מאמישע געפילן

מפיל קינד

בשעה טובה ומוצלחת!

געדענק מיר צו לאדענען צום קידוש.

איך ליין שוין איבער דריי מאל אין א פרואוו געוואר צו ווערן ווי דו האסט געזעהן אז ס'איז א מיידל..[emoji5]

Sent from my KFDOWI using Tapatalk

א נייע חודש
א נייע זמן
א נייע ארט
א נייע היים

א טויש אין פלאץ
א טויש אין רוטין
פון אינטן ביז אויבן
אהער און אהין

האפענטליך צום גוטן
האפענטליך פארווישן
האפענטליך באנייען
האפענטליך איבערמישן

פארגעסן די עבר
איבערלאזן דעם אלטן
נאר קוקן פאראויס
די פרישקייט זאל אנהאלטן

א נייע זיך
איך וועל נישט אויפגעבן
איז דא אזא זאך
ווי זיך מאכן א נייע לעבן?

זייער שיין, מיידעלע....

נישט צו פארגעסן.
אלכ סאטמארע זענען באנדיטן
הק' בת קול.

There you go

נעמען נעמען
אזויפיל פראבלעמען
קינד זאל זיך נישט שעמען
באבעס נישט קאמפלעינען

אברהם יצחק יעקב משה
שרה רבקה רחל לאה
תירוצים טרעפן קליינע גרויסע
צומישן די שטן אויב האט ער א דעה

וועלן עפעס זיס מיט חן
קען פשוט נישט מחליט זיין
אין וועמענס וועגן נאך צו גיין
די פרעשור איז אן, נאך געציילטע וואכן פארהאן

איבער און איבער מ'קייט
יעדע מאנטאג און דאנערשטאג
כאילו יעצט מ'גייט
רעזאלווען דעם קאנפליקט

ביז מען ווערט מיד פון דעם
און מחליט מען דארף די זיסע פנים זען
ציילן אלע פינגער צען
אפשר וועט נאך שטארבן איינער ביז דען

א איד וואס פארשטייט נישט צו dark humor דארף נאכקוקן זיין ייחוס. 😃

איך האב מורא
פון די ווייטאג
פון די קלאפענישן
פון מיין אטעם פארלירן

פיל מיט מרה שחורה
פון די טאג
פון די קאפ דרייעניש
פון אראפגיין פון זינען

איך ציטער
איך בין נישט גרייט
און איך גלייב נישט
אז מען קען אמאל זיין

איך וואונדער
זיך אויב סאויסייד
איז גרינגער נישט
ווי געבורט פיין

איך האלט זיך צאם
פארבינד מיין מח
נאך א טאג
נאך א שעה

ממש נאך א קליינע זמן
נאך אביסל כח
אביסל פלאג
און דו וועסט זיין דא.

בת קול

איך וואונדער
זיך אויב סאויסייד
איז גרינגער נישט
ווי געבורט פיין

דאס קען מרמז זיין און אָנרירן אויף דר. דוד בּענאטאר׳ס חקירה צי אנטינעיטעליזם איז מכריח פּראָמאָרטעליזם צי נישט.

אטעם טיף
שטעכט שארף
גייט דורך גיך
האלטן חשבון איך דארף

אפאר סעקונדעס
עס גייט פארביי
דערנאך פארשווינד עס
מיין אטעם איך באניי

שעות אדורך
עס קומט און גייט
אביסל איך פארכט
און אביסל אויך פרייד

איך ערוועק זיך
דורך געווייקט א נאסער
צייט צו איילן גיך
מיין פנים א בלאסער

די צייט פארלאפן
עס ווערט שוין שפעט
אן אכטער אפען
קיין עפידורעל מען געבט

פיל מיט יואש איך ווער
נישט פאר מיינע כוחות
איך ווער געווארן אבער
אז אלץ איז אין די מוחות

סעקונדען געציילטע
און דו בוסט שוין דא
א געבורט אזא געאיילטע
שעפעלע זיסע, ברוך הבא!

מזל טוב! מזל טוב! זאלסט זעהן אסאך אידיש נחת גרינגערהייט פון דעם קינד און פון אלע קינדער גרינגערהייט! מיט הרחבות הדעת!

מזל טוב!

נעמסט איבער מיין וועזן
שעפעלע
גאנצעטע נעכט אויפגעוועזן
בשפע'לע

אין דיינע אויגן קוק איך
זיסעלע
אין דיין ווארעמקייט כ'וויקל זיך
אביסעלע

מיין האפענונג פאר אונז
טייערקייט
אלעמאל פילן ליבשאפט ביז
אן אייביגקייט

פיבערסט
הויעך
מוטלאז
אן כח

איך וויקל
דיר איין
מעדעצין
לייג אריין

שאקל דיר
ליבלעך
קיש דיין
זיסע גריבעלעך

בוסט אויף
אין א געוויין
ביזן פרימארגן
שיין

ווען ס׳באווייזט זיך
מיט חן
א ווייסע
קליינע ציין!