טעכנאלאגישע נייעס

ווערייזאן ווייערלעס (וועלכע האט לעצטנס געטוישט זייער לאגא, פון די ריזיגע v צו א קליינע..) האט געמאלדן אז זיי הייבן אן טעסטן א 5G נעטווארק וועלכע וועט לויפן ביז 40 מאל (!) שנעלער פון 4G און וועט האפענטליך אריינגיין אין דינסט בערך 2017.

its called the "BLACKBERRY PRIV"

שמעקעדיג

ס'קוקט אויס ווי דער עולם דא איז מער אינטרעסירט אין האקן אויפן סיסטעם ווי דיסקוסירן מעידזשאר טעכנאלאגישע נייעס. אנדערש איז שווער צו פארשטיין פארוואס קיינער האט נאך נישט בארירט דעם נושא פון CES 2015

דאס איז אזא שאו וואס מען מאכט יעדע אנהייב יאר, וואס צייגט וואס צו ערווארטן דעם קומענדיגן יאר אויפן טעכנאלאגיע פעלד, פון נייע קאמפיוטערס, טשיפס, זייגערס, קעמרעס, טעלעפאנען און טעבלעטס, בעטעריס, ווייערס און טשארשדזשינג קעפעביליטיס, ועוד ועוד.

אין א ניסל שאלאכץ, זענען די הויפט נייעס דאס יאר געווען די נייע ווינדאוס 10 וואס מייקראסאפט גייט ארויסגעבן אין די נעקסטע פאר חדשים, וועלכע וועט ערזעצן דעם פארפיינטעטן ווינדאוס 8.1; נייע (פינפטע ג'ענעראציע) פראסעסאר טשיפס פון אינטעל ("בראודוועל") וועלכע וועט העלפן לעפטאפס לעבן לענגער אויף באטערי ווי אויך בעסערע גראפיקס, אבער דאס איז נאר א צייטווייליגע זאך, זינט זיי ארבעטן שוין אויף א נייערע ווערסיע (גערופן "סקיי לעיק") וועלכע וועט ערשיינען די צווייטע האלב יאר פון 2015.

ווי אויך איז אין די נייעס די נייע USB פלאג (TYPE C), וועלכע וועט ערזעצן אלע USB פון סעלפאנ'ס און קאמפיוטער'ס, עס וועט זיין פיל שנעלער צו טראנספערירן דאטא (דאפעלט די שנעלקייט פון USB 3.0), אויכעט וועט עס טשארדזשן דעווייסעס פיל שנעלער. ווי אויך וועט מען עס קענען אריינשטעקן פון ביידע זייטן כדי נישט צו מאכן די קאנעקטינג פראצעדור אזוי קאמפליצירט, גענוי ווי עפל האט לעצטנס געטוישט.

אפצייכענענדיג א יאר פונעם שאו, איז אינטרעסאנט צוריקצוקוקן ווי רוב נייע טעכנאלאגיע פון דעם פאריעריגן שאו איז ערשינען לאור עולם.

אצינד מען האלט שוין אט אט ביים קומענדיגן CES שאו, פארן נייעם יאר 2016. די טויערן וועלן זיך עפענען בערך אין א וואך ארום פארן פובליקום אין לאס וועגאס. טייל רעפארטער האבן שוין עקסעס יעצט, בשעת'ן שרייבן די שורות.

ביי די שאו וועט מען, ווי אלעמאל, צייגן די נייע אויפטוען וואס איז ערווארטעט פארן נייעם יאר, אין אלע תחומים פון טעכנאלאגיע. נישט אלעס ווייסט מען שוין, טייל זאכן איז יא מער באקאנט. לאמיר זעהן בערך וואס מיר קענען ערווארטן – בעיקר זאכן וואס קען כאפן די אינטערעסע פונעם היימישן ציבור.

ביי קארס איז אזוי. די גרעסטע פאקוס וועט זיין אויף אויטאמאטישע דרייווערלאזע אויטאס, וואס דאס איז ווארשיינליך דער צוקונפט פון קארס, צי מען וויל עס יא צי נישט. אלע גרויסע קאמפאניס ארבעטן אויף א סעמפל פון אזא סארט קאר, עטליכע ארבעטן אליינס, אנדערע, ווי למשל פארד, האט זיך לעצטנס צוזאמענגעשטעלט מיט גוגל, אזוי ארום שפארענדיג א שיינע פאר ביליאנען.

