן שרייבן א בוך איבער גלאבאלע אנווארעמונג איז ער געוקמען צום הכרה אז זיין אנטי-GMO מערכה איז פונקט אזוי אנטי-סייענס ווי די מיינונג פון די קאנזערוואטיווע אנטי-קלימאט-טויש געמיינדע. דאס האט אים געברענגט צו דורכטון די עסק פון אן אקאדעמישער שטאנדפונקט, און ער איז צוגעקומען צום מסקנא אז סייענטיפיש אז נישט נאר GMO נישט קיין סכנה, נאר גאר א טובה פאר די וועלט. פאריגע וואך האט לינאס זיך אויפגעשטעלט און געטון עפעס וואס ווייניג וואלט געהאט די קוראזש צו טאן: ער האט זיך מתודה געווען ברבים און גערופן זיינע קאלעגע ענווייראמענטאליסטן אויפצוהערן אטאקירן סייענס און GMO.
<a class="postlink" href="http://www.marklynas.org/2013/01/lecture-to-oxford-farming-conference-3-january-2013/">http://www.marklynas.org/2013/01/lectur ... uary-2013/</a>

סייענס דזשורנאליסטן אפלאדירן לינאס פאר האבן די גאטס מודה צו זיין על האמת.

דער גיט אים קרעדיט, אבער רעדט זיך אפ אז מ'האט שוין אסאך פארלוירן צוליב זיין געוועזענע ארבעט.

די וואס זאגן דעם סטעיטמענט ליינען נישט דעם אשכול.

זינט 1990 קומען זיך יעדע יאר צוזאם די מעמבערס פון די "אמעריקאנע דיאלעקט סאסייעטי" צו וועלן פארן "ווארט פון יאר". די מעמבערס פונעם סאסייעטי רעכענען אריין לינגוויסטן, לעקסיקאגראפיקערס, היסטאריקער, שרייבער, און אנדערע. היי יאר זענען, צווישן אנדערע, ארויסגעשטאנען די ווערטער YOLO, גאנגנאם סטייל , פיסקעל קליף, הייראט עקוואליטעט און 47 פראצענט. אבער דער געוואנער איז געווען די ווארט "העשטעג". העשטעג איז די "#" סימבאל וועלכע מ'נוצט אויף טוויטער צו באצייכענען א טעמע אדער אן אויסדרוק.

2012 אנאנסירט אלץ ווארעמעסטע יאר אויפן רעקארד אין די פאראייניגטע שטאטן. <a class="postlink" href="http://www.livescience.com/26075-2012-warmest-year-on-record.html">http://www.livescience.com/26075-2012-w ... ecord.html</a>

יידל

זינט 1990 קומען זיך יעדע יאר צוזאם די מעמבערס פון די "אמעריקאנע דיאלעקט סאסייעטי" צו וועלן פארן "ווארט פון יאר". די מעמבערס פונעם סאסייעטי רעכענען אריין לינגוויסטן, לעקסיקאגראפיקערס, היסטאריקער, שרייבער, און אנדערע. היי יאר זענען, צווישן אנדערע, ארויסגעשטאנען די ווערטער YOLO, גאנגנאם סטייל , פיסקעל קליף, הייראט עקוואליטעט און 47 פראצענט. אבער דער געוואנער איז געווען די ווארט "העשטעג". העשטעג איז די "#" סימבאל וועלכע מ'נוצט אויף טוויטער צו באצייכענען א טעמע אדער אן אויסדרוק.

זיי האבן פארשידענע ליסטעס, איינס פון די ליסטעס זענען נייע אינטערעסאנטע ווערטער וואס מען האט זיך באנוצט אין די פאליטישע וועלט. דאס יאר זענען די ערשטע צוויי אויף די ליסטע געווען, ״עטש-עי-סקעטש״ דאס איז די באקאנטע שפיל ווי מען מאלט א בילד און מען מעקט עס אויס. אבאמא האט זיך באצויגן צו מיט ראמני ווי דער ״עטש-עי-סקעטש קאנידאט״ וואס האלט און איין טוישן מיינונגען.
דאס צווייטע ווארט איז געווען ״די זיבן און פערציג פראצענט״, באציענדיג זיך צום ווידיא רעקאדירינג ווי מען האט אויפגעכאפט מיט ראמני ביי א פאנדרעיזער, זאגענדיג אז 47% אמעריקאנע גיין ממילא וועלן פאר אבאמא, ווייל זיי גלייכן ענדערשט א לעבן וואס מען איז אנגעוויזן אין די רעגירונג.

