א טויזענט מאל יישר כח!

די טויזענסטע הודעה... וואס מיינט עס? ווער זאגט ס'איז וויכטיג צוצולייגן מער קאפ ווי געווענדליך? ווייל מה יאמרו הבריות - דאס שרייבט ער פאר די איינמאל אין לעבן היסטארישע געשהעניש?

ביי מיר איז די טויזענסטע הודעה נישט א צייט צו שרייבן עפעס ווער ווייסט וואס, איטס נאט עבאט מי, איטס עבאט יו. ביי מיר איז עס נאר א געלעגנהייט צו זאגן: א טויזנט מאל...

יישר כח.

טייערע מנהלים און גבאים:

איר האט מיר געגעבן די געלענגהייט צו האבן חברים שאין כדוגמתם.
שארפן די פעדער און שפראך נאך יארן זיין טינטלאז.
באקומען ידיעות, הילף, און חיזוק, און אוודאי אויך געבן.
טרעפן מיין אמת'ע זיך אן פעיקען.
זיך לערנען פון ניקים ווי אזוי מען רעספעקט א צווייטן.

טייערע חבירים/ניקים כל אחד בשמו הטוב יבורך...

איי לאוו יו אלל, איר זענט מיין וואורטואלע משפחה.
אזויפיל חכמה, טאלאנט, הומאר, מידות, תורה, השקפה, ידענות, און הדרכה.
אזויפיל חסד, ווען מ'פרעגט עפעס, ביז 5 מינוט איז דא תשובה.

WOW! YOU ALL ROCK!!!

אונז זעמער טאקע אלע אינטער די זעלבע שווארצע רעקלעך מיט האמבורגער, שטאפן, הויכע, פלאכע, טיפע, שיפע, ווינע, באנאנא היטן. אבער אונזערע מהות איז אזוי אנדערש און קאלירפול. אויפן חושן האט יעדע שבט געהאט א שטיין פון אן אנדערע קאליר. יש לומר צו ווייזן ווי קאלירפול און אנדערש יעדע איד איז פונעם צווייטן, און צו לערנען פון דעם ווי טאלערענט מיר זאלן זיין איינעם פון צווייטן.

ק'אווע שטיבל שמה – הפוך דכולא בה
א'ל חברים יקרים צמודים – דבריכם מתוקים
ו'נתנו איש לאיש בשמחה – מנות אין קצבה
ו'יתן כ"א תודה לגבאים – ששמים לילות כימים
ע'ל זה אני מודה – על העבר העתיד וההוה

ש'נזכה כולנו יחד בחבריא – למשוך בסברא ודעה
ט'בין ותקלין תורה ומדע – להתענג בשתיית הקאווע
י'סוד ועיקר שטיבלינו - בל ישכח, הוא קבלת השני
ב'שורות אלו אסיים בברכה – לכל הניקים רוב הצלחה
ל'המשיך בנועם שיחתינו – אל תאמר דיינו.

מזל טוב מורינו ר' וואנצעס! אל תסתכל בוואנצעס אלא במה שיש בו! איר האט א הערליך זיסן פעדער! קיפ אפ וויט יאר ווארק, מיר דערקוויקן זיך!

פון ווען רויטע וואנצעס האט אנגעהויבן דא שרייבן און מיט דע צייט געווארן באליבט ביי יעדן זעט מען א איבערפלוס פון קאנפידענס ביי רויט האריגע מענטשן אימעטום! 😂

קיפעט אפ!

מזל טוב וואנצעס, יו אר דע מאדעל!

ר'ויטע ו'ואנצעס, י'עדן ט'והט ע'ר ו'וייזן ו'וי א'זוי נ'ארישע צ'ימעס ע'סער ס'אקן... זיי מיר מוחל אויפן אויסדרוק, כ'בין משועבד צו א ר"ת...

ווען נישט וואלט איך אודאי געשריבן צימעס 'פרעסער'...

משה געציל

איך געדענק מיינע ערשטע פאר וואכן דא ווען יעדע מאל א ניק האט מיר עפעס געזאגט, האב איך געמיינט אז איך האב בייפאלער דיסארדער. מיינע מודס האבן זיך געריקט לויט וואס מ'האט מיר גענטפערט אויף מיינס א הודעה. ברם זכרתי @משה געציל לטובה, א ניק וואס האט מיך תיכף מקרב געווען מיט לייקס אין יענע שווארצע טעג. זיין קאנסטראקטעוו קריטיק (כלשונו הזהב) האט אויך אסאך געהאלפן.

רויטע וואנצעס, כאן המקום להודות, קאווע שטיבל האט פריש אויפגעלעבט פון ווען דו ביסט אריינגעקומען!
קע"ה רייכע תגובות, מלא ידיעות און נאלעדזש, שיינע ווערטלעך, א געזונטער סענס אויף הומאר, ועל כולם דיינע הערליכע פאעזיעס (א שטייגער ווי די ליל קישקע, יעדע שורה איז שפתים קישאק), ממש א ברכה צו מאכן אויף יעדע תגובה.
כה לחי! און מיר אלע זאגן דיר צוריק: טויזענט מאל יישר כח פאר דיר פארן אונז אזוי מהנה זיין.

רויטע וואנצעס א גרוין ישר כוח א געוואלד האסטו צוגעלייגט צו שטיבל הקדוש.

שמעקעדיג

רויטע וואנצעס, כאן המקום להודות, קאווע שטיבל האט פריש אויפגעלעבט פון ווען דו ביסט אריינגעקומען!
קע"ה רייכע תגובות, מלא ידיעות און נאלעדזש, שיינע ווערטלעך, א געזונטער סענס אויף הומאר, ועל כולם דיינע הערליכע פאעזיעס (א שטייגער ווי די ליל קישקע, יעדע שורה איז שפתים קישאק), ממש א ברכה צו מאכן אויף יעדע תגובה.
כה לחי! און מיר אלע זאגן דיר צוריק: טויזענט מאל יישר כח פאר דיר פארן אונז אזוי מהנה זיין.

גם אני מצטרף, שוין זייער אסאך הנאה געהאט פון רויטע וואנצעס, א גרויסן יישר כח!

וואס זאל איך זאגען דער @רויטע וואנצעס איז פיינע נייעס אויף אלע פראנטן, איך גיי רעדען פון איין שטארקע נקודה זיינע = מידות!
פארשעמט נישט קיינעם, רייסט נישט אראפ א צווייטען!

איך מיין אז איז שוין צייט צו טוישען פון ״גיי גרין״ "go green" צו "גיי רויט״ "go red"

אמאל איז נאר מיין וואנצעס געווען רויט, היינט אבער איז מיין פנים אויך רויט פון בלאשען פון די שיינע קאמפלימענטען. א דאנק אייך אלע פאר די חיזוק! איי לאוו יו מיי וואורטואלע בראדערס!