וְתִינוֹק לְלַמְּדוֹ סֵפֶר

📎 Cover, high rez-min.jpgברשות די גבאים שליט"א עפן איך דעם פאָדעם\אשכול פאַר דאָס קונטרסל ותינוק ללמדו ספר וואָס שטייט גרייט צו ערשיינען אין די קומענדיקע וואָכן. דער נושא פונעם קונטרס איז דער קריזיס אין חינוך פון ייִנגלעך אין חסידישע קרייזן בכל מקומות מושבותיהם און דאָס ווערט באַאַרבעט אינעם קונטרס אויף גאָר אַ ברייטן פאַרנעם. די תכלית איז אָבער נישט קריטיק נאָר אויפצוטון למען תינוקות של בית רבן און פאָרשלאָגן אַ נייער דרך אין חינוך פאַר די עדרי צאן, אונזערע אייגענע קינדער.

איך דריי מיך אויף קאַווע שטיבל שוין אַ היפּשע פּאָר יאָר און איך ווייס אַז דאָ וועל איך געפונען אַן אוזן קשבת פאַר מיינע אידייען. איך ערוואַרט נישט מען זאָל מיט מיר מסכים זיין און אדרבה זאָל מען זיך דינגען און זאָל נתברר ווערן דעם מצב בדקדוק חבירים ובפלפול התלמידים. דער נושא איז אָבער אַ דרינגענדע און בלויז מיט דורכטון דער סוגיא, זה אומר בכה וזה אומר בכה וועט מען קלאָרער ווערן. די גרעסטע סכנה איז ווען מען פאַרשווייגט און פאַרהוילט אונזער מצב און כאָטש זאָל איך דאָס אויפטון אַביסל אויפצודעקן וואָס אַנדערע ווילן באַהאַלטן.

דרך ארץ קדמה לתורה און איידער מיר גיין צום דרוק מוזן מיר דעקן די הוצאות, דמים חד משמע. בקרוב ממש פּלאַנען מיר אָנהייבן מיט אַ מעכטיקער קאַמפּיין מיטן נאָמען בֵּן חָכָם יְשַׂמַּח אָב צו גיין שטרעזלען ביים עולם. וואָס טוט מען נישט פאַר די קינדער, און אַז קטלא איז באַשערט זיין אַ מוכר ספרים זאָל ער אָפּקומען מיט דעם.

מיר וועלן אי"ה דערהיינטיקן דעם עולם מיט דעם כסדרדיקן מצב, זיך טיילן מיט די מחשבות הינטער דעם קונטרס, אויסטיילן אַ ביסל טועמיה, מגלה זיין אַ טפח און אפשר אפילו אַ סאה גדושה, פירן אַ שמועס מיטן עולם און האָפנטלעך אויפוועקן דעם עולם איינצוזען אַז וואָס איז קען נישט און טאָר נישט ווייטער אָנגיין.

עינינו נשואות אַז דער עולם וועט זיך וואַרעם אָפּרופן און זיך צושטעלן בכל לב ובכל נפש ובכל מאוד.

אַ דאַנק!

געווענדליך שרייב איך נישט אנליין, אבער.........

איך זעי נישט וואס איז אזוי שלעכט מיט די היינטיגע סיסטעם. מען קען דורכשטופען די ישיבה יארען, און ווען עס קומט די צייט פון מתי אעשה גם אני לביתי, קען מען אויסרופען אז מען גייט באלד שרייבען א ספר, און יעדער זאל זיך מעלדען מיט נדבות.

פרנסה בדרך כבוד!

ווער דארף בילדונג?

אויב איז דער ספר'ל געשריבן אויף די אידיש פון די תגובה, וועט דאס זיכער ארויס ברענגען ווידערווילן נאך פארן אפילו ליינען, והבן.

איז די נושא קאריקילום פון בן חמש למקרא וכו'? די דרך הלימוד? לימודי קודש, חול אדער ביידע?

געוואלדיג

אויב איז דער ספר'ל געשריבן אויף די אידיש פון די תגובה, וועט דאס זיכער ארויס ברענגען ווידערווילן נאך פארן אפילו ליינען, והבן.

חוץ "דערהיינטיגן" וואס איז אזוי אויסערארדערליך?

יואליש

איז די נושא קאריקילום פון בן חמש למקרא וכו'? די דרך הלימוד? לימודי קודש, חול אדער ביידע?

ביידע לימודי קודש און לימודי חול און בעיקר קאָנצענטרירט אויף חדרים\תלמוד תורהס, כלומר עלעמענטאַר שול, ווי איידער ישיבה קטנות און העכער.

געוואלדיג

אויב איז דער ספר'ל געשריבן אויף די אידיש פון די תגובה, וועט דאס זיכער ארויס ברענגען ווידערווילן נאך פארן אפילו ליינען, והבן.

עס איז געשריבן אויף דער נוסח פון ייִדיש וואָס איך באַניץ מיך אויף מיין בלאָג שוין לאַנגע יאָרן ווי אויך וואָס אין שרייב אין דער וועקער, כאָטש דאָרט איז עס אַ ביסל רעדאַקטירט.

מיט וואס קען איך העלפן?

מיטן ווערן א מלמד

בענדזשאמין פרענקלין

מיט וואס קען איך העלפן?

מער קענעדי ווי פרענקלין!

יואליש

געוואלדיג

אויב איז דער ספר'ל געשריבן אויף די אידיש פון די תגובה, וועט דאס זיכער ארויס ברענגען ווידערווילן נאך פארן אפילו ליינען, והבן.

חוץ "דערהיינטיגן" וואס איז אזוי אויסערארדערליך?

א שנעלער זוך אויף ק"ש צייגט אז די וארט "שטרעזלען" איז צום ערשטן מאל ערשינען אויף די אראנע מאי דעם צווייטן יאר 2018 למספרם.

קטלא קניא

קומענדיקע ייִנגלעך אידייען שטרעזלען דערהיינטיקן כסדרדיקן

און נאך

קטלא קניא

ברשות די גבאים שליט"א עפן איך דעם פאָדעם\אשכול פאַר דאָס קונטרסל ותינוק ללמדו ספר וואָס שטייט גרייט צו ערשיינען אין די קומענדיקע וואָכן. דער נושא פונעם קונטרס איז דער קריזיס אין חינוך פון ייִנגלעך אין חסידישע קרייזן בכל מקומות מושבותיהם און דאָס ווערט באַאַרבעט אינעם קונטרס אויף גאָר אַ ברייטן פאַרנעם. די תכלית איז אָבער נישט קריטיק נאָר אויפצוטון למען תינוקות של בית רבן און פאָרשלאָגן אַ נייער דרך אין חינוך פאַר די עדרי צאן, אונזערע אייגענע קינדער.

