אשכול אן א טיטל #6866

מזל טוב
@כוכב
@ונבנתה העיר

גם אני מסכים!

הע, די רבי אליין איז געווארן גבאי...
מזל טוב ונבנתה און כוכב.

וואו מיין סטראפ? מיין שטעקן מיט עלעקטריק טעיפ? קיינער באקומט נישט נאך פאנטש און אן א באדי קען מען נישט אריין אין פול.
#דער לעצטער כאפט א שמוץ
#כהאב אלץ געוויסט אז מיין הידן טעללענט איז זיין א באס רבי.

ווערט מיר גוט כוכב...
איך קוק נאר ביי דיין פראפייל זעה איך די שטערנס...

מזל טוב, @כוכב און @ונבנתה העיר!
כל העולה לגדולה, מוחלין לו כל עונותיו.

ביטע פארגעסט נישט ווייטער מהנה זיין דעם עוילם כיד ה' הטובה אין צוגאב צו אייער גבאות.

ווען רעיגען איז געווארן פרעזידענט און האט געקריגן דעם רעפארט וויפיל נוקלעארע וואפן אמעריקא פארמאגט איז אים שלעכט געווארן. דאס האט עווענטועל געפירט צו אן אפמאך מיט רוסלאנד צו מינימיזירן די וואפן געיעג.
כבין קוים געווארן גבאי, און איך דארף שוין טיילענאל...

אההה, אזויפיהל כבוד אין די ניין טעג... ווי זאגט יענער, תיסרך רעתך...

כה לחי!

כ׳האלט אבער גראדע, אז נעמען אזעלכע בני עלי׳ און זיי פארוואנדלן אין פשוט׳ע טעכנישע ארבעטארער איז א פארשווענדעניש פון זייער טאלאנט, ליבערשט וואלט אפשר געווען א געדאנק ממנה צו זיין יעדן חודש (אדער וואך) עטליכע חברים וואס זייער ציל זאל זיין צו פארבעסערן מבחינת איכות אונזער שטיבל דא, להרים דגלה על נס ולראות בבנינה ותפארתה.

מען קען עס מעגליך צוזאמשמעלצן מיט׳ן תפקיד פון גבאי אדער עס האלטן באזונדער.

אקעי, איך זעה @ונבנתה העיר ארבעט אריין פעסט, איך ווארט שוין צו זעהן @כוכב'ס פינגער-אפדריקן.

איי די חברה טיילן מכות... זייערע פינגער אפדריקן גייען בלייבן לעלמי עד...

גייטס אן קינדערליך, יו אר דואינג גוד

חשוב׳ער מנהל ירום הודו,

כ׳האב זיך אפשר שלעכט אויסגעדרוקט (בפשטות) און זיכער נישט געמיינט צו מינערן די וויכטיגקייט פונעם נייעם סיסטעם אדער ח״ו דעם כבוד פון די נייע ממונים, פארקערט, איך שפיר אז די איבערגעגעבענע אחראים דא פארדינען מיט רעכט הכרת הטוב און ס׳איז קלאר אז אן ביישטייערנדיגע הילף תכבד העבודה ויעמדו העם על משה מן הבקר ועד ערב, און טאקע כרדיית הפת ותקיעת שופר פארלאנגט זיך אז די עוזרים בקודש זאלן זיין חכמים ונבונים וואס קענען דעם פינפטן שלחן ערוך און פארשטייען צו לייענען אויך צווישן די שורות און ווייסן וויאזוי צו שפאצירן צווישן די טראפן.

וכיהודה ועוד וויל איך ווידערהאלטן אז צום ערשטן חודש האט זיך עס טאקע אנגעהויבן מיט׳ן רעכטן פוס און די אויסדערוועלטע זענען אנשי חיל, אנשי אמת, ובעיקר, שונאי בצע… כי לו נאה כי לו יאה, גאר איינשטענדיגע און שכל׳דיגע מעמבער׳ס וואס עכ״פ פאר מיר פערזענליך דא זענען זיי פון די עמודי התוך פונעם שטיבל, און כ׳וויל זיי בלויז ווינטשען נחת לרוב און ברכה והצלחה אין זייער אונטערנעמונג.

