אשכול אן א טיטל #1204

אינעם ''איד'' ווערט שוין אויך קריטיקירט אונזער שידוכים סיסטעם.. אויף זייט 168 חלק א'. אפשר וועלן זיך יעצט זאכן רוקן צום פארבעסערונג?

רבותי, טייערע ידידים.

ווי מען האט שוין ערווענט אין א אנדערע אשכול, וועט מען נישט געהאלפן ווערן פון קלאגן און קריטיקירן. מען דארף טוהן הלכה למעשה. איך וויל פארשלאגן עטליכע נקודות וואס דאס זאל זיין חלק א' פון די רעגולאציעס מהיום והלאה (היות אפאר קאווע שטיבל פירן דאך ממילא גאנץ וומסב"ג), און איך וויל בעטן יעדער זאל צולייגן, אזוי אז עס זאל זיין - ווי ווייט מעגליך - פארהאלטניסמעסיג א דבר השלם בעז"ה.

דערווייל זעה איך נישט קיין עצה אויפן פראבלעם אז דער חתן ווייסט נישט די סיבות פארוואס ער נעמט א כלה, מען קען דאך אים נישט גיין מסביר זיין. אויך איז א פראבלעם (בעיקר ביים צד החתן) דער חלק אז ער איז נישט מגלה סודות פון חדר ביי וואס ער האלט באמת, ער שטעלט אן א שיין פנים אבער טיף אין הארצן איז ער בכלל נישט דערביי, עס איז אחד בפה ואחד בלב. אפשר קען איינער טרעפן דערויף א עצה, איז אודאי גוט.

איז אזוי. ערשטנס, טאר מען נישט קומען מיט די משפחה אנגעטון שבת'דיג, כאילו דער שידוך גייט פאסירן און איז שוין א פאקט. אסאך קלוגע אידן זענען זיך נוהג אז מען אקצעפטירט נישט קיין ענטפער פון חתן וכלה אינעם זעלבן טאג פונעם בעשוי. לכה"פ איין נאכט זאלן זיי זיך איבערשלאפן און מחליט זיין - אן קיין שום פרעשור - צי זיי שפירן טאקע באמת אז די זאך איז פאסיג פאר זיי.

צווייטענס, דארף מען זאגן פאר די חתן/כלה עטליכע נקודות וואס אויסצושמועסן ביים באשוי. אני הקטן, מיר האט מען גארנישט געזאגט, מען האט מיר געלאזט רעדן "וואס כ'האב געוואלט", און מיר האבן טאקע געשמועסט פון די משפחה, זיידעס, פעטערס...זייער וויכטיג געווען!.. א בחור און א מיידל, בפרט חסיד'ישע און פרעמדע איינער צום צווייטן, איז אביסל שעמעוודיג ביים ערשטן מאל זיך טרעפן, אביסל פארלוירן, און האט נישט דעם קאפ אויפן פלאץ וואס פונקטליך אדורכצושמועסן. ממילא דארף מען זאגן קלאר פארן חתן, זאל אדורכטראכטן זיינע אמת'ע ציהלן אין לעבן (נישט אז ער גייט לערנען אין כולל 7 יאר, און נאכדעם אננעמען א פאסטן א כלי קודש, נאר זיין אויפריכטיג), און דאס אלעס אדורכשמועסן מיט איר.

איך דארף גיין יעצט, המשך יבא בעז"ה.

Just for the information:
די לעצטע פאר וואכען איז געווען זייער אסאך גיטין ביי די חרדישע ציבור ,סאיז נאך קיינמאל( די לעצטע 65 יאר) נישט געווען אזוי סאך גיטין און א משך פון א 3 חדשים.
ואידך זיל גמור.....

שמעקעדיג

רבותי, טייערע ידידים.

.......................

צווייטענס, דארף מען זאגן פאר די חתן/כלה עטליכע נקודות וואס אויסצושמועסן ביים באשוי. אני הקטן, מיר האט מען גארנישט געזאגט, מען האט מיר געלאזט רעדן "וואס כ'האב געוואלט", און מיר האבן טאקע געשמועסט פון די משפחה, זיידעס, פעטערס...זייער וויכטיג געווען!.. א בחור און א מיידל, בפרט חסיד'ישע און פרעמדע איינער צום צווייטן, איז אביסל שעמעוודיג ביים ערשטן מאל זיך טרעפן, אביסל פארלוירן, און האט נישט דעם קאפ אויפן פלאץ וואס פונקטליך אדורכצושמועסן. ממילא דארף מען זאגן קלאר פארן חתן, זאל אדורכטראכטן זיינע אמת'ע ציהלן אין לעבן (נישט אז ער גייט לערנען אין כולל 7 יאר, און נאכדעם אננעמען א פאסטן א כלי קודש, נאר זיין אויפריכטיג), און דאס אלעס אדורכשמועסן מיט איר.

