זענען מיר אלע ממזרים?

להלכה, אויב איין זיידע אדער באבע, נישט קיין חילוק וויפיל דורות אויף צוריק, איז געווען א ממזר, האט מען א דין פון א ממזר. לפי"ז, לכאורה, סטאטיסטיקלי וואלטן אלע יודן געדארפט האבן א דין ממזרים. וכדלהלן.

לאמיר קלערן וויפיל פראצענט מענטשן זענען געווען (אליינס) ממזרים. מען דארף פארשטיין אז אמאל איז געווען סאך מער שכיח דער זאך, וועגן כמה סיבות. קודם כל, אז א פרוי איז געווארן באצווינגען אדער איבערגערעדט, איז נישט געווען קיין וועג צי מונע זיין פון ווערן טראגעדיג. ווי אויך איז קאנדאמס א נייע ערפינדונג. ווי אויך איז נישט ווי היינט אז מיט די.ענ.עי. קען מען קלאר וויסן ווער דער טאטע איז, איז אמאל נישט געווען קיין שום וועג צי וויסן. חוץ מזה וואס ס'איז סתם אזוי נישט געווען קיין מעטאדן צי נאכגיין פארברעכער בכלל. מענטשן זענען געווען סאך לענגער אוועקגעפארן פאר ארבעט וכדומה. בקיצור, כ'מיין אז ס'לאזט זיך זאגן אז א ראטע פון 1/10,000 איז אונטערגעשאצט.

יעצט, וויפיל אור-עלטערן האט יעדער (חוץ בן גרים) צוריק ביז מתן תורה? מ"ת איז געווען 3300 יאר צוריק. די מיטלגארטיגע דור איז מסתם ארום 30, אבער לאמיר עס שטעלן ביי 40. דאס איז א טאטאל פון 83 דורות. דארף מען דאפלן 83 מאל צי צאמרעכענען די טאטע-מאמע פון יעדע פון אונזערע זיידעס-באבעס. וויפיל קומט עס אויס? מיין עקסעל שיט ווייזט מיך 9,671,406,556,917,030,000,000,000! כ'ווייס נישט וויאזוי מ'זאגט ארויס אזא נומבער, אבער ס'איז זיכער מער פון 10 טויזענט, און 1000 פראצענט קלאר א ממזר צווישן אזוי סאך.

אבער די אמת אז מ'טראכט אביסל טיפער איז נישט אזוי פשוט. די גאנצע מענטשליכע פאפולאציע פון אייביג אהן איז געשאצט צי האבן געווען ארום 100 ביליאן, וואס איז ביליאנען מאל ווייניגער ווי די נומבער הנ"ל! אבער די תירוץ איז פשוט, אז אלע מיינע זיידעס שעירען זיידעס מיט אנדערע זיידעס. וזה פשוט ודוק. קומט אויס אז טעקניקלי קען זיין אז איך זאל למעשה נאר האבן טויזענט זיידעס למשל, אויב מ'האט זיך אסאך געהאלטן אין די משפחה.

אבער למעשה איז זייער נישט מסתבר אז א מענטש זאל האבן געהאט געשעירט אזויפיל אור עלטערן פאר 3300 יאר. ככל הנראה קען מען אננעמען אז יעדער איינער האט סאך מער פון 10 טויזענט אור עלטערן ביז מ"ת. אויב אזוי איז הדרן לדוכתיה אונזער מסקנא אז יעדער איז בחזקת ממזרים.

לחיים ממזר, לחיים.

@מי אני, ביזט באקוועם מיט דיין נייע טיטל? אז נישט, קום אריין מיט א קלארע חשבון 😂

יעצט ווייסן מיר שוין...

מיר שטאמען דאך אלע פון שת וואס האט לכאורה חתונה געהאט מיט זיין שוועסטער, סאו טעקניקלי זענען מיר אלע ממזרים.

דער אמת איז אז ווען מען לערנט די לעצטע פרק אין קידושין, זעט מען אז מיר שטאמען אלע פון פסולין, נאר משפחה שנטמעה נטמעה.

פאר מתן תורה רעכנט זיך נישט.

גערעכט (וכן לסעמיט), אז די לופהאל איז די דין פון נטמעה. אבער מ'דארף אקנאלעדזשען אז בעצם זענען מיר אלע ממזרים, נאר אונז האמיר עפעס א וועג ארויס מיט א דריידל. און אלע בנשק'לעך דארפן דאס אויך וויסן.

אויף דעם זאגט דאך די גמרא בקידושין עא.

מאי (מלאכי ג ג) מגישי מנחה בצדקה? א"ר יצחק צדקה עשה הקב"ה עם ישראל שמשפחה שנטמעה נטמעה

און עס ווערט גע׳פסק׳נט להלכה באה״ע סימן ב סעיף ה בהרמ״א ע״ש.

די געדאנק איז אז ״ממזר״ און די פראבלעם/סטיגמע דערין איז אך ורק א ‏סאָשׁעל קאַנסטראָקט עפ״י וואס די הלכה דיקטירט. וממילא אויב מאכט הלכה אפ אז דא-און-דא איז עס נישט נוגע, איז עס נישט נוגע. פול סטאַפּ. די סאָשׁעל קאַנסטראָקט ״מציאות״ איז פשוט אויס. והיינו טעמא ד״קודם מתן תורה״ ביעקב עם שתי אחיות של רחל ולאה, ויהודה עם תמר כלתו וכדומה (ועיין ברש״י בויקרא כ יז). ועיין כאן וואו איך האב צוגעברענגט פון הרב דר. נתן לאָפּעס קארדאָזאָ אז חז״ל האבן טאקע געזוכט צו לימיטן דעם געדאנק פון ״ממזרות״.