מיין פארשלאג ווידער, האט בעצם טאקע נישט קיין שייכות צום נייעם ארדענונג און באציעט זיך מער צום תוכן פונעם שטיבל, און אנדערש ווי דעם ניי ערוויילטן לייזונג וואס איז בעיקר אין פלאץ צו האלטן אלעס אין די ראמען און אויספוצען ווי נאר עס פארלאנגט זיך פארבעסערונגען, איז דאס מער געוואנדן אינעם ריכטונג פון איינשפאנען געלונגענע מעמבער׳ס (דוגמת די פרישע ערוועלטע גבאים) וואס זאלן זיך אפגעבן מיט שרייבן מער איכות׳דיגע ארטיקלען צו פארשענערן אונזער שטיבל און איר האלטן אינטערעסאנט.

ס׳איז אפשר דא נישט דאס פלאץ עס אויסצושמועסן, ועוד חזון למועד.

איך מוז באגריסן מיין קאלעגע גבאי ונבנתה העיר, אין די לעצטע פיר און צוואנציג שעה אין דער צייט וואס איך האב מיך קוים עספיעט זיך צו באקוועם מאכן אויפן גבאות פאטעל און ענזוישען די שטערנדלעך, האט ער שוין אויפגעטון גדולות ונצורות.
טייערע חברים, קעלנער האט געמאכט אן אייזערנעם אויסוואל, ער איז באשאנקען מיט א שארפן עין ביקורות, מערקט אין בליץ סעקונדן דברים הצריכים תיקון, און אלעס בהשכל ובדעת כחזקת ת'ח שאין יוצא מתחת ידו דבר שאינו מתוקן, ויותר ממה שקריתי כתוב כאן.
א שאד עס עקספייערט זיין פאסטן נאך א חודש, אן עבירה אים ארויס צו לאזן פון דער האנט.

הממ דער איז שנעל געקומען צום טעם...

בין איך אפשר א פיש?! מיין הארץ קלאפט און פאמפט! אה, ניין, ס'איז חודש אלול, ווער ציטערט נישט.

זעהט אויס מיינע טרערן פון יארן צוריק זענען נתקבל געווארן. איך האב קיינמאל נישט געהאט די זכיה צו זיין די גבאי בחור און ישיבה. קיין שום אידישע תפילה ווערט נישט פארפאלן.

רבותי, קודם א דאנק פאר @ונבנתה העיר מיט @כוכב אויף א געוואלדיגע ארבייט. כ'האב נישט געגלייבט, אבער ס'ליגט דא אסאך מער ארבייט ווי מ'מיינט. ס'איז מיר א כבוד צו העלפן האלטן ק"ש ווייטער אנגיין אויף איר הויכע ניווא. איך האף אז איך וועל זיין מיט יעדעם בצדק וביושר.

איך וויל אויך נעמען די געלעגנהייט צו באגריסן אונזער חשובע חבר @אפטעמיסט. אפטעמיסט ס'איז מיר א כבוד צו ארבייטן מיט דיר, אבער פליז שטופ מיר נישט, ס'דא גענוג פלאץ ביי די בימה.

@רויטע וואנצעס און @אפטעמיסט קודם קאנגרעטעלעישאנס, און איך וואונטש ענק גאר אסאך הצלחה, כ'ווייס אז ס'איז נישט גרינג, אבער וועמענס לעבן איז יא?

סיי ווי אזוי, וויל איך ענק איינמעלדן, אז די דיעל וואס איך האב געהאט מיט @כוכב און @ונבנתה העיר גייט געהעריג אריבער, על פי חוקי התורה ולהבדיל המדינה, בלי שום טענה ומענה, כל זה נעשה בקנין גמור, ולא יפסל לא בחסיר ויתיר, ולא במחק וטשטוש.

