איז סאטמער א חלק פון כלל ישראל?

שמעקעדיג #

פונדאַמענטאַל #

שמעקעדיג #

וואס פונקטליך דעפינירט צי איינער איז א חלק פון כלל ישראל?
וואו איז דער שו"ע און וואו שטייען די הלכות פאר דעם?
עסקינג פאר עי פרענד...

מען דארף נישט קיין הלכות און קיין שו"ע. א מענטש איז פאררעכנט אלס א חלק פון א ספעציפישע קאמיוניטי באזירט אויף זיין שייכות און חיבור מיט די אנדערע אין די גרופע. אויב א מענטש האלט זיך אפגעטיילט פון די אנדערע מיטגעלידער, און נעמט נישט קיין טייל אין דאס וואס זיי גייען דורך. ער שפירט נישט ווי זייערע דורכגענג זענען אויך זיינע דורכגענג. דאן איז ער נישט קיין חלק פון די גרופע.

דאס איז נאר טאמער די קאמיוניטי ווערט בעיקר צוזאמגעשטעלט דורך די שייכות און חיבור איינער מיט'ן צווייטן.
אבער טאמער איז עס געבויעט דורך א מנהיג (=באשעפער) וואס זאגט אז כדי צו זיין מיין פאלק דארפסטו מיר דינען, דאווענען און לערנען, טון מצוות, חסד, און זיך אפהיטן פון איסורים און עבירות, דעמאלס איז נישט צו שטארק נוגע די שייכות און חיבור מיט אנדערע. כאטש די חברותא האט זיכער א געוויסע עפעקט, אבער נישט גענוג צו קענען איינעם ארויסשליסן פון די חבורה.

שמעקעדיג #

פונדאַמענטאַל #

שמעקעדיג #

וואס פונקטליך דעפינירט צי איינער איז א חלק פון כלל ישראל?
וואו איז דער שו"ע און וואו שטייען די הלכות פאר דעם?
עסקינג פאר עי פרענד...

מען דארף נישט קיין הלכות און קיין שו"ע. א מענטש איז פאררעכנט אלס א חלק פון א ספעציפישע קאמיוניטי באזירט אויף זיין שייכות און חיבור מיט די אנדערע אין די גרופע. אויב א מענטש האלט זיך אפגעטיילט פון די אנדערע מיטגעלידער, און נעמט נישט קיין טייל אין דאס וואס זיי גייען דורך. ער שפירט נישט ווי זייערע דורכגענג זענען אויך זיינע דורכגענג. דאן איז ער נישט קיין חלק פון די גרופע.

דאס איז נאר טאמער די קאמיוניטי ווערט בעיקר צוזאמגעשטעלט דורך די שייכות און חיבור איינער מיט'ן צווייטן.
אבער טאמער איז עס געבויעט דורך א מנהיג (=באשעפער) וואס זאגט אז כדי צו זיין מיין פאלק דארפסטו מיר דינען, דאווענען און לערנען, טון מצוות, חסד, און זיך אפהיטן פון איסורים און עבירות, דעמאלס איז נישט צו שטארק נוגע די שייכות און חיבור מיט אנדערע. כאטש די חברותא האט זיכער א געוויסע עפעקט, אבער נישט גענוג צו קענען איינעם ארויסשליסן פון די חבורה.

מילך טראק #

ס'קומט מיר אויס אסאך צו דאווענען אין נישט חסידישע שוהלן, דארט פילט מען א מצב פון מלחמה אין די לופט, מ'זאגט אבינו מלכינו, מנינים תהילים וכו'
אבער אין חסידישע שוהלן (נישט סאטמאר) פילט מען גארנישט אלעס גייט אהן געהעריג.

היימלינד #

מילך טראק #

ס'קומט מיר אויס אסאך צו דאווענען אין נישט חסידישע שוהלן, דארט פילט מען א מצב פון מלחמה אין די לופט, מ'זאגט אבינו מלכינו, מנינים תהילים וכו'
אבער אין חסידישע שוהלן (נישט סאטמאר) פילט מען גארנישט אלעס גייט אהן געהעריג.

יא יא, איך האלט עס אויך מיט ווי איך דאווען אסאך, אבער עס קומט נישט דווקא פון משתתף בצערן של ישראל, ס'איז מער אזא guilt אדער מרה שחורה.

והראי' ווייל אויב זיי ווילען זיך פשוט משתתף זיין בצערן דעמאלטס ווי קומט אריין אלע געפילישע און סימבאלישע זאכען, למשל די פענער די olive themed משלוח מנות און נאך אסאך אזעלעכע זאכען? האלסט טאקע אז ס'וועט העלפען איין חייל אדער געפאנגענע?
בקיצור זיי זענען זייער confused און תמימות'דיג און דאס מאכט זיי גארנישט בעסער [אדער ערגער] פון אונז.

