יוסטיץ (און תפיסות) אין אמעריקע

א פרוי פון אריזאנא זיצט שוין 22 יאר אין תפיסה, ווארטנדיג אויף איר טויט אורטייל, צוליב א אנגעבליכע קלאגע אז זי האט ערמארדעט איר אייגענע זון.

בשעתו האט מען איר אנגעקלאגט מיט א מעשה אז זי האט געמאכט א יד אחת מיט 2 אנדערע מענער צו הרג'ענען איר זון, כדי צו קלעימען אינשורענס. עס איז נישט געווען קיין שום עדות דערצו, אבער א דעטעקטיוו האט אזוי דערקלערט און אויף דעם ארויף האט מען איר צוגעטיילט טויט שטראף, און זי ווארט שוין דערויף 22 יאר.

אצינד האט א דזשאדזש איבערגעקוקט איר קעיס, און איר פשוט באפרייט!

און אז מען רעדט שוין,

a 152 Innocents, Marked for Death

עס כאפט א פחד צו ליינען ווי דער פראקוראר זעלבסט איז זיך מתוודה אז די טעותים פאסירן בלויז ווייל זיי זוכן ענדערש צו געווינען בכל אופן שהוא ווי איידער יוסטיץ. עלובה עיסה וכו'.

(ייש"כ פארן ניק וואס האט מיר דאס צוגעשיקט)

אומגלויבליך, איז נישט דאס ווארט.

אין די עמי מאגעזין איז געווען די וואך א הערליכע ארטיקל מיט 'בערנארט קעריק' געוועזענער ניו יארק פאליציי קאמישענער וואס איז אויך געזיצן עטליכע יאר, איבער די קרופטירטע יוסטיץ אין אמעריקע.
א געוואלדיגע ארטיקל A must to read

א דאנק. וועלן מיר דאס איינהאנדלען.

אין די בלאט (אוצר אפטיילונג) לויפט לעצטנס א באשרייבונג, אפהאנדלונג פון אמעריקאנער טורמעס. גאנץ אינטרעסאנט.

א לינק צו זיין בוך וואס ער האט געשריבן FROM JAILER TO JAILED
<a class="postlink" href="http://www.amazon.com/Jailer-Jailed-Correction-Commissioner-84888-054/dp/1476783705/ref=sr_1_1?s=books&ie=UTF8&qid=1430625668&sr=1-1&keywords=from+jailer+to+jailed">http://www.amazon.com/Jailer-Jailed-Cor ... +to+jailed</a>

מייק האקעבי, דער געוועזענער גאווערנאר און סטעיט עקזעקיוטיוו פון ארקענסעס, פלאנט צו לויפן פאר פרעזידענט. די אינטרעסאנטע זאך דערפון אז ער פלאנט צו לויפן אויפן טיקעט/פלאטפארמע פון "קרימינאלע יוסטיץ רעפארם". אלס גאווערנער האט ער פארדאנירט איבער 1,000 (!) ארעסטאנטן.

פאר מער דרוקט דא:

<a class="postlink" href="https://www.yahoo.com/politics/the-mike-huckabee-record-an-early-advocate-for-118146686601.html">https://www.yahoo.com/politics/the-mike ... 86601.html</a>

איבער דעם שמועס הנ"ל פון קעריק, שרייבט 'דער בלאט' די וואך ווי פאלגענד:

.

די בלוט קומט ווידער ארויף אין קאפ.

אן 21 יעריגער יונג פון די בראנקס האט זיך גענומען דאס לעבן דעם פארגאנגענעם שבת אין זיין היים, דורך זיך הענגען מיט אן עירקאנדישאן שטריק, נאכן אדורכגיין דעם גיהנם אין זיין אייגענע שטאט ניו יארק, אין די פארשאלטענע רייקערס איילענד טורמע.