פראפעסאר פאול ברוקס פון די אוניווערזיטעט פון ראטעשעסטער פירט שוין אפאר יאר אן אנאנימערהייט א סייט מיט נאמען "סייענס פראוד" ווי ער דעקט אויף פעלשערייען אין סייענטיפישע ליטעראטור. די פראבלעם פון ברוקס איז אבער געווען אז אנשטאט זיך באפאסן בלויז מיט פאלשע אינפארמאציע אין וויסנשאפטליכע ליטעראטור האט ער אפט מאל אראפגעריסן די שרייבער פון די געפעלשטע ארטיקלן. דאס האט, ווי אסאך האבן פאראויס געזען, געברענגט אז איינער פון די וויסנשאפטלער וועלכע זענען געווארן אראפגעריסן פאר פראוד אויף "סייענס פראוד" האט געסטראשעט אז אויב פארמאכט זיך נישט די סייט, וועט ער קלאגן די סייט באלעבאטים אין געריכט פאר "דיפעמעישאן" און "לייבעל". די אנגעזעענע סייט "ריטרעקשאן וואטש" וועלכע פארנעמט זיך אויך מיט זוכן פאר געפעלטשטע אינפארמאציע און דאטא אין וויסנשאפטליכע דזשורנאלן, האט פון איין זייט באוויינט אז דער סייט האט זיך געדארפט פארמאכן אבער פון צווייטן זייט ארויסגעברענגט אז ברוקס האט געהאנדלט אומפראפעסיאנאל מיטן אפט פערזענליך אראפרייסן די שרייבער פון די ארטיקלן מיט פאלשע דאטא.

נעכטן איז ערשינען אן ארטיקל אין "קאסמאס" איבער די פראבלעם פון קאווער-אפס אין וויסנשאפטליכע ליטעראטור, און היינט האט פארבס געהאט א בייסנדע ארטיקל איבער די מעשה.

אין יוני 19 2004 האבן אסטראנאמער אנדעקט אן אסטראויד וועלכע מ'האט א נאמען געגעבן עפאפיס, וואס לויט חשבונות איז אויסגעקומען אז עס איז דא 2.7% שאנס (איינס פון 45) אז עס וועט אריינקראכן אין אונזער וועלט אין 2029. א קורצע צייט שפעטער האט מען אויסגערעכנט אז אין 2029 וועט עס נישט אריינקראכן, אבער עס איז דא א שאנס איינס פון 250,000 אז עס וועט צוריקקומען אין אפריל 13, 2036 און דעמאלטס אריינקראכן. לויט די חשבונות וואס האבן געוויזן אז עס וועט אריינקראכן אין 2036, איז אויסגעקומען אז עס וועט אריינפאלן אינעם פאסיפיק אקעאן, וואס דאס מיינט אז דורכן עוואקואירן דעם פאסיפיק קאוסט וועט מען קענען פארמיידן סיי וואספארא פאטאליטעטן, כאטשיג די געלט שאדענעס פון צונאמיס וואס דער קראך וואלט פאראורזאכט וואלטן געווען אומגעהויער גרויס.
נעכטן האבן נאסא וויסנשאפטלער געמאלדן אז לויט נייע חשבונות פון אינפארמאציע וואס מ'האט צוזאם געקליבן אין 2011 און אין 2012 קומט אויס אז די שאנסן אז עפאפיס זאל אריינקראכן אינעם וועלט זענען ווייניגער ווי איינס אין א מיליאן.
עס וועט נאך אלס זיין גאר אן אינטערעסאנטער פענאמענאן וועט אין 2029 וועט דער אסטראויד פארבייפליען די וועלט אזוי נאענט ווי 30,000 קילאמעטער. אין פארגלייך, די לבנה איז 385,000 קילאמעטער אוועק און קאמוניקאציע סאטעליטען זענען 35,000 קילאמעטער אוועק. קאסמאס מאגאזין האט שוין אפילו אנגעגרייט א וועב בלאט וואו מ'וועט קענען מיטהאלטן לייוו ווי עס פליעט פארביי.

דאס איז גאר אינטערעסאנטע נייעס וויבאלד עס טוט לכאורה פארשוועכן איינע פון די יסודות פון קאסמאלאגיע, "די קאסמאלאגישע פרינציפ" (<a class="postlink" href="http://en.wikipedia.org/wiki/Cosmological_principle">http://en.wikipedia.org/wiki/Cosmological_principle</a>).

צו פארגלייכן די ניי-געפינענע סטרוקטור צו אונזער מילקי וועג גאלאקסיע איז כדי אנצומערקן אז אונזער גאלאקסיע איז "בלויז" 100,000 ליכט-יארן פון איין עק צום צווייטן, דאס הייסט אז די סטרוקטור איז 4000 מאל אזוי גרויס ווי אונזער ריזיגער גאלאקסיע!! צו ברענגן נאך מער קרוב אל השכל: ווען אונזער וועלט איז אזוי גרויס ווי א ברעקל זאלץ, (0.004 אינטשעס) איז די מילקי וועג גאלאקסיע 5.1 מיליאן מייל, און די ניי געפינענע סטרוקטור 24 ביליאן 400 מיליאן מייל גרויס.