איך דריי מיך אויף קאַווע שטיבל שוין אַ היפּשע פּאָר יאָר און איך ווייס אַז דאָ וועל איך געפונען אַן אוזן קשבת פאַר מיינע אידייען. איך ערוואַרט נישט מען זאָל מיט מיר מסכים זיין און אדרבה זאָל מען זיך דינגען און זאָל נתברר ווערן דעם מצב בדקדוק חבירים ובפלפול התלמידים. דער נושא איז אָבער אַ דרינגענדע און בלויז מיט דורכטון דער סוגיא, זה אומר בכה וזה אומר בכה וועט מען קלאָרער ווערן. די גרעסטע סכנה איז ווען מען פאַרשווייגט און פאַרהוילט אונזער מצב און כאָטש זאָל איך דאָס אויפטון אַביסל אויפצודעקן וואָס אַנדערע ווילן באַהאַלטן.

דרך ארץ קדמה לתורה און איידער מיר גיין צום דרוק מוזן מיר דעקן די הוצאות, דמים חד משמע. בקרוב ממש פּלאַנען מיר אָנהייבן מיט אַ מעכטיקער קאַמפּיין מיטן נאָמען בֵּן חָכָם יְשַׂמַּח אָב צו גיין שטרעזלען ביים עולם. וואָס טוט מען נישט פאַר די קינדער, און אַז קטלא איז באַשערט זיין אַ מוכר ספרים זאָל ער אָפּקומען מיט דעם.

מיר וועלן אי"ה דערהיינטיקן דעם עולם מיט דעם כסדרדיקן מצב, זיך טיילן מיט די מחשבות הינטער דעם קונטרס, אויסטיילן אַ ביסל טועמיה, מגלה זיין אַ טפח און אפשר אפילו אַ סאה גדושה, פירן אַ שמועס מיטן עולם און האָפנטלעך אויפוועקן דעם עולם איינצוזען אַז וואָס איז קען נישט און טאָר נישט ווייטער אָנגיין.

עינינו נשואות אַז דער עולם וועט זיך וואַרעם אָפּרופן און זיך צושטעלן בכל לב ובכל נפש ובכל מאוד.

אַ דאַנק!

אל תגעו במשיחי אלו תינוקות של בית רבן!

מ'טאר דאס נישט טאן. ביטע טוהט דאס נישט.

בכבוד רב

קאך.

געווענדליך שרייב איך נישט אנליין, אבער.......

וואס מיינט ׳אל תגעו׳? אז מע טאר נישט טוישען די סיסטעם וואס איז שוין מער ווי צוויי יאר אלט? אדער אז מ׳טאר נישט באהאלטען אמת פון קינדער? אדער אז מ׳טאר נישט מאלעסטען? אדער סתם אזוי, מע פירט זיך צו זאגען די ווערטער יעדעס מאל עס רעדט זיך וועגען חינוך, און דערנאך גייט מען ווייטער?

אויסער געווענדליך

געווענדליך שרייב איך נישט אנליין, אבער.......

וואס מיינט ׳אל תגעו׳? אז מע טאר נישט טוישען די סיסטעם וואס איז שוין מער ווי צוויי יאר אלט? אדער אז מ׳טאר נישט באהאלטען אמת פון קינדער? אדער אז מ׳טאר נישט מאלעסטען? אדער סתם אזוי, מע פירט זיך צו זאגען די ווערטער יעדעס מאל עס רעדט זיך וועגען חינוך, און דערנאך גייט מען ווייטער?

זייער א גוטער פראגע געפרעגט...

אל תגעו מיינט ווארשיינליך צו זאגן: לאזן די חינוך פון אונזער טייערע קינדער אין די זארגפולע הענד פון אונזער רבנים און מחנכים. און די א אַנאָנימיס אינדענטידעט-פארמאסקירטע חשובע טייערער קאווע שטיבל שרייבער, זאל זיך אפגעבן מיט מער וויכטיגערע טעמעס ווי חינוך, א שטייגער מוזיק, כפירה, ציונות, ארויס פון די באקס, פיינטשאפט צו יעדע דבר שבקדושה, אד''ג. אפגעזען פון אונזער אויסנאמליכע ברייטקייט, אפענקייט, פארשטאנד, און אינטעליגענציע....

געווענדליך שרייב איך נישט אנליין, אבער..........

וויאזוי האט מען דאס אלס געטייטשט אין איין ווארט? ׳כמיין, עס שטייט אז איינער זאל נישט צורירען. עס גלויבט זיך בעסער אז מען רעדט דא צו די סמעטענע פון כלל ישראל, ווי איידער די אנאנימער שלעפערס, ניין? מיט וועמען זוכט מען צו שמועסען ענדערש, מיט די פני פון כלל ישראל, יורשי הפאסטענעס מיט אן אונטערגעשטרעכעלטע מחילה אויף די טלית, צו די אנאנימער קאוועשטיבעל זיצערס, וואס קוים איין עטרה טראגען זיי, און מען קען ניטאמאל זיך אויסדרוקען אויף זיי ׳נתגלה העטרה׳ אזוי ווי די ערשטע?
אוודאי איז עס די פני, און זיי טארען נישט צורירען די באזאלבטע.
אלזא, וואלט איך גיכער געזאגט פאר קטלא קניא ׳גיי ווייטער מיט דיין טאלאנט׳, און פאר די זארגערס און קאכלעפעלס זאגט מען ׳אל תגעו במשיחי׳ מיט אלע פשטים וטאס מען האט פריער דערמאנט.

עס פרייט מיך צו מעלדן אַז דער קאַמפּיין איז לייוו - חי וקים!