מען וועט אויך זעהן פארשידענע פארגעשריטענע אויטאס וועלכע שפארן געז, וואס איז לעצטנס אין סטייל זינט די אבאמא אדמיניסטראציע האט פארלאנגט עקסטרעמע שריט פון די אויטא קאמפאניס צו שפארן געז. שעווי גייט ווייזן זייער נייע עלעקטראנישע אויטא דער "באלט" (נישט פארמישן מיט די "וואלט"). די וואלט קען אנציען בלויז 40 מייל אויף עלעקטריק – ווייט פון גענוג פאר רוב דרייווער'ס. די נייע באלט וועט קענען אנציען איבער 200 מייל בלויז דורכן איינפלאגן און רעטשארדזשן די בעטערי איבערנאכט.

די דייטשע לוקסוריעזע בי.עם.דאבעליו. אויטא קאמפאני וויל פטור ווערן פון די שפיגלעך אין א קאר, און עס ערזעצן מיט קעמערעס. די אויפטוען דערפון וועלן זיין מערערע, ווי צב"ש פארשפארן די ברייטע ארויסגעשטעקטע שפיגלען, וועלכע פארמאגן בליינד ספאטס. אנשטאט וועלן זיין קעמרעס וועלכע וועלן צוזאמענשמעלצן פון אלע זייטן איין ברייטן קלארן בילד, וואס וועט פילפאכיג פארגרעסערן דעם וויזשאן פעלד, מען וועט קענען זעהן פיל קלארער וואס טוצעך פון אונטן. די קעמערעס וועלן האבן מעכאניזם צו צולאזן אייז אדער שניי כדי עס זאל זיין נוצבאר אין אלע סארטן וועטערס וואס @וועטערבאריכט שטעלט אונז צו. אויכעט ווילן זיי פארשטעלן א נייע אינפאטעינמענט סיסטעם (פאר די מוזיק/ראדיא/און עירקאנדישאן וכו') וועלכע זאל פארמאגן איין גרויסע סקרין, און עס וועט ארבעטן בלויז מיטן רוקן די האנט אין דער לופט, אן דעם וואס מען זאל דארפן פיזיש אנרירן דעם סקרין. זיי רופן עס Air Touch.

צווישן אנדערע, איז ערווארטעט א נייער "סטירינג ווהיל" קאווער וואס זיכער מאכן אז דער דרייווער האלט ביידע הענט אויפן רעדל און איז נישט פארנומען צו טעקסטן אדער זיך שפילן אויפ'ן פאון.

פאר'ן חסיד'ישן עולם, איז ערווארטעט א נייע פארבעסערטע קרייסלער טאון-ענד-קאנטרי מיניווען, נאך וואס די יעצטיגע איז שוין אביסעלע אלטמאדיש און אונטערשטעליג פון די מיניווענס פון טאיאטע און האנדא.

אין אנדערע טעכנאלאגישע פעלד, וועלן ביידע גוגל און עפל ארבעטן צו לאזן די קאסטומערס קאנטראלירן ווי מער פונקציעס אינדערהיים פון דעם טעלעפאן. סעמסאנג וועט צייגן א פריזשידער וואס איז קאנעקטעד צו די סמארטפאון און מען וועט קענען זעהן אויפ'ן פאון צי די מילך אין פרידזש איז שוין פארדארבן....

א גרויסע חלק פונעם שאו וועט זיין געווידמעט פאר די נייע הייסע טוי, די דראונס, וואס וועט בקרוב אריינגיין אין די מארקעט און מיר וועלן זעהן די הימלען פול דערמיט.... עס ווערט ערווארטעט איבער 100 סארטן דראונס ביים שאו.

זעלבסטפארשטענדליך אז פון די בעיסיקס האט מען נישט פארגעסן. נייע לעפטאפס, קעמערעס, טעלעפאנען, טי.ווי. סקרינס, ווידיא קעמערעס, מיט נייע פארבעסערטע טשיפס און בעסערע סקרינ'ס וועט זיין לרחצה ולמוציא מצה. בעסערע באטעריען, שנעלערע טשארדזשערס וכו'. איין קעמקארדער רופט זיך 360fly און כאפט אפ 360 דעגרי קליפס וועט מען קענען קאנעקטן צו זיך אדער צו א בייק.

עס וועט זיין א "קלוגע שיך". דער שיך וועט קענען האלטן חשבון וויפיל מייל מען גייט/לויפט (אדער נישט), אבער אויך וועט מען קענען אנשטעלן די טעמפעראטור דורך אן עפפ פונעם פאון! געענדיגט מיט די פארפרוירענע פוס...