פארשער האבן געמאכט א שאקירנדע אויפדעקונג אז געוויסע מענטשן פארמאגן אין זיך בנוסף צו געווענליכע דאבל-היליקס דנא שטריקן, ספעציעלע קוואדראפללטע-היליקס שטראנדן וואס קען גורם זיין קענסער <a class="postlink" href="http://www.bbc.co.uk/news/science-environment-21091066">http://www.bbc.co.uk/news/science-environment-21091066</a>

יידל

פראפעסאר פאול ברוקס פון די אוניווערזיטעט פון ראטעשעסטער פירט שוין אפאר יאר אן אנאנימערהייט א סייט מיט נאמען "סייענס פראוד" ווי ער דעקט אויף פעלשערייען אין סייענטיפישע ליטעראטור. די פראבלעם פון ברוקס איז אבער געווען אז אנשטאט זיך באפאסן בלויז מיט פאלשע אינפארמאציע אין וויסנשאפטליכע ליטעראטור האט ער אפט מאל אראפגעריסן די שרייבער פון די געפעלשטע ארטיקלן. דאס האט, ווי אסאך האבן פאראויס געזען, געברענגט אז איינער פון די וויסנשאפטלער וועלכע זענען געווארן אראפגעריסן פאר פראוד אויף "סייענס פראוד" האט געסטראשעט אז אויב פארמאכט זיך נישט די סייט, וועט ער קלאגן די סייט באלעבאטים אין געריכט פאר "דיפעמעישאן" און "לייבעל". די אנגעזעענע סייט "ריטרעקשאן וואטש" וועלכע פארנעמט זיך אויך מיט זוכן פאר געפעלטשטע אינפארמאציע און דאטא אין וויסנשאפטליכע דזשורנאלן, האט פון איין זייט באוויינט אז דער סייט האט זיך געדארפט פארמאכן אבער פון צווייטן זייט ארויסגעברענגט אז ברוקס האט געהאנדלט אומפראפעסיאנאל מיטן אפט פערזענליך אראפרייסן די שרייבער פון די ארטיקלן מיט פאלשע דאטא.

נעכטן איז ערשינען אן ארטיקל אין "קאסמאס" איבער די פראבלעם פון קאווער-אפס אין וויסנשאפטליכע ליטעראטור, און היינט האט פארבס געהאט א בייסנדע ארטיקל איבער די מעשה.

דאס איז א גוטער שטאך פאר די וואס פארגעטערן סייענס און סייענטיסטן.

אמת. אבער למעשה ווער פירט די מערכה אנטקעגן קאווער אפס? סייענטיסטן! דאס מיינט אז סייענס בעצם איז אין א גוטע ריכטונג כאטש אינדיווידואלע סייענטיסן האבן די זעלבע מידות מישחתות ווי סיי וועלכע אנדערע גרופע מענטשן.

רעקאמאנדירט פאר דאקטוירים: פרעגטס פרויען איבער די מצב אינדערהיים <a class="postlink" href="http://www.cnn.com/2013/01/21/health/task-force-violence/index.html?hpt=hp_t4">http://www.cnn.com/2013/01/21/health/ta ... ?hpt=hp_t4</a>

דאקטוירים אנטדעקן ווער איז געווען בראקא'ס מוח

א שטודיע ווייזט אז ווי ווייניגער מענטשן זענען עמפאטיש און עמפינדעלך צו א צווייטנס געפילן, אלס גרעסערע שאנס איז דא אז זיי זאלן זיין ווייניגער גלויביג. כופרים פארשטייען ווייניגער צו א צווייטנס געפילן. <a class="postlink" href="http://epiphenom.fieldofscience.com/2013/02/atheists-lack-empathy-and-understanding.html">http://epiphenom.fieldofscience.com/201 ... nding.html</a>