עניוועיס, לאמיך זעהן וואס עטס קענטס...

דו ווילסט טאקע זעהן וואס איך קען? כ'גלייב אז נישט...

א שאלה צו איך וויל? לאמיך שוין זעהן דו צולייגער (איז דאס א פרעזענדליכע אטאקע...??)

איי לאוו די טשאלענדזש...

מאטי און ראשעשיבע, עטס גייטס אריין אין גרויסע שיך!

אוי,עס קומט א שווערע חודש פאר די קנאים! . . . . . .
Just kidding,
מזל טוב @מאטי און @ראש הישיבה

מזל טוב ביידע. תשרי איז יעדער פארנומען וועט אויך זיין אביסל גרינגער

Wow

סאיז מיר א כבוד איך בין אמאל געווען גבאי.
טשיקאווע צו זעען צוויי פילאזאפן מיט הענטשוך און א שירצל.

א געוואלדיגע איינפאל אז די צוויי גאונים זאלן מער מרקד זיין בינינו.

דאס בין איך לאליפאפ, גרייט פאר יעדן נאן סטאפ!

יו בין איך עמאושענעל!!!

נא לא איש אנוכי, ווי האט יענער נאר געזאגט, ער איז נישט קיין מענטש, קיינמאל נישט געווען קיין מענטש און וועט קיינמאל נישט זיין קיין מענטש! (ווי האלט איך נאר?? יא יא!) וואס זיכט כבוד, אבער ס'איז די סדר צו זאגן אז רבו עלי חבירי, נאכצוקומען די פאלאנג פון די מנהלי המקום קדוש הלזו בין איך נעתר געווארן לבקשתיהם און אנגענומען דאס גבאי קודש פאסטן.

הערץ מיך אבער אויס מורי ורבותי אחי וריעי! איך האב נישט קיין צייט צו קיין שטותים, דא וועט זיין לאו און ארדער! דא ביהעיווט מען אדער וועל איך מיך ארוממיטשענען דא, וואס ווילט עטס פון אנאלטער איד? הרי אנו כמיליאן דאלער און לאזט מיך רואיג.

אלרייט חברה חברה, מ'האמער דא געהאט @כוכב און @ונבנתה העיר אלס ראש וראשונים, @אפטעמיסט און @רויטע וואנצעס אלס שני לוואטעווער, און @מאטי און @ראש הישיבה אלס שלישי בקודש... די פוסקים שלאגן זיך ארום צו מ'קען ווערן א רביעי... דא וועט מען מוזן אננעמען אז יא.. ווייסטעוואס? עטס וועטס מיר זאגן...

עניוועיס, איך וויל דא באגריסן מיין נייע שותף @לאליפאפ, און באדאנקן פון פראנויס אויף זיין צוזאג אז כל הדבר הקשים גייט זיין זיין דעפארטמענט... אינדזשוי איט און ווארף מיר א ביינדל פון צייט צו צייט.

געגאנגן!

יואש איך ציטער כ'האב געהאט נעכטן א קליינע איזעי מיט לאלי.

איך אויך

יואש איך ציטער כ'האב געהאט נעכטן א קליינע איזעי מיט לאלי.

לאלי מאכט נישט קיין אישו.. בכלל איז ביי קאווע שטיבל נישט מעגליך אריינצושטופן פריוואטע נגיעות ווען מ'איז אויפן דזשאב.

אבער ביי אונז איז דאס אפילו נישט קיין רעדע. מיט יעדן אויף א גראדע פעידזש.

This initiative has brought leadership, and higher quality content to this forum.

