הויפט זייט » פארברענגען » געזעלשאפט » אינטערנעט און אידישקייט » איבער'ן אינטערנעט און דער מערכה דערקעגן

איבער'ן אינטערנעט און דער מערכה דערקעגן

199 פאסטס אין ארכיוו · אשכול #1478

וחלופיהן » מאנטאג אוגוסט 20, 2012 9:33 pm

· #37508

די גאנצע אידיי פון רעדען פון א טיילונג זעט מיר אויס שרעקלעך קוימיש און אפילו קינדעריש. אין א וועלט פאר גלאבאליזאציע און מאסען קאמיוניקיישנס און אין א וועלט וואו עס איז געווען איין קהלה, איין רב, איין שיל וכדומה ווי אין אונגארן בשעתן פירוד האט מען זיך געקענט אפטיילען. היינט ווער גייט זיך טיילען פון וועם? חסידים פון עקסטרעמע חסידים? פוק חזי ווי עס האט אויסגעזען ביי דף היומי וואו 90 טויזנט מענטשן שומרי תו"מ האבן פארברענגט לכבודה של תורה און וואו חסידים האבן שוואך געשפילט א ראלע. רוב רובם פון זיי האבן מן הסתם אינטערנעט אין דער היים און זיכער ביים ארבעט און א גרויסער חלק האבן לכאורה אויך סמארטפאוינס וכדומה. זיי וועלן זיך אפטיילען? מען וועט זיך פון זיי אפטיילען? חסידים האבן כמעט אויף זיי נישט קיין שום השפעה אויסער אפאר נארישע בילדער אין המודיע. די פרומע לייקוואדער זענען אויך א מיעוט שבמיעוט.

איז רעדט מען אז די עקסטרעמסטע חסידים אין אמעריקא ווי סאטמאר וואס שפילען גאנץ א שוואכע ראלע אין כלל לעבען וועלען זיך אפטיילען פון זיך אליין. און די אן אינטערנעט וועלען זיין אדער די ליגנערס אדער די גאר פרומע (אז איר האלט נישט דאס איז היינו הך) וואס פארדינען קוים. הגע בעצמך צי דאס איז שייך. סאטמאר איז שוין איינמאל צוטיילט סייווי וועט מען יעצט האבן א דריטע סארט, אינטערוינים. זייערע כוח קען מען זען פון דעם אז ליפא טאנצט ארום אין צה"ל מונדירען און איך גלייב נישט ער האט געהאט אפילו איין קאנצעליישן.

דער בעל דרשן ביים סיטיפילד אסיפה האט גערעדט פון א פילוג און ער איז געווען איין גרויסער דזאק און איך פארשטיי נישט ווי עמעצער קען דאס נעמען ערנסט.

אינטערנעט וועט ווערן ווי לשון הרע, יעדער וועט שרייען און יעדער וועט טון כנפשו בסתר ובגלוי.

בן תמליון » מאנטאג אוגוסט 20, 2012 9:39 pm

· #37517

וחלופיהן
די גאנצע אידיי פון רעדען פון א טיילונג זעט מיר אויס שרעקלעך קוימיש און אפילו קינדעריש. אין א וועלט פאר גלאבאליזאציע און מאסען קאמיוניקיישנס און אין א וועלט וואו עס איז געווען איין קהלה, איין רב, איין שיל וכדומה ווי אין אונגארן בשעתן פירוד האט מען זיך געקענט אפטיילען. היינט ווער גייט זיך טיילען פון וועם? חסידים פון עקסטרעמע חסידים? פוק חזי ווי עס האט אויסגעזען ביי דף היומי וואו 90 טויזנט מענטשן שומרי תו"מ האבן פארברענגט לכבודה של תורה און וואו חסידים האבן שוואך געשפילט א ראלע. רוב רובם פון זיי האבן מן הסתם אינטערנעט אין דער היים און זיכער ביים ארבעט און א גרויסער חלק האבן לכאורה אויך סמארטפאוינס וכדומה. זיי וועלן זיך אפטיילען? מען וועט זיך פון זיי אפטיילען? חסידים האבן כמעט אויף זיי נישט קיין שום השפעה אויסער אפאר נארישע בילדער אין המודיע. די פרומע לייקוואדער זענען אויך א מיעוט שבמיעוט.

איז רעדט מען אז די עקסטרעמסטע חסידים אין אמעריקא ווי סאטמאר וואס שפילען גאנץ א שוואכע ראלע אין כלל לעבען וועלען זיך אפטיילען פון זיך אליין. און די אן אינטערנעט וועלען זיין אדער די ליגנערס אדער די גאר פרומע (אז איר האלט נישט דאס איז היינו הך) וואס פארדינען קוים. הגע בעצמך צי דאס איז שייך. סאטמאר איז שוין איינמאל צוטיילט סייווי וועט מען יעצט האבן א דריטע סארט, אינטערוינים. זייערע כוח קען מען זען פון דעם אז ליפא טאנצט ארום אין צה"ל מונדירען און איך גלייב נישט ער האט געהאט אפילו איין קאנצעליישן.

דער בעל דרשן ביים סיטיפילד אסיפה האט גערעדט פון א פילוג און ער איז געווען איין גרויסער דזאק און איך פארשטיי נישט ווי עמעצער קען דאס נעמען ערנסט.

אינטערנעט וועט ווערן ווי לשון הרע, יעדער וועט שרייען און יעדער וועט טון כנפשו בסתר ובגלוי.

איר זאגט פיין. עס איז בולט אייער אידיש, חאטש א ריינער, איז נישט א היימישער אדער חסידישער. וואונדערט מיר פון וואו אהין קומט אייער גוטן אידיש. (אדער יידיש?).

יידל » דינסטאג אוגוסט 21, 2012 2:08 pm

· #37880

איין קאמענטארער שרייבט דארט ווי פאלגנד:
I always come back to the same thing. If your faith is so weak that exposure to things make you waver, then how strong was your faith to begin with?

Which speaks to the very dictatorial nature of the very religious. They are terrified their flocks will wander and so clamp down on information and propagate only their worldview. Somebody who truly had faith would say "I think my way is best, but here is what the world is, if you choose to follow this religion then I will be here for you".

Not surprising at all that when people are exposed to the real world, they choose it over a life of ignorance.

איך אויך » דינסטאג אוגוסט 21, 2012 11:00 pm

· #38225

ברענג אויך די אנדערע העדליינס דארט אוין זעלבן בלאט.

.Help! I Had a Fling With a Married Man. Now His Wife Won’t Stop Calling me

Abortion for rape victims isn’t just a women’s issue. It’s a crime issue.

.Help! I Lied and Told Our Son the Dog Died. Now He Wants To Exhume the Body

Opening Act: The Skinnydippers

וכדומה, אדרבא פאר וועם עס שמעקט די גרויסע גליקן פון אזא לייפסטייל קען זיך גיין געזונטערהייט, מיר האבן גענוג חסר דעה'ס.

געפילטע פיש » דינסטאג אוגוסט 21, 2012 11:18 pm

· #38234

Shoot the messenger, very smart.

נולד מאוחר » מיטוואך אוגוסט 22, 2012 1:29 am

· #38264

DotCom

ועוד, אז דו רעדסט שוין פון פרעגן, איך זוך שוין לאנג איינער א היימישער מיט וועם אדורכשמועסן די ענינים, איינמאל ווען כאב שוין גענומען די גאטס צוצוגיין צו א גאר חשוב'ן אארויפגעקוקטן איד האט ער מיר געזאגט אז קשיות קומען צוליב פגם הברית... א מין תירוץ.

כ'מיין איך ווייס ווער דער גאר חשוב'ער איד איז ער שרייבט דא

נולד מאוחר » מיטוואך אוגוסט 22, 2012 2:12 am

· #38271

[ציטאט אראפגענומען]

אביסל אן אאנדרע געדאנק. איך פארשטיין וואס ער זאגט, סאיז נאר א שאלה צי ער איז גערעכט.

