איך האב ב״ה קיינמאל נישט געהערט דעם חזיר אויף זיינע מנוולישע האטליין אבער פון דעם איין מינוט וואס מהאט דא ארויפגעלייגט בין איך ארויסגעקומען מיט עטליכע ידיעות.
• דער חזיר לעבט אויף חאזעריי און צוקייט דאס מיט זאפט און לייגט נאך צו אסאך נפיחות משלו, און פון דעם זעהט מען אז ער איז נישט דא צו פראטעקטען קיין קינדער נאר זוכט צו מישן אין צואה טאפ.
• איינער האט אים דא אנגערופן גאון איך מיין אז חוץ אין מנוולות איז ער קיין גאון נישט ווייל אפילו א פשוט׳ע טייטש קען ער נישט, דאס טייטשן תערוג אז עס מיינט טאנצן, איך ווייס נישט וועלעכע דיקשענערי ער האט אבער דאס האט גאנץ א אנדערע אפטייטש (ווי מיר וועלן באלד זעהן), נאר מרוח אשך דאס האט ער געזעהן אין בית יהודה חומש אלץ קינד ווען ער האט שוין דעמאלטס געזוכט חאזעריי אז דאס טייטש ״זיינע ביצים זענען צוקוועצט״ כשפת ע״ט.
• אז אונז זענען מיר אזעלעכע בהמות ווי אונז גייען מיר קויפן איעדע מעשה שלא הי׳ ולא יכול להיות, איעדע בר דעת פארשטייט אז עס איז נישט במציאות צו טאנצן מיט יענעמס ביצים 20 מינוט, בפרט ווען יענער לאזט זיך נישט, און בערך אזוי זענען אלע זיינע מעשיות.
און יעצט לאמיר אייך דערציילען די מעשה פונקטליך וויאזוי עס איז פארגעגאנגען (גראדע דארט געווען), א בחור פון א ביהמ״ד מיט זייער א געשמאקע צוציענדע אויסזעהן האט מיטאמאל באמערקט אז א איד אין ביהמ״ד דארט האט געלייגט אן אויג אויף אים, דער איד איז נישט אזוי באקאנט אז ער זאל זיין נחשד אויף אזעלעכע מעשים אבער למיחש מיהא בעי האט ער פון דעמאלטס אהן אכט געגעבן קיינמאל נישט זיין מיט דעם איד ביחידות, אין מקוה איז ער שטענדיג נאר געגאנגען ווען עס איז דא גענוג עוברים ושבים, דער איד אבער זיינע תאוות האט ער נישט געקענט איינהאלטן האט שטענדיג געזוכט א געלעגענהייט צו קענען אויספירן זיינע בייזוויליגע פלענער, איז ער געגאנגען אין מקוה ווען דער בחור גייט און פרובירט זיך אנקלאפן אין אים (פארשטייט זיך בטעות), אבער דער בחור א קליגער האט זיך שטענדיג אויסגעהיט פון אים, און דער איד זיינע תאוות ווערן נאר גרעסער פון טאג צו טאג, - איין שיינע טאג איז דעם איד בייגעפאלן א שרעקליכע פלאן און דאס איז וואס ער האט טאקע געטוהן, אזוי ווי דער בחור גייט דאך נאר אין מקוה ווען דער מקוה איז פוהל, איז ער צוגעגאנגען צו דעם בחור און זיך גענומען שרייען אויף אים ״דו זאלסט מער נישט טאטשן מיין זוהן״ און באותו מעמד האט ער מקיים געווען דעם כאיל תערוג וכו׳ ״כן נפשי תערוג״ אזוי ווי דער מאירי טייטשט ״לשון צעקה והמיה מרוב תאוה וכוסף״, (נישט ווי דער מנוול האט געטייטשט אז עס מיינט טאנצן), און האט אויסגעגעבן זיין גאנצע תאוה אויף אים, נישט געטאנצן אזוי ווי דער חזיר זאגט, נאר מאלעסטעט אויף א שרעקליכען אופן אז די גאנצע אנגעלאדענטע תאוה וואס ער האט געהאט אנגעזאמעלט די גאנצע צייט איז ארויס געשפרינגען פון אים, דער בחור האט געשריגען און אנדערע האבן פרובירט צו העלפן, אבער