טאמבל סאס
עצי שטים, כמדומה אשת איש אין די תורה רעדט אויך נישט אין אזא פאל - ווען יא וואלט אויך געווען אן עונש פאר די מאן. די עבירה פון אשת איש אינקלודט אויך די פארראט אדער צביעות אין די עבירה און איז מסתמא אפ' א גרעסערע חלק פון די זינד. אין א פאל ווי אלע דריי זענען מסכים (און עס איז נישט אויף די חשבון פון אנדערע בני הקהילה ווי עס איז די פאל דא) איז עס אפשר נישט א רעליגעיזע זאך אבער דאס איז נישט חשין אדער צוקר'ס געשעפט. איים סארי איך ענטפער נאר אויף דעם יעצט, כרגע בין איך ביזי.
זיי מיר מוחל, איינער וואס גלייכט משמרת הצניעות נושאים איז א שלעכטער מענטש מעיקרא. עמיצער וואס האט ליב צו גרובן אין שמוץ און קאנטראלירן אנדערע מענטשנ'ס פריוואטע לעבנס. א פּערווערט. צביקה צוקר איז גארנישט קיין פנחס - ער אליינס האט בלוטיגע הענט פון די מערדערס כאמור און זיי מיר מוחל, אנטראגן פאר זיין שווער אפצוהאקן די הענט און די פיס הערשט ווען די אשת איש מעשיות פאסירן און נישט מיט יארן פריער פאר אלע אנדערע גראבע זינד, ווייזט אויף עמיצער וואס איז בלויז 1 טרעק מיינדעד און אויף עמיצער וואס איז נישט צופיהל אנדערש ווי די טאליבאן, אייסיס אדער אל קאידא. איך האב קיין טראפ מיטגעפיהל פאר צוקר. באמת איז שווער צו מיטפיהלן מיט סייוועלכע פון די אלע חסידים וואס רעדן דארט. די אלע שיינען מיר ווי שונאי אדם. (איז דאס נישט די סיבה פארוואס זיי האבן זיך אנגעשלאסן אין די מאוומענט אין די פוירסט פלעיס?) האסטיך אויפגעוועקט? גוט מארגן! די פרויען ברענגען ארויס רחמנות. ספעציעל די וואס צעוויינט זיך דארט ביים סוף.
איין מין, איך מאך עס נישט אוועק, ס'קומט זיך זיי א באנטש מיט קרעדיט פאר'ן ארויסקומען אבער מען טאר נישט פארגעסן אז ווען זאכן זענען געגאנגען גוט האבן די אלע פיין מיטגעטאנצן מיט די אלע רשעותער וואס איז אפגעטוהן געווארן אין די נאמען פון רעליגיע און אין פארטיקולאר, ארגענייזד רעליגיע. דאס אז עמיצער איז א סעינט מאכט אים נאכנישט אויטאמאטיש פאר א פיינער מענטש. איך וויל וויסן, וויפיל פון די זענען ארויסגעטרעטן נישט וועגן די "עבירה פון אשת איש" און די זנות נאר בדרך כלל ווייל זיי האבן איינגעזען אז די גאנצע געשעפט האט מיט אידישקייט קיינמאל גארנישט געהערט, אז מען האט געמאכט פון עבירות מצות און פון מצות עבירות, און אז ווען ברלנד האט געשריגן "דאס האב איך אלץ אויפגעבויעט מיט מיין בלוט אדער מיט מיינע צען פינגער" (איך געדענק שוין נישט פונקטליך וואס ער האט געזאגט) האט ער טאקע פלעין און פשוט רעפערד צו זיין ביזנעס און נישט צו א ממלכת כהנים וגוי קדוש.
לפי די תורה איז אשת איש אסור אפילו אלע דריי זענען מסכים, מען קען אפילו מאכן א שיינע מחליפות נשתיהם מיט יעדנס הסכמה, אבער אויב איז דא עדות מיט התראה באקומען אלע פיר סקילה!! פארפאלן דאס זאגט די תורה!
