שוידערליכע ארוני'שער גניבת ובזיון המת

צעהן יאר צוריק יא, אסאך זאכן האבן זיך געטוישט אין צעהן יאר

זיכער האבן זיך זאכן געטוישט, די פוינט איז וואס זאל יעצט באדערן פארן נפטר אז מ'האט אים דארט מקבר געווען?

כ'פארשטיי אז רצונו של אדם זה כבודו, מ'קען דאס אבער נישט אנרופן אן אמת'ע פחיתת הכבוד פארן נפטר, וויפיל כ'פארשטיי,

שמיכל. איך גיי נישט אריין בגופא דעובדא פשוט ווייל איך ווייס נישט די פאקטן. דיינע לאקשן גלייבט יעדער פונקט ווי מען גלייבט וואס דער געלער בדחן האט געשריבן אין זיינע 2 בענדער מושש"י. (אוי מיין חבר דא זאגט מיר ער האלט שוין ביי 13 איך האב געסטאפט צו גלייבן נאך חלק ב')

איין נקודה. מילא ווען מען לאזט נישט ר' בנציון קומען צו קיין איין שמחה פון זיינע אייניקלעך. פארשטיי איך אז דאס איז א אויסנאם רשעות'דיגע מעשה משא"כ יעצט בעלמא דקשוט. וואס פעלט דעם ר 'בנציון? מיר זענען ברור אז רבינו הקדוש זי"ע איז אים זיכער אקעגען געקומען מיט שטריימל און ווייסע בעקיטשע מיט א אויסערגעווענליכע חביבות. א קלייניקייט? סי ארויף געקמען איינער פון די רובא דרובא זקני רבינו וואס האבן מקיים געווען די גרויסע מצוה און "געהאסט ר' אהרן נוסח שלמה יענקל". איז דאס נישט די שיטה הקדושה פון רבינו הק'? סוי דאס פארכאפונג איז נישט אזוי שוידערליך ווי די שרייבסט אז מען נעמט אין באטראכט וואס א כבוד מלאכים דער נפטר באקומט בגנזי מרומים
איך האף אז ר' שלום נחמן פילאף און ר' יקותיאל הערש זענען אים נישט מקנא דארט

שמייכל דיין גאנצע מעשה איזנישט און נישט געפלויגן הייט זיך נישט אן פאון אנפאנג ביז צום סוף העצע כדרך די זאליס בני יואל אלע יארן ביסט פלעין א געזונטע זאלי וואס טרייט אויסצו שטעלן די מעשה זאל שטימען לויט דיר און די ארונים טרייען ס'זאל שטימען לויט זיי האסט געווארט אפאר טעג און פארגעשריבן א גאנצע העצערישע דרשה ס'האט נישט אויסגעפעלט קענסט סתם אזוי מאכן א מעשה ס'פעלט נישט אויס קיין הקדמות

שלמה יענקל שרייט אזוי און פישער שרייט אזוי דעטס אלל

@שמייכל גיט כאב דיר גיגעבן א לייק ווייל מער ווייניגער זעה איך נישט קיין גרויסע סתירות צווישן אונזערע 2 באריכטן, שנייד נאר ארויס דיינע וויטריאלישע ווילדע רעטאריק ושניהם לדבר אחד נתכוונו
און איך עגרי אז דער זוהן האט זיכער מער רעכט ווי אלע איידעמער, הונדערט פראצענט, אבער דאס איז נישט אונזער דע"ם ביזנעס, דאס איז א פרייוועט משפחה פייט, און די משפחה האבן זיך געוואנדן צו די ארונים חברה קדישא, נישט פארקערט, ווי דער מנהג בקהל הזלונים זענען, נו מה עליהם לעשות? די זאליס וואלטן גארנישט אנדערש געהאנדלט, קיין ספק,
נאר איין פרט פון דיינע פאקטן איז "לא דק", ר' בנציון האט געוואוינט ביי דעם אייניקל שטערן אין מאנרא, בערך 2 יאר, נישט קיין "אלע יארן", ביז ער איז נעבעך אראפגעפאלן און ער האט זיך גענויטיגט און טיפול מיוחד, האט דעמאלטס דער טאכטער ראזענבערג (זי איז דער צווייטער קינד) באפוילן אז מ'זאל איהם צוריקברענגן קיין בארא פארק צו א ריהעב אין מיימאנעדיס, (זיין אייגן דירה איז שוין געווען ארויסגעדינגן), מיימאנעדיס איז אראונד די קארנער ווי זיינע קינדער וואוינען, דאס הייסט ממש ווי געוואוינט מיט די קינדער און די בענעפיט פון אלע פראפעשענעל געצייגן,
שביעי של פסח האט ער געדאוונט אין די שוהל פון די האום אין מיימאנעדיס און אויך עולה געווען, נאכמיטאג האט עפעס פלוצלינג פאסירט (כווייס נישט פונקטליך וואס) און פארנאכטס האט מען געזעהן אז די מצב איז ענג, און ער האט געהאט די זכי' צו האבן א מנין אידן ביי יציאת נשמה וואס דער איידעם פישער האט צאמגעשלעפט,
די אונטערשטע שורה איז אז לפענ"ד האט דא ר' בנציון גארנישט דערלייגט, ער ליגט לעבן דעם הייליגען סאטמאר רבי זצ"ל ועוד צדיקים קדושים וטהורים, מקום מנחתו ברענגט איהם נאר כבוד און איז נאר מעורר להזכירו בשבח, ער ליגט און א עכטע שיינער מקום מכובד,
ווידער דער אנדערע מקום, איך זאג נישט ח"ו אז ס'עפעס שלעכט, חלילה וחלילה, אבער עם כל זה, ס'נישט, הרואה אומר מה זאת? הבריות מרננין, יעצט צירייסט מיך נישט זאליס, איך בין חלילה נישט מזלזל אין קיינע פון די נקברים דארט, זיי זענען אלע וואוילע טאיערע אידן, אבער ס'פארט א פאקט אז האלב סאטמארע אידן באטראכטן עס ווי עפעס א פחיתת הכבוד, יא איך פארשטיי זייער גוט אז ענק האבן אלע אין בוידעם די שלעכטע ארונים, מסכים, אבער אינעם אלטן ביה"ח מוז מען מיטאמאל האבן די ארונים אין בוידעם אויך נישט, נו וואס פונקטליך האט ר' בנציון דא דערלייגט?

