נסיעת כ"ק אדמו"ר מ'סאטמאר (מהר"א) קיין ארה"ק אדר א' תשע"ד

@פלעין יודיש
נאר,,פרייליך איז א העווי אהרוני, דעי אנדערע דא שפילען נאר א געים כדי צו מבזה זיין דעם רבי'ן מיט זייער קלוגשאפט.

ווייסט איינער עפעס איבער א סטעיטמענט פון הגר''ש אויערבאך איבער'ן רבי'ן, יעצט ביים באזיך??

די חברותא פון רבי'ן הרב אונסדארפער איז ספעציעל מיטגעפארען?

פארוואס האט למעשה דער בעל שבט הלוי נישט אויפגעטרעטן אין ב''ב ביים גרויסען מעמד?

דערנאך האט רבינו שליט"א אנגעוואונטשן ברכת קדשו פאר'ן גאנצן ציבור.
📎 ברכת הקודש פון כ''ק מרן רבינו שליט''א.jpg
און מ'האט זיך ארויסגעלאזט אין פרייליכע ריקודין אונטער די חופה.
📎 ריקודין בחופה.jpg
די סעודת החתונה פאר אנשי שלומינו תושבי ב"ב איז צוגעשטעלט געווארן בהיכל הביהמ"ד, די סעודת החתונה פאר די קרובי המשפחה און די חשוב'ע געסט איז געווען אין דעם זאל פון לב האצולה אין פתח תקוה, דארט וואו עס איז דערנאך געפראוועט געווארן די שמחת החתונה.
אינדערצווישן בשעת די סעודת החתונה איז דער רבי ערשינען בבית הנגיד מוה"רמנחם שלמה פריעדמאן הי"ו אין בני ברק, וואו עס איז פארגעקומען א מסיבה פאר נגידים לטובת המוסדות.
📎 מסיבה פאר נגידי וחשובי אנ''ש אין שטוב פון הנגיד מוה''ר מנחם שלמה פריעדמאן הי''ו.jpg
דערנאך זענען די פילע באסעס ארויסגעפארן פון שיכון פירנדיג דעם ציבור צום גרויסן זאל לב האצולה אין פתח תקוה, וואו צו די באשטימטע צייט זענען ערשינען אין זאל דער חתן מיט די מחותנים און מ'האט אנגעהויבן די פרייליכע ריקודין של שמחה.
📎 חתן און מחותנים שליט''א ערשיינען צו די ריקודין.jpg

א קורצע צייט שפעטער איז מרן רבינו שליט"א ערשינען אין זאל און דער ציבור איז אריין אין התלהבות'דיגע ריקודין,
📎 הופעת כ''ק מרן רבינו שליט''א.jpg
דער רבי האט געטאנצן מיט'ן חתן,
📎 רקידה עם החתן.jpg
און דערנאך זיך געוואשן צו די סעודה, שפעטער איז ערשינען אין זאל דער זיידע פונעם חתן האדמו"ר מוויזניץ שליט"א וועלכער איז אויך געטאנצן מיט'ן חתן אויפ'ן בימת הכבוד.
📎 הופעת כ''ק אדמ''ר מ'וויזניץ שליט''א.jpg
דערנאך האט מען ממשיך געווען א לענגערע צייט מיט די ריקודין של שמחה.
📎 שיחה.jpg

די חתונה איז געפראוועט געווארן אויף גאר א געהויבענעם פארנעם מיט די באטייליגונג פון טויזענטער חסידים ואנשי מעשה און פילע אדמורי"ם ורבנים שליט"א.
📎 בימת הכבוד.jpg
📎 צאנז.jpg
נאכ'ן טאנצן איז רבינו שליט"א ארויסגעגאנגען פון זאל פאר א קורצע הפסקה בשעת מען האט צוגעגרייט דעם זאל צום מצוה טאנץ אויף א געניטן סדר דורך די עסקני קהלתינו הק' פון בני ברק.
מיט ברכת המזון איז מכובד געווארן הגה"צ דער לייפניקער רב שליט"א א ברודער פונעם מחותן אבי הכלה. מיט די ערשטע צוויי ברכות הגה"צ אב"ד ד'קהלתינו וויליאמסבורג שליט"א,
📎 אב''ד וומ''ס.jpg
דערנאך זענען מכובד געווארן מיט א ברכה הגה"צמ'ראצפערט בראזיל שליט"א א מחותן פונעם אבי החתן הגה"צ ראש ישיבתינו בב"ב שליט"א, הרה"צ ר' אהרן מרדכי רוקח שליט"א מבעלזא,
📎 רא''מ.jpg
הגה"צ סעמיהאלי רב שליט"א און מיט ברכה אחריתה הגה"צ ראש ישיבת וויזניץ שליט"א.

באלד דערנאך איז פארגעקומען דער געהויבענער מצוה טאנץ וואו דער בדחן איז געווען האברך ר' יואל הערשקאוויטש הי"ו פון בני ברק וואס האט אויסגערופן דעם רבי'ן מיט גאר הארציגע און טרעפליכע חרוזים וואס האט אריינגעשלעפט דעם גאנצן ציבור אין א התעוררות'דיגן שטימונג, נאכ'ן גראמען איידער דער רבי איז צוגעגאנגען צום מצוה טאנץ האט מען א לענגערע צייט ממשיך געווען מיט ניגוני התעוררות, און דערנאך איז פארגעקומען דער געהויבענער מצוה טאנץ ווען רבינו שליט"א איז געטאנצן באש קודש א לענגערע צייט, דאס איז געווען מעמד פון שמחה און התרגשות וואס וועט קיינמאל נישט פארגעסן ווערן פון אלע באטייליגטע.
📎 מצוה טאנץ 1.jpg
📎 מצוה טאנץ 2.jpg
📎 מ''ט חתן.jpg
📎 משפחה.jpg

📎 רבי ב''פ רב.jpg
📎 רבי ר''י.jpg
דער רבי שליט"א אין א ריקוד מיט גיסו האדמו"ר מ'וויזניץ שליט"א זיידע פון חתן און מיט נכדי בית וויזניץ
📎 רבי מיט וויזניץ.jpg
📎 רבי מיט נכדי וויזניץ.jpg

דאן האט דער בדחן ממשיך געווען אויסצורופן צום מצוה טאנץ דעם זיידן האדמו"ר מוויזניץ שליט"א,
📎 וויזניץ מ''ט.jpg
און דערנאך האבן געטאנצן דער זיידע הגה"צ רב דקהלתינו פון בארא פארק שליט"א,
📎 ב''פ רב מ''ט.jpg
און דערנאך די מחותנים שליט"א
📎 מצוה טאנץ פון אבי החתן שליט''א.jpg
📎 מצוה טאנץ פון אבי הכלה 2.jpg
און חתן כלה. ויה"ר שמשמחה זו יושפע שפע רב לכל בית ישראל.

ביקור קודש – דריטן טאג – ערש"ק פ' ויקהל העעל"ט

פרייטאג ערש"ק אינדערפרי האט דער רבי שליט"א געדאווענט שחרית אין ביהמ"ד הגדול אין שיכון, ווי דער רבי שליט"א האט בעפאר'ן דאווענען געצינדן ליכט לרגל הילולת הרה"ק בעל נועם אלימלך מ'ליזענסק און דאן געזאגט די תפילה פון הייליגן בעל הילולא זי"ע.
📎 דער רבי צינדט ליכט לרגל הילולת הרה''ק מ'ליזענסק זי''ע.jpg
📎 שחרית.jpg

אין די מיטאג שטונדן איז אנגעקומען אויף א באזוך צום רבי'ן גיסו האדמו"ר מ'בעלזא שליט"א וואו ס'האט זיך אנטוויקלט א שיינע שמועס במנהגי בית בעלזא און בדברי תורה וסיפורי צדיקים און נאך.
(שוין געווען בילדער...)

די רבי האט יעצט פארענדיגט די פייערדיגע תורה ביים לחיים טיש בהשאטער אצל ציון התנא ר' עקיבא זי"ע. דער משב"ק הרה"ח ר' חיים שלמה פישער האט דערנאך אויסגעריפען אז אלע בחורים וואס האבען באקימען א "צו גיוס" זאלען ארויפקומען נעמען שריים פינעם רבי'ן. דער עולם האט זיך גענומען טאנצען מיט ה' הוא מלכינו...... עצו עצה..... מיר יודעלעך אינאיינעם.......

מה נהדר היה המראה!

די רבי איז אויפן וועג קיין קרית צאנז אין נתני'

📎 IMG-20140225-WA047.jpg

ווי אלט איז דער חתן? ער קוקט אויס ווי 15 יאר אלט און אביסל ....

14, און בכלל נישט

נצור לשונך האט זיך אריינגעריקט
און ער מעקט און מאכט
א גיט יאר
כאטשיג בין איך געוואר געווארן אז די עקזעסטירסט

פארוואס האט אים צאנזער רב אויפגענומען אינדרויסן? זיין אינעווייניגסטע שטוב איז אונטער קאנסטרוקציע?

שיינע בילדער פרייליך. איך ווער צושפרינגען יעדע מאל איך זעה בילדער פון א"י, די ווייסע שטיינערנע הייזקעס, ובפרט פון מירון! מירון איז דאך א קוואל פון חיזוק פאר די גוף און נשמה ביינאזאם.

שמעקעדיג

שיינע בילדער פרייליך. איך ווער צושפרינגען יעדע מאל איך זעה בילדער פון א"י, די ווייסע שטיינערנע הייזקעס, ובפרט פון מירון! מירון איז דאך א קוואל פון חיזוק פאר די גוף און נשמה ביינאזאם.

וועלעכע חלק מאכט דיך שפרינגען
די ווייסע שטיינערנע הייזקעס איז דא אין וואשינגטון אויכעט

פלעין יודיש

שמעקעדיג

שיינע בילדער פרייליך. איך ווער צושפרינגען יעדע מאל איך זעה בילדער פון א"י, די ווייסע שטיינערנע הייזקעס, ובפרט פון מירון! מירון איז דאך א קוואל פון חיזוק פאר די גוף און נשמה ביינאזאם.

וועלעכע חלק מאכט דיך שפרינגען
די ווייסע שטיינערנע הייזקעס איז דא אין וואשינגטון אויכעט

דאס קדושה אין ארץ הקודש איז פארהאן טראץ די טמאים האבען עס פארשמירט בפשעיהם וחטאתם, וועלכע ערליכע איד די טרעפסט נאר אהן העט'ר זאגען וואסערע געהויבענקייט און קדושה עס שפירט זיך אין די אלע ערטער
די סאטמאר רב האט נאר געזאגט מחמת חיבתו צום הייליגען ארט אז מען ברויך שטארק זיך היטען פון די מכשולים דארט

כמו שנת' בארוכה פאריאר ווען די ברודער פון רבי'ן איז גיפארען מיט טויזענטער אנ''ש.