גלעזעלע » זונטאג סעפטעמבער 9, 2012 4:06 pm

· #44708

DotCom
א מענטש וואס זאגט קלאר ער גלייבט נישט אין גאט רח"ל טאר מען זיך מיט אים נישט טענה'ן! כבעט ענק אחי ורעי! ענדערש עפענטס אויף עקסטערע אשכולות און דיסקוטירט דארט אלעס אפענערהייט, זיינערייד זענען נישט אזוי פשוט און מ'קען און מ'מעג דיסקוטירן, (באמת האט מען שוין יעדע זאך גערעדט דא כמ"פ) אבער נישט מיט אים! אין משיבין לאפיקורס!

מען טענה’ט זיך, צו איז דער שרייבער גלויביג צו נישט, און צו מען מעג/זאל איהם צוריקענטפערן.

צום הייליגען בארדיטשובער האט א חסיד זיינער זיך דערקלערט אז ער גלייבט נישט אין גאט! האט אים דער רבי גענטפערט: בארואיגט אייך, אין דעם גאט וואס דו גלויבסט נישט, גלייב איך אויך נישט.

עס קומט פאר פון די וויכוחים, אז די טאטאלע נושא פון טרוקען אמונה, יא גלייבן צו נישט גלייבן, איז מער ווייניגער נישט רעלעוואנט, נאר כלפי די מצוות מעשיות פון דעם פריוואטען מענטש.
לדוגמא: אויב וואלט דער שרייבער געזאגט אז נאך זיין קלארע הכרה אז לית מנהיג לבירה, איז איהם דאך גרינגער און פראקטישער צו מקיים זייו אלע מצוות בגלוי ובסתר. דאן וואלטן רוב טענות פון די שרייערס נעלם געווארן, און עס וואלט זיך קלאר געשטעלט אז בנוגע די פארעם פון אידישקייט וואס מיר פראקטיצירן היינט, זענען די מיינונגען פונעם מאמין און כופר אקוראט גלייך. און זאל זיך אמנון יצחק אויס'טענה'ן מיט ריטשארד דאקינס אז ער וויל, אבער צום היימישען שבת שמועס וועט עס קיינמאל נישט אריינקומען.

דער שרייבער האט געקענט שרייבן נאך 10 בלעטער פון לאגיק און זיינע אבזערוואציעס, און עס וואלט נישט ארויסגערינען צו ער גלויבט צו נישט. זיין איינציגסטע וועג אייך צו מודיע זיין אז ער איז א כופר, איז זיך אליינס דערקלערען אלס איינס. עפעס שמעקט נישט בסדר מיט א מצב, ווען "אין משיבין לאפיקורס" איז פשוט ווייל אלע זענען מסכים צו כמעט אלעס וואס ער האלט.

גלעזעלע » זונטאג סעפטעמבער 9, 2012 9:57 pm

· #44826

[ציטאט אראפגענומען]

יאנקל מזל טוב צום 1000 לייקס. און אז דער בעל שמחה בעהט מען זאל זיך זעצן גיי איך נישט קיין ערגעץ.

אנטשולדיגט אז איך בין אנטשלאפן געווארן. אבער היינט ביי סליחות האב איך ביי יעדען אשמנו אינזינען געהאט אן אנדערע עוולה וואס איך בין דאס יאהר באגאנגען. און ערגעץ-וואו צווישן תעבנו-תעתענו בין איך אויסגעלאפן פון עבירות, ביז איך האב מיר דערמאנט דעם עוולה פון ממעט זיין ב'וויזיטס אין קאווע שטיבעל, און מקבל געווען צו זיין אן אפטער גאסט. איז אויב וועט דאס נישט האבן דעם זעלבן סוף ווי מיינע פאריעריגע קבלות, איים היער טא סטעי

געפילטע פיש » זונטאג סעפטעמבער 9, 2012 10:09 pm

· #44830

ש'נה ת'מימה ע'ם ג'לעזעלע.

a1b2 » דאנערשטאג סעפטעמבער 20, 2012 9:39 am

· #47348

א בריוו וואס איז ארויסגקומען אין אי אונטערגשריבן הרב וואזניר ר ניסן קארליץ

📎 1348146076.jpg

yisroelotd » זונטאג סעפטעמבער 23, 2012 5:03 am

· #48084

יעדע ווארט איז ריכטיג!!!!!

נישט קיין חילוק וואס די תגובות וועלן זיין אויף מיין הודעה, גיי איך שרייבן וואס איך גיי שרייבן.

איך זעה מיר אין יעדע ווארט וואס ער שרייבט, נאר מיט איין שינוי אז איך האב אלץ געפרעגט קשיות, די אינטערנעט האט נאר אויפגעטוהן אז איך זאל טרעפן תירוצים, און איך האב אסאך חברים (אפגעפארענע) וואס זענען זיכער געווען אז איך האב געשריבן דעם בריוו, עס איז אבער נישט אזוי, פון מיין זייט זאלן די רבנים נישט טוישן די חינוך, און וועלן זיך בקרוב טרעפן מיט א דור פון אפיקורסים.

איך פערזענליך קען עדות זאגן, אז עס זענען דא הונדערטער - אויב נישט טויזענטער - אזעלכע וואס איך קען פערזענליך, אדער פון איינע פון די פייסבוק גראפ'ס וואס אונז האבן, "מסלתה ומשמנה פון כלל ישראל" רבנים און דיינים, אדמורי"ם וראשי ישיבות, מגידי שיעור (ואני בתוכם) און כל-ערליי כלי קודש, וואס זענען כופרים בעיקר, אדער ווי מען רופט עס ביי אונז, האלטן עס איז אפילו נישטא אויף וועמען צו זיין א כופר... איך פערזענליך קען א גרויסע רבי, פארהייליגט ביי גאנץ כלל ישראל, פון ארץ ישראל, א כופר הכל, איך טעקסט מיט אים שבת פאר ער גייט אריין פירן טיש פאר הונדערטער אידן....

נאר וואס איך וויל יא אויפטוהן דא (מיינע דברי כפירה גיי איך נישט שרייבן דא, איך רעספעקטיר דעם מנהג המקום, פאר דעם האב איך א בלאג), מיין הארץ גייט אויס צו טראכטן אז אזויפיל וועלן מיטמאכן וואס איך מאך מיט, על כן, איך בעט די אלע וואס קענען עפעס טוהן, איך ווייס קלאר אז אידישקייט קען זיין געשמאק אויב גלייבט מען, הערטס אויף אוועקלויפן פון ענקערע פראבלעמען און נעמטס קעהר דערפון, מען קען מחנך זיין קינדער אויף א וועג זיי זאלן נישט מוזן גיין זוכן דעם אמת, אויב ווילטס עס דווקא בלייבן ביי אידישקייט, טוט עס כאטש אויף א וועג אייערע קינדער זאלן נישט ליידן, ודי לחכימא, תן לחכם ויחכם, ואיש בער לא ידע, רק יענה מען טאר אים נישט ענטפערן ער איז אן אפיקורס, וד"ל.

מורינו הרב » זונטאג סעפטעמבער 23, 2012 8:23 am

· #48088

yisroelotd
איך פערזענליך קען א גרויסע רבי, פארהייליגט ביי גאנץ כלל ישראל, פון ארץ ישראל, א כופר הכל, איך טעקסט מיט אים שבת פאר ער גייט אריין פירן טיש פאר הונדערטער אידן....