פונדאַמענטאַל #

פון די וועג וויאזוי די שרייבסט זעהט אויס אז אדער ווילסטו עכט נישט הערען אן ענטפער אדער האסטו נישט פארשטאנען וואס איך שרייב, וועל איך פראבירען דיר צו ענטפערען איין מאל בס"ד און מיט דעם ענדיגען.

וועלכע פעולות וואלט ווען יא געווען א השתתפות בצערן של ישראל, און נישט guilt און מרה שחורה? קענסט מגדיר זיין פונקטלעך פארוואס זייערע פעולות זענען נישט אין כלל פון השתתפות בצערן של ישראל? איך האב עס מסביר געווען פאר דער וואס וויל פארשטיין, מעגליך אז דו ביסט נישט באקאנט מיט די קאמיוניטיס פון וואס איך האב גערעדט און ממילא פארשטייסטו נישט, פיין וויט מי.
"והראי'" - איך האב נישט געזען קיין שום ראיה דא, קענסט מסביר זיין ווי אין דיינע ווערטער ליגט א ראיה אז זיי מיינען נישט קיין השתתפות בצערן של ישראל? ס"ה האלטסטו אז די פעולות זענען מינדערוויכטיג, בסדר. אבער קיין ראיה אויף מרה שחורה איז דאס נישט. זאגען תהילים, מתפלל זיין, שיקן פעקליך, גיין מחזק זיין, די אלע זאכען טוען אויף, און דאס ווערט געטוען "בעיקר" דורך חרדישע אידן, משא"כ לייגען א פאן אויף א הויז אדער קאר, בילדער פון האסטעדז'עס אויף דיין רעסטוראנט [וואס בדרך אגב שיקט עס אוועק קאסטיומערס - עס מאכט זיי אומעטיג], העלפט נישט קיינער, ס'איז נישט מחזק קיינעם דארט, ס'איז א אייגענע געפיל name it as you please אויב דו האסט נישט ליעב די ווארט מרה שחורה.
און דער עיקר. אוודאי איז דא א מקום פאר סימבאלישע זאכען. וויפיל זאכן טוען מיר צו ווייזען אז מיר קלאגען אויפן חורבן? וויפיל זאכען טוען מיר ביים באוויינענען א נאנטען? האלטסט אז דיין צוריסענע רעקל וועט העלפן דיין נאנטען וואס איז נארוואס געשטארבען?... וואס די הלכה פארלאנגט טוט מען און גארנישט מער, פארקערט עס קען אריין גיין אין איסורים, סא זיך בעסערע משלים אוודאי דארף מען וויסן אז לא המעשה עיקר און נישט ווערן פארלוירן אין די סימבאלישע זאכען, well די ווי פון וועמען איך רעד ווערען יא אביסעל פארלוירען... אבער צו זאגן אז עס איז מאה שחורה איז נער'יש. און ב.ד.וו. איך רעכן נישט זאגן שיר המעלות נאכען דאווענען אלס א 'סימבאלישע' זאך. איך האב נישט גערעדט פון די שיר המעלות דאס זאגט ביי אונז אויך [עכ"פ ווי איך דאווען] און מער ווי איין שיר המעלות/קאפיטעל
און אפילו אויב אלס וואס די זאגסט איז אמת, דאן זאג מיר וואס איז די אלטארנאטיווע? זיך בכלל נישט וויסענדיג מאכען? יעדער פרובירט צו טון די מערסטע וואס איז שייך, צומאל איז נישט דא מער וואס צו טון אויסער אנטון א געלע פין און ברענגען אויפמערקזאמקייט צו די נושא. לאו דווקא אז דיין הנחה איז גערעכט, איך זעה נישט ווי doggy tags אדער די masking tape מיט די נומער פון טעג טוט עפעס אויף, אבער ווי שוין געשריבען טוען מיר יא, און אסאך, קען זיין אז נישט דאס וואס "די גאס" פארשטייט אז ס'הייסט געטוען.

עמרם #

לאמיר פראבירן אביסל מער מסביר זיין,

אוודאי מיר אידן קוקן אהן סאטמאר אלץ א חלק פון כלל ישראל, אפי' זיי זענען זיך נישט משתתף אין אונזער צער, אין די יעצטיגע תקופה
ווייל ווי נישט ווי, זענען זיי אידן שומרי תורה ומצוות, און אפי' אז אין געוויסע זאכן האבן זיי לדעתינו (?) נישט די ריכטיגע השקפה, אם כל זה, בלייבן זיי אידן

די שאלה איז פארקערט,
צו דען קוקט זיך סאטמאר אהן ווי א חלק פון כלל ישראל ???

