צווישן האמער און נאגל. די מדנ"י-כאמאס קאנפליקט.

ברוך שפינוזה #

טמיר

די בעסטע מערסט באלאנסירטע אנאליז איבער די פאלעסטינע קאנפליקט. נאך אלע "בעסטע" וואס כ'האב שוין געזען ביז יעצט, איז דאס "די" בעסטע

זייער שיין. הגם באמת אינטערעסירט מיר גאנץ קנאפ די גאנצע פאלעסטינע פאליטיק, בכלל די ווארט "באלאנצירט" איבעלט מיר געפערליך און ברענגט מיר ליטעראלי צו ברעכן, ס'איז די ערשטע לינק אין דעם אשכול (אויסער די שמואלי בוטח) אויף וואס איך האב בכלל געקליקט, איך ווייס נישט פארוואס, מעגליך אז איך האב פשוט געוואלט זעהן וואס דו רופסט אן באלאנצירט... למעשה האט דער פראפעסאר גאר א געשמאקע טעם זקנים, יעדעס ווארט זיינעם איז אויסצושמאטשקען 👍 בכלל האב איך זייער הנאה געהאט ווי ער מיידט אויס די אלע woke דילעמאס און קירעוועט צוריק דעם שמועס אויף א נארמאלן ריכטונג, ער איז נישט פאר און נישט קעגן, ס'פשוט דא וויכטיגערע אישוס מיט וואס זיך צו ספראווען ווי די אלע פריש געבאקענע "פראבלעמען" וואס פלאגן די היינטיגע לאנגווייליגע יוגנט. ווי אויך איז מיר זייער געפאלן ווי ער נוצט די ווארט enterprise 😂

בר גיורא #

https://youtu.be/I_Sh-ERypMA?si=HUWa_LtCp2QcAEBZ

נישטא קיין ווערטער...
יחיא סינוואר איז ביי אים מרדכי אנילאוויץ..
גאזא איז די ווארשע געטא.
נישטא קיין חילוק פאלעסטינער/חאמאס.

איך וואלט געראטען יוחנן סינוואר אים צי אויפנעמען אלס ווארטזאגער..
זיין שטאטע רעדן, אין טרערן געשטיקטע שטימע, איז סאך מער איבעצייגנד ווי דער אבו אבידייה מיט זיין שמאטע אויפען קאפ,(אפילו שב"כ האט שוין ארויסגעגעבן בילדער פון אים..)
און ווילדע סלאגאנען אין לעבעדיגע מוזיק!!.

מאטי #

און זיי האבן נאך אנגעהאלטן א מערהייט אין לאנד אפילו דערנאך, ביז, לפי עטליכע היסטאריקער, אזוי נאנט ווי 300 יאר צוריק.

סקעפטיקער #

מאטי #

און זיי האבן נאך אנגעהאלטן א מערהייט אין לאנד אפילו דערנאך, ביז, לפי עטליכע היסטאריקער, אזוי נאנט ווי 300 יאר צוריק.

די אידן האבן געהאט א מערהייט ביז 300 יאר צוריק?

כרם זית #

דער מחמד דערמאנט מיר פון ר' יוסף מזרחי.

אלפא #

בנפול רשעים רינה.

קען נישט זיין קיין בעסערע דעמאנסטראציע פון די טפשות און פאלאסיס פון טשענק - TYT!




איך גיי נישט אריינגיין אין אויסשמועסן יעדע פאלאסי זיינע און ווי ער גייט ראנג, ווייל אין איין ווארט איז עס איין שטיק פאלאסי!
פון שטרוימאנען יעדע נארמאלע ארגומענט, פון איגנארירענדיג יעדע נקודה צום טיש, פון זיין אנריאליסטיש מיטן מציאות אויפן גראונד און זיין אווער אפטימיסטיק (צו איין זייט). טשעקס עס אליין אויס אויב האט איר גענוג שטארקע נערוון צו אויסהערן ערשטע קלאס נאן-סענס און איינהאלטן אייער גרומצארן..

צוויי קליינע נקודות.
1. ער איז (בכלליות) זייער א נערוועזע מענטש, ער קען נישט מאכן איין סטעיטמענט אן שרייען וואנזינג און זיך צו'הרג'נען מיט יעדער וואס האלט אפי' נישט אנדערש, ער קען נישט טאלערירן קיין בעסיר קאמאן סענס פארקערט ווי אים. וויאזוי פארלאנגט ער פון א"י נישט צו ווערן נערוועז, איינגיין אויף א 'שלום', און טאלערירן אסאך ערגערע זאכן ווי א מינימאלע מיינונגס-פארשידענהייט?!