אנדערע חידושים איז דא – א POT פאר געוואוקסן וועלכע באוואסערט זיך אליינס, מען דארף מער נישט אינזין האבן צו באוואסערן די פלאנצונגען. א אנדערע קאמפאני וועט פארשטעלן א קאוטש וואס ווען מען זיצט דערויף בשעת'ן וואטשן א מאווי וועט זיך עס מיטדרייען אדער ווייברעיטן לויט'ן מאווי, כדי דער וואס וואטשט זאל זיך שפירן ווי ער איז באמת דארט (אקעי דאס איז נישט ממש פארן היימישן ציבור..). מען וועט אויך ווייזן א "סמארט בעט", דער קלוגער בעט וועט אנאליזירן דיינע העביט'ס ביים שלאפן (וואס גענוי איז דער אויפטו? כ'ווייס נאך נישט...)

דאס איז נאר א קליינער חלק פון די לאנגע ליסטע, עס וועט ארויסקומען נאך פרטים יעדן טאג פונעם שאו, אז איר וועט מאכן א גוגל סערטש פאר CES 2016 וועט איר קענען מיטהאלטן די נייעס.

שמעקעדיג

צווישן אנדערע, איז ערווארטעט א נייער "סטירינג ווהיל" קאווער וואס זיכער מאכן אז דער דרייווער האלט ביידע הענט אויפן רעדל און איז נישט פארנומען צו טעקסטן אדער זיך שפילן אויפן פאון.

.

עס זעהט מיר אויס ווי עס איז געמאכט אז טאטעס זאלן עס ארויפלייגען אויף די קינדערס קארס צו קענען מאנעטערן אויב זיי טעקסטן בשעתן דרייווען.

אבער איך פארשטיי נישט די פוינט, עז איף יעדער האלט ביידע הענט אויפן סטרינג וויל אגאנצען צייט.

פארגאנגענע וואך האב איך געטראפן א נייע פרייע סערוויס "Stringify", עס איז ארויס געקומען בערך צוויי חדשים צוריק, און עס ארבעט אזוי ווי IFTTT אבער עס איז אסאך בעסער. למשל IFTTT גיט מיר נאר די אפשען צו טון איין זאך אויב א צווייטע זאך געשעט, סטרינגיפיי גיט מיר די אפשען צו טון צענדליגער זאכן אויב אויב עטליכע זאכן געשען. נאך מער, איך קען מאכן אן אויסנאם אז די אלע זאכן זאלן געשען "נאר אויב" עפעס אנדערש איז אין פלאץ.

א דוגמא פון א flow - ווי זיי רופן עס - איז אז יעדן צופרי 7 אזייגער זאל זיך מיין טערמאסטאט אנשטעלן צו א באשטימטע טעמפרעטור, און עס זאל אנהויבן א טיימער פאר 15 מינוט, ווען די טיימער ענדיגט זיך זאל זיך די לעקטער און די מוזיק אין בעדרום אנצינדן אויף א פון פריער באשטימטע וואליום און אלעס נאר אויב איך בין אינדערהיים. אזא זאך איז נישט מעגליך צו מאכן מיט IFTTT, און אויב יא וועט עס דארפן א שיינע פאר 'רעסעפי'ס' אין פארגלייך צו Stringify וואס טוט דאס אלס מיט איין flow.

סיי ווי אזוי איז עס נאך זייער א נייע סערוויס און עס איז שווער צו זאגן ווי עס וועט אנקומען, אבער עס איז זיכער אז זיי גייען אויף א גוטע ריכטונג.

What's app is down!
איינער ווייסט פשט?

Sent from my SM-G900T using Tapatalk

Microsoft גייט בויען סערווערס צי האלטן אינטער וואסער <a class="postlink" href="http://www.nytimes.com/2016/02/01/technology/microsoft-plumbs-oceans-depths-to-test-underwater-data-center.html">http://www.nytimes.com/2016/02/01/techn ... enter.html</a>

בקרוב ווען זיין די נייע ברילן

איך קען נישט ווארטן

.

מ'וועט אויך קענען קויפן מיט די שבת עפפ

nyp.st/28Vh3xe
Uber געדאנק פאר בעבי סיטערס.
ס'וואלט געווען א ישועה פאר אינגע היימישע פארפעלקער, ווען סאיז ווען דא היימישע בעביסיטערס

גאר אינטרעסאנט און וואונדערליך.

א גרופע סטודענטן אין א בריטישע יוניווערסיטי האבן ערצייגט א וואסערלאזע טוילעט, און די אינהאלט פון דעם טוילעט ווערט פארוואנדלט אין וואסער און אין עלעקטריציטעט כדי זיך צו קענען באנוצן דערמיט!

