א דאנק אייך, טייערע גבאים

ונבנתה העיר

איט וואז ען האנאר טו סערוו מיי קאנטרי.

איך האף אז קיינער האט זיך נישט באליידיגט.

באנטשעס פון הצלחה פאר די נייע גבאים.

עםם, שווער צו גלייבן, דא בין איך מלך בגדוד און מארגן בין איך צוריק א ציווילע בירגער, אויפן זעלבן מעריב באנק ווי חנני זרח שטיגליץ און בערל פרוכטבייסער, ס'דערמאנט מיר פון דער ארטיקל אין דער שטערן ווי א מינוט נאך די וואלן האבן די סיקרעט סערוויס פארלאזט ראמני און זיין זון האט אים געדארפט אהיימדרייוון.
איז האט איינער אפשר דער נומער פון שמחה פעלדער, ס'קען זיין הענדי, ער האט געטוישט די טוירם לימיטס פאר בלומבערג, אפשר קען מען נאך עפעס ארלעדיגן...
ערנסט גערעדט איז עס געווען א געוואלדיגע עקספיריענס און א כבוד (דא ווער איך עמאשענעל), ענדליך געטראפן דעם לאנג געזוכטן הונטער די קוליסן, און יא, סאיז סופרייזירנד (יתחדש, נייע ווארט) וויפיל חכמה און מלאכה עס גייט אריין אנצוהאלטן דעם הויכן ניווא פון שטיבלנו.
טענק יו אלל פאר גיווינג מי דע אפארטוניטי ענד מעי גאד בלעס יו.
(כהאב גוט גערעדט? האלטסט איך בין אריינגעקומען שטארק?)

קיצור המעשה, וואז עי פלעזשער סערווינג מיי קאנטרי, און כ'האף ווער ס'האט זיך געדארפט באליידיגן האט זיך טאקע באליידיגט...

גאר געלונגענע דזשאב, עטס האטס יעצט א גוטע רעזומעי, עפלייטס נאכאמאל

איך באגריס ר' @רויטע וואנצעס - גבאי חודש א'ני ל'דודי ו'דודי ל'י, פארן אריינפירן דעם באבוב אשכול אין צימעס.

הנאה געהאט? ס'האט נישט געקענט זיין קיין גרעסערע זכיה!

כ'וועל ציטירן א שטיקל פון אן אשכול וואס כ'האב געשריבן אין חדר גבאים:

אפטעמיסט

... אבער כ'האב אין וויסטן חלום נישט פאנטאזירט ווי סך קאפ, מח און ארבעט די מנהלים און אחראים לייגן אריין צו האלטן די סטאנדארט הויעך און ריין. כ'האב נישט געגלייבט וויפיל ישוב הדעת פאדערט זיך, און וויפיל צייט נערווען און געדולד מען לייגט אריין נאכצוקומען יעדענ'ס פארלאנגן און בקשות — ווי שטארק מען פרובירט נישט צו מעקן און רעדאגירן, און מיט וויפיל כבוד און רעסעפקט מען באציט זיך צו יעדער ניק — אן קוקן וואספארא אידילאגן און השקפות ער טראגט, און נישט קיין חילוק ווי גוט און לאנג יענער שרייבט דא...

כ'האב נישט וואס צוצולייגן.

די גבאות איז געווען א Honor. ייש"כ פאר די געלעגנהייט. בעיקר ווייל ס'איז געווען א eye opener וויפל כוחות מ'לייגט דא אריין. זייענדיג גבאי האב איך מיר פיל געלערנט וועגן ישרות פון די מנהלים, און אויך ווי אזוי צו האנדלן מיט קרומקייט. קאווע שטיבל איז באמת א פארום וואס האט אן השפעה אויף מענטשנס לעבן, ס'איז נישט קיין שפיל, ס'בויעט אונזער געזעלשאפט, ס'העלפט אונזער שלום בית, און געבט אונז פראקטישע עצות אין חינוך, אחיעזר, ביזנעס און טעכנעלאגיע. דערפאר טוען די מנהלים און גבאים דא דן זיין בכובד ראש על כל דק ודק.

