ברוך דיין האמת האדמו"ר מוויזנץ מאנסי זצ"ל

אישתישבי

פשיטא לי אז ר' יעקב יוסף רופט זיך אויף צו סידור קידושין אלס באראפארק מאנסי וויזניץ רבי,

קאמבעי' לי, ר' ישראל פין סטעטען איילענד, רופט מען אים סטעטען איילענד מאנסי וויזניץ, אדער וויבאלד עס איז נישטא קיין אנדערע וויזניץ אין סטעטען איילענד איז גענוג צו זאגען סטעטען איילענד'ער וויזניץ רבי.

ואת"ל אז יא, איז אפשר אז מען קען אים רופען סטעטען איילענד'ער רבי, ווייל דערווייל איז נישטא נאך א רבי אין סטעטן איילאנד.

הרחמן הוא ישלח לנו אליהו, ויפשוט לנו כל הספיקות

קאך_לעפל

רבינו שליט''א פרעגט זיך אויך צו פירן אז ווען דאס געדערים זיינער האט געפאדערט דאס זייניגע. האט ער באלד מקיים געווען דעם מ''ע דאורייתא פון והיית מעלה גרה. אבער ער האט דאס נישט מבליע געווען בנעימות ווי ס'איז דער שטייגער ביי די אלגעמיינע מענטשהייט. נאר ער באלד מקיים געווארן דעם ונשמע קולו בבוא אל הקודש, ברוב פאר והדר.

אוי... למשמע אזנינו דאבה נפשינו...

קאך_לעפל

אינטעראסאנט אז קיינער בארירט נישט די פולע זעלטענע מנהגי קודש, וועלכע איז שטענדיג געווען גאר אויפאלענד ביי די טיש-באטייליגטע, הויפטזעכליך ביי די פרעמדע צוקוקער:

רבינו הקדוש פלעגט זיך פירן צו זיך צו פארטוישען די ציין צווישן די פיש און די פלייש. אבער נישט ווי א גנב בצנעה וואס וואלט ווען געשאפן דעם איידרוק ווי ער טיט עפעס מאדנע. נאר טאקע מיט גאנצן רבישן טראכט, פארנט פון די פולע פארגאפטע צושויער, וועלכע האבן באוואונדערט דעם רבי'ן 'נישט געבן קיין דעם' בלע''ז.

2 רבינו שליט''א פרעגט זיך אויך צו פירן אז ווען דאס געדערים זיינער האט געפאדערט דאס זייניגע. האט ער באלד מקיים געווען דעם מ''ע דאורייתא פון והיית מעלה גרה. אבער ער האט דאס נישט מבליע געווען בנעימות ווי ס'איז דער שטייגער ביי די אלגעמיינע מענטשהייט. נאר ס'איז באלד פולקאם מקיים געווארן דעם ונשמע קולו בבוא אל הקודש, ברוב פאר והדר.

אוי... למשמע אזנינו דאבה נפשינו...

3 רבינו הק' האט זיך נוהג געווען, אז באלד נאכן שבת-מאלצייט האט ער זיך זאפארט פארעפענט דעם רימען, און צומאל גלייכצייטיג אויך דעם העקלע מיטן ריטראזש באנאזאם. אזוי ס'זאל אים נישט ח''ו דרוקן אויפן פילן בייכל

זי''ע ועכי''א.

קאצקע ציקער

איך בין מוחה

שבת אחים

שמעון וואלף

@שבת אחים
שכח פאר דיין הערליכער באשרייבונג. אלס סטעטן איילענדער האט מען דיר נישט דעזיגנירט א רבי, וואלט געווען אינטערעסאנט צו וויסן וועם די קלויבסט אויס פאר ממלא מקום

איך בלייב וויזניצער רבי פון סטעטן איילענד. איך הער אז איך באקום א קאמפעטישאן דאהי אין סטעטן איילענד. הרב ר' ישראל האגער שליט"א ברפ"ש זצ"ל (פון די וויזניצער גמ"ח אין ב"פ) פלאנט זיך צו אהערציען און עפענען דא מוסדות וויזניץ אין סטעטן איילענד (באמת).