זייער אינטערעסאנט, יידל. דארפן מיר נאר דערגיין וואס איז די סיבה פון די שייכות צווישן די צוויי זאכן. איך טראכט פון צוויי סיבות. איינס, ווייל געפילן קען אסאך מאל ברענגען א מענטש צו האבן רעליגיעזע עקספיריענסעס, געפילן קען ברענגען א געברויך פאר א גאט, בפרט א פערזענליכער גאט וועלכער האט רצונות און פארלאנגען און צו וועמען מען קען דאווענען. דאס איז אויך ווארשיינליך די סיבה פארוואס פרויען זענען מער רעליגיעז ווי מענער. והשנית, געפילן פון סימפאטיע פאר א צווייטן ווייזט אויף א כוח הדמיון מפותח, איינער וואס האט א גוטע אימעזשינעשאן פארשטייט ווי אזוי זיין חבר שפירט ווען ער האט עפעס א צרה וכדו', און א כוח הדמיון קען אויך ביישטייערן צו גלויבונגען, דורך דעם וואס מען איז זיך מצייר ווער עס פירט די וועלט און וואס זיינע מאטיוון זענען וכדו'. דער סברא לייגט זיך אויפ'ן שכל, ווייל דער שטודיע איז געווארן אויסגעפירט אויף מענטשן וואס ליידן פון אוטיזם, און אוטיסטיק מענטשן זענען לאו דוקא אן קיין הרגשים, נאר זיי פילן הרגשים אבער זיי ווייסן נישט ווי אזוי עס ארויסצוברענגען, און אודאי ווייסן זיי נישט ווי אזוי א צווייטער פילט, זיי לעבן אין זייער אייגענעם וועלטל. דערפאר איז שטארק מסתבר, לדעתי, אז דאס איז דער גורם פארוואס זיי האבן נישט קיין רעליגיעזע עקספיריענסעס.

פאר סאם ריזען גלייך איך מער דיין ערשטן הסבר ווי דיין צווייטע. אבער ביידע זענען שטארק מסתבר.

אודאי גלייכסטו מער דעם ערשטן הסבר, עס איז מער straightforward, און עס איז די שטילע קאנסענסוס אין די סייענטיפישע וועלט (וואס האט פובליצירט די שטודיע) וועלכע קוקן געווענליך אן רעליגיע אלס א פראדוקט פון די פרימיטיווע, נארישע, און געפילישע מענטשן. פונדעסטוועגן האלט איך אז עס איז פיל מער קאמפליצירט ווי דעם.
אגב, דאס דערמאנט מיר וואס איך האב געליינט אמאל איבער א שטודיע וואס מען האט דורכגעפירט ביי סטודענטן וואס זענען רעליגיעז, און מען האט זיי געפרעגט פארוואס זיי גלייבן אין גאט. רוב פון די סטודענטן האבן געענטפערט אז זיי אליין גלייבן אין גאט צוליב לאגישע סיבות (סיבה ראשונה, וכדו') אבער אנדערע רעליגיעזע מענטשן גלייבן אין גאט צוליב עמאציאנעלע סיבות (צו קענען דאווענען וכדו'). דאס מיינט אז רוב מענטשן האלטן אז די גאנצע וועלט איז פארנארט, זיי גלייבן צוליב די קינדערישע עמאציאנעלע סיבות, אבער איך? נע, איך בין צוגעקומען דערצו מחמת ריינע לאגישע סיבות...

הא, דיין אנעקדאט דערמאנט מיר פונעם שטודיע וואס האט פעסטגעשטעלט אז רוב מענטשן האלטן זיך העכער פון עווערעדזש... <a class="postlink" href="http://www.livescience.com/26914-why-we-are-all-above-average.html">http://www.livescience.com/26914-why-we ... erage.html</a>

א דורכברוך אין די שטודיע פון מענטשליכע עוואלוציע איז געקומען די פארגאנגענע וואך, ווען וויסנשאפטלער האבן אנטדעקט איין פרט וואס מאכט מזרח אזיאנער אנדערש ווי מענטשן פון די אנדערע קאנטינענטן. די גענע וואס איז אחראי פאר דעם טויש איז EDAR וואס דורך א געוויסע mutation דערין מיט איבער 35,000 יאר צוריק האט דאס געברענגט אז די מזרח אזיאנער ווי כינעזער און טייל יאפאנעזער האבן דיקערע האר, קלענערע ברוסטן, א טויש אין ציינער, און פראדוצירן מער שוויץ. סייענטיסטן זענען נאכנישט פאראייניגט איבער וואס האט גורם געווען אז דער מוטאציע איז געווארן פארשפרייט דוקא אין יענעם געגנט, איין טעאריע לויטעט אז אין יענע צייט איז כינע געווען גאר הייס, און די איבריגע שוויץ האט געברענגט אז דער גענע איז געווארן naturally selected אין יענעם געגנט. אנדערע זאגן אז דער שינוי אין האר און ברוסטן האט געברענגט אז זיי זאלן זיין מער sexually attracted. בכל אופן איז דאס א געוואלדיגע דורברוך אין די סייענס פון Human evolution, ווען מען קען צום ערשטן מאל פארשטיין פארוואס מענטשן פון א געוויסע קאנטינענט זענען אנדערש ווי די גאנצע וועלט, און האנפטליך וועט דאס פירן צו אידענטיפיצירן די שינויים פון אלע קאנטינענטן און דערגיין וואס האט געברענגט אז די מענטשן פון באזונדערע געגנטער האבן באזונדערע פיטשורס.

