הויפט זייט » פארברענגען » געזעלשאפט » עליונים ששו ותחתונים עלזו

עליונים ששו ותחתונים עלזו

79 פאסטס אין ארכיוו · אשכול #3412

מוח שליט » מאנטאג מאי 13, 2013 8:19 pm

· #114770

עס פעלט מיר אויס מער ידיעות איבער די נושא. כדי צו פארענטפערען די שאלה פון ר' ישראל סאלאנטער פארוואס אלע פון בית שמאי האבן געהאלטען איין מיינונג, און אלע בית הלל אן אנדער מיינונג, וואלט איך געזאגט אז אינערהאלב די ישיבה פון שמאי האט געקענט זיין א גרויסע מספר תלמידים וואס האבן געהאלטן בשיטת בית הלל, מען האט אבער נמנו וגמרו ביי זיי אין ישיבה און לויט דעם איז ארויסגעקומען די פסק פון ישיבת בית שמאי אדער בית הלל. והקושיא מעיקרא ליתא. איך האב נאר נאכגעזאגט פון ר' ישראל סאלאנטער כדי להקשות מיניה וביה.
מען זעהט דאך אין די גמרא שבת אז דאס איז אויך געווען די מהלך ווען מען האט געדארפט חותך זיין די הלכה בנוגע די מחלוקות ב"ש וב"ה, איז מסתבר אז דאס זעלבע איז געווען אין יעדע ישיבה פאר זיך.
איך בין אויך נישט אזוי איבערצייגט מיט דעם גאנצען תירוץ פון מזג נפשם. הרי בדרך כלל ווען צוויי פארשטענדליכע מענטשען, וואס זענען הולך לאור השכל, קומען זיך צוזאמען, און מען האט גענוג צייט, וועט מען בדרך כלל אנקומען צו אן עמק השוה. ניין? טא פארוואס איז דאס נישט געשעהן ביי די ב"ש וב"ה? די תירוץ קען זיין אז מען האט זיך פשוט נישט גענוג לאנג צונויפגערעדט. יעדער האט געהאט אן עקסטערע ישיבה און יעדער האט דורכגעטוהן די סוגיא פאר זיך. מען זעהט טאקע אז אסאך מחלוקות איז נחלקו שלש שנים והודו זה לזה.

איינגעמיירעט » פרייטאג מאי 17, 2013 1:56 am

· #115189

מוח שליט
איינגעמיירעט
אזלת ידינו
מיין שאלה דא איז געוועהן "וואספארא לעיבעל באקום איך אין בית מדרש אלס א קאווע שטיבל באנוצער?"

אין איין ווארט: א מענטש מיט איבריג צייט

עס איז אן אלטע טעות דיינער. דו האלטסט אז עס איז צייט אנברענגעריי צו שרייבען דא. דאס ארגסטע איז נאך ווען דו פלעגסט לאזן פאלען נעגאטיווע סטעיטמענטס אויף די שרייבערס דא, און צוזאגען אז דו וועסט מאמת זיין דיינע ווערטער אויב דו וועסט האבן צייט. יעצט פארשטיי איך פארוואס דו האסט דאס געשריבען. דו ביסט ביי די מיינונג אז דאס שרייבען דא איז א צייט פארברענגעריי.

אין מיינע אויגן איז דאס ממש להיפך. דא ווערט דיסקוטירט גאר אסאך שיינע און טיפע ענינים. אמת, עס איז אויך דא א צימעס אפטיילונג. אבער אפי' דאס זעה איך אויך אלס זייער א פאזיטיווע זאך. עס איז זייער וויכטיג אז די משתלטים על הציבור זאלן נישט קענען באהאלטען זייערע מעשים. דאס איז פון די יסודות פון א דעמאקראטישע סאסייעטי. מיט די איבערגעטריבענע חומרות בהלכות לשון הרע הרגע'ט מען אפ דעם גאנצען סאסייעטי.