איך דארף גיין יעצט, המשך יבא בעז"ה.

פארוואס איז באמת וויכטיג צו זאגען וואס זיינע צילען אין לעבען זענען ווען ער הייבט נישט אהן צו וויסען וואס ער רעדט?

און אז זי ווייסט יא אז זי וויל זיין א מאמע הייסט דאס געוויסט?

צוויי בעיביס, זאלען זיי זיך איינרעדען ער גייט לערנען אין כולל אויף אייביג, און זי גייט זיין די סינדערעללא, און זיי וועלען לעבען העפילי עווער אפטער.

שמועסען פין א ציל אין לעבען קען נאר זיין ווען ביידע זענען שוין געוועהן אין די גאס אפאר יאר, און ווייסען וואס דאס מיינט, און רעדען אמת'דיג, און זענען היבש עלטער ווי דער גיל וואס מען מאכט היינט חתונה.

איחוד, זאגסט א נקודה! אבער וואס יא? ד.ה., סיי "וואס זאל מען רעדן"? און סיי "ווען וועט מען באשליסן די ציל אין לעבן"?

לאז זיי אויף וואקסן אביסל פאר זיי דארפן מאכן אזא לעבענסלענגליכע החלטות.

מען האט מורא אז אונזער קינדער גייען נישט זיין ערליך, און זיי וועלן דורכפאלן מיט די נסיונת פון די היינטיגע דור מאכט מען זיי שנעל חתונה גלייך אויפן רגע ווען זיי ווערן 18 יאר אלט, און עס זענען דא וואס זענען נאך מער מחמיר, אין מאכן חתונה זייער קינדער ביי די זיבעצין אין א האלב, וואס אין די יארן זענען זיי נאך אומערצויגן, אין ווייסן נישט וואס עס מיינט א ווייב, וואס עס מיינט זיין א מענטש צווישן מענטשן, זיי פירן זיך נאך אויף ווי בעביס, אין דערנאך שרייט מען אז עס איז געווען די לעצטע 3 חדשים בערך 40 גיטין ביים היימישען עולם, אין אויב ווילט עטס נישט קיין גיטין לאזטס זיי אויפוואקסען,

וואס איז אזוי שלעכט אז סדא גיטין?

וואס הייסט? די גאנצע 50 אלפים פון די חתונה גייט אין מיסט!

ווען וועלט איז ווען וועלט וואלט מען זיך גע'גט ווען די פרוי איז מקדיח תבשילו כפשוטו כשי' ר"ע, און ער וואלט איבערגעבליבן מיט זיינע אנדערע ווייבער וואס ער האט געהאט כמבו' יעב"ץ יבמות ס"ב ב'. און אז נישט וואלט ער געטראפן א פריש'ס, א מיידל אדער א ווייבל, און געגאנגגען ווייטער.
אין יעצט אז ווערלד איז נישט ווערלד ווערט א גרוש אנגעקוקט ווי א קעיס. און בעסטן פאל ווי ער האט עפעס א דיזיס וואס רופט זיך גרוש. בקיצור מיט אלל דא רעספעקט פאר קינות זיי זענען צווייטער קלאס בירגער ליידער.
זיינע אויסוואלן זענען קליינע. פון א מיידל קען ער נאר חלו'מן אויך נאר אויב ער איז א כהן, ער קען זיצן יארן אליין. ס'איז נישטא קיין געזעלשאפט פאר אים, און צומאל דארף ער נעמען נאך עפעס שוואכער וואס ער האט איבערגעלאזט.
ווען ס'דא קינדער איז דאך ידוע ומפורסם אז זיין לעבן און זייערס זענען אויסגעשטעלט צו אסאך פיין.
ממילא איז זייער ווייטאגלעך ווען א פארפאלק גט זיך שוין אפגערעדט דעם פופציג אלפים פלאס וואס דער טאטע האט זיך אנגעבארגט אים צו קענען חתונה וועלכע איז יעצט געגאנגען פייפן.
פארשטאנען?
שמעקעדיג האקט וברוך שכוונתי.