@שמייכעל גיט שיין צולייגט גוט געשריבען,
אבער עס קומט נאך אלס נישט אז די גאנצע קהל ה'זאלונים זאלען ווערן צוקאכט איבער א פעמילי פייט, עס איז דא גענוג פעמילי'ס מצד ה'אהרונים וואס זענען פארווייטאגט אויף די זאלונישע התנהגות בנוגע זייער מארקעטינג פאר'ן נייעם שטח בית החיים, און דערווייל איז נאך ביי קיין איין אינצידענט נישט געקומען פון אן אפיציעלער גרופע קיין מעסעדזשעס צו הייצען דעם ציבור איבער א משפחה סכסוך,
עס איז פשוט אוועקגענימען יענעמ'ס פרייוועסי און געפיל אין אזא ענגע מאמענט.

ובדרך צחות אויב איך מעג פרעגן,
כידוע איינע פון די עיקר אויסריידן פון זאליס זענען אז "ס'ממילא איינס", "ס'איין לאט", "מ'וואלט סיי ווי אויסגעלאפן פון פלאץ", "דער בערלינער וואנט איז אויך געפאלן", און דער איד איז געשטאנען איינמאל א "פסק הלכה" פון די זאלי ביד"צ אז דער נייער ביה"ח איז ע"פ הלכה ווי דער אלטער,
נו למאי נפק"מ ווי ער ליגט, ס'דאך ממילא איינס, ער איז ממש סמוך ונראה צו די נייע זאלי לאט,

נאך איין וויכטיגע זאך וואס איך שפיר איך דארף שטארק חולק זיין און פארדאמען כבוד @שמייכל גיט,
ס'באמת קיין שום טובה לנשמתו פון ר' בן ציון ע"ה צו זאגן אז ער האט חלילה "געהאסט" א צווייטן אידיש קינד צוליב דרעקישע חסידישע פאליטיק,
איך האב אויך פיין געקענט ר' בנציון ער האט נישט "געהאסט" קיינעם, יסכר פי דוברי שקר,
ס'פאסט זיך מיטאמאל אויפן כאראקטער פון ר' בנציון ע"ה,
וואס יא ער האט זייער געהאלטן פון זיין זוהן שלמה יאנקל, ער איז געווען זייער שטאלץ מיט איהם,
און וואס שלמה יאנקל האט געזאגט איז געווען קדוש קדוש,
פארדעם זענען די זאליס געגאנגען מארקעטן זייער ביה"ח ווייל זיי האבן געוויסט אז שלמה יאנקל האט ביי איהם דאס לעצטער ווארט,
אויב ער האט אמאל געזאגט א ווערטל אויף ר' אהרן האט ער עס געקענט זאגן פאר זיינע בעסטע ידידים,
דאס איז געווען ר' בנציון, ער האט געהאט דעם זיסן ווינק מיטן לינקן אויג, ווי ער האט געקענט געבן א טשעפע יעדען און קיינער איז נישט באליידיגט געווארן,
ער האט קיינעם "געהאסט" חלילה

וואס עס שטעלט זיך ארויס איז, אז אלעס איז BS, קיין שום צד מיינט נישט לשם שמים, און קיינעם אינטרעסירט נישט דעם כבוד פונעם נפטר/נפטרת, די זאלונים ווילן בכל תוקף ועוז שלעפן צו זיי וואס מער נפטרים, און די אהרונים ווילן ווי מער נפטרים זאלן גיין צו זיי, קיינער איז נישט אויסן אויף בזיון המת, קיינעם אינטרעסירט נישט די עוולה אז מען טיט א קעגן דעם רצון פונעם נפטר/נפטרת, שטותים מיט הבלים, וועמען עס ארט אז ר' בנציון אדער ר' יצחק גלאנץ ליגט ביי די אהרונים, ארט נישט אז ר' זלמן גראסבערג, ר' נח אבראהאם, ר' אלטר שמחה, ר' שלום אליעזר זארגער, מרת לויפער, וכו' וכו' ליגן ביי די זאליס בניגוד לרצונם, האקט נישט קיין טשייניק, זייטס אנעסט, דער פאקט איז אז ר' בנציון שטארבט ווען אין קרית יואל ביי מרת שטערן (שלמה יאנקלס אייניקל) אין שטוב וואלט ער זיכער געלעגן ביי די זאליס, למעשה איז ער נפטר געווארן אינטער די אויפזיכט פון די איידימער וואס זענען אהרונים, ליגט ער ביי די אהרונים, דער חילוק איז נאר אז ווען די אהרונים האבן פארלוירן א נפטר וואס האט קלאר געזאגט אז ער וויל ליגן ביי זיי און די זאליס האבן עם פארכאפט, מאכן זיי נישט קיין טומעל, זיי ווישן זיך אפ די נאז און פארטיג, אבער די זאליס, זיי קענען נישט נעמען קיין דורכפאל, זיי שפרינגען און שעלטן אן א אויפהער.

כאמעך אזוי מתבונן געווען און איך בין געקומען צו די החלטה אז די זאליס זענען א באנדע ספוילט-ברעט בוליס,
זייער פארפירעריי האט גארנישט מיטן כבוד הנפטר,
איך זעה נישט ווי א ראשינאלער מענטש קען דא זאגן אז דער נפטר האט דא עפעס דערלייגט,
אדער איז נתבזה געווארן,
ר' בנציון האט בלי צל ספק קיינמאל געהאט קיין פראבלעם צו ליגן אינעם אלטן ביה"ח,
אפי' ער איז געווען זלוניש געשטימט איז ער נישט געווען קיין פאנאטישער עקסטרימיסט ווי זיין זוהן,
איינער וואס זאגט אז יא, האט איהם קלאר נישט געקענט,
אין די ארוני ח"ק האבן דא גארנישט שלעכט געהאנדלט,
די פאקט איז אז א חשובער סאטמארער איש מכובד איז געשטארבן,
האט געהאט א באצאלטע חלקה אינעם סאטמארן ביה"ח,
סאטמארע קינדער האבן זיך געוואנדן צו זיי, נישט פארקערט
פארוואס זאלן זיי אפי' זיין מסופק פאר איין רגע זיך נישט צו מטפל זיין,
דער איינציגער וואס האט יא רעכט צו האבן טענות איז שלמה יאנקל,
איך געב איהם אינגאנצן גערעכט, אז דער איידעם האט נישט געהאט א רעכט איהם צו אויסקרויזן,
מסכים,
אבער וואס איז די עק וועלט דא?
איין שוואגער האט בעוולט דעם אנדערן,
נו מאי כולה רעש, אזש ממש די גאנצע זאלוני קאמפאני גיסט דא אויס זייער גאנצער גרימצארן,
ווי זענען זיי דא מחותנים אין א פריוואטע פייט צווישן שוואגערס,
נאר וואס דען, די זאליס באדערט איין זאך, אז זייער ביה"ח האט פארלוירן א נפטר א איש מכובד,
גארנישט מער,
נו פאר דעם דרייט מען איבער א וועלט?
נאר וואס דען ווי געשמועסט זיי זענען א ווי דער ספוילט ברעט קינד אין חדר
וואס טשעפעט יעדן און אויב איינער וואגט זיך איינמאל צו געבן צו שפירן וואס ער טוהט פאר אנדערע
שטויסט מען און מען בריקעט

און שלמה יענקל וואשט זיינע שמיציגע וועש אין דער איד.....