שבע ברכות אין וויזניץ מיט דער דריי שוואגער'ס

דרשה אין בני ברק

התם ומתמם עם תמימים

שבע ברכות אין וויזניץ מיט דער דריי שוואגער'ס

באקומען פון איינעם א באריכט מיט א בילד:

א שיינע שבע ברכות איז פארגעקומען צוגעשטעלט דורך וויזניצער רבי, מיט די באטיילונג פון קינדער און אייניקלעך פון וויזניץ רבי.

דער סאטמאר'ע רבי איז אנגעקומען ארום 4:30 זיך געוואשן, טועם געווען פיש. געווינטשן לחיים.

נאכדעם האט מען געזונגען שיינע ווארימע וויזניצע ניגונים אנגעפירט דורך יעקב דאסקאל און וויזניץ כאר מיט מאיר אדלער.

בעלזא רב איז אנגעקומען און זיך געוואשן און נאך פיש געווינטשן לחיים פאר די גאנצע אויבן אן.

מהאט געזונגען ווייטער און מהאט סערווירט זופ, פלייש פון וואס וויזניץ רבי האט צוזאם געמישט אלע 3 טעללער פון די אדמורי"ם און ארויף געגעבן שריים.

דערנאך האט א בדחן געגראמט און ארויס געהויבן די אלע צייטן וואס איז פארביי אין די שנה ראשונה פון סאטמאר און בעלזא רבי'ס ווי דער זיידע דער אמרי חיים ז"ל און דער שווער דער ישועות משה ז"ל האבן ארויסגעוויזן א ליבשאפט צו זיי.

מיט בענטשן איז מכובד געווארן רבי מנחם ערנסטער, ר"י וויזניץ
בעלזא רב ברכות ראשונות
סאטמאר רבי ברכה אחריתא

נאכדעם האט מען זיך אויפגעשטעלט טאנצן אנכאפענדיג נעבן טיש, נאך אביסל איז געווארן א רינג.
📎 ריקודין בוויזניץ.jpg
מ'האט זיך אלע געווינטשן מז"ט און בעלזא רב איז ארויס און דערווייל האט די סאטמאר רבי זיך באגריסט מיט זיינע נעפיו'ס און איר נעפיו'ס, אלע אייניקלעך פונעם ישועות משה.

נאכדעם האט וויזניצע רבי ארויס באגלייט דעם סאטמאר'ן רבי'ן ביזן קאר.

פלעין יודיש

נצור לשונך האט זיך אריינגעריקט
און ער מעקט און מאכט
א גיט יאר
כאטשיג בין איך געוואר געווארן אז די עקזעסטירסט

ניין. ס'דא ווען מ'דארף מעקן. עת לנטוע ועת לעקור נטוע....כה לחי. יישר כח. נצור לשונך מרע... 👍 😕 😎 😂 🙄 😛 😛 😛 😛 😛 😳 😢 😢 😮

פלעין יודיש

שמעקעדיג

שיינע בילדער פרייליך. איך ווער צושפרינגען יעדע מאל איך זעה בילדער פון א"י, די ווייסע שטיינערנע הייזקעס, ובפרט פון מירון! מירון איז דאך א קוואל פון חיזוק פאר די גוף און נשמה ביינאזאם.

וועלעכע חלק מאכט דיך שפרינגען
די ווייסע שטיינערנע הייזקעס איז דא אין וואשינגטון אויכעט

דו פאר קיין וואשינטאן. און אינז עמער אי"ה פארן צוזאמען מיט'ן רבי'ן שליט"א. אלה ברכב ואלה בסוסים ואנחנו בשם ה' אלוקינו נזכיר!!! 😈 😈 😠 😛 😳 😢 😮 😲

berlbalaguleh

פלעין יודיש

שמעקעדיג

שיינע בילדער פרייליך. איך ווער צושפרינגען יעדע מאל איך זעה בילדער פון א"י, די ווייסע שטיינערנע הייזקעס, ובפרט פון מירון! מירון איז דאך א קוואל פון חיזוק פאר די גוף און נשמה ביינאזאם.

וועלעכע חלק מאכט דיך שפרינגען
די ווייסע שטיינערנע הייזקעס איז דא אין וואשינגטון אויכעט

דו פאר קיין וואשינטאן. און אינז עמער אי"ה פארן צוזאמען מיט'ן רבי'ן שליט"א. אלה ברכב ואלה בסוסים ואנחנו בשם ה' אלוקינו נזכיר!!! 😈 😈 😠 😛 😳 😢 😮 😲

כ'האב פארגעסן: סוף פסוק: "המה כרעו ונפלו ואנחנו קמנו ונתעודד!!! 😛 (מחוצף)

ביקור קודש פון מרן רבינו שליט"א בארה"ק
המשך דריטן און פערטן טאג - ערש"ק ושב"ק פ' ויקהל העעל"ט

דערמיט טוען מיר זיך אנטשולדיגן פאר אונזערע טויזענטער ליינער אנשי שלומינו שיחיו, אז מחמת ריבוי העבודה וקוצר הזמן האבן מיר נאכנישט עספיעט אנצויאגן מיט'ן באריכט ביז היינט – מיר פרובירן אנצוקומען די שנעסלטע ווי נאר מעגליך, ועם הקוראים הסליחה.
פאלגענד זענען מיר ממשיך מיט א באריכט פון דעם געהויבענעם שב"ק און מוצאי שבת העעל"ט בצל הקודש אין בני ברק.

במשך דעם פרייטאג זענען אנגעקומען נאך א צאל געסט וועלכע זענען געווען דאנערשטאג נאכט אין ליזענסק על ציון הק' פון הרבי ר' אלימלך זי"ע ביומא דהילולא, אויך האבן זיך אנגעזעהן פילע געסט מאנ"ש פון איבער ארה"ק ווי אויך פילע נדיבי עם פון אמעריקע און אייראפע, וועלכע זענען געקומען מיטהאלטן דעם געהויבענעם שבת בצל הקודש.

ערש"ק נאכמיטאג איז מרן רבינו שליט"א געגאנגען צו די נייע מקוה וואס איז לעצטנס געבויעט געווארן אין בבית מדרשינו זכרון מאיר אין בני ברק, וואו די הנהלת המקוה האבן געצייגט דעם רבי'ן אלע הלכה'דיגע איינריכטונגען פון די נייע מקוה.

א נארהאפטיגער טועמי' איז צוגעגרייט געווארן פאר אלע חשובע געסט אין ביהמ"ד עטרת זקנים בבנין הת"ת ביז'ן זמן פון הדה"נ.

בערך 45 מינוט נאכ'ו זמן איז מרן רבינו שליט"א אין באגלייטונג פון חתן ומחותנים שליט"א אריינגעקומען צו תפילת מנחה אין ביהמ"ד הג' אין שיכון וואו רבינו שליט"א האט יורד געווען לפני התיבה צו תפלת מנחה כנהוג, צו קבלת שבת איז צוגעגאנגען הר"ר חיים שלום האלברשטאם שליט"א בן האדמו"ר מ'באבוב שליט"א וחתן הגה"צ גאב"ד דקהילתינו ב"פ שליט"א, נאכ'ן דאווענען איז דער גאנצער עולם אדורכגעגאנגען גוט שבת זאגן אונטער א שיינעם סדר פון די עסקני הקהילה, עס האבן זיך אויך אנגעזעהן פילע תושבים פון די שטאט בני ברק וועלכע זענען געקומען שלום נעמען פון רבינו שליט"א.

די סעודת שבת פאר די אורחים און די בני המשפחה איז צוגעשטעלט געווארן אין די זאלן פון "ארמונות חן", ווי עס איז צוגעשטעלט און סערווירט געווארן די סעודות שב"ק אויף א רייכן שטייגער, און נאך די סעודה איז דער עולם אריבערגעגאנגען צום גרויסן אודיטאריום געביידע אויף רחוב רבינאוו וואו עס איז געפראוועט געווארן דער שולחן הטהור.

מרן רבינו שליט"א איז ערשינען צום שולחן הטהור אום 10:15 וואו דער טיש איז געפראוועט געווארן אויף א געהויבענעם פארנעם מיט די באטייליגונג פון א ריזיגן ציבור ובראשם פילע רבני העיר שליט"א, ווי צווישן זיי האבן זיך געציילט עטליכע אדמור"י העיר וועלכע זענען געקומען מיטהאלטן דעם שלחן הטהור פון רבי'ן שליט"א נאכ'ן פראווען זייערע טישן בקרב קהילתם.

מיט כל מקדש האט דער רבי שליט"א מכבד געווען הגה"צ דומ"ץ דקהילתינו ירושלים שליט"א, און מיט מנוחה ושמחה הגה"צ מטשערנאביל-אלעד שליט"אדערנאך האט רבינו שליט"א געזאגט א לענגערן דרוש ופלפול וואס האט אריינגענומען דעם גאנצן עולם אין א חדוותא דשמעתתא אויפ'ן פסוק פון ויקהל משה אין די סוגיא פון אין עשה דוחה לא תעשה ועשה.

מיט קה אכסוף האט רבינו שליט"א מכבד געווען הגה"צ רב דקהל שבט הלוי שליט"א בן פוסה"ד הגאון בעל שבט הלוי שליט"א, מיט קה רבון הגה"צ רב שיכון ו' שליט"א פון ב"ב , דערנאך האט רבינו שליט"א מכבד געווען הר"ר יעקב מרדכי האגער שליט"א בן האדמו"ר מ'וויזניץ שליט"א פארצוזינגען רחם בחסדך.

מיט ברכת המזון האט דער רבי שליט"א מכבד געווען דעם מחותן אבי הכלה שליט"א, און ביי אמירת השבע ברכות האט דער רבי מיט ברכות ראשונות גיסו הגה"צ ראש ישיבת וויזניץ שליט"א, און מיט ברכה אחריתה הגאון ר' משה שאול קליין שליט"א חבר בד"ץ שבט הלוי.

דערנאך האט דער בדחנא דמלכא הר"ר מרדכי דוד עסטרייכער הי"ו אויפגעטרעטן מיט הערליכע חרוזים לכ' די שמחה, און האט אויפגערופן רבינו שליט"א צום מצוה טאנץ.

דאן האט רבינו שליט"א זיך ארויסגעלאזט אין א פייערדיגן מצוה טאנץ א לענגערע צייט באש קודש בשעת ווען דער גאנצער ציבור טאנצט מיט בהתלהבות ובהתרגשות, דערנאך האט דער רבי געטאנצן מיט'ן חתן און די מחותנים שליט"א.

מיט אז ביום השביעי האט דער רבי שליט"א מכבד געווען הרה"ג ר' שלום קליין שליט"א מרבני קהלתינו, און מ'האט פארענדיגט דעם טיש ארום 2:00 פארטאגס.