אפי' מ'וועט זאגן אז כלל ישראל רעכענט זיך נאר מיט שומרי תורה ומצוות, נאר זיי קענען אנגערופן ווערן כלל ישראל,
וועט מען ביי אונז רעכענן כלל ישראל, פון די מזרח'סטן ביז די נ''ק
אפי' ס'קען נישט זיין אז אלע זענען גערעכט, אבער אידן זענען זיי
די מזרח'סט, ווי ווייט ער איז פון די סאטמארע, פארשטייט ער אז זיי זענען אויך אידן, נאר זיי האבן אפשר נישט די ריכטיגע בליק אויף גלות וגאולה
אבער די סאטמארע (טאקע נישט אלע), ביי זיי איז שוין אנדערש
מ'האט אויסגעלערנט אז אלע גדולים האבן געהאלטן ווי די רבי (?)
און ווער ס'האט נישט איז נישט קיין גדול, אז מ'האלט אז מ'מעג יא האבן א מדינה היינטיגע צייטן, איז עס נישט א צווייטע שיטה, נאר ס'איז מינות און אפיקורסות - וואס כמובן האט נישט קיין שייכות מיט כלל ישראל
איי ס'געווען גדולים וואס האבן אזוי געהאלטן, נא ווערן זיי אויס גדולים
און מ'זאגט נישט אז ס''ה זענען זיי זיך טועה, ווייל מ'נעמט אהן אז דאס איז די יסודות הדת (?) און מילא זענען די אלע נישט קיין חלק פון כלל ישראל,
און וויבאלד די זענען די רוב קומט על כרחך אויס אז סאטמאר איז א צווייטע כלל ישראל ודו''ק

כמובן איז נישט ממש ווי איך האב געשריבן, נאר איך האב פראבירט ארויסצוברענגען די נקודה,
אויב מ'פארשטייט אז האבן א צווייטע שיטה איז מינות ואפיקורסת, אפגעזעהן צו ס'איז מדינה, צו ס'איז בחירות, אויב פארשטייט מען אז א איד, מיינט נישט נאר א שומר תורה ומצוות, נאר ער מוז האלטן פון געוויסע שיטות פון מיין רבי, וועט אויסקומען אז סאטמאר האט זיך ארויסגעצויגן פון כלל ישראל - וואס פארשטייט אנדערש

און כלל ישראל, אפי' מ'האט אנדערע מיינונגן, ווילאנג מ'פאריפט זיך שומתו''מ איז מען די זעלבע כלל ישראל, אבער אין סאטמאר נישט,

(כלל ישראל קוקט אויף סאטמאר ווי א חלק פון איר, אבער סאטמאר קוקט זיך אהן אפגעטיילט)

כ'האף מ'וועט מיך פארשטיין,

berlbalaguleh #

עמרם: איך האלט אז דו ביסט נישט אינגאנצן גערעכט. ווייל ס'איז אמת אז אונז האמיר חילוקי דיעות, אפילו שטארקע, מיט געוויסע גרופס/קהילות/ חסידות'ן. נאר דאך זענען אלע אין כלל ישראל.

למשל, רוב וועלט איז נישט מסכים מיט די היינטיגע אויסטייטשערס פון די שיטה. און כל שכן מיט נטורי קרתא. און ס'קען אמאל וויי טוהן געוויסע דערקעלרונגען און אקציעס פון א טייל גרופס. נאר דאך זענען זיי א חלק פון כלל ישראל. אפילו נטורי קרתא אויך. דער לימוד זכות אויף נטורי קרתא איז אז זיי זענען (נעבעך) פארגרייזט. ווייל פון מוחה זיין ביז זיך קושן און אויסדרוקן סאלידאריטעט מיט רוצחים פון אידישע קינדער איז א גרויסער מהלך.

מיין טענה איז, א נארמאלער איד וועלכער קען א ביסל די אידישע היסטאריע פארשטייט און ווייסט אז ווע א גוי טשעפעט א איד אפילו א נישט רעליגיעזן איד מיינט ער פונקט אזוי שלעכטס טון (ח"ו) אפילו פאר דעם גרעסטן צדיק און קנאי. ממילא דארף מען לייגן אין א זייט אלע חילוקי דיעות און זיך משתתף זיין אין צער פון אידן אפילו אין די אנדערע עק וועלט. און העלפן מיט וואס מ'קען. מ'טאר זיך נישט איינרעדן שלום עלי נפשי. ווייל די גוים אין אמעריקע אדער ענגלאנד האבן פונקט אזוי פיינט זייער שכן דעם איד אזוי ווי די אראבערס אין ארץ ישראל.

היימלינד #

פון די וועג וויאזוי די שרייבסט זעהט אויס אז אדער ווילסטו עכט נישט הערען אן ענטפער אדער האסטו נישט פארשטאנען וואס איך שרייב, וועל איך פראבירען דיר צו ענטפערען איין מאל בס"ד און מיט דעם ענדיגען.

