אשכול אן א טיטל #2684

הרב אתא דו קענסט אפשר צוצייכענען מער דעטאלן וויאזוי מען קומט אן צום מעיין השילוח ווי פונקטליך און צו מען קען אהינגיין אלע שעות?

נאך אפאר אינטערעסאנטע פלעצער צו גיין באזוכן

סיבוב שערים איעדען ערב ראש חודש כדי לקיים מה שנאמר סובו ציון והקיפוה

די פלאץ פון שילה הקדומה משכן שילה און תפלה חנה
מען קען נעמען א דירעקטע באס פון פסגת זאב
ווי אויך צו אלע אנדערע התנחליות און ישובים בנחלות בנימין ואפרים ומנשה בהרי שומרון עיין בהאתר למעלה

אוטובסים מיט בולעט פרוף פארזיכערהייט
<a class="postlink" href="http://www.afikim-t.co.il">http://www.afikim-t.co.il</a>
<a class="postlink" href="http://www.kav-layla.co.il/Web/He/Lines/Default.aspx">http://www.kav-layla.co.il/Web/He/Lines/Default.aspx</a>

ווי אויך קבר יוסף מיט מיליטערישע באגלייטונג איעדע שטיק צייט

צוויי גוטע וועב זייטן פאר טוריסט אינפארמאציע
<a class="postlink" href="http://www.goisrael.com">http://www.goisrael.com</a>
<a class="postlink" href="http://www.tourplanisrael.com">http://www.tourplanisrael.com</a>

חווית צומת טכנולוגיה בהלכה

טיולי תנ"ך

ארצינו טורס

הגן התנכ"י יד השמונה

מוזיאון חיל האויר

אזעלכע ציונים ווי ענק האבן אויך מורא פון אראבערס ? מה נענה אנן אבתריה...

אתא אין א קאפיא, ווער וואלט זיך געגלייבט!! 😎

אזוי ווי איך בין געווען פאראיאר אין ישראל וועל איך אראפשרייבן וואו איך האב הנאה געהאט
1-אלטשטאט ירושלים איז שיין פאר ווער עס האט ליב היסטאריע מזעהט די חורבה די קורדו און די ארכיאולוגיה נעבן די כותל (Davidson center)
2-מצדה נעבן ים המלח וואו מען קען זעהן הורדוס'ס פעסטונג איז שיין און וען עס איז קלאר די וועטער איז הערליך די אויסקוק אויף די גאנצע אומגעגנט
3-און גליל איז אינערעסאנט די חרמון און ראש הנקרה איז הערליך וואו די וואסער האקט אריין און די שטיינער און די היילן
פארשטייט זיך אז עס איז דא נאך אסאך איך שרייב נאר ראשי פרקים וואס איך געדענק יעצט אויפן מינוט

חסידי לאומי

די תפלות דארטן ווערן נתקבל אויף אן אופן ווי קיין שום אנדערע פלאץ אויף די וועלט, עיין בכלי יקר פרשת ואתחנן

תגמור דיבורך, ולכן צריך ללכת שמה אפילו שכל גדולי ישראל כולל הרצי"ה והרב קוק אסרו לעלות.



וויאזוי ווייסט מען קלאר די גרעניצן און אויף וועלעכע גדולי ישראל ביסטו זיך סומך וואס האבן מברר געווען אז מען מעג טאקע?


און תוכד"ד

אי משום הא לא קשיא ,כאן לפני הגאלבייא וכאן אחרי הגאלבייא.