עס קומט אויס לפי @טמיר׳ס חשבון אז דר. שלמה זנד׳ס טעזע קען גאר זיין א מעלה, ועפ״י שיטת ר׳ טרפון בקידושין סט. ואיפסק להלכה באבה״ע סימן ד סעיף ט ע״ש; עכ״פ אויב די מאמע איז א גויטע/שפחה. הגם, אז מ׳קען ווייטער מאכן די פּראבּעבּעליסטיק חשבון פון דארט און ווייטער…

און אויך להלכה: אזוי מייניך. אויב איינער רופט אן א צווייטן מענטש מיט'ן נאמען ממזר קענמען איהם נישט מחייב זיין. נאר אויב ער רופט איהם אן ממזר בן ממזר. דאמאלס קענן ער איהם רופן צו א דין תורה און מוציא זיין געלט פון איהם.

טמיר #

פאר מתן תורה רעכנט זיך נישט.

גערעכט (וכן לסעמיט), אז די לופהאל איז די דין פון נטמעה. אבער מ'דארף אקנאלעדזשען אז בעצם זענען מיר אלע ממזרים, נאר אונז האמיר עפעס א וועג ארויס מיט א דריידל. און אלע בנשק'לעך דארפן דאס אויך וויסן.

די וועלט זאגט דאך א ווערטל. א מלמד האט געוואלט מסביר זיין פארן קלאס וואס א ממזר איז. איז דארטן געווען א רבישע אייניקל א ראזנבוים אדער טווערסקי וכדומה..., פרעגט אים די מלמד, "זאג, ווען דו האסט ווען חתונה מיט דיין שוועסטער, וואס וועלן די קינדער זיין"?

זאגט די רביש קינד: "זיי וועלן זיין 6 מאל טשערנאבלע אייניקלעך, 8 מאל צאנז'ע אייניקלעך, 4 מאל זידיטשובע אייניקלעך, 12 מאל נאדבורנא אייניקלעך, און 6 מאל רוז'ינ'ע אייניקלעך".

זאגט דער מלמד: " רבותי! אט דאס איז א ממזר"!

ס'ליגט מיך אין קאפ עפעס א טעאריע וואס טענה'ט אז א גרויס טייל פון די אשכנזים שטאמען פון קאזאקען וואס האבן באצווינגן אדער זיך אויסגעמישט מיט אידישע פרויען דורכאויס זייערע פאגראמען. איינער ווייסט פון וואס איך רעד?

א גוי האט אמאל געטשעפעט א יוד מיטן טיטל ממזר, דער יוד האט איהם צוריק געזאגט "מיר האבן געהאט איינס און ענק האבן איהם געמאכט פאר גאט"...

חוץ די שיינע טיטל, ווי איז עס נוגע? אויב יעדער איז א ממזר איז דאך נישט קיין פראבלעם, א ממזר מעג חתונה האבן מיט א ממזרת...

אויב איז זענען טאקע אלע גרים... איז דאך דא א שיטה וואס האלט אז ווילאנג מען געדענקט נאך אז מען שטאמט פון גרים, מעג מען חתונה האבן מיט א ממזרת...

אונז דארפן אבער געדענקן אז אונז ווייס מיר אז ”ממזר לא חי”... אויב אונז לעבן, זענען מיר נישט קיין ממזרים...

כבר קדמוך... https://rationalbelief.org.il/%D7%A9%D7%90%D7%9C%D7%94-%D7%94%D7%90%D7%9D-%D7%9B%D7%95%D7%9C%D7%A0%D7%95-%D7%9E%D7%9E%D7%96%D7%A8%D7%99%D7%9D/

דר. נדב שנרב שרייבט (נאכ'ן דורכטוהן דעם געדאנק און מציאות פון ייחוס און דזשענעטיקס פון צענדליגער דורות צוריק עפ"י סטאטיסטיקס):

כידוע מהגמרא בקידושין סז:, בממזרות "הולד הולך אחר הפגום", כלומר הן הבן והן הבת יורשים מאביהם או מאמם את תכונת הממזרות, וזו מתפשטת הלאה לדורות הבאים באין מעצור. נמצא שאם במהלך הדורות התגנב ולו ממזר בודד לתוך עם ישראל, בודאות של כמעט מאה אחוז כולנו ממזרים, ואיני רואה שום דרך להתחמק מן התוצאה הזו. אין לדבר שום נפקות הלכתית, פרט לעובדה שאם נקבל זאת יהיה מותר לסתם אדם לשאת ממזר או ממזרת ודאים מפני שממזר מותר בממזרת, כמובן. היחידים שאולי אינם ממזרים הם גרים שמצטרפים לעם ישראל כיום, אבל מכיון שגר מותר בממזרת שוב אין בעיה.