זייער אינטערעסאנט וואו ס'ווערט לעכטיג און דערנאך טונקעל..בדרך אגב א ליובאביטשע שול דארט איז אויך געשעדידט געווארען..

סייענטיסטן האבן אנטדעקט גאר אן אינטערעסאנטע זאך בנוגע ווי אזוי באמבל בינען דערשפירן די בלומען ווי עס לוינט זיך צו לאנדן אויפצופיקן געשמאקע סחורה. די בינען האבן אן עלעקטריק פיעלד וואס איז פאזיטיוולי טשארדזשד דורכדעם וואס זיי פאכען מיט די פליגלען, משא"כ די בלומען זענען געווענליך נעגאטיוולי טשארדזשד. יעצט, ווען דער בין דערשפירט אז א בלום איז מער פאזיטיוולי טשארדזשד ווי געווענליך, ווייסט עס אז דא האבן שוין באזוכט פריערדיגע בינען און הנאה געהאט, און זי כאפט זיך אויך צו דערצו. דאס גיבט צו נאך א וואונדערליכע רינגל אינ'ם קייט פון די נפלאות הבורא ווי אזוי מיר באקומען אונזער זיסע האניג.

אין דעם ארטיקל זע איך אז די סייענטיסטן האבן שטודירט א גאנצע רייע מיט פאקטארן וואס ביישטייערן צו די הכרה פון די בינען אויף די בלומען. צווישן זיי דער שמעק, און דער אופן ווי אזוי די אדערן פון די בלעטלעך לויפן, דער עלעקטריק פיעלד איז פשוט דער גרעסטער חידוש, און מען האט דאס פעסטגעשטעלט דורכ'ן צאמנעמען פאלשע בלומען, אויף טייל האט מען ארויפגעשמירט נעקטאר, און מען האט עס אויך געטשארדזשט, אויף אנדערע האט מען נישט ארויפגעשמירט, און נישט געטשארדזשד. און די בינען האבן געוואוסט צו גיין צו די זיסע "בלומען", משא"כ ווען מ'האט נישט געטשארדזשד קיין איין בלום, האבן זיי נישט געוואוסט צו גיין צו די וועלכע האבן געהאט נעקטאר אויף זיך. און עס ליגט מעגליך נאך חידושים דערין, ווי למשל אז די בלומען קאמוניקירן מיט אנדערע אינזעקטן דורך די עלעקטריק פיעלד, און מעגליך אפילו מיט אונז, מענטשן.
אזוי אויך ליין איך אז די בינען קענען זיך אליין צוגעוואוינען און מחלק זיין צווישן אנדערע סארט בלומען וואס האבן א פארשידנארטיגע טשארזש, ממילא דערשפירן זיי וועלכע זענען די גוטע בלומען. מה רבו מעשיך ה'.

א פרישע שטודיע פרובירט אויפצואווייזן אז ליבשאפט טעלעפאטיע איז אן אמת'ע זאך.

פראפעסאר דעוויד סינקלער גלייבט אז ער איז אויפגעקומען מיט אן עפעקטירבארער דראג וועלעכע קען פארמיידן אלטסהיימער און קענסער קראנקהייטן,

דאס וועט אנגעבליך ערמעגליכען געוויסע זיך צו יערן און פריידן. ביז די 150, זאגאר איבערקומענדיג דער פאנטאזירבארע 120 געווינטשענע עלטער,

דאס וועט זיין עוועילעבל ערגעצווי און די קומענדיגע 5 יאר

לינק

אין דעם לינק שטייט נאר אז עס איז מעגליך אז דער דראג האט די פאטענציאל צו ערמעגליכן דעם מענטש צו האלטן דעם קערפער געזונט ביז די 150 יאר, אבער דאס צו קלארשטעלן וועט מען דארפן מאכן ווייטערדיגע פארש ארבעט.

יאיר

א פרישע שטודיע פרובירט אויפצואווייזן אז ליבשאפט טעלעפאטיע איז אן אמת'ע זאך.