מיר גיין ארום די חומת ירושלים און מזהעט שרידים פון די חומה פון בית ראשון און פון בית שני.
מיר זעהן דעם הרודיון (פון הורדוס המלך)
מיר זעהן דעם בארג וואו אברהם אבינו ע"ה האט געזעהן דעם מקום (מקום העקדה והמקדש) מרחוק.
מיר זעהן די אמת המים וואס בית חשמונאי האט גיצויגן צו ברענגען וואסער צום ביהמ"ק.
מיר זעהן דעם פלאץ פון וואו מען האט גענומען די גרויסע ריזיקע שטיינער צום כותל המערבי
מיר זעהן דעם פאלאץ פון דוד המלך.
מיר זעהן דען מעיין דער פלאץ וואו מען האט מושח גיוועהן דוד און שלמה צו קעיניגן אוף עם ישראל
מיר געהן או די ניקבת השילוח וואו מען האט גיגראבן פון ביידע זייטן
מיר זענען עולה צום הר הזיתים צו אלע חשובע צדיקים כגון חולדה הנביאה אור החיים הק' רש"ש רי"ט אלגאזי ר' מאיר אבוחצירא רי"ל דיסקין ר' גרשון מקיטוב ועוד ועוד רבים
מיר זעהן די מערה פון שמעון הצדיק
מערת קבורת רבי עובדיה מברטנורא
מיר זעהן דעם פלאץ וואו אידן האבן מעביר גיוועהן זייערע קינדער צום מולך ע"ז.
ציון דוד מלך ישראל
מיר זעהן די אלט שטאט מיט די שולהן רמב"ן ריב"ז אור החיים ישיבת בית אל החורבה תפארת ישראל, כל ביכ"נ והסיפור שלו.
חצר בתי מחסה מיט אלץ וואס הער פארמאגט
מיר דאוונען און קברי הסהדרין.
מיר זעהן דעם פלאץ וואו מען האט געצינדן די משואות, מודיע זיין אוף קידוש החודש.
מיר זעהן די פיר חלקים פון אלט שטאט.
מיר דאוונען לעבן די פארמאכטע שערי רחמים.
קבר זכריה הנביא
יד אבשלום
מערת הכהנים בני חזיר
ארמון הנציב
קבר שמואל הנביא
החומה השלישית

דאס איז אלץ נאר און ירושלים......

ארץ ישראל פארמאגט כהנה וכהנה, וונדערליכע שיינע הערטער, און קברי קדמונים, און מקומות קדושים.

ישעי' 972-53-3131150

איך זוך א טור, אויפן סדר פון נ"ך, וואו איז יהושע אריינגעקומען, וואו איז מען געגאנגען קודם (ירוחו, עי, וכדו'), ארומנעמען דאס גאנצע לאנד לויטן סדר המאורעות.

קען מיר איינער דאס צושטעלן? - איך וואלט געצאלט דערויף כל הון דעלמא.

ווייל סי איז דא סתירות און נביא וועגן דערויף.
מיר רעדן, נאך וואס יהושע האט ארופ געוורפען די 7 חומות יריחו, און איינגענומען די שטאט, וואס איז געווען דערנוך.
אבער מיק קענען זיך אויס און די פארשידינע שיטות, און מקען זעהן "וואו און ווען"....

לכבוד שבת קודש

איך זוך א טור, אויפן סדר פון נ"ך, וואו איז יהושע אריינגעקומען, וואו איז מען געגאנגען קודם (ירוחו, עי, וכדו'), ארומנעמען דאס גאנצע לאנד לויטן סדר המאורעות.

קען מיר איינער דאס צושטעלן? - איך וואלט געצאלט דערויף כל הון דעלמא.

<a class="postlink" href="http://www.tanachtiyulim.com/tiyulim.php">http://www.tanachtiyulim.com/tiyulim.php</a>

ניין ער איז געווען "נאר" א זייער חשוב'ער איד, ער פלעגט אלס בחור שרייבן דעם קלויזענבורגער רב'ס תשובות, ער איז געווען א מעכטיגער ת"ח ער פלעגט פארלערנען שיעורים אין די שוהל פון ר' חיים לייבוש ראטטענבערג אין מאנסי און אין אור שמח, ער האט ליב געהאט יעדן איד און א"י אהבת נפש,

אינטרעסאנט צו צולייגן א אנעקדאט וואס איך האב געהערט, אז ווען ער איז שוין נישט געזונט געווען בערך א האלבע יאר פאר ער איז אוועק האט ער געהערט אז דער ניקלשבורגער רבי האט געזאגט אז באמת האט סאטמאר רב זיך נישט געקריגט מיטן קלויזענבורגער, נאר בעלי מחלוקת אינדערמיט האבן פארגרעסערט די פייער, איז ער אריבער געקומען צום שטוב פון דעם ניקלשבורגער צו איהם באדאנקען, און ער האט איהם פארציילט אז ווען ער האט דאס געהערט איז ער געגאנגען צום ערשטן מאל אויפן צוין פון סאטמאר רב.
דאס איז ער געווען, א איד וואס די אמת האט ער ליב געהאט מיט א אמת, און אפילו א סאטמארער איד האט ער ליב געהאט פונקט וי ער האט ליב געהאט א קלויזענבורגער.

ער איז געגאנגן צום ציון אין קרית יואל ווייל ער איז געווען קראנק און זיין שווער הג"ר משה וואלפסאן האט אים געזאגט אפשר ווייל ער האט פוגם געווען אין כבוד פון דברי יואל.

