[ציטאט אראפגענומען]
דו מיינסט אוואדי צוזאגן עקסקלודינג צוויי, ער האט געהאט נאך א זוהן, די עלצטע ־ ר׳ הערשלע ע״ה, ווי באקאנט האט זיך די מנחת אלעזר זצ״ל געשפיגלט מיט אים אלץ זיין עלטסטע אייניקל עד כ״כ אז ער ווערט דערמאנט און אראפגעברענגט אין זיינע תורות אפאר מאל. ליידער איז ער צוריקגעקומען שטארק געשעדיגט פונעם קריג, סיי פיזיש סיי גייסטיש, ער איז געוועהן א קליין קינד ביי די קריג און ער איז געוועהן פון די געציילטע אין זיין עידזש דורכצולעבן די גיהונים, ער האט ליידער צוגעזעהן די מאסן קברים אין קאַמענעץ־פאָדאלסק רח״ל, נאכן קריג האט ער געוואוינט עלענד אליינס אין ב״פ און זיך געדרייעט אין שומר שבת און ביי אמנון׳ס פיצא זייענדיג אנגעוויזן אויף אפאר געציילטע אלטע מונקאטשער חסידים ווי הרה״ח ר׳ בנימין פערלשטיין וכו׳ און זיין ברודער אדמור מ׳מונקאטש, ער איז נפטר געווארן בערך זיבן יאהר צוריק.
וואס סאיז גאר אינטערסאנט איז אז גאנץ ווייניג האט די אינגע דור אשר לא ידע את יוסף געוויסט אז דער ארחי־פרחי וואס האט זיך געוואלגערט אויף די בארא פארק׳ע גאסן איז אמאל געוועהן א רבישע קרוין־פרינץ וואס איז געזעצן אויפן מנחת אלעזר׳ס שויס ביי די געהויבנע מונקאטשע טישן בשעת טויזענטער חסידים האבן זיך געשטיפט צו כאפן א בליק אויפ׳ן צדיק.
און לאמיר נישט פארגעסן מונקאטש אינדערהיים איז געוועהן גאר א גרויסע חסידות!