כל נדיב לבו יביאה ואחד המרבה ואחד הממעיט נאָר אעפ"כ בעט מען דעם עולם געבן למעלה מכפי יכלתם

העלפט ראַטעווען דער חינוך פון חסידישע קינדער - פאַר זייער היינט און פאַר זייער מאָרגן

קטלא קניא

יואליש

איז די נושא קאריקילום פון בן חמש למקרא וכו'? די דרך הלימוד? לימודי קודש, חול אדער ביידע?

ביידע לימודי קודש און לימודי חול און בעיקר קאָנצענטרירט אויף חדרים\תלמוד תורהס, כלומר עלעמענטאַר שול, ווי איידער ישיבה קטנות און העכער.

קטלא קניא: ייש"כ פאר נעמען ד'י טירחה און אפשרייבן א ספר'ל. אבער לאמיך זיין א קאנסטרוקטיווער קריטיקער.

ביים ערשטן ווארט פון דיין תשובה, האסטו פארפעלט א וויכטיגע נקודה. א קאומא אדער א פינטל. עצה טובה קא משמע לן. דו זאלסט דיר פארשאפן א גוטן עדיטאר און מגיה. כדי אז דיין פרי עמליך זאלל ארויסקומען סולת נקייה. מנופה בי"ד ניפין...!

berlbalaguleh

קטלא קניא

יואליש

איז די נושא קאריקילום פון בן חמש למקרא וכו'? די דרך הלימוד? לימודי קודש, חול אדער ביידע?

ביידע לימודי קודש און לימודי חול און בעיקר קאָנצענטרירט אויף חדרים\תלמוד תורהס, כלומר עלעמענטאַר שול, ווי איידער ישיבה קטנות און העכער.

קטלא קניא: ייש"כ פאר נעמען ד'י טירחה און אפשרייבן א ספר'ל. אבער לאמיך זיין א קאנסטרוקטיווער קריטיקער.

ביים ערשטן ווארט פון דיין תשובה, האסטו פארפעלט א וויכטיגע נקודה. א קאומא אדער א פינטל. עצה טובה קא משמע לן. דו זאלסט דיר פארשאפן א גוטן עדיטאר און מגיה. כדי אז דיין פרי עמליך זאלל ארויסקומען סולת נקייה. מנופה בי"ד ניפין...!

אַ דאַנק! איך צאָל פאַר אַ מגיה מומחה ממש און ביי דעם האַלט עס יעצט. איך האָף איך וועל איינהאַלטן דער חזקה על חבר... און זיך נישט דאַרפן פאַרלאָזן אויף שגיאות מי יבין...

איך ווייס נישט וועגן די קונטרס איך ווער משוגה פאר די קאמפיין ארטיקל...אוי איז דאס א שפראך!
קטלא קניא בתפארתו.

די קאמענטס פון די וואס האבן זיך משתתף געווען זעהט אויס ווי די הנצחות בלאט אין די וועקער...

כמעט $500 אין אונטער אַ האַלבער מעת לעת! 12% אין ווייניקער ווי 12 שעה!!!

אנו שנאָרערס והם שנאָרערס. אנו שנאָרערן להבאר שממנו ישקו העדרים והם שנאָרערן לח"י ראָטל משקה

זייט הוד האָט געהודעוועט איז נאָך אַזאַ הוד שבהוד נישט געווען

👍 👍 👍

לאור דער קליפּ פון דער ל"ג בעומר אויפרייס בשעת מקיים זיין ובערת הרע מקרבך וי"א פסילי אלהיהם תשרפון באש, אפשר לפרש בדרך צחות על הפזמון בר יוחאי

בַּר יוחָאי, עֲצֵי שִׁטִּים עוֹמְדִים,
שטייען אַ באַנדע קלעצער,
לִמּוּדֵי ד' הֵם לוֹמְדִים,
וואָס האָבן (כלומרשט) בלויז געלערנט לימודי ה' מיום עמדם על דעתם, אין פאַל אַז יענער טאָג איז שוין געווען,
אוֹר מֻפְלָא, אוֹר הַיְקוד הֵם יוֹקְדִים,
עס געט זיך אַ פלאַקער אויף אַ פייער נאָך עס פאַלט זיי איין צו פאַרברענען דער אור מפלא, המכונה סמאַר"טפאָונס
הֲלֹא הֵמָּה יורוּךָ מוֹרֶיךָ.
און אַלעס ווייל דאָס האָט מען זיי נעבעך אויסגעלערנט און גאָרנישט עפּעס אַנדערש.

#ותינוקללמדוספר

פאַר די וואָס זענען באַזאָרגט מנדב צו זיין מיט פּייפּאַל ווייל מען קען זען זייער אידענטיטעט האָב איך צוגעלייגט אַן אָפּציע צו קענען צאָלן מיט אַ קאַרטל דירעקט. אין צוגאָב צו פרטים פון דאָס קאַרטל דאַרפט איר נאָר אַריינלייגן אַן אימייל אַדרעס, נישט קיין חילוק וועלכער, און בלויז דאָס זע איך. פאַרשטייט זיך אַליין אַז די וואָס האָבן שוין מנדב און נישט אַרויסגעשטעלט זייער נאָמען וועלן בלייבן זייערע פרטים אינגאַנצן געהיים. אָבער דאָך ליתר שאת האָב איך דאָס מוסיף געווען.

איך וויל מיך אויך אַנטשולדיקן איבער אומאיינגענעמעהייטן אין די ערשטע פּאָר טעג צוליב פּראָבלעמען וואָס איך האָב געדאַרפט מסדר זיין. איך ווער געווויער אַז מלאכת השנאָרעריי איז גאָר חכמה ואינה מלאכה און מען דאַרף זיך צו דעם אויך צולרענען.

על כל פנים האָף איך אַז אַלעס איז יעצט מסודר און ויבואו האנשים על הנשים כל נדיב לב הביאו...

זעה איך אז מען האט שוין אריינגעהויבן העכער א טויזענטער... וויפיל נאך דארף מען אניאגן?...

מיין ציל איז $3,500.

למען האמת איז דער סכום פון די נדבות ביז היינט אַביסל איבערגעטריבן וויבאַלד איך האָב געמוזט צוריק געבן נדבות פון די ערשטע צוויי טעג. מען קען נישט אליין טוישן דעם סך הכל און עס וועט בקרוב ווערן געטוישט אויף אַראָפּצו. דאָס איז דרך אגב ווייל דער עולם רופט זיך גאָר וואַרעם אָן מיט שיינע נתינות.