איך בין מיך מודה אז איך בין נישט קיין נאה מקיים. איך קוק ממש נישט אריין אין צימעס. עס איז מסתמא מעשה יצר 🙂 . בעיקר איז עס מסתמא ווייל עס קומט נישט אויף אויטאמאטיש ווען מען קליקט אויף "אקטיווע אשכולות". למיטב זכרוני שלאגט מען זיך דארט אויף א לייכטע אופן רעלאטיוו גערעדט. אלע צדדים ווערן דורך געשמועסט. איינער וואס וויל כאפן דעם צורה וואס די 'צדיקי הדור' זענען אומשטאנד, קען זיך דארט אביסל קלאר מאכן.

די אנדערע קאטאגאריעס איז דאך פשוט כפשוטו אז עס איז ממש געוואלדיג. יעדער קען ארויסברענגען זיין געדאנק, צו איז דאס אויף די סדרה, דף, יומא דפגרא, מאורעות היום, ועוד רבות. מען דארף זיך נישט שעמן צו זאגן מיט שטאלץ אז דא זענען דא זייער אסאך שרייבערס אמת'ע חכמים, נבונים, וידענים בכמה וכמה מקצועות. ווי פאסט דאס צו רעדן מיט זלזול אז נאר מענטשען מיט איבריג צייט שרייבען דא?

יעדע נקודה וואס א מענטש וויל דורכטוען עפענט ער אן אשכול און בדרך כלל האט ער מגיבים דערויף. געווענליך זענען די תגובות היבש זאכליך. עס איז ממש א בית וועד לחכמים.

ומכאן הקריאה יוצאת פאר אסאך פון די שרייבערס דא וואס שפירען אז עס ווערט אן עדיקשען, און דעריבער הערן זיי אינגאנצען אויף צו שרייבען, איך בין נישט זיכער אז איר זענט גערעכט מיט דעם מהלך. אוודאי דארף מען אויסרעכענען און איבערטראכטען וואס און ווי פיל צו שרייבן. אבער אינגאנצען אויפהערן איז נישט די מהלך.

עס קען זיין אז אויב מען זאל זעהן די גודל התועלת פין שרייבען דא, וואלטן מיר געהאט אסאך מער שרייבערס. וחברך חברא אית ליה....

לכשעצמי, איז מיין סיבה העיקרי פון שרייבן [חוץ אין איין אשכול... וואס האט א פשוטע סיבה ואכ"מ] כדי דורכצורעדען און הערן פארשידענע מיינונגען. טייל מאל בלייבט מען מיטן אלטן מיינונג אבער עס איז מער נתלבן ונתברר געווארען. און טייל מאל געלונגט אז מען ווערט איבערצייגט פון יענעמס ווערטער און מען זעהט אז מען האט זיך טועה געווען. אז דאס צווייטע געשעהט ביי מיר איז עס ממש אצלי כמוצא שלל רב. וואס איז דען די הנאה צו בלייבען גערעכט? וואס איז מיר דען צוגעקומען אויב האט מוח שליט שולט געווען אויף איינגעמיירעט, צוויי נעמען שלא היו ולא נבראו? מיט וואס ווער "איך" קלוגער דעמאלט? האב איך דען שולט געווען אויף אים? האט ער זיך דען געטוישט זיין מיינונג? און אפי' אויף די יחידותדיגע פעלער וואס מיין צד שכנגד וועט מודה זיין צו מיינע ווערטער, וואס איז דעמאלט? וואס איז מיין ריווח?

דאס איינציגסטע ריווח איז ווען איך טויש מיך, ווען איך ווער קלוגער.

אויב גייט מען צו צום שרייבען מיט אזא מהלך איז א- ווערט מען נישט אזוי אריינגעצויגען און איבערגענומען פונעם תאות הנצחון, און ב- מען שפירט באמת א תועלת פון שרייבן, ג- מען שרייבט אסאך מער זאכליך.

ואחרי כל הדברים האלה, דארף איך אנאלאזירן צו דער תגובה זעלבסט איז געשריבען געווארן בעיקר זיך דורכצומועסן און הערן צו איך בין גערעכט מיט מיין מיינונג.
במושכל ראשון מוז איך זאגן אז ניין. איך האב עס געשריבן ארויסצוברענגן א מחשבה, אבער איך האב נישט גענוג אינזין געהאט אז איך וויל שטארק הערן צו איך בין גערעכט, ווי אויך הערן אנדערע מיינונגען.

