כ"ק אדמו"ר מ'מילק שעיק וועט נישט זיין חנוכה אין פאר-ראקעוועי

יודעי דבר זאגן, אז די גאנצע ענין פון מילקשעין' אויף שבועות, האט אדמור הזקן, איינגעפירט. וממנו יסד וממנו פנה, בך בטחו בלא בלא בלא

שוין לאנגע וואכן וואס תלמידי הישיבה, שיעור ה', - וואס זענען זוכה צו פריוואטע attention פון רבינו שליט"א, ווי רבינו שליט"א דרוקט זיך אויס כמה פעמים, "איך געדענק מיך אזוי...", מיינענדיג צו זאגן אז ער אליינס, ברוך שם כבוד וכו', איז נישט לאנג צוריק אויך אין אזא סארט מצב, און ברוך השם, ווי אלע ווייסען און זעהן, איז רבינו שליט"א עלה ונתעלה און שטייט גלייך אין שורה מיט אדמו"רי זמננו כידוע. - גרייטען זיך מיט גרויס פאך און מורא, אז זייערע מעשים טובים, די קרוינען פון רויזען און בלומען זאלן מוצא חן אינעם רבי'נס עיניו הבדלוחים. און און איינוועגס אויך לכבוד יום טוב שבועות. המשך יבוא... ס'גרוילט מיר שוין מאריך צו זיין...

פארוואס איז די רבי לעצטענס אזוי אנגעצויגען?

ווייל דער "רואיגער יונגל צו שמועסן און פארברענגען" איז אויך געווארן אנגעצויגען לעצטענס 😈

אוקעי, כ'טויש מיין חתימה.

ניין. ענדערש בארואיג זיך.

שקר!! סדא א טיש געהעריג , הער אויף מיט דיין אייזלישע טעראר! לאזט ארויס שקרים און נאכדעם וועסטו קומען זאגן אז אונזער רבי האט נישט אן עולם הא?

די רביצין גייט דאך אין זיבעטען.

די מעשה וואס דער רבי שליט"א האט פארציילט די וואך ביי מלוה מלכה איז מיר געווען א חידוש!
איינער האט שוין אמאל געהערט די מעשה?

דר'עולם פרעגט אין אישי וואס די מעשה איז געווען.. כ'דענק נישט פונקטליך, אבער עפעס בערך אז בארדיטושבער רב האט געהאט א טשייניקלאזאט, און סוכות אינדערפרי האט ער אויסגעשאסן די גלאז פונעם טשייניקלאזאט..

די חידוש פון די מעשה האט די רבי ארויסגעברענגט אז דעמאלטס איז נאכנישט געווען אזוי מצוי אז יעדער זאל האבן א טשיינעקלאזעט און דאך האט דער בארדיטשובער זיך געזען איינצוהאנדלען איינס צו האבן א גלאז

ווער נאך האט געזען די געשלעג נאכן טיש פרייטאג צונאכטס צווישן די צוויי גבאים??

די רבי האט געבעטן מ'זאל נישט רעדן דערפון. מ'האט פארשיקט דעם הויז בחור, און דער רבי האט געווארענט אז אויב חלילה איינער וועט פארציילן פאר נחום'ן איבער דעם פרשה, איז ער נישט מוחל בבא ובזה.

איז די רבי פון די לג רבנים וואס האבן געחתמעט אקעגן נחום?

Lexus

איז די רבי פון די לג רבנים וואס האבן געחתמעט אקעגן נחום?

ניין, ער איז פון די ל'ו וואס האבן נישט...

לויט ווי איך הער וועט די מילקשעיקער מאכן א אינטערנעט אסיפה אלף בלק.
אין די זעלבע צייט ווערט געמאלדן אז זיין באמס פלאנען צו מאכן א קאונטער אסיפה אלף קורח ל'ע.

עס דערמאנט וואס די פריעדיגע רבי האט געזאגט:
עס וועט זיין א צייט וואס מילקשעיק וועט זיך גיסן אין די גאסן , און קיינער וועט זיך נישט קימערן.
כידוע האט די רבי ז'ל שטארק געהאלטן פון די אינטערנעט. עס הערשט א גרויס אויפברויז ביי די זקני הדורות אויף דעם.

פרטים יבואו...

וואו, ס'ווערט הייס די אייזלען מאכין אויך אן אסיפה די זעלבי צייט די אייזלען שפילן פרומער זיי גייען אויך אסרן מייקראוועיווס און עירקאנדישנס און אלע טעכנאלאיגיע

מען קען יעצט קויפן אויף איבעי א חלק גן עדן פון האדמור האמצעי לבית מילקשעיק.
כאפטס זכותים עס קומט שוין באלד אלול...