ליגנט. ס'האקסטו אין קאפ...

villager » זונטאג סעפטעמבער 23, 2012 9:13 am

· #48091

yisroelotd
איך זעה מיר און יעדע ווארט וואס ער שרייבט, נאר מיט איין שינוי אז איך האב אלס געפרעגט קשיות, די אינטערנעט האט נאר אויפגעטוהן אז איך זאל טרעפן תירוצים, און איך האב אסאך חברים (אפגעפארנע) וואס זענען זיכער געווען אז איך האב געשריבן דהן בריוו, עס איז אבער נישט אזוי, פון מיין זייט זאלן די רבנים נישט טוישן די חינוך, און וועלן זיך בקרוב טרעפן מיט א דור פון אפיקורסים.

אינטערעסאנט, איך האב אויך אלס געהאט אסאך קשיות און איך האב אויף אלעם געטראפן תירוצים אויף די אינטערנעט און היינט איז מיין אמונה אסאך שטערקער ווי אמאל, אין א וועג איז מיין אמונה שטערקער ווי מיינע רבי'ס און עלטערן'ס, היינט האלט איך קלאר אז איינער וואס איז א כופר הכל האט נישט קיין קאממאן סענס, און פונקט ווי איך פארשטיי נישט דעם מהלך המחשבה פון א פעדאפייל אזוי פארשטיי איך נישט דעם מהלך המחשבה פונעם עיטעאיסט, איך האב געליינט און געליינט, געקוקטט אומצאליגע יוטוב פרעזענטעישאן'ס פון אלע מינע דעבאטעס, און איך בין געקומען צום מסקנא אז אמונה איז די איינציגסטע "לאגיק" אויף בריאת העולם און די אידישע אמונה איז די מערסטע "לאגיק" פון אלע אמונות, איך האלט אז אויב אסר'ן די אינטערנעט דארפן עס די עיטעאיסטן אסר'ן, די רבנים דארפן עס מחזק זיין.

שמעקעדיג » זונטאג סעפטעמבער 23, 2012 11:00 am

· #48101

villager
איך האלט אז אויב אסר'ן די אינטערנעט דארפן עס די עיטעאיסטן אסר'ן, די רבנים דארפן עס מחזק זיין.

שוין לאנג נישט אזוי געלאכט!

yisroelotd » זונטאג סעפטעמבער 23, 2012 1:07 pm

· #48143

מורינו הרב
yisroelotd
איך פערזענליך קען א גרויסע רבי, פארהייליגט ביי גאנץ כלל ישראל, פון ארץ ישראל, א כופר הכל, איך טעקסט מיט אים שבת פאר ער גייט אריין פירן טיש פאר הונדערטער אידן....

ליגנט. ס'האקסטו אין קאפ...

איז וואס זאל איך טוהן? איך קען דאך נישט זאגען ווער ער איז, אבער צו דו גלייבסט מיר יא צו נישט איז עס א מציאות.
און בכלל מיט די מהלך פון שרייען עס אויף וואס עס שמעקט (נישט) קען איך גוט, עס איז א חלק פון דרך פון פרומע אידן לעצטענס, צו אנטלויפן פון פראבלעמען אנשטאט קער נעמען דערפון.

zurich » זונטאג סעפטעמבער 23, 2012 6:23 pm

· #48245

yisroelotd
מורינו הרב
yisroelotd
איך פערזענליך קען א גרויסע רבי, פארהייליגט ביי גאנץ כלל ישראל, פון ארץ ישראל, א כופר הכל, איך טעקסט מיט אים שבת פאר ער גייט אריין פירן טיש פאר הונדערטער אידן....

ליגנט. ס'האקסטו אין קאפ...

איז וואס זאל איך טוהן? איך קען דאך נישט זאגען ווער ער איז, אבער צו דו גלייבסט מיר יא צו נישט איז עס א מציאות.
און בכלל מיט די מהלך פון שרייען עס אויף וואס עס שמעקט (נישט) קען איך גוט, עס איז א חלק פון דרך פון פרומע אידן לעצטענס, צו אנטלויפן פון פראבלעמען אנשטאט קער נעמען דערפון.

אינטערסאנט דו קענסט אונז נישט זאגן ווער די רבי איז, אבער די רבי וואס דו רעדסט וואס פירט טיש פאר הינדערטער חסידים האט זיך"יא" מגלה געוועין פאר דיר??!

בי עס!!!

yisroelotd » זונטאג סעפטעמבער 23, 2012 6:59 pm

· #48255

איך בין לאנג געווען אין קאנטאקט מיט אים, ביז איך בין געוואויר געווארען ווער ער איז, און דאס אויך נאר נאכן זיך טרעפן און א געוויסן מקום מיט איינער פון זיינע נענטסטע מענטשען (אויך א כופר),

טראכט » זונטאג סעפטעמבער 23, 2012 7:04 pm

· #48258

yisroelotd
איך פערזענליך קען א גרויסע רבי, פארהייליגט ביי גאנץ כלל ישראל, פון ארץ ישראל, א כופר הכל, איך טעקסט מיט אים שבת פאר ער גייט אריין פירן טיש פאר הונדערטער אידן...

וואס די טעקסט זיך מיט רבינו שליט"א מעגן מיר וויסן? די גרייסט אום אן די תורת?

זר זהב » זונטאג סעפטעמבער 23, 2012 7:07 pm

· #48259

yisroel טייערער, איך בין אויך א קויפער. ביזט נישט אליינס אויפ'ן וואסער.

נולד מאוחר » מאנטאג סעפטעמבער 24, 2012 1:02 am

· #48364

Yisroel, אויב קענסטו אביסעל פארציילען וואס צרות גייסטו דורך יעצט.אז דו האסט פשוט רחמניות אויף אנדערע און דיין מצב?

שמעקעדיג » מיטוואך אקטאבער 31, 2012 12:59 am

· #57151

איך בין נישט זיכער צו איך זאל עס בכלל אריינשטעלן דא, און בפרט אויב אין דעם אשכול,
אבער אזוי ווי מען האט דא גערעדט פון די אטאקעס פון די אייוועלט חברה אויף אונז, וויל איך דא מעתיק זיין נאך א פרישע תגובה פון דארט.
דאס מאל דורך "אנעים זמירות", א געוועזענער שרייבער דא ביי אונז, (וואס מאכט די הודעה ציפן נאך מער)
ס'טוט מיר וויי, איך האלט קלאר אז ער איז 90% נישט גערעכט, מחמת כמה סיבות, און כ'קען באשטיין עס אויסצושמועסן.
אויב שפירן די מנהלים פאר נישט ריכטיג עס מעתיק צו זיין, קען מען עס מעקן געזונטערהייט.

אנעים זמירות אויף אייוועלט
עטליכע וואכן צוריק בין איך געזעסן אין מיין געשעפט שפעט ביינאכט, ווען עס איז צו מיר אריינגעקומען מיינס א קרוב, אן אמעריקאנער בחור, וואס איז פונקט דא געוועהן אויף א באזוך און האט מחליט געוועןן אפצושטייגן ביי מיר אין געשעפטל. ער איז גראדע א 'working boy', נאר פון אויבן אויף זעהט ער אויס צו זיין רעלאטיוו ערליך (עכ"פ שומר שבת, כשרות, נגיעה וכו').

שמועסענדיג מיט איהם האט ער מיר פארציילט ווי עס מאכט זיך כסדר פרייטאג צונאכטס נאכן טיש פון זיין רבי, גייט ער צוזאמען מיט עטליכע חברים אחים לדעה צו א bar ערגעץ-וואו ארויס פונעם געגענט, און זיי פארברענגען דארט א גאנצע נאכט. רח"ל. יענער האט זיך נאך פראבירט צו פארענטפערן אז קיין דאורייתא'ס איז ער זיכער נישט עובר, אפשר אמאל א דרבנן אבער דאס אויך לאו דוקא, ווייל ער אליין טראגט נישט די געלט (עכ"פ אזוי טענה'ט ער), און דער אונטער-ערדישע באן פארט דאך ממילא א.א.וו. דברי הבל ורעות רוח.