איך בין א חסיד פון אלע ערליכע אידן וואס האבן אין זיך "אהבת ישראל".

די מערסטע פון אלע גלייך איך הרה"צ ר' יעקב יוסף האגער שליט"א, אדמו"ר בארא פארק. ער איז פשוט א פיינע מענטשליכע מענטש. ער זוכט נישט קיין כבוד. און הרה"צ ר' אליעזר זאב שליט"א אדמו"ר מירושלים. ער קומט צו אלע מיינע שמחות, קיינמאל נישט געוואלט נעמען קיין איין פיאסטער פון מיר. ער איז א גרויסער בעל חסד.

מיין פאטער און מיין פאמילע זענען גרויסע חסידים פון הרה"צ ר' יצחק יוחנן שליט"א, אדמו"ר מוויליאמסבורג. ער איז אויסגעטוהן פון די וועלט. ער זיצט און הארעוועט אויף תורה טאג און נאכט. ער איז אויך אן איידעלער איד וואס טשעפעט נישט קיין פליג.

איך האב גארנישט קעגן די אנדערע, נאר די דריי זענען די מערסטע חשוב ביי מיר.

בן אדם

אין וויזניץ זאגט מען 'זריע' מיט א יוד ?

מאן דאמר

בד״ה
יעצט קומט אריין די ביטערע בשורה איבער די פטירה

ניצחו אראלים את המצוקים ונשבה ארון הקודש
בבית החולים מאונט סיני במנהטן נסתלק לגנזי מרומים כ"ק מרן רבינו אדמו"ר הגה"ק מוויזניץ זצוקללה"ה

קאך_לעפל

דער מקור שטייט נאך אין זמירות רזא דשבתא, וואו די מנהגי קודש פונעם לעגענדארן רבי לייזער וואלף דער קרעשניפער זיידע, ווערן אראפגעגעבן מיטן גאנצן חסידשען חן.

רבינו נהג לאכול בליל שבת קודש המאכל של בונדלעך לבנים. והקפיד שיהא מעלה רתוחה מאוד... ושפתותיו ממללין בסלודין ובנעימות :בנים אתם להשם אלוקכם. ואח''כ גנח גנוחה גדולה...(גרעפ''ץ בלע''ז)

ויהי לפלא.

חסיד אמיתי האט געשריבן:
ווייטער ממשיך זיין -פון ווי איך האב מסיים געוועהן- מיט די התבתלות פון מאקאווא רב ווי א חסיד אמיתי צום צדיק הדור

בכלל גאנץ שבת, נישט אראפגענומען א אויג, צוגעשטיפט זיין האנט פאר שריים, נישט ווארטענדיג מען זאל אים מכבד זיין, איך געדענק א נערישע קליינע עפעזאד... דאס ווען די מאקאווא רב איז ארויס פון ר' מאיר זלמן'ס שטוב, איז אלעמאל מיטגעגאנגען אידן מיט אים באגלייטען, געדענק איך דאס ווען מען איז אנגעקומען אין וויזשניץ פאר מען איז אריין אין ביהמ"ד האט די מאקאווא רב געהייסען יעדעם אריין גיין, כדי ער זאל נישט אריין גיין מיט א מצב... ווי א רבי מיט חסידים... ווייל אין וויזשניץ איז מען א פשוט'ע חסיד!