די רבי האט נאך נישט ארויסגעדרוקט זיין קדשו'דיגע דעת איבער יא/ניין פראטעסטירן מיט אלע אנדערע רבנים פון גאנץ ארצות הברית און קאנאדע.

שמעתי דבר פלא מכ"ק מרן עה"פ "ויקח קרח בן יצהר בן קהת בן לוי", ואמר מרן שליט"א לפרש: "ויקח" אם אדם לוקח את עצמו "קרח בן יצהר" במטרה לטהר את עצמו ע"י תשובה, דקרח הוא מלשן שלג עדה"פ אם יהיו חטאיכם וכו' כשלג ילבנו ויצהר הוא לשון צהר בבחינת צהר תעשה לתיבה. אז "בן לוי" יכול להגיע למדריגת בן לוי. ודפח"ח, ודו"ק כי עמוק הוא.

משה געציל

שמעתי דבר פלא מכ"ק מרן עה"פ "ויקח קרח בן יצהר בן קהת בן לוי", ואמר מרן שליט"א לפרש: "ויקח" אם אדם לוקח את עצמו "קרח בן יצהר" במטרה לטהר את עצמו ע"י תשובה, דקרח הוא מלשן שלג עדה"פ אם יהיו חטאיכם וכו' כשלג ילבנו ויצהר הוא לשון צהר בבחינת צהר תעשה לתיבה. אז "בן לוי" יכול להגיע למדריגת בן לוי. ודפח"ח, ודו"ק כי עמוק הוא.

ס'האט אן המשך, "ואון", אויב מ'איז ליידער נכשל מיט חטא הידוע, "בן פלס" ער איז מוסיף והולך ("+" בלע"ז), בני ראובן, קוק נאר וואספארא קינדער ער וועט נאך האבן, אויב אבער "ויקומו", מ'שטייט אויף סליחות, דהיינו מ'טוט תשובה, "לפני משה" , נאך פאר די חטאים ווערן פארוואסערט (מלשון כי מן המים משיתוהו) ואנשים, ווערט מען חשוב (כל אנשים שבמקרא לשון חשיבות).

קאווע טרינקער

די רבי האט נאך נישט ארויסגעדרוקט זיין קדשו'דיגע דעת איבער יא/ניין פראטעסטירן מיט אלע אנדערע רבנים פון גאנץ ארצות הברית און קאנאדע.

נאך א קורצע חקירה און בדיקה, שטעלט זיך ארויס אז דער רבי איז ביים פילן דעת, אז יעדער, סיי אינגעלייט און סיי בחורים, זאלן זיך משתתף זיין. זעה דא

קאווע טרינקער

משה געציל

שמעתי דבר פלא מכ"ק מרן עה"פ "ויקח קרח בן יצהר בן קהת בן לוי", ואמר מרן שליט"א לפרש: "ויקח" אם אדם לוקח את עצמו "קרח בן יצהר" במטרה לטהר את עצמו ע"י תשובה, דקרח הוא מלשן שלג עדה"פ אם יהיו חטאיכם וכו' כשלג ילבנו ויצהר הוא לשון צהר בבחינת צהר תעשה לתיבה. אז "בן לוי" יכול להגיע למדריגת בן לוי. ודפח"ח, ודו"ק כי עמוק הוא.

ס'האט אן המשך, "ואון", אויב מ'איז ליידער נכשל מיט חטא הידוע, "בן פלס" ער איז מוסיף והולך ("+" בלע"ז), בני ראובן, קוק נאר וואספארא קינדער ער וועט נאך האבן, אויב אבער "ויקומו", מ'שטייט אויף סליחות, דהיינו מ'טוט תשובה, "לפני משה" , נאך פאר די חטאים ווערן פארוואסערט (מלשון כי מן המים משיתוהו) ואנשים, ווערט מען חשוב (כל אנשים שבמקרא לשון חשיבות).

איז דאס נישט חירוף וגידוף פון פסוקים פון די תורה?

זיכער יא. אומזוסט מיינסטע זענען דא "אייזלען"?

היימישער ליטוואק

איז דאס נישט חירוף וגידוף פון פסוקים פון די תורה?

זעהט אויס, אז אלץ ליטוואק, זענט איר נישט רגיל אין חסידישע ספרים, דערפאר הייבט איר אויגן ברעמען.

זר זהב

זיכער יא. אומזוסט מיינסטע זענען דא "אייזלען"?

זר, דו מישט אויס, אלו הצאן במה חטאו? פארוואס רופטסו זיי אייזלען?

