היום #
berlbalaguleh #
היום #
שיין, שיינע ארבעט אראפגעלייגט דא.
איך האב אמאל אליינס געהערט פון הגאון ר עובדיה יוסף זכרונו לברכה, וואס האט פארציילט ווי אזוי ער האט אויסגעלערט די דיינים אין דער רבנות וואס צו טיען ווען א ממזר וויל חתונה האבן, כדת משה וישראל.
מען גייט צוריק צום קידושין פונעם מאמע׳ס חתונה און מען זיכט א לאך אין דער סדר הקידושין, כדי צו עס קענען פסל׳ן אויף סיי וועלעכן וועד מען קען נאר טרעפן.
ער האט געזאגט אז בדרך כלל איז עס די גרינגסטע צו טרעפן אין די עדי קידושין, וואס דארפן זיין גאר אפגעהיטענע יודן כדי צו זיין באמת כשר לעדות.
נאר "הרב" (אזוי האט איהם דער איד באצייכנט ווען ער האט דערמאנט זיין נאמען. שוין לאמיר יעצט נישט אריינגיין אין דעם) עובדיה יוסף אליין בכבודו ובעצמו האט געפייערט אקעגן הרב שלמה גורן. ער האט איהם געוואלט "מעביר" זיין פון רבנות הראשית. נאר דאס האט ענדערש צו טון מיט פאליקטיק ווי מיט הלכה.
אדרבה, קום אריין מיט די סטארי.
וואס איז די סיפור מיט הרב שלמה גורן?
אז דו ווילסט דווקא. עמיר אנהייבן פון פאר בראשית.
ס'איז געווען אין ארץ ישראל (כ'מיין אין די זיבעציג'ער יארן למספ.') א ברודער מיט א שוועסטער מיט'ן נאמען לאנגער.וואס די רבנות הראשית (יא. אט די שקצים און ציונים פיהרן זיך עפ"י הלכה.) האט זיי נישט געוואלט ארויסגעבן א היתר חתונה צו האבן. וועגן זייער סטאטוס אלס ממזרים. ווייל זייער מאמע האט חתונה געהאט מיט זייער טאטן (בזיווג שני) אן באקומען א גט פון איהר ערשטן מאן.
די פרייע, אנטי-רעליגיעזע חברה האבן זיך ארויפגעכאפט אויף דעם. און געשריגן פאר די גאנצע וועלט...קוקטס ווי אכזריות'דיג די תורה איז...און געמאכט דעמאנסטראציעס אקעגן די רבנות הראשית. און די רעגירונג. די פרעמיער'שע גאלדא מאיר האט זיך נישט געקענט א עצה געבן.
אין די זעלבע צייט איז די וועלט (שטייצעך אויסער סאטמאר) באקאנט געווארן מיט א יונגן גאון און פאליטיקאנט. דער הויפט רב פון צה"ל. ער האט זייער שטארק און העפטיג קאמפיינט צו ווערן דער (אשכנזי'שער) הויפט רב אין מדינת ישראל. האט איהם די פרעמיער געזאגט אז אויב ער וועט לייזן דעם פראבלעם וועט ער ווערן דער רב הראשי פון מדינת ישראל.
ער האט זיך אריינגעלייגט אין די פרשה און מיט זיין גאונות, באגלייט מיט די ריכטיגע פאפירן (עדות'שאפט פון דאקטוירים) האט ער אויסגעארבעט א היתר. דורך מפקיע זיין די קידושין פון איהר ערשטן מאן. ממילא איז זי דאך נישט געווען קיין אשת איש. האט זי נישט געדארפט האבן א גט...און איהרע קינדער זענען געווארן "כשר". זיי האבן באקומען א היתר חתונה צו האבן...און ס'איז געווארן "שלום". ביז די נעקסטע פרשה...!
נאר הרב עובדיה יוסף, ז"ל האט שטארק געברויזט אויף איהם. און ער האט געסטראשעט (און קיינמאל נישט מקיים געווען.) אז ער וועט ארויפגיין אין די לישכה פון רבנות און איהם גוט אנשייגעצן. און מעביר זיין פון זיין פאסטן...!