אין די אלגעמיינע וועלט איז אויך דא דעם (ענליכן) פענאמענאן/געפיל פון
דעקלייניזם; אז מ׳פיהלט אז עס איז אמאל בעסער געווען און יעצט זענען שוין נישט ״די אמאליגע גוטע צייטן״. איינע פון די אנגעבליכע סיבות דערצו, וואס
@לעיקוואד האט דערמאנט, איז דאס בייעס פון דאס
ראזי רעטראספעקשאן און די
פאליאנא פרינציפ; אז מ׳קוקט און געדענקט דעם אייגענעם עבר מיט א מער פאזיטיווע בליק, ארויסהייבענדיג די פאזיטיווע חלקים און פארדעקן (בלא יודעים אין מח) די נעגאטיווע חלקים. דאס איז פאר יעדע מענטש, ווען ער קוקט צוריק אויף זיינע ימי חורפו, איז דאס עקסייטמענט וכו׳ פון זיינע ימי ילדותו/בחרותו/אברכותו א נאסטאלגיע און זעהט אים אויס ״מער״ ווי יעצט.
יעצט, בנוגע ווי אזוי אונזער (אולטרא) אויסקוק אויף רעליגיעזע געפירעכץ וכו׳, וואס ארבעט גאר שטארק מיט ״מסורה״ און שאל אביך ויגדך זקניך ויאמרו לך, ווערט דאס לכאורה א קאמיולעטיוו עפעקט פון דאס וואס דער טאטע גיבט איבער איבער דאס ״געוואלדיגקייט/גוטסקייט/גרויסקייט/בעסערקייט״ פון זיינע ימי בחרות וואס דעמאלטס האט ער מקבל געווען פון
זיין טאטע
(וממילא איז דאס אליין אויך א חלק פון זיין ראזי רעטראספעקשאן ונאסטאלגיע, ודוק) איבער דאס ״געוואלדיגקייט/גוטסקייט/גרויסקייט/בעסערקייט״ פון
זיינע ימי בחרות אא״וו אא״וו. (פארשטייט זיך אז דאס ווערט נאך מער געשטארקט ווען מ׳לייגט צו דערצו דעם רעליגיעזן אימפעריטיוו פון דאס האלטן/גלייבן אין די מושג כדי אויף אנצוהאלטן טאקע אט די געדאנק פון מסורה/טראדישאן; ווי ערווענט, אלס אן אמונה הכרחית.)
אגב האב איך געטראכט אז דאס קען אפשר פארענטפערן
@קטלא קניא׳ס שאלה איבער
״למה הלכו החסידים אצל הדאנעלד?״. ווייל, ווי באקאנט, איז טראמפ א גאנץ שטארקע פראפאנענט פון
[אמעריקאנע] דעקלייניזם [״מעיק אמעריקע גרעיט
עגעין״], וואס די געדאנק בכלל רעדט צו חסידים...
דאס גייט דאך אלעס סתם אזוי מיט מיט דעם אז (אולטרא) רעליגיעזע (אידן) גייען אין אלגעמיין מיט מיט
קאנסערוואטיזם. דאס איז (לכאורה) ווייל א חלק פון איר אידעאלאגיע איז, כשמו כן היא, אנצוהאלטן און קאנסערוון די (ווי נישט) אמאליגע לעבנסשטייגער, ווירדן וכו׳, ווייל דאס האלט זי איז גוט (לעומת מער ״פראגרעסיווישקייט״). ובפרט
ריעקשינערי(סט) קאנסערוואטיזם (וואס לויט דער פאליטישער סייענטיסט דר. קארי ראבין איז
דאס די
קאנסערוואטיזם פון/אין אמעריקע כהיום), וואס דאס איז למעשה טראמפ׳ס פאליטישע מעסעדזש.
(ובפרט אז קטלא פארגלייכט אים אין די קאנטעקסט צו (היינטיגע) רביס, וואס ביי מנהיגים נוצט מען דאך די טעזע פון ירידת הדורות אין גרויסן כידוע.)