ניין, כ'רעד פון די מתנגדים די אייזלען חסידי אדמו"ר מ'אייז קריעם.

דעי קינדער אהא א נחת! גירא בעיני דשטנא!!

איך האב יעצט קאנפירמד, ממילא קען מען שרייבן...

עס איז באקאנט אז די מילקשעיקער האט איבערגעלאזט א צובראכענע אלמנה. זי לאזט זיך נישט טרייסטן, אויף אזוי ווייט,אז עס איז א סכנה דורכצוגיין איר הויז ווייל זי ווארפט כלים פון די פענסטער. מקובלים טענה'ן אז עס איז א דיבוק פון די רבי זי'ע.
די סיבה פארוואס די חסידים לאזן נישט רעדן דערוועגן, איז ווייל זיי ווילן די רבי זאל מגולגל ווערן דוקא אין א פיש.
יעצט קומט פאר מיטינגען וואס צו טון דערוועגן.

אונזער אייגענעם 'קאווע טרינקער ' איז דארט, און ער וועט ברענגען א באריכט וואס איז געווען דארט.

שקר, ס'איז "די רביצין'ס מענטשן", כידוע..

די רעביצן זאגט אז די וואך האט די סעלאמאן פיש נישט געהאט קיין טעם ווייל די רבי איז מגולגל אין דעם..

וואס זאגט דער עולם צום רבי'נס של"ש תורה די וואך? די רבי האט שטארק געקאכט אינעם גרויסקייט פון פארן אין קאנטרי. בתוה"ד האט ער כדרכו בקודש הערליך שיין אויסגעטייטשט די פסוקים פונעם פרשה וואס א יעדעס ווארט איז ממש מרומז די גודל הנחיצות. איך האב נישט קיין צייט צו שרייבן די גאנצע, וואס וועט זעכער ערשיינען די קומענדיגע וואך אינעם "מעדני חלב" גליון, אבער פון וואס ליגט מיר יעצט אויפן זכרון האט ער זיך געשטעלט אויך די ווערטער; "וירא בלק בן ציפור" לכאורה איז שווער וואס האט ער געזען? ועוד, וכי בן ציפור היה?! נאר דא ליגט מרומז א מורא'דיגע יסוד;
דער בלק האט נישט געקענט פארנעמען די קדושה און מסירת נפש וואס מען זעט ביי כלל ישראל, אפילו אין די טמא'נע אדמת אמעריקא זענען נאך דא א הייפעלע אידן וואס הייבן זיך אויף יאר יערליך און מען לאזט זיך ארויס צו די בערג אלעס מיט'ן ריינעם ציל ח"ו נישט צו צוקומען צו קיין התבוללות! מען מיינט גארנישט זיך! און ישראל עם קדושים לאזן זיך קאסטן שווערע געלטער און מען איז מחמיר אז די דירה זאל זיין טאקע כראוי וכיאות! אט אט דאס האט בלק געזען "וירא בלק" וירא איז דאך א לשון פון זען און "בלק" איז א לשון פון בא-לקאנטרי, און אלעס מיטן בלויזן ציל נישט נשפע צו ווערן פון; "בן ציפור" פון יענע פויגלעך!
דער רבי האט דערנאך שיין משלב געווען די פרשה פון בלעמ'ס אייזל. ברענגענדיג פון א מדרש אז אויף די אייזל האט זיך געפונען אלע האב און גוטס פון בלעם. ער האט געוואלט מקטרג זיין אז נישט נאר כלל ישראל איז זיך אזוי מוסר נפש נאר ער אויך. אויף דעם האט דער מלאך גע'טענה'ט; "למה הכית את אתנך זה שלוש רגלים" דו מיינסט אז עס גייט עפעס פון איין מינוט צום צווייטן?! ישראל עם קדושים זענען פארנומען א גאנץ יאר מיט די קאנטרי! מען הייבט זיך נישט אויף אזוי איין אינדערפרי און מען ציט אפ!
כאמור, וועט זיכער ערשיינען די פילע טעקסט אינעם קומענדיגן גליון.

יעצט פארשטייט איר פארוואס איך בין באנעם און נישט ביים פעטער... (אייזקריעם רבי)

די הנהלה נעמט די שטעלונג אז די רעביסטעווע איז פאלש, און דעריבער איז עס נישט פאסיג פאר "קאווע שטיבל". מיר שפארן דעריבער צו דעם אשכול, און מיר וועלן עס גענצליך אוועקנעמען אין דער נאנטער צוקונפט

וועלעכע רביסטעווע איז נישט פאלטש?