א געדאנק:

זעה דא מער באריכות.

מאראנצןזאפט

בקיצור מיט אלל דא רעספעקט פאר קינות זיי זענען צווייטער קלאס בירגער ליידער.

זיי משים לב אז מיט יעדער מאל וואס דו חזרסט איבער דער טענה , אפילו אז דו זאגט עס אזוי מיט א וייטאג און אין א קאנטעקסט פון טענה'ן אז סנישט איכטיג און וועלט איז נישט וועלט וכו', דינסטו נאר ווייטער ממשיך זיין דער נארישער סטיגמה וואס איז שולדיג פאר רוב פראבלעמען וואס גרושים האבען. אויב האלטסטו טאקע אז וועלט איז נישט וועלט און אז מיר מעגן אנהייבען קוקען אויף אלע מיני יוצאי דופן וואס זייער לייף סטארי איז נישט פונקט א קאט ענד פעיסט פון די סעריע קינדער ביכער "יענקי גייט שוין אין חדר", "יענקי האט שוין בר מצווה" "יענקי האט שוין חתונה", "יענקי מאכט שוין חתונה אייניקלאך", אזויווי יומען בייגס ווי סקומט זיך זיי, זאלסטו קיין איין מאל נישט דערמאנען די אלע נארישע סטיגמעס. וועסט זעהן ממש בדרך נס, אז אויב מיר וועלן אויפהען זאגען, "טאקע סנישט ריכטיג, אבער אין די גאנצע גאס איז אזוי.." , און אזוי ממשיך זיין צו perpetuate די אלע נארישקייטן, וועט מען זיך מיטאמאל טרעפן אין מצב אז דער מיסטעריעזער "ר' גאס" וועט אויפהערן אזוי צו זאגען און אנקוקען, און סוועט זיין בעסער פאר יעדער איינער.

[
[/quote]
אפשר גאר פארקערט? וויבאלד זיי ווערן נישט קנאקד אפ נאך פאר זיי רופן דעם חתן ביים ערשטן נאמען, ממילא ווערן זיי נישט צוגעבינדען פאר לייף אין א אומצופרידענע רילעישענשיפ.

הוא הדבר אשר דיברנו.

איך האב זיך באצויגן אויף וואס דו שרייבסט, "ממילא, אז א כלה גייט אריין צום חתונה מיט די דעה אז ס'איז נאר א trial stage, פאלט עס אונטער אסאך גרינגער און שנעלער."
איך האב געמיינט אז דו מיינסט עס אין א נעגאטיווע בליק, אז די מיידל קומט אריין שוין מיט די מיינדסעט אז זי איז מיט א האלבע פוס אינדרויסן.

שמעקעדיג

וואס הייסט? די גאנצע 50 אלפים פון די חתונה גייט אין מיסט!

און טאקע אפשר דערפאר איז דא לעצטענס מער גיטין.. ווייל גאר אסאך מאכן חתונה אין די אלע תקנה זאלן, און ווען ס'מאכט זיך פראבלעמען ביים אינג קאפל טראכט מען אה נאר 10 אלפים האט דאס אפגעקאסט, נישט געפערליך... גיב א גט.. -- ס'צייט צו אסר'ן די תקנות
------
דער איין און איינציגסטער האט שוין דאס פריער ערווענט די נקודה טאקע.

זר,
יתוש קדמך...

אוי וואו ??? באמת כ'בין אנגעקומען דא פריער און געלייגט מיין קאממענט נאך'ן ליינען שמעקעדי'גס תגובה, און כאב ניטאמאל געליינט ווייטער , איים סארי!! אבער קוק אהער ווי טינק אלייק!

יעצט זעה איך עס, זייער טערעסאנט גלייב מיר. כ'גיי דיר געבן קרעדיט

לעיקוואד

וואס איז אזוי שלעכט אז סדא גיטין?

די זאך איז אביסל טיפער, צומאל גט מען זיך ווייל ס'איז נישט אויסצוהאלטן פון איר\אים אזש מ'מוז פשוט נעמען אזא אומווילנדע שריט ווי זיך גט'ן.
דאס אליין, אזא מענטש זאל זיין אזוי געשלאגן, אזוי ווייט אז ס'שווער צו וואוינען מיט אים\איר אונטער איין דאך בבחי' אין אדם דר וכו', איז א גרויסער ווייטאג, און אויף דעם איז די מזבח מוריד דמעות!