איינער איז ארויס געקומען מיט א סטעיטמענט אז דער זון האט מער זכות צו מאכן א דעסיזשאן איבערן פאטער ווי די טעכטער, און עולם גולם שרייבט דאס איבער ביז מען מיינט אז איז טאקע אזוי, ניין!, על פי הלכה האבן אלע קינדער די זעלבע רעכט, אלע קינדער, זכרים ונקבות האבן פונקט די זעלבע רעכט, נישט דער זון האט מער רעכט און נישט דער בכור האט עפעס א עקסטערע רעכט, און אוודאי נישט די אייניקלעך בני המנוח ר' צבי אלימלך, א זון האט נאר מער כח בענין ירושה און דאס אלעס, איז עמעצער מחולק? זאל ער פרעגן א דיין, דאס איז קלאר ולית מאן דפליג, די שוועסטער האבן נישט געוואלט און נישט געדארפט פאלגן זייער ברודער, נאך א זאך וואס יעדער איז מודה און קיינער פון ביידע צדדים זענען נישט מחולק, אז ר' בנציון האט קיינמאל נישט צוזאם גערופן די קינדער (נוסח ר' משה חיים רובין ור' יעקל שווארץ) זאגן קלאר און דייטליך וואס זיין רצון איז, און אויך האט ער נישט געשריבן א צוואה (נוסח ר' נח אבראהאם) וואס ער וויל, יא, אמת, ער איז געווען א זאלי, און גאנץ מעגליך אז ער האט אפילו געוואלט ליגן ביי די זאליס, אבער געטון וואס ער האט געדארפט צו טון האט ער נישט, במילא קען מען צו קיינעם נישט האבן קיין ליגיטע טענות, וכל דאלים גבר,

דער פאקט איז אז ר' בנציון האט כסדר געזאגט קונפליקטינג סטעיטמענטס, ווען זאלי סעילסלייט זענען געקומען פארקויפן זייער פראדאקט, נעמליך א חלקה אין זייער בית החיים און ר' בנציון האט זיי געגעבן א טשעק פון טויזענט דאלאר, האט ער געזאגט פאר די משפחה אז ער האט נישט געקויפט א חלקה ער האט זיי נאר געוואלט שטיצן, שפעיטער האט ער געלאזט סטעימענטס וואס האט אפשר יא אויסגעזען אז ער קען ביישטיין צוליגן ביי די זאליס ווייל ער האט געזאגט אז די זאליס האבן עם געזאגט אז אלעס איז איינס און אז בקרוב גייט די וואנט אראפ, אבער ווען ר' יאנקל גליק (גבאי) האט געלייגט זיין ווייב ביי די אהרונים, האט ר' בנציון דערציילט אז ר' יאנקל האט עם געזאגט אז אלעס ווענדט זיך במילא נאר אין די קינדער און אז זיי (די באטרעפענדע) האבן אין דעם נישט וואס אריין צו רעדן, ר' בנציון האט דאס כסדר איבער געזאגט אז ער לאזט דאס צו די קינדער און אז זיין מיינונג איז במילא נישט מאסגעבענד, ובפרט נאך די פטירה פון זיין ברודער ר' מרדכי ישראל וואס איז געווען א גרויסער זאלי (אסאך מער ווי ר' בנציון) און דער זון האט מחליט געווען עם צו לייגן ביי די אהרונים, דאס האט ביי עם געהאט א גרויסע השפעה, און ער האט ווידער געזאגט אז ער לאזט דאס צו קינדער, על כן איז זייער קלאר, יעדער זייט האט געוויסט אז ווער עס לייגט אויף עם די האנד נאך די פטירה וועט געווינען, שלמה יאנקל האט פאר ארבייט מעשים ער זאל וואוינען ביי די טאכטער אין קרית יואל, (כאטש עס האט געקאסט אסאך געלט, און ווער מיינט איר האט באצאלט? שלמה יאנקל? ניין! די איידעמער האבן באצאלט שווערע געלטער), נאר אפאר חדשים צוריק איז ער ל''ע אוועק געפאלן און מען האט עם אריינגעפירט אין שפיטאל ווי ער האט זיך עטליכע וואכן געראנגלט בין חיים למוות, אבער ער האט זיך ב''ה ארויס געדרייט און דער מצב איז געווארן עטוואס בעסער האט מען עם אריין געשטעלט אין דעם ריהאב סענטער לעבן מיימאנידעס האספיטאל, ווי די טעכטער (וואס וואוינען ממש דערלעבן) מיט די אייניקלעך האבן זיך אפגעגעבן מיט עם מיט מסירת נפש, יומם ולילה לא ישבותי, (שלמה יאנקל האט פארפירט מען זאל עם טראגן צו א ריהעב לעבן מאנסי, (פאר פארשטענדליכע סיבות) אבער למעשה האבן די טעכטער פארפירט אז מען זאל עם טראגן קיין בארא פארק און ר' בנציון טאקע געהייסן מען זאל עם טראגן נאנט צו די טעכטער כדי זיי זאלן זיך קענען אפגעבן מיט עם) דער מצב איז לכתחילה בעסער געווארן אויף אזוי ווייט אז מען האט שוין גערעדט פון צוריק גיין צום אייניקל אין קרית יואל, (וואס דאן אויב דאס וואלט געשען ווייסט יעדער ווי ר' בנציון וואלט היינט צו טאג געלעגן) אבער דער רצון הבורא איז געווען אנדערשט, דער באשעפער האט געוואלט אז אזא איד וואס האט אזוי געטריי געדינט רבינו הק' זי''ע זאל האבן די זכי' צו ליגן ממש סמוך ונראה לעבן צדיק און נישט מאחורי הגדר, האט ער צו געפירט אז פאר פסח האט זיך געמאכט עפעס קאמפליקאציעס, מען האט עם אריין געפירט אין שפיטאל, און דעם ערשטן טאג פסח האט מען עם אפערירט, און חול המועד איז ער שוין געווען צוריק אין ריהעב סענטער, שביעי של פסח האט ער ב''ה פיין געפילט, ער האט געדאווענט אין בית המדרש אינעם סענטער, (ער האט אפילו עולה געווען) אלעס איז געגאנגען כשורה ביז שפעט נאכמיטאג האט אן אייניקל באמערקט עפעס א שינוי אויף ר' בנציון און שנעל גערופן א נוירס וואס האט פעס געשטעלט אז מען דארף עם תיכף צוריק פירן אין שפיטאל, ווי ער האט לדאבון לבם אויסגעהויכט זיין נשמה בערך 9 אזייגער בכניסת יום אחרון של פסח,