דער יונג איז געווארן ארעסטירט פאר 5 יאר צוריק נאכדעם וואס זיינס א חבר האט אים באשולדיגט אין אוועקכאפן זיין רוקזאק. ער איז דאן אלט געווען בלויז 16 יאר! דער ריכטער האט פארלאנגט עשרת אלפים ככר בעיל ביז צום טרייעל, און ווען זיין משפחה האט נישט געקענט אפירקומען מיט דעם סכום, איז ער געבליבן שמאכטן אין רייקערס, אן ווערן אנגעקלאגט!!

די צייט האט זיך געצויגן, און ער איז אפגעזעצן קרוב צו 3 יאר. 33 חדשים!! על לא עוול בכפיו. פון די חדשים, איז ער איבער 400 טעג אפגעזיצן און זיך אפגעפייניגט אין סאליטערי קאנפיינמענט, אויכעט באקאנט אלס "די לאך". ער האט זיך מערערע מאל פרובירט צו נעמען דאס לעבן פון עגמת נפש.

אפירגעקומענע סורוועילענס ווידיאוס האבן געוויזן אביסל פון די שרעקליכע טראומא'ס וואס דער יונג איז אדורך. ער איז געווארן אנגעהאקט די ביינער דורך די אפיצירן. ווי אויך איינמאל האבן זיך 10 אינמעיטס א לאז געטאן אויף אים און געמאכט אויף אים א משכנתא.

מען האט אים שפעטער געאפפערט פארשידענע פליע בארגעינ'ס וועלכע ער האט אפגעווארפן אלס אומריכטיג. אין 2013 איז ער ארויס פריי, נאכדעם וואס מען האט פשוט ארויסגעווארפן אלע קלאגעס!

ער האט פרובירט איבערמישן דאס בלעטל און אנהויבן דאס לעבן פריש, און זיך איינגעשריבן אין בראנקס קאמיוניטי קאלעדזש, אבער עס איז שוין געווען צו שפעט. די טראומא וואס ער איז אדורך האט אים זייער צוטרייסעלט. ער איז געווארן געפערליך דעפרעסד. דאס לעבן איז אים גענצליך רואינירט געווארן, בעת זיין מוטער קוקט צו מיט אנגסט ווי איר יונג גייט צוגרינד, און ווערט ערגער און ערגער. פארגאנגענע פרייטאג צו נאכטס האט זיך דער יונג אנגערופן: "מאמע, איך קען עס מער נישט פארנעמען!". דעם קומענדיגן טאג האט מען אים געפינען א געהאנגענער.

"די סיטואציע איז ערגער ווי מען מיינט" – האט זיין לאיער זיך אויסגעדרוקט – "ווען מען קוקט אדורך די 3 יאר וואס ער האט מיטגעמאכט אין תפיסה מיט די אלע פרטים, איז ממש אומגלויבליך אז דאס האט געקענט פאסירן דא אין ניו יארק, נישט אין א דריטע וועלט לאנד".

<a class="postlink" href="http://www.msn.com/en-us/news/us/ex-rikers-inmate-who-was-beaten-in-jail-commits-suicide/ar-BBkODxw?ocid=ansnewsNYDailyNews11">http://www.msn.com/en-us/news/us/ex-rik ... ailyNews11</a>

א געפערליכע מעשה דאס, איך האלט שוין מיט דעם פאל זינט די ניו יארקער פארפיל אויף קאליעף בראודער, אקטאבער 2014.

