טורבאן vs בענדענע

עס איז שוין א שטיק צייט וואס איך מוטשע מיך ארום מיט די נושא איך פרוביר עס אויסצופיגערן אפשר מיט די הילף פונעם ציבור וועל איך מיט עפעס ארויסקומען כאטשיק נישט אויף צו ווערן מער צומישט לעצטענס אפשר נישט ממש לעצטענס האט זיך אריינגעריקט ביי די היימישער עולם א נייע אזויגעריפענע מאדע (בלעז style) בענדענעס און דאס איז די אורזאך אויף מיין צומישעניש 1פון ווי קומט דאס ווער האט דאס אריינגעברענגט דא 2 פארוואס הייסט א בענדענע מער מאדערן אפשר ווייל עס איז לענגער ניין דאס וואלט געדארפט זיין א סיבה לפרומקייט. 3 פארוואס זעהט מען אז עס איז דא פרויען וואס מיט זייערע טורבאנס פלעגט מען זיי קיינמאל נישט טרעפן ווארטן ביי די באס פאר די קינדער אדער אראפ לויפן און גראסערי און מיטן בענדענע טרעפט מען זי יא 4 וואס ברענגט מער ארויס די שיינקייט פונעם פרוי .......... ביטע פרובירט אויסצושמיסן די זאך 

די בענדענע איז ממש א ישועה, די פרויען וואס טראגן עס ווייסן נישט ווי אומ-אטראקטיוו זיי מאכן זיך פאר פרעמדע מענער. נאר אשאד אז זיי האבן דאס נישט אינזין, זיי וואלטן כאטש באקומען שכר אויף יענע וועלט.

לענ״ד איז דאס זייער שיין און אטרעקטיוו, א געשמאק צו זעהן אידישע ווייבלעך אזוי שיין אנגעטון

שוין, האסטו, שאולדיספרים***ער, יעדער האט זיין טעיסט.

וואס טוט זיך מיט משנה לבוש מסורה?
סאיז אן ארונים זאלוינים אישא? וואס עפעס צימעס

איך האב דיר געלייקט נאך איידער איך האב אנגעהויבן ליינען, פשוט פאר די איידיע...

מסורה? קבלת אבות? אל תטוש? ווי אזוי איז רחל אמנו געגאנגען מיט א טורבאן אדער א באנאנע קאן איינער ווי געפונען ערגעצוואו אין רמב''ן עה''ת וואס איז דאס א צעיף א שלייער אפשר כהאב שטארק מורא אז זי האט רח''ל זיך נישט געשוירן

מיך באדערט שוין א לאנגע צייט, וואס איז די חילוק פון א באנדערע פון א שפיצעל? ב''ה מיין ווייב גייט נישט מיט דעם. איך פרעג מיינע שוועסטערס, פארוואס מיט א שפיצל אדער אפגעבונדען וואלסטו קיינמאל נישט געגאנגן און דעס ביסטו פראוד צו גיין דערמיט, אבער נישט דא קיין ענטפער.

א באנדענע איז פשוט אסאך באקוועמער מיין ווייב קענמער נישט אונטין א טורבאן

און דו קענסט מער נישט טון די מצוה... 😠

קאווע טרינקער

שוין, האסטו, שאולדיספרים***ער, יעדער האט זיין טעיסט.

Once seen, it can't be unseen

על טעם וריח. בשעת איך עקל מיך פון א בענדענע, האב איך משפחה מיטגלידער וואס זאגן אז עס איז זייער שיין, און איינער פון זיי גלייכט נישט קיין טורבאן.
אבער צו זאגן אויף א באנדאנא אז דאס איז אוועקגענייגט ממסורת אבות? ווי אלט איז בכלל א טורבאן אז דאס איז געווארן די מסורה?

Chosen people הייסט די זאגסט אז א טורבאן ענדעלט מער צו א שייטל ???