נו, פרעג איך אייך, וואס האלט איר? וואלטן די אהרונישע קינדער געדארפט עם אפשיקן צו די זאליס, אדער ארענדזען א בכבודיג פלאץ (עט ליסט לדעתם) אינעם בית החיים ווי זיי האלטן אז עס איז לכבודו, אינעם בית החיים ווי זיין ווייב ליגט, אינעם בית החיים ווי זיין זון און זיין ברודער ליגן, און אינעם בית החיים ווי דער רבי זי''ע ליגט, אדרבה, טראכט אריין, טיט נישט ריעקטן מיט קיין פילינגס און מיט פניות, נאר מיט א אפען מיינד, איך האלט אז לויט די אומשטענדן וואלט יעדער אויף זייער פלאץ געטון פונקט די זעלבע, זיי וואלטן עם געלייגט ווי זיי האלטן איז דאס ריכטיגע בכבודיגע פלאץ פארן נפטר, און אקאראט דאס האבן זיי געטון.

גאלד

כאמעך אזוי מתבונן געווען און איך בין געקומען צו די החלטה אז די זאליס

זאג נאר, דו האסט זיך שוין אמאל אין די לעצטע פופצן יאר ''מתבונן'' געווען און געקומען צו אן החלטה אויף עפעס נעגעטיוו קעגן אהרן/אהרונים? וואס מאכט דיר טראכטן אז דיינע פירקלערייען זענען עפעס וואגיק בכלל מער ווי סתם א צווייטער פארטייאישער פריק?
זא דיר שוין נישט אזויפיל 'מתבונן'

קען זיין, האסט א וועליד פוינט @sefish

איך האב גערעדט צי היפש זאלי'ס זיי האבן אלע מודה געווען אז דא איז געווען א אפענער יד ה' אין מלאך רע בעל כרחו יענה אמן
אזא יוד ווי ר' בן ציון וואס אלע יארן געארבעט פארן רבי'ןס מוסד

איז בסייעתא דשמיא אנגעקומען לעבן רבי'ן אין נישט ביי די שפלינטער מאוחרי הגדר חברה ער ליגט לעבן טויזנטער סאטמארע יודען ובראשם דער הייליגער רבי זי"ע אין נישט ביי די מיעוט בעלי מחלוקות

זאליבאנער איך ווייס ס'טוט ענק גאר שטארק וויי איך האב הנאה פין ענקער ווייטאג א יעדע סקונדע

קיינער האט נישט געהייסן זיך אפטיילן פין אזא אדמת קודש

דער גרעסטער אין די אמת'דיגער ווייטאג פין די זאלי'ס ווען זיי פארלירן א נפטר א ווי למשל הרב הגאון ר' ישעי בראווער
הרב הגאון ר' יאסל לעווי
איז זייער פשוט זיי ווייסן גאנץ גוט אז זייער בית החיים איז א זשאנק יארד קעגן דעם געהעריגן בית החיים
אין געהעריגן בית החיים ליגט רבינו הקדוש מיט נאך צענדליגער גאונים רבנים מיט טויזנטער אנשי שלומינו, ווער וויל נישט דא ליגן?!

פארוואס זאל א רעכט דענקיגען מענטשן איינפאלן גיין ליגן ביי יונגאטשן אויב נישט נאר וועגן נער'ישע מחלוקות אין פאליטיק

א קינד דארף אלעס אין די וועלט טיען אז זיין טאטע/שווער זאלן ביי די חברה נישט אנקומען ס'איז א בזיון המת אויפן העכסטן דעגרי

אין דאס ברענט אין זיי ווייל יעדע'ס מאל וואס זיי פארלירן א נפטר כאפן זיי זיך אז זייער בית החיים איז הארלעם קעגן דעם עכטן בית החיים

יו סטאפ שוין מיט די פערדישקייט. הארלעם? א דזשאנק יארד? עס איז א נייער ביה"ח ! זה הוא... א חלק ניכר זענען עלענדע מענטשן ווייל מען גיט דארט אוועק קרקע פאר נעקסט טו נאטינג. און עפ"י רוב פון אידן וואס זייערע קינדער זענען קעגנער פון ברך משה און פונעם מרא דאתרא. זיי פילן באקוועמער צו מאכן ביזנעס מיט זייערס א קאמפאני. אקעי רוף זיי אינגאטשען. געגרינדעט דורך עזות פנימער אבער ווי קומט דא אריין בזיון המת? אלע ערליכע טייערע אידישע קינדער. ליגן צווישען אנדערע אידן מיט די גרעסטע כבוד וואס איז שייך. דער בלאט האט געהאט גאנצע מאפעס ווי ווייט עס איז. ווייט פון וואס? מאחורי פון וואס? פון גן עדן? און אז מען ליגט א צוויי פיס נאנטער צום רבין און רעבעצין פרעסן נישט די ווערים? סארי איי קענט טעיק סטופידיטי

Guys I see the Aronim are busy a whole time that it is mosrim
Machorei hageder so I ask you how many years do you think the gader will be there and what happens if it comes off they automatically become what

שעפטל

און שלמה יענקל וואשט זיינע שמיציגע וועש אין דער איד.....

?I see nothing, what page

אבזערווירנדיג די גאנצע סומעטאכע ( גוט געספעלט?? ) אלס דרויסנדיגער נעם איך נישט קיין שטעלונג איבער ווער ס'איז גערעכט , אבער דאס איז איינמאל זיכער אז קיינער מיינט נישט לשם שמים יעדער מיינט זיין פארטיי ,
אבער איין זאך איז זיכער אז די איינציגסטע זאך וואס איז נוגע איז וואס דער נפטר האט באמת געוואלט , ווי האט ער געזאגט אז ער וויל ליגן , אפילו אויב לשיטתך האט ער א זכי' אז ער איז אנגעקומען אין אנאנדער פלאץ ווי ער האט געזאגט ממילא די אלע טענות אז א איד האט זיך אזוי געמוטשעט פארן רבי זי"ע האט זיכער געוואלט ליגן נעבן איהם איז אירעלעווענט , ס'סאונד בערך ווי איינער האט געארדערט אראנדזש דזשוס פון א גראסערי און באקומען פרעש ווייפס און דער גראסערי מאן שרייט אז די רבי זי"ע פלעגט זיך אונטערווישן מיט אטא די פרעש ווייפס מילא מוז זיין אז האסט באמת דאס געוואלט ,

סאו די אלע טענות אז ער האט זיכער נישט געוואלט ליגן אונטערן פלויט , מאחורי הפרגוד , מיט די נפלים , וכו' איז בכלל נישט נוגע אויב האט ער געזאגט עפעס אנדערש .

