איך בין אביסעל שטאט, אבער כ'מיין אז איך האב עס ארויס.
לאמיר איבער'חזר'ן דאס שאלת בן החכם/רשע: והיה כי ישאלך בנך מחר ווי אזוי האלסטו אז איך דארף גלייבען אז 500 בוים רינגלעך מיינט אז ס'פופציג יאר אלט. ווי אזוי האסטו מיך אנגערעדט אז 800,000 אייז שיכטלעך וואס פארמירען זיך דארך ווינטער און זימער סייקעלס זענען עכט 5777 יאר נאר ביז די רבי ר'אלימלך האט עס מבטל געווען צוזאמען מיט די שדים האט א יעדער יאר געהאט אין זיך 160 ווינטערס און זימערס?
די תירוץ איז פילפאכיג. כרוכלא אחשוב ואיזול און איך וועל נעמען די בעסטע ענטפער, אדער אלע ענטפערס און פראבירען צו עקלערען פאר דאס בן החכם:
@אנאנים:
1. איך וויל נישט פרעגען לגופו של ניק. ועאפ"כ גיי איך פרעגען לגופו של ניק. ווייל עס פעלט אויס. ווייל ער איז סתם א טיזער.
2. נאכען דן זיין לגופו של ניק גייען מיר דן זיין לגופו של קינד. און די תירוץ גייט זיין עבדים היינו מיט א גאנצע הגדה. אלעס חוץ פון א תירוץ אויף דיין קשיה.
@יב הלוי:
איך וויל נישט ענטפערען דיין קשיה, אבער סתם פאר נייגעריגקייט האסט שוין תשובה געטון?
@הקטן:
1.דער גוי האט א גרעסערע פראבלעם.
2. די דרייסט ארום, ביסט נישט שווה בדעה intellectually honest בלע"ז.
3. קום, לאמיר דיר אויך אריינמישען קליימעט טויש. בלא בלא בלא. #קאנפירמעשען בייעס (כמעט מילה במילה, איך קען נישט זאגען אז איך האב פארשטאנען וואס די זאגסט).
4. קינד מיינע, די עולם לאכט פון דיר בכוח. די באמערקסט עס נישט.
ליטוואק:
1. דיין צושטאנד איז נייטיג ווייל די נוצט משלים פון דיין צושטאנד.
2. אפשר אין 50 יאר קומט צו נאר 50 רינגלעך אבער פאר די קריג, ווען ר' אלחנן האט נאך געלעבט, אפשר דאן האבען ביימער פארמירט רינגלעך צוויי מאל א וואך?
3. ביסט א דעמאגאג!
4. דאס אייז שיכטען האבען נישט מיט ווינטער/זומער סייקעלס נאר מיט קליימעט, ווייל קליימעט מיינט אויך רעגען, און ס'קען רעגענען 160 מאל א יאר, און קליימעט פארשער ווייסען נישט וואס טוט זיך מיט זיך, און קורבנות זענען הייליג, פארדעם פאנגט מען אן פון פרשת ויקרא. (דא דארף איך מודה זיין אז איך האב דאס ליטוואק אפשר נישט פארשטאנען, ווייל באמת, די ווערטער קלעבען אפילו נישט).
5. נישט א יעדער קשיה האט א תירוץ.
6.מיין טייער קינד, קיין בעסערע פשט אין די 500 רינגלעך האסטו נישט. ס'דא א תירוץ ערגעץ ווי, נאר די ווייסט עס נישט (לא זכיתי להבין).
איך אויך:
1. איך האב דיר שוין לאנג געשמעקט.
2. דו האסט נישט קיין קשיות, נאר תירוצים.
געוואלדיג:
אמת. די תורה רעדט נישט פון די דברים בטלים. ס'נישט קיין סתירה. די באבע מעשיות פון יוסף מזרחי זאלסטו לאזען פאר די עניי הדעת. (ונראין דבריך מדבריהם)
קורקלאנד:
סייענטיסטען האבען זיך טועה געווען בדבר משנה מער ווי איינמאל. פינף ביליאן האט זיך אפדעיטעד. (דערפאר קען זיין אז די בוים איז נאר 50 יאר אלט? לא זכיתי להבין)
------
רבי אמי כי מטי להאי קרא בכי (איכה ג, כט) יתן בעפר פיהו אולי יש תקוה אמר
כולי האי, ואולי? רבי אמי כי מטי להאי קרא בכי (צפניה ב, ג) בקשו צדק בקשו ענוה אולי תסתרו ביום אף ה' אמר
כולי האי, ואולי? רבי אסי כי מטי להאי קרא בכי (עמוס ה, טו) שנאו רע ואהבו טוב והציגו בשער משפט אולי יחנן ה' [אלהי] צבאות
כולי האי, ואולי?.
שטייען הונדרעטער טויזענטער אידען און דרייען זיך זייער וועלטעל אויף א
כולי האי ואולי, קומט ענק נישט צו וויינען?
וואס האב איך נאך מוסיף צו זיין. איך הער די בן השואל און קיין פאסיגע תשובה האב איך נישט. חוץ פון געוואלדיג (וואס חאטש ער טענה'ט צום קינד אז די בוים איז אפשר טאקע נאר 50 יאר אלט זאגט ער דאס קינד אז טאמער וועט ער יא האבען ראיות ברורות וועט מען אנגיין אזוי. מיט אזא טאטע קען דאס קינד ווייטער שמוסען). מיט די אנדערע תגובות דא איז דאך שוין גרינגער צו מאכען א ק/פ פון די באקאנטע תירוצים #למעשה אשכול!!!
<!-- l --><a class="postlink-local" href="/topic/11460">viewtopic.php?f=3&t=11460</a><!-- l -->