עס איז וואר אז אויב טעלעפאטיע איז אן אמת'ע זאך איז דאס וואונדערבאר ביז גאר, אבער דער דיסקאווערי ארטיקל האט כמעט גארנישט מיט סייענס (עכ"פ מעינסטרים, כאטש פארשטייט זיך אז מעינסטרים סייענס האט נישט קיין בעלות אויפן אמת).
לאמיר גיין סטעפ ביי סטעפ. דזשולי ביישעל איז נישט די ערשטע אדער לעצטע "הארטע" סייענטיסט וועלכע גלייבט אויך אין אנדערע נישט-סייענטיפישע כוחות (נישט נאר טעלעפאטיע נאר אויך א רייע אנדערע העכערע כוחות). אירע שטודיעס זענען שוין קריטיקירט געווארן מערערע מאל צוליב די שלעכטע מעטאדאלאגיע וועלכע זי האט גענוצט אין זיי. "דיען ראדין איז א סייענטיס אין די אינסטיטוט פון נאעטיק סייענסעס". עס לוינט זיך צו כאפן א בליק זען ווער דיען ראדין איז און וואס זענען זיינע קרעדענשעלס. די זעלבע איז מיט די אינסטיטוט אין וועלכע ראדין ארבעט. רופערט שעלדריק האט אן ענליכע טרעק רעקארד, און אויב קענסטו מיר געוואויר ווערן די קרעדענשעלס פון קריס קארטער וועלכע טענה'ט אז רעי היימאן האט פארלוירן די גאנצפעלד עקספערימענט דעבאטע, וועל איך דיר מכיר טובה זיין, און ווי ווייט איך פארשטייהאט היימאן נישט פארלוירן די דעבאטע. זיין טענה אז טעלעפאטיע איז א פאקט, נישט קיין נפקא מינא וואס לייקענערס זאגן איז אויך נישט קלאר אין ליכט פון די פאקט אז
[quote="וויקיפעדיע"]A technique which shows statistically significant evidence of telepathy on every occasion has yet to be discovered. This lack of reliable reproducibility has led skeptics to argue that there is no credible scientific evidence for the existence of telepathy at all[/quote]
דא הייסט, דא און דארט זענען טאקע דא סטאטיסטיקלי סיגניפיקענט רעזולטאטן, אבער נישט אן עווערי אקעזשאן. היות איינע פון די יסודות פון סייענס איז רעפראדוקציבאריטעט, איז טעלעפאטיע אונטער א סייענטיפישע ספק.

ס' כדאי צוצולייגן (וואס איז אויך נוגע פאר אלע אנדערע העכער-נאטורליכע גלויבונגען: פסייקיקס, אוסטראלאגיע, קאבאליסטן) אז James Randi האט יארן צוריק פארגעשטעלט א $10,000 פרייז (וואס האלט היינט ביי $1,000,000) פאר ווער ס' קען אויפווייזן סיי וואס פאר א העכער-נאטורליכע מציאות און קיינער האט עס נאך נישט געוואנען.

הא, נאך א יאר קאווע שטיבל הייבט מען אן חזרה... <!-- l --><a class="postlink-local" href="/post/9637">viewtopic.php?p=9637#p9637</a><!-- l --> (דזשאסט קידינג הרב עסקן, ס'איז מיר נאר אינטערעסאנט ווי זאכן ווערן איבערגע'חזר'ט).

NPR איז היינט נאכמיטאג ערשינען מיט א העד ליין,
"איז פארהאן אן איבערפלוס פון פי.עידש.די'ס, אבער נישט גענוג דזשאבס?".

פון צווישן אנדערע. ציטירן זיי א פרישע סטאטיסטיק,
אז און אלגעמיין פארמאגן גראדואירטע פי. עידש. די'ס. ווינציגער ווי 50% שאנס, צו קריגן א פול טיים דזשאב,
און אין לויף פון די לעצטע 20 יאר, ווערט דער מצב בלויז ערגער און ערגער,

מער שאקירענד, און 2011, האבן א געשאצטע דריטל גראדואירטע,
מיט א דוקטאראל דעגרי אין סייענס, מאטעמאטיק, טעכנאלאגיע, און אין עינדזשענירונג,
נישט געפונען א דזשאב,

כינע נעמט אונטער א פראיעקט צו ערצייגן גאר קלוגע קינדער,
לינק

זייער אינטערעסאנט. מ'דארף עפענען אן אשכול איבער מעדיקאל עטיקס, און פארוואס אויסוועלן די בעסטע עמבריו איז ווייניגער עטיש און הייסט מער "שפילן גאט" ווי גינעטישע פערטיליטי טריטמענטס, וואקסינען, און אסאך אנדערע מעדיקאל און אגריקאלטאראלע מאדיפיקאציעס וואס מ'מאכט מיט גענעס.