א וויילע צוריק האב איך באשריבן דעם "נאציאנאלן טוילעט טאג", וואס איז פארפאסט געווארן צו ברענגען אויפוואכונג איבער די וועלט פאר איבער א ביליאן מענטשן וועלכע האבן נישט קיין צוטריט צו קיינע ביהכ"ס, און איז גורם געזונטהייט פראבלעמען, פאר זיך און פאר אנדערע, ווי אויך בושות און פראבלעמען אין כבוד האדם.

דער נייער אויסטרעף קען זיין א געוואלדיגע ישועה פאר דעם. אזא ביהכ"ס נויטיגט זיך נישט צו זיין קאנעקטעד צו קיין וואסער פייפס, צו קיין סוער סיסטעם, ברויך נישט קיין עלעקטריציטעט, גארנישט! מען קען עס אראפשטעלן סיי וואו, און עס ווערט גענוצט ווי א נארמאלע ביהכ"ס.

דאס איז א געוואלדיגע דורכברוך פאר די מענטשהייט!

<a class="postlink" href="http://money.cnn.com/2016/07/18/technology/waterless-toilet-nano-membrane/">http://money.cnn.com/2016/07/18/technol ... -membrane/</a>

'טערעסאנט ווי קיינער האט נאך נישט דערמאנט די נייעס מיט די נייע סעמסאנג NOTE 7 (חוץ טרויבן 88 הא ערגעץ אריינגעווארפן א ווארט דערוועגן).

די נייע NOTE איז א הערליך שטיקל, כמעט די בעסטע וואס סעמסאנג האט נאר אמאל ערצייגט.
די NOTE איז ס"ה א "גרויסע סמארטפאון", אין צוגאב צו אזא פענע מען זאל קענען שרייבן נאוט'ס אויפן סקרין.
די ערווארטונג דערויף איז געווען זייער שטארק. מענטשן זענען געווען עקסייטעד און אנטציקט ווען עס איז ענדליך ארויסגעקומען.

📎 Note_7.jpeg

למעשה האט אנגעהויבן אריינקומען קאמפלעינטס אז די בעטערי קען זיך איבערהייצן, און עס האט אנגעהויבן פאסירן פייערס דא און דארט.
די סומאטוכע האט זיך אויסגעשפרייט ווי א.... פייער, און מענטשן האבן אנגעהויבן קלאגן און סוען די קאמפעני, כדרכם של האמרי-קנאים.
סעמסאנג האט קודם אנגעהויבן א "וואוילטעטיגע" צוריקרוף, און איינגעטוישט צייטווייליג פאר די "אפגעבריטע" א ביליגן סארט פאון ביז די קאמפאני וועט מתקן זיין וואס זיי האבן פוגם געווען.

אבער ווען די מצב איז געגאנגען פון שלעכט צו ערגער, האט די וואך די גאווערמענט גע'אישו'ט א ריקאל אויף אלע נאוט 7 דעווייסעס.
ווי אויך האט מען פארבאטן ארויפצוטראגן אזא דעווייס אויף א פליגער, ווי אויך אויף די טרעינס.

ופני סעמסאנג חפו.


-

<!-- l --><a class="postlink-local" href="/post/348167">viewtopic.php?f=35&t=10852&p=348167#p348167</a><!-- l -->

שמעקעדיג

'טערעסאנט ווי קיינער האט נאך נישט דערמאנט די נייעס מיט די נייע סעמסאנג NOTE 7 (חוץ טרויבן 88 הא ערגעץ אריינגעווארפן א ווארט דערוועגן).

די נייע NOTE איז א הערליך שטיקל, כמעט די בעסטע וואס סעמסאנג האט נאר אמאל ערצייגט.
די NOTE איז ס"ה א "גרויסע סמארטפאון", אין צוגאב צו אזא פענע מען זאל קענען שרייבן נאוט'ס אויפן סקרין.
די ערווארטונג דערויף איז געווען זייער שטארק. מענטשן זענען געווען עקסייטעד און אנטציקט ווען עס איז ענדליך ארויסגעקומען.

📎 Note_7.jpeg

למעשה האט אנגעהויבן אריינקומען קאמפלעינטס אז די בעטערי קען זיך איבערהייצן, און עס האט אנגעהויבן פאסירן פייערס דא און דארט.
די סומאטוכע האט זיך אויסגעשפרייט ווי א.... פייער, און מענטשן האבן אנגעהויבן קלאגן און סוען די קאמפעני, כדרכם של האמרי-קנאים.
סעמסאנג האט קודם אנגעהויבן א "וואוילטעטיגע" צוריקרוף, און איינגעטוישט צייטווייליג פאר די "אפגעבריטע" א ביליגן סארט פאון ביז די קאמפאני וועט מתקן זיין וואס זיי האבן פוגם געווען.