די ראטאציע פראגראם איז א סוקסעס העכער אלע ערווארטונגען, און דאס וואס מאנכע האבן געטענהט, מ'זאל שטעלן גבאים צום שרייבן, עס ארבעט אויטאמאטיש, דער ראש ישיבה האט געשריבן אפשר צען ארטיקלען במשך זיין גבאות, אזוי אויך אלע אנדערע גבאים האבן ב'ה פיל בייגעשטייערט צום שטיבל.

עס איז א כבוד און א טשאלענדזש צו דינען דעם חשוב'ע עולם אלץ גבאי חודש. יהי נועם ד"א במעשה ידינו, ומעשי ידינו כוננה עלינו. ונמצא חן ושכל טוב בעיני אלקים ואדם.

מיטן שטעלן פישעלע אלס גבאי אפשר וועלן מיר דעם חודש זוכה זיין צו חנוכה קאווע בלעטער
איינער געדענקט נאך?

פישעלע אז די ביסט שוין דא, זיי דא אינגאנצן
חדש ימינו כקדם

פלעין יודיש

פישעלע אז די ביסט שוין דא, זיי דא אינגאנצן
חדש ימינו כקדם

אויפגעבן דער דזשאב? ארויסמופען פון די היים פאר א חודש (חנוכה פארטי'ס מאכט עס אביסל פראבלעמאטיש 🙄 )? וואס מיינט "אינגאנצן"?

קאווע שטיבל ברויך זיין א מקום ווי עס איז רואיג, אביסעלע נייעס, אביסעלע קריטיק, אביסעלע בויכוויי, דא און דארט פאלט מען אריין דורכ'ן טאג. מען שרייבט עפעס, מען ליינט עפעס, און צוריק צום לעבן. עס טאר נישט ווערן ביי קיינעם א "אינגאנצען דא". איינער וואס ווערט אדיקטעד צו קאווע שטיבל אויף גענוג ווייט אז עס נעמט איהם איבער זיין לעבן, ברויך קריטיש וויכטיג זעהן א פסיכיאטער, ווייל סונער אר לעיטער וועט זיין לעבן גיין אגאנג.

דאס בין איך יואב, ס'איז מיך א כבוד צו באדינען דעם עולם. כ'האף אז כ'וועל פאר קיינעם נישט דארפן שאפן צער און עגמת נפש, און איך האף אז כ'וועל נישט ברויכן זיין אזא איינער וואס וועט באשולדיגט ווערן אין האבן מתיר געווען דאס וואס איז אסור און גע'אסר'ט דאס וואס איז מותר. מיין ציל איז אך ורק צו הייבן דעם ניווא פון אונזער קהילה, און ביישטייערן צו דער פארבעסערונג פון דעם זייטל. איך וויל, און איך גיי בל"נ לייגן א באזונדערן דגוש אויף די תורה ודעת פארומען זיי זאלן נישט סובל זיין אזופיל הבלים, אומערוואקסענע אטאקעס און סתם דברים שלא מן הענין וועלכע געהערן אין בעסטן פאל אין צימעס אדער שמייכל. אויב עמיצער באמערקט אזא אנשטויס און איך בין נישט דארט, זאל נישט האזאטירן מיך צו אישי'ן, איך וועל בעזר ה' פראבירן זען וואס איך קאן טאן.

גלייכצייטיג וויל איך באגריסן מיין קא-ווארקער ערעב פישלען – אם פישל כאן הכל כאן. ויהי רצון שלא יצא מכשול מתחת ידינו.

All the best.

איבערגעגעבן אין גוטע הענט... (א ברירה האב איך געהאט???)

שעפטל ,אויב די מסירה איז נישט געווען מרצונך הוק דיך אן מיט הרב ירא שמים ער קען נאך אפשר ראטעווען די מצב.