2. ער הייבט אן אז ער איז נישט אנטיסעמיטיק וכו'. איך בין נאר נייגעריג וויאזוי ער וואלט גע'דזשאדזשד איינער וואס האט אן ענליכע רעטאריק צו עני אנדערע ראסע - איינער וואס פרעסיווד יעדע עקשאן פון א געוויסע גרופע אלס אינהערענטלי שלעכט מאטיווירט?!
נאך מער, ווען איינער זאגט אז פאלעסטינער ווילן ווייעלענס און די איינציגסטע וועג מיט זיי איז בזרוע נטויה ווערט ער ווילד אז דאס איז הוילע ראסיזם, ווען די פאללס ווייזן אז די מערהייט פאלעסטינער שטיצן כאמאס און טעראר טארן די רעכטע אין מדנ"י ח"ו נישט רעאקטן מיט די מיואש'דיגע רעטאריק. אבער ווען ער באשילדיגט מדנ"י אין וועלן הרג'נען סתם ציווילע, ווען ער האלט יעדער איזרעילי רעספאנסיבל פארן זיך נישט אנקעגנשטעלן ביבי מיט זיינע פאליסיס, ווען ער האלט בלויז מדנ"י פאר די 'שלעכטע אקופירער' אפגעזען וואס דאס קומט צו אפהאלטן, דאס איז אין זיין מיינונג ווייט פון prejudice, ראסיזם, אדער אנטי-סעמיטיזם... איז עס?

אלע צוזאמען #

כ’האב עס געשריבן פאר חברים, ע’ל איך עס ארויפלייגן דא אויך.
א קורצע אנאליז וואס טוט זיך ארום די פארהאנדלונגען מיט די טעראריסטן.

לאמיר אנהייבן מיטן קעניג, ’ביבי’, גלייך נאך די ברוטאלע אטאקע שמחות תורה האט ער ארויסגעלייגט דריי גאר שווערע צילן וואס די לאנד האט ארויסגעשריגן.
1 ענדיגן חאמאס, פארמאכן די ארגענעזאציע.
2 אהיימברענגן אלע חטופים.
3 זיכער מאכן אז עזה איז מער קיינמאל נישט קיין שטער פאר רואיגקייט פאר די הייליגע לאנד.
ס’איז דריי זייער שווערע טעסקס, כמעט אוממעגליך צו עררייכן, נאך אלץ האט עס ביבי געשטעלט ווייל ער האט עס געוואלט, און געמוזט, די לאנד איז שוין מיד פון נאכאנאדע אטאקעס און ראקעטן באראדזשן פון גאזא.

איז יעצט ווען עס קומט צו פארהאנדלן וויל ער נישט, און קען נישט אראפקריכן פונעם הויכן בוים, ער קען באשטיין עס אביסל אפצושטיפן, אבער ער איז בכלל נישט אינטערסירט און פארהאנדלן מיט די נאציס.

די נעקסטער שפילער ביים פארהאנדלונג’ס טיש, איז אונזער אלטער נער אונעם ווייסן הויז, ער ברויך א שלום דיעל צווישן מדינ’’ת און ’סאדיע אראביע’ ASAP ער שטייט אין א וואל יאר מיט שטארקע שאנסן אז זיין פארגייער גייט אים פארוואגלען פון וואשינגטאן די סי, און ביזדערווייל האט ער כמעטמגארנישט צו ווייזן עפעס סוקסעסן פארן אמעריקאנעם גאס, איין שטארקע זאך האט ער יא, דאס אז די עקענאמיע האט זיך נאך נישט צוזאמגעלייגט, קעגן וואס איז געווען אנגענומען און ערווארטעט ביי אלע עקענאמיסטן און ביזנעסלייט, נישט אז ס’איז מורא’דיג גוט, אבער א דיזעסטער איז אויף דערווייל פארמיטן געווארן.
איז ער, ’ביידען’, שטופט פאר עני דיעל, ער זאל קענען קימען מיט עפעס, דערקלערן זיג.

