אייוועלט עליך , קאווע שטיבל!!

איך וועל נישט זיין שאקירט צו הערן אז דאס האט גנדי אליין אונטערגעשטעלט מיטן דירעקטן ציל צו ציען מער אויפמערקזאמקייט צו די נושא #טיפיקעל

איך וויל גראטולירן @איך אויך פארן זיך האלטן צום פראטאקאל פין דעם שפיל ביז צום לעצטן מינוט.

העי די לעצטע מינוט איז נאך ווייט אוועק.

איך אויך

העי די לעצטע מינוט איז נאך ווייט אוועק.

איך האף עכט אז נישט נאר מען וועט שנעל עכט קלארשטעלן וואס דא גייט פאר

מיינסט טאקע אז ביי נאו ווייסט נאך איינער וואט די העל איז גאוינג אן? זעהסט נישט ווי אלע גארדס זענען אנטלאפן פונעם וואכטורעם? עולם זייטס אייך מחזק די בריטישע קומען שוין אט אן.

The Wall Street Journal reports there are talks of a merger between Ivelt.com and Kaveshtiebel.com.
חחח איך נעם מיר א גרינע

זייער גיט האט דער מזכיר געטוהן, ווי דער ייטב פנים טייטשט הוא אשר דיבר, דער קען זיין א מנהיג, שמר לקדשו מבואו ועד צאתו אז מ'מאכט וויצן צו פירן דעם עולם קטן'ען. שרייבט ער אויף א פלאץ היום יצאתי והיום באתי, אז א מנהיג איז דער וואס איז מכניס ואינו מוציא, תנא הוצאה נמי הכנסה קרי ליה, און ווי ס'שטייט קלאר אין רב טוב אילו הוציאנו און אילו הכניסנו, מ'דארף וויסן ווען צו מאכן א וויץ און ווען צו אפשטעלן.

איך בין מסכים מיט יאיר. ס'שמעקט פון א ליצנות-געשעפט.

פלאוויוס האט געשריבן:
איך בין מסכים מיט יאיר. ס'שמעקט פון א ליצנות-געשעפט.

דער גבאי זאגט נישט עס שמעקט! דאס איז פאר די עמך אידען, די גבאי זאל זאגען קראנט וואס דאס גייט פאר דא אזאנס!

ווער רעדט פון שמעק דא. כ'קעניש שלאפן.

איינער איז הינגעריג?

@שלמה המלך, די מנהלים שמועסן נישט דורך זייערע פונקציעס מיט די גבאים. אויסער דער מעגליכקייט פון רעדאגירן האב איך גארנישט... (כ'רעד מיך חלילה נישט אפ. רעדאגירן איז גאנץ א שיינער כיבוד, אבער ווייסט דאך, ווען איך קען אליין פארשליסן אשכולות אז ס'זאל דונערן וואלט זיכער געווען מער קנאק.)

יאיר

.און דא קומען מיר צוריק צו די ווייען פון ווירטואלע רעאליטעט, וואו יעדער קען פירן יעדן ביי די נאז.

פון די אנדערע זייט האב איך געטראכט אזוי: דא האמיר געהאט ווי די הנהלה האט אוועקגענומען בלויז איין ליצנות אשכול און קוק וואס ס'איז געשעהן, א האלבער עולם האט נישט געגלייבט און די אנדערע האלב האבן פראטעסטירט און רעוואלטירט, פון קיינעם האט מען נישט געהערט קיין נעשה ונשמע'ס. יעצט שטעל דיר פאר וואס איז געווען ביים מעמד הר סיני ווען משה האט אונז אנגעזאלצן מיט א תרי"ג מצוות.. , האמיר דא יסודות אין אמונה 3: גנדי

פלאוויוס

איך בין מסכים מיט יאיר. ס'שמעקט פון א ליצנות-געשעפט.

