דעבאטירן און קאמענטירן אויף אלטע אשכולות

באמערקסט?

איך האב גראדע הנאה געהאט פון עטליכע אויפגעוועקטע אשכולות, אין די סאשעל וועלט איז דא א ענליכע גאנגבארע טרענד וואס הייסט #ווארפ-צוריק דאנערשטיג TBT#, אבער עפענען א אשכול אנע חידושים איז אנטוישנד, איך וואלט פארגעשלאגן ר' בערל זאל עפענען א אשכול ווי למשל "אינטערעסאנטע אלטע אשכולות" און דארט אהינלייגן די לינקס מיט די ווערטלעך, אויב איינער טרעפט עפעס וואס ער קען מוסיף זאל יענער ארויפברענגען דעם אשכול.

כוכב

יתרו

כוכב, די ביסט טאקע זייער קיוט, ווי טיטאניק ז"ל האט שוין מעיד געווען אויף דיר, און די געסט א געוואלד צו צום שטיבל. אבער פון די אנדערע זייט פירסטו מלחמות דא מיט צופיל ניקים, צומאל מיט אפענע ראסיזים און אנטיסעמעטיזם. האלט דיינע הארסיס אביסל.

א ישר כוח פאר די קאמפלימענט.

ביטע צוצייכענען א לינק וואו איך האב איינעם זאגאר אפן פאראורטיילט צוליב זיין ראסע אדער צוליב זיין א איד.
אויב געפינט איר נישט ערווארט איך אן אנטשולדיגונג אין דער עפנטליכקייט.

אינגעלייט לערנט אייך פון מיר ווי אזוי צו זיין א מודה על האמת, אט זעט:
איך טו זיך אנטשולדיגן אין דער עפנטליכקייט פארן באצייכענען דעם כוכב אלץ איינער וואס איז אנגעשטעקט מיט אנטיסעמיטיזם אן ראסיזים, עס איז סך הכל געווען א פליטת קולמוס. וואס איך האב געמיינט צו זאגן איז אז צומאל אטאקירט ער מיט אזא האס, ווי און אנטעסמיט אטאקירט א איד, אדער ווי א ראסיסט א שווארצער. אבער דאס איז אויך א גוזמא און אויף דעם בעט איך אויך אנטשולדיגונג, והוא רחום יכפר עוון.
נאך דאס פעלט אונז אויס אז כוכב זאל אנפאנגען צו בלאזן.

כוכב

זייער שיין שמעקעדיג פאר'ן פארדאמען מיין אום-דרך ארץ צו רבי בערל'ן, הגם איך זע נישט מיט וואס.

גיב א קוק די פאלגענדע קאמענטס:

כוכב

"דיינע קאמענטארן זענען נישט קיין פרישע אינפארמאציע צו דער נושא' סתם אבי געמאלן וואסער בלע'ז.
"דיינע תגובות געבן גארנישט צו צום שטיבל און ברענגט נאר אונטער די געדאנק פון אקטיווע אשכולות.
"קענסטוך נישט איינהאלטן, האסט א גוטס אין בויך האבעך פאר דער א פשוטע עצה, דרוק דעם פריוואט קנעפל און שרייב יענעם אין אישי.
"סארי פאר מיין חוצפה הגם וואלסט מסתמא געקענט זיין מיין זיידע אבער האמת ניתן להיאמר.
"אשכולות אויפוועקער איז גאלד קעגן דעם פרישן פריקן קרענק, ווארום ער פלעגט וועקן ענינא דיומא'ס און יארצייטן, ווידעראום דער נייער צדיק וועקט אשכולות אן א פארוואס און אן א פארווען
"די גאנצע אקטיווע אשכולות זייטל האט פארלוירן משמעות, זוכט זיך אפיר אלטע שמועסן לייגט צו עפעס א ווארט און יאלא.
"פליז, דיין געוועקאכטס טרעט מיר צו צו די נערוון, סקריכט געפערליך סאו פליז סטאפ דע מעדנעס נאו!!!!

דו זעהסט דא רעספעקט??

כוכב

און יעצט פארדאם ביטע די קיתון של שופכין וואס איך האב דא אריינגעהויבן אן די מינדעסטע רעספעקט און אן די מינדעסטע הכרת הטוב פאר מיין קאנטריביושן צום שטיבל.

אט דאס האב איך געשריבן אויבן:

שמעקעדיג

"כוכב זיסער, מיר זענען דיר אלע שולדיג א דאנק פאר דיין אימערמידליכע ארבעט אין שטיבל, ביסט באמת א מעסטערפיעס
"און צו שמערל און אנדערע מוכיחים, ולא תשא עליו חטא בשעת הוכחה איז אויך א דאורייתא

גענוי דאס האב איך אינזין געהאט ווען כ'האב געשריבן דאס אויבנדערמאנטע, די אלע וואס האבן מקיים געווען אויף דיר דעם הוכח תוכיח צוליב דעם נוסח וואס דו האסט גענוצט, זאלן געדענקען "ולא תשא עליו חטא", און מען טאר דיר נישט פארשעמען אדער באשמוצן אומ-רעספעקטפול.

און איך וויל דא נעמען די געלעגנהייט און אויסדרוקן מיין געוואלדיגע שעצונג פאר אונזער ידיד כוכב פאר זיין געטריישאפט און אססעט צום שטיבל, קאווע שטיבל וואלט קיינמאל נישט געווען די זעלבע אן דיר, און איך בין דיר מכיר טוב פאר יעדע אשכול און תגובה וואס דו שרייבסט מיט דיין רייכן פעדער. און אויב כ'האב דיר וויי געטאן אויף סיי וועלכן אופן דירעקט אדער אומדירעקט, בעהט איך דיר איבער ברבים ותען ותאמר סלחתי כדברך.