שבת קודש אינדערפרי איז מרן רבינו שליט"א ערשינען צו די חברת תהלים פון די ילדי תשב"ר אין ביהמ"ד הג' וואו דער רבי שליט"א האט מיטגעזאגט עטליכע קאפיטלעך תהלים מיט די תינוקות של בית רבן. דערנאך האט אויפגעטרעטן דער מנהל חברת תהלים מוה"ר יצחק אייזיק ווייס הי"ו וועלכער האט אראפגעגעבן וויאזוי די חברת תהלים איז נתייסד געווארן בפקודתו של רבינו שליט"א מיט 20 יאר צוריק בשנת תשנ"ד בשעת די נסיעה פון אביו מרן רביה"ק זי"ע בעל ברך משה, און ר' אייזיק האט דערציילט וויפיל ישועות אידן האבן שוין געזען במשך די אלע יארן אין זכות פון דעם כח פון די חברת תהלים פון די תשב"ר.

דאן האט רבינו שליט"א אויפגעטרעטן מיט קורצע דברי חיזוק פאר די קינדער איבער דעם גרויסן כח פון אמירת תהלים און דער כח פון תפילת התשב"ר.

דערנאך איז דער רבי שליט"א אריינגעקומען צו תפילת שחרית וואו עס איז צוגעגאנגען צו פסוקי דזמרה הרה"ג ר' זלמן לייב מייזליש שליט"א מו"ץ בקהילתינו הק' בארא פארק יצ"ו. דערנאך האט רבינו שליט"א יורד געווען לפני התיבה צו תפילת שחרית.

פאר קריאת התורה האט מען פארטיילט דעם נייעם ספר אורות חיים חידושים על עניני שבת קודש פון מחותן הגה"צ ראש ישיבתינו ב"ב שליט"א.

מיט פתיחת הארוה"ק איז מכובד געווארן בנש"ק הרב אהרן בן הרש"א טייטלבוים שליט"א מגדולי עסקני מוסדות יטב לב בארה"ק. די עלי' פון כהן האט עולה געווען הר"ר פינחס בינדער הי"ו חבר הנהלת העדה החרדית בירושלים. לוי – הנגיד בנש"ק הרב שלמה משה הלוי קלאגסברוין הי"ו. שלישי - הגה"צ אב"ד דקהילתינו בארא פארק שליט"א. רביעי - הגה"צ אב"ד דקהילתינו וויליאמסבורג שליט"א. חמישי - דער מחותן אבי הכלה שליט"א, שביעי - דער חתן שליט"א.
דערנאך זענען מכובד געווארן מיט עליות, הגה"צ רב באר שבע שליט"א, הגה"צ דומ"ץ דקהילתינו ירושלים שליט"א, און דערנאך די חשוב'ע אורחים וועלכע האבן מנדב געווען סכומים הגונים פאר'ן נייעם בנין הבית חינוך לבנות: הרה"ח מוה"ר אברהם ווידער הי"ו ראה"ק דקרית יואל, הרה"ח מוה"ר מאיר הירש הי"ו מראה"ק ומנהל המוסדות קרית יואל, הרה"ח מוה"ר דוד עקשטיין הי"ו מראה"ק קרית יואל, הרה"ח מוה"ר אהרן וועלץ הי"ו מנהל המוסדות בארא פארק, הרה"ח מוה"ר אליעזר ווייס הי"ו מראה"ק קרית יואל, הרה"ח מוה"ר גרשון מענדל ניימאן הי"ו מגדולי תומכי המוסדות, הרה"ח מוה"ר יצחק ראזענבערג הי"ו ס. ראה"ק ד'קהלתינו הק', הרה"ח מוה"ר מנחם גרשון לעבאוויטש הי"ו חבר הנהלת מוסדותינו הק' וומסב"ג, הרה"ח מוה"ר אברהם יודא ראזענבערג הי"ו חבר הנהלת קהלתינו, הרה"ח מוה"ר וואלף פערל הי"ו חבר הנהלת מוסדות יטב לב, הרה"ח מוה"ר יצחק פרענקל הי"ו, (און) הרה"ח מוה"ר ברוך מרדכי אבערלענדער הי"ו פון מאנטריאל, הרה"ח מוה"ר יעקב זוסמאן סופר הי"ו חבר הנהלת המתיבתא ק"י, הרה"ח מוה"ר חיים שלמה פישער הי"ו משב"ק, הרה"ח מוה"ר אשר לעוו הי"ו חבר הנהלת מוסדות יטב לב באייראפע, הרה"ח מוה"ר יחזקאל דוד בערקאוויטש הי"ו חבר הנהלת מוסדותינו הק' וומסב"ג, הרה"ח מוה"ר חיים לעבאוויטש הי"ו חבר הנהלת מקוה טהרה שע"י קהלתינו הק' וומסב"ג, הרה"ח מוה"ר אהרן הערש מיטטעלמאן הי"ו פון בארא פארק, הרה"ח מוה"ר הערשל זילבערשטיין הי"ו פון וויליאמסבורג, און הרה"ח מוה"ר יצחק שווארץ הי"ו פטרון חבורת תורתך שעשועי.
מיט די עלי' פון אחרון איז מכובד געווארן הרה"ח מוה"ר חיים לעווי הי"ו פון וויען. מפטיר האט עולה געווען הרה"ח מוה"ר אהרן משה שלאגער הי"ו חבר הנהלת מוסדות יטב לב. מיט הגבה איז מכובד געווארן מוה"ר שלמה הערש עקשטיין הי"ו חבר הנהלת מוסדות יטב לב, און מיט גלילה מוה"ר מאיר פערל הי"ו מנכ"ל מוסדות יטב לב בארה"ק.
די פילע געסט נדיבים בעם וועלכע האבן עולה געווען די אלע עליות האבן אלע מנדב געווען גאר גרויסע סכומים פאר'ן בנין החדש בפרט און פאר מוסדות יטב לב בארה"ק בכלל און אלעס אינאיינעם איז אריינגעקומען אסטראנאמישע סכומים להרחבת גבולי הקדושה במוסדותינו הק'.

צו תפילת מוסף איז צוגעגאנגען הגה"צ ר' חיים צבי שליט"א אב"ד סיגוט בן מרן רבינו שליט"א, און דאן האט זיך איבערגחזר'ט דעם הערליכן סעודת שב"ק ושמחת השבע ברכות אינאיינעם מיט די געסט אין די זאלן פון ארמונות חן. מרן רבינו שליט"א האט געפראוועט דעם סעודת יום שב"ק פריוואט בבית האכסניא אין שטוב פון הרה"ח מוה"ר משה חיים ווייס הי"ו מנהל המוסדות אין בני ברק.

צו תפילת מנחה איז דער רבי אריינגעקומען אין ביהמ"ד הג' ביי קריאת התורה איז מכובד געווארן מיט פתיחה הרה"ג ר' נפתלי הירצקא צוויבל שליט"א ראה"כ תו"י אין וויליאמסבורג. כהן - ר' אליעזר דוד גליק הי"ו. לוי - הרה"ח מוה"ר מרדכי אלעזר הירש הי"ו אדמיניסטראטאר מוסדותינו הק' וויליאמסבורג. שלישי - הרה"ח מוה"ר משה יוסף ווערטהיימער הי"ו חבר הנהלת מוסדותינו הק' וויליאמסבורג. רבינו שליט"א איז געגאנגען הגבה כנהוג, און מיט גלילה איז מכובד געווארן הרה"ח מוה"ר וואלף יאקאבאוויטש הי"ו.

סעודת שלישית איז געפראוועט געווארן ברוב התעוררות אין דעם גרויסן אודיטאריום געביידע אויף רחוב רבינאוו אויף א דערהויבענעם פארנעם. מיט אודה האט דער רבי שליט"א מכבד געווען הרה"ג ר' שלום קליין שליט"א, און מיט שיר המעלות הרה"ג ר' מאיר לוריא שליט"א.

ביי די תורה האט רבינו שליט"א זיך געשטעלט אויפ'ן ענין וואס די תורה האט מקדים געווען שבת למלאכת המשכן דער רבי האט ארומגערעדט איבער די גרויסקייט פון קדושת שבת וואס דורך דעם איז מען זוכה צו א שלימות'דיגע תשובה מעומק הלב. און מיט דעם כח פון שבת האט מען געקענט מבטל זיין דעם כח פון המן הרשע.

מיט ידיד נפש האט דער רבי שליט"א מכבד געווען הרה"ח הישיש מוה"ר יושע ווייס שליט"א, מיט קל מסתתר הרה"ח מוה"ר נחמן יאקאב שליט"א פון ירושלים עיה"ק, און מיט שושנת יעקב הרה"ג ר' חיים עזריאל יאזשעף שליט"א ר"מ בישיבה גדולה אין בני ברק. נאך שושנת יעקב האט מען געזינגען ניגוני שמחה לכבוד די שבע ברכות,
📎 סעודת שלישית.jpg
דערנאך האט רבינו שליט"א געבענטשט על הכוס און געזאגט די שבע ברכות, און דאן האט דער רבי געדאווענט מעריב
📎 מעריב.jpg
און געמאכט הבדלה.
📎 הבדלה.jpg
📎 הבדלה2.jpg

איך האב געהערט אז די תורה פונעם רבי'ן איז געווען עפעס גג על גג על גג, א פלפול עצום. פון דעם דערמאנט מען גארנישט. (אפשר פארשטייט נישט דער שרייבער...

ביטע עפעס באריכטן אויף וועלכע סוגיא דער רבי האט זיך געשטעלט וכו'.