אבער ווען די מצב איז געגאנגען פון שלעכט צו ערגער, האט די וואך די גאווערמענט גע'אישו'ט א ריקאל אויף אלע נאוט 7 דעווייסעס.
ווי אויך האט מען פארבאטן ארויפצוטראגן אזא דעווייס אויף א פליגער, ווי אויך אויף די טרעינס.

ופני סעמסאנג חפו.


-

@שמעקעדיג איך האב געפלאנט צי מאכן א עקסטערע אשכול איבער דעם, אבער אז די האסט שוין אנגעפאנגען וועל איך נאר צילייגן מיינע געדאנקען דא,
די נאוט 7 איז געווען א מעסטער מיינד פון א פאון עס האט אזאנע גוטע ,reviews וואס איך האב נאכנישט געזען, און די גרעסטע זאך איז געווען אז דער אייפאון 7 איז אויך דעמאלטס ארויסגעקומען האט מען ערווארטעט אז דער אייפאון וועט האבן א מיאוסע קאמפטישען, אז ווען איינער גייט אריין און א געשעפט ןועט ער האבן א אויסווייל זיך צי מגייר זיין צי ענדרויד, מה עשה הקב'ה ער האט אנגעברענט דעם נאוט אז עס וועט דוערען צייט איבערציקומען די פראבלעמען, מען זאגט אז וועט אפשר קאסטן ביז א ביליאן דאללאר פאר סעמסאנג, אין אביסל סחורה זענען נעבעך סטאק אויף די שיפן פון hanjin וואס איז געגאנגען באנקראט,
עניוועי איך האלט און איך האב עס נאכנישט געהערט און געזען קיינעם עס זאגן אז ווען דער סעמסאנג מאכט אז מען זאל קענען ארויסנעמען די בעטערי און נישט אריינגעבויט וואלטן זיי זיך פארשפארט די גאנצע זאך, מען וואלט דעליעווערט נייע בעטערי'ס און פטוראן עסק...
אשאד....

און דער נאוט 7 עפענט זיך אויף אנשטאט מיט די פינגער, עפענט עס זיך מיט די אויגן, עס הייסט iris scanner.

א לייק פארן פארמעקן די וואטערמארק!

😂 😂 😂 👍

עפל האט געמאלדן אז מיט די נייע אייפאון 7 שיקן זיי נישט מיט קיין עיר פאונס. סעמסאנג האט געמאלדן אז מיט נייע נאוט 7 שיקן זיי מיט פייער עקסדינגנעשערס.

זייער אן אינטערעסאנטע ארטיקל אין בלאמבערג איבער די נאוט 7 בעטערי פראבלעמען <a class="postlink" href="http://www.bloomberg.com/news/articles/2016-09-18/samsung-crisis-began-in-rush-to-capitalize-on-uninspiring-iphone?cmpid=GP.Markets">http://www.bloomberg.com/news/articles/ ... GP.Markets</a>

און יעצט איז דא ריפארטס אז דער בעטערי פראבלעם איז געווען וויבאלד מען האט אריינגעשטופט די בעטערי אין א קלענערע פלאץ האט דאס ציגעברענגט אז די positive and the negative האבן זיך צאמגעשטעלט, און מיטן עס טשארדזשען איז עס געווארן הייס האט עס אויפגעריסן.

א נייע עפפ צו ליעסן קארס גרינגערהייט:

<a class="postlink" href="http://www.theyeshivaworld.com/news/headlines-breaking-stories/467464/the-honcker-app-will-change-the-way-you-lease-a-car.html">http://www.theyeshivaworld.com/news/hea ... a-car.html</a>

נייע שבת באלב

עס איז אזוי ווי די קאשער לעמפ נאר אין די באלב אליינס
Get you #ShabBulb today!
<a class="postlink" href="http://amzn.to/2dpdANC">http://amzn.to/2dpdANC</a>

שמעקעדיג

'די נייע סעמסאנג NOTE 7

ווי אויך האט מען פארבאטן ארויפצוטראגן אזא דעווייס אויף א פליגער, ווי אויך אויף די טרעינס.

קומט יעצט אריין די נייעס אז א NOTE 7 האט אנגעהויבן סמאוקן אויף א סאוט-וועסט עירליין פליגער, נאך זיצענדיג אויף דער ערד. מען האט עוואקואירט אלע פאסאזשירן.
איך ביניש מקנא סעמסאנג.