דאס וואס האט מיר דאס מערסטע געקרענקט איז אז מען האט פשוט ארויסגעווארפן די קלאגעס, נאך דריי יאר! ער איז נישט אריבער א פראצעס און ארויסגעקומען אומשולדיג, מען האט עס פשוט ארויסגעווארפן! ווייל עס איז גארנישט געווען קיין עווידענס קעגן אים! נאכן לאזן אים שמאכטן דריי יאר אין טורמע פאר גארנישט, אן איינער זאל זיך וויסנדיג מאכן אדער אים העלפן.
זיי האבן נישט געמאכט א קעיס קעגן אים בשעת זיי האבן אים געהאלטן אין גיהנום, פשוט ווייל אזא קעיס באקומט נישט צו מער עווידענס נאך איין וואך אדער א חודש צוויי. אז עס איז נישט דא קייינע באווייזן נאך איין חודש גייט נישט זיין גארנישט מער נאך א יאר אדער דריי. סתם אפגעשטיפט זיין פראצעס איינמאל און נאכאמאל און נאכאמאל.
איך געדענק ווען איך האב געליינט דעם אריגינעלע ארטיקל אינעם ניו יארקער מאגאזין איז עס מיר געווען אזוי אומגלויבליך, אז -ווי דו שרייבסט- דאס בלוט איז מיר ממש ארויף אין קאפ!
איך האב געפלאנט דעמאלט איבערזעצן דעם ארטיקל פאר ק"ש (עס איז געווען א שמועס איבער חרדישע אידן אין די אמעריקאנער יוסטיץ סיסטעם).
We have it bad? פינף מינוט נאכן ארעסט וואלט די גאנצע שטאט, געלט וואלט געפלאסן ווי א קוואל, און ער וואלט געווען אויף בעיל ביז א האלבן טאג, און נאך א פראצעס אין ניינציג טעג.

דער (ער איז געווען דאן 15 יאר, ניטאמאל 16) איז נעבעך געכאפט געווארן ווי א פישל אין נעץ, און אוועקגעדאמפט געווארן אין פריזער 'פאר א שפעטערע דאטום', מיט זיינע ציווילע רעכטן רעגלמעסיג פארלעצט, אן קיין שום הילף אדער שטיצע.
זיין זעכצנטע זיבעצנטע און אכצנטע יארן האט ער פארברענגט אין די ש****ל באקאנט אלס רייקערס איילענד, ווייל דער קראנקער סיסטעם האט געמיינט אז ער איז געבוירן געווארן אנצופילן זייער פינסטערע אינזל גיהנום.
דאס אז די חיות (פון ביידע זייטן) האבן אים אויסגע'רודפ'ט די יארן איז אביסל א עקסטערע נושא. מיר שטערט פיל מער די פארשאלטענע 'יוסטיץ סיסטעם'.

וואס איז די יסוד פונעם פראבלעם? עס קוקט מיר אויס ווי פון ביידע פארטייען רעדט מען זיך אפ אויפן סיסטעם איז אויב אזוי פארוואס טוישט מען נישט?

ס'איז דא א דעדליין פאר בעיל, אדער ווען מ'ברענגט דאס דאן גייט ער?

אנדערש זע איך נישט פארוואס מ'האט נישט געקענט שאפן צען טויזנט דאללער אין לויף פון דריי יאר.

ווען האסטו די לעצטע מאהל געהאט עקסטערע 10k?

מאטי

ווען האסטו די לעצטע מאהל געהאט עקסטערע 10k?

נארישע קשיא. ס'איז טאקע א סך געלט, אבער רעלאטיוולי איז דאס א שפיי. א מענטש זיצט פאר גארנישט בשאול תחתיה, און אין לויף פון דריי יאר איז זיין איינציגסטער האפענונג אז ער וועט געווינען פאפא ראפפעל? ביזט נאריש.

איך בין נישט באקאנט מיט דעם לעגאלן סיסטעם. שטארק מעגליך אז ס'איז דא א קורצע דעדליין. וואו איז די משפחה געווען? זיי האבן נישט געקענט אויפטרייבן אזא סכום?

זעהט אויס אז נישט. א ארעמע משפחה, אנע יודל ליכטנשטיין, און אן עפעס רייכע קרובים, קענען טאפן א וואנט.
לדעתי זאל די משפחה סוען די שטאט יעצט פאר א 50 מיליאן דאלער.

כ'ווייס נישט אויב מען שרייבט דעם אויסדרוק אויף א גוי, אבער כ'קען זיך נישט איינהאלטן: השם ינקום דמו.

די קעיס אויף דעמאקרעסי נאַו. מיט עימי גודמאן.
ער איז געווען אין סאליטערי קאנפיינמענט כמעט אכט הונדערט טעג, איבער צוויי יאר!
מ'קען וויינען.

