הויפט זייט » תורה ודעת » חינוך » מעג מען ארויסווארפן א פארדארבענע בחור?

מעג מען ארויסווארפן א פארדארבענע בחור?

78 פאסטס אין ארכיוו · אשכול #7115

Big Boy » מיטוואך סעפטעמבער 10, 2014 8:21 am

· #222724

געפילטע פיש
כוכב, וואס מיינט "פארדארבן" די גאנצע ישיבה? וואס איז די ערגסטע? אז זיי טוען וואס טינעידזשערס טוען נאטורליך און סופרעסען נישט זייערע הארמאנען? שטעל זיי צו מיידלעך און איך זאג דיר צו זיי הערן אויף "פארדארבן". וואלסטו געווארן פונקט אזוי היסטעריש ווען ער מאכט בחורים זיך קראצן די פוס? סך הכל איז עס עפעס א זאך וואס רוב עדאלטס ביי אונז האבן קיינמאל נישט דיוועלאפט נאטורליך, אדער לעבט מען נאכאלץ מיט א גילטי קאנשענס פון די בחור'ישע יארן, און זיך צו פארגעבן די עבירות ווערט מען ווילד ווען מ'הערט אז טינעידזשערס שפילן זיך. בארואיגט אייך, מ'וואקסט עס אויס ביז אפאר יאר.

You know this is never going to happen. There's a group for that that calls itself "modern orthodox. If someone wants that they have to go to a Joseph Lieberman type yeshiva

ליטוואק פון בודאפעסט » מיטוואך סעפטעמבער 10, 2014 10:31 am

· #222747

לעיקוואד
עס זעהט מיר נישט אויס צו זיין אזוי דער מציאות כמעט קיינמאל. מיין טענה איז פלעין מיר האבען אלע געלערנט אין ישיבות אין יעדער ישיבה איז דא אן עלעמענט וואס איז עוסק בעיקר און שמוץ, עס זענען דא קוריאזע לב טהור / ננח / וואטעווער טייפס, גדליה נדל/ ק''ש/ אויפגעקלערט טייפס, פון אלע מינע, און איך האב פשוט נישט געזעהן עס זאל געשעהן אזויווי דו לייגסט אראפ עס זאל ווערן א חשש פאר די גאנצע ישיבה אז אנדערע טאטעס זאלן זיך דארפן זארגן. עס ארבעט פשוט נישט אזוי, און ווען מפאדערט ווארפן וועגן אזא זאך איז דאס כמעט קיינמאל נישט וועגן באמת עס איז דא אזא חשש נאר דער חשש איז פאר דער מנהל'ס כבוד / קאנטראל. טעארעטיש וואלט געווען א צד ווי דו זאגסט עס איז אבער פשוט נישט במציאות אזוי.

קודם כל, וויל איך אביסל מוחה זיין. הרב גדליה נדל איז געווען אן אמת'ער אדם גדול און א ת"ח עצום וואס האט זיך פארשווארצט דער פנים לכבוד ה' ותורתו, און ס'קומט איהם נישט קיין נאמען אן א הרב, און אויך נישט צו זיין א חלק פון אזא רשימה. אמת א בחור וואס גייט איהם נאך איז עפ"י רוב נישט פון גרויס הבנה נאר פון אויבער חכמה, אבער מ'דארף רעדען מיט ד"א.
לגבי ארויסווארפען בחורים - ווי איך האב שוין אמאל געשריבען דא אויף ק"ש, ווען א ראש ישיבה איז טאקע לש"ש און ער ווארפט ארויס בלית ברירה מיט א הרגש פון אחריות, און ער לאזט נישט דער ארויסגעווארפענער בחור אויפ'ן וואסער נאר ער האלט א קשר מיט איהם און איז איהם מחזק, ער טרעפט איהם א פאסיגע ישיבה אדער סביבה און טוט וואס ס'איז בכוחו איהם צו העלפען, האט עס אן אנדערע פנים. נאר טאמער דער ראש ישיבה איז א שלעכטע און דער קיילא מאכען אנדערע איז נאר א תירוץ, ער וויל זיך נישט פארען מיט אזא בחור, איז דאס ביטער.
בקיצור מ'דארף נישט האלטען דער מעשה נאר דער מענטש. ווען דער ראש ישיבה איז וואויל, קען מען זיך פארלאזען אז ער טוט צו דער זאך. און ווען דער ראש ישיבה איז אן אויסווארף, איז דאס אויך נישט אין פלאץ צו האנדלען זיין רעכטען.