אזוי ווי דער חזיר זאגט האט ער געשריגען אז מארגן גייט ער מאלעסטען זייערע קינדער, און ער האט דאס געמיינט מיט אן אמת ווייל דאס זענען געווען זיינע מאטיוון, - דער בחור איז ארויס פון דארט צובראכען און צושאסען אויף שברי שברים וואס מיר קענען מיטאמאל משיג זיין, ווייל חוץ פון זיין א ״וויקטים״ פון מאלעסטעריי, האט מען אים נאך אפגעסטעמפעלט ברבים פאר א חזיר און מאלעסטער, וואס די תוצאות דערפון ווייסט יעדער בפרט פאר א בחור, - און דער איד האט זיך נישט באגנוגענט מיט דעם, ער האט דאך מורא געהאט אז דער בחור וועט גיין צום חזיר הידוע וואס מכלומרשט טוט ער קער נעמען פון מאלעסטערערס (ער וויל זיין דער איינציגסטער ער דארף נישט קיין קאמפעטישען), האט ער אים אנגערופן און געשטעלט דעם גנב צום טיר, און דערציילט זיין מעשה וואס דער חזיר דערציילט, אזויפיל רחמנות האט ער געהאט אז ער האט אים נישט געזאגט דער נאמען פון דעם בחור, וואס קיין סאך וועט אים דאס נישט העלפן וויבאלד אין מקוה זענען געווען אסאך אידן.
רבותי! די מאלעסטערערס האבן גענומען א נייע ליניע מיט א רבי מובהק דערצו, אנשטאטס אפצוטוהן זייערע תאוות און דערנאך מורא האבן אז ער וועט ווערן אנגעקלאגט און באשמירט, וועלן זיי ווערן פראטעקטערס, זיי וועלן אפטוהן כל דבר אסור מיטן אויסרייד אז זיי טוהן דאס פאר א מאלעסטערער, עס איז ממש א הימל געשריי, ווילאנג נאך וועלן מיר אונז ליידן פון די שקצים, קול דמי הבחור צועקים אליך, דער בחור שרייט און וויינט, איך בין שוין גארנישט ווערד, קיינער וועט מיר נישט גלייבען, און איך אליין בין נאכדערצו א וויקטים, צו וועם זאל איך מיך ווענדען, איעדער שרייט אויף מיר מנוול, שגץ, מען זאגט פאר אלע קינדער מען זאל נישט שטיין נעבן דעם בחור ווייל ער איז א חזיר, אלע קינדער שרייען מיר נאך ״חזיר״ און איך קען זיך נישט אהין טוהן פאר בושות, איך בין געגאנגען דאווענען אין אן אנדערע שוהל האט דער מנוול אנגערופן די גבאי פון יענעם שוהל זאגען אז מען דארף היטן די קינדער פון מיך, איז דער גבאי מיר צוגעקומען זאגען אז איך זאל מער נישט קומען אהין דאווענען, מען האט אנגערופן מיין ישיבה און איך בין שוין געווען עטליכע מאל ביים ראש ישיבה פאר מוסר שמועסן, מען רופט מיין טאטע זאל מיך שיקן צו טעראפי, ווער ווייסט וואספארא שידוך איך וועל טוהן אויב איך וועל קענען בכלל טוהן, אלעס נאר וועגן דעם ווייל איינער האט זיך געוואלט אויסגעבן זיינע פארשטינקענע תאוות און איך האב מיך געהיטן פון אים און ער האט דאס נאר געקענט טוהן ברבים און געוואלט בלייבן א שיינע איד, ער שטייט און פרעגט איז נאך דא עפעס אן עצה פאר מיר, אין וועלעכע עק וועלט זאל איך לויפן וואס קיינער וועט מיך נישט קענען, דאס מיינט צעקה ואין מושיע לה אז קיינער וויל אים נישט העלפן ווייל מכלומרשט איז ער דער שגץ, (ב״ה קיין פצוע דכה האט ער אים נישט געמאכט אבער מען זעהט וואס איז אים געליגן אויפ׳ן געדאנק רח״ל, מברכותיו של אותו רשע וכו׳).