בזמנו ניהלתי על הנקודה הזו ויכוח (ראה כאן מן העמוד החמישי ואילך) מול הרבנים הדוקטורים מיכאל אברהם ומרדכי הלפרין. הם טענו באופן כללי שישנו דין מיוחד בספק ממזר ("ממזר ודאי אמר רחמנא ולא ספק ממזר". לשאלה אם מדובר ב"היתר" מיוחד מעבר לכל ספיקא דאורייתא לקולא מדאורייתא, ראה שב שמעתתא שמעתתא א', ומאמרי ב'שעלי דעת' ד' (שעלבים, תשמ"ו), עמ' 124. מעניין שמקבר התהום נזהרים (כלומר נזהרים מלהכנס למקום הקודש מחמת שנטמאנו בקבר התהום בסיכוי גבוה) אף שגם ספק טומאה ברה"ר לקולא) ובגדרי "משפחה שנטמעה" (קידושין עא. ראה שם "כסף מטהר ממזרים" ובפרט במאירי שם "ועל כיוצא בזה אמרו משפחה שנטמעה נטמעה ועל כיוצא בזה גם כן אמרו למטה ממזרי ונתיני טהורין לעתיד לבא שמאחר שהותרו על ידי ספק הותרו לעולם ואף בזמן שהנבואה מבררת", זה נשמע כמו הגדר של קמא קמא בטיל) והתוצאה ההלכתית היא שכל מי שלא ידוע בודאות שהוא ממזר (כאן ידיעה בודאות היא בניגוד לידיעה סטטיסטית, גם אם ההסתברות שלה גבוהה, לדוגמה במקרה שלנו ההסתברות גבוהה הרבה יותר מההסתברות לטעות בבדיקות DNA שמסתמכים עליהן ליוחסין גם בבי"ד רבניים) אינו ממזר. את זה אפשר להבין או כקולא מיוחדת בממזרות שספקה מותר, או בגדר של "ביטול" שהממזר מתערב בעם ישראל ו"קמא קמא בטיל" כמו באיסורי אכילה. אני ניסיתי להוכיח את דעתי מן הרמ"א (אה"ע סוף סימן ד', ראה גם שו"ת מבי"ט סימן ל"ז וחזו"א פו"ר א לד) האוסר על נישואין עם קראים מפני שמעורבים בתוכם ממזרים, ואינו משתמש בהיתרים שהוצעו למרות שהם רלוונטיים לכאורה גם שם. הקורא המעונין מוזמן לעין בויכוח המקורי מעל דפי פורום האינטרנט "עצור כאן חושבים" (במהלך הויכוח עלו עוד טענות כמו שממזר אינו חי וכיו"ב, עיין שם).

דא שרייבט ער אין דעם ענין:

לסיכום, אני די נבוך בעניין, ולעניות דעתי התשובות שהוצעו כאן אינן מספקות.

רק אעיר שלאחר שהצעתי את העניין ביצהר, נענה אחד משומעי השיעור ואמר "אהה, זה באמת מסביר הרבה דברים..."

יעצט פארשטיי איך שוין דער ילבש שחורים, אזוי וועט קיינער נישט וויסן און דער קינד וועט נישט זיין קיין ממזר…

סדר ניאוף
מי שאחזו קורדיקוס ואינו יכול לשלוט בעצמו, יקרא קריאת שמע אחר כך ימשוך את היצר לבית המדרש ויקרא בתורה ואז יזכיר לו יום המיתה.
אם שלשה דברים אלו לא עוזרים, ילבש בגדים שחורים ואז יעשה דרך גבר בעלמה, ויזהר שישאר כל הסיפור בסוד כדי שלא יהא בנו ממזר.
ואחר כך יאמר חטאתי עויתי פשעתי ויכופר עונו.

שאלתיאל #

ס'ליגט מיך אין קאפ עפעס א טעאריע וואס טענה'ט אז א גרויס טייל פון די אשכנזים שטאמען פון קאזאקען וואס האבן באצווינגן אדער זיך אויסגעמישט מיט אידישע פרויען דורכאויס זייערע פאגראמען. איינער ווייסט פון וואס איך רעד?

דו מיינסט מסתם די לעגענדע אז א חלק פון אידן מסביבות אונגארן שטאמען פון די כוזריים.
ס'האט נישט קיין שום היסטארישע האפט און אפילו אויב יא זענען זיי בפשטות געעווען כשר'ע גרים לויט אסאך דיעות

שמן למאור #

מיר שטאמען דאך אלע פון שת וואס האט לכאורה חתונה געהאט מיט זיין שוועסטער, סאו טעקניקלי זענען מיר אלע ממזרים. די פסוק ביי עריות רופט אן די ערוה פון א שוועסטער "חסד", פשוט פשט איז חרפה, אבער רש"י ברענגט די חז"ל אז חסד עשה הקב"ה עם קין שהתיר לו אחותו.

דער אמת איז אז ווען מען לערנט די לעצטע פרק אין קידושין, זעט מען אז מיר שטאמען אלע פון פסולין, נאר משפחה שנטמעה נטמעה. די גמרא נעמט טאקע אזוי אן אז אליהו וועט נאר מקרב זיין און נישט מרחק זיין די פסולין

צ"ק איך ווייס נישט אויב עס טוישט עפעס אבער די נומערן זענען נישט ריכטיג, מען זאגט אז אלע בני אשכנז שטאמען פון עטליכע משפחות וואס האבן זיך אהינגעצויגן.