אלס תירוצים אהער אהין אמאל איז אזוי אמאל איז אזוי אפשר איז אזוי אפשר איז אזוי, א נארמאלער תשובה אויף מיין שאלה האב איך נאכנישט געהערט דא.

לענ"ד איז בעסער צו חתונה ווי שפעטער, צום ווייניגסטענס זאל שוין דער בחור האבן א סאורס אף אינקאם, דאס פארמיידט אסאך פראבלעמען.
און די קאפעל זאל אויסצאלן מער ווייניגער זייער חתונה (ס'איז א שיינע זאך אויב די עלטערן קענען אביסל ארויסהעלפן). פאר העווענס סעיק קען מיר איינער מסביר זיין פארוואס אין די וועלט מ'דארף קויפן טייערע פוירניטשער פאר די 2 בעביס? עניוועיס, ס'איז א גזירה מן השמים ואין לך רשות להרהר אחריה).

Town 1 איז גערעכט, מ'זארגט זיך אזוי פאר די נסיונות, ס'איז א חומרא וואס איז אתי לידי קולא ,וד"ל 

זר זהב, איך וואלט דיר געבעטן זאלסט אראפנעמען דעם לייק פון מאראנצןזאפט פאר די חוצפה וואס ער האט אנצורופן גרושים "א קעיס",
ביותר מזה, איך קען פערזענליך בערך 200 היימישע גרושים, אלע פון זיי זענען געלונגענע יונגעלייט (די גרושים קומען זיך כסדר צוזאם...), סך הכל האבן זיי געהאט די שטארקייט, די self esteem און די confidence וואס אנדערע האבן נישט, און געטון וואס איז גוט פאר זיי, און זיך נישט גערעכנט מיט אזעלכע פאררוקטע און קראנקע מענטשן, מענטשן ווי דיר וואס לעבן נעבעך פאר די גאס, peer preasure.

מאראנצן: וועלכע גרוש וויל אפי' א מיידל , מ'דארף זיי מחנך זיין פון א', איך וויל נאר א גרושה מיט לייף עקספיריענס! און וואס הייסט ס'איז נישטא קיין געזעלשאפט? גלייב מיר ס'איז שוין איין מאל דא, איך האב שוין געשריבן וועגן דעם אויף א אנדערע פלאץ, ס'איז דא פיינע צוגעשטעלטע זאכן פאר סינגעלס (איך קען דיר אזויפיל זאגן, אז ווען חתונה געהאטע אינגעלייט הערן וואס אונז האבן אלס, גייען זיי אויס פאר קנאה...)

ס'איז אמת אז אמאל האבן עלטערן נישט געלאזט די קינדער אהיים קומען, איך ווייס נישט אויב דאס איז דווקא וועגן די געלט, ס'איז מער געווען אזוי די מיינד סעט, און נעבעך וויפיל קראנקע קינדער זענען ארויסגעקומען פון אזעלכע שטובער.
וואס איז שלעכט אז מ'גייט צו א טערעפיסט? וואס דען מיינט דער פסוק עשה לך רב? א רבי וואס האט אסאך לעלאס און ער קען פרעסן קוגל? וואס איז דען שענער ווי אז א מענטש גייט צו א פערזענליכע טערעפיסט וואס פארשטייט תורת נפשות און העלפט דיך שטייגן אין מידות? ס'איז לאו דוקא אז נאר ווען מ'האט פראבלעמען נאר דעמאלס זאל מען גיין פאר הילף, ועוד, רוב מאל וועלן זיי העלפן ביידע אייניג, פארוואס זאל ער זיך אננעמען פאר איינעם?

איך וועל מסיים זיין און נאכאמאל אראפ ברענגען מתוך חיבה, דברי חברי היקר לעיקוואד:

לעיקוואד

מאראנצןזאפט

בקיצור, מיט אלל דא רעספעקט פאר קינות זיי זענען צווייטער קלאס בירגער ליידער.