די ארבייט פאר זיך איז נישט אלעמאל געווען גרינג. קללות אין אישי, און טענות ברבים איז נישט עפעס וואס איך בין געוואוינט צו, אבער ס'האט מיר געמאכט וואקסן אין ווי אזוי צו פארשטיין אנדערע מענטשן, און האנדלן מיט זיי.

מי שבירך אבותינו הוא יברך את המנהלים, הגבאים, האחראים, והעקס גבאים, וכל הניקים הנאמנים. צוה לברכם.. נאך א מזל ס'איז בחינם.

איי לאוו יו אלל דעירלי. איך פיל באמת א קשר נפשי מיט אייך אלע. אפשר וועל מיר זיך נאך טרעפן איין טאג איבער א עכטע גלעזל קאווע, געמישט מיט ספלענדא אנשטאט צימעס.

איך וויל אויך נעמען די געלעגנהייט עקסטער צו ווינטשן ידידי היקר אפטעמיסט. אפטעמיסט, האסט געטוהן א מעסיוו זשאב! די מאחורי מפתח איז הערליך! דיין פלייסיגע גבאות סטייל איז צו באוואונדרען. ביסט געווען א אינספערעישן ווי אזוי אנצוגיין מיט'ן גבאות'שאפט.

א כתיבה וחתימה טובה!

פארוואס האט מען דאס מאל נישט באדאנקט דא?
שוין במקום שאין איש, טוט יעדער באדאנקען שעפטל מיט פאפ פאר זייערע געטרייע הילף פאר ק''ש, און מיר האפן איר האט אויך הנאה געהאט!

ישמעאל הכהן

ישמעאל? ביסט משתמש בשרביטו של מלך.. אראפ מיט די גרינע!

און וואס איז מיט לאליפאפ? ער, גענוי ווי שעפטל, האבן שווער געארבעט און געשוויצט למען מוסדותינו הקדושים. ובדין הם שיטלו שכרם.

ישמעאל דערמאנט אויך לאליפאפ, נאר ס'קוקט אויס אז לפי שעה האט ער פארגעסן זיין ערשטע נאמען במחכ"ת

אה נישט באמערקט. סארי.

פישל! שווים נישט אוועק יעצט! יואב מ'מיינט דיר אויך!

חודש הולך וחודש בא, מיין קאדענץ בעולם הגבאות איז געקומען צו אן ענדע בשעה טובה ומוצלחת. קודם וויל איך זאגן א שכח פאר ר' פישעלע, ענק ווייסן נישט וויפיל דער האט אריינגעארבעט דא. איך קען נישט זאגן איך בין ממש געזיצן מיטן פוס אויף ארויף, אבער צו זאגן אז איך בין געווען א מיטארבעטער מיט עמען איז פשוט נישט יושר. כ'האב נישט אריינגעלייגט האלב פון די כוחות וואס דער האט, זיכער נישט אויף דעם טעכנישן פראנט. איך גיי נישט יעצט שפילן דעם דל-גאה געים; כ'האף אז פישל וועט נישט יעצט קומען פראווען עניוות אויף מיין חשבון, ס'וועט אים במילא קנאפ העלפן כי כל מעשיו בספר נכתבים.  (אקעי, פאר סאום-פריקען-ריזען מוזן גבאים זיך טרעפן אריינוואנדערן אין דער קארני זאנע בשעת'ן גיין און קומען. שוין, איר זאלט נישט געפרואווט ווערן. נישט יעדער מ'שטיינס ווייסט וויאזוי אפצוטראגן פון דאנען אזוי בשתיקה.)

באזונדער וויל איך באדאנקען די געטרייע הנהלה פאר'ן מיך געבן די געלעגנהייט צו כאפן א בליק אויף דעם באליבטן שטיבל פון הינטער די קוליסן. די ארבעט וואס ווערט דא אריינגעלייגט איז צו שטוינען. די הנהלה לייגט אריין דמים אחד משמע צו פארזיכערן אז דער דאזיגער פלאץ זאל זיין א בית ועד לחכמים, דאס שטיבל זאל ליטערלי ראקן און ווייטער בלייבן א רואיגער ווינקל פאר דעם היימישן איד צו קענען פארברענגען בחכמה ומדע.