שאלתיאל #

ס'ליגט מיך אין קאפ עפעס א טעאריע וואס טענה'ט אז א גרויס טייל פון די אשכנזים שטאמען פון קאזאקען וואס האבן באצווינגן אדער זיך אויסגעמישט מיט אידישע פרויען דורכאויס זייערע פאגראמען. איינער ווייסט פון וואס איך רעד?

סטאטיסטיש איז עס נישט אויסגעהאלטן. ס'איז נאר א גאר קליינער טייל פון א פערצענט.

דאס האבן די אנטי רעליגיאניסטן די בייזוויליגע רשעים אויסגעטראכט. אלס נתינת טעם פארוואס די הלכה זאגט אז ביי יחוס פון אידישקייט גייט מען לויט די מאמע. אויב די מאמע איז א איד ווערט דער קינד אויך פאררעכנט פאר א איד. נישט קיין חילוק אויב דער "טאטע" איז א גוי.

וואס איז די פראבלעם צו זיין א ממזר

מאנרא יונגערמאן #

וואס איז די פראבלעם צו זיין א ממזר

טאקע, זייט די סידור קידושין מערכה זענען אין מאנרא דא אסאך ממזרים

מאנרא יונגערמאן #

וואס איז די פראבלעם צו זיין א ממזר

ס'איז טאקע נישט קיין פראבלעם. די גמ' זאגט דאך (מסתמא. ערגעץ) ...עיר שכולה ממזרים...!

דאכט זיך להלכה א ממזר איז נאר אויב די מאן איז אוועקגעפארן פאר א גאנצע יאר, אדער ס'איז געווען צוויי עדים "בשעת מעשה"

אפילו ביידע זענען מודה איז דאס קינד נישט קיין ממזר להלכה.

מילך טראק #

דאכט זיך להלכה א ממזר איז נאר אויב די מאן איז אוועקגעפארן פאר א גאנצע יאר, אדער ס'איז געווען צוויי עדים "בשעת מעשה"

אפילו ביידע זענען מודה איז דאס קינד נישט קיין ממזר להלכה.

מקור ביטע

קיינמאל נישט דורך געלערנט, אבער אזוי ליגט מיר אין קאפ.
דו ווייסט פארקערט?

נישט אזוי פשוט ס'דא אסאך הלכות און חילוקים א בתולה, א ארוסי הבית אביה, און א נשואה.
לערן דורך
אבן העזר ד, כו- לא
פנויה שנתעברה וילדה, אם אינה לפנינו לבדקה, או שהיא שוטה או אילמת, ואפילו אם אומרת: של פלוני הוא, ואנו מכירים באותו פלוני שהוא ממזר, אין זה הולד אלא ספק, אפילו אם מודה אותו פלוני שנבעלה לו, שכשם שזינתה עם זה כך זנתה עם אחר. ואם אותו פלוני הוא כשר, הולד כשר. ומכל מקום אין אנו מחזיקים אותו בבנו ודאי ליורשו, אם אינו מודה שהוא בנו. (ואפילו היתה מיוחדת לו, אינה נאמנת עליו) (ר"ן). (ואפילו עד אחד נאמן עליו כשמכחישו) (גם זה שם). אבל חוששין לדבריה ואסור בקרובות אותו פלוני:

הגה: ודוקא פנויה. אבל אם זנתה תחת הבעל, אפילו אומרת: של פלוני הוא, והוא ממזר, אין חוששין לדבריה, דתולין רוב בעילותיה בבעל, וכשר, ומותר בקרובי אותו פלוני שאומרת עליו:


אשת איש שאומרת על העובר שאינו מבעלה, אינה נאמנת לפוסלו:

היימלינד #

שאלתיאל #

ס'ליגט מיך אין קאפ עפעס א טעאריע וואס טענה'ט אז א גרויס טייל פון די אשכנזים שטאמען פון קאזאקען וואס האבן באצווינגן אדער זיך אויסגעמישט מיט אידישע פרויען דורכאויס זייערע פאגראמען. איינער ווייסט פון וואס איך רעד?

דו מיינסט מסתם די לעגענדע אז א חלק פון אידן מסביבות אונגארן שטאמען פון די כוזריים.
ס'האט נישט קיין שום היסטארישע האפט און אפילו אויב יא זענען זיי בפשטות געעווען כשר'ע גרים לויט אסאך דיעות

ביזסט זיכער מיט דעים ?
אפשר דאך שטאמען אונז נישט פון קיין אידן, מ'דארף נאר מקיים זיין די 7 מצוות בני נח , אדער כאטש א ספק יוד ספק גוי איז פטור ניין ?

ס'איז מיר זייער שווער צו אויפשטיין פרי פארטאגס צו סליחות, אויפזיין א גאנצע נאכט שבועות, גיין מיט א היט און רעקל זומער, נישט עסן געבראקס די ערשטע זיבן טעג פסח, גיין צו די טיש יעדע וואך, נישט קוקן ווי די מאראטאן לויפן, נישט נעמען געלט פון די מדינה, אפשר איז די גאנצע זאך א מיסטעק אונז זענמען בכלל נישט קיין אידן אדער דעיס האט מיט אונגארן נישט קיין חילוק אידן אדער גוים?

דארפסט נישט קריכען ביז ת"ח ות"ט די מעשיות האבען זיך אפגעשפילט נישט צו לאנג צוריק בימי הרס עולם ביי די שואה, אין רוסלאנד ואוקריינא בזמן הפוגרומים, נאך די שואה ביי די רוסן און ביי די די פי קעמפס.