זאָל קיינער נישט זאָגן אַז אַלע וואָס זענען אומצופרידן מיט אונזער סיסטעם זענען לוזערס און לא יצלחניקעס. עס איז נאָך נישט אַ וואָך און מען שטייט נישט ווייט פון אַ דריטל. עס איז פאַרשטייט זיך פאַר מיר אַ חיזוק אויף אַ זאַך וואָס איך אַרבעט שוין דערויף יאָרן. אָבער פיל מער איז עס אַ חיזוק אַז איך בין נישט אַ קול קורא במדבר און מען זעט בחוש אַז דער עולם דאָרשט נאָך אַ לעזונג.

וכאן המקום צו באַדאַנקן די וואָס האָבן געגעבן, וועלן נאָך געבן, געלייגט אויף גרופּס, אָדער דערציילט חבירים. משנה זיי אונזער סיסטעם איז נישט דער אַרבעט פון אַ יחיד און עס פאַרלאַנגט זיך דערצו אַ כלל. הלוואי זאָל דאָס זיין אַ התחלה און איך זאָל האָבן די זכייה אַז עס זאָל זיך דאָ אָנהייבן.

לעולם ישליש אדם מעותיו. מיר האלטן שוין ביי א דריטל!

הגם שאין ברגילותי ליתון הסכמות וגם כי מחמת קוצר הזמן וריבו המלאכה ועוד כמה סיבות אין בידי לעיין בספר הזה אבל חזקה על חבר שאין מוציא מתחת ידו דבר שאינו מתוקן ועוד כי ראה ראיתי כמה וכמה צורבא מרבנן גדולים וטובים ממנו שהשתתפו בהוצאות הדפוס וכולם בסגנון אחד ענו ואמרו שדבר זה יקר המציאות הוא ויש בזה הרבה לרבות כבוד שמים לתקן עולם במלכות שד״י אשר ע״כ ישתתף גם אני בדבר של ממש כי בשלשים ושתים נתיבות פליאות חכמה חקק י"ה הוי"ה צבאות את עולמו והרי מצווים ועומדים אנו ללכת בדרכיו ובזה ברכתי שטוחה לכל המשתתפים שהקב״ה ימשיך לכם ברכה והצלחה ותשרה שכינה בכל מעשה ידיכם ונזכה לייחד שם י״ה בו״ה ביחודא שלים בגאולה פרטית וכללית במהרה דידן.

זעירא דמן חבריא הקטן והשפל

האסט פרובירט צו שאפן געלט פון יאפעד ? איך זעה זיי שפענדען געלט איבעראל פאר די מערכה איך גלייב אז דאס קונטרס וועט זיין א גרויסע שטופ פאר זיין מערכה איז גלייב איך ער וועט זיך משתתף זיין

קול דודי

הגם שאין ברגילותי ליתון הסכמות וגם כי מחמת קוצר הזמן וריבו המלאכה ועוד כמה סיבות אין בידי לעיין בספר הזה אבל חזקה על חבר שאין מוציא מתחת ידו דבר שאינו מתוקן ועוד כי ראה ראיתי כמה וכמה צורבא מרבנן גדולים וטובים ממנו שהשתתפו בהוצאות הדפוס וכולם בסגנון אחד ענו ואמרו שדבר זה יקר המציאות הוא ויש בזה הרבה לרבות כבוד שמים לתקן עולם במלכות שד״י אשר ע״כ ישתתף גם אני בדבר של ממש כי בשלשים ושתים נתיבות פליאות חכמה חקק י"ה הוי"ה צבאות את עולמו והרי מצווים ועומדים אנו ללכת בדרכיו ובזה ברכתי שטוחה לכל המשתתפים שהקב״ה ימשיך לכם ברכה והצלחה ותשרה שכינה בכל מעשה ידיכם ונזכה לייחד שם י״ה בו״ה ביחודא שלים בגאולה פרטית וכללית במהרה דידן.

זעירא דמן חבריא הקטן והשפל

עולם הערט און דערהערט דער רוף: קול דודי דופק פתחי לי!

שבת וועט מען לייענען וְחִשַּׁב עִם קֹנֵהוּ אבער דער יינגעלע וואס לערנט חומש קען נעבעך נישט רעכענען.

אזא פארשקלאפטקייט לֹא יֵצֵא בַּיֹּבֵל.

#ותינוקללמדוספר

עס וואלט אפשר געווען כדאי דאס נישט מפרסם צו זיין מיט קארטונס וואס זעהן אויס ווי זיי פראבירען ליצנות צו מאכן פון חסידישע קינדער. אפילו איך ווייס אז דאס איז נישט די כוונה, דאך דארף מען פראבירען צו גיין מיט מער עמפאטיע.

קטלא קניא

לאור דער קליפּ פון דער ל"ג בעומר אויפרייס בשעת מקיים זיין ובערת הרע מקרבך וי"א פסילי אלהיהם תשרפון באש, אפשר לפרש בדרך צחות על הפזמון בר יוחאי

בַּר יוחָאי, עֲצֵי שִׁטִּים עוֹמְדִים,
שטייען אַ באַנדע קלעצער,
לִמּוּדֵי ד' הֵם לוֹמְדִים,
וואָס האָבן (כלומרשט) בלויז געלערנט לימודי ה' מיום עמדם על דעתם, אין פאַל אַז יענער טאָג איז שוין געווען,
אוֹר מֻפְלָא, אוֹר הַיְקוד הֵם יוֹקְדִים,
עס געט זיך אַ פלאַקער אויף אַ פייער נאָך עס פאַלט זיי איין צו פאַרברענען דער אור מפלא, המכונה סמאַר"טפאָונס
הֲלֹא הֵמָּה יורוּךָ מוֹרֶיךָ.
און אַלעס ווייל דאָס האָט מען זיי נעבעך אויסגעלערנט און גאָרנישט עפּעס אַנדערש.

#ותינוקללמדוספר

איך ווייס נישט פארוואס, אבער עס דערמאנט מיר דיין טייטש אויף ובידו הגדולה הוציא וכו'

לעיקוואד

עס וואלט אפשר געווען כדאי דאס נישט מפרסם צו זיין מיט קארטונס וואס זעהן אויס ווי זיי פראבירען ליצנות צו מאכן פון חסידישע קינדער. אפילו איך ווייס אז דאס איז נישט די כוונה, דאך דארף מען פראבירען צו גיין מיט מער עמפאטיע.