עס ענדלט די ווייניגסטע לענ"ד.
די עקלדיגקייט דערפטו איז אז עס קוקט אויס ווי די פרוי גייט מיט א הוילן קאפ, אנשטאט א שיינעם הויכן קרוין וואס א שייטל/שפיצל/טורבאן לייגט צו.

סאיז א בפירוש'ע משנה נשים יוצאות רעולות פרופות וכו'

לכאורה איז די איינציגסטע שיינקייט דערפון אז עס איז "אין סטייל", אויסער דעם כאפ איך בכלל נישט די שיינקייט. און אזוי ווי זר זהב זאגט, האט עס מיר אסאך געהאלפן אין קאנטרי צו שמירת עינים.

יידל

קאווע טרינקער

שוין, האסטו, שאולדיספרים***ער, יעדער האט זיין טעיסט.

Once seen, it can't be unseen

דו רעדסט פונעם באנאנע אדער פון שאולדיספרים***ער?

אממ. לויט ווי איך האב פארשטאנען ביז היינט, קען זיין איך בין ראנג, די בענדענע איז געמאכט צי קענען בעסער האלטן די האר, פאר די וואס שערן זיך נישט. אגב איז עס באקוועמער פאר אנדערע אויך.
אדער פארקערט, עס איז באקוועמער, אגב האלט זיך בעסער די האר.

איך מיין טאקע אז ביסט ראנג ווייל דאס וואס איז געמאכט צו האלטן די האר הייסט א סנאד, א בענדענע איז גאנץ א באזונדערע זאך

אסאך היימישע וואס דארפען זיך ווען שערן האבן נישט געפילט קאמפארטעבל גיין מיט א סנאאד אבער קענען גיין מיט א בענדענע.

MickyMouse

אסאך היימישע וואס דארפען זיך ווען שערן האבן נישט געפילט קאמפארטעבל גיין מיט א סנאאד אבער קענען גיין מיט א בענדענע.

אוי וויי! ס'איז דאך אסור!

לענ''ד העשירה איז א באנדאנע גאר א מיאוסע'ר זאך, און ווען עס קומט ווען ארויס בימי חז''ל וואלט מען עס זיכער געאסר'ט ווייל ס'איז מנוול דעם פרוי בעיני בעלה.
איינע פון מיינע שוועסטערס וואס איז גאנץ צום אנקוקן, האט לעצטנס אריבערגעטוישט פון א טורבאן צו א באנדאנע, און די תוצאות זענען פילפאכיג וד''ל. איך האף נאר אז איר מאן האט עס ליב ווייל טאמער נישט וועט זי לכאורה קיין קינדער מער נישט האבן היל''ת ה''י

😂 😂

ווער דארף בוירטה קאנטראל? מיר האבן בענענע'ס! האהוהא 😂 👍

די שמועס פארט אוועק פון די רעלסען, קען איינער ביטע מסביר זיין וואס די באנענדע איז? א מענטש אדער א זאך? מ'עסט עס אדער מ'טוהט עס אהן?

אזויפיל האב איך יא געטוהן, נאכן ליינען די תגובות דא האב איך מקדם געווען די רפואה פאר די מכה און אנגעזאגט אין שטוב אז איך וועל בשום אופן נישט אריין לאזען די נייע פירצה וואס הייסט בענענעס... (דאס ביסל ליבשאפט נאך פארבליבן...)

סאיז אזא טייט סחורה וואס באדעקט דעם קאפ. אנשטאט א טורבאן

א באנדאנא איז א טיכל, מוסבות שמות שלא תהא פונדקית ככהונת.

אדער

היות זיי זענען נישט עכטע בילדער בין איך זיך מורא היתר לגבי די תקנות המקום

נולד מאוחר

אדער

היות זיי זענען נישט עכטע בילדער בין איך זיך מורא היתר לגבי די תקנות המקום

גאנץ א באטעמ'טער ווייבל, כ'מיין דארפסט עס אראפנעמען ס'האט מיך געמאכט הרהור...
עניוועי סיריעסלי ספיעקינג אן עוורידזש ווייבל זעט אויס גאר אומבאחנ'ט מיט אזא מין אנשיקעניש אויפן קאפ. נישט אז א טורבאן איז צופיל שענער, אבער כאטש צו דעס איז מען שוין געוואוינט.
דיה לצרה שיש לנו כבר.