סקעפטיקער #

מאנרא יונגערמאן #

וואס איז די פראבלעם צו זיין א ממזר

טאקע, זייט די סידור קידושין מערכה זענען אין מאנרא דא אסאך ממזרים

😂 😂

צ/ק

יא. כמבואר בסוף מסכת קידושין על הפסוק נשים בציון עינו וגו', השוכבים על מטת שן וגו'.

מילך טראק #

היימלינד #

שאלתיאל #

ס'ליגט מיך אין קאפ עפעס א טעאריע וואס טענה'ט אז א גרויס טייל פון די אשכנזים שטאמען פון קאזאקען וואס האבן באצווינגן אדער זיך אויסגעמישט מיט אידישע פרויען דורכאויס זייערע פאגראמען. איינער ווייסט פון וואס איך רעד?

דו מיינסט מסתם די לעגענדע אז א חלק פון אידן מסביבות אונגארן שטאמען פון די כוזריים.
ס'האט נישט קיין שום היסטארישע האפט און אפילו אויב יא זענען זיי בפשטות געעווען כשר'ע גרים לויט אסאך דיעות

ביזסט זיכער מיט דעים ?
אפשר דאך שטאמען אונז נישט פון קיין אידן, מ'דארף נאר מקיים זיין די 7 מצוות בני נח , אדער כאטש א ספק יוד ספק גוי איז פטור ניין ?

ס'איז מיר זייער שווער צו אויפשטיין פרי פארטאגס צו סליחות, אויפזיין א גאנצע נאכט שבועות, גיין מיט א היט און רעקל זומער, נישט עסן געבראקס די ערשטע זיבן טעג פסח, גיין צו די טיש יעדע וואך, נישט קוקן ווי די מאראטאן לויפן, נישט נעמען געלט פון די מדינה, אפשר איז די גאנצע זאך א מיסטעק אונז זענמען בכלל נישט קיין אידן אדער דעיס האט מיט אונגארן נישט קיין חילוק אידן אדער גוים?

מילך טראק: דו שטרענגסט דיך זייער שטארק אן צו טון די אלע (אויבנדערמאנטע) זאכן. און דו זוכסט נאך א היתר אדער א סברא אז דו ביסט א גוי. דו דארפסט זיך נישט אנשטרענגען. ווייל מיט די אלע זאכן וועלכע דו האסט אויסגערעכנט אז דו טוסט ביסטו נאכאלץ א כשר'ער איד.

הלואי אויף אלע רעבישע קינדער געזאגט.

געווען א מעשה ביי ר׳ משה פיינשטיין ווען ער איז אמאל געווען סידור קידושין, די חתן׳ס מאמע האט געכאפט א התעוררת אונטערן חופה און געזאגט פאר ר׳ משה אז זי האט נאך קיינעם קיינמאל נישט פארציילט אבער דעי חתן איז ליידער א ממזר, ס׳געווארן שטיל די עולם האט געווארט צו זען וואס ס׳וועט געשען, אבער ר׳ משה מיט די פילסטע רואיגקייט רופט זיך אן ״אינה נאמנות״ א מאמע איז נישט באגלייבט צו פסל׳ן א קינד, צו ווערן א ממזר דארף מען האבן עדים און א פסק דין. (כך שמעתי)

אויף מלכת היופי של ירושלים האט דער רב אנגעשריגן דעם מאמען דארט "ווי קען מען דיר גלייבן דו נידערטרעכטיגע זונה וואס דו ביזט..."

תשפג #

געווען א מעשה ביי ר׳ משה פיינשטיין ווען ער איז אמאל געווען סידור קידושין, די חתן׳ס מאמע האט געכאפט א התעוררת אונטערן חופה און געזאגט פאר ר׳ משה אז זי האט נאך קיינעם קיינמאל נישט פארציילט אבער דעי חתן איז ליידער א ממזר, ס׳געווארן שטיל די עולם האט געווארט צו זען וואס ס׳וועט געשען, אבער ר׳ משה מיט די פילסטע רואיגקייט רופט זיך אן ״אינה נאמנות״ א מאמע איז נישט באגלייבט צו פסל׳ן א קינד, צו ווערן א ממזר דארף מען האבן עדים און א פסק דין. (כך שמעתי)

אין הכי נמי, פאר נאמנות דארף מען עדים, אבער ס'נעמט נאך נישט אוועק די מאטעמאטישע איקוואציע.

אזויווי איינער וואז איז מחלל שבת אן עדים מיינט נישט אז ער איז א שומר שבת.

אחוץ אויב מען וועט זאגן אז ס'ווענדט זיך אין די שאלה, אויב א בוים פאלט טיף טיף אין וואלד און קיינער האט עס נישט געזעהן און קיינער גייט עס נישט זעהן, איז עס טאקע געפאלן?

לאדיך אפ, ר' משה איז געוועהן in on the joke ווי מ'זאגט, דער וואס פארשטייט פארשטייט דאך ממילא, און דער gullible שוטה וועט זיך מוטשען מיט קשיות סייוויסיי.

ברוך שפינוזה #

צ/ק

יא. כמבואר בסוף מסכת קידושין על הפסוק נשים בציון עינו וגו', השוכבים על מטת שן וגו'.

נאר "עונו" קומט מיט א ווא"ו. לפי דיקדוק הלשון.