דאס לעצטע מאל וואס ער –די מאקאווא רב- האט מיטגעהאלטען איז געוועהן פאריאר שבת החודש! ווי מען קען זען ווי די מאקאווא רב ברענגט עס ארויס אין די מכתב מיט א שטארקע בענקעניש, פאר די קינדער הרבנים הצדיקים שליט"א וזה מתוך לשונו: "כאשר זכינו בעזה"י להבל"ח כמה פעמים להסתופף בצל הקודש, ובשנה העעל"ט פרשת החודש, שמענו תפלתו הק' ועריכת השלחן הטה', וקוה קוינו כאשר שמענו כן עוד נזכה"... און נאכדעם שרייבט ער ווייטער מיט א געפיל צום צדיק דאס די זמן וואס ער איז נסתלק געווארען איז שוין אין א"י -מקום מנוחת אביו וזקינו הק'- געוועהן שבת, ווי די מאקאווא רב שרייבט בלשון קודשו אין די מכתב אזוי: "וזכה להתעלות בשעה שבאה"ק הי' אורות השב"ק, ה"ה אביו הק' מרן בעל אמרי חיים וסבא קדישא בעל אהבת ישראל שקידמו פניו הק' בכחות השב"ק"..... און מיט א התבטלות רעדענדיג נאר פון די קדוש שרייבט ער זיך אונטער שמו ושם אמו "שמעון בן שרה לאה", איז וואס קענען אונז צולייגען אפילו? נאכדעם וואס מען זעט ווי אלע צדיקים פון היינטיגען דור, און פון דור הקודם האבען געהאלטען פון אים, ווער זענען אונז אפילו ווערד צו קענען זיך ארויסברענגען אונזער'ע געפילען...???

מדי דברו בו זכור אזכרנו עוד, וואס גאנץ כלל ישראל האט מיטגעהאלטען ביים גרויסע כינוס כלל ישראל, ווי אחד מצדיקי הדור כ"ק אדמו"ר מ'פשעווארסק שליט"א איז געזעצען אויסגעדרייט צום וויזשניץ'ע רבי ווי א חסיד די גאנצע זמן, נישט אראפנעמענדיג זיין אויגען פון אים.... נאכאמאל איך רעדט נישט חלילה פון צדיק, ווייל עס איז נישט מעגליך, איך טוה נאר סך הכל פאראייביגען מיינע זכרונות.

פאר רוב חבירים וועט עס אפילו נישט זיין אינטרעסאנט, אבער ביי מיר איז עס איינגעקריצט זייער טיעף, געוועהן איז עס ווען מו"ר כ"ק מרן גאב"ד סאטמאר שליט"א איז געוועהן בקודש פנימה מבקר חולה זיין, נאכדעם וואס די רבי איז צוריקגעקומען נאך די באקאנטע ר"ה וואס כלל ישראל האט אים אויסגעבטען אויף נאך עטליכע יאר צו באשיינען די וועלט ב"ה, איז די רב געוועהן אויף א באזוך און אינמיטען האט -מיט א פשטות- די רבי זיך געגעבען א רוף אהן "איהר זענט דאך א רב! א גרויסע רב דא אין שטאט! פסק'נט מיר צו איך דארף גומל בענטשען?!"... אין מילים.. מען רעדט דא פון די צדיק הדור, א ריכטיגע בא בשנים, און ער פרעגט מיט א אמת'דיגע שאלה פון א רב בישראל וואס די רבי להבל"ח האט געקענט זיין א זיידע פאר'ן רב שליט"א, דאס איז א חלק פון זיין אמתקייט און פשטות, קיינמאל נישט געקוקט אויף א זאך צו פאסט יא צו נישט, אז איך רעדט שוין פון די התקשרות וועל איך דערמאנען נאך א זאך, מיין רבי די סאטמאר רב שליט"א איז איינמאל נתכבד געווארען צו זיין נואם הכבוד ביים וויזשניץ'ע דיננער אין מאנסי, און איך געדענק אפילו די דרשה וואס די רב שליט"א האט געהאלטען, זייער שטארק גערעדט פון גרינגער מאכען די עול פאר'ן צדיק, און תיקף דערנאך איז געוועהן די דברות קודש פון רבי'ן, און ווען ער האט שוין געהאלטען ביים מסיים זיין, האט די רבי אויסגעפירט: "אפילו מען האט מיר עס נישט פארגעשריבען צו זאגען, אבער איך שפיר מחובתי, זאגען א ישר כח פאר די סאקמאר רב, פאר די ווארעמע דיבורים!" און נאכדעם איז געקומען ברכת קודשו פאר'ן גאנצע ציבור, דאס איז ארויסגעברענגט אויף'ן שפיץ גאפעל מיינע זכרונות פון די רבי'ס פשטות און אמת, און טוען יעדע פעולה אהן זיך אומקוקען און טראכטען, וואס וועט מען זאגען...

