הויפט זייט » תורה ודעת » טעכנאלאגיע » טעכנאלאגישע נייעס

טעכנאלאגישע נייעס

260 פאסטס אין ארכיוו · אשכול #213

שמעקעדיג » זונטאג אפריל 26, 2015 10:57 am

· #269663

דאס איז נישט ממש טעכנאלאגישע נייעס (ענדערש ריסערטש), אבער כדאי צו מפרסם זיין.

רוב מענטשן דאונלאודן אומזיסטע עפפס ענדערש ווי באצאלטע. אז מען קען האבן אומזיסט, מיט בלויז אפאר נארישע עד'ס אין דער זייט, צו וואס צאלן?
שטעלט זיך אבער ארויס אז די עד'ס זענען גורם מער ווי שמירת עינים פראבלעמען. עס זייגט פיל מער בעטערי (בערך 16% לויט שטודיעס), עס פארנוצט פיל מער דאטא, ווי אויך פארנוצן זיי מער מעמארי פונעם פאון.
פאר רוב מענטשן וואלט זיך אויסגעצאלט צו צאלן די פאר דאלער פאר א שנעלערע מאשין מיט לענגערע בעטערי לייף (ביז 2 שעה לענגער, אין געוויסע שטודיעס!)

<a class="postlink" href="http://www.worldstart.com/are-free-apps-draining-your-battery-life/">http://www.worldstart.com/are-free-apps ... tery-life/</a>

חאצקעל שניידער » מאנטאג אפריל 27, 2015 11:45 pm

· #270297

Re: טעכנאלאגישע נייעס

קענסטאך פארדעם האבן א עד בלאקער

נופת צופים » דינסטאג אפריל 28, 2015 9:13 am

· #270426

Re: טעכנאלאגישע נייעס

חאצקעל שניידער
קענסטאך פארדעם האבן א עד בלאקער

די שאלה איז וואס דער עד בלאקער טוהט למעשה. לכאורה באהאלט עס פשוט דעם עד און באמת איז עס נאך דארט און ס'ראנט נאך אלץ די פראסעסעס און נוצט די אינטערנעט.

נולד מאוחר » דאנערשטאג מאי 28, 2015 6:08 pm

· #278797

Re: טעכנאלאגישע נייעס

עמעזאן שטעלט צי זעלבע טאג דעליווערי

http://www.vosizneias.com/204579/2015/05/28/new-york-amazon-offering-free-same-day-delivery-to-prime-members/

שמעקעדיג » מאנטאג יוני 1, 2015 12:17 pm

· #279537

GOOGLE PHOTOS
דאס איז די נאמען פון א נייע סערוויס פון גוגל - וואס וועט ערלויבן ארויפצולאדענען אן אומבאגרעניצטע צאל בילדער און ווידעאוס (ביז 1080p) גענצליך אומזיסט!
מען קען אנשטעלן אויטאמאטישע אפלאוד פון אלע דעווייסעס, און עס וועט אויך האבן עטליכע בעיסיק עדיטינג אפציעס.

ירא שמים » מאנטאג יוני 1, 2015 12:37 pm

· #279539

Re: טעכנאלאגישע נייעס

ביז 15 gb ניין? דאס איז ניי?

נופת צופים » מאנטאג יוני 1, 2015 12:53 pm

· #279541

Re: טעכנאלאגישע נייעס

זיי האבן עס אנאונסד לעצטע וואך ביי די I/O קאנפרענץ. עס איז סינקד אנליין( שמעקעדיגס לינק)מיט די עפפ פאר ענדרויד און אייפאון

שמעקעדיג » מאנטאג יוני 1, 2015 1:27 pm

· #279552

ירא שמים
ביז 15 gb ניין? דאס איז ניי?

ווי נופת שרייבט, עס פלעגט זיין ביז 15 GB, אבער לעצטע וואך ביים קאנפערענץ האבן זיי אנאנסירט אז מהיום והלאה איז עס אנלימיטעד.
עס איז געווען נאך נייעס דארטן ביים קאנפערענץ, ווי למשל א נייע אפדעיט פאר אנדרויד (M), אבער עס קוקט נישט אויס צו זיין ערנסטע נייעס, זיי פאוקעסן אויף שטותים והבלים און כלומר'שט בעטערי לייף, און פארגעסן פון די וויכטיגע זאכן...

נופת צופים » מאנטאג יוני 1, 2015 3:29 pm

· #279586

Re: טעכנאלאגישע נייעס

נאך אפאר נייעסער פון די קאנפרענץ לעצטע וואך:
Now on tap וועט ברענגן אריינשטעקן גוגל נאו איבעראל גאנצן פאון. ס'הייסט אז ווען דו בוזט אין סיי וועלכע עפפ, האלסטו אראפ דעם האום באטטאן און ער ליינט דיין סקרין און מאכט א גוגל נאו סורטש לויט דעם.

אינע'ם נייעם ענדרויד עם גייט זיין א קראום בראוזער אין עני עפפ. ס'הייסט ווען די קליקסט א לינק פון סיי וועלכע עפפ באקומסטו א געהעריגע קראום בראוזער מיט די טעבס וכו' אנדעם אז דו זאלסט דארפן אויפמאכן א בראוזער.