ליצנות? חלילה. אַ לעכטיג פנימ'ל וואָס כל רואיהם יכירום כי הם זרע ברך ה', שטראַלט אין לערנען און חכמה.

נאָר וויבאַלד איר זענט מעורר קלער איך אַצינד אַז אפשר והאלקים אנה לידי און עס איז עס אַ תשובת המשקל פאַר די שומרים קאַרטלעך ומגלגלין זכות...

די בילד מאלט אפ דעם בחור אלס א לא לנו, אבער זיין ברודער, וואס האט זוכה געווען צו געבוירען ווערען נאך די קטלא קניא עפאכע, ער שטראלט פאר גליק. זאגט לעיקוואד אז דאס טרייבט שפאס פון דער ערוואקסענע, און איהם וויל מען דאך דא איבערצייגען.

Sent from my LG-K373 using Tapatalk

געוואלדיג

אויב איז דער ספר'ל געשריבן אויף די אידיש פון די תגובה, וועט דאס זיכער ארויס ברענגען ווידערווילן נאך פארן אפילו ליינען, והבן.

ביי מיר ווייזט עס אז דער איז א פשוטע שנארער פונקט ווי 99 פערצענט פון אלע מכלומפרשטע 'אויפגעקלערטע'. נו, אויב שוין געבען פאר שנארערס האב איך ב''ה בעסערע צוועקן.

ליטוואק פון בודאפעסט

די בילד מאלט אפ דעם בחור אלס א לא לנו, אבער זיין ברודער, וואס האט זוכה געווען צו געבוירען ווערען נאך די קטלא קניא עפאכע, ער שטראלט פאר גליק. זאגט לעיקוואד אז דאס טרייבט שפאס פון דער ערוואקסענע, און איהם וויל מען דאך דא איבערצייגען.

Sent from my LG-K373 using Tapatalk

נישט ערגער ווי אין דער הגדה וווּ עס זענען דאָ ד' בנים פון אַלע ערליי. סך הכל ווילן מיר מקיים זיין והגדת לבנך במשך דער גאַנצער יאָר. נו איז וואָס? בל תוסיף?

איך אויך

געוואלדיג

אויב איז דער ספר'ל געשריבן אויף די אידיש פון די תגובה, וועט דאס זיכער ארויס ברענגען ווידערווילן נאך פארן אפילו ליינען, והבן.

ביי מיר ווייזט עס אז דער איז א פשוטע שנארער פונקט ווי 99 פערצענט פון אלע מכלומפרשטע 'אויפגעקלערטע'. נו, אויב שוין געבען פאר שנארערס האב איך ב''ה בעסערע צוועקן.

מיר נייטן קיינעם נישט און אַז אייער אויפגעקלערטקייט זאָגט אייך אַז אַזוי ווי עס איז קען נישט זיין בעסער איז עס געוויס נישט פאַר אייך. אַנדרע ווילן אָבער יאָ עפּעס אַנדערש.

און איבער אייערע צוועקן, איז דאָס אַ הכנסת כלה פאַר אַ ייִד וואָס ציט אויף זיינע זין און וויילט אויס זיינע איידעמער אַז מען וועט לכאורה פאַר זיי אויך דאַרפן זאַמלען? איז עס פאַר פדיון שבויים פאַר איינער וואָס האַלט אַז נשאת ונתת באמונה איז פאַר יענע סאָרט ייִדן? אָדער אפשר פאַר 'ראַטעווען' קינדער אין עפּעס אַ מאָדערנער קליווער גט? עס זענען טאַקע דאָ אַנדערע וויכטיקע צוועקן אָבער דאָס איז לענ"ד נאָך אַזוי חשוב ווי גאָר אַ סך פון אונזערע צוועקן און מיט אַ רעלאַטיווער קליינער סכום קענט איר פיל מער אויפטון.

הכונו! הכונו! הכונו!

עס קומט אַ מעכטיגער ערב ראש חודש סיון קאַמפּיין צאַמצושטעלן געלט לטובת די תינוקות של בית רבן.

מורי ורבותי חוסו על נפש בניכם. רבבות צעירי הצאן ווערן אויפגעצויגן אָן אַ זינען און אָן אַ תכלית. אייערע אייגענע קינדער גיין אין חדרים פון וווּ עס קומען אַרויס מאַסן אָן קריאה, אָן משנה, אָן גמרא אָן שרייבן נישט אויף לה"ק, נישט אויף ייִדיש און נישט אויף ענגליש. אלף נכנסין לביהמ"ד ואחד מהם יוצא להוראה. לאָמיר זאָגן נאָך איינער ווערט אויך אַ מיליאָנער און לאָמיר אפילו צופרידן שטעלן די פאַרטיידיקער אַז צען ווערן מיליאָנערן. וואָס פּאַסירט אָבער מיט די אַנדערע ניין הונדערט, ניין און אַכציק?

קיינער קען אַליין נישט לייזן די פּראָבלעמען. לאָמיר כאָטש דורכרעדן דעם נושט אויף אַן אָרנטליכן אופן, לאָמיר פורש כשלמה זיין וואָס גייט ביי אונז פאָר און וויכטיגער ווי אַלעס לאָמיר ווידמען פרישע אידייען. מיין קונטרס ווערט יעדן טאָג נענטער אַרוסצוקומען לאוויר העולם. אַ חשובער מיטגלידער פון ק"ש האָט זיך פרייוויליג אָנגעטראָגן איבערצוגיין דעם קונטרס אַ צווייטער מאָל און פאַר'אידישן' דער גאַנצער טעקסט. דאָס הייסט גענצליך בוכשטאַבירן אַלע ווערטער לויט די כללים וואָס ווערן גענוצט במחנינו אַזוי אַז עס וועט אייך זיין קילורין לעיניים.

איך בעט אייך הטו שכם, לייגט אונטער אַ פּלייצע און העלפט אַז דער קונטרס זאָל ערשיינען וואָס שנעלער אַז עס זאָל נתלבן ווערן די דרענגענסטע סוגיא אין חסידישע קרייזן. מיט אייער הילף וועט אויך דער קונטרס קאָסטן ווייניגער וויבאַלד רווחים איז אינגאַנצן דאָ נישט מיין ציל. מיינע יאָרן לאַנגע שעות בין איך מקדיש צו די צאן קדשים און איך זוך נאָר צו לייזן די קאָסטן, וביותר צריך הכתוב לזרז במקום שיש בו חסרון כיס.