דאס איז טאקע א פלא. איך שרייב און עלאבאריר [כפי שיטת קאווע שטיבל איז דאס א ווארט 🙂 ] א מיינונג, און בו בשעה בין איך עס נישט מקיים.
נו, ווילאנג דאס לעכטעל ברענט קען מען פארעכטען. האב איך יעצט אינזין, און מיט דעם בין איך מעלה דאס גאנצע געשרייבעכטס דא. און איך פרעג, וואס זאגט איר מורי ורבותי?

איך מיין אז מען פאנגט אהן גליטשען מיט ריינע כוונות. מען וויל פשוט האבן גוט אפגעשריבען די תגובה כדי דער עולם זאל זיין אינטרעסירט בכלל מגיב צו זיין. דערנאך פארגעסט מען אז דאס געפעלן פארן עולם איז נאר א אמצעי אויף צו הערן זייער מיינונג, און מען מאכט דאס גופא פאר א מטרה. דערנאך ווערט דאס ענין פון 'געפעלן' אזוי שטארק, אז מען וויל שוין דוקא אז מען זאל נישט האבן קיין חולקים. ממש איבערגעדרייט די יוצרות.

אפשר גיי איך איינפירען אז סוף יעדע תגובה מיינער וועל איך צושרייבען, "וואס זאגט איר רבותי".
נו, וואס זאגט איר רבותי?

איך הער וואס די האלטסט
איך האלט קאווע שטיבעל איז כפשוטו א קאווע שטיבעל.
מקומט זיך אויסליפטערען פון אביסעל פרעשער,אויסגרעפסן וואס שטעקט און בויך,
עפ״י רוב זענען די שמועסען אויבערפלעכליכע און לייכטזיניג,אזוי ווי און די לייוו קאווע שטיבעל.
זיצענדעג און קאווע צימער הערט מען כסדר פון די פריש אויפגעקומענע חכמים וואס האבען נארוואס געליעזען א פריש ביכעל,זיי קומען אריין און שטיבעל און זאגען איבער ווארט ביי ווארט פונעם ביכעל,די יושבים און די קאווע צימער הערן צו מיט פארגאפטקייט,אזוי ווי מהערט אויס שלמה המלך אליינס.
אקוראט דאס איז קאווע שטיבעל און מיינע אויגען.
אויב וויל איך פארשטיין און אנאליזירען עפעס אן ענין ברויך איך אויפשטיין אפאר פארטאגסען און מאכען אפאר מעדעטאציעס נישט פון קוליצען דא[list][/list:u]

מאטי » פרייטאג מאי 17, 2013 2:30 am

· #115193

מר. איינגעמיירעט אויב איינער ליינט א ביכל וואס איז מסביר א געוויסער עניין און דערנאך זאגט ער איבער מאכסטו סארקאסטיש אוועק? אז דו האלטסט אז ביכל איז ר״ת כל באי לא ישובין און מ׳טאר נישט ליינען הער איך דיין צד. אבער זאגן אז איבערזאגן פון א בוך מיינט גארנישט, איז פונקט ווי דו זאגסט, דער דיין האט סתם נאכגעזאגט פון א בוך און עולם גולם גלייבט מיט פארגאפטע אויגן..
מיין צושטעל איז בלויז לגבי אינפארמאציע וואס מ׳זאגט איבער ווען מ׳נעמט דאס פון א בוך.

איציק » דינסטאג מאי 21, 2013 9:54 am

· #116317

איינגעמיירעט
זענען די שמועסען אויבערפלעכליכע און לייכטזיניג,אזוי ווי און די לייוו קאווע שטיבעל.

אויבערפלעכליך? יא. לייכטיזינג? ווענדט זיך...
אפשר וואלט טאקע געווען א פלאן צו מאכן א "לייוו" ווינקל דא, וואו יעדער קען אריינקומען זאגן העלא, דערציילן עפעס נייעס, און שמועסן "לייוו" על דא ועל הא.
היות מ'טאר נישט זאגן "טשעט רום", עלמער נוצן דעם נאמען לייוו קאווע שטיבל®...
פלאן?