ווי אויך אינע'ם נייעם ענדרויד, גייען זיי מער נישט בעטן פערמישענס ביים אינסטאלירן עפפס נאר ווען די עפפ וויל נוצן דעי פערמישען. זיי ווילן עס מאכן ווייניגער שרעקעדיג.

מעפס קען ארבעטן אן אינטערנעט אין דריטע וועלט לענדער. דאס איז אין צוגאב צו די פיטשער פון יו טוב צו ארבעטן אן אינטערנעט אין דעי מדינות. ווי אויך וועט קראום פארנוצן ווייניגער דעטע.

זיי גייען ריפלעיסן גוגל וואלעט מיט א נייע עפפ "ענדרויד פעי". דאס איז א דירעקטע פייט מיט עפל'ס עפל פעי. די גאנצע מעשה איז נאך אביסל פארנעפלט.

דערנאך איז דא די גאנצע הייפ מיט ווירטואל ריאליטי וואס דאס וועל איך לאזן פאר אנדערע.

שמעקעדיג » מאנטאג יוני 1, 2015 5:54 pm

· #279628

גוגל האט אויך היינט אינטראדוסט א נייע סייט
myaccount.google.com
וואס איז ספעציעל געמאכט פאר יעדן אקאונט באנוצער צו קאנטראלירן אלע סעטינגס אין זיין/איר אקאונט.
מען קען דארטן טוישן סעטינגס, ווי צב"ש וואס זאל ערשיינען ביי דיינע מעפס, יוטוב סוירטעשס, צו ערלויבן (אדער נישט) היסטארי וואס גוגל נוצט פאר מאפעס און פאר גוגל-נאו,
מען קען אויך אנשטעלן וועלכע סארט עדס גוגל זאל נוצן (Ads Settings tool), ווי אויך וועלכע עפפס און וועבסייטס זאלן זיין געלינקט צו דיין גוגל אקאונט.

אפשר » מאנטאג יוני 1, 2015 6:18 pm

· #279635

פאר ווינדאוס באנוצער האט היינט אפגעווארט אן איבעראשונג ווען עס איז ארויפגעקומען אויפן "טעסק באר" א נייע נאטעפיקעישען מיט די ווינדאוס סימבל, עפענונג דעם אייקאן קומט ארויף א באקסל וואס שלאגט פאר צו אפגרעידן צו ווינדאוס 10, עס שטייט נישט ווען פונקטליך עס גייט ארויסקומען, ס׳איז נאר דא אן אפשען "Reserve my upgrade"

לויט ווי עס הייסט יעצט, וועט עס ארויסקומען אום July 29.

די אפגרעיד וועט זיין אינגאנצן אומזיסט פאר פאר ווינדאוס 7 און 8 באנוצערס.

לויט ווי מייקראסאפט זאגט, גייט דאס זיין די גרעסטע סאפטווער אפדעיט אין היסטאריע, פארשפרייטנדיג צו איבער א ביליאן יוזערס.

מייקראסאפט אין די לעצטע פאר וואכן האט ארויסגעגעבן פאר די "Windows Insiders" א פרישע "Preview Build" פון ווינדאוס 10 בערך יעדע וואך, וואס האט אויך ענהאלטן אפדעיטס צו זייער נייע בראוסער "Microsoft Edge".

נו, עמער זעהן צו זיי טויגן
נאך

ירא שמים » מאנטאג יוני 1, 2015 10:18 pm

· #279676

Re: טעכנאלאגישע נייעס

גוגול פאטויס געט מיר צוויי אפציעס וואו אזוי אפצולוידען קען מיר איינער מסביר זיין פשוט אידיש

ישראל קאפקע » מאנטאג יוני 1, 2015 10:35 pm

· #279687

פילע (אריגינעלע) קוואליטעט ביז פופצן גב. אדער הויך קוואליטעט, אומבאגרעניצטע סטארעדזש.

ירא שמים » מאנטאג יוני 1, 2015 11:22 pm

· #279714

טעכנאלאגישע נייעס

גוגול קען נעמען מיינע בילדער און עס אריינלייגען אין ווידעוס?!
עפעס אזא משמעות איז דא דארט אין די סעטינגס
און ווען איך מעק אויס א בילד פון מיין פאון ווערט עס אויך אויסגעמעקט פון דארט אדער כדארף עקסטער מעקן.

נופת צופים » דינסטאג יוני 2, 2015 8:16 am

· #279794

Re: טעכנאלאגישע נייעס

ישראל קאפקע
פילע (אריגינעלע) קוואליטעט ביז פופצן גב. אדער הויך קוואליטעט, אומבאגרעניצטע סטארעדזש.

הויך קוואליטי מיינט ביז 16 מעגאפיקסל

נופת צופים » דינסטאג יוני 2, 2015 8:40 am

· #279796

[ציטאט אראפגענומען]

דאס הייסט אז ווען די אינסטאלסט גוגל מעפס קומט עס מיט אלע אינפורמציה, ווי אדרעסן, פאו'ס וכו'. פאר טורן ביי טורן דירעקציעס, דארפסטו שוין האבן אמאל געפארן דעם וועג.