זיי משים לב אז מיט יעדע מאל וואס דו חזר'סט איבער דער טענה, אפילו אז דו זאגט עס אזוי מיט א ווייטאג און אין א קאנטעקסט פון טענה'ן אז ס'נישט ריכטיג און וועלט איז נישט וועלט וכו', דינסטו נאר ווייטער ממשיך זיין דער נארישער סטיגמה וואס איז שולדיג פאר רוב פראבלעמען וואס גרושים האבן. אויב האלטסטו טאקע אז וועלט איז נישט וועלט און אז מיר מעגן אנהייבן קוקן אויף אלע מיני יוצאי דופן וואס זייער לייף סטארי איז נישט פונקט א קאט ענד פעיסט פון די סעריע קינדער ביכער "יענקי גייט שוין אין חדר", "יענקי האט שוין בר מצווה", "יענקי האט שוין חתונה", "יענקי מאכט שוין חתונה אייניקלאך", אזויווי יומען בייגס ווי ס'קומט זיך זיי, זאלסטו קיין איין מאל נישט דערמאנען די אלע נארישע סטיגמעס. וועסט זעהן ממש בדרך נס, אז אויב מיר וועלן אויפהערן זאגן, "טאקע ס'נישט ריכטיג, אבער אין די גאנצע גאס איז אזוי.." , און אזוי ממשיך זיין צו perpetuate די אלע נארישקייטן, וועט מען זיך מיטאמאל טרעפן אין מצב אז דער מיסטעריעזער "ר' גאס" וועט אויפהערן אזוי צו זאגן און אנקוקן, און ס'וועט זיין בעסער פאר יעדן איינעם.

 

קינות גירושין

זר זהב, איך וואלט דיר געבעטן זאלסט אראפנעמען דעם לייק פון מעראנצעןזאפט פאר די חוצפה וואס ער האט אונצורופען גרושים ״א קעיס״

מאראנצאןזאפט האט עס נישט קאנדאונט, ער האט עס באוויינט

איינער דא אין שטיבעל האט דאס געשריבען איך מיין סאיז זייער פאסיג דא:

דאס איז דער מענטש וואס גייט מיט גרויסע אפענע אויגן אויפן גאס, גראסערי, שול,
באמערקט אלעס, זעהט אלעס, האט ארויס די היסטאריע נאטורן, מצבים, פון יעדן מענטש העובר תחת השבט
טאג און נאכט איז ער נאר ביזי מיט יענעם,
האט שרעקליך רחמנות אויף יעדן איינעם'ס צרות,
קייעט דורך אלע פריוואטע ענינים פון שכנים, זייערע משפחה היסטארי ביז 10 דורות, קינדער איידימער זיידעס באבעס,
ביים שבת טיש ווועט ער/זי שטענדיג רעדן ווער ס'האט זיך גע'גט, ווער ס'האט "באמישע" קינדער,
פארשטייט זיך יעדע דריטע ווארט איז "נעבעך",
"נעבעך" איז די מעדשיק ווארט וואס כשר'ט אלעס,
"נעבעך" אהער "נעבעך" אהין,
וואס מאכט "נעבעך" פרידמאנס דריטע טאכטער "נעבעך" זיי האבן געהאט "נעבעך" שווערע שלום בית "נעבעך"
איר שוואגערס פרנסה איז "נעבעך" נישט אזוי איי איי איי "נעבעך" מהאט "נעבעך" געמאכט א טיי אווענט "נעבעך"
יוי!!! "נעבעך" וויפיל אידישע צרות "נעבעך"
"נעבעך" "נעבעך" "נעבעך" "נעבעך" "נעבעך"
און ווען איינער פרעגט זיי הלמאי וואס גייט דיך אן וואס טוט זיך ביי יענעם'ס קישקעס,
קומט גראד א אויספלאץ, מיט די תנועה
"נעעעעעעבעעעעעך" "איך שוין זיי אזוי שטארק",
פארשטייסט ער איז גאר דער בעל רחמנות,

איך וואלט פארגעשלאגן א גאר ראדיקאל אויסזעהענד טויש אין די גאנצע חתונה נאכט סיסטעם. וויזוי האט מען חתונה געהאט אינדערהיים? אדער אפילו דא אין אמעריקע גלייך ווען מ'איז אהערגעקומען. איך וואלט מסכים געווען צו זיין דער ערשטער חתונה צו מאכן אין א קליינעם ביהמ"ד! מיט נישט מער ווי 20 געסט! געפילטע פיש וואס מ'האט געקאכט אינדערהיים! מיט אביסל פלייש טשיקן היימישע, און א טעיפ רעקארדער צוגעטשעפעט צו א ספיקער פאר די מוזיק. וואס וואלט געפעלט פון אזא קאפל נאך די חתונה?!?! די חתונה נאכט וואלט אפגעקאסט 500 דאללער און יעדער קען זיין העפי.. איך וואלט עס געטון אבער ווי טרעפט מען א מחותן וואס איז אויך ווי מיר?