די ניקלשבורגער איז געווען אין נתני' אפאר יאר צוריק שבת, פאר א שמחה בבית אחד מנגידיו, איז ער זונטאג צוגעגאנגן צום קלויזענבורגען'ס ציון, און אפאר מינוט גע'בוכה'ט מיט א רויטן פנים, און איבערגעבעטן די דברי יציב בשם סאטמאר פאר די צער וואס מען האט אים פארשאפט, און ווען מורי ורבי הגה"ק רבי יעקב מאשינסקי זצ"ל האט דאס געהערט האט ער געזאגט "אויב א סאטמארער האט געקענט גיין צום קלויזענבורגער קען איך שוין גיין צום סאטמארער" און ער איז געגאנגן.

ווען ער איז צוריק געקומען פון די ציון איז ער גלייך צוגעפארן צום ניקלשבורגען און זאגן אז וועגן אים איז ער געגאנגן צום דברי יואל...

גאר וויכטיג און אינטערסאנט צו באזוכן די הייליגע תל אביב

לכבוד שבת קודש

איך זוך א טור, אויפן סדר פון נ"ך, וואו איז יהושע אריינגעקומען, וואו איז מען געגאנגען קודם (ירוחו, עי, וכדו'), ארומנעמען דאס גאנצע לאנד לויטן סדר המאורעות.

נישט ממש, אבער בערך אזא סארט געדאנק.

<a class="postlink" href="https://www.maslulim-israel.co.il/60-%D7%9E%D7%A1%D7%9C%D7%95%D7%9C%D7%99-%D7%AA%D7%A0-%D7%9A.html">https://www.maslulim-israel.co.il/60-%D ... D7%9A.html</a>

אנאנים: (א פארשפעטיגטע תשובה)...דו האסט במחכת"ה געמאכט א טעות...די רבי זי"ע (דער עכטער) האט מפקיע געווען די קדושה פון ארץ ישראל און פון פירות ארץ ישראל זייט די (פארשאלטענע. כבר אמרנו) ציונים האבן איבערגענומען די שליטה דארט. ממילא זענען די פירות פטור פון תרומות ומעשרות...! ווען די פאלעסטינער רעגירונג פון דעם חסיד אומות העולם אבבאס, ירום ראשו וועט (אי"ה, לפי שאיפת נטורי חרתא) צוריק איבערנעמען די ממשלה, וועללן די פירות צוריקבאקומען די קדושת ארץ ישראל. און מ'וועט דארט מחוייב זיין בתרומות ומעשרות...!

באדדי: ייש"כ. דער קליפ ברענגט אריין א געוואלדיגע התעוררות אין א יעדן (נארמאלן) ערליכן איד. די עסקנים ועסקניות טענה'ן זייער שטארק אז אויב דער זעלבער מצב וואלט געווען סייווי אין די וועלט, וואלט מען שוין געשריגן אז דאס איז אנטיסעמיטיזם. און דא שווייגט א יעדער. כ'מיין די אפיציעלע אינסטאנצן. ווי די פאליציי. און דער מבקר המדינה. אויך די נאציאנאלע צייטונג ידיעות אחרונות. וועלכע איז געוויינליך די ערשטע ארויפצושפרינגען אויף א קעיס וואו ס'זענען אריינגעמישט ערליכע אידן. כאטש די עסקנים זענען אפגעזעצן מיט זייער רעפארטער פאר מער ווי 3 שעה. און זיי האבן צוגעזאגט אז זיי גייען שרייבן א רעפארט אין זייער צייטונג....גארנישט...!

איך וואלט זייער געוואלט דאווענען קבלת שבת ביים כותל, אבער איך בין נאך קיינמאל נישט געווען אין א"י און זייענדיג א פחדן בטבע וויל איך וויסן די פאלגענדע:
קען מען 'רואיג' גיין צופיס פון גאולה געגענט צום כותל דורך שער יפו?
איז דורך שער ציון מער זיכער?
איז דא א עולם וואס גייט סייווי ארויף יעדע פרייטיג צונאכטס צום כותל? דאס הייסט, קען איך מיר מיטכאפן מיט ארטיגע תושבים אזוי וועל איך מיר נישט פארלירן?

פרייטאג צונאכטס איז געווענליך דא א געגייעכטס דורך שער שכם. נעם א באגלייטער זאל דיר ווייזן די וועג, עס איז גאנץ א גראדער מהלך. על פי רוב איז עס פיל מיט אידן און מען דארף נישט מורא האבן.

