יאיר! שפיל נישט פריע עוועלוציע שימפנזיע

געווען א איד @יאיר,
גערעדט צום זאך קלאר,
געווען א משכיל א חוקר,
געשיינט ווי כוכבי בוקר,
פאעזיע געקענט מיט די כללים,
געשריבן ווי א ראשון משלים,
געקוועטשט אין וויסנשאפט דעת,
דערנאך זיך אויסגעלאכט,
אין נגינה א קענער,
גלייכט טרויעריגע טענער,
אין השקפה א דעה גאר ברייט,
ביז ליצנות, דארט ווערט טייט,
ווען אפריל דעם ערשטן פאלט פרי,
די קאווע השפעות מאכט צו,
מער קיין הומאר מער קיין שמייכעל,
מער קיין מוזיק מער קיין שכל,
מיט די נארישע ניק אביסל פארברענגן,
אוי מיר טוען זיך בענקן,
יאיר! שפיל נישט פריע עוועלוציע שימפנזיע,
ווער א מענטש מיט פאנטאזיע.

רויטע, אויב יאיר גראמט מיט קלאר מוזטו זיין א גאליציאנער. כ'מיין נישט גילוי.
[emoji1]

אז מ'רעדט שוין וועגן גראמען, האט מיר איינער געזאגט וויאזוי מ'האט געגראמט פאר פיפציג יאר צוריק ביי זיין חתונה:

יעצט וועט מען אויפריפן די פעטער רב טייטלבוים
וועט קומען טאנצן, בים באם באם!

אז מ'רעדט שוין פון יאיר, לאמיר רעדן פון יאיר.

דער חתן הייסט דאך ניסן,
ער האט צוריסן זיין הויזן

איך הער יעצט דריט האנטיגע אינפארמאציע, אז @יאיר איז געגאנגען העלפן @אנאנים שיבן. איינער קען קאנפירמען?

יאיר איז דער שיבער קופערניקוס ווישט זיין שווייס.

הערט אויף מיט די שפעקולאציעס, איך בין נישט דער שיבער און נישט דער ווישער; איך בין דער לעכערער. איך שטיי אויף די פיס צוועלף שעה אין א ציה, באוואפנט מיט פלאסטישע גאפלען, און איך פיר דורך די שפיזיגע ציינדלעך אריבער די צוויי אינטשעס פון דעם מצה טייג אזוי אז עס זאל זיין נקבים נקבים חלולים חלולים למהדרין מן המהדרין.
צוליב מיין אנגעצויגנקייט ביי דער ארבעט איז מיר היבש צוניץ געקומען מיין וואקאציע. בפרט יעצט, וואס היות איך בין א בכור דארף איך מסיים זיין א מסכתא אויף ערב פסח, האב איך דעריבער אנגעיאגט אין דעם וואך צייט צו ענדיגן גאנץ מסכת 'מוצא המינים'. דער סיום וועט פארקומען מערצעשעם אין קאווע שטעטל אויף רחוב דארווין. אלע שיפאנזיעס, גארילעס און מענטשן זענען העפליך געלאדנט צו א ריייכע סעודה פון לעידי פינגערס און באנאנעס.

יאיר

מסכת 'מוצא המינים'.

לינק ביטע.