נאטרוליסט

איך האב געהערט אז די תורה פונעם רבי'ן איז געווען עפעס גג על גג על גג

איין דאך איז אראפגעפאלן. קיינער איז אבער ב"ה נישט געשעדיגט געווארן

המשך ימי הביקור קודש אין ארה"ק
פיפטן טאג – מוצש"ק פ' ויקהל העעל"ט

מוצש"ק נאך הבדלה איז בבית האכסניא פון מרן רבינו שליט"א פארגעקומען דער שמחת הווארט-התנאים פון המחותנים מוה"ר חיים טאבאק הי"ו פון בני ברק – אבי החתן, און מוה"ר יעקב יאזשעף הי"ו פון בני ברק – אבי הכלה, ווי דער רבי שליט"א האט געליינט דעם תנאים.
📎 תנאים.jpg
דאן איז דער רבי שליט"א אריבערגעגאנגען אויף א באזוך ביים מרא דאתרא פון בני ברק הגאון רבי מי"ל לאנדא שליט"א, וואו עס איז אנטוויקעלט געווארן א הערליכער שמועס בעניני כשרות, וואו מ'האט גערעדט צווישן אנדערע פון דעם פראבלעם פון צומת הגידין ביי די עופות און פון די מעלות פון די מהודר'דיגע אריזאנע ווייץ פאר די מצות פאר פסח.
📎 גאב''ד בני ברק.jpg
פון דארט איז רבינו שליט"א צוגעפארן צום שטוב פון מוה"ר יחזקאל משולם טעללער הי"ו, דער נדבן פון די נייע ספר תורה, וואו רבינו שליט"א האט אריינגעשריבן א אות לסיום כתיבת הספר תורה,
📎 כתיבת ספר תורה.jpg
און דערנאך איז פארגעקומען א מסיבת לחיים וואו דער רבי האט געוואונטשן לחיים פאר'ן חשוב'ן נדבן ובני משפחתו שיחי'.
📎 מסיבת לחיים ס''ת.jpg

הגה"צ אב"ד דקהילתינו וויליאמסבורג שליט"א איז מכובד געווארן מיט הגבהת הספר תורה,
📎 וומ''ס רב הגבה.jpg
און דערנאך האט מען זיך ארויסגעלאזט אין א פייערליכן ריקוד וואו דער רבי איז געטאנצן עטליכע מינוט מיט די ספר תורה, און דאן האט דער רבי שליט"א ארויסגעפירט די ספר תורה לרחובה של עיר ווערנדיג אנטפאנגען בשירה וזמרה דורך די אלפי חסידים ואנשי מעשה וואס האבן געטאנצן אויפ'ן גאס לכבוד התורה אויפ'ן וועג צום ביהמ"ד הגדול אין שיכון קרית יואל.
📎 רבי ארויסגעפירט די ספר תורה.jpg
א מחזה הוד וואס וועט קיינמאל נישט פארגעסן ווערן ביי די אנוועזענדע איז געווען בשעת רבינו שליט"א האט אריינגעברענגט דעם ספר תורה אין היכל הביהמ"ד, ווען דער גאנצער ציבור איז אריין אין אן עקסטאז, עס האט זיך געשפירט אין א בחינה פון די הקפות אום שמח"ת, דער ביהמ"ד איז געווען געפאקט מקצה אל הקצה ארומגענומען מיט הויכשטאקיגע פארענטשעס וואו די גאנצע עדה הקדושה האבן זיך געפריידט בשמחת התורה בשעת ווען רבינו שליט"א האט דורכגעפירט די הייליגע ריקודין של שמחה א לענגערע צייט.
📎 ריקודין ס''ת.jpg
דערנאך האט דער רבי שליט"א מכבד געווען בנו הגה"צ אב"ד דקהילתינו וויליאמסבורג שליט"א צו טאנצן מיט די ספר תורה,
📎 וומס רב ס''ת.jpg

און דערנאך האט דער רבי מכבד געווען הגה"צ ראש ישיבתינו שליט"א צו טאנצן מיט די ספר תורה, און דאן האט מען אריינגעלייגט די ספר תורה להיכל הארון קודש. און דערנאך האט דער רבי שליט"א פארגעזאגט לדוד מזמור מיט גרויס התעוררות.
תיכף נאך אמירת לדוד מזמור איז פארגעקומען א גאהר התרגשות'דיגער און געהויבענער מסיבת לחיים וואו דער ציבור האט אינאיינעם געזינגען ווארימע ניגונים ווי והאר עינינו, אהבה רבה, און נאך, מיט גרויס התעוררות.
📎 התרגשות'דיגער מסיבת לחיים.jpg

נאך א לענגערע שעה פון נידוני דבקות דערנאך האט דער רבי שליט"א געוואונטשן לחיים לכל הקהל הקודש און דאן משמיע געווען \ גאר פייערדיגע דברות קודש, ווי דער רבי האט צוערשט אנגעהויבן מיט דברי תורה מקשר צו זיין סוף התורה לתחילתה, און ארומגערעדט פון דעם וואס שטייט אין זוה"ק קוב"ה אורייתא וישראל חד היא, אז יעדער איד איז מקושר צו הקב"ה און צו די תורה הק' און דער רבי האט דאס משלב געווען מיט דברי מוסר והתעוררות ווי צום ערשט האט דער רבי ארויסגעברענגט בשבח קהלתינו אין בני ברק וואו ס'איז ב"ה נתוסף געווארן ספסלי ביהמ"ד מיט שיעורי תורה, און די אברכי הכולל וואס האבן זיך לעצטנס פארהערט אויף זייערע לימודים ביי די גדולי הרבנים, נאכדעם האט דער רבי מעורר געווען בעניני חינוך הבנים והבנות מען זאל זיך נישט שעמען מפני המלעיגים וואס לאכן אפ פון דעם חינוך הטהור, מען זאל זיין אפגעשיידט מיט א הבדלה פון די גאס און פון אלע צייטונגען, מען זאל אכטונג געבן אויף די שטוב מען זאל חלילה נישט רעדן אויף די טמא'נע העברעאישע שפראך, און מ'זאל איינהאלטן אלע תקנות פון שיכון. אויך האט דער רבי ארומגערעדט בעניני צניעות ביי נשים, דער רבי האט זיך באנוצט מיט די מליצה יש א"ם למסורת, אז יעדע מאמע איז מחויב איבערצוגעבן פאר די טעכטער די מסורת ישראל וואס עס הייסט צניעות און ערליכקייט. און אין דעם זכות פון זיך פירן בגדרי הצניעות וועלן נתקבל ווערן די תפלות פון אידישע קינדער פאר'ן הייליגן באשעפער.

דערנאך איז דער רבי אריבער צו דעם נושא העומד על הפרק איבער די שרעקליכע גזירת הגיוס, און זיך באצויגן צו דעם וואס מ'האט זיך יעצט געפריידט מיט'ן חינוך ספר תורה, און אז ליידער זענען דא רשעי ישראל וואס ווילן מפריד זיין אידישע קינדער פון די תורה, להשכיחם תורתיך ולהעבירם מחוקי רצוניך, האט דער רבי געזאגט, היינט ווען מ'האט זיך געפריידט מיט די הייליגע תורה זאגן מיר פאר די תורה הק' אונז גיי מיר בלייבן געטריי פאר די הייליגע תורה אונז זעמער גרייט אויף מסירות נפש, מיר וועלן גיין אין תפיסה, מיר וועלן זיך לאזן שלאגן און שמייסן, און מיר וועלן זיך נישט אפרייסן פון די הייליגע תורה. אידישע קינדער האבן שוין מיטגעמאכט אן אינקוויזיציע און א אוישוויץ און מיר וועלן ווייטער בלייבן געטריי פאר די תורה מיט אלע רמ"ח אברים ושס"ה גידים און די רשעי ישראל וועלן אונז נישט קענען אפרייסן פון די תורה, און אריינשלעפן אין אזעלכע פלעצער וואו מ'רייסט אוועק אידן פון שמירת התורה והמצוות.

דער רבי האט פארענדיגט אז המה כרעו ונפלו ואנחנו קמנו ונתעודד, זיי וועלן האבן א מפלה אזוי ווי המן, און אידישע קינדער וועלן בלייבן מיט דעם הדר קבלוה מאהבה ורצון עד ביאת הגואל. וכל קרני רשעים אגדע תרוממנה קרנות צדיק מ'זאל פטור ווערן פון די ביטערע צרה און מ'זאל שוין זוכה זיין צו ביאת המשיח בב"א.
📎 דברות קודש.jpg

נאך די פייערדיגע דברות קודש האט דער עולם זיך ארויסגעלאזט אין פלאמפייערדיגע ריקודין מיט א גייסט פון מסירות נפש פאר די תורה ומצוות, די גאהר התלהבות'דיגע ריקודין האבן אנגעהאלטן גאהר א לאנגע צייט בעת אינג און אלט טאנצן מיט בשמחת התורה.
📎 זינגן.jpg

אינמיטן טאנצן האט דער רבי שליט"א באפוילן אז די בחורי הישיבה זאלן ארפאקומען פון די פארענטשעס און טאנצן אינדערמיט, די אלע תלמידי הישיבה וועלכע זענען ליידער די באטראפענע פון די שווערע גזירה און האבן שוין ערהאלטן דעם צו גיוס פון די טמא'נע מיליטער האבן געטאנצן אינאיינעם ה' הוא מלכינו ולו אנו עבדים א לענגערע צייט מיט שמחה און התרגשות.
📎 בחורים.jpg

עס איז שוין געווען גאהר שפעט אין די נאכט ווען דער געהויבענער מעמד איז געקומען צו אן ענדע, און דער ציבור האט זיך צושיידט מיט געהויבענע געמיטער.

תיכף דערנאך איז סערווירט געווארן א רייכער סעודת מלוה מלכה פאר אלע חשובע געסט פון חו"ל אין די זאלן פון ארמונות ח"ן, ווי מען האט פארברענגט ביי סעודת דוד מלכא משיחא בשבת אחים גם יחד.

ביקור קודש
זעקסטן טאג – זונטאג פ' פקודי העעל"ט

זונטאג אינדערפרי האט מרן רבינו שליט"א געדאוונט תפילת שחרית אין ביהמ"ד הג' אין שיכון אינאיינעם מיט די ילדי התלמוד תורה, וואו עס איז אפגעראכטן געווארן גאר א ווארימען דאווענען און דערביי ס'האט ווייט אפגעקלינגען דער קול קול יעקב, פון די הונדערטער צאן קדשים וואס ווערן נתחנך צווישן די ווענט פון אונזערע הייליגע מוסדות על טהרת הקודש.
📎 זונטאג שחרית.jpg
נאכ'ן דאווענען האבן צוויי בחורים מצויינים זוכה געווען צו צוזאמלייגן די תפילין פון רבינו שליט"א, דערנאך איז פארגעקומען א מסיבת לחיים וואו די קינדער האבן געזינגען שיינע הארציגע ניגונים.
📎 זונטאג לחיים.jpg
מיט פאסיגע ווערטער האט דער מנהל הר"ר יקותיאל יצחק בראך שליט"א וחבר הנהלת המוסדות מקבל פנים געווען דעם רבי'ן שליט"א און האט איבערגעגעבן א גרוס פון הכנה דרבה וואס די קינדער האבן זיך געגרייט צום רבי'נס באזוך מיט לימוד התורה שעות רצופות מיט א סך הכל פון 2600 שעות רציפות.
נאכדעם האט דער מנהל הר"ר אלעזר יונה שטיינמעץ שליט"א איבערגעגעבן פאר'ן רבי'ן א רשימה פון די אלע נעמען פון די קינדער מיט די שעות וואס יעדער האט געלערנט אלס הכנה צום רבינ'ס קומען, וועלכער דער רבי שליט"א האט פריות'דיג דוירכגעקוקט מיט א קענטיגע הנאה און עונג רוחני.
📎 שעות.jpg
דערנאך האט איינער פון די קינדער פון די תלמוד תורה פארגעזינגען שיינע חרוזים לכבוד דעם באזוך פון רבינו שליט"א, און דערנאך האט דער רבי שליט"א משמיע געווען דברות קודש פאר די קינדער וואו דער רבי האט ארומגערעדט איבער די ענינים פון אחדות און גוטע מדות וואס אין דעם זכות וועט אויפגעבויעט ווערן דער ביהמ"ק השלישי בקרוב ובמהרה.
נאך די דברות קודש האבן אלע קינדער געהאט די זכי' אדורכצודיין און ערהאלטן א מתנה פון רבי'ן שליט"א פערזענליך.
📎 פארטיילט מתנות און ממתקים.jpg

נאך די מסיבה מיט די ילדי הת"ת, איז דער רבי שליט"א אריבערגעגאנגען צו די מיידל שולע, וואו עס האבן אפגעווארט די תלמידות פון די מיידל שולע וועלכע זענען געשטאנען מיט דרך ארץ און באשיידנקייט אויסגע'שורה'ט אין חצר אינדרויסן פון די שולע. דער רבי איז אריבערגעגאנגען די תלמידות אין באגלייטונג פון די נגידים תומכי המוסדות

📎 מיידלעך.jpg

און דערנאך רבי איז אריין אינעם בנין פון די מיידל שולע וואו דער רבי האט באטראכט פון די נאנט דעם שווערן צושטאנד פון דעם אלטן בנין. דערנאך האט דער רבי אנגעוואונטשן ברכת קודש פאר די איינגעשטעלטע אין די מיידל שולע.