נישט געאייגענט פאר איינעם וואס האט א שוואכע הארץ, אדער איינער וואס גייט מיט זיין ווייב, צו גיין דורך שער שכם. (ס'איז מער מתנחלים און ישיבה בחורים וואס ווילן קענען זאגן אז זיי זענען געגאנגען דורך שער שכם...)

די פשוט'ע מהלך איז די טרעין טרעקס אראפ ביז שער יפו, און פון דארט דורך אלט שטאט.

אויב ווייסטע עפעס וואס טוטזעך (וועלכע דירעקציע, אדער בערך ווי…) דארף מען צו אנקומען צום כותל, ס'איז דא א שטראם פון מענטשן א גאנצן צייט (העכסטנס העסטע אפשטעלן איינעם און פרעגן).

גענוג משפחות יונגע קאפל׳ס גייען דורך שער שכם.
געוואנדן אין די פחד.
אבער געווענטליך נאכן דאווענען אויב דו דאווענסט פרייטאג צונאכטס ווען די כותל איז פיל קענסטו אויפן וועג אהיים רואיג גיין דורך שער שכם און דו ביסט מיט א שטראם פון היימישע יודן און עס איז דא אסאך מער פאליציאישע קעפטן.
אויפן וועגן אהין וואלט איך נישט רעקאמאנדירט פאר איינער וואס קען זיך נישט אזוי אויס וויבאלד די שטראם איז אסאל קלענער.
אבער מען רעדט דא פון א שפאנציר פון עקסטערע 15 מינוט. אויב מען גייט נישט דורך שער שכם. אגב ביי אלע שייד וועגן איז דא פאליציי וואס וועלן מאכן זיכער אז דו גייסט נישט פארקירוועט פונעם וועג.

שער שכם. איז נישט אזוי שרעקעדיג ווי מען מאכט עס.

פאקט אז איך פערזענליך בינעך שוין דארטן דורך געגאנגען אפאר מאל מיט מיין מאן, פרייטיג צונאכטס.

פארשטייט זיך אז ווען מען האט דורך געוואקט די אלע הייזער ווי אידן וואוינען דארטן, האט ער מיך געמוזט זאגן אז בעצם וואלט געווען א געדאנק צו וואוינען דארטן. 💡

לאנג סטארי שארט. היינט גיי איך שוין נאר מיטן באס. 😂

שער שכם איז די מערסט מסוכן'דיגע פלאץ ווי דער עולם דרייט זיך. פארשטייט זיך אז ס'זענען דא פיל מער מסוכנ'דיגע פלעצער, אבער א פלאץ ווי כמעט יעדער גייט איז דאס די מערסטע מסוכן.

יעדע פאר חדשים קומט דארט פאר א טעראר אטאקע. די שאנסן אז מען זאל טעכניש זיין פארמישט אין אן אטאקע איז כמעט גארנישט, וויבאלד עס קרייזן דארט אריבער א גיזמע פון פיסגייער טאג טעגליך. אבער פארט איז שער שכם די אפיציעלען ארט ווי פאלעסטינער קומען דורעך-פירן אטאקעס.

הגם אין די לעצטע פאר יאר זענען רוב אטאקעס געווען געצילט אויף זיכערהייטס קרעפטן און נישט אויף ציווילע, און אויך די פאקט אז די צאל מענטשן וואס גייען דורך טעגליך "ווערסעס" די צאל יערליכע פארוואנדערטע מאכט עס אויסזעהן פארזיכערט, נעמט עס נאך אלץ נישט אוועק פונעם פאקט אז שער שכם איז די מערסט געצילטע ארט ווי סתם מענטשן דרייען זיך.

מי ימצא

שער שכם. איז נישט אזוי שרעקעדיג ווי מען מאכט עס.

פאקט אז איך פערזענליך בינעך שוין דארטן דורך געגאנגען אפאר מאל מיט מיין מאן, פרייטיג צונאכטס.

פארשטייט זיך אז ווען מען האט דורך געוואקט די אלע הייזער ווי אידן וואוינען דארטן, האט ער מיך געמוזט זאגן אז בעצם וואלט געווען א געדאנק צו וואוינען דארטן. 💡

לאנג סטארי שארט. היינט גיי איך שוין נאר מיטן באס. 😂

איך וואוין אין ירושלים
ס׳ווענד זיך ווי א טאג, ווי אנגעצויגן די מצב איז
אויב איז עס רואיג דארף מען צו קענען גיין דארט
אבער אויב איז די מצב אנגעצויגן און ממאכט איין אומריכטיגע דריי…

מי ימצא

שער שכם. איז נישט אזוי שרעקעדיג ווי מען מאכט עס.

