א שטיקל טאטעל פון עטליכע אינטערסאנטע ביאגראפישע דאקאמענטעריס וואס כ'האב געוואטשט לעצטנס:
1.
Navalny - אטעם-פאכאפענדע דאקא איבער דער בראווע רוסישע אפאזיציע פירער און אנטי-קארופציע אקטיוויסט אלעקסיי נאַוואַלני, לכאורה דער איינציגסטע מענטש אויפן ערד קוגל וואס האט נישט מורא זיך צו רייצן מיטן רוסישן צאר פוטין און איז אפי' מצליח אים צו פארשעמען איינמאל און נאכאמאל מיט היבש אביסל הצלחה, והא ראי' : פוטין האט פרובירט אים אפרוימען פון וועג.
דער דאקא באגלייט נאוואלני'ן, א הענדסעם גיי וואס טראפט כאריזמע, אין די טעג נאכן אדורכגעפאלענע אסעסנעישן אטעמפט אויף אים דורך רוסישע אגענטן בשעת ער איז געפלויגן קיין סיביר. ער האלט זיך אויף אין א געהיימע דירה אין א דארף און דייטשלאנד און פירט דורך זיין אייגענע מארד אינוועסטעגעישן (ווי ער זינגט אויף זיין טיקטאק ווידא: ..How bizzare ) און צוזאמען מיט זיין קליינע טיעם און מיט די הילף פון א זעלבסשטענדיגע געלונגע חברה'מאן זענען זיי מצליח אויפצודעקן די אידענטיטעט פון זיינע מערדער. נאוואלני קאלט אׁן זיינע אייגענע מערדער און איז מצליח ארויסצונעמען פון זיי א פולע הודאה אין זייערע מעשים. דער פילם באגלייט נאוואלני'ן ביז זיין אומקערן זיך צום לייבן גרוב אין רוסלאנד דארט האט מען אים ארעסטירט פאר 20 יאר טורמע.
דער פילם איז העכסט דראמאטיש און ס'דאכט זיך צומאל דאכט אז ס'איז א געהעריגע דראמע פילם אבער ווי מ'זאגט: Reality surpasses imagination.
2.
AMY 2015 - דורכדרינגליכע דאקא וואס שילדערט דער אויפרייז און טראגישע פאלונג פון דער אלעמען באליבטן זינגערין, וואן אנד- אנלי Amy weinhouse.
דורך עקסלוסיווע ווידאו שטיקלען וואס זענען נאכנישט געזען געווארן ביז דעמאלט און אינטערוויוס מיט אירע נענטסע טוט דער פילם אראפלייגן דער קאמפליצירטע פערזענליכקייט פון אן אידיש מיידל א סופער טאלאנטפולע ארטיסט מיט א סענסיטיוו הארץ וואס ספראוועט זיך מיט גלארי, עדיקשען און צובראכנקייט. דער פילם האט אויך אויפגעדעקט אז אין צוגאב צו די פראבלעמאטישע רילעשנשיפ וואס זי האט געהאט מיט דזשעיקאב פילדער האט דער טאטע אויך געהאט א יד און איר דערקייקלונג דורך זיין פראבלעמאטישע אויפפירונג.
3.
Marley 2012 - אינטערסאנטע פילם איבער דער 'קינג אוו רעגעי מיוזיק'' דער דזשמאקעין באב מארלי. ס'שילדערט זיין לעבן, זייין כאריזמאטישע (אבער נישט גלאטע) פערסאנעליטי, זיין גלויבונג און זיין טיפע איינדרוק נישט נאר אויף דער מוזיקאלישע וועלט נאר אויף אלץ א קולטוראלישע ספיריטואלע אייקאן אין די 20 סענטרי.
4
''לייבוביץ''- א סעריע איבער דער טשיקאווע, שארפע און קאנטערווערסיעלע פראפ' ישעיהו לייבוביץ. א היבש אינטעליגענטע סעריע נישט נאר איבער לייבוביץ דער מענטש נאר אויך איבער זיינע תורות (און פראוואקאציעס..) וואס זיי לייגן אראפ מיט די הילף פון זיינע תלמידים, משפחה מיטגלידער, בריוון און שטיקלעך ווידאו פון זיינע לעקציעס און אויפטריטן. ס 'איז צוטיילט אין דריי חלקים : 1. אמונה- באטראכט זיין פילאזאפישן צוגאנג צו אמונה אין גאט. 2. אדמה- באטראכט זיינע ראדיקאלע פוליטישע שיטות אין די מד"י אנגעלעגנהייטן בעיקר איבער דער אקופאציע. און דער לעצטע פרק 'אדם' טוט דורך עטליכע אישוס ווי דער פסיכאפיזישע פראבלעם און נאך.
5 '
'זוהר ארגוב: סוף עצוב וידוע מראש''.- סעריע אויף דער לעגענדארן זינגער זוהר ארגוב וואס איז ארויסגעקומען לכבוד 30 יאר צו זיין טראגישן טויט. דער פילם פארט קונצליך צווישן ביידע קעגנזייטיגע אספעקטן ופון זוהר, פון איין זייט- דער מעגא-סטאר וואס האט סוקסעספול אויפגעבראכען די לאנג-יעריגע מויערן וואס האבן באגרעניצט די Mediterranean מיוזיק אין א"י און דער העלד פון הונדערטע טויזענטע ביזן היינטיגן טאג. פון דער אנדערע זייט- א קרימינעל, נאַרקאׁמַאן און נאכאנאדע רעיפער און באלעסטיגער וואס איז (ווארשיינליך) באגאנגען זעלבסמארד אין תפיסה זייענדיג אין א ביטערע נידעריגע סיטואציע. זוהר אליין האט אויך פארמאגט צוויי זייטן, אן איידעלע און גוטע נשמה אין נאטור וואס איז אריבער א ביטערע שווערע יוגנט פון וואס ער איז ארויס אומסטאביל און מיט קרימינאלע און נידעריגע נייגונגען.
