אמת'דיג חובה לשמוע ווייל ביי אונז איז מען זייער צומישט איבער די גאנצע ענין פון שכר ועונש, אזעלכע מאמרי חז"ל ווי התקן עצמך בפרוזדור וכדומה שאפן א פאלשע איינדרוק אז די וועלט איז עפעס א בדיעב'דיגע נווה התלאות וואס מען דארף זיך צושטאפן די נאז און דורכשוויצן. הרב סאקס און די שמועס, [און ליתר הרחבה אין זיין מאנעמענטאלע ספר the great partnership] איז מוציא מלבן של הטועים וואס האבן אנגענומען די אלטע קריסטליכע טעארי אז די וועלט טראגט נישט קיין חשיבות....
נו, איך האב נישט געהערט אלע צעהן, ווייל איך האב אריינגעלערנט אין די חובה לשמוע, אז די איבעריגע איז נאר א זכות, (און א ייש"כ פארן גרינגער מאכן, און אראפנעמען פון אונזערע חובות לאסט). על כל פנים, איין נקודה, וואס ער זאגט דארטן, אז אין די Hebrew bible פון אנפאנג ביז צום סוף, איז דא זייער ווייניג מקורות איבער נאכן-לעבן. איך מיין, אז נישט נאר עס איז דא ווייניג מקורות דערצו, נאר עס זענען בכלל נישטא קיין אמת'ע מקורות, און פארקערט עס שיינט אז די תורה שבכתב, גלויבט בכלל נישט דערין. ווי למשל, מ'זעהט נאכאנאנד אין די תורה, אז ווען עס קומט צו צוזאגן שכר פאר א מצוה, שטייט נישט אז דו גייסט האבן א גרויסע גן-עדן, און דו גייסט נהנה זיין מזיו השכינה, נאר "כַּבֵּד אֶת אָבִיךָ וְאֶת אִמֶּךָ לְמַעַן יַאֲרִכוּן יָמֶיךָ עַל הָאֲדָמָה" (שמות, כ,יא) . וְשָׁמַרְתָּ אֶת חֻקָּיו וְאֶת מִצְוֹתָיו ... וּלְמַעַן תַּאֲרִיךְ יָמִים עַל הָאֲדָמָה (דברים, ד; מ). און דאס זעלבע פארקערט, ווען עס קומט צו שרייבן א עונש איבער א עבירה, (פרשת בחוקותי און כי תבוא), זעהט מען אויך אז די תורה שרייבט עונשים אויף די וועלט, און דערמאנט נישט פון קיין עונשים איבער די אנדערע וועלט. איך מיין אז מען דארף ממש צומאכן די אויגן כדי צו זאגן אז די תורה שבכתב איז געשריבן געווארן מיטן יסוד האמונה פון שכר ועונש. ווידער אין חז"ל זעהן מיר אהן א שיעור דער מהלך פון "העולם הזה דומה לפרוזדור", וואס שיינט אז חז"ל האבן מער ארויסגעברענגט אט דער דאזיגער יסוד אין אמונה. און דערפאר האבן טאקע די צדוקים נישט געגלויבט אין חיים שלאחר המוות.
וויאזוי אפצולערנען א שטיקל תורה שבכתב לערנען מיר פון אונזערע חכמים.
אונזערע חכמים האבן געווידמעט א גאנצע פרק אין מסכת סנהדרין, פרק חלק, אויף די סוגיא "מניין לתחיית המתים מן התורה".
ראביי סאקס זאגט בלויז אז די סיבה פארוואס די תורה שרייבט עס נישט בפירוש ארויס, נאר האט עס ענדערש איבערגעגעבן בעל פה, איז כדי צו עמפעסייזען די וויכטיגקייט פון קיום התורה והמצוות דא אויף די וועלט.
פארוואס שרייבסטו גראבע שטיקער שקר? וואס איז דיין ציהל?
איך אויך: דא אין ניו יארק והגלילות אינטרעסירט (כמעט) קיינעם נישט די נארישע לאקאלע לאנדאנער פאליטיק. וואו א יעדער פרובירט איבער צו שטייגן דעם צווייטן מיט פרומקייט און טיפשות...!
גראדע קוקט עס אויס גאנץ אינטערסאנט די פאליטיק דארט פון די צוויי דריי תגובות דא, אזוי אריינצורוקן אזויפיל פרשיות אין די פאר שורות פון א קורצע תגובה, אבער אז מען שרייבט שוין יא קומט אריין מיט נאך פרטים מען זאל כאטש וויסן פון וואס מ'רעדט.