די זכרונות פון ימים טובים, די טישען, עס איז געוועהן אביסעל שווערער מיטצוהאלטען, כודם כל ווייל איך פלעג נישט אוועקגיין פון סאטמאר, ממש זיך נאר אריבערגעכאפט כדי צו כאפען א בליק, והשינת עס פלעגען אריין קומען די חסידים פון איבעראל, ממילה איז געוועהן געפאקטע טישען, און איך האב נישט געקענט כמעט זעהן, אבער איין זאך וואס איך וועל קלאר געדענקען, ר"ה ביינאכט די טיש! אנגעהאט די טאטע'ס שטריימעל.. אזא אלטע צדיק, טויזענעטע חסידים ארום הענגען פון די דעכער, א ווייסע בעקיטשע, מיט אזא דינע אלטע שטריימעל, א קליינטשיקע, אוי האט עס געהאט א חן דקדושה!

אבער איין זאך וואס איך האב מקפיד געוועהן –שוין אלס טאטע פארשטטיט זיך- "אלעמאל" מיטגענומען מיין קליינע אינגעלע, נאך מיט די האר אפילו, נאך פאר ער האט געהאט פיאות... איך האב איך די ערשטע מאל גענומען נאך מיט א קעריזש אפילו, איך געדענק אפילו דאס איך האב איינמאל געדארפט ארויסלויפען פון טיש ווייל מיין קליינער האט נישט אויפגעהערט צו שרייען צו די פייגעלעך וואס האבען ארום געפלויגען אין ביהמ"ד.. אבער פון שפעטער, ווען ער איז שוין געוועהן אביסעל עלטער, האט ער שוין איינגערועט, און איך האב אים כסדר גענומען קוקען צורת קודשו אפילו ער וועט נישט געדענקען "אוחזין במעשה אבותיהן", ווען איך האב אים אפגענומען פון חדר די פארגאנגענע פרייטאג 10:45 צו נעמעם קיין מאנסי צו די לויה, האב איך אים געפרעגט צו ער גדענקט אז איך האב אים גענומען יעדע מאל ווען מען איז געגאנגען צום רב אויף יו"ט, אז איך פלעג אים נעמען כאטש איין מאל כדי צו קוקען אויף א אלטע צדיק? ער זאגט אז יא... איך וויס נישט צו יא צו ניין, אבער געזעהן האט ער אים זעכער עטליכע מאל, און ווי אויך געגעסען שריים!

אבער איין דורכפאל האב איך געהאט... ווען איך האב אים פארציילט אז די צדיק איז נסתלק געווארען, און איך האב אים פארביערט צו מסביר זיין, כדי ער זאל פארשטיין אביסעל וואס די דור האט פארלוירען, און עס איז שוין נישט דא מער די אלטע הייליגע קדוש ה', האט ער מיר צוריקגענטפערט מיט א מעשה וואס איך האב איך נארוואס פארציילט..... די פארגאנגענע ח"י חדר די יארצייט פון הייליגען ר' אברהם'לע קערעסטירער זי"ע.