דאס איז אויב האט ער געזאגט , אויב אבער האט ער נישט געזאגט , להלכה ווייס איך נישט אבער געווענליך האט א זון מער א ווארט ווי א טאכטער , ספעציעל אויב האנדלט זיך עס פון קהילה פאליטיק האט דאך די פרוי געווענליך נישט קיין מיינונג נאר וואס איר מאן זאגט און א זוהן האט זיכער מער ווארט ווי א איידעם ( מילד גערעדט).

ס"ה אויב איז דער איד געווען א זאלי איז דא א שטארקע מקום לחשוש אז ער'ט געוואלט ליגן אין די נייע בית החיים , פונקט ווי קיינער זעהט נישט ניו דזשערסי חלקה אלס מאחורי הגדר די זעלבע זאך דא , ספעציעל אויב האט ער שוין באגראבן דארט זיין צווייטע ווייב

אלץ ווענדט זיך אין די מטרה , אויב שטעלט מען אויף א וואנט בלויז צו שרייען אז די אנדערע זייט וואנט איז מאחורי הגדר איז עס גארנישט,
זאג נאר , אין ניו דזשערסי וועלכע פון די חלקות איז פאר די אפפאל , סאטמאר אדער באבוב, למעשה איז דא א גדר צווישן די צוויי , ניין??!! ( איך בין נישט באקאנט מיט די פאקטישע אויסשטעל דארטן אבער פארשטייסט מיין פוינט, יא?! אז נישט פרעג איבער)

טא אויב די איינציגסטע זאך וואס מאכט זיי פושעים איז בלויז ווייל זיי זענען זאליס , לאזט זיך נישט גלייבן אז א זאלי אדער אפילו א פערטל זאלי זאל נישט וועלן ליגן דארט צוליב די סיבה

נאך הערן נאך פרישע סחורה דעם שבת און ליינען אלע טוויטס און טעקס מעסעדשס מכל הצדדים שטעלט זיך ארויס די פאלגענדע קלארע בילד,

1. דער נפטר האט נישט איבערגעלאזט קיין שום צוואה אז ער וויל למען השם נאר ליגן אין די זאלי ביה"ח,

2. ער האט קיינמאל נישט מזהיר אלע קינדער איבער זיין קבורה לאחר מאה ועשרים,

3. דאס גאנצע וואס עס האט פאסירט אז ס'געלונגען פאר אנשי מהרז"ל מיטן הילף פונעם זוהן צו ארויסשלעפן א טשעק פון $1000 פאר א חלקה אין די נייע ביה"ח, לא פחות ולא יותר,

4. דאס האב איך קאנפרמירט מכמה מקורות נאמנים אז ווען ער האט יא גערעדט דערפון ברמיזא האט ער געזאגט אז ער לאזט דער ענין איבער אויף זיינע קינדער צו מחליט זיין,

5. זיין נישט מצווה זאגט שוין אלעס, ווייל ער האט לכאורה געוויסט בהחלט אז ער גייט ליגן אין מאנרא, צו די אלטע צו די נייע איז איהם באמת נישט אנגעגאנגען קיין סאך, עכ"פ נישט אויף אזוי ווייט אז ער זאל שפירן פאר וויכטיג צו מזהיר זיין די קינדער איבער דעם,

איך מיין אז כל הנ"ל וועט יעדער ראשינאלער רעכטדענקער מענטש מודה זיין,

6. דאס האב איך קאנפורמירט דעם שבת אז די 2 טעכטער ארונים פון ב"פ, ראזענבערג און פישער, זענען שוין געווען זייער באזארגט אויף דעם ענין פון די קבורה נאך סאך איידער די פטירה, (ס'האט מער דעטאלן אבער איך וויל נישט אריינגיין און צו פריוואטע משפחה ענינים), ווען מ'לייגט ווען דעם נפטר ביי די זאליס וואלטן זיי געווען פונקט אזוי פארווייטאגט צו אפשר נאך מער ווי דער ברודער שלמה יאנקל איז יעצט,

7. ווען שלמה יאנקל האט ווען די שליטה אויפן נפטר און ער איז מחליט צו מקבר זיין אינען נייעם ביה"ח און די שוועסטער קומען ווען דעמאלטס צו איהם: ברודער לעבן איך מיין זאלסט לייגן טאטי אינעם אלטן ביה"ח, עטס ווייסט וואס שלמה יאנקל וואלט געטאן? ער וואלט אויסגעדרייט זיין ברייטן מחילה צו זיי און ארויסגעבלאזן א גרויסע נפיחה אזש זיי וואלטן אוועקגפלויגן 10 מייל, אז איינער קלערט עפעס אנדערש לעבט אין מארס,

8. ממילא שטעלט זיך די שאלה מאי חזית דדמא דידך סומק טפי, פארוואס זענען די הרגשים פון שלמה יאנקל העכער ווי די שוועסטער? זיי זענען עפעס צ'אפט ליווער? זיי זענען פונקט אזוי קינדער פונעם זעלבן טאטן, ע"פ הלכה לגבי דעם ענין האבן זיי די זעלבע ווארט,

9. מאת ה' היתה זאת אז ווען דער נפטר איז געשטארבן איז ער פונקט געווען בידי הבנות,

10. מאת ה' היתה זאת אז ער איז פונקט געשטארבן ליל אחרון של פסח,

11. דערווייל האט נאך קיינער נישט באשולדיגט פישער אז ער האט אנגעדרייט אז זיין שווער זאל פונקט שטארבן אונטער די אומשטענדן,

12. פרעגט זיך די מיליאן דאלאר פראגע, מרא דעלמא כולא! וואס פונקטליך האבן די איידעמער געזאלט טאן, דא האבן זיי זייער נארוואס פארשטארבענעם שווער זיך צו מטפל זיין, נאר זיי פון די משפחה זענען ביכולת צו זיך מטפל זיין סיי פראקטיש און סיי ע"פ הלכה, נישט פארגעסן ס'איז יו"ט, אזוי לאנג ס'דא ווער זאל זיך מטפל זיין איז נישטא קיין היתר צו מחלל יו"ט זיין, דאס איז נישט פישער'ס שילד

13. זיי וויסן קלאר אז די ווייבער זענען דא בנפשו אז די טאטע זאל למען השם ליגן אין אלטן ביה"ח, קלערט דען א רעכטדענקער מענטש אז זיי זאלן זיין מער לויעל צו א שוואגער ווי די אייגענע ווייבער? סיריעסלי.

14. האט טאקע פישער געדארפט אויפגעבן זיין געלעגנהייט, וואס איז לכו"ע געקומען צו איהם צוליב אומשטענדן נישט וואס ער האט אליינס אנגעדרייט, און בידים אוועקווארפן, אלעס צו באפרידיגן א שוואגער און אריינשטעכן א מעסער אין רוקן פון אייגן ווייב?