קהל'ס נער #

אין הכי נמי, פאר נאמנות דארף מען עדים, אבער ס'נעמט נאך נישט אוועק די מאטעמאטישע איקוואציע.

אזויווי איינער וואז איז מחלל שבת אן עדים מיינט נישט אז ער איז א שומר שבת.

אחוץ אויב מען וועט זאגן אז ס'ווענדט זיך אין די שאלה, אויב א בוים פאלט טיף טיף אין וואלד און קיינער האט עס נישט געזעהן און קיינער גייט עס נישט זעהן, איז עס טאקע געפאלן?

קהל'ס נער: לפי האמת ביסטו נישט גערעכט. ווייל אויב איינער איז מחלל שבת אן עדים, אפילו דו "ווייסט" אז ער איז מחלל שבת, נעמט עס נאכנישט אוועק זיין סטאטוס פון א שומר שבת, מיט אלע מעלות וואס דאס האט אין זיך, ווי יין נסך און בשר שנתעלם מן העין וכו'.

berlbalaguleh #

נאר "עונו" קומט מיט א ווא"ו. לפי דיקדוק הלשון.

וואס פאלט אייך איין, ר' בערל?

איך בין דאך א שטיקל משכיל. אויסער אן ארויני און א ציוני. אזוי זאגט מיר מיין מיינונג. נאר מ'קען דאך נאכקוקן.

נאר לפי פשוט זעהט אויס אזוי. ווייל "עינו" איז טייטש זיי האבן געפייניגט. און "עונו" מיט א ווא"ו איז טייטש זיי זענען געפייניגט געווארן...!

מילך טראק #

ביזסט זיכער מיט דעים ?
אפשר דאך שטאמען אונז נישט פון קיין אידן, מ'דארף נאר מקיים זיין די 7 מצוות בני נח , אדער כאטש א ספק יוד ספק גוי איז פטור ניין ?

ס'איז מיר זייער שווער צו אויפשטיין פרי פארטאגס צו סליחות, אויפזיין א גאנצע נאכט שבועות, גיין מיט א היט און רעקל זומער, נישט עסן געבראקס די ערשטע זיבן טעג פסח, גיין צו די טיש יעדע וואך, נישט קוקן ווי די מאראטאן לויפן, נישט נעמען געלט פון די מדינה, אפשר איז די גאנצע זאך א מיסטעק אונז זענמען בכלל נישט קיין אידן אדער דעיס האט מיט אונגארן נישט קיין חילוק אידן אדער גוים?

וואס טוסטו מיט מיר...??
כ׳הייב אן טראכטן אז אפשר זאליך דורכגיין גיור לחומרא... 😂 😂

בתוך עמי: שקויעך אז דו האסט מיר געזאגט. אויב אזוי גיי איך אפשטופן די חתונה ביז נאך וואס דו גייסט אדורך דעם גיור לחומרא..

די אינוויטעישנס זענען שוין (געווען) גרייט ארויסגעשיקט צו ווערן. נאך א מזל.

נאך איין שאלה: די גירות איז חל אויף דיין זון אויך?

האב איך פונקט אנגעטראפן דעם תנא דבי אליהו, איך ווייס נישט פשט דערין אדרבה זאלן די תלמידי חכמים מסביר זיין.
אליהו רבא פרק י"ח:
וכך שנו חכמים במשנה: עשרה יחסים עלו מבבל כהנים לויים וישראלים, גרים חרורי חללים ממזרים ונתינים, שתוקים ואסופים; אם הניח הקב"ה את ידו מישראל שנים ושלשה דורות זא"ז היו מתערבין אלו העשרה זה בזה והיו כשאר עמים, ואתם כפויי טובה מפני מה אין אתם מודים ומברכין ומשבחין לאביכם שבשמים שתפש אתכם בשתי ידיו על שתי זרועותיו והזהיר אתכם שלא תבואו לידי פסול שנאמר "אני ד' הוא שמי וכבודי לאחר לא אתן ותהילתי לפסולים", ומפני מה אתם עושים דברים מכוערין ודברים שאינן ראויין, ומבעטים ביסורין הבאין עליכם, אבל מה אעשה כבר גזרתי עליכם שאתם תהיו בני ועבדי שנאמר "בני בכורי ישראל", ואומר "בנים אתם לד' אלוקיכם" ואומר "כי לי בני ישראל עבדים", ואומר "לכן כה אמר ד' צבקות הנני צורפם ובחנתים וגו' ואומר "וישב מצרף ומטהר כספ וטהר את בני לוי וזקק אותם כזהב וככסף והיו לד' מגישי מנחה בצדקה. ע"כ
איך האב א תנא דבי אליהו אהן קיין געהעריגע פי', אויב איינער האט די זיקוקון דנורא אויף דעם זאל ער ביטע ארויפלייגן. יש"כ

berlbalaguleh #

איך בין דאך א שטיקל משכיל. אויסער אן ארויני און א ציוני. אזוי זאגט מיר מיין מיינונג. נאר מ'קען דאך נאכקוקן.

נאר לפי פשוט זעהט אויס אזוי. ווייל "עינו" איז טייטש זיי האבן געפייניגט. און "עונו" מיט א ווא"ו איז טייטש זיי זענען געפייניגט געווארן...!