וועט מען קומען צו שטיקל אגריעמענט אז די זאכן זאלן זיך נישט איבער'חזר'ן אין דער צוקונפט?

<a class="postlink" href="http://www.nytimes.com/2015/06/10/opinion/rikers-island-and-the-death-of-kalief-browder.html?_r=0">http://www.nytimes.com/2015/06/10/opini ... .html?_r=0</a>

דערווייל גייען נאך זאכן אן ווי געווענליך, עולם כמנהגו נוהג.
אבי זיי ווערן כאטש אנגעקלאגט

.

עלובה עיסה....

.

גאנץ טשיקאוו אבער אביסל עמאציאנאל...
<a class="postlink" href="https://news.yahoo.com/friends-reunited-judge-meets-old-pal-dock-085747115.html#">https://news.yahoo.com/friends-reunited ... 7115.html#</a>

.

לויט אפמאך...? אהא.

טויג ער דאך יא אויף עפעס, אונזער פרעזידענט.

.

רובאשקין אין סאמעט זענען אינקלאדעט אין די זעקס און פערציג?
זיכער נישט

אפאר קורצע נייעסלעך בענין זה

.

אין 2012 זענען 958 אמעריקאנער געשטארבן אין טורמע. פון דעם זענען 698 (73%) קיינמאל נישט געווארן אנגעקלאגט אויף א פאברעכן!

<a class="postlink" href="http://theweek.com/speedreads/569670/7-in10-inmates-who-die-jail-have-not-been-convicted-crime">http://theweek.com/speedreads/569670/7- ... cted-crime</a>

אין מיזורי זיצט גאנץ א נארמאלע מענטש אין תפיסה Jeff Mizanskey ער זיצט שוין 20 יאהר פארן נישטיגן חטא פון פארקויפן א קליינע סכום מאריוואנא, ער האט באקומען life without parole!!! ווען די גאווערמענט האט אין 1971 אנגעפאגן די זינלאזע War on Drugs, לעצטענס האט די גאווענער פון מיזורי Jay Nixon א דעמאקראט געמאכט אז ער זאל יא זיין eligible for parole

דעס איז אמעריקא ❗ ❗ ❗ The land off the FREE

The land of the free, and the home of the incarcerated

👍

.

.

חודש תשרי האבן די צייטונג ארויסגעשטעלט אזא מעלדונג,
ווייסט איינער וואס דאס מיינט?

.

אין וואשינגטאן האלט מען אינמיטן פעסן א ביל וואס וועט פארגינגערן די שטראף פאר ווייט קאלער קריימס.

די ביטערע אפעקטן פון "סאליטערי קאנפיינמענט" (די לאך בלע"ז).
גענוג און נאך מענטשן לאזן זיך הערן אקעגן דעם ברוטאלישן שטראף מיטל, און ווילן עס אפשאפן.

<a class="postlink" href="http://www.usatoday.com/story/news/nation/2015/11/04/solitary-confinement-prisoners-impact/73830286/">http://www.usatoday.com/story/news/nati ... /73830286/</a>

פאר נאך ארטיקלען איבער די נושא, דא האט איר פונעם האפינגטאן פאוסט:

<a class="postlink" href="http://www.huffingtonpost.com/news/solitary-confinement/">http://www.huffingtonpost.com/news/soli ... nfinement/</a>

ענדליך! אז מען לעבט דערלעבט מען.

.

צו לאכן און צו וויינען

<a class="postlink" href="http://youtu.be/_Pz3syET3DY">http://youtu.be/_Pz3syET3DY</a>

זייט גרייט צו פארברענען 10 שעה אויף נעטפליקס. אומגלויבליך!
MakingAMurderer#

.

ווען דאס בארירט א היימישער.

<a class="postlink" href="https://medium.com/@ZackBergerMDPhD/handcuffed-for-no-reason-on-the-streets-of-baltimore-ae1dc1cccd4a#.6lndq3htx">https://medium.com/@ZackBergerMDPhD/han ... .6lndq3htx</a>

.

ענדליך!

