ר' ישראל מאיר הכהן קאגאן זצ"ל - חפץ חיים

היינט דינסטאג כ"ד אלול איז די יארצייט פון איינע פון די גרעסטע גדולי ישראל פון פאר די וועלט מלחמה, פון די מערסט פאפולער מיט זיינע ספרים משנה ברורה און פון זיין ספר מיט וואס ער איז די מערסטע באוויסט און ווערט מיט דעם אנגערופען "חפץ חיים".

באלד גייט מען מיר פרעגען פארוואס איך שרייב וועגען איהם, אמער, סע דאך שוין דא אזויפיהל באשרייבונגען אויף איהם?

ווער סע וויל נישט, דארף נישט לייענען.

איך האב אבער געטראפען דעם שבת א בלעטעל פון קלויזענבורגער רבי ז"ל און געזעהן דארט א נייע ווארט וועגן ספר חפץ חיים. ער דערציילט וועגן די הייליגקייט פונעם ספר און די וויכטיגקייט פון לערנען אין דעם. ער לייגט אבער צו אז מע זאל לערנען דערין אפי' אז סע דא "כמה דברים שהחמיר" וואס מע קען דן זיין אין דעם.

דער חפץ חיים אבער שרייבט אין זיין הקדמה אז ווי ער האט געקענט מקיל זיין, האט ער מקיל געווען.

אין זיין תורה פאריגע וואך פ' כי תבא פון יאר תשכ"ה ברענגט דער קלויזענבורגער רבי זייער שיינע זאכען וועגען לשה"ר. אפשר וועלעך עס שפעטער לייגען דא.

לאמיר דא מאכען א ליסטע פון די קינדער פונ'ם כהן הגדול מאחיו מראדין זצ"ל

- בנו ר' אריה ליב הכהן פופקע
- בנו ר' אברהם הכהן
- בנו ר' אהרן הכהן
- בתו מרת פיגא חיה אשת ר' מנחם מנדל זאקס
- בתו מרת גיטל אשת ר' אהרן הכהן
- בתו מרת שרה אשת ר' צבי הערש לעווינסאהן

ווער ווייסט ווייטער די יו"ח, די ווייטערע דורות?
ליידער ווייס איך פון צוויי אייניקלעך פונ'ם ח"ח וואס זענען ניטאמאהל קיין שומרי שבת

ב"ה

ראיתי פרסום אנטי ציוני שבו כתוב שהח"ח זלזל ברב קוק לאחר הנאום בפתיחת האוניברסיטה העברית (ודבריו של הרב קוק שם סולפו ואיך כאן מקום להאריך בזה), אך במכתב נגד הקנאים מתרפ"ח, כשלוש שנים לאחר הנאום, של חתנו של הח"ח, הגר"א הכהן בעל "עבודת הקרבנות" זצ"ל, הוא כותב במפורש שחמיו מוקיר ומחבב מאוד את הרב קוק. ולקראת סוף המכתב כותב שמצטרף למחאת גדולי ישראל בארץ ובגולה נגד מעשי הקנאים ודבריהם כנגד הרב קוק.

סריקת המכתב היא בעמוד זה בסריקה השנייה (הראשונה היא מכתב הח"ח למשלחת שיצא לארה"ב בתרפ"ד להתרמה בעבור מוסדות התורה בארץ ובליטא שבראשה עמד מרן הגאון הרב קוק זצוק"ל ובה השתתפו גם מרנן הגאונים ה"דבר אברהם" מקובנה זצוק"ל הי"ד ורמ"מ אפשטיין מסלבודקה זצוק"ל): <a class="postlink" href="http://www.bhol.co.il/forums/topic.asp?whichpage=2&topic_id=2459912&forum_id=771">http://www.bhol.co.il/forums/topic.asp? ... rum_id=771</a>

ארויפגעברענגט לכבוד די יארצייט מארגן
זי"ע

איך האב אביסל נאכגעפארשט, און כמעט אלע זיין אייניקלאך זענען יא פרום, טראץ די שווערע ווינטען וואס האבען דעמאלס געבוזשעוועט אין די אומגעגענט.
איך מיין אויף toladot.blogspot.com קען מען זען די רשימה.
ס'זעט אויס אז אחוץ משפחת זאקס, האבען די אלע אייניקלאך זיך נישט בארימט אלץ זיין אייניקלאך, געלעבט א פלעינע לעבן. דוכט זיך א רב אין שיקאגא מיט'ן נאמען תרשיש איז אן אייניקעל.

זענען זיינע ספרים געווען שוין אנגענומען פאר די מלחמה?

יום טוב ליפמאן צונז

זענען זיינע ספרים געווען שוין אנגענומען פאר די מלחמה?

עס איז זיכער אז די משנה ברורה איז געווען 'אנגענומען' פאר די מלחמה. אזוי ווייזט די פאקט אז ער האט עס איבערגעדריקט (עטליכע מאל?). אזוי אויך די אנדערע 'פוסק אחרון' פון זיין צייט - דער 'ערוך השלחן' ברענגט אים אראפ אין חלק או''ח וואס איז ארויסגעקומען נאכ'ן משנ''ב, דאס ווייזט אז מען האט שטארק געניצט זיין ספר.

משנה ברורה איז ארויסגעקומען פאר די המון עם. די פוסקים, כאטש זיי האבן זיך שטארק גערעכנט מיט זיין פסק, האבן אבער כדרכם אליין אויסגעבויט א פסק פון די מקורות. ממילא, אויב דיין שאלה איז ווען משנה ברורה איז געווארן אנגענומען ביי די המון עם אלס 'די' פוסק אחרון, במקום קיצור שלחן ערוך און ערוך השלחן [און ביי חסידים שלחן ערוך התניא], ווייס איך נישט. אזוי פיל יא, אין 'שורשי מנהגי אשכנז' ברענגט ער אז ווען בחורים אין טעלז האבן געהאט טענות פארוואס מען וואשט זיך פאר קידוש ווען אין משנ''ב ווערט גע'פסק'נט נישט צו טון אזוי לכתחילה, האט דער ראש ישיבה גענטפערט: ''טעלז איז געווען נאך בעפאר די משנ''ב''... איך געדענק נישט די יארן ווען די מעשה איז געשען, אבער פון דארט איז משמע אז אין יענע צייט איז שוין געווען אזא משנה ברורה האק.

בנוגע ווער עס איז מער אנגענומען ביי די פוסקים, משנ''ב צי ערה''ש, זע דא די שמועס.

כרם זית

אזוי ווייזט די פאקט אז ער האט עס איבערגעדריקט (עטליכע מאל?).

ס'הייסט אז ער האט געמאכט זיין עיקר פרנסה פון פארקויפן זיינע ספרים. איך בין נייגעריג נאר צו אין די מער חניאקישע חסידות'ן א שטייגער ווי בעלזא אין די צייטן פון די יושבים, צו זיי האבן געהאט א גוטע בליק דערויף אדער זיי האבן דאס נישט אזוי שטארק געגליכן???

און דאכט זיך אז די 'ערוך השלחן' פלעגט ער ריפן די פארקערט'ע שלחן ערוך...

יא יא... דא האט מען גערעדט דערפון מיט אביסל מער דעטאלן:

https://www.kaveshtiebel.com/viewtopic.php?p=136210#p136210
https://www.kaveshtiebel.com/viewtopic.php?p=135910#p135910