איך האב איהם נישט געלאזט אויסרעדן, נאר געזאגט ער זאל מיר ביטע נישט האקן אין קאפ מיט זיינע נארישע תירוצים. ער ווייסט גאנץ גוט אז וואס ער טוט איז כנגד דעם רצון ה' און עס איז בכלל נישט אינטרעסאנט פונטקליך וויפיל דאורייתא'ס און דרבנן'ס ער איז יא אדער נישט עובר. ער טוט פארקערט פון וואס דער אויבערשטער וויל און דאס איז שוין גענוג. ער האט אבער צוריקגע'טענה'ט אז אויב עס זענען פארהאנען loopholes אין הלכה קען מען זיי אויסנוצן, און ער האט פראבירט ווייטער מפלפל זיין און אויפווייזן אז ער טוט אלעס בהיתר, און אז מען קען זיין אן אויסגעהאלטענע יוד טראץ דעם אלעם.

"הער אויס," האב איך איהם איבערגעהאקט, "ראשית כל בין איך ב"ה פיהל מער ת"ח ווי דיר און איך קען דיר גרינגערהייט אויפווייזן בהלכה ובאגדה ווי דו טוסט נישט גוט, אבער עס איז א שאד אויף מיין און דיין צייט ווייל מיר ביידע ווייסן וויאזוי ערליכע יודען זעהען אויס. אויב וואלטן מיר געשטאמט פון גרים וואלט אפשר געוועהן שייך צו קלערן וואס מען מוז אלעס טוהן בכדי צו זיין אויסגעהאלטן כלפי שמיא, נאר היות מיר קומען ביידע פון ערליכע יודן, און מיר האבן ביידע געזעהן צדיקי אמת איז א שאד דאס גערעדעכץ."

"מיינסט איך בין עפעס דער איינציגסטער?" פראבירט ער זיך צו פארטיידיגן. "עס זענען דא צענדליגער יונגעלייט מיט ווייסע זאקען וואס זענען ווי מיר אדער ערגער און זיי הייסן ערליכע יודן. אזוי איז עס היינטיגע צייטן, מען דארף שפילן דעם שפיל, בלאפן פארן טאטע און שווער, און מען בלייבט א חלק פון דעם קלוב. אלעס איז איין גרויסע בלאף, אנגעהויבן ביי די רבנים..."

איך האב מיר אפגעשטעלט ביי זיינע רייד און גענומען טראכטן. איז דאס טאקע ריכטיג אז גאנצע חלקים פון 'היימישע יודן' זענען ליידער מחללי שבתים ואוכלי נבילות? וואס וועט זיין מיט זייערע קינדער און אייניקלעך, זיי וועלן דאך אויך אזוי שפילן דעם שפיל. הייסט דאס אז אויב חלילה משיח קומט נישט ביז א פאר יאר איז אויס מיטן כלל ישראל? און וואס איז מכח אלע טענות קעגן דעם סיסטעם און די רבנים, זענען דען נישט דא קיין ריכטיגע טענות? אויב אזוי דארף מען טאקע פארשרייען יעדער וואס האט טענות און שטעלט זיך ארויס קעגן סיסטעם, אדער אפשר איז טאקע ריכטיג מען זאל איינמאל פאר אלעמאל זיך אויפשטעלן און זאגן פאר די רע-בנים וואס מיר האלטן פון זיי?

אלץ והייתם נקיים מה' ומישראל וויל איך מקדים זיין אז איך האב נישט באמת די פראגעס, ווייל איך האב שוין בעזה"י פון לאנג אויסגעארבעט א מהלך דערין, נאר איך האב געוואלט ארויסברענגען אויפען שפיץ גאפל וואס אנדערע זאגן, ובאמת וואס איך האב געשטעלט אלץ פראגעס שרייבן אנדערע אלץ פאקטן און הוראות אויף אלערליי בלאגס, קאווע שטיבלעך און שבת בלעטלעך למיניהם וואס (כמעט) כל באיהם לא ישובו (מיין קרוב האט מיר טאקע געזאגט אז ער ער דרייט זיך בקביעות אויף איינער פון די דערמאנטע מקומות).

איך האב שוין פון לאנג געוואלט אפשרייבן אן ארטיקל אין די ענינים נאר איך האב מיר געפוילט, אבער יעצט האב איך געקלערט צו נעמען די מיה און דאס קלאר ארויסברענגען, מיט עטליכע קעפלעך און פראגעס:

זענען די בלאגס א סכנה פאר כלל ישראל? איז דער קאמף קעגן זיי א פארלוירענע? זענען די 'היימישע' מחללי שבתים א געפאר צום כלל ישראל? זענען זיי גערעכט מיט זייערע טענות? איז דער עתיד פון יודענטום דאס וואס רופט זיך 'חרדי לייט'?

די אלע בלאגס, משכילים, חרדי-לייט און היימישע פושעים קען מען אלע באטיטלען מיט איין כלליות'דיגע טיטל: אויבער חכמים. זיי מיינען אז זיי זענען קלוגער פון אלע ערליכע יודן, סיי היינטיגע און סיי פריערדיגע, און טייל פיהלען נאך פאר א פליכט 'מחנך' צו זיין כלל ישראל.

ובכן, דער וואס קען אפילו א קליין ביסל היסטאריע ווייסט אז עס זענען שוין געוועהן אין כלל ישראל צענדליגע אויבער-חכמים וואס האבן פראבירט מאכן נייע וועגן און גיין פארקערט פונעם סיסטעם. נאך בימי בית שני זענען געוועהן די צדוקים וביתוסים וואס האבען געהאט זייערע אייגענעם דרך, אנדערש ווי חז"ל. סוף בית שני זענען געוועהן די קריסטן וואס האבען גע'טענה'ט אז זייער וועג איז גאר די ריכטיגע. ומאז ועד עתה זענען אלעמאל געוועהן אויבער -חכמים וואס האבן געוואלט 'מחנך' זיין דעם כלל ישראל.

טייל פון די גרופעס זענעם אפילו געוועהן גאר גרויס און מאכטפול בשעתם, און האבען אריינגעשלעפט גרויסע טיילן פונעם כלל ישראל. די צדוקים האבען געהאט א שטארקן מאכט בזמן הבית, און האבן טיילמאל אפילו מצליח געוועהן אריינצושטעלן זייערע מענטשן אין די העכסטע אנשטאלטן. עס זענען געוועהן צדוקים ובתוסים וואס האבן אמטירט אלץ כהנים גדולים וראשי סנהדראות! לאמיר אבער קוקן היינט, וואס איז פון זיי געבליבן? גארנישט מיט גארנישט!

פון אלעס וואס זיי האבען געשאפט און געטוהן איז נישט געבליבן קיין זכר (אויסער א גוטן טשולענט להוציא מלבן של צדוקים...), און פון די חכמים איז געבליבן א כלל ישראל. וועט דאך דער משכיל טענה'ן אז עס טויג גארנישט אזא כלל ישראל - זאל זיין! זאל ער רעדן און טענה'ן וויפיל ער וויל, אבער א כלל ישראל וועט בלייבן.

די היינטיגע בלאגערס (רובם) און אפיקורסים מיינען אז זיי האבן אנטדעקט אמעריקע מיט זייערע טענות און ליצנות. עס הייבט זיך נישט אהן! זיי טוהן נישט מער ווי איבערקייען די זעלבע אלטע נארישקייטן פון די משכילים, צדוקים, נוצרים, קראים וכו' וכו' אין אלע דורות. און דאס זעלבע וואס האט באטראפן די פריערדיגע כתות וועט זיי אויך באטרעפן. דער יונגערמאן וואס זיצט ביים טיש מיט די ווייסע זאקן און סעלפון אין קעשענע מיינט אז ער האט יעדן אפגענארט. אה"נ ער האט אפשר אפגענארט זיין טאטע, זיידע, שווער, חבר, רבי, און אפילו ווייב און קינדער, אבער דעם אויבעשטן האט ער נישט אפגענארט!