ובכן קומען מיר צום קאַמפּיין:
[list][*]מיר וועלן האָבן גאָר אַ חשובער בעל 'דרשן', ממש מחשובי אנ"ש בלי שום גוזמא וואָס וועט אונז מהנה זיין און מעורר זיין מיט זיינע ווערטער בכתב.[/*:m]
[*]מיר וועלן האָבן אַ ספּעציעלן תפילת ר' קטלא פאַר ערב ראש חודש סיון - תפילת בנים על האבות - וואָס יעדער קען געבן זיינע קינדער צו זאָגן בדמעות שליש[/*:m]
[*]אונזער טייערע ייִנגעלע וועט אייך אויך משמח זיין מיט אַ בילד וויאַזוי דער עתיד קען און דאַרף אויסצוזען[/*:m][/list:u]

החוט המשולש לא במהרה ינתק און מיר בעטן שטעלט אייך צו, אם מעט אם רב, וויפל איר קענט און ווייזט אַז איר וועט נישט לאָזן דער מצב אַריבערגיין אין שווייגעניש. מיר זענען אַ ציבור און מיר זענען אַ כוח און ווייזט זיי אַז מיר, נישט זיי, זענען די בעלי בתים אויף אונזערע קינדער און מיר וועלן טון אַלעס וואָס מיר קענען פאַר זייערע עתיד.

עשה למען תינוקות של בית רבן!

עס איז זייער שווער מנדב צו זיין פאר א צוועק וואס מיר ווייסען נישא וואס דאס איז. אסאך רייטען אויף די חינוך פראבלעם פאר זייער אייגענע צוועקען. איך קען נישט קטלא קניא פערזענליך, פון ווי זאל איך וויסען צו זיין פלענער שטימען מיט מיין גלויבונג?

אפשר זאל ער געבען א מוסטער, פון א פאר בלעטער קען מען אמאל כאפען די גאנג, דער וואס האט אויגען אין קאפ.

לאָמיך אַרויסשרייבן בפירוש וואָס איך בין אויסן. די באַגרענעצטע לימודים וואָס הייסן ביי אונז לימודי־קודש קענען נישט אָנפילן און זעטיקן די נאַטירלעכע נייגעריקייט פון קינדער צו לערנען, צו אַנטדעקן און זיך צו באַקענטיקן מיט דער אַרומיקער וועלט. די תורה מיט אירע אַלע הפך בה והפך בהס האָט קוים אָנצופילן אויף אַ גאַנצן טאָג דעם מוח פון אַ דערוואַקסענעם וואָס וויל זיך אין דעם ספּעציאַליזירן, זיכער נישט פאַר אַן אומרויִקן צענערלינג־בחורל און ניטאַמאָל אַ הוה אמינא פאַר יונגע, קליינע, פרישע מוחות מיט אומגעדולדיקע קערפער. דאָס איז נישט קיין חסרון אין דער תורה נאָר דער פועל־יוצא פון דער מענטשלעכער נאַטור.

אַ פּאַראַגראַף פון דעם קונטרס וואָס שטייט באַלד גרייט צו ערשיינען #וְתִינוֹקלְלַמְּדוֹסֵפֶר

רבותי, עד הנה עזרוני און גיט נאָך אַ שטיפּ. גיט אַ לייק, שיקט עס אַרום און העלפט אַרויפברענגן דעם סכום צו פופציק פּראָצענט און מיר וועלן אייך מהנה זיין לכבוד יו"ט מיט אַ סעריע מאָלערייען מלא־חן פון אונזער קליינעם חדר העלד וואָס איר וועט איבער זיי גאַפן. גאַראַנטירט!

<a class="postlink" href="http://www.gogetfunding.com/katlekanye">http://www.gogetfunding.com/katlekanye</a>

ברוך אומר ועושה. איך האָב געזאָגט אַז ביי פופציק פּראָצענט האָב איך אַ סעריע מאָלערייען לכבוד יום טוב און אָט איז דער ערשטער.

אַ דאַנק אַלע וואָס האָבן געלייקט און געטיילט און מיר געהאָלפן צו 52% וווּ עס האַלט אַצינד. עס איז נישט צו שפּעט. דאָס פּושקעלע קלינגט און דער ייִנגעלע האָט ליב די לייקס.

אפשר וועט מען אים אויך אַ נאָמען געבן לכבוד יום טוב. ווילט איר מציע זיין פאַרן קליינעם אַ נאָמען?

#וְתִינוֹקלְלַמְּדוֹסֵפֶר
<a class="postlink" href="http://www.gogetfunding.com/katlekanye">http://www.gogetfunding.com/katlekanye</a>

קטלא קניא

די תורה מיט אירע אַלע הפך בה והפך בהס האָט קוים אָנצופילן אויף אַ גאַנצן טאָג דעם מוח פון אַ ....

דאָס איז נישט קיין חסרון אין דער תורה נאָר דער פועל־יוצא פון דער מענטשלעכער נאַטור.

איך האף אז די עולם האט געכאפט - הי איז נאט סאו אינעסינט..

ישר כח. אַלץ א ענגליש לערער (בעבי סיטער) אין א היימישע חיידר ווייס איך דעם אמת וואס טוט זיך און ווי וויכטיג מען דארף וואס שנעלער מתקן זיין די לימודי חול סיסטעם אז אינזערע קינדער זאלן האבן א עתיד. חזקו ואמצו! איך וואלט געגעבן מער ווען איך באקום ווען באצאלט נארמאל אדער לכה״פ אין צייט וד״ל ואכמ״ל. א.ג. ענגלישע לערער - ב״פ יצ״ו

אַ קוויטל בייגעלייגט מיט אַ נדבה צו #ותינוקללמדוספר
<!-- w --><a class="postlink" href="http://www.gogetfunding.com/katlekanye">www.gogetfunding.com/katlekanye</a><!-- w -->

איך בין צומישט. קודם זאגט מען אז עס האט נישט דוקא מיט לימודי חול, נאר אז די גאנצע חינוך סיסטעם איז נישט געווידמעט צו סיי וועלכע סוקסעס. יעצט זעט מען אז די עיקר איז יא לימודי חול. אדער נישט.