דעי יו טוב פיטשער האבן זיי שוין געפלאנט צו מאכן מיט צוויי יאר צוריק. דאס ארבעט אז רוב ווידיאוס (חוץ אויב דער אפלאודער האט עס דיסעיבעלט) וועלן האבן א קנעפל "סעיוו פאר אופליין" און די וועסט עס קענען קוקן פאר די נעקסטע אכט אין פערציג שעה אן אינטערנעט. (גוט פאר די סאבוועי אדער א פלייט). איינמאל דו קאננעקסט דיך ווידער קענסטו עס שוין זעהן ווילאנג דו ווילסט.

קראום וועט ארבעטן מיט א מהלך אז ער וועט געבן א סקאר פאר יעדן פעידש, ווי העווי דאס איז (אסאך אימעדשעס וכו'), און לויט דיין אינטערנעט קאנעקשען וועט ער דיסיידען וועלכע פעידש דיר צו געבן.

(דשאב סעקיוריטי פאר SEO חברה. יא @לעיקוואד, בוזט נאך דא?

ירא שמים » דינסטאג יוני 2, 2015 5:25 pm

· #279925

Features Disappearing in Windows 10

<a class="postlink" href="http://www.pcmag.com/article2/0,2817,2485170,00.asp">http://www.pcmag.com/article2/0,2817,2485170,00.asp</a>

Windows 10: the Last Version of Windows

<a class="postlink" href="http://www.pcmag.com/article2/0,2817,2483961,00.asp">http://www.pcmag.com/article2/0,2817,2483961,00.asp</a>

בן עזאי » דינסטאג יוני 2, 2015 9:21 pm

· #280001

ווינדאוס 10

ווינדאוס האט שוין ריליעסד א טייל פון די נייע ווידנאוס 10.
אט זענען עטליכע נייע חילוקים פון 1.8:
1- עס וועט זיין מער ענליך צו ווינדאוס 7, מיט'ן זיין מער באנוצער פיינדליך צו די וואס באניצן זיך מיט א מייז.
2- די סטארט קנעפל וועט צירוקקומען.
3- מען וועט קענען אריינסיינען אין די מייקראסאפט אקאונט און אין געוויסע עפפס מיט פינגער פרינטס אנשט א פעסווארד.
4- מען וועט קענעו האבן עטליכע דעסקטאפס, וואס קומט צוניץ ביים ארבעטן אויף עטליכע פראיעקטן אויפאמאל.

און נאך.
אויב איינער קען דורכטוהן די סוגיא און אינז ברענגען נאך, וואלט דער עולם דא הנאה געהאט.

נולד מאוחר » מיטוואך יוני 3, 2015 1:40 am

· #280075

Re: טעכנאלאגישע נייעס

<a class="postlink" href="http://www.vosizneias.com/205058/2015/06/02/jerusalem-digital-ink-rendering-israeli-developers-raise-over-500m-for-new-tech-device-on-kickstarter/">http://www.vosizneias.com/205058/2015/0 ... ckstarter/</a>

בן עזאי » מיטוואך יוני 3, 2015 2:28 am

· #280084

טאיאטע געשלאסן שותפות מיט פארד איבער סמארטפאון טעכנאלאגיע

טאיאטא האט דערגרייכט אן אפמאך מיט פארד זיך צו באניצן מיט זייער "סמארט דעווייס לינק" טעכנאלאגיע אין די טאיאטע און לעקסוס מאדעלן.
די "סמארט דעווייס לינק" איז א סאפטוועיר וואס ערלויבט צו באהעפטן די סמארטפאון מיט אלע אירע עפפס צו די אויטא'ס דעשבארד, סקרין, און שטימע דערקענונג טעכנאלאגיע.
די נייע טעכנאלאגיע איז ערווארטעט צו ערשינען אין די 2016 מאדעלן.

טעג און גדר ארבעטן אויס די לעצטע דעטאלן וויאזוי צו פילטערן די אויטא'ס. די נייע מאושר סטיקער איז ערווארטעט צו זיין אין פארעם פון א "K" סימבאל אויפ'ן לייסענס פלאטע.

קרעדיט: רויטערס

שמעקעדיג » מיטוואך יוני 3, 2015 10:23 am

· #280147

בן עזאי
טעג און גדר ארבעטן אויס די לעצטע דעטאלן וויאזוי צו פילטערן די אויטא'ס. די נייע מאושר סטיקער איז ערווארטעט צו זיין אין פארעם פון א "K" סימבאל אויפ'ן לייסענס פלאטע.

😂 😂 👍

שמעקעדיג » מיטוואך יוני 3, 2015 1:33 pm

· #280200

שמעקעדיג
GOOGLE PHOTOS
דאס איז די נאמען פון א נייע סערוויס פון גוגל - וואס וועט ערלויבן ארויפצולאדענען אן אומבאגרעניצטע צאל בילדער און ווידעאוס (ביז 1080p) גענצליך אומזיסט!
מען קען אנשטעלן אויטאמאטישע אפלאוד פון אלע דעווייסעס, און עס וועט אויך האבן עטליכע בעיסיק עדיטינג אפציעס.