אוי.איר האט מיךר געמאכט דעם טאג.זר זהב.איך מוז דיר זאגן האסט אשארפן פיסקל.און וועלכן אשכול כבין נאר געגאנגען האסטו אויפגעבליצט מיט דיינע ווערטלעך.כהאב געהאט עפעס אפראבלעם צי ריאגירן ביז יעצט.כהאף אז יעצט וועט זיך לאזן גליטשן.אבענדענע.פשט אהוילן קאפ!נישט נאך עפעס.אבער.איינמינוט.וואס איז מיט אונזער קאלפיק.ספאדיק.פרעגן אונז דען איינעם צי סשמעקט איר אדער נישט?ביי אינז זענען דע מאדעס סאך מער.ליידער טושט זיך עס סאך שנעלער ווי ביי זיי....

נעה, שקר הטורבאן והבל הבענדענע אשה חן ויופי היא תתהלל.
אזא פרוי וואס מ'האט דא ארויפגעשטעלט וועט נישט אויסזעהן בעסער אפילו מיט א שייטל.

סאיז נאר אדאל אויף די עכטע קמען טאקע נישט קוקן

דאס איז דאך דער קאפ צודעק וואס איז איינגעפירט אין ארץ ישראל, ניין?

איך קען נישט ארץישראלדיגע פרויען

ווען דער אשכול וואלט זיך ווען געפונען אין 'מאחורי' וואלט איך געשריבען בנוגע נידון דידן.

דולה ומשקה

ווען דער אשכול וואלט זיך ווען געפונען אין 'מאחורי' וואלט איך געשריבען בנוגע נידון דידן.

איך דריי מיר נישט מאחורי דערפאר ווייס איך נישט.
זאג, און מאוחרי מעג מען רעדן זאכען וואס מען טאר נישט רעדן אין די עפענטליכקייט? וואס איז שייך צו רעדן אין די נושא מער אפן ווי דא?

ווי אזוי קען איך זוכה זיין אנצוקומען אין מאחורי?

משה רבנו

ווי אזוי קען איך זוכה זיין אנצוקומען אין מאחורי?

וועסט נאך אנקומען, א בפירושע פסוק, גאט זאגט פאר משה רבינו "וראית.. מאחורי..."

גאט זאגט מיר אבער אויך "ואל יבא בכל עת..??"

ווארט ער זאל דיר זאגן "אל תגשו אל אשה..."

צו מיינט איר טאקע אז פאר משה רבנו דארף מען געבן עצות ווי אזוי אנצוקומען צו מאחורי???

ווען דו וועסט שרייבן תקט"ו תגובות כמנין ואתחנן, שטעל דיך נישט אפ דארט, נאר שרייב נאך איין תגובה. דעמאלס וועסטו קענען אריינגיין.

איך האב א טעאריא אז די שפיצען פון די שטריימלען זענען געווארען העכער לויט די הויעכקייט פון די קנאפ פון די טורבאנס.

לאמיר האפן אז יעצט ווען מען הייבט אן גיין מיט פלאטשיגע באנדענעס אויפן הוילען קאפ, וועלן די שטריימלעך ווערן צוריק פלאך...

ש'טריימל ב'מקום ת'ורבאן = ר"ת שבת
ויש גורסים
ש'טריימל ת'חת ב'ענדענע = ר"ת שבת

יעדע זאך וואס אידישע פרויען טוהן האט א טיפע הימל כוונה.

די ראיה אז סרעדט זיך וועגן הימלישע זאכן איז אז משה רבנו אליין איז אראפגעקומען דן זיין וועגן דעם