לאנג סטארי שארט. היינט גיי איך שוין נאר מיטן באס. 😂

מ'רעד מיר פון שבת

אז מ׳רעדט פון געפארפולע פלעצער, פון אלע פלעצער וואו איך בין געווען אין ארץ ישראל האב איך נאר איינמאל געכאפט א שטיין אין קאפ פון אן אראבער, דאס איז געווען ארויסקומענדיג פון שער האשפות… ס׳האט מיר געלערנט א גוטע לעקציע אין פאראנויע…

לאמיר געבן מיינע צוויי צענט איבער שער שכם, ובפרט פרייטאג צונאכטס.

קודם דארף מען ארויסברענגן די הערליכקייט פון די מצב, ס'שפירט זיך אביסל ווי מ'גייט עולה רגל זיין ווען הונדערטע אידן פון אלע שיכטן און קרייזן, חסידים און מתנחלים, ליטאים און תימנים, ספרדים און מזרחיסטן... גייען מיט די פרישע שבת'דיגע בגדים פראווען צוזאמען א קבלת שבת ליד שריד בית מקדשינו.
יעצט, ס'כמעט אומ-מעגליך צו מאכן אן אומריכטיגע דריי צוליב דער שטראם וואס ציט צום נאר כותל און די פילע זיכערהייט קרעפטן אויפן פלאץ, ובכלל איז דער וועג א גראדער מיט סיינס א גאנצן וועג. ווי אויך איז גוט צו וויסן אז די שטח איז איבערגעפילט מיט קאמרעס אויף וואס די חברה זיצן אגאנצן צייט.
לעצטנס בין איך געווען דארטן מיט מיין ווייב, אויפ'ן וועג צוריק האבן זיי פארמאכט די וועג צוליב קליינליכע געפעכטן.. זיי האלטן זייער שטארק די סעקיוריטי דארטן.

צו זאגן אז ס'איז די שרעקעדיגסטע פלאץ צו גיין איז שטארק איבערגעטריבן. איך וואלט עס ענדערש באצייכנט אלס די שענסטע פלאץ צו גיין, און די זיסטע צייט פון וואך, מיט די בעסטע ציבור מענטשן.

טעמו וראו כי טוב.

רביה''ק זי''ע

אז מ׳רעדט פון געפארפולע פלעצער, איך האב אמאל געכאפט א שטיין אין קאפ ארויסקומענדיג פון שער האשפות (!)

מן הסתם פון א קנאי וואס האט עפעס א קליפה געזען אויף דיר... 😂

ס'איז אינטערעסאנט אז אזאנס זאל פאסירן ביי שער האשפות, שער האשפות איז פיר און צוואנציג שעה רונדעס דעם זייגער באוואכט מיט פאליציי.

מען דארף שטארק אכט געבן ביי די ככר שבת פון די אקטוויסטן מיט די שילדערן ״החיים מאושרים בלי אינטערנט וסרטים״ זיי זענען די מערסטע געפארפול
זיי קומען פון א ישיבה לעבן בית ישראל שטיבלעך און זיי זענען נישט קיין שוואכע געבוי קומענדיג פון א בעל תשובה בעקגראונד.
געב נאך אכט ווען דו כאפסט א קליפ פון די אינטערסאנטע סעזאנע.
ווי אויך דארף מען אכט געבן פון די ברלנד חברה ביי חומה השלישית.

אבער ווען מען רעדט פון שאנסן נעמט אין באטראכט אז אן אמעריקאנער משפחה האט ממש לעצטענס באטראפן געווארן פון א שיסעריי אויף א באס אויפן וועג צו די כותל. און ביי שער יפו געשעהן אויך מעשיות.
אין לדבר סוף.

אלבערט איינשטיין

מען דארף שטארק אכט געבן ביי די ככר שבת פון די אקטוויסטן מיט די שילדערן "החיים מאושרים בלי אינטערנט וסרטים", זיי זענען די מערסטע געפארפול.
זיי קומען פון א ישיבה לעבן בית ישראל שטיבלעך, און זיי זענען נישט קיין שוואכע געבוי קומענדיג פון א בעל תשובה בעקגראונד.