יידל » דינסטאג מאי 21, 2013 10:07 am

· #116322

היות איינגעמיירעט קומט אריין דא בלויז איינמאל א וואך, און איך בין זייער נייגעריג צו פארשטיין וואס ער האט געשריבן און איך קען נישט ווארטן ביז ער וועט קומען נאכאמאל, מוז דער עולם מיך ארויסהעלפן. ילמדנו רבותינו: וויאזוי העלפט אפאר מעדיטאציעס צו אנאליזירן און פארשטיין אן ענין?

איינגעמיירעט » מיטוואך מאי 22, 2013 5:08 am

· #116706

א מעטדעטאציע העלפט צו ווערען מקושר מיט דיין אייגענע עצמיות,דיין שכל הישר און דיין הרגש אמיתי ופנימי און דערנאך קען מען פרובירען צו אנאליזירען זאכען אהן די פארשידענע פארדרייענישען פון נגיעות וואס לויפען ארום און דאס מענטשליכע סיסטעם

יידל » מיטוואך מאי 22, 2013 10:21 am

· #116729

אבער אן קיין רעלעוואנטע אינפארמאציע, וואס טויג דאס מעדיטאציע?

איינגעמיירעט » פרייטאג מאי 24, 2013 3:14 am

· #117545

מדארף טאקע ביידע צוזאמען מהערט אינפארמאציע דערנאך שטעלט מען עס און פלאץ מיט מעדיטאציע

אביגדור » פרייטאג מאי 24, 2013 9:10 am

· #117566

אויסער דעם.

אויס מענטש » פרייטאג מאי 24, 2013 9:57 am

· #117578

וואס מיינט מעדאטאציע ?

איז דאס פארטאגס ספעציעל שטערקער ?

איז עס חל אויך אויף פשוטי בני עם כמוני ?

מעג מען זיין בשמחה דאס צו דערגרייכן, אדער דארף מען זיין איינגעמיירעט בתוך עצמו ורפשו וטיטו ?

למשל אויב בין איך נישט איינגעמיירעט מיינט דאס אז איך בין נישט קיין בן עולם המעדאטאציע ? איז דא א וועג צוריק אדער בין איך שוין פארפאלן אויף אייביג ?

מצוה גדולה ליישבם, נאר פאר ווער עס האט איבריג צייט פארשטייט זיך, אויכעט ביטע עס מסביר זיין אויבערפלעכליך און לייכטזיניג, ווייל איך האב נישט קיין פארטאגס'ן דאס צו דורכטון כדת וכראוי, דהיינו באופן טיפזיניג און אונטער פלעכליך, און איך וויל עס ממש נאר פארשטיין פון דא אויף קאווע שטיבל, איך וועל עס אויסהערן און לערנען פון יעדן שלמה המלך דא אויף קאווע שטיבל, און אפי איינער וועט דאס איבערשרייבן פון א ביכל איז אויך כדאי.

א דאנק

געפילטע פיש » פרייטאג מאי 24, 2013 10:54 am

· #117597

אביגדור » פרייטאג מאי 24, 2013 12:51 pm

· #117649

א נייע תירוץ.

מוח שליט » פרייטאג מאי 24, 2013 3:03 pm

· #117694

איינגעמיירעט
איך הער וואס די האלטסט
איך האלט קאווע שטיבעל איז כפשוטו א קאווע שטיבעל.
מקומט זיך אויסליפטערען פון אביסעל פרעשער,אויסגרעפסן וואס שטעקט און בויך,
עפ״י רוב זענען די שמועסען אויבערפלעכליכע און לייכטזיניג,אזוי ווי און די לייוו קאווע שטיבעל.
זיצענדעג און קאווע צימער הערט מען כסדר פון די פריש אויפגעקומענע חכמים וואס האבען נארוואס געליעזען א פריש ביכעל,זיי קומען אריין און שטיבעל און זאגען איבער ווארט ביי ווארט פונעם ביכעל,די יושבים און די קאווע צימער הערן צו מיט פארגאפטקייט,אזוי ווי מהערט אויס שלמה המלך אליינס.
אקוראט דאס איז קאווע שטיבעל און מיינע אויגען.
אויב וויל איך פארשטיין און אנאליזירען עפעס אן ענין ברויך איך אויפשטיין אפאר פארטאגסען און מאכען אפאר מעדעטאציעס נישט פון קוליצען דא[list][/list:u]