שמעקעדיג:אויף דיין תגובה פון פר. סעפט. 16, 10:05 פ.מ. האביך א קליינע הערה. דו שרייבסט איבער דעם ריקאלל פון די נאוט 7 סעמסאנג פאון...אז צו ערשט האבן זיי אנגעהויבן א ..."וואוילטעטיגע"... צוריקרוף...!
דו מיינסט זיכער צו זאגן א ...פרייוויליגע"...צוריקרוף...!
די ענגלישע איבערטייטש פון ...וואוילטעטיג"...איז...Charitable.
די ענגלישע איבערטייטש פון.."פרייוויליג"...איז...Voluntary. They initiated a voluntary recall. Rather than a charitable recall...!

שמעקעדיג

שמעקעדיג

'די נייע סעמסאנג NOTE 7

ווי אויך האט מען פארבאטן ארויפצוטראגן אזא דעווייס אויף א פליגער, ווי אויך אויף די טרעינס.

קומט יעצט אריין די נייעס אז א NOTE 7 האט אנגעהויבן סמאוקן אויף א סאוט-וועסט עירליין פליגער, נאך זיצענדיג אויף דער ערד. מען האט עוואקואירט אלע פאסאזשירן.
איך ביניש מקנא סעמסאנג.

די נייעס איז נאך בעסער....עס איז לויט באריכטן געווען א נייע שוין נאכן ריקאלל.... די וועלכע דארף שוין זיין גוט... אוי רייבט זיך עפל און ענדרויד קאמפטישיאן די אויגן. (וואס איז א גוטע זאך)
און סתם אזוי בין איך נייגעריג, ווייל ווי באקאנט זענען די אזיאנע גאר שטארק גערעגטע ווילדע און שווערע חברה, איז וויאזוי און וואס טוט זיך אפ אינעם הויפקווארטיר? גייט נאר קולות וברקים אדער אויך קלעפ?

עס איז דא ריפארטס אז סנעפטשעט גייט ארויף אויפן סטאק מארקעט מיט א IPO פון 25 ביליאן..... וואס א משוגענע וועלט, אוי וועלן די זאכן קראכן איין, אבער די שאלה פארוואס אויב א קאמפעני טרייבט אויף נאר א ביליאן דאלאר אדווערטייזמענטס איז ווערט 25 מאל net??? משוגע.

פארענטפערט א קשיא מיט א קשיא...

פארענטפערט א קשיא מיט א קשיא...? WhatsApp איז געווען מאסיוו איבערגעצאלט. אפילו עס זאל אויפטרייבן געלט, איז עס נאכנישט באצאלט די געלט וואס זיי האבן באצאלט. סא וואס איז די חשבון?

אפילו דאס איז שוין אלטע נייעס גלייב איך אז טייל ווייסן נישט.
סעמסאנג האט אפגעשטעלט פראדוקציע פון די נאוט 7 טאטאל נאכדעם וואס די replacement נאוט 7 האבן אויך אנגעפאנגען צי אויפרייסן... עס זענען דא ריפארטס אז סעמסאנג וועט אויפגעבן די נאוט ליין אויף אייביג, וואס גלייבט זיך אבער שווער

פעיסבוק און גוגל פלאנירן צו בויען א מאסיווע דאטא קעיבל פון אמעריקע ביז כינע וואס וועט אדורכלויפן אונטערן פאסיפיק אקעאן. דער פלאן איז אז עס וועט לויפן איבער 8,000 מייל פון לאס אנדזשעלעס ביז האנג קאנג - און וועט העלפן ליפערן הין-און-צוריק ריזיגע אמאונטס פון דאטא.

דער פלאן איז אין צוגאב צו אן אנדער פראיעקט דורך מייקראסאפט און פעיסבוק, וועלכע בויען א גיגאנטישן 4,100 מייל קעיבל אונטערן אטלאנטיק, וועלכע וועט לויפן צווישן ווירזשיניע און שפאניע.

די CIA/NSA גייט צו העלפן..

די פאון האט אויפגעשטורעמט די ענדראוד ליבהאבערס, א נייע דיזיין ווי קיינמאל בעפאר, און דאס איז נישט סעמסאנג נאר עפעס א כינעזע קאמפעני
<a class="postlink" href="https://www.google.com/amp/www.theverge.com/platform/amp/2016/10/25/13401440/xiaomi-mi-mix-concept-phone-specs-release-date-price">https://www.google.com/amp/www.theverge ... date-price</a>

.