טעפל » מיטוואך סעפטעמבער 10, 2014 10:47 am

· #222750

Big Boy
אויליגער
סאטמארא רב איז טאקע געווען קעגן ארויסווארפען א בחור חוץ איינער וואס איז פארדארבען און פארדארבט אנדערע און א מחוצף

Then he would have to throw out %95 of his yeshiva

מ'דערציילט אויפן חפץ חיים ז"ל אז ס'איז געוועהן א מחלל שבת אין ישיבה און ער האט איהם נישט געווארפען און א מחוצף האט ער יא ארויסגעווארפען, און געזאגט אז פון איהם וועט מען זיך נישט אפלערנען משא"כ פונעם מחוצף יא..

לעיקוואד » מיטוואך סעפטעמבער 10, 2014 10:50 am

· #222751

ליטוואק ביסט גערעכט לגבי הרב נדל זצ"ל. מיין כוונה איז נישט געווען ח"ו מזלזל זיין בכבודו איך האב נאר גערעדט וועגן א געוויסע טיפ בחור וואס איז געווען אין ישיבה איך מיין גארנישט ר' גדליה ז"ל.

טישל » זונטאג דעצעמבער 31, 2023 6:32 am

· #542978

Re:

Big Boy #

אויליגער
סאטמארער רב איז טאקע געווען קעגן ארויסווארפן א בחור חוץ איינער וואס איז פארדארבן און פארדארבט אנדערע און א מחוצף

Then he would have to throw out %95 of his yeshiva

א מחוצף מיינט נישט אז מען האט געזאגט פאר זיין מגיד שיעור דו אשטאטס איר, אדער געברענגט די חנוכה טיפ אן קיין ענוועלאפ. א מחוצף מיינט אז מען איז ארויס אין מלחמה מיט זיין מנהל/מגידי שיעור און העצט אן די גאנצע ישיבה קעגן אים.

שמחהלע קאפשטיק » זונטאג דעצעמבער 31, 2023 8:37 am

· #542986

Re:

געפילטע פיש #
כוכב, וואס מיינט "פארדארבן" די גאנצע ישיבה? וואס איז די ערגסטע? אז זיי טוען וואס טינעידזשערס טוען נאטורליך און סופרעסען נישט זייערע הארמאנען? שטעל זיי צו מיידלעך און איך זאג דיר צו זיי הערן אויף "פארדארבן". וואלסטו געווארן פונקט אזוי היסטעריש ווען ער מאכט בחורים זיך קראצן די פוס? סך הכל איז עס עפעס א זאך וואס רוב עדאלטס ביי אונז האבן קיינמאל נישט דיוועלאפט נאטורליך, אדער לעבט מען נאכאלץ מיט א גילטי קאנשענס פון די בחור'ישע יארן, און זיך צו פארגעבן די עבירות ווערט מען ווילד ווען מ'הערט אז טינעידזשערס שפילן זיך. בארואיגט אייך, מ'וואקסט עס אויס ביז אפאר יאר.