והנה: ס'באקאנט אז ר' ירמי' הערש בערקאוויטש פלעגט באקומען שטענדיג צוקער פון ר' ישעי'לע פאר א פרוי פון שטאט גיבארט און דאס האט איר דערהאלטן ביים געזונט, ווען ר' ישעי'לע איז אוועק, איז נאך געווען אביסל פון די צוקער, אבער ווען די צוקער האט זיך כמעט געענדיגט, האט זי געבעטן ר' ירמי הערש ז"ל דאס ווען ער וועט פארען לפקוד ציון קודשו זא ער אריין גיין צום נייעם רבי'ן נעמען צוקער, ר' ירמי' הערש וואס איז געוועהן א חסיד נאמן אלע יארען פון הייליגען ר' ישעי'לע =האב איך מסביר געוועהן פאר מיין אינגעל= דאס עס איז זייער שווער צו גיין צו א נייע רבי ווען מען האט זיך אלע יארען געדרייט ביי א הייליגע אלטע צדיק, =אבער איך האב אויסגעפירט= אז אפילו דאך, אפילו עס איז שווער, ווייסען מיר דאס די וועלט גייט ווייטער אהן און מען גייט צו די נייע רבי, אבער ר' ירמי' הערש האט נאך נישט אזוי געגגלייבט האט ער פארגעסען צו בעטען פון ר' אברהם'לע, איז ווען ער איז צוריקגעקומען און ער האט נישט געהאט, און מען האט געשיקט בעטען האט ער געשיקט פשוט א פעקעל פון זיך אין שטוב, און, ויהי פלא אז ס'האט ווייטער גע'ארבעט.

די קומענדיגע מאל וואס איז אים אויסגעקומען צו זיין אין קערעסטיר איז ער אריין שלום נעמען ביים נייעם רבי'ן מחמת הנימוס, ווי ר' אברהמ'לע האט איהם דערזעהן האט ער איהם געזאגט, א גוטן ר' ירמי' הערש זעצט אייך און לאמיר אייך דערציילן א מעשה, און ער פאנגט אן צו דערציילן, אין די צייטן פונעם הייליגן רבי'ן ר' אלימלך האט אין שטאט ליזענסק געוואוינט א מלמד תשב"ר וואס האט אויך געהייסן אלימלך, ווען ער האט געדארפט חתונה מאכן א טאכטער, האט איהם זיין ווייב געזאגט טו וואס אלע טוהן פאר ארום נאך געלט און וועסט געהאלפן ווערן, סבר וקיבל און האט אנגעהויבן ארום פארן, אין די נאנטע שטעטלעך האט מען איהם נאך געקענט און מ'האט איהם געגעבן כפי ערכו, אבער ווי ווייטער ער איז געפארן האט מען זיך טועה געווען אז דאס איז דער גרויסער רבי ר' אלימלך, וויפל ער האט פראבירט טענה'ען אז ער איז נאר א מלמד תשב"ר האט מען דאס אנגענומען ווי ענוה און מ'איז געקומען אין די מאסן מיט גרויסע פדיונות און קוויטלעך בעטנדיג השפעות און הבטחות, דער איד זעהענדיג אז ער האט סייווי נישט קיין ברירה דער עולם גלייבט נישט אז ער איז נישט רבי ר' אלימלך, האט ער זיך גענומען טיילן הבטחות אויף רעכטס און לינקס, און אין א קורצע תקופה איז ער אהיים געקומען מיט אסאך געלט, און איז גלייך אריבער צום רבי'ן ר' אלימלך ווייל ער האט איהם געוואלט געבן האלב פון די פדיונות, נאכן מאכן די געלט אויף זיין נאמען, ווי נאר ער טרעט אריין אין צימער, זאגט אים דער רבי ר' אלימלך, אויף ביז יעצט האב איך געדעקט כדי ס'זאל נישט ארויס קומען קיין חילול ה', אז מ'וועט מיינען אז כ'האב צוגעזאגט און ס'איז נישט מקויים געווארן, אבער פון יעצט אין ווייטער, הזהר והשמר, זאלסט מער אזאנס נישט טוהן.