רח"ש לחצאין.

פישל'ע העררינג

רח"ש לחצאין.

פישל'ע הערינג: ויש גורסים "מתי שיתרוצצו שני הצדדים.. 🙄

הגם סהאט מיר טאקע אביסל געשטערט פאר'ן מיך אפסטעמפלען אלס א קריגערישע פערזאן וואס פירט שלאכטן מיט דעם און יענעם, אין דער צייט וואס כווייס נישט צו סדא איין ניק וואס האט שוין געווידמעט אזויפיל צייט און טאלאנט אפצוגעבן דעם כבוד הראוי און רעספעקט מיט גראמען און באגריסונגען פאר כמעט יעדן אקטיוון ניק וואס גיט צו צום שטיבל, האב איך פשוט נישט געהאט וואס צו קאמענטירן היינט, ביז פישל'ע האט געשריבן 😉.
אפילו מיט בערל אין פאקט בין איך בעסטע גוטע פריינט, מיר האבן געהאט א געשמאקער שמועס פריוואט, א טייל האב איך ארויסגעשטעלט און מ'האט זיך ארויפגעכאפט אויף דעם ווארט און יענע ווארט אנשטאט זיך האלטן צו דער נושא פון אן אויפריכטיגע דעבאטע.
אפילו פאר ******* האב איך קיינמאל קיין שלעכטס געטון אז ער זאל זיך אזוי צו כאפן צו די קריטיק ווי צו א געבראטנס.
# וואטעווער

אפטמיסט האסט געמאכט מיין טאג, יאפ, האסט מיך שטארק מחזק געווען.
והמעשה שהיה כך היה. כ'האב מיך רעגוסטירט אנהייב וואך צו קאווע שטיבל, און כ'האב געוואלט רעיזן אביסל 'אטענטשון' ווייל כהיום קומען דאך אן דא מאסן עולם יעדען טאג, און כ'האב געפילט ווי איינע וואס גייט ארויס פון כולל 2015 און 'לייגט זיך אריין אין עמעזאן' , ר' איד גיי אהיים.. סאיז טא לעיט.. ממילא האב איך געטרייט מיי לאק, און כ'האב געשרובעם א אינטריסאנטע געדאנק פאר קאווע שטיבל כ'האב מיך גערושט אויף א געמיש פון נעגעטיוו און פאזאטיוו אטענטשין, יא, סאיז נישט מער פון נארמאל, און אזוי וועל איך כאטש זיין עטוואס מער אין זכרון פונעם מענטשהייט, וואו איידער זוצען און וויטן פאר די כבוד זאל 'מיך נאכלויפען'..
עכ''פ כ'קום צירוק א טאג שפעטער און וואס? אפגעשפארט? + סטראשערייען פון כוכב אז כ'גיי פליען.. כ'האב מיך אוועק געזעצט אויפן קאוטש, אביסלע טרערן, מיין ווייב קומט אריין העי ביסט געווארען געפייערט?!? איך זאג זי יא! זי קוקט מיך אן 'ניין אמת'דיג'.. בקיצור כ'גיי נישט אריין נעמען די עולם אין בעדרום, מיין פוינט איז אז סאיז געווען א שווערע נאכט.
למעשה האב איך מחליט געווען, איך קען מיך נישט צוטין מאכן פון יעדעם דורכפאל און כ'גיי צוריק כאילו לא היה, לא להנאת גופי, כ'בין סיי ווי בטל, סאו טא בעד.
כ'קום דא אן און מוטאמאל זעי איך דער ווערטער פון אפטעמיסט, כ'בין ממש אויפגעשפרינגען! כמים קרים על נפש שפילה, כ'האב עס איבערגעזאגט פאר מיין ווייב, און פארשטייט זיך 'יא סי! איי טאלד יא!'..
יישר כח אפטעמיסט.

שכויח, מיין פריינט. וויאזוי פונקט כ'האב דיר מחזק געווען כאפ איך נאכנישט, אבער יא, דער עולם אין שטיבל ווייסט שוין אז פאר א בינטעלע חיזוק קומט מען צו אפטע. ביסט הייסע נייעס, הנאת גופי!!! קלאפ דיך אין ריקן בשמי און געב א שמייכל! ווי אלל לאוו יו!

הנאת גופי: קודם שלום עליכם און ברוך מחיה המתים. כ'האב באמת געמיינט אז ס'איז שוין דערנאך מיט דיר. בריך רחמנא דיהבך לן ולא יהבך לעפרא. (אפשר מיינט דעם עפרא לפומיה פון ר'סענדער דער דייטש זכותו יגון עלינו לשבח. אדער פון מהר"א שליט"א צו קאשויער רב זצ"ל?(
איך האף אז דער עולם אין קאווע שטיבל וועט בעז"ה שטארק הנאה פון דיר און דיינע מאמרים. דער אייבישטער זאל העלפן אז דו זאלסט מאריך ימים ונשים זיין דא. אכיה"ר...!

לא להנאת גופי האסט גראדע זייער א גוטע פעדער און איך זעה דיר פאר א קומענדיגע שטערן דא!

אפטעמיסט דו ביסט הייסע נייעס אדער לא להנאת גופי? איך בין אינגאנצן צומישט! (מפי השמועה)