די קומענדיגע שפילער דא, איז דער שטן אליינס, דער בלוט דארשטיגער טעראר גרופע חאמאס, זיי ווייסן אז מיט יעדע משכון באפרייט, איז נאך א געווינער קארטל ארויס פון זייער האנט, דעריבער ניצן זיי עס זייער פארזיכטיג, צו דעם קומט צי, אז ביי די פריעדיגע אפמאכן האבן זיי מיאוס דערלייגט, זיי האבן צירוק באקומען נאר קינדער, פרויען און קראנקע וואס האבן געוואלט דורכפירן טעראר אטאקעס, נישט קיין שאהידן און באקאנטע נעמען, איז זיי זענען זייער אנגעווייטאגט דעריבער שלעפן זיי יעצט ארום.

’סאדיע אראביע’ איז נישט קיין רעלעוואנטע שותף אהער, נאר אלץ די סופער-פאוער אין דעם ראיאן, און פאר די פריער דערמאנטע סיבה, ווערט זיין נאמען דערמאנט אהער.

דער אלטער פרעה פון מצרים איז אויך ביים שאך ברעטל, מער פאר די לאגיסטיק’ס, אלץ דער וואס טיילט גרעניץ מיט עזה אין מדינת ישראל, דארף מען זיין הילף אהער.
ערגעץ צווישן די אלע זיצט דער אנגעפרעסענער שעיך פון קאטאר מיט אסאך בלוט אויף זיין הענט, ער האט זייער אסאך וואס מורא צו האבן פאר ווען די מלחמה ענדיגט זיך, ער ווייסט אז ער איז נעקסט פאר איזרעלי טארגעטעד אסאסינאציעס, א שיינע פאר טעראר פירער באהאלטן זיך אונטער זיין פארטוך, און ווי נאר די מוסד קען, גייען זיי זיכער פרובירן אומצוברענגן די אלע, און די מדינה האט נישט קיין פראבלעם אריינצוגיין ביי יענעם אינדערהיים, וועגן דעם קענען זיי באשטיין ארום צו שלעפן די צייט עד שיבוא...

ס’דא נאך זיצער’ס ביים טיש, דאס זענען די איזרעלי פאליטיקאנטן, יעצט איז דא אן אחדות רעגירונג, וואס דאס מיינט אז ’בעני גאנץ’ און ’גאדי אייזענקאט’ מענטשן וואס זענען בכלל נישט אין ליין מיט די נתניהו רעגירונג שטעלע, האבן א ווארט בנוגע וויאזוי די מלחמה זאל געפירט ווערן, און זיי הארגענען און רצח’נן זיך ארום מיט די רעכטע מיניסטארן ווי בן גביר און בצלאל סמוטריץ, וואס די לעצטע ווילן אז מ’זאל זיך אומגיין גאר שארף מיט די טעראריסטן, בעת וואס ’גאנץ און אייזענקאט’ ווילן זיין מער נאכגעביג, דאס האט צוגעברענגט צו די יעצטיגע מצב אז ’בען גביר’ זאל סטראשען אראפ צו ברענגן די רעגירונג.

סוף טוב הכל טוב #

קעניג ביבי וויל פארציהען די מלחמה ווייל דערנאך איז ער דערנאך.
זיינע לעגאלע פראבלעמען + זיינע נידריגע נומערן אין די לעצטע סקרים + זיין שולד פאר שיקן די אלע יארן געלט פאר חאמאס + זיין דער וואס איז סוכ"ס אחראי פאר אקטאבער 7.

אלע צוזאמען #

יעדע מאל איך הער די ווארט ’אינטערנאצינאלע געזעץ/קאורט’ מיין בלוט הייבט אן קאכן און זידן, ס’איז עפעס א [שרייב נישט קיין אומאיידעלע ווערטער. מנהל] אויסגעבויגענע לינקע וועג פון טראכטן אז די יוקל וואס זיצט אינטערן וואסער אין האלאנד, קען עפעס איינעם איינטיילן וואס צו טון און וויאזוי זיך אויפצופירן, און די אבוסרד’ע איידיע אז די צופארענע דיקטאטור אין עני פלאץ אין די וועלט, וועט זיך צוהערן צו זיי, מאכט מיך שטיקן פון געלעכטער.