15. נאר וואס דען דער אמת פארוואס די זאליס זענען אזוי ציפידלט דערפון איז נישט ווייל זיי האלטן אז ר' בנציון ליגט אין א מקום בזוי אדער ס'נגד רצונו, נאר ווייל זיי האבן שוין געהאט גע'חשבון'ט ר' בנציון - א איש מכובד - אלס א זיכערער פאר זיי, און דער אמת איז איך האב אזוי געחשבונט און איך גלייב די ארונים אויך, פארוואס דען נישט, געקויפט א חלקה האט ער שוין ביי די זאליס, דער איינציגער זוהן איז א זאלי עקסטרעמיסט, דאן דיל!

16. מ'דארף פארשטיין אז יעדער איש מכובד איז א אוצר גדול פאר די סטאטוס פון זייער ביה"ח, ווען זיי מארקעטן זייער ביה"ח קומען זיי אלס מיט א ליסטע פון אנשים מכובדים וואס ליגן דארט, און דא קראך, אזאך וואס זיי האבן געלייגט גרויס האפענונג און פארארבעט וועלטן האט זיך ארויסגעגליטשט פון אונטער די הענט צוליב א איידעם פישער, ועל זה יצא החרון אף הגדול,

@גאלד
איך קען ווערן גיט מיט דיר?
פון ווי באקימסטו דיינע פילע לאנג שורה'דיגע אפדעיטס?
האסט אינסייד מענטשען הא?
ממש יעדן טאג א גאנצע איגרת פון נייע אויפדעקונגען
די סי איי עי זיכט שוין לאנג אזא איינעם

איך הער ר' שלמה ליב ווינבערגער האט געקאלט מנחם אבל זיין שלמה יאנקלן און געזאגט ער זאל נישט זיין באזארגט. ער האט אויך געלייגט דעם טאטען אין א ביה"ח נגד רצון אביו און ער איז בטוח אז דער טאטע איז מנוחתו בג"ע העליון.

אז איינער קויפט א חלקה אין א ביה"ח, ווערט עס נישט אטאמאטיש קיין צוואה,
לא מניהו ולא מקצתו
דאס גאנצע וואס עס מיינט אז דער נפטר איז געווען א פאראנטווארטליכער מענטש אין נישט געוואלט איבערלאזן א פעקל עקספענס אויף די קינדערס קאפ,
גארנישט מער,
אויב די קינדער זענען באקוועמער מיט א אנדערען ארט, איז הרשות בידם צו לייגן ווי זיי ווילן,
ווייל די קינדער זענען די וואס בעניפיטרן אדער דערלייגן פון דעם מקום הקבורה, נישט דער נפטר,
דער נפטר איז שוין נישטא, בעלמא דקשוט איז ממילא "עליונים למטה ותחתונים למעלה"
ממילא איז עס די קינדער'ס קאלל, פינטל,
חוץ פארשטייצעך אויב ס'דא א צוואה מפורשת,
דעמאלטס איז א אנדערע מעשה,
אבער בלויז ווייל ער האט געקויפט, דאס טראגט קיין שום געוויכט להלכה,
און אפי' א צוואה מוז מען נישט, און מ'האט נישט אלעמאל אויסגעפאלגט,
דער הייליגער דברי חיים ליגט נישט ווי ער האט מצווה געווען,
די זעלבע מיט ר' יחזקעלע מערץ זצ"ל,
מ'רעכנט זיך שטארק מיט די כבוד החיים, ווייל די זענען די בענעפיטירער,
און אפי' אויב למשל א נפטר לאזט איבער א צוואה אז מ'זאל איהם לייגן אין אר"י,
וואס דאס האט יא א מקור אז ס'א טובה לנשמתו,
עם כל זה, אויב דער נפטר האט נישט געקויפט קיין חלקה און נישט איבערגעלאזט קיין געלט פאר די שפעזן און הוצאת,
איז נישטא קיין שום חיוב פאר די קינדער צו עס פאלגן,
עאחכו"כ ווען מ'רעדט דא בנידון דידן ווען ביידע בתי חיים זענען אין חוץ לארץ,
ביידע זענען אינעם זעלבן שטאט,
ביידע זענען א מקום קבורה פאר די זעלבע סארט אידן צדיקים יראים ושלמים,
ביי ביידע האט ער געהאט א באצאלטע חלקה,
קיין צוואה פאר די קינדער איז נישטא, נישט בכתב און נישט בע"פ,
איז א דבר פשוט אז ס'נישטא קיין שום ענין צו לייגן דוקא ווי ער האט געקויפט צום לעצט,
און קינדער מעגן לכל הדעות לייגן ווי זיי שפירן לפי השגתם איז דער שענסטער כבוד, לזכרו הבהיר

ובפרט אז עס איז קלאר אז די זאליס האבן עם איין גערעדט באבקעס מיט לאקשן, קודם איז איין בית החיים, איי עס איז דא א וואנט, נו, די וואנט גייט אראפ בקרוב... אויך האבן זיי געשריגן אז די אהרונים האבן געאסרט פאר שלמה יאנקל דריסת הרגל אין זייער בית החיים און זיין זון וועט נישט קענען גיין צו זיין קבר, נו, די איידימער האבן געוויסט אז דאס איז שקר וכזוב במילא ליגט אויף זיי בכלל נישט קיין שום פליכט צופרידן צו שטעלן דעם שוואגער,

אגב, איך האב געהערט מאחורי הפרגוד אז עס גייט שוין אן פארהאנדלונגען צעווישן שלמה יאנקל און קהל אויף א חלקה סמוך צו זיין טאטע,

איך פארשטיי נישט ביי זילא פערלשטיין איז געווען די גאנצע עבירה אז מ'האט אים מכלומרשט נישט אריין געלאזט אין ביה"ח פאר די איינציגע עבירה אז ער האט געטראכט אנדערש ווי אהרנען און דער ביליגער ר' זלמן האט געוויינט חמסנים גזלנים אז מ'וויל נישט ארייןלאזן א נפטר וואס האט נישט געוואלט צאלן מעמבערשיפ און יעצט מאכט מען א גאנצע ויצעקו אז מ'לאט יא אריין איך בין שוין צומישט