פון א סעקולערע קוקווינקל איז טאקע די עוולה נאר אויב איינער איז נישט מסכים, און אויב יעדער איז מסכים קומט נישט פאר קיין פאליסמאן זיך אריינצימישן,
אבער דא איז גאר עפעס אנדערש, מען רעדט פון א געפערליכע באנדיט וואס מאניפאלירט זיינע חסידים אז זיי ברענגען משיח, בשעת ער גיבט זיך פשוט אויס זיינע שמיציגע תאוות
ס'נישט פשט אז ער איז געגאנגען צו א בית זונות אין תל אביב צו זיכן ווער עס וויל זינדיגן בהסכמה, ער האט פשוט געריטן אויף ערליכע תמימות'דיגע אידענעס פון זיין קהילה, וואס האבן באמת געמיינט אז "עפעס העכערס" קומט דא פאר,
דאס איז א געפערליכע פארברעך, און עס איז דוקה יא די אחריות פון די ראשי הקהילה ווי חשין און צוקר אויפצודעקן קלונו ברבים, וואס דאס האבן זיי טאקע געטון,
איך האב שוין געהערט אסאך די סלאגאנען אז יעדער אין די משמרת הצניעות איז א חזיר, אדער אז אלע מקוה לעידיס זענען לעסביענס, אבער מען קען קלאר נישט ארויפציען א נאסע ליילעך אויף יעדעם, איך קען בכלל נישט דעם צוקר, קען זיין אז ער איז א באנדיט, אבער פון די ווידיא אליין זע איך נישט עפעס אויסערארענטליך, חוץ פון די וועלן מסרס זיין די שווער, וואס דאס איז שוין געטראכט ווי א בערלאנדיסט,
אבער צו בליעמען אלע פון די חברה אלס מענטשן האסער איז קלאר נישט ריכטיג, דעם תמימות'דיגע אינגערמאנטישקל וואס האט געקראכן אפאר שטאק אין געזען מעשה מרכבה אין עולם האצילות, שיינט צו זיין א איידעלע נשמה'לע, אזוי אויך די אנדערע עלטערע איד וויאזוי הייסט ער נאר
עס איז גאר גרינג פאר א ניו יארקע חסידישע איד, בפרט פאר א אויפען מיינדעד אידל וואס זיצט אויף קאווע שטיבל, צו דזשאדזשן, און זאגן אז זיי זענען באנדיטן, ווייל פארוואס דען האבן זיי געדזשוינט די קהילה,
גאר אסאך פון זיינע חסידים זענען געווען גענצליך פריי און האבן נאר אפגעלאזט אלע זייער תאוות עולם הזה, און געווארן גענצליך פרימע אידן אדאנק אים, זייער גאנצע אמונה בשם, איז געקניפט אין געבינדן מיט אמונה אין ברלנד, זיי זענען על פי רוב נישט די באנדיטן,
איך האב אסאך געשמועס אין אר"י מיט אזא איינער, ער איז געווען פיל מיט טאטוס איבער זיין גאנצע קערפער, אבער זיצט היינט רוב טאג אין לערנט, און איז עוסק בתורה ובמצות מיט אן אמת, מען קען טרעפן אסאך פון די חברה אין די היכל התורה פון תולדות אהרן,
עכ"פ דעם בעל תשובה וואס איך בין געווען באקאנט מיט אים, האט פארציילט ערשטהאנטיגע אותות ומופתים וואס ער האט אליין בייגעוואוינט אצל הרב,
ער האט מיר למשל פארציילט, אז אמאל בשעת הרב הלך באפריקע בגלות, איז ער געפארן אויף אזא זאמטיגע ראוד, און געהייסן די קאר זיך אפשטעלן נעבן א זימפ, ער איז גאגאנגען כאפן א טבילה אינעם טייכעלע
מען האט בשעת מעשה געזען גרויסע ריזיגע קראקאדילן ארימשווימען איבעראל, אבער זיי האבן נישט געהאט קיין שליטה אויפן רב
ווען מען האט געפרעגט די רב פשט האט ער געזאגט, שמי ששומר הברית לא צריך לפחד מכלום... 😉
נאך האט ער מיר פארציילט, אז ער אליין איז געגאנגען צו רב דארטן מחמת איזה סיבה, און אונעם לופטפעלד האט ער זיך געקויפט א פריפעיד פאון מיט א נייע נומער,
ווי נאר ער לייגט אריין די סים קארטל באקומט ער גלייך א ריף פונעם רב וואס זאגט אים ברוך הבא! שלום עליכם שבאתי לכאן!, דאס אלעס אויף א נייע נומער וואס ער האט קיינמאל געהאט פארדעם
בקיצור די חברה האבן ממש בעל שם'סקע בולשיט צו פארציילט ביז איבערן דאך, כאפ נאר א קורצע שמועס מיט אזא חסיד,
על פי רוב זענען די בעלי תשובות פון די חלק חסידים וואס לייקענען די מעשה זנות, זיי וועלן זאגן אז אויף ר' נחמן און אפילו אויף משה רבינו איז אויך געווען לשון הרע, (עס איז על פי רוב נאר די בריונים וואס האלטן אז די זנות איז אמת, ולצדיק מותר) און די תמימות'דיגע חברה זענען נישט עומד בראש אזוי ווי חשין אדער צוקר צו זען הערט די מעשיות ערשטהאנטיג, און האבן זיכער נישט קיין אינטערנעט צו זען די עדות'ן און זען אז ניכרים דברי אמת, זיי האלטן אז עס איז אלעס פשוטע בלבולים אויפן רב
פאר איינער וואס וואקסט אויף אין אזא קולט, אדער ווערט פארכאפט דערינען, איז זייער שווער זיך ארויסצוזען דערפון, ובפרט פאר א בעל תשובה וואס דארף נאכדערצו פעיסן זיינע אלטע פרייע חבירים וואס לאכן נאך פון אים פארן דשזוינעם די חרדישע בולשיט, וואס זאל ער יעצט טון מאכן א עקס אויף בערלאנד אין לויפן קיין בעלז? דארט איז יא די אמת? עס גייט נישט אזוי, בען בלאקט ארויס די אלע "לשון הרע" און שוין
די אלע וואס זענען יא ארויס, און טראכטן נאך גראד קומט זיך זיי גאר אסאך קרעדיט! בשעת מען איז און די קולט מאכט אלעס סענס, ווי די איידעלע מיידל פארציילט דארטן ווי מען האט פשוט אנגעקוקט די רציחה אויפן בחורל ווי די סנהדרין איז דן איינעם למיתה, עס נעמט אסאך צייט מיט הערן גאר אסאך מעשיות, ביז מען הייבט אהן איינצוזען אז די גאנצע זאך שטינקט, עס איז נישט קיין יושר צו שרייען, פארוואס ביסטו נישט אנטלאפן נאך די ערשטע קרומע מעשה וואס די האסט געזען?