אויב איז ער א שורש פורה ראש ולענה וועט זיין אייניקל (אדער אור-אייניקל) שוין נישט זיין קיין חלק פון כלל ישראל. א פארדארבענע צווייג קען נישט וואקסן און ארויסגעבן פירות. דער יונגערמאן וואס דרייט זיך אויף די בלאגס למיניהם און רעדט זיך איין אז ער קוקט אהן דעם כלל ישראל פון אויבן אראפ זאל וויסן אז פון די פאנאטישע יודעלעך וועט ארויסקומען יודישע דורות און פון איהם חלילה נישט. מען מוז נישט צוריק גיין אזוי ווייט ווי די צדוקים, אפילו אין די לעצטע הונדערט יאר, די וועלכע האבן געליינט ביכער און געהאט טריפה'נע מחשבות האבן נישט איבעגעלאזט קיין יודישע דורות. דער זיידע איז נאך געוועהן א 'היימישע' און זיך געדרייט צווישן יודן, אבער דער אייניקל, זאגאר אויב ער איז נאך בכלל א יוד, איז ער אפגעפארן אינגאנצן און שוין נישט קיין חלק פונעם כלל.

[איך האב בכונה ארויסגעשריבן אפיקורסות-פארומס ווייל איך ווייס אז עס זענען דא פיהל וואס דרייען זיך סיי דא און סיי אין אזעלכע מקומות, און זיי מיינען אז זיי זענען 'אימיון' צו די ליצנות און כפירה וואס ווערט דארט געשריבן. זיי געדענקען אבער נישט די רייד פון חז"ל - וואס זענען דעם אבסאלוטן אמת - שאני מינות דמשכי. ווען מען זאפט זיך אהן מיט ליצנות אויפן תוה"ק און כפירה דרינגט עס אריין כארס של עכנאי און איידער מען כאפט זיך איז מען שוין ליידער פאר'סמ'ט. ער טוט נישט אפ קיינער אויסער זיך אליין, שחת לא לו בניו מומם.]

איז צוריק צו אונזערע פראגעס: זענען די בלאגס א סכנה פארן כלל ישראל?
ניין! זיי זענען א סכנה פאר יודן אבער נישט פארן כלל ישראל! זיי זענען א שרעקליכן געפאר פאר יעדע יוד וואס גייט אויף זיי אבער דעם כלל ישראל אליין קענען זיי נישט טשעפען. עס וועט זיי אפשר געלונגען אראפצורייסן פיהל צווייגן פונעם בוים אבער דער שטאם וועט שטיין פעסט און דער מינדעסטע פארדארבונג וועט זיך נישט דארטן קענען אריינכאפן. אזוי איז געוועהן און אזוי וועט זיין. די סכנה און ספק איז נאר אויף יעדן יחיד, צי וועט ער בלייבן באהאפטן צום עץ החיים אדער ח"ו נישט.

דער עתיד פון יודענטום איז פונקט ווי דער עבר. מיר האפען אז משיח וועט קומען בקרוב ממש, אחכה לו בכל יום שיבא. אבער זאגאר ווען חלילה די גלות וועט זיך נאך ציען צוויי-דריי הונדערט יאר וועט דער כלל ישראל גארנישט אויסזעהן אנדערש פון יעצט. די ערליכע יודן אין דריי הונדערט יאר פון יעצט וועלן גיין מיט שווארצע הוטן און לאנגע רעקלעך, און די פרויען וועלן גיין צניעות'דיג געקליידעט. פון חרדי-לייט וועט בלייבן גוי-פול!

וואס דארף זיין מיין בליק אויף די וואס האקן קעגן רבנים אדער דעם סיסטעם?

אלץ קינד אין חדר ווען מיר האבן זיך אנגעשטויסן אין דעם ווארט 'צדוקים' האט דער רבי מסביר געוועהן אז זיי זענען געוועהן אזוינע וואס האבן נאר געגלייבט אינעם תורה שבכתב אבער נישט אינעם תושבע"פ. דער רמב"ם אין פיה"מ אבות (א' ג') ערקלערט אז אין אמת'ן אריין האבן די צדוקים געגלייבט אין גארנישט, נאר זיי האבן מורא געהאט צו פארציילן אז זיי גלייבן נישט אינעם אויבעשטן אדער אין די תורה (ווייל בימים ההם וואלט מען אזא איינעם גע'הרג'עט), האבען זיי דאס אנגעהאנגען כאילו די תורה אליין איז גוט נאר די 'רבנים' מיט זייערע פשטים און איסורים האבען עס פארדרייט.

רבותי, נקוט האי כללא בידך, דער וואס איז פארנומען אפצושפעטן פון די רבנים און זייערע איסורים איז דאס א סימן מובהק אז באמת וואלט ער געוואלט גענצליך זיין פורק עול מלכות שמים, נאר ער האט מורא (צוליב סאציאלע דרוק) דאס ארויסצוזאגן בפירוש. אין הארצן האט ער אבער אינגאנצן אראפגעווארפן פון זיך דעם עול התורה והמצוות.

הגם עס זענען דא פעלער פון לעגיטימע טענות כלפי רבנים און דעם 'סיסטעם', און מען קען נישט אפסטעמפלען יעדע וואס האט א קלאגע אלץ אפיקורוס, אבער די וואס זענען שטענדיג פארנומען דערמיט, ובפרט די וואס לאכן אפ פון די איסורים זענען אלע אין דעם כלל. (יעדע כלל האט א יוצא מן הכלל, אבער עס איז טאקע דאס - א יוצא מן הכלל.)

איך ווייס עס וועלן זיין חולקים אויף מיין באהויפטונג, אבער דאך בין איך גערעכט (לענ"ד).

זאל דער אויבערשטער העלפן משיח זאל שוין קומען צו ראטעווען דעם שארית הפליטה און עס זאל מקויים ווערן דעם כי לא תשכח מפי זרעו.

נ.ב. מיט דעם אשכול טוה איך אביסל אריינדרינגען אין ר' שאץ מאץ'ס געביט און איך האף עס איז נישט קיין שאלה פון השגת גבול...

שמעקעדיג » מיטוואך אקטאבער 31, 2012 1:29 am

· #57154

איך האב ערהאלטן אין אישית אז די אויבנדערמאנטע תגובה איז שוין "נאכן" צענזור פון די דארטיגע הנהלה.
איך האב באקומען די אריגינעלע קאפי "בעפאר" די צענזור, און איך בין צעשוידערט.
די מענטשן דארפן ערנסט א דאקטאר אויב האלטן זיי באמת וואס זיי שרייבן.
איך גיי עס נישט ארויפלייגן ווייל עס איז א שאנדע און א פרעכער ליגנט פאר אונזער הערליכן שטיבל,
אבער די יעניגע זאלן וויסן אז מיר האבן עס, און ס'וועט נאך קומען א צייט ווען מען וועט זיך איבערצייגן, ונראה מה יהיו חלומותיו.

villager » מיטוואך אקטאבער 31, 2012 10:17 am

· #57188

מיין שוואגער קען נישט קיין צורת מאשין, ער איז עס נישט.

איך פארשטיי נישט וויאזוי ער קען האקן אויף די וואס לאכן פון רבנים, ווען גאנץ אייוועלט איז א שטיק געלעכטער פון די רבנים, אויב ס'דא וואס באנוצן זיך מיט loophole אין הלכות, איז זיין א. ג. "היתר" צו שרייבן זיינע זיסע ארטיקלעך אויף אייוועלט נישט מער ווי א pinhole...