קומט א ניקל, איז נוטה אצבעו אויף דעם באריכט קנעפל בעת ווען אן א צווייטן קלער און חתן דינן איז שוין לאנג אויף זיין טעגליכן מארשרוט איבער א א טוץ זייטלעך ממינים שונים. אויבן אבער אין די העכערע חדרים ווערט א רעש און א טומל. ס'טייטש דאנען שרייט א איד אפיקורסות, אן אנדערער טיילט צימעס, א דריטער זעט סאבאטאזש, א פערטער איז סתם אזוי נישט צופרידן און א פיפטער און זעקסטער וועלכע זענען פארמישט אין א קינדישן שטרייט ווארטן אומגעדולדיג אויפ'ן לעבע ער זאל קומען שליכטן דעם קריזיס. מ'רופט צונויף שרים און משרתים פון אלע ראנגען אויף א דרינגנדער זיצונג שוקל צו זיין די דברים נחוצים העומדים ברומו של עולם – און דאס אלץ ווייל א תגובה'לע דארט אונטן איז מיטאמאל רויט געווארן.( איך רעד יעצט די שפראך פון די מלאכים.)

יא, די זעלבע גרינע און אראנדשע חברה אויף וועמען יחידים גלייכן צו גיסן א קיתון של מים רותחים ווען מ'טוט נישט קארמען זייערע אגענדעס אויף דעם זעלבן פארנעם ס'גלוסט זיי, כאילו עמיצער קומט זיי א פלייאינג שפיץ נעגל פון דעם לינקן פינקי-פינגער. מ'איז דן בכובד ראש מי בניקו ומי בניקותיו, מי בחניקה ומי בהתראה; איזו תגובה לחיים ואיזו למוות, מי באשכול זה ומי בפורום אחר.

הפנים, צו מרבה זיין מיט שבחים אויף דער הנהלה איז נא, וויאזוי גייט נאר יענע פראזע, נו? עפעס יכול, אה, יכלה הזמן והם לא יכלו.

אחרון חביב איז מיר געווען א כבוד צו סערווירן דעם חשוב'ן ציבור, כ'האף אז כ'האב קיינעם נישט פאראורזאכט צער, כ'האב געטאן מיין דזשאב. א כתיבה וחתימה טובה, א פרייליכן חנוכה, א געזונטן חודש און א לעכטיגן תמיד. (נאך עפעס? וואו זענען די ווינטשערס ווען איך ברויך זיי?)

גלייכצייטיג וויל איך באגריסן די נייע גבאים, יהא בואכם לברכה. אם @אנאנים כאן, הכל כאן.

ווען וועלט איז ווען וועלט, וואלט איך געזאגט; ס'האט זיך געלוינט יואב'ס גאנצע גבאי'שאפט בלויז צוליב די איינע תגובה. ווען אוניווערס איז ווען אוניווערס וואלט איך געזאגט; די גאנצע גבאים-פראגראם אויך.

קודאס פאר די הנהלה פארען טוהן די ריכטיגע שריט.

דער אשכול אמן יתומה א מעשה מיט די ויחי יוסף,
איז אוועקגענומען געווארן ביזן קומען צו א באשלוס

א בראָך פאר פרידאם אָף ספּיטש אויף קאווע שטיבל !!! וואס האט מען שוין דארט געשריבן ??
#קאווע־ שטיבל ־אכשר־ דרא־ בתפארתו!

איך פארשטיי דיך נישט ,האסטו נישט אקארשט קאמפלעינט אז יענער אשכול מאכט חוזק פון א גאון וצדיק?

A real smart move

א דאנק פאר'ן געבן דעם כבוד און עהרע פון זיין א חלק אין אזא טייערע חבורה פון גוטע אידן וואס געבן אוועק פון זייער טייערע צייט צו העלפן אנדערע.

