Re: ס'צייט צו קומען אהיים, קיין ארץ ישראל!
סקעפטיקער #אמונה חזקה בביאת המשיח בכל יום! דאס מיינט היינט! יא היינט קען ער קומען. איי, ער איז נאך נישט געקומען נעכטן, דאך גלייב איך אז היינט קען ער קומען.צוויי #האב איך דען געזאגט אז ער גייט נישט קומען? איך האב געזאגט אז דו האסט נישט קיין גאראנטי ווען ער גייט קומען, ער קען קומען צען טויזנט יאר ארום אויך (עכ"פ לויטן רמב"ם דער מחבר פון די י"ג עקרים). איך זאג אז די זיכערקייט פון מענטשן אז יעצט איז מען שוין "טאקע" נאנט איז נאנסענססקעפטיקער #אני מאמין באמונה שלמה בביאת המשיח, ואף על פי שיתממה, עם כל זה אחכה לו בכל יום שיבואצוויי #Selection Biasאמת אלע סימנים ווייזן מיר זענען באחרית הימים, משיח איז שוין אט אט דא, און יעצט איז טאקע די צייט וואס דער אייבערשטער פרואווט אונז צו זעהן צו מיר זענען אים געטריי און צו די תורה הקדושה, עס שטייט אז ארץ ישראל וועט אויסשפייען ווער ס'איז נישט ערליך.
די זעלבע שפראך רעדט מען שוין הונדערטער יארן און דערווייל זענען מיר נאך דא. זיי נישט אזוי זיכער אז יעצט איז עס "טאקע" נאנט
אמונה איז נישט געבויעט מיט ראיות.
יעדע מענטש האט זאכן אין וואס ער גלייבט, אפי' גשמיות'דיגע זאכן, ער נעמט אן זאכן די וועג וויאזוי ער נעמט עס אן אפי' ער פארשטייט נישט פונקטליך פארוואס דאס איז טאקע אזוי.
ווי למשל, רוב מענטשן גלייבן אדער אז וואקסין איז א גוטע זאך, אדער גלייבן זיי אז וואקסין איז א שעדליכע זאך..
וויאזוי ווערט דעי גלייבן שוואך, ווען איינער דערציילט אים מעשיות וואס פון דעם קומט ארויס אז ס'איז נישט ממש אזוי ווי ער האט געגלייבט ביז יעצט. און אסאך מאל העלפט נישט די אלע מעשיות, ער וועט נאך אלץ זיין פארגלייבט דערין פאר סיי וועלכע סיבה, אדער ווייל זיין מח ווענדט אפ די אלע מעשיות, אדער ווייל ער גלייבט ענדערש אן אנדערעם וואס זאגט אים אז די מעשיות זענען נישט אמת.
ענדליך איז אויך וויאזוי מענטשן וועלן גלייבן אין אן אנדערע מענטש, ווי צ.ב.ש. א טאטע, די טאטע זאגט פאר די קינד ווען ער איז נאך קליין פארשידענע זאכן, און דאס קינד נעמט עס אן, ער זאגט אים אז באלד גייט ווערן טונקל, און ער זעהט ס'איז טאקע טונקל, ממילא ווען ער זאגט אים זאכן וואס ער זעהט נישט ממש מיט זיינע אויגן גלייך, גלייבט ער אים אויך, אויסער ווען די טאטע דרייט ארום מיטן קינד זאכן, און ער זאגט נישט די אמת, דעמאלטס פארלירט דאס קינד טראסט אינעם טאטן אפי' פאר זאכן וואס זענען מעגליך יא אמת, (צוליב דעם איז טאקע וויכטיג נישט קיינמאל זאגן ליגנט פאר א קינד אפי' לצורך גדול, ענדערש אים זאגן בערך אז איך קען דיך עס נאכנישט מסביר זיין יעצט ווען דו וועסט ווערן גרעסער וועסטו פארשטיין וכו', אדער צום ערגסטן פאל אים זאגן זאכן וואס זענען זיכער משתמע לתרי אנפין, אבער פארדרייען פאקטן זיכער קיינמאל נישט).
וואס וועט געשעהן ווען א קינד טראסט דעם טאטן, און ער זעהט אז ער איז טאקע טראסטעבל, אבער איין געוויסע זאך זאגט אים די טאטע עפעס וואס ער קען עס נישט פארשטיין, און ס'קוקט נישט אזוי אויך ריכטיג, דאן אויב איז זיין אמונה שטארק אינעם טאטן, וועט ער אים ווייטער טראסטן אפי' ס'מאכט נישט קיין סענס פאר אים.
מיר האבן 'אמונה' בביאת המשיח, מיר גלייבן אז ער גייט און קען היינט קומען, איי ער איז נאכנישט דא, דאך פארלירן מיר נישט די טראסט אז ס'וועט נעמען נאך טויזענט יאר, נאר מיר בלייבן גלייבן אז ער וועט היינט קומען. און אוודאי ווען מ'קען עס אויך מסביר זיין פארוואס נעכטן איז ער נאך נישט געקומען אז ס'איז ווייל ס'איז נאך נישט געווען די צייט, און דער אייבערשטער ווארט אז ס'זאל זיין 'אם בקולו תשמעו', און למעשה טוען אידישע קינדער יעדן טאג זאכן אויף וואס חז"ל און די ספה"ק זאגן אונז אז ס'איז מקרב ביאת המשיח, האבן אונז ווייטער אויף וואס צו האפן און גלייבן אז ער וועט נאך דעם היינטיגן טאג קומען.
און טאקע ווייל מיר ווייסן נישט די פונקטליכע עת פקודה, ווען דער מלח המשיח וועט זיך באווייזן פאר אונז און השי"ת וועט אונז אויסלייזן פונעם גלות המר, טאקע דערפאר קענען זיך נאך אידן האלטן מיט די פעלזן פעסטע אמונה. שטעל דיך פאר אז מ'ווייסט קלאר טויזענט יאר צוריק אז סוועט נאך נעמען טויזענט יאר, וואלט געווען אסאך שווערער אדער גאר נישט במציאות זיך צו האלטן און דורכמאכן דעם וועג כשה אחד בן שבעים זאבות.
ווען ס'קומט צו אמונה, מעג מען טראכטן און וויסן און וועלן פארשטיין, מ'דארף נאר וויסן אז אפי' איך ווייס נישט אלעס, דאך 'דארף' איך נישט פארשטיין, און איך בלייבן מאמין!
איך בין א נאר און איך גלייב!