מיר האבן געמיינט אז מען וועט אויפרידערן די וועלט איבער דעם ענין פון מאלעסטעישאן וועלן די מנוולים זיך אפטראגען, די חורבן איז אז דער אויפרידערער וואס דאס איז דער שגץ ״נחש רשעבערג״ האט געגעבן אן אויסוועג זיי זאלן קענען ווייטער אנגיין מיט זייערע עבודות הטומאה און דערמיט געווארן זייער רבי מובהק, ווער ווייסט דען נישט אז דער רשע האט זיך יארן ארומגעדרייט אין אוקריינע מיטן ליגענט אז ער בויעט מקוואות, הדבר ידוע אז חוץ מענטשליכע מקוואות אנגעפילט נישט מיט מי גשמים נאר מיט זיין פארשטינקענע ש*** ז**, האט ער גארנישט געטוהן דארט, און אזוי האט ער איינגעזייעט בארבע כנפות וקצוות הארץ קינדער וואס שרייען אבי פרנסני, אבער ווילאנג עס איז נאך געווען בין האומות הא קעירס, אבער דער מנוול האט בעסער בוחר געווען מטמא זיין בנות ישראל, איז דא אין בארדיטשוב א מוסד פון רוסישע מיידלעך ווי עס ארבעטן דארט עסקנים במסירות נפש ממש, האט ער זיי איינגערעדט אז מדארף דארט האבן א בעסערע כשר׳ע מקוה ווי עס איז דארט געווען (טאמער עס איז בכלל געווען), און ער מרצונו הטוב איז עס גרייט צו בויען, ער איז נאך דעמאלטס נישט געווען אזוי ווייט פקיע שמייהו מיט זיין מעשה נבלות, האבן די עסקנים מיט גרויס שמחה אנגענומען די געוואלדיגע הצעה, ביזדערווייל האט זיך ארויסגעשטעלט אז אנשטאט קדושה וטהרה וואס ער האט צוגעזאגט צו ברענגען דארט, האט ער גאר מטמא געווען די מיידלעך דארט מען האט זיך געפערליך אפגערעדט אויף אים, (זעהט אויס אז קלאגען האט מען אים נישט געקענט, צו וועגן די געזעץ איז אנדערש דארט, צו ווייל ער איז געווען גענוג קליג זיך צו פראטעקטען), האבן די עסקנים אים שיינערהייט פארשיקט פון דארט און חס געווען על כבודו און נישט מפרסם געווען, איז ער געווארן ווי א בייזע הינט און זיך גענומען שעלטן און פארפירן אזוי ווי יעדער געדענקט, - און דערנאך האט ער געוואלט מחפה זיין אויף זיינע מעשה שקצות ונבלות וואס ער האט געטוהן ועוד ידו נטוי׳, האט ער גענומען די מהלך אז ער איז גאר דער וואס טוט וואטשן און פראטעקטען אונזערע קינדער אז מזאל נישט קענען חלומ׳ען וואס אונטער דעם ליגט, - גענוג געווען אידן!!!! עפענטס זיך די אויגען און זעהטס וואס דא טוט זיך, ער האט אונז אוועקגענומען די לעצטע מעטאד וואס אונז האבן מיר געהאט אקעגן די מאלעסטערערס, ער האט אויסגעלערנט אז מקען טוהן וואס מוויל און נאך ארויסגיין א העלד, און אזוי איז טאקע געווען מיט אונזער מעשה, ווילאנג נאך וועלן מיר זיך לאזן פארפירן פון די אלע מנוולים וואס שטעלן זיך ארויס כאילו אונזערע היטערס, און זייען אהן חורבנות נאך גרעסער ווי עס איז געווען בעפאר.