אז מ'האט א וועג איינצופיהרען מער accountability אדער א וועג וויאזוי מ'זאל למער ווידמען די לימודים צו טאקע קענען, און יעדער קינד זאל עפעס האבען פון די קלאס און ארויס גייען מיט מער גמרא\משניות\חומש\הלכות\math\english\social studies ווי היינט, כל הכבוד. די חכמה איז איינער, אז מ'זאל טראכטען אינ'ם ריכטונג פון טוהן צו דער זאך, נישט סתם נאכגייען אלטע וועגען. אבער ווען די תכלית איז פשוט אז מ'זאל בעסער קענען לימודי חול, איז עס גאר אן אנדערען ענין.

זייט מיר מוחל אָבער איך פאַרשטיי נישט אייערע שאלה. גברא אגברא קא רמית?

איך האָב געשריבן אַז דער קונטרס באַהאַנדלט אונזער גאַנצער חינוך סיסטעם, סיי לימודי־קודש און סיי לימודי־חול. אַצינד האָט געשריבן אַ ענגליש לערער איבער לימודי חול. איז וווּ איז די סתירה?

למעשה איז עס, און ווי איך האָב געשריבן, אויף אַלעס. די תכלית איז אַז די קינדער זאָלן זיין צו גאָט און צו לייט. קענען סיי לימודי קודש און סיי לימודי חול אויף אַ הויכער ניוואָ.

קומט לאָמיר מקבל זיין דער תורה עם דרך ארץ!

#ותינוקללמדוספר
<a class="postlink" href="http://www.gogetfunding.com/katlekanye">http://www.gogetfunding.com/katlekanye</a>

די ווערטער צו אַזאַ מאָלעריי דאַרפן זיין מערערע און ערענסטער. דאָס קינד וואָס איז זעט איז אייער קינד וואָס קען באַלייכטן דער וועלט אָבער אַליין וועט עס נישט פּאַסירן. עס איז גלייך צו דאַווענען דערויף אָבער אַ קינד דאַרף מען האָדעווען מיט שכל און פאַרשטאַנד און דאָס פּאַסירט נישט היינטצוטאָג אין אונזערע קרייזן. מיר פּאַרלעשן ביי קינדער דעם לאָמפּ ווען מיר אַנטוויקלען נישט זייערע כשרונות. נישט אין תורה און נישט אין לימודי חול. מיר צינדן ביי אונזערע קינדער נישט אָן די לעמפּ ווייל מיר האָבן מורא וואָס מען וועט טרעפן ווען מען לייכט ביי אונז אויף און מיר פאָרכטן אַז די קינדער זאָלן אונז איבערשטייגן.

לייכט ביי אייך אויף די קינדער. זיי האָבן טאַלאַנטן, פעהיקייטן און לייכט עס אויף פאַר זייער צוקונפט. באַשולדיקן אַנדערע איז נישט קיין תירוץ. די קינדער זענען אונזערע און די אחריות איבער זיי געהער אויך צו אונז. כי הם חיינו ואורך ימינו און עס פאַרלאַנגט זיך אַן אינערלעכער באַוועגונג פאַר אַ נייעם דרך אין חינוך. אך ורק פאַר די קינדער אַליין.

מיין ציל איז פּאָזיטיוו און איך טייל מיך דאָ מיט אייך מיט נאָך אַ פּאַראַגראַף פון דעם קונטרס איבער דער נחת פון קינדער ווען אַ שולע פירט זיך וויאַזוי עס באַדאַרף צו זיין.

אַזאַ נחת קען מען גאָרנישט שילדערן. רוב חסידישע עלטערן און בפרט טאַטעס ווייסן בכלל נישט וואָס דאָס איז אָנצוזאַמלען פאַרשטאַנד און וויסנשאַפט אין משך פון די שולע־יאָרן. וואָס דאָס מיינט זיצן אַ פאַרהער וואָס מען גרייט זיך דערצו חדשים לאַנג, שאלות וואָס פאַרלאַנגען מחשבה און אַ פעיִקייט צו געבן אַרגומענטן לכאן ולכאן, ענטפערן וואָס מען שרייבט איבער אַ פּאָר שעה און אויף עטלעכע זייטן פון אַ בויגן און די שמחה דערנאָך ערלעך צו פאַרדינען צייכנס. די טאַטעס האָבן דאָס אַליין נישט בייגעלעבט און האָבן עס ביז היינט נישט געזען ביי זייערע זין. איז שטעלט אייך פאָר ווי גרויס וועט זיין זייער פאַרגעניגן ווען זיי באַקומען שולע־באַריכטן מיט פּרטים וויאַזוי זייערע קינדער שטייגן אין איטלעכן נושא און ווי זייער נחת וועט איבערפליסן ווען די צייכנס קומען אָן אין ערנסטע און אַנערקענטע לימודים. עס מעג זיין אַ פּאָר פרקים אין נ"ך, דקדוק אין לה"ק, משניות אָדער גמרא מיט אַ טיפערן פאַרשטאַנד אָדער פיזיקע, ביאָלאָגיע און אַ רייע אַנדערע לימודים וואָס ברענגען אַרויס דעם פולן פּאָטענציאַל פון דעם תלמיד. יום־טוב אין דער וואָכן, וועט באַקומען אַ גאַנץ נייעם פשט. אל הנער הזה התפללתי וועט מען נישט קרעכצן נאָר טאַנצן.

האָטס מיר אַלע אַ גוטן יום טוב!

#ותינוקללמדוספר
<a class="postlink" href="http://www.gogetfunding.com/katlekanye">http://www.gogetfunding.com/katlekanye</a>

יום ה' לס' יברכך ה' (בממון) וישמרך (מן המזיקין)

טייערע חברי קאַווע שטיבל, פייסבוק, טוויטער, וואטסאַפּ ודי בכל אתר ואתר

וויוו מייד איט!!!