📎 באזיך אין שולע.jpg

ארום 5:00 אזייגער נאכמיטאג האט דער רבי געדאווענט מנחה אין שטוב פון הגה"צ ראש ישיבתינו שליט"א, נאך מנחה איז דער מעיאר פון בני ברק הרב חנוך זייבארד הי"ו געקומען נעמען א ברכה פונעם רבי'ן.

אויך זענען הנגידים החשובים מגדולי תומכי המוסדות מוה"ר אברהם יודא מאנדעל הי"ו, מוה"ר אברהם בראך הי"ו, און מו"ה אברהם יודא באנדא הי"ו, וועלכע זענען ספעציעל געקומען צו פליען נאך שבת צום מעמד הנחת אבן הפינה און געקומען שלום נעמען פון רבינו שליט"א. דערנאך איז רבינו שליט"א ארויסגעגאנגען אינאיינעם מיט די נגידים אויפ'ן וועג צום אבן הפינה.

קןרץ דערויף איז דער רבי שליט"א אנגעקומען צום שטח הגדול אויף רחוב השל"ה וואו עס וועט בעזהשי"ת געבויעט ווערן דער פרעכטיגער בנין פאר די מיידל שולע,

📎 הופעת רבינו.jpg

דער גאנצער שטח איז געווען אנגעפולט מיט אנ"ש תושבי העיר, און ארום די זייטן האט זיך אנגעזעהן די הויך-שטאקיגע פארענטשעס פאר די בחורי חמד און אברכים.

באזונדערע ערטער איז געווען צוגעשטעלט פון פארנט פאר די עלטערע אידן און די חשוב'ע געסט תומכי המוסדות, און אין שפיץ האט באצירט דער הערליכער אויבן אהן וועלכער איז געווען באזעצט מיט פילע גדולי אדמורי"ם ורבנים שליט"א, צווישן זיי האבן זיך באטייליגט הגאון ראב"ד ירושלים שליט"א, המרא דאתרא גאב"ד בני ברק שליט"א, הגה"צ רבי נפתלי פרענקל שליט"א חבר הביד"ץ, הגאון רבי משה שאול קליין שליט"א חבר ביד"ץ שבט הלוי, האדמו"ר מבעלז-מאחנובקא שליט"א, האדמו"ר מבוהוש שליט"א, און נאך.

געעפענט דעם מעמד האט דער יו"ר הר"ר יקותיאל יצחק בראך שליט"א מנה"ר במוסדותינו הק', וועלכער האט דערציילט השתלשלות פון דעם התייסדות פונעם בית חינוך לבנות אין בני ברק דורך רביה"ק בעל דברי יואל זי"ע, און האט ארויסגעברענגט דעם היסטארישן באדייט פון אזא טאג בקורות ימי סאטמאר בארצינו הק'.

דערנאך האט אויפגעטרעטן הגרמי"ל לאנדא שליט"א גאב"ד בני ברק וועלכער האט מקבל פנים געווען דעם רבי'ן וואס איז געקומען מרומם זיין דעם כח התורה והחסידות אין די שטאט, דער רב האט דערמאנט דעם קשר פון זיין טאטן ז"ל דער בני ברק'ער רב מיט רביה"ק בעל דברי יואל זי"ע, און די צוזאמענארבעט פון זיין טאטן מיט די הנהלת קהילתינו אלע יארן, און ארויסגעברענגט וויאזוי איידער דער רבי ז"ל האט געגרינדעט די סאטמארער ת"ת אין בני ברק האבן שוין אנדערע אויך פרובירט צו עפענען אבער עס האט נישט געהאט קיין קיום, און רביה"ק איז געווען דער ערשטער וואס האט מצליח געווען אויפצושטעלן אזא חשוב'ע תלמוד תורה וואס האט טאקע געהאט א קיום עד היום הזה בס"ד.

📎 הגאון רבי מי''ל לאנדא שליט''א גאב''ד בני ברק.jpg

דערנאך האט מען געהערט א דרשה פון הגאון ר' משה שאול קליין שליט"א חבר ביד"ץ שבט הלוי וועלכער איז געקומען בשליחותו פון מורו ורבו פוסה"ד בעל שבט הלוי שליט"א, צום ערשט האט דער רב געזאגט שיינע דברי תורה, און דערנאך האט ער איבערגעבן די דברי שליחות וואס הגאון בעל שבט הלוי שליט"א האט אים געהייסן איבערגעבן צום מעמד. ארויסצוברענגען די נחוצות פון דעם בית חינוך לבנות, אז טראץ וואס בשנים קדמוניות איז נישט געווען קיין בית חינוך לבנות, אבער בדורינו איז דאס ממש חיי נפש, און נאר בזכות דעם בויעט מען כשר'ע אידישע שטובע על דרך התורה והיראה.

📎 הגאון ר' משה שאול קליין שליט''א.jpg

דאן האט מען ביראת הכבוד זיך צוגעהערט צו די דרשה נלהבה פון הגאון הגדול ראב"ד ירושלים שליט"א וועלכער האט אנגעהויבן מיט די ווערטער זה היום עשה ה' נגילה ונשמחה בו, אז אין א צייט וואס די רשעים מיינען אז זיי וועלן חלילה קענען צוברעכן דעם כח התוה"ק, אין אזא צייט איז דער רבי געקומען און ער רופט אויס אז מיר וועלן בויען א בנין לה' ולתורתו.

דער ראב"ד שליט"א האט ארויסגעברענגט די שמחה אז מ'קען בויען אזא בנין פאר מיידלעך וואו מ'וועט לערנען אויף די אידישע שפראך. און ער האט דערציילט וויאזוי דער חזון איש זצ"ל האט געשיקט געלט פאר די מוסדות פון רביה"ק זי"ע אין בני ברק ווייל ער האט געוואלט זיין א שותף דערין. דערנאך האט דער ראב"ד ארומגערעדט איבער דעם שווערן גזירת הגיוס וואס איז יעצט אויפ'ן סדר היום בארה"ק.

📎 הגאון הגדול ראב''ד ירושלים שליט''א.jpg

דערנאך האט דער רבי שליט"א אנגעהויבן מיט די צענטראלע פייערדיגע דברות קודש. דער רבי שליט"א האט צוערשט ארומגערעדט א לענגערע צייט איבער די גרויסקייט פון שטיצן תורה בטהרה, ווי דער רבי האט דערמאנט בין הדברים אז די אלע ערליכע בתי מדרשים און בתי חינוך וואס זענען נישט געבויט געווארן מיט די הילף פון די רשעי הציונים וועלן לעתיד זוכה זיין נקבע צו ווערן במקום המקדש אין בית המקדש.

דער רבי האט ארויסגעברענגט אז דער בנין אדיר וואס גייט אצינד געבויעט ווערן דארף דינען פאר א מוסטער פאר אלע אנדערע מוסדות אז עס איז מעגליך צו בויען בנינים און אנגיין טאג טעגליך אן נהנה זיין משלחן איזבל במשהו, נאר מען דארף האבן די ריכטיגע רצון.

דערנאך איז רבינו שליט"א אריבער צום נושא פון גזירת הגיוס, ווי דער רבי האט פייערדיג ארויסגעברענגט אז דאס איז א ריכטיגע גזירה אויף העברת הדת און מען איז זיך מחויב מוסר נפש צו זיין על קדושת שמו יתברך, און מען דארף זיין גרייט אויף יעדן סארט עונש סיי אויף תפיסה און אויך אויף פינאנציעלע שטראפן, דערנאך האט די רבי ארומגערעדט איבער די זוהמה פון די מיליטער וואס כל באיה לא ישובון, און האט די רבי שארף ארומגערעדט איבער די וואס ווילן מאכן פשרות אויף די שוואכערע בחורים.

דערויף האט דער רבי שליט"א דערמאנט דאס וואס ער האט געהערט פאר פופציג יאר צוריק מפה קדשו פון רביה"ק בעל דברי יואל זי"ע, אז עס איז דא דריי גזירות אין ארצינו הק' וואס אויב וועט דאס ח"ו אויסגעפירט ווערן, דאן קען אן ערליכע איד נישט בלייבן וואוינען אין ארץ ישראל, און איינס דערפון איז דער גזירת הגיוס, האט דער רבי ארויסגעברענגט אז דאן זענען געווען אזעלכע וואס האבן דאס נישט פארשטאנען, אבער גענוי ווי ביי דאס ענין פון נעמען געלט ממקורות זרים האט דער רבי ז"ל דאן געשריגן אז אויב נעמט מען געלט פון די ציוניסטישע רעגירונג וועט די רעגירונג ווערן דער בעל הבית אויפ'ן חינוך, און דאן האבן אויך פילע אידן אנגעקוקט די זאך אלס א זאך וואס איז ווייט פון די מציאות, און היינט זעט יעדער ווער עס איז בעל הבית אויף די חינוך אין ארץ ישראל, ווען די רעגירונג זאגט דעות און זיי מאכן שינוים אין עניני החינוך. די זעלבע זאך מיט גיוס, האט דער רבי אויסגעשריגן "ווער עס פארשטייט, זעט אז אין די גזירה איז א גזירת גירוש אויף ערליכע אידן וואס ווילן מחנך זיין ערליכע דורות".