שטארקע ווערטער... איך מיין אז איך האב שיין ארויסגעברענגט מיינע שאלות און ספקות אויף דיינע ווערטער. איך זעה נישט קיין סיבה אויף אזא אטאקע. אויב האסטו פארלוירן געדולד צו ממשיך זיין די דעבאטע, קענסטו עס איבערלאזען ווען די באגערסט. עס פעלט נישט אויס די שפיל: די ווילסט נישט הערן קיין ענטפער - די פארשטייסט נישט וואס איך שרייב... וכו' וכדו'.

איך האב עס מסביר געווען פאר דער וואס וויל פארשטיין, מעגליך אז דו ביסט נישט באקאנט מיט די קאמיוניטיס פון וואס איך האב גערעדט און ממילא פארשטייסטו נישט, פיין וויט מי

.
אפשר זייט אזוי גוט, און דערמאנט מיר וואס איר האט מסביר געווען. איך בין ב''ה באקאנט מיט ביידע קאמיוניטי'ס.

זאגען תהילים, מתפלל זיין, שיקן פעקליך, גיין מחזק זיין, די אלע זאכען טוען אויף, און דאס ווערט געטוען "בעיקר" דורך חרדישע אידן, משא"כ לייגען א פאן אויף א הויז אדער קאר, בילדער פון האסטעדז'עס אויף דיין רעסטוראנט [וואס בדרך אגב שיקט עס אוועק קאסטיומערס - עס מאכט זיי אומעטיג], העלפט נישט קיינער, ס'איז נישט מחזק קיינעם דארט, ס'איז א אייגענע געפיל name it as you please אויב דו האסט נישט ליעב די ווארט מרה שחורה.

האסט נישט פארשטאנען איבער וואס די נידון איז. מען האט נישט גערעדט פון נישט חרד'ישע אידן. מען האט גערעדט פון אולטרע-חרדי'שע/סאטמאר ווס אלגעמיינע חרד'ישע/מאדערן חרד'ישע. שיקען הילף, גיין מחזק זיין, זאגען תהילים ווערט געטון אין די אלגעמיינע חרד'ישע וועלט. נישט אין סאטמאר וכדו'. האט סאטמאר געשיקט הילף פאר די געטראפענע פאמיליע'ס, פאר די פעולות לטובת די פארכאפטע, פאר די מילואימניקים? האט סאטמאר געגאנגען מחזק זיין, אדער אפשר גאר מחרים געווען די וועלכע זענען געגאנגען? וועלכע סאטמאר'ע ביהמ"ד זאגט תהילים לטובת די פארכאפטע?

וואס די הלכה פארלאנגט טוט מען און גארנישט מער, פארקערט עס קען אריין גיין אין איסורים, סא זיך בעסערע משלים

הייסט אז הלכה האט נישט קיין הסבר... עס איז אזא חוק אהן קיין פשט.
well

די ווי פון וועמען איך רעד ווערען יא אביסעל פארלוירען...

איך זעה נישט קיין סיבה צו מכליל זיין א גאנצע ציבור אין די באשולדיגונג. עס איז א פערזענליכע עבודה, צו וויסן אז די סימבאלישע פעולות זענען נישט אלעס. יעדער איינער געפינט זיך אויף א אנדערע מדרגה אין די עניין. יש ויש.

איך האב נישט גערעדט פון די שיר המעלות דאס זאגט ביי אונז אויך [עכ"פ ווי איך דאווען] און מער ווי איין שיר המעלות/קאפיטעל

אפשר קענסטו פארברייטערן איבער דעם? ווי אפט און פאר וועמען זאגט מען? פאר די סאלדאטן אדער פאר די פארכאפטע? אדער אפשר "פאר די מצב אין א"י"?

לאו דווקא אז דיין הנחה איז גערעכט, איך זעה נישט ווי doggy tags אדער די masking tape מיט די נומער פון טעג טוט עפעס אויף, אבער ווי שוין געשריבען טוען מיר יא, און אסאך, קען זיין אז נישט דאס וואס "די גאס" פארשטייט אז ס'הייסט געטוען.

נישט אלעס איז איבער "אויפטוען," אזוי ווי איך האב געשריבן פריער - השתתפות בצערן של ישראל מיינט נישט נאר אויפטון, עס מיינט זיין מחובר מיט די מצב וואס אנדערע אידן גייען דורך. און "מיר" טוען טאקע, סאטמאר ודומיהם טוען נישט.

היימלינד #

בקיצור האסט נישט פארשטאנען וואס איך האב געשריבען אדער נישט געזעהן צו וואס איך האב מגיב געווען, וכמו שכתבתי.
ווייל אויב יא ווי קומט דא אריין סאטמער?

ובזה סיימתי