שמעקן שמעקט דאס טאקע אזוי. מיר, די פשוטי עם, מוזן אבער אויסדרוקן פראטעסט אפגעזען די ריכטיגע מאטיוון. שטעלט ענק פאר די רעגירונג שטעלט איין אפערהייד – פאר א וויץ, פאר עטליכע שעה/טעג. מ'מוז תמיד זיין אויף דעם אלערט צו קעמפן פאר פולשטענדיגער דעמאקראטיע, סאציאלער גלייכהייט און יוסטיץ. אויב זאל מען שווייגן וועט מען זאגן מדשתקו רבנן, און קומענדיג מאל אויב ס'וועט זיך מאכן א שטיקל שאלה צווישן דער הנהלה איבער א געוויסער טעמע איז מסתבר צו זאגן אז ס'וועט אנקומען פיל גרינגער פאר זיי נוטה צו זיין לחומרא מיט דעם חשבון אז דער עולם איז סיי ווי באקוועם מיט סיי וועלכן באשלוס ס'ווערט געפאסט דורך דער הנהלה. אין יעדן פאל טארן מיר נישט זיצן מיט פארלייגטע הענט ווען א בא'חנ'ט אשכול'ע שלא טעם טעם חטא ווערט אזוי טראגיש פארשניטן אין א יונג עלטער, און מצד דער הנהלה קומט אן אנטווארט אז דאס איז א בייזוויליגע טעראר אטאקע, און אז די אכשר-דרא טעראר גרופע נעמט פאראנטווארטליכקייט. די וועלט מוז וויסן אז יא, ס'איז נאך פארבליבן א קליין הייפעלע מיט אידן אשר לא כרעו לבעל, אידן וועלכע דערשרעקן זיך נישט פון די אלע הסתרות שבתוך הסתרות. מיר וועלן קעמפן פאר א ספק קבר ספק איד; ספק צענזור ספק ערענסט. מיר ווייסן טאקע נישט די חשבונות פון אויבן, באריסטא ומשרתיו ויוצר משרתיו, און ווער ווייסט גאר צי דער שר "אסף" איז נישט באשאפן געווארן פון אונזערע עבירות ר"ל. תשובה טאן ברויך מען זיכער.

יואב דיין פעדער איז בריליאנט!!!
א מין שפראך דאס.

בקיצור יעדער איז מסכים אז אייוועלט עליך

@המלובה יו גאט איט 👍 👍

איך האב הנאה צו זעהן אז די הנהלה האט ענדליך איינגעזען אז מען איז געגאנגען אין די ראנג ליניע ביז היצטערט, אבער די דעמידש איז דאן, קאווע שטיבל איז שוין סיי ווי אפגעסטעמפלט אלס א .................. סייט, סא איך זע נישט וויאזוי ארויפברענגען אויף א העכערע ניווא וועט דא אסאך העלפן.

מען וועט פארשפרייטן אז דא דרייעט זיך א צדיק נסתר, אזוי וועט דער סטעמפל זיך אוועקגליטשן.

לכאורה האט דו הנהלה געזעהן ווי דו היימישע מידיע האט מורא געהאט צו געבן קרעדיט פאר קאווע שטיבעל ווען דו ווידיאו פונעם חפץ חיים איז ארויסגעקומען, און יעדער האט פרובירט עס אויס צו קראסען, און געגעבן שכויח'ס נאר פאר א ניק ונבנתה. האט דו הנהלה געזעהן העי, דער עולם קויפט נישט אפ קאווע שטיבל? האט מען דערפאר געהייערט אסף.

איך קלער נאר אזוי צו מיך הויך?

סאו וואט?

לאז, ער האלט נאך אינמיטן טראכטן הויך.

@יואב, נאר פאר דיין זאפטיגע רעאקציע אינעם לעצטן בלעטל האט זיך געלוינט די גאנצע איבערקערעניש. יעדעס ווארט וואס דו שרייבסט איז מלא חן!

העי מעגסט נאר שרייבן אראביש

דער אשכול ברענגט מיך צוריק צו די שטורעמישע מאמענטען איבער די אויפשטאנד אין די ווארשעווער געטא!!!

פרייוויליג

דער אשכול ברענגט מיך צוריק צו די שטורעמישע מאמענטען איבער די אויפשטאנד אין די ווארשעווער געטא!!!

יא יא. כ'האב געמיינט אז איך בין דער איינציגסטער דא אין שטיבל וואס האט דאס איבערגעלעבט. יעצט מיין איך אז איך ווייס שוין אפילו ווער דו ביזט.

קוקט נישט אויס מ'פלאנט צו ענדיגן די דזשאוק פאר אפריל 1, ס'ווערט נאר מער געריבן ווי א מינוט, שוין וואס פארשטיי מיר אונז.

ברעיקינג !!

עס ווערט באריכטעט אז צוויי פון די וואס זענען אינוואלווד אין די סומאטוכע זענען מיט אייניגע מינוטן צוריק דערשאסן געווארן דורך א אומבאקאנטער פארשוין, עני אפדעיט''ס ? ?