אלפא #

סתם פאר די רעקארד, מדנ"י האט נאך אין זייער עקזיסטענס נישט מסכים געווען זיך ארויסצוצוען פון די מערב ברעג אינגאנצן, דאס מערסטע מיין איך איז געווען 92 פראצענט דערפון, (זיי דערמאנען עס אויפן שמועס) צו וואס די פאלעסטינער האבן נישט מסכים געווען טיילווייז ווייל איינמאל דאס גייט דורך קענען זיי זיך הענגען צו האקומען נאך א ברעקל (עכ"פ אין זייער פרעסעפציע).
נעווער מיינד דעם יעצטיגן גאווערמענט וואס איז נישט גרייט פאר גארנישט אפי' נישט צו דיין גלענצענדע געדאנק, און זיי מאכן דערפון נישט קיין סוד.

אלפא #

סתם פאר די רעקארד, מדנ"י האט נאך אין זייער עקזיסטענס נישט מסכים געווען זיך ארויסצוצוען פון די מערב ברעג אינגאנצן, דאס מערסטע מיין איך איז געווען 92 פראצענט דערפון, (זיי דערמאנען עס אויפן שמועס) צו וואס די פאלעסטינער האבן נישט מסכים געווען טיילווייז ווייל איינמאל דאס גייט דורך קענען זיי זיך הענגען צו האקומען נאך א ברעקל (עכ"פ אין זייער פרעסעפציע).
נעווער מיינד דעם יעצטיגן גאווערמענט וואס איז נישט גרייט פאר גארנישט אפי' נישט צו דיין גלענצענדע געדאנק, און זיי מאכן דערפון נישט קיין סוד.

אלפא #

עס איז צייט צוריקצוגיין צום אנפאנג אשכול, און נאכפאלגן מיט אן אפדעיט.
איז אזוי:




דא האמיר א לאנג ערווארטעטע דעבאטע איבער די מדנ"י-פאלעסטינע קאנפליקט, אנגעפירט ביי לעקס פרידמאן, צווישן פיר עקספערטן" אין דעם נושא..
נארמאן פינקעלשטיין - אן היסטאריען און קריטיקירער פון מדינת ישראל,
בעני מאריס - אן היסטאריען בעד מדינת ישראל,
מואין ראבאני - אן אנאליסט איבערן מיטל מזרח און קריטיקירער פון מדנ"י,
סטיווען באנעל (המכונה דעסטיני) - א פאליטישע קאמענטירער בעד מדנ"י,

מ'קען אריינגיין א לענגס און א ברייטס איבער די פארם און אויסשטעל פון דעם שמועס אליין, אבער דאס וואלט פארשטייט זיך גענומען כאטש 5 שעה...
איין אבזערוואציע יא, נארמאן ענדיגט נישט צוצייכענען ביכער און מקורות בעת וואס קיין גראדע ארגומענט קען ער נישט שטעלן, ער שטרוימאן'ט בעני מאריס א היבשע פאר מאל מיטן ציטירן זיינע ביכער ארויס פון קאנטעקסט ווען דער בעל השמועה איז עומד לפניו, ער רייסט אראפ סטיווען באנעל אומאויפהערבאר מיט אד האמינם אטאקעס, און ענדיגט נישט שרייען ווי באגלייבט ער (אדער אנדערע וועם ער ציטירט) איז בלויז פאר דעם פאקט פון זיין אן 'עקספערט'...
מ'קען רואיגערהייט אויסשניידן זיינע שטיקלעך און די שמועס איז פונקט אזוי אינפארמאטיוו... אבער דאס איז נאר א זייטיגע נאטיץ.


די עצם דיסקוסיע קומט למעשה אראפ צו צוויי הויפט חלקים. 1. די שאלה איבער די לעגיטימאציע (עטיש און פאליטיש) פון די רעיון והקמת המדינה בכלל. און 2. די שאלה איבער די נאכפאלגענדע און היינטיגע קאנדוקט פון ביידע - סיי מדנ"י און סיי די פאלעסטינע בשייכות איינער דעם צווייטן. [זיי רעדן דארטן אויך איבער די מעגליכקייט פאר א שלום פלאן, ווי אויך איז אינטרעסאנט צו אנאלאזירן די אבנארמאלע ריס וואס עס הערשט צווישן יעדער וואס רירט נאר אן דעם סוביעקט און פארוואס עס איז אזא דיווייסיוו נושא, אבער איך מיין דאס איז סוכ"ס נאך א תוצאה פון די עצם דעבאטע און שטעלונג וואס מ'האט אין די צוויי פריער-דערמאנטע חלקים.]