נמצא אז דיין תגובה זעלבסט איז א אויבערפלעכליכע און לייכטזיניגע אויסגרעפס וואס שטעקט אין בויך. ווערן מיר אויב אזוי אריינגעצויגען אין ר' יאסעל העללער'ס "כאפ צוויי און צוואנציג".
נעמליך, אז נאר מצד לייכטזיניגקייט שאצטו אפ קאווע שטיבל פאר לייכטזינגע הודעות. אבער באמת זענען די הודעות טיף און ריכטיג. אויב אזוי איז דאך דיין יעצטיגע הודעה אויך נכלל אין דעם, און עס איז יא טיף און ריכטיג. נמצא אז דער טיפער אמת איז גאר אז די הודעות זענען באמת לייכטזיניג. ונכלל בתוכם דעי הודעה זעלבסט. און מצד טיפקייט איז אמת אז אלע תגובות, אינקלודינג דיינס דא, זענען לייכטזיניג. וחוזר חלילה. 🙄

ערענסט גערעדט. קאווע שטיבל איז א הערליכע פלאץ ווי מען קען רעדן פון אלעם. פון א לייכטזיניגע גרעפס, ביז א טיפזיניגע פארטאגס מעדיטאציע. ווי ערווענט לאנג צוריק בין איך גרייט אויסצוהערן דיינע פארטאגס מסקנות. איך וועל אפי' מיט-מעדיטירען מיט דיר. פארוואס נאר גרעפסען, איינגעמיירעט?

איינגעמיירעט » פרייטאג מאי 24, 2013 6:51 pm

· #117750

[ציטאט אראפגענומען]

אויב חכמה בא דיר מיינט סוירטשען ידיעות דעמאלס האמיר נישט די זעלבע דעפענישען אויף חכמה
חכמה מיט וויסען ידיעות האט קיין שייכות נישט און איך מיין אז דארף נישט מאריך זיין דער חילוק

איינגעמיירעט » פרייטאג מאי 24, 2013 6:59 pm

· #117751

מוח שליט
איינגעמיירעט
איך הער וואס די האלטסט
איך האלט קאווע שטיבעל איז כפשוטו א קאווע שטיבעל.
מקומט זיך אויסליפטערען פון אביסעל פרעשער,אויסגרעפסן וואס שטעקט און בויך,
עפ״י רוב זענען די שמועסען אויבערפלעכליכע און לייכטזיניג,אזוי ווי און די לייוו קאווע שטיבעל.
זיצענדעג און קאווע צימער הערט מען כסדר פון די פריש אויפגעקומענע חכמים וואס האבען נארוואס געליעזען א פריש ביכעל,זיי קומען אריין און שטיבעל און זאגען איבער ווארט ביי ווארט פונעם ביכעל,די יושבים און די קאווע צימער הערן צו מיט פארגאפטקייט,אזוי ווי מהערט אויס שלמה המלך אליינס.
אקוראט דאס איז קאווע שטיבעל און מיינע אויגען.
אויב וויל איך פארשטיין און אנאליזירען עפעס אן ענין ברויך איך אויפשטיין אפאר פארטאגסען און מאכען אפאר מעדעטאציעס נישט פון קוליצען דא[list][/list:u]

