יידלפרעזידענט אבאמא ביים פארדאנען די טורקיס (א יערליכע טענקסגיווינג ריטואעל) מאכט חוזק "once again Nate Silver nailed it".
שטעלט זיך נאכאמאל ארויס אז מען קען זיך נישט קריגן מיט קיין נומבערס! פאר די וואלן האבן רוב רובם פונעם עולם דא געהאלטן אז ראמני גייט עס מאכן. איי די פאולס זאגן אנדערש? נע, אלע פאולסטערס זענען ליבעראלס, והא ראיה, זיי זאגן אז מער דעמעקראטן ווי רעפאבליקאנער גייען ארויס קומען וואטן. נעיט סילווער? אויך מיר א ווייסער, ער זאגט אז אבאמא גייט עס מאכן מיט פינף אין אכטציג פארצענט, (ווער ס'קען אביסל פראבעבילעטיס פארשטייט ווי נעריש ס'איז אזוי אפצוטייטשן זיינע ווערטער). מ'האט געחלומט אין גרויסן, אבער דער מציאות האט אנדערש געוויזן, רוב פאולס זענען געווען גערעכט, און די וואס נישט, זענען געווען גענויגט צו די רעפאבליקאנער!
איך קום דא נישט זאגן קיין מוסר, און איך פארשטיי דעם עולם. נאך אלעם האבן ראמני'ס נאנטע געהילפן אויך אזוי געהאלטן, קאראל ראוו האט נאך 11:15 די נאכט פון די וואלן נישט געקענט גלייבן אז ראמני האט פארלוירן!
אבער ס'איז צייט אז דער עולם דא זאל זיך לערנען. רצוניות און מציאות זענען צוויי באזונדערע זאכן. מעגסט עפעס וועלן, אבער גיב אבאכט ס'זאל נישט פארדרייען דיין שכל הישר.