איך וויל נישט פארדרייען דעם אשכול, נאך אלעם איז דאס נישט אין שפראך פארום; אבער להוי ידוע איך האב שוין געשריבן מיין תגובה נאכ'ן נאכקוקן...
אין פסוק זעלבסט שטייט "ענו" (מיט א חיריק ע') און מאנכע שרייבן עס מיט א י' "עינו", אבער קיינער שרייבט נישט עונו, איך ווייס אפי' נישט אויב ס'דא אזא ווארט.

לגבי די ארוני און ציוני סטעיטמענט, איז מיר א פלא עצום, ווי קומט צו אייך אזא זאך, פארוואס האב איך עס נאך קיינמאל נישט געהערט פון אייך, עס איז מיר באמת א חידוש נפלא ואילו לא באת אלא בשביל זה דיינו...

הרב שמעקעדיג שליט"א: איך וועל ענטפערן על ראשון אחרון ועל אחרון מפטיר.

דאס אז איך בין אן ארויני און א ציוני איז א דבר ידוע לכל בר בי רב דחד יומא דא אין קאווע שטיבל. איך טראמפייטער עס ביי א יעדע געלעגנהייט.

איהר קענט זעהן לויט מיינע תגובות ביידע פאקטן. איך נעם מיך אן אש להבה פאר מהר"א שליט"א. אט דערפאר איז איינס פון די סיבות וואס איך באקום (לפי ערך) ווייניג לייקס. עכ"פ אויף די עניינים זיכער נישט. ווייל אפילו די געציילטע ארוינים דא אויף קאווע שטיבל האבן נישט די"גאטס" ארויסצוזאגן בפה מלא אז מהר"א איז א גוטער מנהיג פון אן עדה קדושה.

אויף די ערשטע שאלה: פון וויאזוי ס'שטייט אין פסוק איז נישט אייביג א ראיה. ווייל אמאל איז עס מלא און אמאל איז די זעלבע ווארט חסר.

נאר דער פשט איז זיכער א לשון נפעל. עונו זיי זענען געפייניגט געווארן. מיט א יו"ד וואלט געמיינט פועל. זיי האבן געפייניגט.

מ'האמיר דאך געשמועסט אז איך בין א (שטיקל) משכיל. און אונז משכילים האבמיר אייביג געלערנט דיקדוק...!

איי די רבי אין חדר האט אויסגעלאזט די דיקדוק רש"י'ס? די רבי האט אויך אויסגעלאזט א סאך אנדערע רש"י'ס מכמה טעמים שונים...!

ר' בערל, אביסעלע הומאר אין אדר פארנעמט איר אויך נישט?

איר מיינט טאקע אז איך ווייס נישט אז איר זענט אן ארונישע ציוני

יא: כ'האב פארגעסן צו זאגן אויך אז איך בין א תמימות'דיגער אונגערישער (פאפא'ער) איד. וואס מ'זאגט מיר דאס גלייב איך. (אפשר אויך א שטיקל סקווערער...נו, ס'איז דאך חודש אדר...!)

צומישט און צוחישט #

האב איך פונקט אנגעטראפן דעם תנא דבי אליהו, איך ווייס נישט פשט דערין אדרבה זאלן די תלמידי חכמים מסביר זיין. אליהו רבא פרק י"ח:

וכך שנו חכמים במשנה: עשרה יחסים עלו מבבל כהנים לויים וישראלים, גרים חרורי חללים ממזרים ונתינים, שתוקים ואסופים; אם הניח הקב"ה את ידו מישראל שנים ושלשה דורות זא"ז היו מתערבין אלו העשרה זה בזה והיו כשאר עמים, ואתם כפויי טובה מפני מה אין אתם מודים ומברכין ומשבחין לאביכם שבשמים שתפש אתכם בשתי ידיו על שתי זרועותיו והזהיר אתכם שלא תבואו לידי פסול שנאמר "אני ד' הוא שמי וכבודי לאחר לא אתן ותהילתי לפסולים", ומפני מה אתם עושים דברים מכוערין ודברים שאינן ראויין, ומבעטים ביסורין הבאין עליכם, אבל מה אעשה כבר גזרתי עליכם שאתם תהיו בני ועבדי שנאמר "בני בכורי ישראל", ואומר "בנים אתם לד' אלוקיכם" ואומר "כי לי בני ישראל עבדים", ואומר "לכן כה אמר ד' צבקות הנני צורפם ובחנתים וגו' ואומר "וישב מצרף ומטהר כסף וטהר את בני לוי וזקק אותם כזהב וככסף והיו לד' מגישי מנחה בצדקה.

איך האב א תנא דבי אליהו אהן קיין געהעריגע פי', אויב איינער האט די זיקוקון דנורא אויף דעם זאל ער ביטע ארויפלייגן. יש"כ

דער זיקוקין דנורא איז דאס מפרש אז די געדאנק פונעם מדרש איז אז הקב״ה ״משגיח עליהם תמיד שלא יתערבו בפסולים״ ע״ש. אבער אויף דעם האט דאך דר. נדב שנרב געשריבן אין דעם דיון לגבי נוצן די אגדה (יבמות עח: ויק״ר לב ו-ז) אז ממזרא דלא ידיע לא חיי טפי מי״ב חודש/ל׳ יום ודידיע ולא ידיע אינו חיי יותר מג׳ דורות:

לעניות דעתי אין מקום לערבב דברי אגדתא כגון אלו עם השיקול ההלכתי. למשל, הרבה אנשים דנו שקלו וטרו בשאלת גבולות א"י ולא זכור לי שניסו ליצור התאמה עם הדרישה שא"י היא ת"ק פרסה על ת"ק פרסה. גם הפוסקים, למיטב ידיעתי, לא התחשבו במות הממזרים, והיוצא מן הכלל הוא הבית שמואל באה"ע סימן ב ס״ק חי.