זייענדיג דעם שב"ק אין קרית יוא צוליב א משפחה שמחה האב איך געקלערט פריטיג נאכט אריין צו גיין אין די גרויסע שול זעהן וואס עס טוט זיך דארטן למעשה איז נישט געווען קיין גרויסע רעדע פון די גאנצע פרשה אבער כ'האב פונקט געהערט ווי איינער זאגט פאר ר' יוסל ווייס אז ר' שלמה יענקל פלאנט צו מפנה זיין רופט ער זיך אן געזונטערהייט ער קען געזונטערהייט מ'מאכט עס סאונדן כאילו די רבי וויל זייער שטארק האבן דעם ר' בנציון אין אונזער ביה"ח ס'גייט קיינעם נישט אן קיין כי הוא זה ווי ער ליגט אז ער וויל נעמען זיין טאטן געזונטערהייט

נעכטן נאכט האבן די שוואגערס פישער און ראזענבערג מנחם אבל געווען שלמה יאנקל'ען אין מאנרא,
מ'האט זייער שיין פארברענגט באהבה ואחוה וריעות, כשנים כתיקונם,
מ'האט ארומגעשמועסט מיט נאסטאלאגיע קורת חייו פונעם נפטר ע"ה,
ב"ה ס'נישט געפלויגן קיין טישן און בענק,
בשעת די 2 פארטייען גראדשען זיך נאך ווי קעץ, האבן שוין די שוואגערס לאנג שלום געמאכט,
יענס געלעכטער
והעושה שלום במרומיו הוא יעשה שלום עלינו וע"כ ישראל ואמרו אמן!

גאלד

אז איינער קויפט א חלקה אין א ביה"ח, ווערט עס נישט אטאמאטיש קיין צוואה,
לא מניהו ולא מקצתו
דאס גאנצע וואס עס מיינט אז דער נפטר איז געווען א פאראנטווארטליכער מענטש אין נישט געוואלט איבערלאזן א פעקל עקספענס אויף די קינדערס קאפ,
גארנישט מער,
אויב די קינדער זענען באקוועמער מיט א אנדערען ארט, איז הרשות בידם צו לייגן ווי זיי ווילן,
ווייל די קינדער זענען די וואס בעניפיטרן אדער דערלייגן פון דעם מקום הקבורה, נישט דער נפטר,
דער נפטר איז שוין נישטא, בעלמא דקשוט איז ממילא "עליונים למטה ותחתונים למעלה"
ממילא איז עס די קינדער'ס קאלל, פינטל,
חוץ פארשטייצעך אויב ס'דא א צוואה מפורשת,
דעמאלטס איז א אנדערע מעשה,
אבער בלויז ווייל ער האט געקויפט, דאס טראגט קיין שום געוויכט להלכה,
און אפי' א צוואה מוז מען נישט, און מ'האט נישט אלעמאל אויסגעפאלגט,
דער הייליגער דברי חיים ליגט נישט ווי ער האט מצווה געווען,
די זעלבע מיט ר' יחזקעלע מערץ זצ"ל,
מ'רעכנט זיך שטארק מיט די כבוד החיים, ווייל די זענען די בענעפיטירער,
און אפי' אויב למשל א נפטר לאזט איבער א צוואה אז מ'זאל איהם לייגן אין אר"י,
וואס דאס האט יא א מקור אז ס'א טובה לנשמתו,
עם כל זה, אויב דער נפטר האט נישט געקויפט קיין חלקה און נישט איבערגעלאזט קיין געלט פאר די שפעזן און הוצאת,
איז נישטא קיין שום חיוב פאר די קינדער צו עס פאלגן,
עאחכו"כ ווען מ'רעדט דא בנידון דידן ווען ביידע בתי חיים זענען אין חוץ לארץ,
ביידע זענען אינעם זעלבן שטאט,
ביידע זענען א מקום קבורה פאר די זעלבע סארט אידן צדיקים יראים ושלמים,
ביי ביידע האט ער געהאט א באצאלטע חלקה,
קיין צוואה פאר די קינדער איז נישטא, נישט בכתב און נישט בע"פ,
איז א דבר פשוט אז ס'נישטא קיין שום ענין צו לייגן דוקא ווי ער האט געקויפט צום לעצט,
און קינדער מעגן לכל הדעות לייגן ווי זיי שפירן לפי השגתם איז דער שענסטער כבוד, לזכרו הבהיר

איך וויל דיך פאררעכטן, ביי צד מהרז''ל איז נישטו אזא מין זאך ווי קויפן א חלקה, אז איינער טרעפט מיר איין מודעה ווי זיי פארקויפן חלקה'ס זינט זיי האבען פארלוירן די בית החיים צו איך צירוק, זיי האבען געלייגט א התחייבות אויף יעדן פין זייער מעמבער ליסט צו צאלען מס ארץ החיים אין די קאמפיין גייט נאך אלס אן וויבאלד א גרויסע עולם האט נישט באצאלט, זיי פארלאנגן די מס פין אלמען צוגלייך אין אפילו מענטשן וואס ליגן נישט ביי זייער חלקה אין האט נישט קיין שום שייכות מיט קנית קרקע

איך וויל פארשטיין אויב די גדר מיינט גארנישט, דאן פארוואס ברענגן עס צד מהרז''ל ארויף ביי 'יעדע פארהאנדלונג'?

שלמה יעקב פרעזענדליך האט נישט געהאט אזא גרויסע פראבלעם ווי זיינע קינדער און איידימער האבן אים אונטערגעצויגן.. זיין איידעם גרינפעלד האלט נאך אלץ אז גארנישט. געפערליך איז פארגעקומען און געהייסן זיין פרוי גיין זיצן שיבעה אין ב.פ. נישט מיט שלמה יעקב אין ק"י

נישט אריינצוגיין אין די עצם הענין פון די שוידערליכע גניבה וגזילה חמסנות
שלמה יעקל זיצט ביי זיך אינדערהיים צוליב זיינע סיבות עס האט גארנישט מיט די גאנצע מעשה און די שוועסטערס זיצן אין בארא פארק בבית האבל.

לדעתי, איז א שאד זיך אויס צו טענה'ן אדער משפחות זיך צו קריגן, ווען די 2 שפלים וועלן ווערן עבר ובטל וועט שוין קיין גדר דארט נישט זיין. זייערע קינדער וועלן שוין לאנג זיין בשלום NOBODY FIGHTS THEIR FATHERS FIGHT