זאל איינער אויסרעכענען וויפיל א מחותן האט געצאלט חתונה צו מאכן א קינד 100 יאר צוריק, לייג צו אינפלאציע און כ'ווייס וואס נאך. ס'וועט נישט אויסקומען מער ווי 500 דאלער כ'גלייב. אבער היינט איז א וועלט פון חבירים און פרענדס און שפילן פאר די גאס און 'יעדער' טוט אזוי, דארף מען ספענדן 15000 אין איין נאכט און נאך טאנצן כאילו מ'איז פרייליך, און צוקוקן וויזוי די קרובים טעקסטן א גאנצן סעודה איבער זייערע איבערגעפילטע טעלערס וואס גייט אקארשט אריין פילערהייט אין גארבעדזש.

א פאריקטע וועלט. יעדער איז משוגע, קיינער קען זיך נישט ארויסדרייען און זאגן ער איז נארמאל, ער איז נישט! והא ראיה ער ספענט געלט וואס ער האט נישט ווען ס'פעלט נישט אויס. מ'דארף מאכן א וועד וואו מ'זאל זיך קענען איינשרייבן מענטשן וואס זענען מסכים חתונה צומאכן די קינדער אין 500 בעדפארד שול אדער אין טענקע שול אד"ג, נאכדעם זאלן שדכנים אנהויבן ארבעטן ארום די משפחות.

איי העוו עי דריעם

קינות, דאס האט 'גאלד' ערגעץ געשריבן

זר איך בין מסכם!
Can i propose?
קען מען דא שליסען א קישור חיתון? איך האב א הערליך קלוג מיידעל פון 7 יאר, זייט איך האב לעצט געטשעקט איז עס בידי איר צו מאכען פאר א כלה, געב נאך איין שלעפ דעם בענדעל, און זי איז דיין שנור! (פארשטייט זיך אויב די האסט א בחור)
דאס גייט זיין די ערשטע ״קאאוע שטיבעל״ שידוך!!!!!!
 

מזל טוב.
קינות'ל ס'איז נישט קיין צוזאמענשטעל. זר'ל בחור'ל האט אן אויסלאנדישער רבי, א זאך וואס דיין טאכטער האט נישט געהערט אינדערהיים. ווער ווייסט וואסערע מלחמה ס'קען נאך אויסקלאפען. ועוד, זר'ל האט אויך א מיידלעלע.. כידוע. זי קען שיין מאהלען.
זר'ל ברענג א לינק צו די 6000 סומאטוכע והמסתעף..
@ זר'ל דיין פלאן איז נישט מוצא חן בעיני, ווייל אויב א חתונה קאסט גארנישט וועט מען נישט טראכטען צוויי מאל פארדעם אדער נאכדעם.
א חתונה דארף זיין א major event כולי האי ואולי וועט מען טראכטען און איבערטראכטען פאר מטוט אזא שריט.

איז געווען מער גיטין אין יענע צייטן?

אויב ס'ארבעט זיך אויס גט מען זיך נישט, און אויב נישט טאר נישט א 'מעידזשער איווענט' צוריקהאלטן א גט. האטס גוט ארויסגעברענגט נאך א שלעכטע תוצאה פונעם היינטיגן 'גוט (גוט רשעעות'דיג) אויסגערעכעטן' סיסטעם.

אמאל, לויט די עדות פון גדולי ישראל, איז געווען 80 פראצענט גיטין ווייניגער..... בפרט אין די שטעטעלאך וואס האבן געהאט שוואכע אינטערנעטסערוויס.