קהל'ס נער #

תשפג #

געווען א מעשה ביי ר׳ משה פיינשטיין ווען ער איז אמאל געווען סידור קידושין, די חתן׳ס מאמע האט געכאפט א התעוררת אונטערן חופה און געזאגט פאר ר׳ משה אז זי האט נאך קיינעם קיינמאל נישט פארציילט אבער דעי חתן איז ליידער א ממזר, ס׳געווארן שטיל די עולם האט געווארט צו זען וואס ס׳וועט געשען, אבער ר׳ משה מיט די פילסטע רואיגקייט רופט זיך אן ״אינה נאמנות״ א מאמע איז נישט באגלייבט צו פסל׳ן א קינד, צו ווערן א ממזר דארף מען האבן עדים און א פסק דין. (כך שמעתי)

אין הכי נמי, פאר נאמנות דארף מען עדים, אבער ס'נעמט נאך נישט אוועק די מאטעמאטישע איקוואציע.

אזויווי איינער וואז איז מחלל שבת אן עדים מיינט נישט אז ער איז א שומר שבת.

אחוץ אויב מען וועט זאגן אז ס'ווענדט זיך אין די שאלה, אויב א בוים פאלט טיף טיף אין וואלד און קיינער האט עס נישט געזעהן און קיינער גייט עס נישט זעהן, איז עס טאקע געפאלן?

אויב האט זי אויך געהאט **** מיט די מאן, אפי' מ'ווייסט קלאר אז די קינד קומט פון די בועל, נעמט מען אהן אז דאס איז א כשר קינד אין ער טאר נישט חתונה האבן מיט א ממזרת ער הייסט א כשר קינד, הלכה און מציאות האבן נישט דווקא א שייכות.

תשפג #

געווען א מעשה ביי ר׳ משה פיינשטיין ווען ער איז אמאל געווען סידור קידושין, די חתן׳ס מאמע האט געכאפט א התעוררת אונטערן חופה און געזאגט פאר ר׳ משה אז זי האט נאך קיינעם קיינמאל נישט פארציילט אבער דעי חתן איז ליידער א ממזר, ס׳געווארן שטיל די עולם האט געווארט צו זען וואס ס׳וועט געשען, אבער ר׳ משה מיט די פילסטע רואיגקייט רופט זיך אן ״אינה נאמנות״ א מאמע איז נישט באגלייבט צו פסל׳ן א קינד, צו ווערן א ממזר דארף מען האבן עדים און א פסק דין. (כך שמעתי)

א ענליכע מעשה איז געווען ביי א קעכערקע עולת רוסיא אין א חשובע ישיבה אין בני ברק בשנים קדמוניות, זי האט פארציילט פאר די בחורים משיח לפי תומה אז זי האט א מאן אין רוסלאנד וועלעכע האט נישט געקענט ארויף קומען מיט איר האט ער איר געגעבען רשות חתונה צו האבען מיט א צווייטען.... זי האט געהאט א בחור אין די יארען פון דעם צווייטען, אלע זענען דערציטערט געווארען, מען רעדט דאך דא פון א געהעריגע ממזר, איז מען געלאפען צום חזון איש [אדער פוניבוזער רב - שכחתי] האט ער גענטפערט מיט א פשטות: לא מפיה אנו חיים ואינה נאמנת.

לכאורה דארף מען נישט זיין ר' משה אדער די חזון איש צו פסק'ענען, ס'איז א אפענע שלחן ערוך וואס יא רוב דיינים חזר'ן בעיקר די הלכות וואס זענען נוגע, ממילא ווען ס'קומט אזא שאלה קענען זיי ווערן פארלוירן, לא כן די חזון איש און ר' משה וואס די גאנצע תורה איז זיי געליגן אין זייער מח אויפגעמישט.
אזוי טראכט איך.

exactly! that was the point, they stayed calm and focused

וואס טוט זיך מיט א פגום? דאכט זיך אז ס'איז א מחלוקת צווישן די סטייפלער און מנחת יצחק אויב ס'גייט אריבער צו די קינדער אויב יא וויפיל זענען נישט פגום?

תשפג #

געווען א מעשה ביי ר׳ משה פיינשטיין ווען ער איז אמאל געווען סידור קידושין, די חתן׳ס מאמע האט געכאפט א התעוררת אונטערן חופה און געזאגט פאר ר׳ משה אז זי האט נאך קיינעם קיינמאל נישט פארציילט אבער דעי חתן איז ליידער א ממזר, ס׳געווארן שטיל די עולם האט געווארט צו זען וואס ס׳וועט געשען, אבער ר׳ משה מיט די פילסטע רואיגקייט רופט זיך אן ״אינה נאמנות״ א מאמע איז נישט באגלייבט צו פסל׳ן א קינד, צו ווערן א ממזר דארף מען האבן עדים און א פסק דין. (כך שמעתי)

געדענק איך אז עס איז דא א ווידאו דערפון, איך האב עס נישא געקענט אפיר זיכן, אויב איינער האט עס זאל ער ביטע ארוילייגן.