אויב מיינט מען ער ערנסט צו טהון רצון השם (זיין השם כמובן) זאל ער אינגאנצן נישט שרייבן אויף די ג'אסר'טע אינטערנעט און אויפגעבן זיין סמארטפאון.

געפילטע פיש » מיטוואך אקטאבער 31, 2012 12:13 pm

· #57220

אנעים זמירות אויף אייוועלט
ובכן, דער וואס קען אפילו א קליין ביסל היסטאריע ווייסט אז עס זענען שוין געוועהן אין כלל ישראל צענדליגע אויבער-חכמים וואס האבן פראבירט מאכן נייע וועגן און גיין פארקערט פונעם סיסטעם. נאך בימי בית שני זענען געוועהן די צדוקים וביתוסים וואס האבען געהאט זייערע אייגענעם דרך, אנדערש ווי חז"ל. סוף בית שני זענען געוועהן די קריסטן וואס האבען גע'טענה'ט אז זייער וועג איז גאר די ריכטיגע. ומאז ועד עתה זענען אלעמאל געוועהן אויבער -חכמים וואס האבן געוואלט 'מחנך' זיין דעם כלל ישראל.

ס'איז אנמערקבאר אז ער קען נישט קיין היסטאריע, נישט בחייכון, און נישט וביומיכון.

אנעים זמירות אויף אייוועלט
די היינטיגע בלאגערס (רובם) און אפיקורסים מיינען אז זיי האבן אנטדעקט אמעריקע מיט זייערע טענות און ליצנות. עס הייבט זיך נישט אהן! זיי טוהן נישט מער ווי איבערקייען די זעלבע אלטע נארישקייטן פון די משכילים, צדוקים, נוצרים, קראים וכו' וכו' אין אלע דורות. און דאס זעלבע וואס האט באטראפן די פריערדיגע כתות וועט זיי אויך באטרעפן. דער יונגערמאן וואס זיצט ביים טיש מיט די ווייסע זאקן און סעלפון אין קעשענע מיינט אז ער האט יעדן אפגענארט. אה"נ ער האט אפשר אפגענארט זיין טאטע, זיידע, שווער, חבר, רבי, און אפילו ווייב און קינדער, אבער דעם אויבעשטן האט ער נישט אפגענארט!

אז איך האלט אנדערש ווי עם מיינט נאך נישט אז איך מוז זיין אויף די אנדערע - אפיקורסישע - טיעם, און מיט דעם איז ער גערעכט, היינטיגע אפיקורסים זענען פונקט ווי די אמאליגע, נאר זיי גייען מיט ריפסענע בעקיטשעס און שיעפע טאשן.

אנעים זמירות אויף אייוועלט
דער עתיד פון יודענטום איז פונקט ווי דער עבר. מיר האפען אז משיח וועט קומען בקרוב ממש, אחכה לו בכל יום שיבא. אבער זאגאר ווען חלילה די גלות וועט זיך נאך ציען צוויי-דריי הונדערט יאר וועט דער כלל ישראל גארנישט אויסזעהן אנדערש פון יעצט. די ערליכע יודן אין דריי הונדערט יאר פון יעצט וועלן גיין מיט שווארצע הוטן און לאנגע רעקלעך, און די פרויען וועלן גיין צניעות'דיג געקליידעט. פון חרדי-לייט וועט בלייבן גוי-פול!

ערליכע יידן דריי הונדערט יאר ארום וועלן טראגן די זעלבע שווארצע קרויס ביבער הוטן און G&G רעקלעך און די פרויען וועלן גיין די זעלבע צניעות'דיג ווי די יידן פון דריי הונדערט יאר צוריק...

אנעים זמירות אויף אייוועלט
רבותי, נקוט האי כללא בידך, דער וואס איז פארנומען אפצושפעטן פון די רבנים און זייערע איסורים איז דאס א סימן מובהק אז באמת וואלט ער געוואלט גענצליך זיין פורק עול מלכות שמים, נאר ער האט מורא (צוליב סאציאלע דרוק) דאס ארויסצוזאגן בפירוש. אין הארצן האט ער אבער אינגאנצן אראפגעווארפן פון זיך דעם עול התורה והמצוות.

דאס גיין קעגן די רבנים און די "סיסטעם" איז נישט קיין נייע ערשיינונג, שוין געווען אמאל א יונגע טראטשאק, א בחור'ל וואס האט אנגעהויבן אזא קאמפעין, ער האט געהאקט אויף די רבנים, די עסטעבלישמענט, ס'געווען אין א צייט ווען די רבנים און מנהיגים האבן געטוהן וואס זיי האבן געוואלט, זיי האבן אינטערדרוקט דעם עולם, געמאכט געלט אויפן עולם'ס חשבון, און פון דינען דעם באשעפער האבן זיי אינגאנצען פארגעסן, דער בחור האט זיך איינגעשטעלט זיין לעבן און ארום געלאפן אויף די גאסן און געשריגן "שמעו דבר ה' בית יעקב וכל משפחות בית ישראל. כה אמר ה' מה מצאו אבותיכם בי עול כי רחקו מעלי וילכו אחרי ההבל ויהבלו... ...הכהנים לא אמרו איה ה' ותפשי התורה לא ידעוני והרעים פשעו בי ... ...ההימיר גוי אלהים והמה לא אלהים ועמי המיר כבודו בלוא יועיל יב שמו שמים על זאת... ...כי שתים רעות עשה עמי אתי עזבו מקור מים חיים לחצב להם בארות בארת נשברים... ...מה תעשי כי תלבשי שני כי תעדי עדי זהב... ...אלכה לי אל הגדלים ואדברה אותם כי המה ידעו דרך יהוה משפט אלהיהם אך המה יחדו שברו עול נתקו מוסרות... ...כי מקטנם ועד גדולם כלו בוצע בצע ומנביא ועד כהן כלו עשה שקר..."
אזוי איר דער בחור ארומגעגאנגען, געשריגן, געבעטן, טוטס תשובה, דינטס דעם באשעפער, נישט די געלט, נישט די כבוד, נאר דעם עושה שמים וארץ, אבער ליידער האט עם קיינער נישט אויסגעהערט, מ'האט עם גערודף'ט, ער האט געמוזט אנטלויפן זיך באהאלטן, אבער ליידער וועגן דעם וואס מ'האט עם נישט אויסגעהערט און מ'האט נישט תשובה געטוהן זעמער נאך היינט דא אין גלות, מיט די זעלבע פראבלעם ווי דעמאלס ווי הכהנים לא אמרו איה ה' ותפשי התורה לא ידעוני והרעים פשעו בי, מה תעשי כי תלבשי שני, הגדולים - אך המה יחדו שברו עול, כי מקטנם ועד גדולם כלו בוצע בצע. ליידער ליידער.

אה, פאר ווער ס'האט נאך נישט אויסגעפיגערט, דער בחור האט געהייסן ירמיה, ירמיה הנביא.

און פאר דעם בעטן מיר יעדן טאג, השיבה שופטינו כבראשונה, להרים קרן התורה, ולהחזיר עטרה ליושנה, בקרוב, בביאת גואל צדק, אמן.

לעיקוואד » מיטוואך אקטאבער 31, 2012 12:24 pm

· #57224

דרך אגב, די אלע כיתות פון וואס ער רעדט האבן גאנץ שיין מצליח געווען. טאקע צדוקים זענען אפשר שוין נישטא, אבער קריסטן דאכצימיר זענען נאך דא אפאר, און די השכלה ציונות וכו' האט גאנץ פיין מצליח געווען.
אפשר איז טאקע צייט מיר זאלן טראכטן פארוואס די אלע זענען אזוי מצליח?
שרייען אפיקורס שייגעץ וכו' איז שוין בדוק ומנוסה אפאר טויזנט יאר אז סהעלפט בכלל נישט. [חוץ אויב הצלחה הייסט אז סבלייבט איבער אחד מעיר ושנים ממשפחה מיט יידושקייט]

בזכות אויבער חכמים איז דא יידושקייט בכלל, בזכות אויבער חכמים נגאלו אבותינו, ובזכותם עתידים להיגאל. אלע צרות קומט וייל מען פאלגט נישט די אויבער חכמים.