נמצא אז דיין תגובה זעלבסט איז א אויבערפלעכליכע און לייכטזיניגע אויסגרעפס וואס שטעקט אין בויך. ווערן מיר אויב אזוי אריינגעצויגען אין ר' יאסעל העללער'ס "כאפ צוויי און צוואנציג".
נעמליך, אז נאר מצד לייכטזיניגקייט שאצטו אפ קאווע שטיבל פאר לייכטזינגע הודעות. אבער באמת זענען די הודעות טיף און ריכטיג. אויב אזוי איז דאך דיין יעצטיגע הודעה אויך נכלל אין דעם, און עס איז יא טיף און ריכטיג. נמצא אז דער טיפער אמת איז גאר אז די הודעות זענען באמת לייכטזיניג. ונכלל בתוכם דעי הודעה זעלבסט. און מצד טיפקייט איז אמת אז אלע תגובות, אינקלודינג דיינס דא, זענען לייכטזיניג. וחוזר חלילה. 🙄

ערענסט גערעדט. קאווע שטיבל איז א הערליכע פלאץ ווי מען קען רעדן פון אלעם. פון א לייכטזיניגע גרעפס, ביז א טיפזיניגע פארטאגס מעדיטאציע. ווי ערווענט לאנג צוריק בין איך גרייט אויסצוהערן דיינע פארטאגס מסקנות. איך וועל אפי' מיט-מעדיטירען מיט דיר. פארוואס נאר גרעפסען, איינגעמיירעט?

איך האב נישט די צייט זיך צו אויסשפרייטען מיט הסברים יענץ לאז איך פאר מיין אנדערע ניק ווי איך בין מער לינק און דעם ניק וויל איך נאר מגלה זיין פאר מענטשען וואס בלאנדזשען אריין, אז מזאל נישט נתפעל ווערען פון די חכמה חיציונות פון די געשראבאכץ דא ס׳איז זעלטען צוטרעפן דא איינער וואס זאל מגלה זיין אביסעל השגות אמיתיות וואס קומט פון די שכל הישר פון די מענטש

יאיר » פרייטאג מאי 24, 2013 7:08 pm

· #117753

איינגעמיירעט
[ציטאט אראפגענומען]

אויב חכמה בא דיר מיינט סוירטשען ידיעות דעמאלס האמיר נישט די זעלבע דעפענישען אויף חכמה
חכמה מיט וויסען ידיעות האט קיין שייכות נישט און איך מיין אז דארף נישט מאריך זיין דער חילוק

אויב חכמה מיינט ביי דיר מעדיטאציע און לערנען מהר"ל האבן מיר נישט די זעלבע דעפינישאן אויף חכמה.

איינגעמיירעט » זונטאג מאי 26, 2013 2:55 am

· #117845

ר' יאיר לאמיר גיין שטייטעלעך:
וואס מיינט חכמה ?

חכמה מיינט אז דער מענטש נעמט דעם של ראש וואס דער אויבערשטער האט עם באשאפען, און ער דעוולעפט עס דורך אפלערנען און זיך מתבונן זיין, און דעם ליגט אפלערנען און זיך מתעמק זיין בדברי חכמה פון פריערדיגע,נוצען דעם חוש הביקורת וואס דער אויבערשטער האט געגעבן אוועקצוווארפען די פסולת סיי מיט די קאממען סענס וואס אונז האב מיר,און מיט חוקר זיין די מציאות הדברים צו סשטימט מיט די חכמה.

אויכעט איז דא א כח החידוש וואס אונז האב מיר צו ממציא זיין נייע דברי חכמה, געווענטליך איז עס געבויט אויף פריערדיגע דברי חכמה וואס כננס על גבי ענק קען מען צולייגען א פרישע טיפירע קנייטש,אדער איז עס געבויט אויף די יסודי החכמה וואס איז איינגעבויט און מציאות הבריאה,לדוגמא 1+1=2, א יעדע זאך האט א עילה און א סיבה וכו', אלע כללי חכמה המוכרחים וואס אויף דעם קען דער מענטש בויען ווייטער און אויספיגערען די וועלט און זיך אליינס,
איך מיין כל הנ"ל איז פשוט.