שמעתי שהרבי דיבר השבוע בשלש סעודות אודות הענין שתיית מילק שעיק בשבעה עשר בתמוז והוסיף ואמר רמז נאה ש"שעיק" ראשי תיבות ש'בעה ע'שר י' ק'וסות...
מי יבין בסוד קדושים...

פאלש?????????
כ'האב נישט געוואוסט. רעד מיט די הנהלה כ'מיין אויך אז מ' דארף עס אראפ נעמען

אגב ווער האט דיר געזאגט אז די הנהלה נעמט א שטעלונג

און אנדערע נייעס האט אייז-קריעם'ע רעבע (אדמו"ד מגלידה בלע"ז) אויסגעפלאצט לאכן אינמיטן וויינען ביים שאלעשידעס תוירע, ווען די זקני החסידים (שוין צולאזטע אייס קריעם...) האבן געוויינט צו אים ילמדנו רבינו ולשמחה מה זה עושה, ותכחש רבינו בקרבו ובמעיו לאמור לא צחקתי כי ירא, ויאמרו לא חסידיו לא! כי צחקת, און נאך גרויס דרוק האט די רבי ארויסגעלאזט די סיבה פארוואס ער האט געלאכט, וזהו המעשה. די ערשטע שבת נאכן פטירה פונעם מילק שעיקער, האט ער געוויינט ביים בי"ד של מעלה מ'זאל עם צושיקן צום עמוד צו קבלת שבת און מ'האט פארשטייטזעך נישט! וואס הייסט די סקווירער האט א שוויגער באבע'ס שכינה'ס יארצייט! (און די צווייטע מנין האט די ברך משה געדאווענעט...) האט ער פראבירט צו מוסף אבער שוין געווען פארנומען די ברעטל, האט מען עם מכבד געווען מיט שאלעשידעס טוירע, ספאנטאן האט זיין ממלא מקום אויסגעפלאצט וויינען אויפן ביטערן צרה, אבער אזוי ווי ס'איז שבת האט האדמו"ר מ'אייזל' נאר געלאכט...

דער וואך וועט נישט זיין קיין טיש צוליב דעם וואס די @געפילטע פיש האט זיך צוגעברענט.

תנוקות של בית רבינו שנתחנכו מילדותן על טהרת הקודש...

די וואך ביים תורה האט רבינו שליט"א געדינערט אנקעגן די טריפה'נעם אמעריקאנער חינוך וועלעכע כאפט זיך אריין ביי אנ"ש.
מ'טאר נישט שלאגן, מ'דארף רעדן שיין, ווער, וואס מיינען זיי? מיר וועלן זיך לאזן? מיר וועלן זיך לערנען ביי די טמא'נע קעפ וויאזוי מחנך צו זיין אונזערע קינדער? אמעריקאנע יענקיס וועלן זיי אויסואקסן.
האט די רבי מיט זיין אייגנארטיגן גאנג אריינגעטייטש פשט אין פסוק.

פינחס "פן- חס" טאמער וועט איר שוינען, איר וועט רחמנות האבן "בן" אויף אייער זוהן, איר וועט איהם נישט צומזיקן, דאן "אלעזר" וועט ער אויסוואקסן א "לוזער". (צו ווייזן ער ווייסט גאנץ גוט וואס ס'טוהט זיך אויפן וועלט, האט רבינו געטריבן שפאס פון די רויטע פאפאטשען ודו"ק).
אויב אבער וויל ער "בן אהרן הכהן" זיין קינד זאל אויסוואקסן ווי אהרן הכהן טראץ די פארדארבענעם גוישן חינוך, דאן "השיב" (מלשון והשיב לב אבות על בנים) "את חמתי" זאל ער קערן "זיין" (כאדם התולה את קללתו על אחרים) צארן אויפן קינד, און איהם אנהאקן די ביינער אין יעדעס געלעגנהייט עד ביאת גואל במהרה.

😂 😂 😂 😂 😂

פייוו סטאר!!!

יואב, כ'האב הנאה צו הערן א גריס פון שבת ביים רבי'ן..
ביים רבי'ן ז"ל זענען די בין המצרים שבתים געווען מיט א ספעציעלע שמחה, על שם העתיד, ואין אתנו יודע עד מה

קאווע טרינקער

יואב, כ'האב הנאה צו הערן א גריס פון שבת ביים רבי'ן..
ביים רבי'ן ז"ל זענען די בין המצרים שבתים געווען מיט א ספעציעלע שמחה, על שם העתיד, ואין אתנו יודע עד מה

יא, אזוי ווי רבינו האט אריינגעטייטש "רב לך שבת" די רב לאכט אום שבת, ווען? "בעמק הבכה" טאקע אין די ימי המצרים ווען כלל ישראל איז איינגעהילט אין די טיפענישן פון וויינען.

