ערב ל"ג בעומר וואס איך בין שוין געווען אין מירון. האבן אונז מחליט געווען אז מיר כאפן זיך אריבער קיין צפת. אביסל אויף די בארג און אויכעט צו כאפן א טבילה אין די טהרה שטיבל פון די בית החיים (הנקרא די ארי' הקדוש'ס מקוה). אזוי אויך האבן אונז עפעס געוואלט ערלעדיגן אין עיר העתיקה צפת. מיר גייען אראפ צו גי כניסה פון מירון לעבן די תחנת דלק. דארט איז אויך דא עפעס א מזנון, דאכט זיך אז עס האט נישט די בעסטע הכשר. מיר פרעגן די שוטר ווי מען קען כאפן א באס קיין צפת. זאגט ער אז ביז ניינע ביינאכט ליל ל"ג בעומר קען מען נאך ווארטן דא, ערשט ביינאכט וועט מען מוזן גיין צו די קאלירטע באס סטאנציע.
נאך ווארטן א האלבע שעה, רופט אויס א שוטר אויף די רם-קול, אז מען מוז יא פאלגן די נייע הסדרי תנועה. און מיר מוזן גיין צו דארט ווי די פענער זענען בלוי.
שוין מיר גייען צו די באשטימטע ערטער, און מיר ווארטן נאך א צוואנציג מינוט ביז עס קומט אהן א באס וואס פארט קיין צפת. גלייך שפרינגט ארויף א איד צו די טיר און זאגט אז ער לאזט נישט קיינעם ארויף אויף די באס. ער פשוט און פראסט האט געהיידזשעקט די באס. ער קומט מיט א טענה, אני מחכה לאוטובוס שנוסע לכרמיאל יותר משעתיים, ואני לא אזוז מפה עד שהוא יסע לכרמיאל. עס האט נישט געהאלפן פודינו ומצילנו, דער רוקט זיך נישט פון ארט. ער זאגט אז תקראו למשטרה ואני לא אזוז. די עולם איז געווען אביסל אומגעדולדיג אבער זיך געהאלטן רואיג. מען האט זיך מתווכח געווען מיט אים, אבער עס האט גארנישט געהאלפן. ביז איינער האט אריבער געוואקט צו די מוקד פון די משטרה און געפועלט אז איינער זאל אריבער קומען. ווען יענער איז אריבערגעקומען האט ער נישט גארנישט געטוהן נאר אים געזאגט אז אני מטפל בענין ויסדר לך אוטובאס. שוין דער איד איז אראפ.
מען גייט ארויף וויפיל קאסט? 10 ש"ח כיוון אחד, און 17 הלוך וחזור. איך קויף גלייך הלוך וחזור, און בעט די נהג צו מאכן שתי נקיבות (צוויי לעכער אין די כרטיס). פרעגט ער למה, זאג איך בשבילי ובשביל אשתי. אזוי האב איך זיך געשפארט דריי שקל.
דערווייל איז געווארן נאך א וויכוח צווישן אנדערע נוסעים אויב זיי דארפן צאלן. ווייל זיי האבן געקויפט א הלוך וחזור ירושלים מירון. און היות אז זיי האבן נישט צוגעשטעלט קיין באסעס קיין ירושלים פון מירון, זענען זיי נישט מחוייב צו צאלן די הוצאות קיין צפת. דער נהג טענה'ט אז ער ארבעט פאר אן אנדערע חברה און עס האט נישט קיין שייכות. איז געקומען אן אמעריקאנער, און געזאגט אז ער איז מנדב פאר אלע דיע נוסעים די הוצאות קיין צפת אבער לאזט שוין די נהג פארען. אבער דיע נוסעים האבן אפגעזאגט טהנה'דיג אז עס איז א שאד די געלט און עס קומט נישט פאר אגד די געלט. נאך בערך צוואנציג מינוט טענות ומענות, איז מען למזל ארויסגעפארן קיין צפת.
איך האב ווידיאוס פון די וויכוחים אבער איך קען עס נישט לאדענען.
@ודי למבין דאס קען מען נישט מיטהאלטן מיט א געדונגענע קאר. 🙂