די ערשטע שאלה איבער דעם געדאנק פון אוועקשטעלן א מדינה אין א שטח וואו פאלעסטינער האבן (כלומר'שט) דאמינירט, נעמט אריין א געוואלד פון היסטארישע פאקטן און אפטייטשן.
- סיי צו מ'נעמט אן די טענה אז אידן האבן א רעכט צוריקצוגיין נאך טויזענטער יאר צו זייער 'היימלאנד' און צו דאס מאכט עס ווייניגער היימלאנד פאר פאלעסטינער,
- סיי צו מ'קוקט בכלל אן פאלעסטינער אראבער ווי א אינדיגענעאס פאלק אינעם שטח,
- צו די פאקט אז אראבער האבן אזויפיל אנדערע פלעצער בארעכטיגט אוועקצונעמען פון זיי עפעס,
- צו בריטען און די UN האבן בכלל וואס איינצוטיילן לגבי אנדערע לענדער - און אין דעם איז נכלל א שאלה אויב היינט וואלטן די UN אויך אזוי געטון ווי דאן, און אויב נישט, וואס זענען די השלכות פון אזא געדאנק,
- וואס פונקטליך איז געווען די רעיון הציונות - וויפיל געוויכט האט עס געלייגט אויפן געדאנק פון זען די אראבער ארויס פון דארט מיט גוטן אדער בייזן, (מאכט א נ"מ די מיטל?), און וויאזוי מ'לערנט אפ די שפעטערע פארסירונגען אין דעם ליכט, אזוי אויך אפי' אויב איז עס יא געווען א חלק פונעם געדאנק, איז עס געווען איינגעפעדעמט אין אפציעלע פאליסיס? איז עס בכלל א נפקא מינה?
- וויפיל האבן די אידישע טעראר ארגאניזאציעס באמת געהאט שייכות מיט די מעין סטריעם רעיון הציונות?
- איז געווען ראציאנאל פאר די פאלעסטינער אפצושלאגן א צוויי-שטאטן מאנדאט, אדער דעם ספעציפישן פון 1948? וואס טוט זיך לגבי זייערע פחד אז זיי גייען ווערן פארטריבן?
און אזוי ווייטער.

מ'קען אויך אריינגיין דא מער אין פרטים אין די צילן און מיטלען סיי פון די ציונים און סיי פון די אראבער אין יענע תקופה, אבער דאס פארט שוין אריין אין די צווייטע חלק - וויאזוי מ'קוקט אן לכתחילה און מיט וועלכע בייעס (prejudice) מ'טרעט צו צום שמועס איבער ווער עס איז בארעכטיגט אין דעם פארצויגענעם ענדלאזע קאנפליקט, ווער עס האט דעם מאראלע-הויכע-גראונד, און ווער איז מער באגלייבט וכו'.