דער באקאנטער קאמפלעינער, "דזשאן דווארעק", וואס שרייבט שוין יארן לאנג בייסיגע ארטיקלען ביי PCMAG, האט אויספרובירט דעם סיסטעם פון גוגל פאוטאוס, און כדרכו מאכט ער צימעס דערפון און מאכט אוועק די גאנצע אויפטו.
ער טענה'ט אז עס מוז זיין א סיבה אונטער די OFFER, און דאס איז נישט קיין צווייטע סיבה ווי צו קענען אלעס איבערגעבן פאר די רעגירונג.

<a class="postlink" href="http://www.pcmag.com/article2/0,2817,2485244,00.asp">http://www.pcmag.com/article2/0,2817,2485244,00.asp</a>

berlbalaguleh » מיטוואך יוני 3, 2015 2:24 pm

· #280215

בן עזאי
טאיאטא האט דערגרייכט אן אפמאך מיט פארד זיך צו באניצן מיט זייער "סמארט דעווייס לינק" טעכנאלאגיע אין די טאיאטע און לעקסוס מאדעלן.
די "סמארט דעווייס לינק" איז א סאפטוועיר וואס ערלויבט צו באהעפטן די סמארטפאון מיט אלע אירע עפפס צו די אויטא'ס דעשבארד, סקרין, און שטימע דערקענונג טעכנאלאגיע.
די נייע טעכנאלאגיע איז ערווארטעט צו ערשינען אין די 2016 מאדעלן.

טעג און גדר ארבעטן אויס די לעצטע דעטאלן וויאזוי צו פילטערן די אויטא'ס. די נייע מאושר סטיקער איז ערווארטעט צו זיין אין פארעם פון א "K" סימבאל אויפ'ן לייסענס פלאטע.

קרעדיט: רויטערס

אויב טעג, גדר און משומר וועלן אנהייבן פילטערן די אינטערנעט און סמארטפאונס אין קארס, וועלן זיי מוזן האבן דרייוו-אין פארטס...וואו יונגעלייט וועלן זיצן ביי די סטעישנס און זיך קאנעקטן ווייערלעססלי מיט די טמא'נע כלים אין די קארס...!

chusid » דאנערשטאג יוני 11, 2015 4:25 pm

· #282133

פרישע דורכברוך אין די טעכנעלאגישע וועלט

This Is the Oculus Rift—And Its New Controller

שמעקעדיג » פרייטאג יוני 12, 2015 11:28 am

· #282301

"פעסווארד'ס" – א זאך וואס מיר נוצן טעגליך אזויפיל מאל. א מיטל וואס מענטשן זענען שוין צוגעוואוינט דערצו צוליב סעקיוריטי, טראץ די אומבאקוועמליכקייט דערפון. אבער קאנסומער זענען נישט די איינציגסטע אומצופרידענע. גרויסע קאמפאני'ס זענען זייער אומבאקוועם מיט דעם גאנצן פעסווארד סיסטעם, בעיקר צוליב די סעקיוריטי בריעטשעס, אין די גאנצע וועלט העקט מען כסדר אין כל מיני אקאונטס, פון פריוואטע אינפארמאציע ביי פרטיות'דיגע מענטשן ביז ריזיגע העקעריי אין גרויסע פראפעסיאנאלע אקאונטס. ממש יעצט איז פארגעקומען א העקעריי אין די סיסטעם פון די IRS וואו די (לכאורה רוסישע) העקערס האבן באקומען צוטריט צו א געוואלד סאושעל סעקיוריטי נומערן און אנדערע סענסיטיווע אינפארמאציע. איבער א יאר צוריק האט מען געהעקט טארגעט, און ארויסדערווישט פילע קרעדיט קארד נומערן. ואטו כי רוכלא, דארף מען דען דא אויסרעכענען וויפיל קאפ ווייטאג קאמפאניס האבן שוין געליטן, ווען פראפעסיאנאלע העקערס האבן איבערגעקלוגט דעם פעסווארד סיסטעם און אנגעקומען וואו זיי דארפן נישט, און עובר געווען אויף 'במופלא ממך אל תדרוש'. און דאס אלעס שוין נאך די טיילווייזע פארבעסערטע קונצן, ווי סעקיורעטי שאלות וכד'.

אלענפאלס, די גרויסע קאמפאניס (בפרט גוגל און מייקראסאפט) זענען אנטשלאסן צו ענדיגן די פעסווארד קרענק. איינע פון גוגל'ס מענעדזשער'ס האט זיך אויסגעדרוקט, "פעסווארדס סאקט"! זיי ארבעטן אויף אלע כוחות אויסצוטרעפן נייע איידיעס צו האלטן די סיסטעמ'ס מער פארזיכערט. פינגער פרינטס און פעיס-רעקאגנישאן זענען פון די טאפ אויף די ליסטע, אבער אנדערע סאלושענ'ס זענען אויך אינוואלווד. א מער סאפיסטיקירטע סיסטעם רופט זיך "מאלטי-מאדעל בייאמעטריקס" – וואס טוט קאמבינירן די אויבנדערמאנטע, אין צוגאב צו דעם באנוצער'ס קול, ווי אויך זיך אויסצולערנען דעם באנוצער'ס העביטס, צב"ש וועלכע סארט פראגראמען דו נוצט וועלכע צייט. אויב למשל דו טשעקסט קיינמאל נישט דיין אימעיל 3 ביינאכט, און פלוצים זעהט דער סיסטעם אז איינער פרובירט אריינצולאגן אין דיין אקאונט 3 ביינאכט, וועט עס ארויסגעבן אן אלערט און אנקוקן די זאך פארדעכטיגט.