סייענטיסטן האבן אנטדעקט די ערשטע קערפער פון א געמישעכץ צווישן א ניענדערטאל מענטש און א האמא סעפיאן. דער ניענדארטאל איז אן אנדער סארט מענטש וואס איז געווען זייער ענליך צו אונז און איז איבערגעוועלטיגט געווארן דורך אונזער סארט מענטש, די האמא סעפיאנס. דער נייער געפינס באשטעטיגט וואס סייענטיסטן האבן שוין לאנג געוואוסט אז עס איז פארגעקומען שידוכים צווישן די ניענדערטאלס און האמא סעפיאנס, ווייל אין אונזער די ען עי האבן מיר עטליכע פראצענט פון די ניענדארטאל, דאס מיינט אז מיר שטאמען פון א כלאים פון די צוויי סארטן מענטשן.

אויפ'ן פארלאנג פון א חשוב'ער חבר וועל איך ערקלערן די מושגים וואס כ'האב דערמאנט. דער מענטשליכער מין וואס ווערט גערופן homo אדער human קומט אריגינעל פון אפריקע. ווען דער מענטש איז צום ערשט געקומען אויף די מאפע מיט איבער צוויי מיליאן יאר צוריק, האט ער נישט אויסגעזען אזוי ווי מיר זעען היינט אויס, ווי מאדערנע מענטשן (מאדערן מיין איך נישט פארגעשריטן, נאר די היינטיגע צורה און געשטעל פונ'ם מענטש) נאר אינגאנצן אנדערש. ער האט געהאט א פיל קלענערע מוח, ער איז געווען באוואקסן, און זיין שכל איז אפילו נישט קיין דמיון צו דעם היינטיגן מענטש. אזויפיל ווייסט מען יא, אז ער האט זיך שוין דעמאלט באנוצט מיט געצייג געמאכט פון שטיין, וואס ווייזט אויף עפעס חכמה. צוביסלעך איז ער געווארן אביסל מער פארגעשריטן, און ער האט זיך אנגעהויבן צו צוטיילן אויף פארשידענע סארטן, אזוי ווי פון די היינטיגע מאדערנע מענטשן זענען דא פארשידנארטיגע גרופעס וואס זענען היבש אנדערש ווי דעם צווייטן, א אייראפעער און אן אפריקאנער זעען אויס גענצליך אנדערש, אזוי האט זיך אויך צוטיילט די ערשטע מענטשן אויף באזונדערע מינים. דאס אלעס איז דאקומענטירט מיט באווייזן פון די איבערבלייבענישן פון יענע פרימיטיווע מענטשן.
פון אלע סארטן באזונדערע מינים פון דעם אריגינעלר homo איז גארנישט געבליבן, זיי זענען אלע אויסגעשטארבן. אויסער אונזער מין, וואס ווערט גערופן homo sepians. מיר זענען געווארן זייער פארגעשריטן און קלוג, מיר האבן דעוועלאפט אבנארמאל גרויסע מוחות און מיר זענען געווארן די מאדערנע מענטשן מיט דעם געשטעל וואס מיר זענען געוואוינט צו זען.
דער Neanderthal איז א געווען א סארט מענטש וואס איז געווען גאנץ ענליך צו אונזער מין, אבער ער האט אויך געהאט היבשע שינויים. ער האט נישט געהאט קיין טשין, ער איז געווען נידריגער און מער פעסט געבויט. מיט די צייט האט אונזער מין homo sepian איבערגעוועלטיגט דעם Neanderthal וויבאלד עס איז נישט געווען גענוג עסן פאר ביידע פון אונז, און איינער האט געמוזט מאכן דעם וועג פאר'ן צווייטן, ממילא האבן די קלוגערע האמא סעפיאנס באוויזן צו באקומען די בעסערע פלעצער צו עסן, און אזוי זענען זיי צוביסלעך פארשווינדן געווארן. אבער נישט גענצליך, וויבאלד אין די צייט וואס מיר האבן געלעבט צוזאמען האבן טייל פון פון אונזערע אור עלטערן חתונה געהאט מיט די ניענדערטאלס און זיך אויסגעמישט מיט די אלגעמיינע פאפולאציע פון די האמא סעפיאנס, אזוי אז עס איז אריינגעקומען אביסל פון זייער די ען עי. ממילא, ווען די סייענטיסטן שטודירן אונזער די ען עי קענען זיי זען אז מיר זענען אויך אייניקלעך פון די מער פרימיטיווע ניענדארטאלס. דער געפינס פון א מענטש וואס האט טייל פון די שטריכן פון א ניענדארטאל און טייל פון די האמא סעפיאנס מיינט אז זיין טאטע איז געווען א האמא סעפיאן און זיין מאמע א ניענדארטאל, און דאס באשטעטיגט אז עס איז ווירקליך פארגעקומען שידוכים צווישן די צוויי מינים.