לעיקוואד » מיטוואך אקטאבער 31, 2012 12:31 pm

· #57226

פאר אזעלכע בחורים ווי אויבן דערמאנט קען איך נאר איין פתרון אין דער וועלט וואס ארבעט זיי האלטן ביי יידושקייט: ארגאנאזירן חברה'ס נוסח יואלי ראט, שלמה קרליבך, [אפשר ליפא'ס שול], וכדומה, ווי מזינגט און מטאנצט און מפרעסט פרייליכערהייט און מרדעט פונם באשעפער'ס אהבה און ליבשאפט צו יעדער איינער.

לעיקוואד » מיטוואך אקטאבער 31, 2012 12:33 pm

· #57228

שמעקעדיג
איך האב ערהאלטן אין אישית אז די אויבנדערמאנטע תגובה איז שוין "נאכן" צענזור פון די דארטיגע הנהלה.
איך האב באקומען די אריגינעלע קאפי "בעפאר" די צענזור, און איך בין צעשוידערט.
די מענטשן דארפן ערנסט א דאקטאר אויב האלטן זיי באמת וואס זיי שרייבן.
איך גיי עס נישט ארויפלייגן ווייל עס איז א שאנדע און א פרעכער ליגנט פאר אונזער הערליכן שטיבל,
אבער די יעניגע זאלן וויסן אז מיר האבן עס, און ס'וועט נאך קומען א צייט ווען מען וועט זיך איבערצייגן, ונראה מה יהיו חלומותיו.

פריער זאגסטו אז דו ביסט מסכים ניינציג פראצענט און יעצט זאגסטו אז זיי דארפן א דאקטער?

יידל » מיטוואך אקטאבער 31, 2012 1:43 pm

· #57245

לעיקוואד
שמעקעדיג
איך האב ערהאלטן אין אישית אז די אויבנדערמאנטע תגובה איז שוין "נאכן" צענזור פון די דארטיגע הנהלה.
איך האב באקומען די אריגינעלע קאפי "בעפאר" די צענזור, און איך בין צעשוידערט.
די מענטשן דארפן ערנסט א דאקטאר אויב האלטן זיי באמת וואס זיי שרייבן.
איך גיי עס נישט ארויפלייגן ווייל עס איז א שאנדע און א פרעכער ליגנט פאר אונזער הערליכן שטיבל,
אבער די יעניגע זאלן וויסן אז מיר האבן עס, און ס'וועט נאך קומען א צייט ווען מען וועט זיך איבערצייגן, ונראה מה יהיו חלומותיו.

פריער זאגסטו אז דו ביסט מסכים ניינציג פראצענט און יעצט זאגסטו אז זיי דארפן א דאקטער?

הא לפני צענזור והא לאחריו.

משה געציל » מיטוואך אקטאבער 31, 2012 2:07 pm

· #57250

לעיקוואד
שמעקעדיג
איך האב ערהאלטן אין אישית אז די אויבנדערמאנטע תגובה איז שוין "נאכן" צענזור פון די דארטיגע הנהלה.
איך האב באקומען די אריגינעלע קאפי "בעפאר" די צענזור, און איך בין צעשוידערט.
די מענטשן דארפן ערנסט א דאקטאר אויב האלטן זיי באמת וואס זיי שרייבן.
איך גיי עס נישט ארויפלייגן ווייל עס איז א שאנדע און א פרעכער ליגנט פאר אונזער הערליכן שטיבל,
אבער די יעניגע זאלן וויסן אז מיר האבן עס, און ס'וועט נאך קומען א צייט ווען מען וועט זיך איבערצייגן, ונראה מה יהיו חלומותיו.

פריער זאגסטו אז דו ביסט מסכים ניינציג פראצענט און יעצט זאגסטו אז זיי דארפן א דאקטער?

איך האב נאכנישט דורך געליינט דעם גאנצן תגובה פון אנעים זמירות (אפשר נאכן ליינען וועל איך זען אז ער איז שוין גארנישט אזוי אנעמדי׳ג...), ממילא קען איך נאכנישט זאגן וואס איך האלט. אבער ליינענדיג שמעקעדיג׳ס הקדמה האב איך געזען אז ער האט אים געגעבן נאר צען פראצענט גערעכטיגקייט.

שמעקעדיג
איך בין נישט זיכער צו איך זאל עס בכלל אריינשטעלן דא, און בפרט אויב אין דעם אשכול,
אבער אזוי ווי מען האט דא גערעדט פון די אטאקעס פון די אייוועלט חברה אויף אונז, וויל איך דא מעתיק זיין נאך א פרישע תגובה פון דארט.
דאס מאל דורך "אנעים זמירות", א געוועזענער שרייבער דא ביי אונז, (וואס מאכט די הודעה ציפן נאך מער)
ס'טוט מיר וויי, איך האלט קלאר אז ער איז 90% נישט גערעכט, מחמת כמה סיבות, און כ'קען באשטיין עס אויסצושמועסן.
אויב שפירן די מנהלים פאר נישט ריכטיג עס מעתיק צו זיין, קען מען עס מעקן געזונטערהייט...

שמעקעדיג » מיטוואך אקטאבער 31, 2012 2:26 pm

· #57256

משה געציל, גוט באמערקט.
איך זאג נישט אז ער האט געציילטע נקודות אביסל ריכטיג,
אבער 90% איז ער אומגערעכט לפי עשירות דעתי.
איך האב נישט יעצט קיין צייט, אבער כ'וועל נאך אראפשרייבן את אשר בלבבי בקרוב בל"נ.

לעיקוואד » מיטוואך אקטאבער 31, 2012 2:38 pm

· #57261

האב איך זיך טועה געווען און פארטוישט ניינציג פראצענט יא אויף ניינציג פראצענט נישט. טעות לעולם חוזר. ישט געפערליך, נעקסטע מאל וועט מען מוזן ליינען בעסער פאר מענטפערט.
שמעקעדיג, איך ווארט אויף דיין דעה.

diff » מיטוואך אקטאבער 31, 2012 3:14 pm

· #57269

ובכן, דער וואס קען אפילו א קליין ביסל היסטאריע ווייסט אז עס זענען שוין געוועהן אין כלל ישראל צענדליגע אויבער-חכמים וואס האבן פראבירט מאכן נייע וועגן און גיין פארקערט פונעם סיסטעם

There was never such system of all going to to yeshiva. B4 you came here every boy went to collage/work. You are going against the system. and are ruining those who cannot do it

לעיקוואד » דאנערשטאג נאוועמבער 1, 2012 6:47 pm

· #57771

שמעקעדיג

איך האב נישט יעצט קיין צייט, אבער כ'וועל נאך אראפשרייבן את אשר בלבבי בקרוב בל"נ.