וואס אונז דארף מיר ארויסנעמען פון די גאנצע מעשה איז איין זאך, נעמטס אריין דעם כלל אין קאפ אריין, ״מאכטס נישט אז דער מיטגעמאכטער זאל ווערן א גע׳הרג׳טער״, דאס אז מהערט א מעשה און נאכדערצו מיט מטעמים פון אביסל ניבול מיינט נאך נישט אז די מעשה איז אזוי, עס קען זיין פונקט קאפויער, און מיט דעם וואס דו נעמסט א צד דערין און טוסט יענעם באשמירען, איז דאס וואס ער איז ביז יעצט געווען א מיטגעמאכטער וויקטים, ווערט ער א גע׳הרג׳טער, ח״ו ווען דער יעניגער וואלט געזאגט א נאמען פאר דעם שגץ וואלט ער דא אין שטיבל אזוי באשמירט געווארן אז מוואלט געמאכט זיינע זיידעס ביז ארויף אז אלע זענען שוין געווען מאלעסטערערס, אידן!!! רחמנים בני רחמנים!! האט רחמנות אויף א ״וויקטים״, פרובירטס עם צו העלפן און נישט מער באגראבען.
און דאס דארף אונז זיין א wake up call און אריינטראכטען וויפיל אומשולדיגע אידן האבן מיר שוין אזוי אפגע׳שחט׳ן, הדבר ידוע און אסאך האבן שוין דאס אויס פרובירט אז די אלע מעשיות וואס דער מנוול דערציילט אויף זיין האט ליין איז שקר ווי עבודה זרה, א אינגערמאן האט מיר געוויזן ווי ער האט אנגערופן דעם חזיר מיט א מעשה אויף א אנגעזעהענע איד אז ער האט געזעהן ווי ער האט מאלעסטעט א בחור, און ער האט אים געגעבן די נאמען פון די בחור מיט זיין טעל. נומבער ער זאל עס מברר זיין, וואס בעצם איז די מעשה לא הי׳ ולא נברא, און עס איז נישט דורך געגאנגען קיין שיעור חימוץ און דער נחש האט עס שוין געזאגט אויף זיין האטליין, מיט אסאך הוספת ״נפיחות״ משלו, אהן קיין שום בירור אינגאנצן, וואס די מעשה איז בעצם נישט געווען, און פארשטייט זיך צומארגען איז ער שוין געווען באשמירט אין אלע מקוואות און ״קאווע שטיבלעך״, ווער איז גרייט צו נעמען אויף זיך די שרעקעדיגע אחריות פון גורם זיין יענעם סתימת הגולל בחיים, לאמיר זיך מחזק זיין און טאקע ארבעטן אויסצוראטען דעם תולעת המאלעסטעישאן מכרם ישראל, אבער האלטן מיט דעם א וואכזאם אויג מיט פוהל רחמנות, נישט זיך אנצושטויסען און יענעם אפ׳שחט׳ן אומזינסט.
רבותי!! דיני נפשות דן צו זיין האט אויסגעפעלט אסאך תנאים ווי עס ווערט דערמאנט אין די גמרא, און פונדעסטוועגען ווען עס איז שוין געווען אויסגעפסקנט אז עס קומט אים מיתה נאך אסאך דרישות וחקירות האט ער נאך אלץ די מעגליכקייט אויף זיך מלמד זכות צו זיין, און כ״ש א צווייטער האט געקענט מלמד זכות זיין, דער איינציגסטער וואס מען האט נישט געמעגט מלמד זכות זיין איז אויף א מסית ומדיח לעבודה זרה, אבער אויף א צווייטען איז געווען א מצוה מלמד זכות זיין, און דער מצוה גייט נאך אלץ אהן אפילו מיט דעם מצוה להרבות קדושה וטהרה בישראל, לאמיר נישט אריינשפילען דעם שטן אין הענט אריין, און געבן אונזער מלחמת הקודש פאר׳ן שטן, און לאמיר בבת אחת מרבה זיין קדושה וטהרה ווי אויך אהבת ישראל.