און ר' אברהמ'לע האט זיך אנגערופן, ירמי' הערש האסט פארשטאען?, דער ר' ירמי' הערש האט געטרייסלט פאר פחד זעהענדיג די אפענע אויגן, ומיני אז איז ער שוין געבליבן א חסיד פון ר' אברהמ'לע זצ"ל.... האט מיר מיין אינגעל יעצט ביי די לויה זאפארט צוריקגעגעבען מיט די מעשה הנ"ל... און מיך מסביר געוועהן דאס אפילו עס איז זייער שווער צו גיין צו א נייע רבי, דאך דארף מען גיין... שוין.. מען דארף זייער אכטונג געבען וואס מען געבט איבער פאר קינדער! אבער נאר אזעלעכע צרות, איך האב נאך אלס נישט קיין חרטה, ווייל עס דארף טאקע אנגיין!

איך קען רעדען און רעדען און נישט ענדיגען אויסליידיגען מיינע זכרונות קעמערלעך... אפיר נעמען א קוויטעל אריין גיין... דאס קען מען נישט אראפלייגען אויף א פאפיר, נישט מעגליך, נישט דייקא פון רבי'ן פערזענליך נאר אפילו די ארום און ארום אין דער זייט דארט איז געזעצן דער פארצייטישער גבאי ר' יעקל, וואס איז געווען בערך דעם זעלבן עלטער פון רבי'ן, אבער איז געשטאנען מיט אזא התבטלות פארן רבי'נס, און ר' יוסל ראאב, האט זיך אראפגעלאזט צו יעדן, און אכטונג געגעבן אויף כבוד הזול, אבער ווען די רבי האט געוויזען אז ער האט נישט קיין כח מער...ווער געדענקט נישט די געשרייעריי וווען מען האט נישט געהארכט ר' יוסל... "איך קען נישט זיין געטריי פאר ביידע! פאר דיר אדער פאר'ן רבי'ן!?!?" "קענסט דיר קלויבען" אבער באופן כלל מיט אזא צוגעלאזענקייט צו יעדעם! נאך מיין חתונה איך בין געוועהן (און איך בין נאך אלס) א אינגערמאנטשיקעל, זיך פארענפערט אז די רבי מחמת חלושות גפו הטהור קען נישט אויפנעמען, פארביער שפעטער... און ווען איך בין צירוקגעקומען, האט ער מיר אריינגעלאזט אין שורה ווייל איך קום פון שטאט און איך בין שוין געוועהן פריער דא, ממש א כבוד הבריאות, איך געדענק טאקע ווען איך בין אריין, די פחד און אימה אבער די רבי איז געזעצען מיט א שיינידיגע צורה און געמיטלעך אויסגעפרעגט אוטן געשמוסט, "אה! א איידעם ביי ר' ברוך! פון די אינשורענסעס!" א אייניקעל פון ר' ברוך פון האלמין" "געוועהן די איינציגסטע וואס פלעגט אריינעמען דעם זיידען די אהבת ישראל, טראץ ער איז געוועהן א סיגוט'ע" און נאכדעם גערעדט פון אלע אנדערע זיידעס, "זיכער, מיר געדענקען דעם זיידען ר' יעקב" "פלעגט ברענגען די לעכט פאר'ן שווער" "די זיידע ר' אייזיק פון מארגערעטען, נישט געוועהן קיין חסיד, אבער אויך נישט קיין מתנגד"... אוי! איך האלט עס נישט אויס! דאס גייט שוין נישט זיין... הייליגע טאטע אין הימעל ברענג אונז משיח שוין! נישט דא די ווערטער, ווילאנג דער צדיק איז געווען מיט אונז, האבן מיר געוואוסט אז מיר זענען נאכנישט פארבליבן אליינס, מיר האבן נאך די קדוש עליון וואס שיצט אויף אונז, און איז אונז מקשר מיט די פריערדיגע דורות, אבער יעצט, זענען מיר געבליבן באמת פאריתומ'ט.