פעיפעל ארבעט אויך אויף אנדערע מהלכים צו ענדיגן פעסווארדס. זייער פראגראם רופט זיך "קיל די פעסווארדס". יאהו אימעיל האט א סערוויס וואס שיקט א טעקסט מיט א נייע פעסווארד יעדע מאל וואס דו ווילסט אריינלאגן אין דיין אימעיל אקאונט.

אלע עקספערטן אין דעם פעלד זענען איינשטימיג אז עס וועלן קומען ערנסטע רעוואלוציעס אויף דעם געביט אין דער נאנטער צוקונפט.

שמעקעדיג » מיטוואך יוני 17, 2015 12:20 pm

· #283266

שוין דא קלוגע טעלעפאנען, זייגערס, אפלייענסעס, קליידער, און וואס נישט.
אצינד איז געקומען די רייע אויף "קלוגע זאקן"! יא, אזוי ווי איר לייענט: סמארט סאקס. (אבער עס וועט אייך אפקאסטן א 200 טאלער).

עס איז דערווייל א שטיקל דורכפאל, אומבאקוועם, אבער א גוטער אנהויב איז עס זיכער.
עס איז בעיקר געצילט פאר מענטשן וואס לויפן אויף עקסערסייז, דער זאק איז אויסשטאפירט מיט סענסארס און בלוטוט וואס טוט זיך קאנעקטאן צו אייער סמארטפאונ'ס עפפ, און טוט אבזערווירן צי איר לויפט ריכטיג.

<a class="postlink" href="http://www.pcworld.com/article/2936611/review-sensorias-smart-socks-are-a-futuristic-novelty-that-no-runner-really-needs.html">http://www.pcworld.com/article/2936611/ ... needs.html</a>

📎 smart_sock_3.png 📎 smart_sock_2.png 📎 smart_sock_1.png

וכדומה.. » דאנערשטאג יוני 25, 2015 8:25 pm

· #285203

Re: טעכנאלאגישע נייעס

טעות-שוין גווען

שמעקעדיג » זונטאג יוני 28, 2015 11:39 am

· #285607

שמעקעדיג
FORD. ווער ווייסט דען נישט פון די קאר קאמפאני פארד. א אויטא קאמפאני וואס איז אמאל געווען אין דער ערד, פארשידענע ליצנות 'רשע-טבת' זענען ארומגעלאפן אויף זייער נאמען (Fix Or Repair Daily איז די מערסטע באקאנט; אדער Failed, On Road Dead וכדומה), זייער קוואליטי האט געסאקט, זייער ריסעיל וועליו איז געווען טיף אין דער אדמה...

און, און... מאשפות ירים אביון, דורך פארשידענע מיטלען האבן זיי זיך ארויפגעדראפעט אויף דעם לייטער, זיי האבן אנגעהויבן מאכן בעסערע פראדוקטן, און ווען דער הויכגעשעצטער CEO מולאלי האט איבער גענומען די קאמפאני זייענדיג אין רויט - קומענדיג פון די באואינג עראפלאן קאמפאני וואו ער האט אויך געמאכט א רעוואלוציע צום גוטן - האט ער אנגעהויבן מאכן סדר, קודם מיטן פראגראם "ONE FORD", וואס האט אריבערגעברענגט פארשידענע גוטע מאדעלס פון אייראפע (דארט מאכן זיי בעסערע פראדוקטן, פרעג מיך נישט פארוואס) קיין אמעריקע, ער האט געלייגט א שטארקע פאקוס אויף קוואליטעט פון די מאטעריאלן עס זאל נישט זיין הונטערשטעליג פון די יאפאנעזער קאמפעטישאנ'ס, און אריינגעלייגט אסאך פיעטשורס צו "סורפרייזן" דעם קאסטומער, און די זאכן האבן עושה רושם געווען, עד כדי כך אז ביים גרויסן עקאנאמישן קראך איז פארד געווען די איינציגסטע אמעריקאנער קאמפאני וואס האט נישט געדארפט צוקומען צו די רעגירונג'ס בעילאוט - אנדערש ווי GM און קרייסלער - און דאס האט נאך מער געהויבן זייער רעספעקט און וועליו ביים פאלק, זייערע סעילס זענען דראסטיש ארויפגעגאנגען, זיי האבן געאפפערט ווייניגער אינסענטיווס (ווי "קעש בעק" אדער 0% פיינענסינג), און עכ"ז זענען זייערע קארס געגאנגען ווי מצה וואסער, מיט גרויס ערפאלג, צו די הנאה פון די הויכע עקזעקוטיוון.