דער געדאנק פון אננעמען געווענליכע שרייבער אין אזא גבאות-ראטאציע סיסטעם אין וואס מיר אלע קענען צוזען פון דער נאנט די ארבעט וואס די הנהלה לייגט אריין אין דעם זייטל איז א געוואלדיגער.

בנוסף מוז ארויסגעברענגט ווערן א שטארקער דאנק פאר אלע וואס טוען באריכטן סיי וואס זיי קלערן איז נישט אין איינקלאנג מיט די תקנות המקום וואס איז געמאכט געווארן מיט די גוטהייסונג פון די מעמבערס וואס שרייבן דא און ווילן האבן א רואיג ווינקל וואס מען קען שרייבן מיט א רואיגקייט און נישט זיין אויסגעשטעלט צו פארלירן שעות ארבעט בלויז ווייל מען וויל געפעלן די אולטרא עקסרעמע וכו'. די וואס שרייבן צו א שורה צוויי וואס איז מסביר פארוואס ער האט באריכטעט, טוט באזונדער פארגרינגערן די ארבעט פון די מנהלים, אחראים און גבאים.

מיר האפן און וועלן מאכן זיכער צו זיין און בלייבן דא ביתר שאת און בארייכערן דעם פלאץ כפי משאת הפנאי בעזר ה'.

ביים ענדע פון חודש אדר טוען מיר אויסדרוקן שבח והודאה פאר די גבאי חודש, אונזערע חשוב'ע ידידים @יאיר און @מאטי וואס האבן ארויסגעהאלפען לטובת אונזער שטיבל, און מיט זייער שכל הישר האבן זיי ארויסגעהאלפען אנצוגיין מיט די הייליגע ארבייט.
א גרויסן ישר כח, און מיר האפן אז איר האט הנאה געהאט פון דעם ארבייט פונקט ווי כל קהלא קדישא הדין האט הנאה געהאט פון אייך.

ביים ענדע פון חודש ניסן טוען מיר אויסדרוקן שבח והודאה פאר די גבאי חודש, אונזערע חשוב'ע ידידים @פלאוויוס און @קינד_אן_קייט וואס האבן ארויסגעהאלפען לטובת אונזער שטיבל, און מיט זייער שכל הישר האבן זיי ארויסגעהאלפען אנצוגיין מיט די הייליגע ארבייט.
א גרויסן ישר כח, און מיר האפן אז איר האט הנאה געהאט פון דעם ארבייט פונקט ווי כל קהלא קדישא הדין האט הנאה געהאט פון אייך.

סארווירער

ביים ענדע פון חודש אדר טוען מיר אויסדרוקן שבח והודאה פאר די גבאי חודש.

טשי דו האסט געהאט צוויי פורים'ס די יאר? זשעלעס !! 😈

ישמעאל, הער אויף מאכן פורים!

קינד און קייט
מיין נישט אז אינז האבן פארגעסן וואס די האסט אינז אנגעמאכט דעם חודש מיטן גנדי סומטאכע....
אונז העמיר דיר דאס נישט אזוי שנעל מוחל זיין....

כמלואות הימים, וויל איך דא באדאנקען די מנהלים פאר די געלעגנהייט צו ערפילן דעם אמט פון גבאי החודש, ס׳איז מיר געווען אן עהרע צו קענען באדינען דעם שטיבל און אירע געברויכן, מלכתחילה האב כ׳מורא געהאט זיך אונטערצונעמען דעם תפקיד מיט׳ן אויסרייד אז כ׳האב נישט גענוג צייט, למעשה האט זיך ארויסגעשטעלט אז ״מיט׳ן עסן קומט דאס אפעטיט״, ס׳האט זיך שוין געשאפן צייט, און ״די פלעזשור וואז אלל מיין״.