<a class="postlink" href="http://www.bmwcarsharing.com/brooklyn-ny/">http://www.bmwcarsharing.com/brooklyn-ny/</a>

אויב רענטן א קאר איז ביי אייך אן אפקומעניש - אזוי ווי פאר רוב אמעריקאנער - דאן איז דא האפענונג. א נייע קאמפאני "סילווער קאר" וויל אייך צושטעלן אן אלטערנאטיוו - זיי וועלן פארדינגען הערליכע לוקסוריעזע קארס (פון אודי) דורך א פשוט'ן עפפ פון אייער פאון. איינמאל איר דרוקט AGREE דארפט איר מער נישט סיינען און אינישלען אייער נאמען 50 מאל. איר קענט צוגיין צום קאר גלייך פון עירפארט אדער אנדערע לאקאציע, אויפשליסן דעם קאר מיט אייער סמארטפאון, און היידא, געפארן! אויב פלעגט אייך דער רענטל טשארדזשן ממון ודמים פאר די ביסל ווייניגער געז מיט וואס איר האט צוריקגעברענגט דעם קאר, זארגט נישט - ביי זיי איז דאס נישט דא. די עקספיריענס אנטשפרעכט צו זיין גאר איינגענעם.

<a class="postlink" href="http://www.thecarconnection.com/news/1107739_hate-the-rental-car-experience-silvercar-offers-an-alternative#src=10065">http://www.thecarconnection.com/news/11 ... #src=10065</a>

(פארשטייט זיך אז מען רעדט נישט פון אידן דא, אידן האבן דאך נישט קיין סמארטפאון נאר לצורך פרנסה. אחוץ אויב ווילט איר דינגען א קאר לצורך די ארבעט, וועט מען קענען נוצן דעם שבת גוי פון אייער אינטערנעט אייך צו בוקן דעם אויטא).

האו אבאוט אייער קאר זאל אייך אינפארמירן די סטאטוס פונעם טראפיק לאמפ? דאס איז עפעס וואס מען חלומ'ט שוין יארן דערפון (גם אני בחלומי..) און Audi וועט צום ערשטן מאל צייגן די טעכנאלאגיע ביי א צוקונפטיגע קאר שאו - דערווייל ארבעט עס נאר אין לאס וועגאס וואו די טראפיק לעמפ זענען פראגראמירט צו קאמיוניקירן מיט די קארס, אבער דאס צייכנט אפ א היסטארישע מאמענט, נאך א רינגעלע אין די קייט וואס וועט טוישן דעם צוקונפט פון דרייוון.

<a class="postlink" href="http://www.automobilemag.com/news/audi-debuts-traffic-light-information-feature-las-vegas/">http://www.automobilemag.com/news/audi- ... las-vegas/</a>

LG גרייט זיך ארויסצוגעבן קומענדיגע חודש א נייע פאון, די V30
די עיקר מעלה פון דעם פאון וועט זיין פאר "אודיאו-פיילס", ד.ה. פאר מוזיק און סאונד מבינים.
סיי די קלארקייט וואס דער טעלעפאן וועט ארויסגעבן די מוזיק - צי דורכ'ן קלארן סטעריא ספיעקער (וואס סעמסאנג טעלעפאנען פארמאגן נישט) צי דורכ'ן העדפאון. קריסטאל קלאר וואס כמוהו לא נהיתה.
און סיי די קלארקייט פון די רעקארדירונג וועט זיין זייער פארגעשריטן און נישט קראצעדיג, געווענליך די סעלפאונ'ס האבן א שוואכע קוואליטעט רעקארדירונג, בפרט פאר מוזיק און פראפעסיאנאלן, און דאס וויל LG פארריכטן.

די LG פאונס ביז יעצט האבן אויך געהאט בעסערע אדאפטערס פאר מוזיק און אויך א בעסערע ספיקער, ס'דארף אבער ארויסגעברענגט ווערן אז צי קענען הנאה האבן פון די בעסערע סאונד מיז מען האבן א בעסערע און טייערערע עיר פאונס.

אמת, הגם נישט אלע פאונס, בעיקר די V series,
אבער די נייע ווי.30 אנטשפרעכט זיי צו איבערשטייגן און זיין נאך בעסער ווי די פריערדיגע.

ניטעמאל פאר א פשוט'ע טעלעפאן קאלל זענען זיי גוט... זייער מייק איז שלעכט. זייערע פאונס שטארבען אפ זייער שנעל

סאשי פיש

ניטעמאל פאר א פשוט'ע טעלעפאן קאלל זענען זיי גוט... זייער מייק איז שלעכט. זייערע פאונס שטארבען אפ זייער שנעל

וואס האסטו? די LG stylus? זיי האבן זיך גוט ציגעפיצט, זיי האבן זייער גוטע פאונס, נאר נישט אזוי גוט ווי סעמסונג

און אנדערע נייעס וואס איז גארנישט אזוי ניי, זענען די סמארטפאון געווארן ברייטער און שמאלער, וואס מיינט דאס פאר אונז? אז אויב איינער וויל נישט אזא פאון אז ער זאל עס נישט קויפן?
ניין, די סמארטפאון אינדוסטריע האט געטוישט צים ערשטן מאל די aspect ratio פון די פאון צים ערשטן מאל זייט עס איז ארויסגעקומען ביז היינט זענען ווידעא'ס און מאוויס געווען 16:9 פון היינט אין ווייטער לכאורה וויאזוי עס זעט וועט ביז אפאר יאר אלע פאונס זיין 18:9.