איין גרויסע שינוי - אויף וואס פארד האט געלייגט גרויס האפענונג, ספעציעל אריינצוכאפן יונגע קאנסומער - האט זיך ארויסגעשטעלט אלס א וויסטע דורכפאל - טראץ די ענטוזיאזם וואס האט לכתחילה געהערשט ביים יונגן דור דערפאר. דאס איז זייער SYNC סיסטעם אין די נייערע אויטאס. דער SYNC סיסטעם איז געווארן דעוועלאפט מיט עטליכע יאר צוריק (2007) ביי מייקראסאפט, און איז געצילט אריינצוברענגען די העכסטע טעכנאלאגיע אינעם קאר. אנשטאט א דעשבאורד פון קנעפלעך און (ק)נאבס, איז עס פארוואנדלט געווארן אין א גרויסע טאטש סקרין און פאר יעדע פונקציע האט מען געמוזט אדורכגיין שבעה מדורי גיהנם אויפן סקרין ביז מען איז אנגעקומען דערצו, אפילו פשוט'ע פונקציעס - ווי צב"ש מאכן העכער די מוזיק אדער מאכן שטארקער דעם הייצונג.

📎 Sync.jpg

אויסער דעם סכנה פון דיסטרעקטן דעם דרייווער אוועקצוקוקן פונעם ראוד אינמיטן פליען אויפן הייוועי ביי 70 מפ"ש און זיין ביזי מיטן סקרין (גארנישט ווייניגער סכנה ווי טעקסטן אינמיטן דרייוון), און בכלל האט עס געהאט זייער א קאמפליצירטן אויסשטעל בנוסף צו פיצעלע ווערטער און סימבאלן, האט דער סיסטעם געהאט א שרעקליכער חסרון, אז עס פלעגט "פריזן". ד.ה. איינפאך נישט ארבעטן פאר אפאר מינוט, און נישט רעספאנדעט צו דעם דרייווערס אינפאט. מען האט געקענט קוועטשן אויפן פארקלאצטן סקרין, אבער אן ערפאלג. דרייווערס פלעגן ווערן - ווי פארשטענדליך - שרעקליך פרוסטרירט, און כסדר קאמפלעינט צו פארד דערוועגן.

📎 Sync2.jpg

עס האט אויך געשאדט פאר פארד אין די שטודיעס וואס געוויסע קאמפאניס נעמען פון נייע דרייווער, צי זיי זענען צופרידן מיט די קוואליטי פונעם נייעם אויטא. פארד האט זיך געטראפן אין א אומבא'טעמ'טע סיטואציע. זיי האבן אנגעהויבן ארבעטן אויף פארשידענע תיקונים און אפדעיטס, מאכן גרעסער די אותיות און די אייקאנס, מאכן גרינגער צו קאנעקטן צו פאונס, פארמינערן די פארפרוירענע סקרינ'ס, און צוגעלייגט "וואויס רעקאגנישן" אז מען זאל קענען רעדן צום סיסטעם אנשטאט דריקן אזויפיל אויפן סקרין, אבער דאס האט שוואך געהאלפן. עס איז געווארן עטוואס בעסער, אבער די הוצאה שניה ושלישית ומתוקנת (2010) איז נאך אלץ פארוואסערט געווארן צווישן די חסרונות און אומצאליגע קאמפלעינטס און שלעכטע ראטעס פון אלע רעוויואערס. אזוי איז דאס אנגעגאנגען פאר יארן.

אנדערע קאמפאניס האבן גראדע נישט קיין סאך בעסער אפגעשניטן. א ענליכע סיסטעם ביי GM (רופט זיך CUE) האט אויך געליטן פראבלעמען און די קאסטומערס גלייכן עס נישט. קרייסלער איז דערווייל פון די בעסטע אין דעם הינזיכט. ניסאן און האנדא זענען כמעשה, כאטש זיי מעגן אויך נוצן א תיקון.

אצינד האט פארד באשלאסן צו דראפן מייקראסאפט. די לעצטע זענען טרויעריג-באקאנט פאר זייערע סאפטוועיר וואס מען דארף כסדר פעטשן מיט אפדעיטס נאר כדי צו טרעפן נאך דורכפעלער און פראבלעמען. גענוג איז גענוג. ארויס אויף די יארכע, מען גייט זוכן א צווייטן!

די מאדנע זאך איז, צו זעהן וועמען זיי האבן אנגעטראפן. נישט קיין אנדערע ווי די "בלעקבערי" פירמע. כאטש וואס זיי קומען נישט צו די נייערע 'עפל' און 'אנדרויד' פראדוקטן בנוגע סעלפאונ'ס, זענען זיי מער רעלייעבל ווי מייקראסאפט. (איי, אויב פארד פרעגט מיך? אויב בלעקבערי איז פאר עפעס באקאנט, איז עס פאר זייער 'פריזן' מיטן דרייעדיגער זייגערל אויפן סקרין..... GO FIGURE). למעשה, זיי אנטשפרעכן א נייע גענעראציע פון SYNC, מיט א גרינגערן אויסשטעל און געשמאקע יוזער אינטערפעיס, אן די אלע פראבלעמען.