וואסי נפק''מ וואסי געווען אמאל?
סך הכל זאג איך אז אויב שידוך שליסען און חתונה האבן וועט זיין אזוי גרינג און שנעל ווי צו טרעפן א חברותא פאר א אלול זמן.. וועלען זיך דרייען אין די גאסען שתוקי און אסופו 'ס אין די מאסען

אויב א שידוך טאן וועט צוגיין אזוי ווי אמאל וועט אויך זיין ווייניגער גיטין לכאורה. וויזוי איז עס געווען אמאל? גאר אסאך יארן צוריק איז דאך געווען א חמשה עשר באב

אלס והייתם נקיים וויל איך מודיע זיין פאר אלע וואס האבן זיך געשפורט געטראפן פון מיין תגובה ובראש וראשון ידידי האהוב אביר הלב, חן הוצק על לשונו, הרב קינות: אז איך בין בטבע א רך הלבב און איך האב געשריבן מיין תגובה מיט טרערן אין די אויגן.

לעיקוואד

וואס איז אזוי שלעכט אז סדא גיטין?

איך וועל פרובירן נאך איין מאל.
אפשר ווייל דער וואס גט זיך קומט אויס אויטאמאטיש אז ער בלייבט אן א פרוי?

פאר א קורצע תקופה (נאך ווייניגער ווי פון די 13 ביז די 20) בלבד, און נאכדעם האט ער שוין א (בעסערע) פרוי.

מעראנצעןזאפט, מחול לך (ג״פ ?)
ברוך תיהיה מעסעשם ביי ענק אויף שמחות
קאווע טרינקער, פונקט פארקערט איך האב יעצט צייט א פאר יאר צו זען, אז מיין טאכטער׳ס השקפה זאל זיין ענדליך מיט זרס בחור, איך וועל עם נאכקוקען פון דער נאנט, איך וועל מאכען זיכער אז זיי זענען ביידע אויף די סעים פעדזש, למשל אז איך זעה אז דער בחור וויל גיין מיט זשינס הויזען און מיט א שטיקעל טשאפ, וועל איך מאכען זיכער אז מיין טאכטער קוקט דאס ארויף (מרעדט דאך דא פון תלמידי ק״ש וואס קוקען נאר לטובת פון די קינדער) אנלייק די ביז היינטיגע סיסטעם ואס מיט א אויגענבליק דארף אלעס שטימען, ועוד, איך מיט זר האבען שוין ג׳אישי׳ט זייער אסאך וועגען די פלענער פאר די קאפל און מיר מאכען זיכער אז אלעס גייט עפ״י תקנות הק״ש, עני קאנפליקט צווישען אונז וועט א קאמיטע פון 3 מעמברס פון די שטיבעל מחליט זיין.
און צו דיר זר טייערע מחותן, וויל איך זאגען אלס דרשה געשאנק פאר דיר, איז מהיום והלאה וואס די גייסט שרייבען גייסטו אטאמעטקלי באקומען א לייק.

אהא, ווען די אטאמאטישע לייקס וועלן זיך אפשטעלן וועט יעדער וויסען אז "עפעס גייט דארט פאר".... זעהסט, כ'האב דיר געזאגט, די אלע חברה, ס'האלט נישט אן לאנג... זיי מאכן זיך אזוי... (און נאך אזעלכע משפטים און לחשים וואס מ'מוז זאגן ווען ס'גייט איינעם גוט)

האהא, קאווע היינט ביזטע גוט.. פערפילינו!!

יש להאריך בזה.

איך זעה נאכנישט די גרויסע סוקסעסן פון די נישט אראנדזשירטע מערידשזעס, נישט די אראנזשירונג איז די אורזאך פון די געשיידעריי לדעתי. עס איז דא א רייע מיט פראבלעמען, אנגעפאנגען פון די מח געוואשעריי ביי די דאמע שולען, און ווייטער ביי די אויבערפלעכליכער השקפה וואס דער 18 יעריק'ער צדיק'ל האט זיך איינגעקויפט אין די ישיבה ביי דעם בנש"ק וואס האט אים מחנך געווען פאר בלויז $850 א מאנאט.
ווען דער בחור'ל זאל ווען האבן א שטיקל פערספעקטיו וואס דאס לעבן בעפאר אים ברענגט מיט, און ער וואלט געווען מיט א דרייסיג מאנאט עלטער, און ער וואלט געקענט ווען רעדן שטיל, און עפענען א טיהר ביים קלאמקע, און צובינדן אפאר שיך פערטלעך, און די בתולה המהוללה וואלט נישט געלעכטצט אזוי שטארק דעם בערבערי טאש, און זי וואלט פארשטאנען וואס הייראטן מיינט, וואס א מאן ברויך פון א ווייב, וואס קינדער ברויכען פון א מאמע'ן, און אז די עלטערן מוזן נישט וואוינען אין א הונדערט פוס רעדיוס, וכו' לכו' איז נישט קיין אינטערשייד צו זיי זענען געווען ארנדזשירט צו נישט.