די צווייטע חלק ווי נארוואס געזאגט, פארנעמט זיך איבער דעם שאלה פון למעשה, ס'איז שוין א מצב פון הדביק פת בתנור - די מציאות איז שוין דא, וואס יעצט? און עס גייט טיפער ווי דעם, וועמענס צד נעמט מען אן נאך איידער מ'הייבט אן דיסקוסירן?
- איז מדנ"י מער באגלייבט ווייל זיי זענען א דעמאקראטיע, אדער קען מען נישט גלייבן קיין ג'ענאסיידעל-אפארטהייד לאנד? איז עס בכלל? ווער קען באשליסן איבער דעם?
- זענען די פאלעסטינער בארעכטיגט צו יעדע סארט מעגליכע רעסיסטענס, אדער איז עס ריין טעראריזם?
- אפערירט די מדנ"י מיליטער אן פון אויבן אראפ מיט ארגאנעזירטע בייזוויליגע אקטן אנקעגן ציווילע, אדער איז דאס כאמאס וואס טוט אזוי?
- איז די (שוין געטוישטע) טשארטער פון כאמאס אן אנדייטונג אויף זייערע שלעכטס, אדער זענען די מימרות פון מדנ"י הויפטן ערגער?
- איז די נתניהו רעגירונג א ריסנאבעל רעגירונג, אדער רעפרעזענט כאמאס אלע פאלעסטינער?
- טוט די שמחה פון די עזה איינוואוינער אויף OCT 7 בארעכטיגן די שטראף, אדער קען מען זאגן די זעלבע לגבי מדנ"י?
- טוען זיי אנאקסירן די מערב ברעג פשוט צו האלטן קרימינאלן אונטער קאנטראל, אדער איז דאס וואס איז גורם די קרימינאלן?
- איז עזה א תפיסה און מדנ"י האט דערויף א בלאקאדע, אדער איז דאס די איינציגסטע זאך וואס זיי קענען טון?
- איז די פאקט אז כאמאס רעדט נאר פון טערעראזירן מדנ"י - און נישט אידן איבער די וועלט - אן אנדייטונג אז זיי מיינען בלויז פאליטיק, אדער זענען די אלע 'איסלאמיסטישע' אטאקעס און גרופעס אן אנדייטונג אויף עפעס טיפער?
- קען מען גלייבן די 'כאמאס נומערן' איבער די צאל טויטע אין עזה, אדער האבן זיי ניטאמאל גע'האקט קעפ שמחת תורה?
- אויב מדנ"י האט מען שוין דערווישט מיט גענוג ליגנטס און קריג פארברעבנס בעבר קען מען זיי גלייבן איבער שמחת תורה און איבער די מלחמה?
- האט די אלע UN רעזאלוציעס עפעס האפט, אדער דארפן די פאלעסטינער זיי אויך נישט אננעמען בכלל לגבי דעם הקמת המדינה?
- ווילן מדנ"י באמת שלום נאר די פאלעסטינער זאגן עס אייביג אפ, אדער זענען די פארשלאגן קיינמאל נישט געווען צופרידנשטעלנד (קוק עס אן ווי די יעצטיגע אפמאכן וואס מדנ"י ווארפט אפ..) און נאך א שלום וואלטן זיי קיינמאל גארנישט געקענט ערווארטן מער?

מ'קען גיין ווייטער און ווייטער דערמיט, און מ'קען דאן נעמען יעדע ארגומענט און קאנטער ארגומעט און בויען פון פריש דערויף א געביידע פון ארגומענטן און קאונטער ארגומענטן.
אביסל פילט זיך עס ווי א דעד-ענד וואס ווי געשמועסט דא קען צומאל למעשה ווערן אויסגע'פסק'נט נאר דורך געפיל.

אבער ווי געזאגט, יעדע אבער ממש יעדע אזא דעבאטע הייבט זיך אן אויפן דריטן שטאק שוין, מ'גייט קיינמאל נישט אראפ עסטעבלישן און זיך אויס'טענה'ן איבער די בעסיקס אויף וואס די אלע ארגומענטן ליגן, נעמליך, וויאזוי די פאראמעטערס ווערן געבויט און וועמענ'ס ווארט מ'נעמט ענדערש אן לכתחילה, וועלכע זאכן זענען א מונח און וועלכע זאכן גייט מען טשעלענדזשן (וואס ווי עס שיינט האבן ביידע זייטן א געוויסע דאבל-סטאנדארט דערין)...

עס בלייבט נאר איבער צום האפן אז ערגעצוואו גייען ביידע זייטן מוזן איינזען אז די בעסטע אפציע איז יא אנצוהייבן אויסהערן איינער דעם צווייטן (-אנגעהויבן ביי די מענטשן וועלכע דעבאטירן עס נאר...), און דאס וועט זיך דאן קענען איבערגיסן צו מער סימפאטיע און באוויליגונג איינצוגעבן פון ביידע זייטן אביסל, למען השלום.
די פראבלעם איז נאר, אז למעשה האט מדנ"י כמעט אייביג דעם אויבערהאנט מיליטעריש וממילא האבן זיי נישט באמת קיין סיבה צו דארפן אנפאנגען איינגעבן, ווי אויך איז זייער שווער יעצט אז דאס זאל געלאזט ווערן פאסירן, עס וועט נאך אויסקוקן ווי חוטא נשכר - די טעראר האט צום סוף געווינען זייער מערכה. אבער למעשה, אויב זאגט מדנ"י איינער פון די צוויי ארגומענטן הויעך (-וואס זיי טוען), האקן זיי זיך אליינס אונטער די פיס אז זיי ווילן אייביג נאר שלום און די פאלעסטינער זענען די שלעכטע, ווייל עס מאלט זיך נישט ביי קיינעם אין געדאנק אז 'מסכים זיין' צו א שלום ווי מ'דארף גארנישט איינגעבן הייסט בכלל אן הסכמה...

ודי בזה.