דער אמת איז אזוי, ווען איינער קויפט א חלקה ביי די זאליס, קויפט ער עס אויפן חשבון פון די טאלקינג פוינטס וואס די זאליס פארקויפן נעמליך אז
"ס'ממילא איין ביה"ח",
"די אלטע לויפט ממילא אויס פון פלאץ",
"למאי נפק"מ צו מ'ליגט אפאר פיס אהינציר",
"דער וואנט וועט סוכ"ס אראפ קומען"
וכו' וכו' וכו',
דאס זענען דאך די טאלקינג פוינטס פון די זאליס ווען זיי סעילסן זייער ביה"ח, און דער מוכר קויפט עס על דעת דעם,
דאס מיינט אז דער זאלי קויפט ביי די זאליס נישט ווייל ער וויל דוקא ליגן דא און נישט דארט, בעיניו איז דאך נישטא קיין "דא" און נישט קיין "דארט" ס'אלעס איינס, לשיטתם,
ער קויפט נאר ווייל ער וויל פשוט נישט דילן מיט די שקצים די ארונים, גארנישט מער, און ער וויל נישט אז די קינדער זאלן מוזן דילן מיט זיי,
אבער בעצם די ביה"ח האלט ער דאך אז ס'איינס מיט די אלטע,
אויב אזוי, זעה איך נישט קיין שום פראבלעם מיטן לייגן אין די אלטע ביה"ח, אויב די קינדער שפירן זיך באקוועם מיט עס אין ס'נישטא קיין צוואה מפורשת,
למעשה ליגט ער אין די זעלבע ביה"ח ווי דער נפטר האט געקויפט, עכ"פ אזוי האט דאך געהאלטן דער נפטר, ממילא איז נישט שייך צו זאגן אז ס'נגד רצונו

ווידער פארקערט קען שוין יא זיין א פראבלעם, ווייל צווישן די ארונים זענען דאך יא דא וואס האלטן (אדער איינגערעדט) אז די נייע איז עפעס א פחיתת הכבוד,
אנדערש ווי די אלטע ביה"ח האט נאך דערווייל קיין זאלי געזאגט אז דער אלטער ביה"ח איז א מקום בזוי, ס'נישט שייך עכט דאס צו זאגן,
דאס מיינט אז לייגן א נפטר און די נייע ביה"ח ווען יענער האט נאר געקויפט אין אלטע, איז דא א שטארקע מקום לחוש אז דאס איז בניגוד רצונו פונעם נפטר,

פארשטייצעך איך בין נישט קיין דיין, און קיינער זאל עס נישט נעמען להלכה למעשה, און ווער ס'וויל מעג זיך מחולק זיין,

גאלד, זאגסט דא גאלד

לענ''ד האט די משפחה הנאה, למה הדבר דומה אז מ'זאל ווען גנב'ענען א מת ל''ע אינדערהיים און באגראבען אין די אלטע ביה''ח לעבען א צדיק בי די שטאטעסקאווא, וואלט די משפחה בדיעבד הנאה געהאט, פארשטייט זיך נאכן קלאר מאכען און דעקאמאנטירן אז די נפטר האט דאס נישט געוואלט.

נאך מער,
אויב איז ווען א פראבלעם פאר די זאליס מיט די אלטע ביה"ח און זיי האלטן אז זייער קונדן זוכן למען השם דוקא נישט צו ליגן אין די אלטע,
וואלטן די זאליס ווען געדארפט ווען זיין די וואס זאלן ארויפלייגן די וואנט, נישט די ארונים,
זיי וואלטן ווען געדארפט אנטלויפן פונעם אלטן ביה"ח, און עס מאכן ווי ווייט אוועק כמטחוי קשת,
זיי וואלטן געדארפט ווען עדווערטייזן בערך אזוי, "טייערע קונדען, זארגט אייך נישט מיר האבן גארנישט מיטן אלטען ביה"ח ס'האט קיין שום שייכות מיט אונז, פערצופאל מחמת סיבות שונות זעמיר פונקט לעבן די אלטע, אבער מיר גאראנטירן אייך אז ס'האט א מסך המבדיל א חומה בצורה עד לב השמים, און לפי פסק הביד"צ איז עס נחשב ווי א בית החיים נפרד לכל הדעות"
דערווייל, ווי וואס ווען, מאכן זייער ביה"ח די נונטסע צום אלטן וואסי נאר שייך, שווערן זיך ביי די בארד אז ס'איינס מיט די אלטע, פארפירן אז מ'זאל אראפנעמען די וואנט, דאס מיינט אז די גאנצע מעלה פון זייער ביה"ח אז נאר ווייל ס'לעבן די אלטע,
נו מה דאך אז "לעבן" די אלטע איז א מעלה ווייל ס'איינס מיט די אלטע, עאחכו"כ די אלטע זעלבסט איז נאך בעסער,
עכ"פ אויב וויל מ'דא רעדן איבער די רצון פונעם נפטר,

געהערט היינט פון אינסייד קוועלער
די אהרונים זענען מוותר און ווילען ציריגעבן ר' בן ציון'נען
אבי מ'געבט זיי ר' עזריאל......

פלעין יודיש

געהערט היינט פון אינסייד קוועלער
די אהרונים זענען מוותר און ווילען ציריגעבן ר' בן ציון'נען
אבי מ'געבט זיי ר' עזריאל......

פארוואס ר' בנציון האט נישט געהאט קיין ווידיאוי אין שטוב ער איז נישט געגאנגען אין קארט ער האט נישט עובר געעוען אויף די תקנות ........ 😃

גראדע האבן די ארונים אפאר אנדערע וואס זיי וואלטן פארשיקט, אן קיין שום תנאים אדער אויסטויש...

מען קען נישט אנפרעגן ביי די רבנים נאר דורך מפרסם זיין אויף די אלע כלים די צדדי האיבעי'?
ביטע טעלעפאנירט די רבנים און פרעגט אהן כדת מה לעשות.

אוי פארוואס אויפוועקן שעפטל?

באמת כ׳פארשטיי, ווילן זיין דער נישט אראפ נעמען דער וואנט?
איינמאל דער וואנט קומט אראפ, וועט דאך אטאמאטיש ומקוים וערן דברי המת.

ס׳איז משמע פון דער כותב המכתב, כאילו די זאלונים האבן געבויעט די וואנט, ח״ו נישט צו ליגן מיט די ארויניש גזלנים. דאס הייסט אויב די ארוינים נעמען אראפ דער וואנט, גייען די זאלוינים עס צוריק אויפשטעלן?

כ׳בין צומישט...

אפשר קען מען זען די צוואה, ער האלט אין איין שרייבן וועגן עפעס א צוואה מפורשת, וואלט געווען גלייך ארויף צו לייגן די דאזיגע צוואה, וירא הקהל וישפוט.

א צוואה מוז נישט זיין בכתב, עס מיינט א באפעל וואס קען אויך זיין בע"פ. ומצוה לקיים דברי המת.

sefish

אוי פארוואס אויפוועקן שעפטל?

דיך האט מען זיכער אויפגעוועקט

יין שרף

א צוואה מוז נישט זיין בכתב, עס מיינט א באפעל וואס קען אויך זיין בע"פ. ומצוה לקיים דברי המת.

ער שרייב אבער אז עס אז דא בכתב

קיקט אויס ווי א אהרונישע ספין
ס'קיקט דאך בכלל נישט אויס ווי שלמה יענקל'ס שריפט...