יא יא וויפיל בחורים זענען שוין ארויס לתרבות רעה נאר ווייל מען האט זיי ארויסגעטראסקעט בלויז פארן זיין נאטורליך....
אנשטאט מסביר צו זיין וואס הארמאנען זענען און אנשטאט שיקען אויף העלפ (אויב ס'פעלט אויס) קלעיבט מען ארויף אויף דעם בחור דעם לעיבל מושחת וואס ער איז בכלל נישט.
גראדע מען האלט שוין 10 יאר נאך וואס דער אשכול איז געגאנגען פתיחה, כ’קען זאגן אז "אביסל" איז שוין אכשר דרא מיטהאלטענדיג א פרשה פון א בחור וואס צוליב מיסגיידענס איז ער ארומגעגאנגען מזכה זיין בחורים וד"ל, און מען האט איהם געשיקט צו העלפ אנשטאט ארויסצוווארפן...
אבער ס’איז נאך דא גאר א לאנגער וועג וויאזוי די ראשי ישיבות און משגיחים [וואס האבן געטוהן די זעלבע אלס בחור...] זאלן צו גיין צו אזעלכע פעלער.

קליינע צדיק » זונטאג דעצעמבער 31, 2023 11:12 am

· #542996

Re: Re:

גא"מ
היינט איז זיכער אסאך בעסער אין דער נקודה, און איך מיין אז עס ווערט נאר בעסער אין די ישיבות כלפי די חלק פון פיזישע זאכן
אבער מיט טעכנאלאגיע מיין איך דארף נאך א תיקון וואס מ'דיעלט אזוי ווי אמאל מיט די פיזישע זאכן,

די קעפעלע » זונטאג דעצעמבער 31, 2023 4:55 pm

· #543033

Re: Re:

טישל #

Big Boy #

אויליגער
סאטמארער רב איז טאקע געווען קעגן ארויסווארפן א בחור חוץ איינער וואס איז פארדארבן און פארדארבט אנדערע און א מחוצף

Then he would have to throw out %95 of his yeshiva

א מחוצף מיינט נישט אז מען האט געזאגט פאר זיין מגיד שיעור דו אשטאטס איר, אדער געברענגט די חנוכה טיפ אן קיין ענוועלאפ. א מחוצף מיינט אז מען איז ארויס אין מלחמה מיט זיין מנהל/מגידי שיעור און העצט אן די גאנצע ישיבה קעגן אים.

כ'מיין אז כ'האב דאס אמאל געהערט בשם די סקווירא רבי ז"ל - ארויסווארפן איינעם וואס מאכט קאליע אנדערע אדער א מחוצף.

אבער אפילו די ארויסווארפן דארף מען קודם פראבירן אלע אנדערע מיטלען פאר מען שעכט איהם אפ.

וויפיל הונדערטע אינגעלייט וכו' וואס האבן אפגעטוהן אסאך אסאך.... אין די בחורישע יארן, מען האט זיי נישט געווארפן פון קיין ישיבה אדער אפילו געשטעלט אין פלאץ, און זיי זענען היינט שיינע סוקסעספולע אידן אויפן שענסטע פארנעם.

די קעפעלע » זונטאג דעצעמבער 31, 2023 6:24 pm

· #543046

Re: Re:

איך נעם נישט קיין צד אין דעם האקעלע טעמע מיט מיין פריערדיגע תגובה. איך האב נאר געוואלט ארויסברענגען די מציאות וואס עס גייט פאר כסדר און זאכן סעטלע"ן זיך אליינס.

די צד השני אויף דעם איז אז די עלטערן פון א זוהן וואס ווערט יא קאליע פון א צווייטן און ווערט ליידער א דראפאו"ט אויפן נעקסטע לעוועל וואלט זיכער געזאגט אז מען דארף טוהן אלעס אין די וועלט און ארויסווארפן דעם משחית פון ישיבה ער זאל נישט קענען קאליע מאכן אנדערע.

עס איז זייער א סענסעטיווע ענין וואס מען דארף דורכטוהן מיט אחריות'דיגע פראפעשינאל'ס אויף א קעי"ס ביי קעי"ס בעסיס.