ווי פריערדיגע האבן שוין ערווענט, שאפט זיך אן אינטערעסאנטער בילד פון אונטער די קוליסן. אויב דאכט זיך עמיצין אז ס׳הערשט דא א 'רעזשים׳, זייט וויסן אז קאווע שטיבל רעפרעזענטירט כמעט א שלימות׳דיגער דעמאקראטיע, @אנאנים וסיעתו זענען סופער סענסעטיוו און מ׳פרובירט און מ׳ווענדט אן כל טצדקי בכדי זיך מונע צו זיין פון אריין שטעקן די נאז עד כמה שאפשר. דער פועל יוצא איז, אז דער שטיבעל פירט זיך מערסטענס פון זיך אליין, דאס רעדל דרייט זיך בעיקר בלויז דורך די חברי השטיבעל און אירע אקטיווע מעמבער׳ס.

ס׳איז געווען א חודש אשר מאורעות בו מקיפות, מיט רייכע הוספות הן בכמות (נייע געלונגענע מעמבער׳ס) והן באיכות (תוכן און ארטיקלן), ועל כולן די רעוואלאציאנערישע ״פה-סח״ אויסגאבע וואס @כוכב וחבורתו האבן באוויזן אהער צושטעלן לכבוד פסח, לתפארת השטיבעל ולומדי׳.

אין לויף פונעם חודש איז מיר אויסגעקומען זיך צו באקענען אביסל נאענטער מיט עטליכע חברים דא, כ׳האב מיר איינגעקויפט אפאר גוטע ידידים (און פילייכט אויך עטליכע שונאים...), והיה זה שכרי.

כ׳האב געפונען א געשמאקע חברותא (און א שיעור אין ייטב לב 😂) אין @אסף המזכיר, לבי לבי אויף די חצים ובליסטראות וואס ער האט נעבאך איינגענומען צוליב מיר. בחדא מחתא וויל איך אויך איבערבעטן ברבים די ראשי המנהלים פאר די עגמ״נ וואס כ׳האב זיי פאראורזאכט אלץ רעזולטאט פון די #גנדי סאמוטאכע, ס׳קומט זיך זיי קרעדיט, סיי פאר׳ן כאפן דעם וויץ, און סיי פאר׳ן עס ״כאפן באצייטענס״, ואתכם הסליחה.

א ספעציעלן דאנק פאר מיין קאלעגע גבאי @פלאוויוס, דיין געמאסטנקייט און שכל הישר איז ראוי להערכה, נעמת לי מאוד.

צום שלוס וויל איך באדאנקען כל חברי השטיבעל, ס׳איז ענקערע ביישטייערונגען וואס דערהייבט דעם ניווא פון שטיבל למעלה למעלה, און פארשטייט זיך א ייש״כ פאר די נייע אויסדערוועלטע גבאים פאר׳ן איבערנעמען די לייצעס (בזכותכם, קען כ׳שוין ענדליך דרימלען מיט א רואיגקייט, אן זעהן כסדר דעם אות משולשת ווען כ׳פארמאך די אויגן...).

בברכת ברכה והצלחה וסייעתא מן שמיא, לנו ולכל בית ישראל.

צוקער זיס, קינד_מיינס...

@קינד_אן_קייט אז א לאנגע דרשה האסטו נאכנישט געגעבן זייט דו ביזט געווארן גבאי כה לחי

זייער עלעקוואנט געשריבן.

זייער שיין... אבער וויסן זאלסטו אז מיין דאקטאר זעהט נאך אין מיר אלץ די נאכוויי פון אפריל וויץ.
מ'דארף אכטונג געבן, ס'דרייען זיך דא עלטערע אידן וואס מאכן שוין באלד בר מצוה.

כוכב

זייער עלעקוואנט געשריבן.

א לייק פאר וואקאבולארי.

קינד_אן_קייט, כ'האף אז דו האסט מיך אינזין געהאט מיט דער שיינער דרשה, ווייל כ'האב נישט קיין צייט פאר אזא לאנגס. דו האסט א הערליכן פעדער וואס איז א מחיה צו ליינען, און דיין חוש פון הומאר איז אויך נישט אוועקצומאכן.

ס'איז מיר באמת געווען א פארגעניגן צו ארבעטן מיט אזא קלוגן און געשמאקן שותף. כ'האף אז מיר וועלן נאך האבן געלעגנהייטן אין דער צוקונפט צו דינען דעם שטיבל אינאיינעם.