ווארט נאר איבער צו זעהן מה יהי' חלומותיהם, צי וועט עס טאקע בעסער ווערן אדער מפטירין כדאתמול. בפרט ווען אנדרויד און עפל גרייטן שוין צו זייערע אייגענע פארגעשריטענע סיסטעמ'ס אין די אויטאס. ימים ידברו.

און ענדליך די רעזולטאטן. עס קוקט אויס גאנץ גוט במושכל ראשון.
<a class="postlink" href="http://www.pcmag.com/article2/0,2817,2486732,00.asp">http://www.pcmag.com/article2/0,2817,2486732,00.asp</a>

שמעקעדיג » מיטוואך יולי 1, 2015 10:59 am

· #286450

סעמסאנג האט אנאנסירט אז זי האט ערפינדן א א מעגליכע דורכברוך אין בעטערי טעכנאלאגיע, וואס ערלויבן א בעטערי צו האלטן א טשארדזש דאפלט אזוי לאנג ווי ביז יעצט.
די ערפינדונג איז נאך אין די פריע שטאפלען, און וועט נאך נעמען א שיינע שטיק צייט ביז מען וועט קענען שניידן די פירות.

רויטע וואנצעס » דאנערשטאג יולי 2, 2015 5:33 pm

· #286797

אוי געוואלד, די נייע גוגל בילדער עפפ איז א ראסיסט!

<a class="postlink" href="http://www.vosizneias.com/208161/2015/07/02/new-york-google-apologizes-after-app-tagged-black-people-gorillas/">http://www.vosizneias.com/208161/2015/0 ... -gorillas/</a>

וכדומה.. » דאנערשטאג יולי 2, 2015 8:02 pm

· #286852

@שמעקעדיג איך וואלט געווען נייגעריג צו זעהן מער איבער דעם, איך וואלט הנאה געהאט פון א לינק

שמעקעדיג » פרייטאג יולי 3, 2015 8:56 am

· #286922

לייג אריין
samsung battery
אין גוגל
און זעה די רעזולטאטן...

שמעקעדיג » זונטאג יולי 5, 2015 11:04 am

· #287121

פארן קומענדיגן יאר 16', וועט די אויטא-מאנופעקטשורער "שעווי" זיין די ערשטע צו אינסטולירן אין עטליכע אויטאס א ספעצילע עירקאנדישאן פאר סעלפאנ'ס זיי זאלן נישט ווערן צו הייס, בפרט בשעת'ן טשארדזשן אויף די ווייערלאזע טשארשדזשינג אינעם קאר.

<a class="postlink" href="http://www.pcmag.com/article2/0,2817,2487178,00.asp">www.pcmag.com/article2/0,2817,2487178,00.asp</a>

ירא שמים » דינסטאג יולי 14, 2015 6:40 pm

· #289388

Re: טעכנאלאגישע נייעס

ווינדאוס 10 איז שוין דא?

ונבנתה העיר » דינסטאג יולי 14, 2015 8:04 pm

· #289393

צוויי וואכן.

ירא שמים » דינסטאג יולי 14, 2015 8:11 pm

· #289395

Re: טעכנאלאגישע נייעס

סאיז שוין דא 2 וואכן ? אדער אין צוויי וואכן ארום ?

ונבנתה העיר » דינסטאג יולי 14, 2015 8:13 pm

· #289396

יולי 29.

שמעקעדיג » פרייטאג יולי 24, 2015 1:48 pm

· #291576

מיט אלע טעכנאלאגיע מעלות, קומט מיט - כדרכו של עולם - אסאך חסרונות אויך, ברוחניות ובגשמיות.
בעת אונזערע קארס ווערן מער פארגעשריטן און קאנעקטעד, צו די סעלפאונ'ס און צו ווייפיי און נאך אנדערע גאדגעטן, ערשיינען פרישע אומפאראויסגעזעהענע פראבלעמען.

און דאס האט פאסירט די וואך, צו יעדנס ערשטוינונג - 2 העקערס האבן געהיידזשעקט און איבערגענומען קאנטראל אויף א צווייטנ'ס דזשיפ אויטא (דזשיפ איז די זעלבע קאמפאני ווי קרייסלער און דאדזש).
מען רעדט נישט פון קלייניגקייטן, נאר זיי האבן באקומען פולע קאנטראל אויף די סאמע וויכטיגסטע פונקציעס פונעם קאר, ווי די ברעיקס און טראנסמישאן. זיי האבן אפילו געקענט פארקירעווען דעם קאר צום זייט פונעם ראוד, בעת דער דרייווער איז הילפלאז!
זיי זאגן אז זיי קענען דאס טון מיט סיי וועלכע קאר, נאר מיט די סיסטעם פון קרייסלער/דזשיפ איז עס געווען דאס גרינגסטע...

צום מזל, זענען דאס נישט געווען 2 שלעכטע לייט וואס האבן סתם געוואלט אריינברענגען דעם דרייווער אין פאניק, נאר א פאראויסגעטראכטע און אויסגערעכנטע אקציע - און זיי האבן דערנאך אריינגעגעבן די אינפא פאר קרייסלער צו קענען פראטעקטן און פארמיידן אזעלכע אינצידענטן אין דער צוקונפט.

אצינד האט די FCA פאררופן א ריקאול אויף די אלע קרייסלער און דזשיפ מאדעלס וואס קענען אפעקטירט ווערן.