דער רבי האט ממשיך געווען ארויסברענגענדיגע נאכאמאל אז די גזירה איז נישט נאר א גזירה קעגן לימוד התורה, עס האנדעלט זיך איבער שמירת התורה ותרי"ג מצות, און אזוי האט די רבי ממשיך געווען א לענגערע צייט און דערנאך אויסגעפירט אז די מנהיגי ישראל דארפן זיין געווארנט נישט צו מאכן קיין פשרות, ולהזהיר גדולים על הקטנים, צו זיין גרייט אויף מסירת נפש אויף שמירת התורה והמצות, און אויב גאנץ כלל ישראל אלע שומרי תורה ומצות וועלן זיך צוזאמנעמען כאיש אחד בלב אחד און דאס אויסשרייען פאר די גאס, וועט די ממשלה זען דאס פעסטקייט פון כלל ישראל, דעמאלטס וועלן זיי נישט מצליח זיין אויסצופירן זייער ביטערע גזירה, וגזירה עבידי דבטלי אזוי ווי עס איז בטל געווארן בשעתו פאר זעכציג יאר צוריק די גזירה פון גיוס בנות נאר פאר דעם איינעם טעם ווייל די רעגירונג האט געזען דעם כח הציבור דאס אנטשלאסענקייט און דאס פעסטקייט פונעם ציבור. דאס זעלבע דארף מען היינט צו טאגס אויסשרייען ס'זאל יעדער איינער פארשטיין אין די רעגירונגס פענסטערס, אז ס'וועט זיי נישט געלונגען מבטל צו זיין נישט קיין בחורים און נישט קיין אינגעלייט, דעמאלטס בעזר שמו יתברך וועט די גזירה בטל ווערן, ולה' הישועה.

📎 פייערדיגע דברות קודש.jpg

דערנאך איז מען צוגעגאנגען צו לייגן דעם אבן הפינה, ווען הרה"ח הישיש מוה"ר יושע ווייס שליט"א פון בני ברק - וועלכער האט נאך זוכה געווען צו זיין א תלמיד פון רביה"ק בעל דברי יואל זי"ע אין קראלי, און שפעטער געהאט די זכי' צו שטיין לימין רביה"ק זי"ע בהקמת המוסדות אין בני ברק – האט איבערגעגעבן דעם שאוועל פארן רבי'ן אריינצוגיסן די צעמענט אויף דעם צוגעגרייטן פלאץ.

בשעת דער רבי האט געלייגט דעם אבן הפינה האט מען געזינגען ווארימע ניגונים, דערנאך זענען די אנוועזנדע רבנים מכובד געווארן צו לייגן דעם אבן הפינה, און דערנאך די נגידים נדבנים פונעם נייעם בנין. און נאכדעם האט מען זיך ארויסגעלאזט אין פייערליכע ריקודין דאנקענדיג דעם רבוש"ע אויף די חסדים ביז אהער, און בעטנדיג אויך אויף ווייטער.

📎 אבן מאסו הבונים היתה לראש פינה.jpg

דער ראב"ד האט געשטורמעט ביי זיין דרשה קעגן ציונית אין גיוס בני ישבות
איך הייב פארשטיין פארוואס די מחבלים בבית ה' טוט אזוי וויי דעם עקזיסטענץ פינעם ראב"ד
ב"ה דער סאטמאר רבי שליט"א האט געהאט דעם כח אים צוריק צי לייגן אויף זיין שטעלע טראץ דעם גירא בעיני דשטנא

המשך ביקור קודש אין ארה"ק
פיפטן טאג – זונטאג פ' פקודי העעל"ט

פאלגענד איז ווי מיר האלטן מיט די באריכטן פון די געהויבענע טעג אין ארה"ק בצל הקודש פון מרן רבינו שליט"א:
נאכ'ן שיינעם מעמד הנחת אבן הפינה איז דער רבי שליט"א אריבערגעגאנגען אויף א באזוך אין שטוב פון האדמו"ר מ'בעלז-מאכניווקא שליט"א וואו עס האט זיך אנטוויקלט א שיינע שמועס בסיפורי צדיקים.
📎 מאכניווקא.jpg
דערנאך איז דער רבי שליט"א אריבערגעגאנגען צו בית מדרשינו אין שכונת זכרון מאיר וואו עס זענען פארגעקומען די בחינות פון די חבורות תורתך שעשועי און יסודי התורה,
📎 תורתך שעשועי.jpg
וואו דער רבי שליט"א האט זיך אומגעקוקט אויף די חברי החבורות בשעת די בחינות, און פאר שטיק צייט געשעפט א קענטיגע הנאה און תענוג רוחני.
📎 תורתך שעשועי2.jpg
און דערנאך האט זיך דער רבי שליט"א אומגעקערט לבית האכסניא.

באלד נאכ'ן דעם מעמד הנחת אבן הפינה האבן די באסעס געפירט דעם ציבור צום עוועניו זאל אין לוד
📎 בוני המשכן1.jpg
וואו עס איז פארגעקומען דער מעמד "בוני המשכן" לרגל דאס אויפבוי פון די נייע מיידל שולע. די מסיבה איז געווען א דינער פאר אנשי שלומינו אין בני ברק וועלכע האבן זיך משתתף געווען מיט שיינע סכומים לטובת דעם נייעם בנין, ווי אויך האט דאס געדינט צו באעהרן די "נחשונים" די נגידים בעם וועלכע זענען אריינגעשפרינגען צו מנדב זיין די ערשטע גרעסערע סכומים פאר'ן נייעם בנין.
א גאהר רייכער און ספעציעל עלעגאנטער אווענט און צוגעגרייטער סעודה כיד המלך האט ערווארטעט דעם ציבור שיחיו ביים אנקומען אינע'ם הערליכן גיגאנטישן זאל, ווען מען איז מיט ספעציעלע איינטריט קארטלעך ערהאלטן איינטריט צום זאל – איינגעטיילט לויט וועלכער אפטיילונג איש על מחנהו ואיש על דגלו.
אינעם ברייטן קארידאר האט אפגעווארט הערליכע פאהרשטעלונגען איבער די היסטאריע פון די עקסזעסטירענדע בניני המוסדות אין בני ברק, און אזוי אויך באגריסונגען לכבוד נדיבי העם.
ספעציעלע עסקנים האבן פארטיילט דעם אויג-פארכאפענדן נארוואס-ערשינענעם ספר "ראשית ביקורי"ם" וועלכעס אנהאלט אוצרות פון היסטאריע, דאקומענטן און בילדער פון די באזוכן פון מרנן רבותיה"ק זי"ע אין שטאט בני ברק דוירכאויס די יאהרן, מעשי ידי אומן פון עטליכע אברכי קהלתינו הק' אין בני ברק, א ספר וואס האט באצויבערט אלע באטייליגטע.
דער ציבור האט זיך געוואשן צום סעודת השבע ברכות און איז פלאצירט געווארן בכבוד הראוי דורך די עסקני המעמד.

אינדערצווישן בשעת דער עולם איז אנגעקומען צום מעמד בוני המשכן איז מרן רבינו שליט"א אריבערגעגאנגען אויף א באזוך בבית גיסו האדמו"ר מ'וויזניץ שליט"א
📎 וויזניץ.jpg
און דערנאך האט דער רבי שליט"א באזוכט ביי האדמו"ר מ'סטריקוב שליט"א,
📎 סטריקוב.jpg
ווי ביי ביידע באזוכן איז אנטשטאנען הערליכע שמועסן בדברי תורה וסיפורי צדיקים.

איידער דער רבינו שליט"א איז ערשינען צום מעמד איז פארגעשטעלט געווארן א הערליכע פרעזענטאציע איבער די היסטאריע פון די מוסדות הק' אין בני ברק, דורך טאלאנטפולע יונגעלייט און קינדער, וואס האט געהאלטן דעם ציבור גאהר געשפאנט.
📎 כל נדרי פרעזענטאציע.jpg
נאך א שטיק צייט איז דער רבי שליט"א אנגעקומען צום גיגאנטישן זאל ווי עס איז פאהרגעקומען דינער בוני המשכן, וואו דער רבי איז צום ערשט אריינגעגאנגען אין א פריוואטע צימער וואו עס זענען אריינגעגאנגען אל הקו"פ א צאל נגידים בעם וועלכע האבן גע'חתמ'ט שטרות אויף זכותים אין דעם נייעם בנין. און דערנאך איז דער רבי אריינגעקומען צום מעמד.
📎 הופעת מרן רבינו.jpg

ביים מעמד האט צו ערשט אויפגעטרעטן הרה"ח מוה"ר משה חיים ווייס הי"ו דער מסירות נפש'דיגער מנהל המוסדות פון בני ברק, וועלכער האט איבערגעגעבן זיינע הרגשים איבער די געוואלדיגע שמחה פון די הרחבת גבולי הקדושה אין די מוסדות, און האט אפעלירט צום ציבור אויסצושטרעקן א פלייצע מען זאל קענען ממשיך זיין מיט די עבודת הקודש אומגעשטערט.
📎 ר' משה חיים ווייס מנהל המוסדות.jpg
דערנאך האט אויפגעטרעטן הגה"צ אב"ד דקהילתינו פון וויליאמסבורג שליט"א, וועלכער האט ארויסגעברענגט דעם געוואלדיגן קשר וואס אנשי שלומינו פון בני ברק פארמאגן צו מרן רבינו שליט"א, און כמים פנים אל פנים די געוואלדיגע נאנטשאפט פון רבי'ן צו קהילתינו הק' אין בני ברק.
📎 אב''ד וויליאמסבורג.jpg
דער רב האט מדגיש געווען אז פון דעם לשון פונעם בריוו וואס דער רבי שליט"א האט געשריבן לטובת דעם נייעם בנין אין בני ברק, זעהט מען דעם געוואלדיגן חביבות פון די לשונות וואס מען זעהט נישט אין אנדערע בריוון און פון דעם וואס דער רבי האט גענומען דעם פראיעקט אלס זיין אייגענער פראיעקט צו טראגן דעם עול און אחריות.
📎 אן עד איבער די בריוו.jpg
דערנאך האט מען באעהרט בשער בת רבים די חשוב'ע פילאנטראפן נגידים חשובים וועלכע האבן זיך געלאזט קאסטן ריזיגע סכומים אפצוקויפן זכותים אין דעם נייעם בנין פון די מיידל שולע, ווי דערביי האבן די נדבנים שיחיו ערהאלטן ספעציעלע תעודות און ווארימע ברכת קודש פון רבינו שליט"א.
דאן האט רבינו שליט"א אנגעהויבן די דברות קודש, ווי דער רבי האט קודם אנגעהויבן מיט דברי תורה, און דערנאך ארויסגעברענגט בשבח המוסדות הק' וועלכע פירן זיך אויף דעם זעלבן דרך וואס עס האט מייסד געווען דער הייליגער פעטער מרן רביה"ק זי"ע און אזוי ווי עס איז ווייטער געפירט געווארן דורכ'ן טאטן מרן רביה"ק זי"ע.
דער רבי האט מעורר געווען מען זאל טאקע שיקן די קינדער לערנען נאר אין די הייליגע מוסדות, סיי די יונגלעך סיי די מיידלעך און סיי די בחורים, מען זאל נישט שיקן די קינדער אין דער פרעמד, אל תלכו לרעות בשדות אחרות, וואו מען באקומט א השפעה פון די אלגעמיינע גאס.
באזונדער האט דער רבי שליט"א מעורר געווען מען זאל אכטונג געבן אויף די ארבעטס פלעצער וואו מ'שיקט ארויס די ערוואקסענע טעכטער אז דאס זאל זיין אויסגעהאלטן אן ערליך מקום מיט א ערליכע חברותא.
דערנאך האט דער רבי גערעדט בשבחם פון אנ"ש תושבי המקום, וואס שטרענגען זיך אן און זענען אליינס מנדב פאר די אייגענע מוסדות טראץ דעם וואס ס'קומט נישט אן גרינג. באזונדער האט דער רבי באדאנקט די נגידים תומכי המוסדות פון איבער די וועלט וועלכע האבן זיך געלאזט קאסטן ריזיגע סכומים להחזקת חינוך הטהור, און דער רבי האט זיי אנגעואונטשן ברכות לרוב.
📎 משא הקודש פון מרן רבינו.jpg
די מסיבה האט זיך געענדיגט שפעט ביינאכט ארום 2:00 אזייגער, ווי דער ציבור משתתפים האבן זיך צושיידט מיט געהויבענע געמיטער.