פרשת פנחס.

נעה, איך זעה אז רבינו שליט"א האט עפעס א נייע סארט מהלך אין טייטשען פסוקים, די רבי ז"ל איז געגאנגען מער מיט די חתם-סופר מהלך.

ניין, בלויז א העתקה.

שוין כמעט א וואך פאריבער זינט שבת. כ'בין געווען זיכער אז איינער וועט שוין ברענגען א באריכט פונעם געהויבענען שבת, אבער במקום שאין געפילטע איז קאווע אויך פיש. - אוי איז געווען א שבת. שווער צו אראפלייגן די הויכעקייט און אטמעספארע וואס האט זיך געשפירט, אנגעהויבן פון פרייטאג נאכמיטאג, ווען אין א "בלעדי" שמועס האט דער רבי זז"ג געגעבן א שמועס פאר די בחורים פון ישיבה קטנה מאנסי און לעיקוואד, לרגל די סיום אויף פרקי אבות מיט ברטנורא. רבינו שליט"א האט נאכגעזאגט פון ספרים הקדושים איבער דעם הויעכקייט פון די בין המצרים שבתים, אז ווען מ'גזעגנט זיך איז די אהבה גרויס, די רבי האט דערביי צוגעלייגט "ווען עטץ וועטס עלטער ווערן וועלן ענק פארשטיין".
פרייטאג צו נאכטס ביים תורה האט דער רבי זז"ג כדרכו מחדש געווען עפ"י דרוש בהקדם ספרי אבותיו הקדושים נ"ע, בענין די בנות צלפחד, אז לכאורה איז דאס געווען קול באשה, און וויאזוי האט משה געקענט זאגן "כן בנות צלפחד דוברות"? די רבי האט גע'ענטפערט בכמה אופנים מחלק צו זיין פון "נגינה" ביז "דוברות". ווי ס'האט זיך ארויסגעזעהן דעם רבי'ן כוח התורה וואס ער האט קונה געווען בבחרותו אין די ליטווישע ישיבות.

אינדערפרי נאכן דאווענען האט דער רבי געזאגט א תורה בדרך צחות, און דערביי מסביר געווען פארוואס די עליה וואס איז מחבר די צוויי פרשיות "מטות און מסעי" איז מסוגל פאר שידוכים, בתו"ד האט דער רבי מסביר געווען אז ס'איז מעורר חיבור, אזויווי ס'שטייט אין די תורה "שלישי שני כשהן מחוברים", דהיינו אז "שלישי" דורך א שדכן, ווערן "שני", צוויי מענטשען, בחור און מיידל, מחוברים.

דער קלימאקס פון דעם רבי'ן כוח הדרוש איז געווען ביי שאלאשידות, דער רבי האט אנגעהויבן בדרך קארני, אז אין די ניין טעג זענען אלע ערליכע אידן מילקשעיק חסידים, ווייל זיי עסען נאר מילכיג. פון דארט האט זיך געצויגען די שמועס אלעס ארום מילך און שעיק. ווען דער רבי האט ברמיזה מרמז געווען - לראשונה - פארוואס ער איז נישט געווען חנוכה אין פאר-ראקעוועי, ווייל באמת איז דאך חנוכה אויך א מילקשעיק יום טוב, כידוע, אבער היות ער האט דאן מסיים געווען א מסכתא, האט ער נישט געוואלט עסן א סעודת בשר און מחלל זיין מועדות, ע"כ האט ער גע'געסן פלייש בצנעה פאר 8 טעג ביז נאך חנוכה. מענין לענין האט דער רבי ממשיך געווען בנועם שיח פארוואס שבועות עסט מען מילקשעיק, וויבאלד ס'איז נאר "מתן תורה" אבער די סיום איז אין שמחת תורה, וואס דאן עסט מען טאקע לכבוד די סיום פליישיגע האלאפצעס.

מיט "דרור יקרא" האט דער רבי מכבד געווען קאמארנע רבי.
מיט "ידיד נפש" האט דער רבי מכבד געווען זיין חברותא נאך פון ישיבה, הרב החסיד, נשוא פנים, יפה עינים, פרי תואר, מו"ה ***** שליט"א.

וואס איז פשט אז די רבי האט זיך געשוירן אין די דריי וואכן?

הלכה מפורשת ש"מצורע" מותר לגלח בתוך שלוש שבועות