מיר האָב געדאַרפט שאַפן $3,500 אין אַ חודש און מיט צען טעג נאָך געבליבן איז שוין אַריינגעקומען דער גאַנצער סכום. איך בין יעדן דאַנקבאַר פאַרן געבן, פאַרן לייקן, פאַר ווייטער שיקן דעם קליינעם משה חיימ'ל (יאָ, אַזוי האָט מען אים אַ נאָמען געגעבן) און פאַר מחזק זיין בסתר ובגלוי. אַ דאַנק אייך אַלע וועט אויך דער פּרייז פונעם קונטרסל זיין אַ סך ביליגער צו קויפן.

מער ווי אַלעס האָבן מיר געוויזן אַז מיר זענען נישט אַליין. אַכט און פופציק מענטשן האָבן מנדב געווען און געזאָגט אַז דאָס וואָס איז טאָר נישט ווייטער אָנגיין. זיי האָבן עס געזאָגט נישט בלויז מיט זייער מויל נאָר אויך מיט זייערע קעשענעס. איך ווייס אַז אַ מפטיר יונה גייט פאַר צען מאָל אַזויפיל און אויף אַ ווינטערדיקן מוצאי שבת קען מען צאַמשטעלן הונדערט מאָל אַזויפיל. מיר פאַרקויפן אָבער נישט כבוד, שוויצעריי, צוועקן, אַמבולאַנסן, געביידעס, נר למאור אָדער חתונה מאַכן אַ בן אחר בן פון וועמען נאָר.

מיר פאַרקויפן סך הכל אַן אידיי. לא פחות ולא יותר. אין אידייען ליגט אָבער אַלעס. סוף מעשה במחשבה תחילה און וואָס נאָר מען זעט אָדער מען הערט האָט איינער ערשט דערצו געהאַט אַן אידיי. אויסגעשורהטע וואָלקן קראַצערס, שיפן גרויס ווי אַ שטאָט, עראָפּלאַנען וואָס פליען מסוף העולם ועד סופו, ראַקעטן וואָס דערגרייכן ביז די כוכבי לכת, דער כישוף פון מאָדערנע פאַרבינדונגס מיטלען, גאַנצע מדינות, געזעצן און סיסטעמען פון רעגירונג, אַלסדינג האָט זיך אָנגעהויבן מיט אַ פּיצל זומען פון אַן אידיי. און נישט אומזיסט פאָרכטן די מאַכטן אידייען מער ווי אַלעס.

אידייען קומען אָבער רעלאַטיוו לייכט. עס איז אויף צו ווידמען די אידייען און נאָך מער אויף זיי אויסצופירן למעשה וואָס מען דאַרף באַקעמפן אַלע סאָרטן שטרויכלונגן. מענשטן וואָס שטיין אין וועג, געלט און צייט און פּלאַץ ועל כולם איבערגעווינען אַנדערע צו דער אידיי. און ביי דעם האַלטן מיר אַצינד.

מיר האַלטן דערווייל בלויז ביים אידיי אַליין און איזהו חכם הרואה את הנולד מיינט טאַקע די וואָס האָבן זיך צוגעשטעלט בגופם ובממונם צו פאַרשטיין אַז הא גופט פעלט אונז: אידייען. מיר האָבן אַזויפיל מיליאָנען אַז מיר באַשאַפן זיך צוועקן זיי פטור צו ווערן. באָדנס ווערן איינגעהאַנדלט און געביידעס ווערן געבויט שנעלער ווי מען קען זיי אָנפילן. אָבער צו וואָס און וווּ אַהין פירט דאָס אַלעס? דאָס איז די שאלה וואָס מען וועט אייך באַשטיינערן בלויז פאַרן פרעגן און דאָס איז וואָס מיר וועלן אַרומרעדן. און צו דעם האָבן אַנאָנימע מענטשן וואָס קוים וואָס זיי קענען מיר זיך אונטערגעגאַרטלט צו העלפן דאָס צו באַאַרבעטן און דורכטון אויף אָנצוקומען צו אַ מסקנא אַז איכא דרכא אחרינא.

איך פאַרמאָג נישט משה רבינוס מטה און איך זאָג נישט צו קיין גליקן אָבער אַ רצון האָב איך. ה' אלקים נתן לי לשון לימודים און אַז איך קען שרייבן שפּיר איך אַ חוב אויסשפּרעכן וואָס ליגט מיר אויפן לונג שוין פילע יאָרן אין די ענינים. איך קום נישט 'מציל' זיין קינדער פון זייערע עלטערן אויף זיי צו באַגראָבן אין די מוסדות נאָר פאַרקערט. איך וויל זיי ראַטעווען פון די מוסדות אויף זיי אָפּצוגעבן צו די עלטערן. ווי רש"י זאָגן אויף למען הציל אותו מידם להשיבו אל אביו, רוח הקודש אומרת כן. רוח הקודש פאַרלאַנגט אַז קינדער געהערן נישט ביי די שבטי י-ה זיי צו פאַרזינקן אין אַ גרוב נאָר זיי געהערן צו טאַטע מאַמע. און דאָס שלאָגן מיר פאָר. צוריקגעבן צו די עלטערן דער אמתער ברירה און 'טשויס' איבער זייערע קינדער אויף זיי אויפצוציען צו אַן אמתן ייִדישן און תכליתדיקן לעבן.

גענוג געדרשנט און מיר דאַרפן די זאַך דערפאַרטיקן און גיין צום דרוק. דערנאָך זאָל מען אַרומרעדן, זיך דינגען, אַראָפּרייסן, אָפּווענדן, אָפּשלאָגן און אפשר אויך מסכים זיין. שווייגן איז אָבער נישט קיין אָפּציע. שוין צו לאַנג וואָס צופיל קינדער גיין לאיבוד במחשבה בדיבור ובמעשה און דער צייט פון טון עפעס דעריבער איז שוין דאָ.

כצאתי מן הקודש דערמאַן איך זיך אַז איך האָב געזאָגט אַז איך וועל אַרויסגעבן די קאַפּיטלעך און איך האָף אַזוי צו טון נאָך היינט מבעוד יום אַזוי אַז איר וועט האָבן וואָס אַרומצורעדן נאָכן ליל שישידיקן י-ה אכסוף.

בכ"ר

ק"ק

עי"ש: איך לאָז דער אַפּיל אָפן אויף נאָך צען טעג און אַז עס וועט אַריינקומען מער וועל איך דערמיט קענען באַלוינען די פרייוויליגע מגיהים און אַנדערע מיטאַרבעטער אייך צו ברענגן אַ דבר השלם.