פילע פרטים'לך פינעם מסע הקודש
<!-- l --><a class="postlink-local" href="/topic/6006">viewtopic.php?f=33&t=6006</a><!-- l -->

שעפטל

און דערנאך האט דער רבי מכבד געווען הגה"צ ראש ישיבתינו שליט"א צו טאנצן מיט די ספר תורה, און דאן האט מען אריינגעלייגט די ספר תורה להיכל הארון קודש. און דערנאך האט דער רבי שליט"א פארגעזאגט לדוד מזמור מיט גרויס התעוררות.
תיכף נאך אמירת לדוד מזמור איז פארגעקומען א גאהר התרגשות'דיגער און געהויבענער מסיבת לחיים וואו דער ציבור האט אינאיינעם געזינגען ווארימע ניגונים ווי והאר עינינו, אהבה רבה, און נאך, מיט גרויס התעוררות.
📎 התרגשות'דיגער מסיבת לחיים.jpg

נאך א לענגערע שעה פון נידוני דבקות דערנאך האט דער רבי שליט"א געוואונטשן לחיים לכל הקהל הקודש און דאן משמיע געווען \ גאר פייערדיגע דברות קודש, ווי דער רבי האט צוערשט אנגעהויבן מיט דברי תורה מקשר צו זיין סוף התורה לתחילתה, און ארומגערעדט פון דעם וואס שטייט אין זוה"ק קוב"ה אורייתא וישראל חד היא, אז יעדער איד איז מקושר צו הקב"ה און צו די תורה הק' און דער רבי האט דאס משלב געווען מיט דברי מוסר והתעוררות ווי צום ערשט האט דער רבי ארויסגעברענגט בשבח קהלתינו אין בני ברק וואו ס'איז ב"ה נתוסף געווארן ספסלי ביהמ"ד מיט שיעורי תורה, און די אברכי הכולל וואס האבן זיך לעצטנס פארהערט אויף זייערע לימודים ביי די גדולי הרבנים, נאכדעם האט דער רבי מעורר געווען בעניני חינוך הבנים והבנות מען זאל זיך נישט שעמען מפני המלעיגים וואס לאכן אפ פון דעם חינוך הטהור, מען זאל זיין אפגעשיידט מיט א הבדלה פון די גאס און פון אלע צייטונגען, מען זאל אכטונג געבן אויף די שטוב מען זאל חלילה נישט רעדן אויף די טמא'נע העברעאישע שפראך, און מ'זאל איינהאלטן אלע תקנות פון שיכון. אויך האט דער רבי ארומגערעדט בעניני צניעות ביי נשים, דער רבי האט זיך באנוצט מיט די מליצה יש א"ם למסורת, אז יעדע מאמע איז מחויב איבערצוגעבן פאר די טעכטער די מסורת ישראל וואס עס הייסט צניעות און ערליכקייט. און אין דעם זכות פון זיך פירן בגדרי הצניעות וועלן נתקבל ווערן די תפלות פון אידישע קינדער פאר'ן הייליגן באשעפער.

דערנאך איז דער רבי אריבער צו דעם נושא העומד על הפרק איבער די שרעקליכע גזירת הגיוס, און זיך באצויגן צו דעם וואס מ'האט זיך יעצט געפריידט מיט'ן חינוך ספר תורה, און אז ליידער זענען דא רשעי ישראל וואס ווילן מפריד זיין אידישע קינדער פון די תורה, להשכיחם תורתיך ולהעבירם מחוקי רצוניך, האט דער רבי געזאגט, היינט ווען מ'האט זיך געפריידט מיט די הייליגע תורה זאגן מיר פאר די תורה הק' אונז גיי מיר בלייבן געטריי פאר די הייליגע תורה אונז זעמער גרייט אויף מסירות נפש, מיר וועלן גיין אין תפיסה, מיר וועלן זיך לאזן שלאגן און שמייסן, און מיר וועלן זיך נישט אפרייסן פון די הייליגע תורה. אידישע קינדער האבן שוין מיטגעמאכט אן אינקוויזיציע און א אוישוויץ און מיר וועלן ווייטער בלייבן געטריי פאר די תורה מיט אלע רמ"ח אברים ושס"ה גידים און די רשעי ישראל וועלן אונז נישט קענען אפרייסן פון די תורה, און אריינשלעפן אין אזעלכע פלעצער וואו מ'רייסט אוועק אידן פון שמירת התורה והמצוות.

דער רבי האט פארענדיגט אז המה כרעו ונפלו ואנחנו קמנו ונתעודד, זיי וועלן האבן א מפלה אזוי ווי המן, און אידישע קינדער וועלן בלייבן מיט דעם הדר קבלוה מאהבה ורצון עד ביאת הגואל. וכל קרני רשעים אגדע תרוממנה קרנות צדיק מ'זאל פטור ווערן פון די ביטערע צרה און מ'זאל שוין זוכה זיין צו ביאת המשיח בב"א.
📎 דברות קודש.jpg

נאך די פייערדיגע דברות קודש האט דער עולם זיך ארויסגעלאזט אין פלאמפייערדיגע ריקודין מיט א גייסט פון מסירות נפש פאר די תורה ומצוות, די גאהר התלהבות'דיגע ריקודין האבן אנגעהאלטן גאהר א לאנגע צייט בעת אינג און אלט טאנצן מיט בשמחת התורה.
📎 זינגן.jpg

אינמיטן טאנצן האט דער רבי שליט"א באפוילן אז די בחורי הישיבה זאלן ארפאקומען פון די פארענטשעס און טאנצן אינדערמיט, די אלע תלמידי הישיבה וועלכע זענען ליידער די באטראפענע פון די שווערע גזירה און האבן שוין ערהאלטן דעם צו גיוס פון די טמא'נע מיליטער האבן געטאנצן אינאיינעם ה' הוא מלכינו ולו אנו עבדים א לענגערע צייט מיט שמחה און התרגשות.
📎 בחורים.jpg

עס איז שוין געווען גאהר שפעט אין די נאכט ווען דער געהויבענער מעמד איז געקומען צו אן ענדע, און דער ציבור האט זיך צושיידט מיט געהויבענע געמיטער.

תיכף דערנאך איז סערווירט געווארן א רייכער סעודת מלוה מלכה פאר אלע חשובע געסט פון חו"ל אין די זאלן פון ארמונות ח"ן, ווי מען האט פארברענגט ביי סעודת דוד מלכא משיחא בשבת אחים גם יחד.

וויפיל בחורים בערך זענען שוין אינעם גיל פון מיליטער דינסט, וועלכע זענען אראפגעקומען טאנצן.

רא''ט איז נאך אלץ דארט? נישט געוויסט

זעקסטער טאג – מאנטאג פ' פקודי העעל"ט

מאנטאג אינדערפרי האט מרן רבינו שליט"א געדאווענט שחרית אינאיינעם מיט די תלמידי ישיבה גדולה און די ישיבה קטנה אין בני ברק, אין דעם נייעם נארוואס-פארענדיגטן היכל שלמה משה נדבת בנש"ק הר"ר שלמה משה הלוי קלאגסברוין שליט"א,
📎 היכל שלמה משה.jpg
און נאכ'ן דאווענען איז פארגעקומען דער ברית לבן הנולד לר' יואל ניילענדער הי"ו וואו דער רבי שליט"א איז געווען סנדק און מוהל.
📎 ברית.jpg
נאכ'ן דאווענען איז דער רבי אריינגעגאנגען אויף א באזוך אין דעם ביהמ"ד עטרת זקנים וואו עס קומט פאר טעגליך שיעורים פאר די זקני אנ"ש, וואו דער רבי שליט"א האט ווארעם אנגעוואונטשן פאר די חשוב'ע זקנים און דערנאך האבן די עלטערע אידן גענומען שלום און ברכת קודש פונעם רבי'ן.
📎 עטרת זקנים.jpg
דערנאך איז דער רבי שליט"א אריינגעקומען צו א מסיבת לחיים מיט די בחורים פון די ישיבה גדולה און ישיבה קטנה אין היכל שלמה משה, וואו די בחורים האבן געזינגען ווארימע ניגונים, און דערנאך האט אויפגעטרעטן הר"ר יצחק דוד יאקאב שליט"א דער מנה"ר פון די ישיבה קטנה וועלכער האט ארויסגעברענגט די געוואלדיגע הכנה מיט וואס די בחורים האבן זיך געגרייט צום רבי'נס קומען, און וויאזוי די בחורים האבן במשך די פארלאפענע צוויי יאר אויסגעפאלגט די אלע זאכן וואס דער רבי האט אויפגעפאדערט ביי די פאריגע באזוך בשנת תשע"ב העעל"ט, און דערביי האט דער חשוב'ער מנהל געבעטן אז דער רבי שליט"א זאל מעורר רחמים זיין פאר די בחורים זיי זאלן ניצול ווערן פון די אלע שווערע גזירות וואס הויערט ליידער אויף זייערע קעפ מיט דעם שרעקליכן גזירת הגיוס היל"ת.
נאכדעם האט אויפגעטרעטן דער חשוב'ער נדבן בנש"ק הר"ר שלמה משה הלוי קלאגסברוין שליט"א מיט א קורצע דרשה פאר די בחורים וואו ער האט געבעטן די בחורים זאלן מתפלל זיין להצלחתו ער זאל קענען ווייטער ממשיך זיין צו שטיצן די הייליגע מוסדות בארה"ק.
דאן האט מען געהאט די זכי' צו הערן דברות קודש פון מרן רבינו שליט"א, ווי דער רבי האט ארומגערעדט איבער דעם ענין פון קדושת העינים, דער רבי שליט"א האט נאכגעזאגט א רמז אז צוויי מאל עי"ן איז בגימטריא במספר קטן אזוי ווי דער שם הוי"ה הק', און דער רבי האט מעורר געווען אויף דעם חיוב פון שמירת עינים.
דערנאך האט דער רבי מעורר געווען אויף עניני תפילה איבער דעם גרויסן כח פון תפילה, און אז מ'זאל דאווענען מיט התלהבות, און איבער די וויכטיגקייט פון גיין אין מקוה און לערנען פאר'ן דאווענען.
📎 לחיים קלאסגברוין.jpg

יש"כ פארן אזוי שיין באשרייבן. דאס שרייבסטו טאקע אדער איז עס גענומען פון ערגעץ אנדערש?