קאווע טרינקער

זייער שיין... אבער וויסן זאלסטו אז מיין דאקטאר זעהט נאך אין מיר אלץ די נאכוויי פון אפריל וויץ.
מ'דארף אכטונג געבן, ס'דרייען זיך דא עלטערע אידן וואס מאכן שוין באלד בר מצוה.

קאווע טרינקער: נו, פיהר אויס...די אור אייניקלעך. (לויט ביידע פשטים...) פשט א' כפשוטו די אור אייניקלעך: פשט ב'... איהרע אייניקלעך... 😂

ביים ענדע פון חודש אייר טוען מיר אויסדרוקן שבח והודאה פאר די גבאי חודש, אונזערע חשוב'ע ידידים @פליקער און @שמערל וואס האבן באזונדער שטארק ארויסגעהאלפען לטובת אונזער שטיבל, און מיט זייער שכל הישר האבן זיי ארויסגעהאלפען אנצוגיין מיט די הייליגע ארבייט.
א גרויסן ישר כח, און מיר האפן אז איר האט הנאה געהאט פון דעם ארבייט פונקט ווי כל קהלא קדישא הדין האט הנאה געהאט פון אייך.

ביים ענדע פון חודש סיון טוען מיר אויסדרוקן הכרת הטוב פאר די גבאי חודש, אונזערע חשוב'ע ידידים @כוכב און @ונבנתה העיר וואס האבן אריינגעלייגט אסאך כוחות לטובת אונזער שטיבל, און מיט זייער שכל הישר האבן זיי ארויסגעהאלפען די חשוב'ע חברים.
א גרויסן ישר כח, און מיר האפן אז איר האט הנאה געהאט פון דעם ארבייט פונקט ווי כל קהלא קדישא הדין האט הנאה געהאט פון אייך.

ביז יעצט האב איך נישט געוואלט עפענען ברבים מיינע געדאנקען אויס מורא נישט קאליע צי מאכן אבער יעצט אז די חודש איז פאריבער,
איך ווייס נישט צי עס איז נאר א דומיון אבער פאר מיר עכ״פ האט אויסגעזען ווי די גבאי @כוכב איז געבליבן מיט א מעקער וואס לאזט נאך זיך א סימן פין בליי..
איך בין זיכער אז ער האט אסאך געטראכט פארן מעקען אבער איינמאל סאיז געווען די החלטה צי מעקען - יאלה ער האט נישט געגעבן קיין ש** אין געטין וואס ער האט געדארפט צי טין.

פאר מיר איז עס געווען א מוסר השכל, די עיקר איז נישט וויפל מען מעקט (פארשטייט זיך מיט א גבול) סאיז ״ווי אזוי מען טיט עס״ מיט וואס פאר א אופן מען גייט צי דערצו אז יענער זאל זיך נישט פילן געטראפן..

ער האט שוין נישט געהאט וואס...

יא. את חטאי אני מזכיר היום, ער האט מיך רעדאגירט (נישט געמעקט) ווייל כ'האב נישט צוגעלייגט קיין "הרב" אויף איינער פון די גדולים אין די לעצטע דור. ודו"ק
ווען ער איז גערעכט איז ער גערעכט.

ביים ענדע פון חודש תמוז טוען מיר אויסדרוקן הכרת הטוב פאר די גבאי חודש, אונזערע חשוב'ע ידידים @רויטע וואנצעס און @אפטעמיסט וואס האבן ווידעראמאל אריינגעלייגט אסאך כוחות לטובת אונזער שטיבל, און מיט זייער שכל הישר און גוטמוטיגקייט באוויזן ארויסצוהעלפען די חשוב'ע חברים.
מיר האפן אז איר האט הנאה געהאט פון דעם ארבייט פונקט ווי כל קהלא קדישא הדין האט הנאה געהאט פון אייך.

לאמיר דאנקן גאט, אז דער מלכות אדום האדומי איז פאראיבער, אן קיין שווערע שאדן פאר כלל ישראל.

וואס פאלט דיר ביי אז אן קיין שאדן

אה.. יעצט קענסט דיך נוקם זיין.

ווארט נאר ווארט