זיך גענוג געמיטשעט... ס'ליגט אין בעסערע הענט יעצט

ווען מיר האבן איבערגעשמועסט דעם תפקיד פון ווערן גבאי און צוהעלפן אזא טייער פלאץ ווי עס איז "קאווע שטיבל" האבן מיר עס אנגעבליקט אלס אן עהרנפולער דזשאב וואס איז א כבוד צו דינען אין דער אמט. יעצט אנטוענדיג די גבאות קליידער האט א ציטער און יראת הכבוד מיר איבערגענומען.

דערזעענדיג ווער עס איז מיין שותף אין דער ארבעט, נישט קיין צווייטער ווי דער גאר רעספעקטפולער "ראובן", דער וואס האט מיינע ידיעות דערקוויקט און בארייכערט אויף ריזיגע נומערן, איז דער ציטער געמישט געווארן מיט פרייד אז מיר זיצן נעבן אזא אדם גדול.

מיר האפן צו ערפילען בשלימות דאס וואס מיר האבן אנגענומען און ערנסט אויספירן דער שליחות צו אלעמענס צופרידנהייט.

אי מלכא אנא - עד האידנא אמאי לא אתית לגבאי? (גיטין נ''ו א')

פאלט מיר איין א חקירה, וויאזוי מאכט די הנהלה זיכער אז די צוויי גבאים זענען טאקע צוויי אנדערע מענטשען?
כ'רעד נישט ספעציפיש, סתם בכללות.

לעיקוואד

פאלט מיר איין א חקירה, וויאזוי מאכט די הנהלה זיכער אז די צוויי גבאים זענען טאקע צוויי אנדערע מענטשען?
כ'רעד נישט ספעציפיש, סתם בכללות.

די הנהלה ווייסט דורך די איי פי אדרעס.

הוא קעירס אויב ס'איז דער זעלבער מענטש, ווילאנג די ארבעט ווערט געטון.

און ביי דע וועי, לעיקוואד, דעס איז א פשוט'ע שאלה, נישט קיין "חקירה" 😉

דיזע חודש אויסוויילן זענען סורפרייזענד משני הצדדים ,מצד אחד איז טאקע נישט צו פארשטיין ווי אזא חשובע ניק ווי ראובן באקומט ערשט יעצט דאס בענקל ומצד שני דער אנדערער בן בלי שם איז אויך א סורפרייז (אחוץ אויב ער איז פשוט איינע פון די הוקט אפ חברה'ס צווייטע ניק).

זאלן זיי ביידע האבען מוטשאס הצלחה.

איך אויך

דיזע חודש אויסוויילן זענען סורפרייזענד משני הצדדים ,מצד אחד איז טאקע נישט צו פארשטיין ווי אזא חשובע ניק ווי ראובן באקומט ערשט יעצט דאס בענקל ומצד שני דער אנדערער בן בלי שם איז אויך א סורפרייז (אחוץ אויב ער איז פשוט איינע פון די הוקט אפ חברה'ס צווייטע ניק).

זאלן זיי ביידע האבען מוטשאס הצלחה.

בקיצור, אז מ'עוורעדזשד אויס ביידע אויסוואלן הערט זיך דאס יא ווי א נארמאלער אויסוואל.

גבאי הולך וגבאי בא והשטיבל במקומו עומדת....
געוואלדיג די אייגענארטיגקייט פון די מנהל מיט די חודש'ליכע גבאים... א נאבעלע ארבייט!
יש"כ
שלמה מלך ישראל

ווער סע מיינט אז סיז מער אזא כבוד זאך האט א טעות. די גבאים קענען דערציילען (נאך די חודש) אז סיז נישט אלץ אזוי גרינג. א סאך מאל מיז מען גיין צווישען טראפען אז יעדער זאל זיין צופרידען.

בציקער, סיז נישט א טייטעל וואס מע געט פאר די מער חשובע שרייבער. סיז א ארבעט. און סיז א ריזיגע העלפ פאר אונזערע פלאץ דא. א גרויסע ישר כח פאר אלע גבאים פון פריער און פון יעצט.