די עף.בי.איי. אין די ערשטע באריכטן דייטן אן אז דער באריסטא/געלעגער אחראי שטייט אינטער די שוידערליכע אטאקע

איש את רעהו

ברעיקינג !!

עס ווערט באריכטעט אז צוויי פון די וואס זענען אינוואלווד אין די סומאטוכע זענען מיט אייניגע מינוטן צוריק דערשאסן געווארן דורך א אומבאקאנטער פארשוין, עני אפדעיט''ס ? ?

קול מבשר זאגט יעצט אז די נייעס איז אינטער אויספארשונג

חברה!! איך גיי מיך גיין פאראכענען א לילקע:



ביטע מיך מעלדן ווען די אפגעריסענע סומאטאכע איז פארביי, דאן וועל איך צוריקקומען אויפן ריאיאן.

להתראות.

אדרבה, ממך ילמדו.
כ'ביניש מקנא די ביזי חברה, ווי פישעלע הערינג מיט איחוד פעלד און נאך אנדערע ניקס וועלכע וועלן אנקומען נאכן סומאטוכע 2.0 ווי א שירעם נאכן רעגן

און אונז האבען בתמימות געגלייבט אז דאס איז א וויץ. ווייזט אויס די צעקות פון המלוכה וחבריו דאס איז גאר געווען דער וויץ, דאס אז עפעס מנהלים האבען מחליט געווען איינפירען אן אייוועלט סטייל ווערטשאפט אין קאווע שטיבל איז גארנישט קיין וויץ.

סדרן אין אישי

טעמע: אייוועלט עליך , קאווע שטיבל!!

לעיקוואד

און אונז האבען בתמימות געגלייבט אז דאס איז א וויץ. ווייזט אויס די צעקות פון המלוכה וחבריו דאס איז גאר געווען דער וויץ, דאס אז עפעס מנהלים האבען מחליט געווען איינפירען אן אייוועלט סטייל ווערטשאפט אין קאווע שטיבל איז גארנישט קיין וויץ.

קריטיק קעגן דער הנהלה געהערט אין אישי.

זאגטס נאר איר זענט ערנסט?

איך האלט אז מ'דארף אויסשפארן לעיקוואד לכה"פ פאר איין וואך!

לעיקוואוד זיי אונז מגלה וואס האט דיר געמאכט שרייבן די הודעה וואס לכבוד דעם האסטו באקומען די אישי, א דאנק.

ס'האט נישט גענומען קיין פינעף מינוט און מ'האט שוין אנגעיאגט צו ווארענען לעיקוואוד און ער האט עס געקענט ארויפלייגען. וואו.
לגבי דער עצם מעשה, דער אריגינעלעם מאמר פון גנדי איז געווען גאנץ פיין, אבער נישט אזוי פיל אראפגעריסען די מוסדות ווי מ'וואלט געמיינט. א קליינעם ציפ געטוהן סך הכל. די מנהלים פון מוסדות דארפען זיך לאזען וואקסען נאך א הויט.

ח) קריטיק – אויב איינער האט א פראבלעם מיט א הודעה, איז נישט ערלויבט צו שרייבן פרישע הודעות מיט מחאות אויף דעם אינהאלט. עס איז דא פאר דעם א ספעציעלן קנעפל ("!"), וואס נאכ'ן דרוקן קען מען אריינשרייבן דעם פראבלעם. די מנהלים זעען דאס, און וועלן דאס באטראכטן די שנעלסטע וואס מעגליך. מען קען אויך איבער סיי-וועלכן פראבלעם שיקן א הודעה אישית פאר איינער פון די מנהלים.

ט) קריטיק אויף דער הנהלה איז ערלויבט בלויז דורך ניקים ותיקים. א נייער ניק קען נאר קריטיקירן אין אישית צו די מנהלים. א שרייבער וועלכער האט שוין ביישטייערט כאטש 150 זאכליכע הודעות קען זיך ערלויבן צו קריטיקירן ברבים, אבער אויך, זעלבסטפארשטענליך, מיט כבוד האדם. די סיבה איז וויבאלד מיר קענען זיך נישט ערלויבן אז שרייבער וועלכע זענען דא בלויז אויף סאבאטאזש זאלן שטערן אנדערע שרייבער און לייענער. אז א נייער ניק וועט זיך אפגעבן בלויז מיט מחאות און קריטיק וועלן מיר זיין געצווינגען אים אויסצושפארן.

פון די תקנות הפארום

אז לעיקוואוד איז נישט אין דער גדר, ווער יא? אם בארזים נפלה שלהבת, מה יענו אזובי קיר?