און אפילו מ'טוט זיי גארנישט אבער זיי קענען נודזשענען ביז די מארך
שוין ענדערש פארפאקן די סמארטפאון אין בוזעם ווי ווערן א ציעל ברעט פאר די קלעבעדיגע חברה.

אויב איז מען א סאקמער'ער חסיד קענמען טאקע נישט גיין צום..."כותל"...אדער צו ..."קבר רחל"... רחמנא ליצלן מהאי דעתא. ווייל מ'וועט נאך (ח"ו) קומען מהרהר זיין פון געבן א דאנק פאר די ציונים (הטמאים) כבר אמרנו. אבער ס'איז (ב"ה) דא געניג און נאך אקטיוויטעטן אין די טמא'נע מדינה. למשל. פארן קיין אילת און זעהן די ----. גיין מיט אונטערוואסער שיפלעך. און ..."איבערשלאפן"...(מיט חיים שאולזאנ'ס פירוש) אין א לאקאלן האטעל.

אז מען רעדט שוין פום אילת. וואלט איך שטארק רעקאמאנדירט פאר איינער וואס גייט קיין ישראל און האט איבריגע דריי טעג וואס ער דארף נישט דוקא קברים.
ערשטענס אויפן וועג קיין אילת קען מען כאפן א גוטע שווים אין די ים המלח. ווי אויך א שיינע שפאנציר אין עין גדי. (דארף אבער אנקומען פרי ווייל נאך3 אזייגער קען מען שוין נישט אריין גיין) אדער באזוכן מצדה.
ממש לעבן אילת נישט ווייט פון די לופטפעלד איז דא hidden lake timna. זייער א שיינע פארמאנע צו זעהן א וואסער אין א טאל. אויך איז דא נישט ווייט פון אילת די red canyon. קוקט אויס ווי די רויטע קעניען אין אמעריקא נאר אסאך קלענער אבער זייער שיין פאראנאמיש מען קען ממש שפירן אז עס איז פאלש. אין אילת איז זייער שטארק די night life. ביז 2 אזייגער ביינאכט פארברענגן מענטשן דארטן און פלעצער זענען אפען ווי אינמיטן טאג.
אין די ווינטער איז די ווערטער זייער שיין. אין די זומער איז עס היבש הייס. עצה טובה צו גיין מיט קורצע הויזן. ניין וועסט נישט טרעפן א היימישע פנים דארטן.
די ים ברעגעס דארטן זענען נישט סעפציעל. מער א שטיינערע בארטן אבער די קלארקייט פון די וואסער איז אזאנס וואס מען זעהט זעלטן. ווען מען שווימט מיט די וואסער ברילן (water goggles) קען מען זעהן הערליכע פיש אינטער די פיס אינאיינעם מיט די שיינע קאראלען.
אויפן איינער פון די וועגן פון/צו ירושלים וואלט איך רעקאמאנדירט צו גיין צו מצפה רימון. שטעטעלע ווי מען קען זעהן שיינע פאראנעמעס פון די מדבר און כאפן א שמועס מיט די לאקאלע ווילדע פרייע ציגן וואס דרייען צווישן די פיס.

אלבערט איינשטיין

אז מען רעדט שוין פום אילת. וואלט איך שטארק רעקאמאנדירט פאר איינער וואס גייט קיין ישראל און האט איבריגע דריי טעג וואס ער דארף נישט דוקא קברים.
ערשטענס אויפן וועג קיין אילת קען מען כאפן א גוטע שווים אין די ים המלח..

בעסער צו גיין און די פארטאגס.
די הערליכע זריחה ביים זיך ווייקן און די מער ווייניגער ליידיגע ווארעמע ים המלח איז עפעס שלא מעלמא הדין
(איך רעד פון די ממש פארטאגס שעות, הארט ביי די זון אויפשיין, אחוץ אפאר רוסישע ריטייערטע זקנים וואס ליינען די צייטונג אויפן וואסער איז עס ליידיג)
בכלל איז בעסער אויב לאזט מען זיך ארויס גענוג פרי ווען סאיז נאך טונקל, און די ראעדס זענען נאכנישט אנגעזעצט און די וועג פארט א מחיה אן טרעפיק, און מקען שוין זיין צוריק אין טאון ביי 9:00 פאר א פרישע טאג נאכן זיך ווייקן צוויי שעה

יעצט אין די ווינטער איז מער געראטן צו גיין אינמיטן טאג, די וואסער איז אסאך קאלטער אין די ווינטער, אבער נאכמיטאג איז עס שוין עטוואס ווארימער.