Obama bans solitary confinement for juveniles in federal prisons

<a class="postlink" href="https://www.washingtonpost.com/politics/obama-bans-solitary-confinement-for-juveniles-in-federal-prisons/2016/01/25/056e14b2-c3a2-11e5-9693-933a4d31bcc8_story.html">https://www.washingtonpost.com/politics ... story.html</a>

.

אין די נייעס טוצעך יעצט אז א ריכטער אין אילינאויס האט באפרייט א 76 יעריגער מענטש וואס איז 4 יאר צוריק געווארן אנגעקלאגט אין מארד, און באקומען פאראורטיילט לעבנסלענגליכע תפיסה.
נאך מערערע באווייזן אז דער קעיס איז געפארן שרעקליך אומריכטיג, און די לויערס האבן פארלאנגט א נייע טרייעל נאכן האבן באווייזן צו זייער האנט, האט דער ריכטער מיט כעס ארויסגעשליידערט דעם גאנצן קעיס, און אים געהייסן זאפארט באפרייען.
עפעס יוסטיץ אין אזא פינסטערניש, כיתרון האור מן החושך.

וואס טוט א גוי גלייך נאך אזא בשורה טובה? די ערשטע זאך אויף די פרייהייט איז ער געלאפן כאפן זיין באליבסטע שפייז, א סלייס פיצא... (דערמאנט אייך פון מוצאי פסח, הע?... אויך מיר א זמן חירותינו....)

Wow איז דאס שטארקע ווערטער!
"אמעריקע פארמאגט די ערגסטע תפיסות איבער די וועלט!", "אמעריקאנער ווילן זעהן די ארעסטאנטן לעבן ווי חיות און שימלען צום טויט", וכו'...
ליינט אדורך די גאנצע ארטיקל ביז צום סוף!

<a class="postlink" href="http://www.cnn.com/2016/04/29/opinions/prison-was-a-great-time-kamau-bell">http://www.cnn.com/2016/04/29/opinions/ ... kamau-bell</a>

א גאר באלערנדע ארטיקל איבער עסקנות און דער צוקונפט פון תפיסות אין אמעריקע, אויכעט באוואוסט אלס דער "סענטענסיג רעפארם אקט".
באשריבן אין 'דער איד' דעם פארגאנגענעם פסח:

מערקט אן אינעם ארטיקל, אז פרעזידענט אבאמא איז א שטארקער שטיצער דערפון, און פארט כסדר ארום איבער אמעריקע קאמפיינען לטובת דעם ביל.

(פאר די וואס ווייסן נישט, מען קען קליקן אויפן בילד עס צו פארגרעסערן).

.

וויא פארשטענדליך וועט דאס נאר העלפן פאר די וואס זיצן שוין וואס איז א טובה פאר אנשי שלומינו וואס שמאכטן יעצט דורכן ביטערע סיסטעם. אבער נאך די רידאקשוין געזעץ וועט אדוריכגיין וועלן שופטים ארייננעמן ביי סענטענסינג דער פאקט אז סאיז דא אזא געזעץ וועלן זיי געבן לענגערע טערמינען לכתחילה.

זיי קענען דען צוטיילן וויפיל זיי ווילן? זיי זענען דאך סוכ"ס געבינדן מיטן געזעץ! הגם ברצונם מאריכים או מקצרים, אבער לכה"פ עפעס געבינדן זענען זיי.

נאכאמאל זעהט מען א דאבעל און טריפעל סטענדערט אין יוסטיץ אין אמעריקע. א רייכע און ווייסע סטודנט האט גערעיפט א מיידל וואס איז געשלאפן פון שיכרות און די ריכטער האט איהם ''נאר'' געגעבן זעקס חדשים תפיסה. עטס הערטס? זעקס חדשים נישט זעקס יאהר נאר זעקס חדשים מיט אביסל פראבעישען- א שאנדע!!!

<a class="postlink" href="http://nypost.com/2016/06/06/stanford-swimmer-gets-jailed-only-6-months-for-raping-unconscious-coed/">http://nypost.com/2016/06/06/stanford-s ... ious-coed/</a>

מה זאת ???

.