איך זוך א אשכול

דא איז עס! https://www.kaveshtiebel.com/viewtopic.php?f=47&t=16510

סתם פאר נייגעריגקייט, איך זוך דעם אשכול/ ארטיקל/ תגובה, וועלכע האט זיך פארדינט די מערסטע לייקס. איז בכלל דא איינס וואו אלע שטערענדלעך זענען אנגעפילט?

אלפא

סתם פאר נייגעריגקייט, איך זוך דעם אשכול/ ארטיקל/ תגובה, וועלכע האט זיך פארדינט די מערסטע לייקס. איז בכלל דא איינס וואו אלע שטערענדלעך זענען אנגעפילט?

http://www.kaveshtiebel.com/viewtopic.php?p=188687#p188687

ס'דאכט זיך מיר אז כ'האב אמאל געשריבן א געדאנק אז מ'קען נישט מקנא זיין א צווייטן; הלואי וואלט איך געבוירן געווארן אלס יענער.

עס וואלט נישט געווען 'דו' וואס איז געווארן 'יענער'. 'דו' וואלסט קיינמאל געבוירן געווארן, און אנשטאט וואלט מען געמאכט יענעם.

אין אנדערע ווערטער: אפשר איז עס טאקע שוין געשען; דעם 'יענעם' וואס דו ביסט מקנא, איז טאקע עפעס א 'דו' וואס מ'האט אים נאכגעגעבן און געמאכט א 'יענעם'.

ווייסט איינער פון וואס איך רעד? האביך אמאל געשריבן דערוועגן?

איך געדענק נישט, אפשר וועט מי אני קענען צוצייכענען.
אדער אפשר איז יתכן אז דער אנדערער דו האט עס גאר געשריבן אויף אן אנדערער פארום...

שוין, האביך נישט קיין נערוון יעצט צו שרייבן א גאנצע מאמר דערוועגן. סליחות פאלט היי יאר מוצ"ש און מ'דארף זיך שוין גרייטן.

כ'האב נאר געוואלט מוסיף זיין אן אסמכתא פון די גמ' קידושין פ"ב ע"ב:

אי אפשר לעולם בלא בסם ובלא בורסקי, אשרי מי שאומנותו בסם ואוי לו מי שאומנותו בורסקי. אי אפשר לעולם בלא זכרים ובלא נקבות, אשרי מי שבניו זכרים ואוי לו למי שבניו נקיבות.

חוץ די שאלה פארוואס זאגט ער אוי לו למי 'שבניו' נקיבות, זיינע 'זין' זענען נקבות, וואס היינט איז שוין פארענטפערט מיט די ווייטע בליק פון אונזערע הייליגע אידישע חכמים, איז אבער שווער אן אנדערע נקודה.

פארוואס ביי די אומנות פון בסם און בורסקי רעדט מען פון דעם מענטש אליין, אבער ביי זכרים ונקיבות הייבט ער פלוצלינג אן צו רעדן פונעם טאטן? פארוואס זאגט ער נישט אשרי מי שהוא זכר ואוי לה למי שהיא נקבה?

והתירוץ כמבואר לעיל. אן אומנות איז נישט דער עצם מענטש, ס'איז נאר א מקרה נוסף צו זיין עצם וועזן, קען מען זאגן וואויל איז דער וואס איז עוסק אין דעם, ואוי למי שאומנותו בורסקי.

אבער זכר ונקבה, דאס איז דאך דער מענטש אליין, קענסטו נישט זאגן פאר די נקבה אוי לך אז דו ביסט א נקבה, דו וואלסט ווען ענדערש געדארפט געבוירן ווערן א זכר, ווייל דאס וואלט געמיינט אז די נקבה פון יעצט איז געקענסלט, און 'אנשטאט' איר האט מען באשאפן אן אנדערער וואס איז א זכר. ודו"ק והבן וק"ל.

דאס דערמאנט פון א חלק פון דר. דערעק פּאַרפיט׳ס נאַן-אידענטיטעט פראבלעם.

און דאס דערמאנט מיר וואס כ'האב געשריבן אין וועקער 7:
📎 20230907_222949.jpg 📎 20230907_222957.jpg

ונבנתה העיר

און דאס דערמאנט מיר וואס כ'האב געשריבן אין וועקער 7:
📎 20230907_222949.jpg20230907_222949.jpg 📎 20230907_222957.jpg20230907_222957.jpg

אודה ולא אבוש, איך בין פון די צווייטע כת...

איך האב נישט אפגעלערנט פשט אין רש"י אז ער האט בכלל נישט געלאזט דורות, ער האט שוין אין פאקט געהאט אור אייניקלעך בשעת מיתתו, ער האט פשוט געזען אז פון זיינע אייניקלעך וועלן נישט זיין קיין גרים.