וואס בכלל מיינט aspect ratio? יעדע פאון איז לאנג און ברייט, יעצט אויב א פאון איז 16:9 מיינט אז די ברייט ווען מען דרייט אויס די פאון איז 16 און אנטקעגן דעם איז די לענג 9, יעצט האט די G6 LG און די S8 און די נאוט 8 געטוישט צי 18:9 וואס מיינט אויך 2:1 נאר וויבאלד 16:9 קען מען נישט צעטיילן דערפאר אפילו 18:9 קען מען יא צעטיילן רופט מען עס נאך אלץ אזוי(סאטמארע עטס פארשטייטס...). יעצט וואס מיינט עס פאר אונז, אז ביז א יאר וועט איר אנטפאנגען זען ליידיג פלאץ ביין קוקן ווידעא'ס אויף די פאון וויבאלד די ווידעא אין די ברייט וועט זיין שמאלער,

איך ווייס נישט ווער עס איז אינטערעסירט אדער פארשטייט די נייעס, אבער דא האב איך די ערשטע דעטאלירטע ארטיקל איבער 5-גי פאר עס איז אינטערעסירט,

<a class="postlink" href="http://www.androidauthority.com/5g-mobile-tech-explained-798540/">http://www.androidauthority.com/5g-mobi ... ed-798540/</a>

וואס זאגט דער עולם דא לוינט זיך צי קויפן די סעמסאנג נאט 8 אדער סיז א שאד די געלט ?

אנטקעגן וועלכע פאון?

וואס זאל איך ענדערש קויפן, S8, iPhone - 8 אדער iPhone - x???

טרויבן88

אנטקעגן וועלכע פאון?

סעמסאנג עס 8 פלאס
אדער די פיקסל עקס על

די אייפאון עקס האט איין עיקר מעלה איבער די אייפאון אכט, דאס אז ס'קאסט מיט א דריי הונדערט דאלער טייערער, און איר קענט זיך דרייען און פרייען צו צייגן יעדער אז איר דרייט זיך מיט א טעלעפאן וואס קאסט א גאנצע אלפ'ל. די אנדערע מעלות זענען אז עס האט א סקרין וואס גייט מן הקצה אל הקצה, פעיס אנלאק דורך 3D רעקאגניציע און נאך אפאר קלייניקייטן.

אזויווי אייביג האט עפל געטראפן נאך עפעס א פקחות וויאזוי צו שטיפן מערערע צו קויפן די טייערערע מאדעל דורך דעם וואס זיי האבן אריינגעשטעלט אין די אכט א שוואכערע באטערי ווי זיי האבן אין זייער איצטיגער מאדעל. א שטייגער ווי וואס זיי האבן ביז נישט לאנג צוריק דורך געבן א נאר קארגע זעכצן ג''ב אין זייער ביליגסטע מאדעל, ווען ס'וואלט זיי ממילא געקאסט כמעט די זעלבע אריינצולייגן דאפעלט. און זעכצן איז געווען זייער ווייניג פאר מעסיגע באניצער. אבער פאר זיי איז דאס געווען א ישועה ווייל ס'האט געצווינגען די קונדן צו שפענדן אמווייניגסטנס א הונדערטער מער אויף א נייע טעלעפאן, ווען פאר זיי איז דאס געווען כלו רווח, און ס'האט געהויבן די רווחים אין גרויסן. אזוי אויך דאהי האפן זיי אז די שוואכערע באטערי וועט באצווינגן די המון עם צו שפענדן נאך דריי מאות אויף די כלומרשט ריזיגע חידושים, פשוט אז מ'זאל קענען האבן א ניצבארע באטערי.

פעינטער

טרויבן88

אנטקעגן וועלכע פאון?

סעמסאנג עס 8 פלאס
אדער די פיקסל עקס על

איך וואלט געגאנגען פאר די פיקסעל עקס על. אבער אז איר גייט פאר זייטיגע שמאנצעס און פיטשעווקעס דאן קויפט די סעמסאנג.