א געשאצטע בילד ווי אזוי א געווענליכער ניענדארטאל האט אויסגעזען לויט די איבערבלייבענישן וואס מ'האט געטראפן

א בי בי סי דאקומענטערי איבער ניענדערטאהל'ס

א נייע סטאדי ווייזט אז מענער באלד'נעס (ווייניג האר אויפן קאפ) אינדיקעיטס הארץ פראבלעמען

<a class="postlink" href="http://www.bbc.co.uk/news/health-22014173">http://www.bbc.co.uk/news/health-22014173</a>

נייע שטודיע ווייזט אז שימפענזיס קענען טראכטן איבער זייערע טראכטן, ד.ה. אז די מאלפעס פארמאגן מעטאקאגנישען <a class="postlink" href="http://www.gsu.edu/63957.html">http://www.gsu.edu/63957.html</a>

סייענטיסטן האבן געטראפן די עלטסטע דיינעסאר איי מיט די שיריים פון אן אומגעבוירענע עובר אינעווייניג. די רעזולטאטן צייגן אז די דיינעסאר איז געוואקסן צו אן אומנאטורליכע גרויסקייט נאך אין די מאמע'ס איי אין א גאר קורצע צייט, און שפעטער ווען עס איז געבוירן איז עס געווארן נאך גרעסער.

א נאכגעמאכטע מאדעל פון די גרויס פון א דיינעסאר איי קעגן א היינטיגע טשיקן איי

סייענטיטס האבן געקענט וויסן (פאר 60%) וואס דריי מענטשן האבן געזען אין זייערע חלומות דורך MRI פון זייער מח און דורך פריער אריינלייגן אין א קומפיוטער פראגראם זייער מח אקטיוויטי פאר פארשטעלן יעדעס פון אפאר הינדערט חפצים.
<a class="postlink" href="http://www.sciencemag.org/content/340/6128/21.full?rss=1">http://www.sciencemag.org/content/340/6 ... full?rss=1</a>

Study: People Who Text Frequently Tend To Be More Racist, Shallow

<a class="postlink" href="http://cleveland.cbslocal.com/2013/04/13/study-people-who-text-frequently-tend-to-be-more-racist-shallow/">http://cleveland.cbslocal.com/2013/04/1 ... t-shallow/</a>

א שטודיע האט פעסט געשטעלט אז מענטשן וואס גלייבן אז גאט איז אויפגערעגט און שטרענג האבן מער גייסטישע פראבלעמען ווי ענקזייעטי און אבסעסיעס. כאטש עס איז שווער צו זאגן וואס ברענגט וואס, צו די פאביעס און ענקזייעטי ברענגען אז א מענטש זאל גלייבן אז גאט איז שטרענג, אדער אז איינער וואס גלייבט אין א שטרענגע גאט באקומט א נטיה צו ענקזייעטי.

א וואונדערליכע שטיקל אינפארמאציע איז צוגעקומען צו די סייענס פון עוואלוציע. ווי באקאנט, האט זיך איין סארט פיש עוואלווד צו א פיר פיסיגע חיה וואס קען גיין אויף די יבשה מיט פיר הונדערט מיליאן יאר צוריק. דאס איז געשען דורך דעם וואס די פלוס פעדערן פונ'ם פיש האבן זיך צוביסלעך געטוישט צו פיס, און אזוי האט עס געקענט שפאצירן אויף די טרוקעניש. אין אנהויב איז עס ארויפגעקומען בלויז אויף צו שעפן אביסל פרישע לופט, און דורות שפעטער האט זיך עס געטוישט צו געהעריגע חיות, פון וואס אלע פיר פיסיגע בעלי חי זענען אפשטאמיג. עס איז נאך היינט דא איין מין פיש וואס איז ענליך צו יענע אור אלטע פיש וואס האט זיך געטוישט צו א פיר פיסיגע חיה, און סייענטיסטן האבן אנטדעקט די די ען עי קאוד פונ'ם פיש, און זיי האבן געטראפן אז די סארט פיש האט א געוויסע טויש אין די אינפארמציע פון די פלוס פעדערן, וואס ווען מ'האט אריינגעלייגט דעם טויש אין א מייזל, האט עס בליץ שנעל דעוועלאפט א כמעט גענצליכע פיס. דאס איז א וואונדערליכע דערגרייכונג, וויבאלד די פיש איז די איינציגסטע וואס שעירט די גענע אינאיינעם מיט אלע פיר פיסיגע בעלי חי, און סייענטיסטן האבן שוין לאנג געוואוסט אז ס'איז זייער ענליך צו די אור אלטע פיש וואס האט זיך עוואלווד אין די אנדערע בעלי חי. יעצט איז געווארן פעסטגעשטעלט דער שייכות צווישן די פלוס פעדערן מיט די היינטיגע לאנגע פיס פון אלע חיות.