פון דארט איז דער רבי שליט"א אריבער צו א מסיבת שבע ברכות וואס איז צוגעשטעלט געווארן ספעציעל פאר די תלמידי הישיבה גדולה וועלכע האבן זיך אויסגעצייכנט מיט'ן אויפשטיין יעדן טאג פארטאגס, די מסיבת שבע ברכות איז פארגעקומען אין שטוב פון הנגיד מוה"ר נפתלי הירצקא פרענקל הי"ו פון ב"ב מגדולי תומכי המוסדות,
📎 שבע ברכות ר' נפתלי הירצקא פרענקל.jpg
📎 שבע ברכות נפתלי הירצקא פרענקל.jpg
און דערנאך האט דער רבי אפגעשטאטעט א באזוך במעונו פון האדמו"ר מבוהוש שליט"א ווי עס איז אנטוויקעלט געווארן א שיינער שמועס.
📎 בוהוש.jpg
אין די נאכמיטאג שעה'ן האט דער רבי שליט"א געדאווענט מנחה בבית האכסניא און דערנאך האט דער רבי שליט"א פארלאזט בני ברק אויפ'ן וועג קיין גליל ווי מען האט אנגעהויבן די רייזע אויף מקומות הק' מתפלל צו זיין אינאיינעם מיט די אנ"ש תומכי המוסדות און תושבי ארה"ק, להפקד בדבר ישועה ורחמים.
עטוואס פריער האבן שוין די באסעס פון די נדבנים בעם זיך ארויסגעלאזט קיין צפת ווי עס האט אפגעווארט א רייכער אווענט, אנגעהויבן פון א ספעציעלער חינוך פאנעל אין האטעל ווי דער ציבור איז איינגעשטאנען, ווי די געסט האבן געהערט גאר א שיינעם חינוך דרשה פון הר"ר משה בלוי שליט"א מגדולי המחנכים בארה"ק.
אויפ'ן וועג קיין גליל האט זיך דער רבי שליט"א אפגעשטעלט אין כפר הרי"ף ווי דער רבי האט אפגעשטאהט א ביקור גומלין ביי גיסו האדמו"ר מ'בעלזא שליט"א
📎 ביקור גומלין בעלזא.jpg
און פון דארט האט דער רבי שליט"א ממשיך געווען דעם וועג קיין צפת.

ווי דערמאנט איז פאהרגעקומען א ספעציעלער מעמד הכרת הטוב אין צפת פאר די געסט די נגידים תומכי המוסדות,
📎 עלעגאנטער מעמד הכרת הטוב.jpg
ווי דער ציבור זיך געוואשן צו א סעודה און דערביי האט מען געהערט א הערליכע דרשה פונע'ם פום ממלל רברבן הגה"צ המשפיע רבי אלימלך בידערמאן שליט"א, וואס האט זיך באצויגן אויף עניני אמונה און בטחון ווי אויך דברי הכנה צו די מקומות הק' וואס מ'וועט פוקד זיין דעם קומענדיגן אינדערפרי.
נאכדעם וואס דער רבי שליט"א איז אנגעקומען אין זאל האט דער בעל דרשן שליט"א ווייטער ממשיך געווען מיט זיין דרשה ווי ער האט ארויסגעברענגט זיין נאנטשאפט צו אונזערע מוסדות הק' פון ווי ער אליינס איז א תלמיד און איז אויפגעוואקסן אין די סאטמארער ת"ת אין בני ברק, ווי אויך איז זיין מאמע געווען א מחנכת ביי אונז אין בית חינוך, וואו מ'גרייט זיך אצינד בס"ד צו בויען דעם נייעם בנין.
📎 רבי אלימלך בידערמאן.jpg
דערנאך האט דער רבי שליט"א משמיע געווען דברות קודש ווי דער רבי האט זיך געשטעלט אויפ'ן פסוק אלה פקודי המשכן, און האט ארומגערעדט בשבחם פון די וואס לאזן זיך קאסטן אויפצובויען א מקום פאר השראת השכינה. אויך האט דער רבי געזאגט ווארימע דברי הכנה לקראת די נסיעה צו די מקומות הק', דער רבי האט ערווענט אז דאס אליינס אז מ'געפונט זיך שוין אין די שטאט צפת וואו עס זענען נטמן אזעלכע קדושי עליונים איז שוין אויך א זכי'. דער רבי האט ארויסגעברענגט אז לב יודע מרת נפשו יעדער איד פארמאגט זיך זיין אייגענעם פעקל אויף וואס מתפלל צו זיין און דער אייבערשטער זאל העלפן מ'זאל טאקע קענען אויס'פועל'ן ישועות ורפואות פאר'ן כלל און פאר'ן פרט.
דערנאך האט דער רבי געוואונטשן לחיים אז מען זאל פועל'ן אלעס גוטס.
📎 דב''ק הכרת הטוב.jpg
אנקומענד'יג אין די אכסניות וואס איז אהערגעשטעלט געווארן דורך די הנהלת המוסדות אין די רייכע האטעל מלון כנען ספא, - ווי אויף א גאהר מסודר'דיגע אופן האבן שוין די עסקנים געהאט צוגעגרייט און אייגעטיילט די צימערן פאר די געסט אויף א מייסטערהאפטיגער אופן – איז דער ציבור אנטפאנגען געווארן מיט א ספעציעלן "תפילת פעקל" וועלכעס האט אנהאלטן אין זיך אלע נויטיגע צוגעהערן ווי א תהלים'ל, ליכט, קוויטל פאפיר אד"ג.
📎 תפילת פעקל.jpg
עס איז שוין געווען שפעט אין דער נאכט ווען דער ציבור איז זיך געגאנגען גרייטן צום מארגע'דיגער טאג.

וואו איז כפר הרי"ף וואס דו דערמאנסט אויפן וועג קיין גליל?

שעפטל

פון דארט איז דער רבי שליט"א אריבער צו א מסיבת שבע ברכות וואס איז צוגעשטעלט געווארן ספעציעל פאר די תלמידי הישיבה גדולה וועלכע האבן זיך אויסגעצייכנט מיט'ן אויפשטיין יעדן טאג פארטאגס, די מסיבת שבע ברכות איז פארגעקומען אין שטוב פון הנגיד מוה"ר נפתלי הירצקא פרענקל הי"ו פון ב"ב מגדולי תומכי המוסדות,
📎 שבע ברכות ר' נפתלי הירצקא פרענקל.jpg
📎 שבע ברכות נפתלי הירצקא פרענקל.jpg

ווער איז דער פרענקל
א נייע נגיד אפיר געקימען???

זיבעטן טאג – דינסטאג פ' פקודי העעל"ט

דא גייען מיר ווייטער מיט'ן באריכט פונעם געהוביענעם מסע הקודש אין ארה"ק:
דינסטאג פארטאגס איז מרן רבינו שליט"א מיט א בלויזע באגלייטונג פון גבאים ומשב"ק אנגעקומען זיך טובל'ן אין מקוה פון אריה"ק,
📎 מקוה האריז''ל.jpg
און שפעטער איז דער רבי שליט"א אריינגעקומען אין ביהמ"ד צאנזער קלויז ווי מען האט געדאווענט שחרית.
📎 שחרית אין צאנזע'ר קלויז.jpg
נאכ'ן דאווענען איז פאהרגעקומען א מסיבת לחיים צוגעשטעלט דורכ'ן הנהלת הביהמ"ד, ווי דערביי האט אויך אויפגעטרעטן הרה"ג ר' (יוסף) [יעקב] אלי' אונדארפער שליט"א רב דק' ראשית חכמה מאנטריאל,
📎 קבלת פנים ולחיים.jpg
און דערנאך האט דער רבי שליט"א געוואונטשן לחיים און משמיע געווען דברות קודש.
דערנאך איז דער רבי שליט"א אריבער צום טאכווער תלמוד תורה על טהרת הקודש ווי דער רבי שליט"א האט מאציל געווען ברכות קדשו פאר די תלמידי הת"ת און די הנהלה,
📎 ת''ת טאכוער.jpg

און נאך א קורצע הפסקה אין די אכסניא איז דער רבי שליט"א אריבער אויף א קורצע באזוך אין תלמוד תורה בת עין על טהרת הקודש ווי אויך דארט האט דער רבי שליט"א ווארעם אנגעוואונטשן פאר די צאן קדשים און די הנהלת המוסד.
📎 ת''ת בת עין.jpg
באלד דערנאך איז דער רבי שליט"א און די פמליא אנגעקומען מתפלל זיין אויפ'ן ביה"ח העתיק אין צפת, ווי צוערשט האט מען זיך געשטעלט ביים ציון פון אריה"ק זי"ע ווי דער רבי שליט"א האט בהתעוררות רב פאהרגעזאגט תהלים פון קאפיטל צ' ביז קאפיטל ק"ח.
📎 ביה''ח העתיקה אין צפת.jpg
גרויס איז געווען דאס התעוררות ווען מען האט פוקד געווען די הייליגע ציונים וואס טראץ דער רעגנ'דיגער וועטער האט דער ציבור אין שפיץ פון רבי'ן שליט"א א לענגערע צייט פארברענגט ביי די הייליגע מקומות מתפלל צו זיין לנו וכל ישראל.
דערנאך בעת דער רבי שליט"א האט א לענגערע צייט געליינט קוויטלעך און הזכרות, האט מען געזינגען ניגוני התעוררות ודבקות. באזונדער האט דער רבי שליט"א מתפלל געווען פאר די תומכי מוסדות יטב לב מיט'ן ספעציעלן ספר הזכרונות ווי אלע תומכים האבן געהאט די געלעגנהייט אריינצושיקן זייער קוויטל.
פון דארט איז דער רבי שליט"א אראפ צום ציון פון הייליגן בית יוסף זי"ע ווי דער רבי האט ממשיך געווען מיט אמירת תהלים ביז קאפיטל קי"ט, און אויך דארט זענען געזינגען געווארן ניגוני קודש בעת דער רבי שליט"א האט מעתיר געווען בתחינה ובקשה פאר'ן כלל און פאר'ן פרט.
📎 הייליגן בית יוסף.jpg
דאן איז מען אריבער צום ציון מקום מנו"ק פון אלשיך הק' ווי דער רבי האט ממשיך געווען באמירת תהלים ביז קאפיטל קכ"ה,
📎 ציון פון אלשיך הק'.jpg
און דערנאך ביים ציון פון הרה"ק מ'טאלטשאווע זי"ע ווי מען האט ווייטער געזאגט תהלים ביז קאפיטל ק"מ.