זאל דער אייבערשטער אונז אלע טרייסטן, מיר זאלן קענען מיטנעמען די דערהויבענע לעכטיגע זמנים וואס מען האט מיטגעהאלטען בצילו הק', איך וועל מסיים זיין מיט א מחשבה וואס איך האב געהאט זונטאג נאכט... אזוי ווי איך האב געהערט פון מיין טאטע אז די מקוה איז נישט אראפגעלאזט, האב איך זיך ארויסגעלאזט זונטאג נאכט אויף סקווירא צום ציון בין אויך געפארען קיין מאנסי זיך טובל זיין, און דערנאך בין איך ארויף על ציון הק' אפילו מען גייט נישט אינמיטען שבעה... וואס זאל איך אייך זאגען טייערע אידן, עס איז באקאנט אז די בית ישראל זצ"ל איז געוועהן אויף מקום מנוחת אמרי חיים זצ"ל אינמיטען שבעה און זיך אנגערופען "ווי קען א בערגעל זאמד פארדעקען אזא גרויסע מענטש?" לענ"ד ווען איך בין געוועהען אין אוהל באישון לילה און מוריד דמעות געוועהן האב איך געטראכט צו זיך די זעלבע... ווי קען א בערגעל זאמד פארדעקען אזא קדוש אלקי, אזא אדם גדול,??? הייליגע טאטע אונז הלטען עס נישט אויס... איך בין באמת נישט קיין וויזשניץ'ע חסיד אבער עס גייט נישט אראפ פון מיין מחשבה, בלייבט איבער אויף אונז נאר צו טוען לעילוי נשמתו ההטהורה, און די בוכ"ע זאל העלפען דאס ער זאל זיין פאר אונז א מילץ יושר ביז מען וועט זוכה זיין צו ביאת משיח, אמן

החסיד אמיתי, שזכה להתאבק בעפר רגליו הטהורים
החותם מתוך געגועים והרגישם הסוערים בליבי

שבת אחים

מיט די שבת פייפער איז ער געוועהן גראדע גערעכט. סאטמאר האט געלייגט א פייפער נאר נאך די מוחאה אויף די פובליק סקול אין מאנרא. און זיי פלעגן פייפן פאר 5 גאנצע מינוט דוקא ווען ער האט שוין געהאלטן ביי קבלת שבת. למעשה איז מאנסי נאר געווארן אזא חסידישע שטאט וועגן אים. ער האט זיך אסאך געמוטשעט ביז ער איז אנגעקומען אהין.

מיט הצלה איז ער אויך געוועהן גערעכט. לויט וואס איז דעמאלטס פארגעקומען. לויט די הלכה.

אלטע נערישע פאלטיק. נעקסט קעיס.

berlbalaguleh

גם אני הקטן, וועל אריינווארפן מיינע 2 סענט וואס איך האב געהערט פון גאר נאנטע מקורבים.

ויהי היום. איינער פון די שטערקסטע שטיצערס (מיט געלט און מעשים, א איד א גביר. מ'האט אהיימגעשיקט זיינע טעכטער פון סקול, ווייל זייער צניעות אין די מלבושים האט א ביסל אונטערגעהינקען. איז זייער טאטע געקומען צום רבי'ן. און גענימען טענה'ן און אויסרעכענען אלע זיינע זכותים. וואס ער האט אלץ אויפגעטוהן פאר'ן ביהמ"ד און פאר די חסידות...! אבער ער איז נישט געווען גרייט זיך אונטערצו ווארפן אונטער די תקנות. האט איהם די רבי געזאגט..."מאך מיר א חשבון וויפיהל איך בין דיר שולדיג. און ער איז צוגעגאנגען צו א לעדל און ארויסגענימען א פאק מיט געלט און געזאגט...נו, זאג מיר וויפיהל איך בין דיר שולדיג...!