מצפים לישועה..

diff » דאנערשטאג נאוועמבער 1, 2012 10:16 pm

· #57868

Rabbi Salamon of Lakewood intention was that everybody should filter internet. Along came many mechanchim that fear they will lose their income due to virtual learning and forced him to ban it completely. In result there are very few Yiddish literature and lessons online. There is no choice, but to read blogs

לעיקוואד » דאנערשטאג נאוועמבער 1, 2012 11:38 pm

· #57892

diff
Rabbi Salamon of Lakewood intention was that everybody should filter internet. Along came many mechanchim that fear they will lose their income due to virtual learning and forced him to ban it completely. In result there are very few Yiddish literature and lessons online. There is no choice, but to read blogs

פארוואס איז טאקע דא אזוי ווייניג יידושע זאכן אונליין? לדעתי איז דאס אפשר די גרעסטע פארלוסט און טעות פון די אינטערנעט מערכה. אנשטאטס קאמפלעינען וועגן די טריפהנער השקפות און זאכן אויפן אינטערנעט זאל יעדער רב רבי משפיע חסידות ארופלייגן אלעס וואס זיי האבן צו זאגן אויפן נעט אוטומאטיש וועט נישט ריכטיגע השקפות זיין אסאך א קלענער פראבלעם.
דערווייל האט מען געמאכט די גאנצע נעט פאר א בדיעבד אזוי אז ווער סשרייבט דארט איז שוין לכתחילה א שטיקל אויבער חכם און נאר ווער סאיז ערנסט אויפגעקלערט מאכט א רעש אונליין. נישט אז איך האלט אז די אלע אויפגעקלערטקייט איז אסור, דאך פארשטיי איך אז סדא א פראבלעם מיט צופיל אפענקייט, און עכ"פ מצדם פון די שרייערס טון זיי דא איינע פון די גרעסטע נארישקייטן וואס איז שייך. רוב מענטשען נוצן דאך די נעט עניוועי, און ווען עס נוצען אויך פאר נייעס און אינפארמאציע, די איינרעדעניש וועגן פרנסה איז דאך שקרים גלוים, די גאנצע ענין פון נט איז אינפארמאציע. איז אנשטאט שרייען וועגן די משכילישע נייעס און ענינים וכו', זאל דער יוד דער בלאט המודיע יתד וכו' אלע עפענען סייטס, און מסתם רוב וועלכע לייענן בעיקר זיי וועלן דאס טון אויך אויפן וועב. דערוויל פירט מען זיך כמנהג האוסטריטש מרעדט זיך איין מאיז פרום אז מהאט נישט קיין וועבסייט און נאכדרעם האט מען טענות אויף וואס סאיז יא דא אונליין.

מצטמק ויפה » פרייטאג אקטאבער 31, 2014 11:31 am

· #231928

ווייסט איינער אויב משומר לאזט דורך קאווע שטיבל?

שלמה המלך » פרייטאג אקטאבער 31, 2014 11:36 am

· #231929

אוודאי! ן
והא ראי' איך בין דא!

מצטמק ויפה » פרייטאג אקטאבער 31, 2014 12:16 pm

· #231944

שלמה המלך
אוודאי! ן
והא ראי' איך בין דא!

שלמה המלך האט משומר אויף זיין קאפיוטער. ( לויט ווי ער זאגט מיר אין אישי) ווייסט איינער וועגן משומר אויף א סעלפאון? און אויב עס איז א חילוק פון איי פאון ביז ענדרויד?

תודה רבה.

שמעקעדיג » מאנטאג נאוועמבער 3, 2014 11:40 am

· #232447

אין 'דער איד'

.

📎 Internet.jpg

שלמה המלך » מאנטאג נאוועמבער 3, 2014 12:11 pm

· #232454

שמעקעדיג
אין 'דער איד'

.

זייער שטוינענט אבער אין פאקט טראכט אליין ביי דיר וויפיל זענען מיר אנדערש נעבעך...... שששששש מאך א שווייג!

הוגה » מאנטאג נאוועמבער 3, 2014 12:34 pm

· #232457

שמעקעדיג
אין 'דער איד'

.

שאקירנדע שטודיע: ביי רוב חרדים איז רעליגיע/רעביסטעווע/פאליטיק/קול מבשר/ וויכטיגער ווי פאמיליע

שלמה המלך » מאנטאג נאוועמבער 3, 2014 12:38 pm

· #232460

הוגה
שמעקעדיג
אין 'דער איד'

.

שאקירנדע שטודיע: ביי רוב חרדים איז רעליגיע/רעביסטעווע/פאליטיק/קול מבשר/ וויכטיגער ווי פאמיליע

שלמה המלך
זייער שטוינענט אבער אין פאקט טראכט אליין ביי דיר וויפיל זענען מיר אנדערש נעבעך...... שששששש מאך א שווייג!

וכן הדבר כאן שששש

קאסטנער » מאנטאג נאוועמבער 3, 2014 12:40 pm

· #232461

הוגה
שמעקעדיג
אין 'דער איד'

.

שאקירנדע שטודיע: ביי רוב חרדים איז רעליגיע/רעביסטעווע/פאליטיק/קול מבשר/ וויכטיגער ווי פאמיליע

עס נעמט נישט אוועק פינעם אינטערנעט עדיקשאן פראבלעם
נאר ביי חרדים איז די פראבלעם דאפעלט 50 פראצענט פאמיליע ווערט אוועק גענימען דורך אינטערנעט בשעת די אנדערע דורך מחלוקות..

שלמה המלך » מאנטאג נאוועמבער 3, 2014 12:43 pm

· #232462

די זאגסט אדער די פרעגסט?
די אשכול איז וועגען די אינטערנעט! און אין אינטערנעט איז דא דעם פאבלעם! פינטעל.... איינער האט געזאגט אין מחלוקת נישט?

שמעקעדיג » זונטאג דעצעמבער 7, 2014 11:31 am

· #239200

אין דער בלאט די וואך (מיט קענטיגע קנאה..)

.

📎 Twitter_Chabad.jpg

berlbalaguleh » זונטאג דעצעמבער 7, 2014 12:35 pm

· #239214

שמעקעדיג
אין 'דער איד'

.

נו, ס'איז נישט קיין חידוש אז "דער איד" ברענגט ד רעזולטאטן פון די שטודיע. ווען די רעזולטאטן זאללן זיין אנדערש האט ער דאך נישט וואס צו פארקויפן.
איך האב שוין א סאך מאל געטראכט אז "דער איד" זאלל איין וואך שרייבן א גרויסע העדליין "נמנו וגמרו אז די ציונים זענען רשעים....! אבער די פראבלעם איז, אז נאכדעם האט ער דאך שוין נישט וואס צו שרייבן...ממילא ווערט עס נתחדש א יעדע וואך. כדלהלן: "אונז האמיר געמיינט אז זיי זענען נישט אזאלכע גרויסע רשעים, לאזט ער מיך הערן אז יא...!... 😂

berlbalaguleh » זונטאג דעצעמבער 7, 2014 12:46 pm

· #239216

שמעקעדיג
אין דער בלאט די וואך (מיט קענטיגע קנאה..)

.

שמעקעדיג: אן עקסטער יישר כח פאר ברענגען די קאפיע פון יענעם ארטיקל מיט א קלארקייט.כאטש איך האב דעם בלאט, האביך עס ענדערש דא געליינט. ווייל דארט דארף מען א גרויסן זייער אדער פילטער צו אויסלאזן די סאך שטותים וואס זיי ברענגען לעצטנס אראפ...ווי די גמ' זאגט "באתרא דעייל ירקא, ליעול בישרא...!

נח בער » פרייטאג יאנואר 2, 2015 7:52 am

· #245269

הרב יצחק יוסף: בעלי אייפון ואינטרנט לא פסולים לעדות
לאחר פסקי הלכה רבים שפסלו משתמשי אייפון ואינטרנט פרוץ לשמש כעדים וזכו לגיבוי של מרן הגר"ש וואזנר ומרן הגר"ח קנייבסקי, יוצא הראשון לציון הגאון רבי יצחק יוסף בפסק הלכה חדש, לפיו בעלי אייפון כשרים לעדות. "שמעתי שהרב וואזנר אמר שהמשתמש באייפון פסול לעדות, הוא יתיר ממזרים על פי זה?" (חדשות)