ירא שמים » מיטוואך יולי 29, 2015 11:06 pm

· #292731

איינער דא האט שוין אפגערעידט צו ווינדאוס 10 ?! קוקט אויס אז נישט .
איינער ווייסט פון עקספיריענס צו סלוינט זיך צו אפגרעיטען ?

שמעקעדיג » מיטוואך יולי 29, 2015 11:13 pm

· #292737

מיין רעקאמענדאציע: ווארט צו. לאז די ערשטע חלק באגס ווערן מתוקן ע"י אחרים. עס לויפט נישט אוועק. קענסט ציווארטן א 2 חדשים.

אז מען רעדט שוין, זענען די היימישע פילטערס צוגעגרייט צו ווינדאוס 10? בי ווינדאוס אכט איז געווען א hold אפאר חדשים, אויב מיין זכרון דינט מיר.

ירא שמים » מיטוואך יולי 29, 2015 11:33 pm

· #292742

טעכנאלאגישע נייעס

א איסור איז נאכנישט ארויס אויף דעם ווי אויף ווידאוס אכט און אויף אייועלט איז עס נישט דאמאנט געווארן…
און ביז ווען גייט עס זיין פריי?

וכדומה.. » זונטאג אוגוסט 2, 2015 3:10 pm

· #293346

יעדער וואס האט ווינדאוס 8 באקומט א פרי אפגרעיט צו ווינדאוס 10, סגייט נאר נעמען א משך פון אפאר חדשים ווילאנג זיי שיקן עס צו יעדן, זיי זענען בעקד אפ.

ירא שמים » זונטאג אוגוסט 2, 2015 10:22 pm

· #293409

וכדומה..
יעדער וואס האט ווינדאוס 8 באקומט א פרי אפגרעיט צו ווינדאוס 10, סגייט נאר נעמען א משך פון אפאר חדשים ווילאנג זיי שיקן עס צו יעדן, זיי זענען בעקד אפ.

@וכדומה.. אז איך האך די ווינדאוס סימבאל אויף די באדעם פון מיין קאמפיוטער מיינט עס אז כהאב באקומען א אינוועטעישאן ?

שמעקעדיג » זונטאג אוגוסט 2, 2015 10:29 pm

· #293411

עס מיינט אז דו ביסט עליזשיבל צו פארלאנגען אן אומזיסטע קאפיע.

ישראל קאפקע » מאנטאג אוגוסט 10, 2015 11:34 pm

· #294862

ביי ביי גוגל, העלאו אלפאבעט (כמעט).

<a class="postlink" href="http://mobile.nytimes.com/2015/08/11/technology/google-alphabet-restructuring.html?referrer=">http://mobile.nytimes.com/2015/08/11/te ... ?referrer=</a>

ישראל קאפקע » מאנטאג אוגוסט 10, 2015 11:42 pm

· #294865

Google release notes:

- Our new name is Alphabet! We hope you like it.

- fixed a bug where we were paying too much tax.

😛

שמעקעדיג » דינסטאג אוגוסט 11, 2015 5:46 am

· #294906

דאס קוקט אויס צו זיין ערנסטע נייעס. א מעידזשאר אויפשאקלונג אינערהאלב די מעכטיגע גוגל קאמפאני. א נייער נאמען מיט נייע עקזעקוטיוון. גוגל וועט זיין א חלק אונטער די נייע אלפאבעט. ונזכה ונחי' ונראה.

וכדומה.. » דינסטאג אוגוסט 11, 2015 9:41 am

· #294918

אבער אויף וויפיל מיר קענען גוגל, דאס הייסט די סירטש ענדשין, יוטוב, מעפס, די ענדראויד סיסטעם, און גוגל פלעי סטור, בלייבט אלעס די זעלבע אונטער די נאמען גוגל אזוי ווי ביז יעצט.

סאיז נאר זייער אנדערע ביזנעסעס וואס רוב עולם האט נישט אנונג אז דאס עקזיסטירט בכלל, דארט בייטן זיי די נאמען צו אלפעבעט.

ישראל קאפקע » דינסטאג אוגוסט 11, 2015 9:57 am

· #294921

ריכטיג, אבער גוגל גייט זיין א סובסידיערי פון אלפאבעט.
עס טוישט פונדאמענטאל דעם שפיל, איז א מעידזשאר טויש.

שמעקעדיג » מיטוואך אוגוסט 26, 2015 1:48 pm

· #298006

ווערט איר שוין קראנק פון אזויפיל "פאט-האולס" אויפן ראוד? גוגל האט דעם מעגליכן סעלושאן פאר אייך!
דורך גוגל מעפס (וואס נוצט וועיז טעכנאלאגיע) ווילן זיי דערשפירן וואו עס געפינען זיך פאטהאולס אויפן ראוד, און אריינגעבן די אינפארמאציע צו די אינסטאנטן.

מען קען שוין צולייגן נאך א פאל צום ניגון "גוגעלע גוגעלע"....

<a class="postlink" href="http://www.pcmag.com/article2/0,2817,2490098,00.asp">www.pcmag.com/article2/0,2817,2490098,00.asp</a>