אישתישבי

לאמיר רעדן תכלית.

עס הייסט אז אלע מוסדות האט ער גוט איינגעטיילט, צו פארמיידן מחלוקת צווישן די קינדער. יעדער האט א רעכט צו עפענען פרישע מוסדות אין א אנדערע שטאט. אפילו עס געפינט זיך דארט א ברודער וכו'.

חוץ דער ממלא מקום אין מאנסי, ער טאר נישט עפענען א ישיבה פאר פינף יאר. ווייל די ישיבה איז אין גיבערס. קען איינער אויסקלארן די זאך? דער רבי שרוליק אין מאנסי, דארף זיצן אין צוקוקען פאר די נעקסטע פינף יאר ווי די בחורים ווערען חסידים פין דער אדמור מגיבערס?

איז דא אין דעם נאך פאקטן?

פרייוויליג

מיט די פטירה פון הרה"צ רבי מאטעלע זצ"ל קען מען ריכטיג זאגן אז וויזניץ האט פארלוירן א רבי'ן. אנדערש ווי אנדערע רביס במידתו איז רבי מאטעלע געווען א קאנפארמאטי פאר וויזניץ, אדער איז וויזניץ געווען א קאנפארמאטי פאר רבי מאטעלע. רבי מאטעלע איז געווען פאר וויזניץ און וויזניץ איז געווען פאר רבי מאטעלע.

רבי מאטעלע, וויפיל דרויסענע אידן ער זאל נאר האבן געזען אדער אויפגענומען לאורך ימי חייו, האט עס/ער נישט אפעלירט צום המון און די המון האט נישט אפעלירט צו אים.

איך רעד נישט פון מהות גדולתו. זיינע חסידים האבן זיכער צו פארציילן מעשות, צדקות, עבודה. אן קיין קלער. רבי מאטעלע איז געוויס געווען א איש מורם מעם, אן ערליכע איד, א צדיק נשגב. אבער ער טיילט מיט אן אינטערסאנטע פלאץ אין היסטאריע: רבן של כל בני וויזניץ.

אז איר וועט באטראכן די ווארשיינדליכע פלייץ פון הערכות, ביכער, ספרים, וואס וועט אינגיכן מאכן די וועג לאור עולם, וועט איר דאס זיכער אויפפאסן.

שבת אחים

איך וויל נישט פארצימעסן די אשכול. אפשר זאל מען עפענען א אנדערע אשכול אין ׳צימעס׳ וועגן די כאאס ביי ר׳ מאטעלעס לוי׳. איך האב געזעהן די קליפ ווי ר׳ אהרן מסאטמאר. שטייט פארענט פונעם שוהל. און די וויזניצער שמש הרב האפמאן שרייט עס איז נישטא קיין פלאץ, גייטס ארויס פון דא! און מ׳נעמט זיך שטופן דארט. סקוקט אויס ווי מ׳לאזט אים דוקא נישט אריין. אויב יא איז עס א חרפה און בושה פאר וויזניץ. ממש א חוצפה און עזות. איך בין בכלל נישט קיין חסיד פון ר׳ אהרן. אבער ער איז א רבי פון צענדליגער טויזנטער אידן. און איז געוועהן זיין נאנטע קרוב. ער איז א איידעם אין וויזניץ. א שאנדע!

קיינער פון וויזניץ האט מיך נאך דערווייל נישט מסביר געוועהן וואס דארט איז פארגעקומען. ר׳ משה לייבלער פון די גרויסע וויזניצע שוויצערס איז דארט געוועהן און סקוקט אויס ווי ער טרייבט זיי אוועק. ער איז א באוויסטע שונא פאר ר׳ אהרן פון יאהרן לאנג.

די ווידעא אויף יוטוב:
<a class="postlink" href="https://youtu.be/7pKmN5smMy8">https://youtu.be/7pKmN5smMy8</a>