נא, דא האט איר צו לעזן אביסעלע, ס'איז זונטאג היינט, נישט אזוי?

<a class="postlink" href="http://iml.jou.ufl.edu/projects/spring07/zuffoletti/love.html">http://iml.jou.ufl.edu/projects/spring0 ... /love.html</a>
<a class="postlink" href="http://www.nytimes.com/2013/01/20/fashion/weddings/parental-involvement-can-help-in-choosing-marriage-partners-experts-say.html?pagewanted=all">http://www.nytimes.com/2013/01/20/fashi ... wanted=all</a>
<a class="postlink" href="http://www.dailymail.co.uk/news/article-1363176/Why-arranged-marriage-likely-develop-lasting-love.html">http://www.dailymail.co.uk/news/article ... -love.html</a>
<a class="postlink" href="http://www.psychologytoday.com/blog/looking-in-the-cultural-mirror/201004/arranged-marriages">http://www.psychologytoday.com/blog/loo ... -marriages</a>

אונז האמיר דא א פרישן כוכב, א מאן דאמר גאר.
וועלקאם טו דע קלאב. איר זאגט פיין, און אייערע לינקס זענען העכסט ניצבאר.

ישר כח מאראנצן זאפט פאר די ווארימע אויפנאמס רייד

קינות גירושין

זר איך בין מסכם!
Can i propose?
קען מען דא שליסען א קישור חיתון? איך האב א הערליך קלוג מיידעל פון 7 יאר, זייט איך האב לעצט געטשעקט איז עס בידי איר צו מאכען פאר א כלה, געב נאך איין שלעפ דעם בענדעל, און זי איז דיין שנור! (פארשטייט זיך אויב די האסט א בחור)
דאס גייט זיין די ערשטע ״קאאוע שטיבעל״ שידוך!!!!!!
 

קינות. לויט ווי כ'האב געליינט (און פארשטאנען) האט זר א טאכטער. סאו ס'וועטץעך (ליידער) נישט אויסארבעטן. חוץ נאך עטליכע פרטים איבער די מחותנים.

😂

דער שדכנ'ס קול זעהט מיר אויס ווי זלמן לייב סאנדל.

זיי זענען שטארקע 2 פיעס מענטשן... אבסעלוטלי פאזיטיוו באגעבו

פרומעט גאלדבערגער, וואס האט פאר דריי חדשים צוריק אפגעשפילט א כלה וויאזוי זי גייט תמימות'דיק צו צום כלה לערער, האט יעצט ממשיך געווען מיט די עבודת הקודש און אויסגעלענגערט און פארבעסערט דעם שטיקל. און די שטיקלעך שפילט זי אפ היימישע חתן \ כלה קלאסן כאילו ווי ס'איז אן נ.פ.ר. ארטיקל. ווען די נאר איז ווען נישט מיינע וואלט 'ך אויך געלאכט... הערט און האט הנאה.

<a class="postlink" href="https://soundcloud.com/frimet-goldberger/the-kallah-and-chusen-teachers">https://soundcloud.com/frimet-goldberge ... n-teachers</a>

ביסט געקומען שפעט צו די פארטי.

דאס ארבעט אויך נישט

So well written! Its so so sad by chasidish ppl. Including me. . . . . I wonder if this system will ever change. . .

דאס איז דאך א דבר ברור אז מצד אינזער רעליגע איז נישטא קיין שום פראבלעם מיט אן ׳ארענדזשיד מעירידזש׳, אפילו פאר א קליין מיידל, נאר אידישקייט איז געווארן מאדינעזירט. אבער די שורש איז נאך אלץ דא, ווייל א 18 יעריגע חסידישע מיידל ווייסט נישט בעסער פון א 7 יעריגע גוי׳ש מיידל בענייני רילעישינשיפ׳ס.

דא איז דא א ווידיאו פון ממר״י (א פרא ישראלישע גרופע) פון א מוסלומענער מיידל בענין הנ״ל

<a class="postlink" href="http://www.youtube.com/watch?v=-J7_TKgw1To">http://www.youtube.com/watch?v=-J7_TKgw1To</a>