ונבנתה העיר

חוץ די שאלה פארוואס זאגט ער אוי לו למי 'שבניו' נקיבות, זיינע 'זין' זענען נקבות, וואס היינט איז שוין פארענטפערט מיט די ווייטע בליק פון אונזערע הייליגע אידישע חכמים

😂 😂 😂 😂 😂

אויב ער האט שוין געהאט אייניקלעך, וואס האט דאס צו טון מיט דעם אז מען טאר אים נישט הרג'נען אויב וועט ארויסקומען פון זיי גרים?

איך האב געלערנט פשוט פשט אז מו''ר האט געזעהן אז דער גייט נאר האבן דורות פון גוים און נישט קיין גרים האט ער זיך געקענט ערפארדן צו אים הרג'נען און קענסלן די שיפמענט.
בבחינת צדיק גוזר...

וואס הייסט קענסלן די שיפמינט? אויב שטעלט זיך ארויס אז משה גייט אים הרג'נען דאן איז בכלל נישט אין פלאן א דעליווערי פאר אים.

אבער משה האט נישט געוואוסט צו ער קען אים עפארדן צו הרגענען.
נאכן זען אז ס'איז נישטא קיין דורות גרים האט ער געוואוסט מה לעשות אתו.

עס קען זיין מש"ר האט געקוקט אויף אלע פראבעביליטיעס אין די קוואנטום דיימענסיע (ווי די קאץ קען זיין לעבעדיג און טויט צוזאמען), און געזען אז אפי' אין די פאל מיט טויזענטער אייניקלעך -וואס האט זיך למעשה נישט אויסגעשפילט- איז נישטא דארט קיין גרים..

'וירא' וועט אבער מוזן מיינען מאטעמאטיש, ווייל כידוע עקזיסטירט נישט קיין קוואנטום רעאליטעט אונטער 'אבזערוואציע'.

ולא דמי למ"ש רש"י בפסוק קול דמי אחיך צועקים אלי: דמו ודם זרעיותיו. דו"ק וק"ל והבן.

ונבנתה העיר #

ולא דמי למ"ש רש"י בפסוק קול דמי אחיך צועקים אלי: דמו ודם זרעיותיו. דו"ק וק"ל והבן.

למה לא דמי

ווייל דא איז עס נאר איין סטעפ. הבל וואלט אודאי געקענט האבן קינדער, ווען נישט וואס קין, א בעל בחירה, האט אים גע'הרג'עט פאר ער האט געהאט די שאנס.

ביים מצרי איז עס אבער צוויי סטעפס. דער מצרי וואלט ווען אפשר געקענט האבן קינדער ווען נישט וואס משה רבינו הרג'עט אים.

אבער דו קענסט עס נישט נעמען צום נעקסטן סטעפ און דן זיין צי יענע קינדער, וואס כלפי שמיא גליא (און אין היינדסייט ווייסן מיר אויך - רימעמבער 'מכאן ולהבא למפרע' פון ישיבה?) אז זיי וועלן קיינמאל זיין, וואלטן זיך מגייר געווען.

ונבנתה העיר #

און דאס דערמאנט מיר וואס כ'האב געשריבן אין וועקער 7:

👍 זייער א גוטע קושיא
איך טראכט אפשר איז די ווארט שיתגייר א טעות, און ס'דארף שטיין שאין איש עתיד לצאת ממנו, און אפשר גאר איז דער בחור דער זעצער געווען פון די צווייטע כת, האט עס עם נישט געשטימט, האט ער צוגעלייגט 'שיתגייר' 😂

איז דא א אשכול איבער "אגודת קדושת ציון" ?

געווען אמהאל א שיינע ארטיקל דא אויפן שטיבל וואס איז מסביר וויאזוי עוועלוציע קען שטימן ע"פ יהדות אויך. איינער קען דאס ווייזן?

פריידא וויזעל האט געמאכט א שיינע אינטערוויו מיט ריקי ראוז. איך האב געזיכט וואו עס ארויפצושטעלן, עס ליגט מיר אין זכרון אז ס'איז דא עטליכע אשכולות וואס רעדן וועגן איר. איך פראביר זיכן אויף אזא וועג און אויף אן אנדערע וועג, און עס קומט גארנישט ארויף. איינער ווייסט וואו עס איז?

@אנאנים?

ס'געוועהן אינעם ישכר כץ אשכול, שוין צייט צו עפענען א dedicated אשכול פאר אירע אינטערוויוס, איך האלט נאך אינמיטן אויסהערן און איך האב שוין א טוץ קאממענטס 🙂

אה, איך האב גערעדט וועגן אשכולות וועגן ריקי.