יעצט לאמיר גיין א שלב ווייטער,
דאס אלעס וואס אונז האמיר פריער גערעדט וואלט געווען זייער פיין, מיט צוויי באדינגענגען:

א) א געזונטע שטוב
ווען א מענטש געבוירט זיך רואיג אין א געזונטע שטוב, די עלטערען באזארגען דאס קינדס מענטשליכע באדארפענישן, באגיסען דאס קינד מיט זייער נאטורליכע ליבשאפט, און געבן א עדזשוקעישין פארן קינד פון די בעיסיק דברי חכמה, און די כללי החכמה, דערנאך לאזען זיי דאס קינד שפראצן און דעוועלאפען זיין אייגען שכל, זיין vision, זיין הרגש השכל.

ב) א געזונטע געזעלשאפט
ווען א מענטש ווערט געבוירען אין א געזעלשאפט וואס לעבן צוזאמען צו בענעפיטירען איינער פארען צווייטען,און איינער פונעם צווייטען,יעדער זוכט זיך אליינס צו דעוועלאפען און לאזט דעם צווייטען זיך צו דעוועלאפען לפי שכלו, קיינער צווינגט נישט ארויף זיין הבנה און השקפה אויפן צווייטען.

וואס טוט זיך מיט א קינד וואס ווערט געבוירען אין א שטאט ווי פאלגענד:
וויליאמסבורג, מאנסי, ניו סקווער, טאהש, קרית יואל, עיר התורה לעיקוואד, בני ברק, קרית וויזשניץ, קרית פאפא, קרית קאשוי, קרית לאקשעלדריק, להבדיל אלף אלפי הבדלות עזה, עמיש טאון, מיניסטרי, church house ,north Korea ,north wazariston Pakistan

ווערט אויפגעצויגען און גייט אדורך די הויכקלאסיגע עדזשוקעישען סיסטעם פון: סאטמאר, פאפא, בעלזא, וויזניץ, באבוב ,סקווירא, פיטסבורג אשדוד, גור, קרעטשניף רחובות, נייטרא, תולדות אברהם יצחק ואהרן, דושינסקי, מאשלאו פארקוויי, געדצעהלער, ר' משה גרין ,משה ווייס, מונקאטש, קלויזענבורג, בית חינוך הישן מאנסי, בית טראנא, בנות מרגליא, בנות מרגלית, בנות ציון, בנות ?????? בית חנה, בית אסתר, בית רחל, בית שרה, בית זלפה (זייטס מיר מוחל אויב ס'נישט דא) בית צפורה.

די געדאנקען-גאנג פון מענטשען וואס זענען געבוירען אין אזא ענווייראמענט איז היפש עפעקטירט, נעמענדיג אין באטראכט קודם די יסודי החכמה וואס מ'פארפעלט צו לערנען מיט אזא מענטש, און נעמענדיג אין באטראכט די הויפענעס פון הבלים וואס מ'וואשט און מ'פארדרייט די קעפ, נישט לאזענדיג א מקום חלל און קאפ צו טראכטען א גראדע מחשבה.

און צווישן אונז זענען דא פארשידענע אופנים וויאזוי ס'קלאפט אויס דיע חינוך סיסטעם, די גרעסערע חלק וועט מיט גיין מיט אלעס וואס מ'האט עם געווישט די קאפ, אזא איינער וועט פארענטפערען א יעדע חסיד'ישע מעשה, וועט כסדר פארענטפערן, גרויס מאכען, און שווערן טריישאפט צו די פארטיי, רבי, רב, קהילה, וואס מ'האט אים אויסגעלערענט אלס קינד צו גלייבען. פארשטייט זיך ער וועט כסדר דערנידערן און בארעדען דעם רעבינ'ס בר פלוגתא.

המשך יבוא.

איינגעמיירעט » זונטאג מאי 26, 2013 10:55 am

· #117901

המשך פון פריערדיגע תגובה:

נאך א חלק פון אונזער געזעלשאפט וועט גראדע יא האבען פארשידענע ספיקות אין די זאכען וואס מהאט אריינגעלייגט אין מח, אבער זייענדיג א חלק פון אונז און זייענדיג מקיים דעם ובנ"י פרו וישרצו וירבו ויעצמו במאד מאד, און האבענדיג דעם פעקעדזש דיעל וואס קומט מיט מיט אזא משפחה, מאכט מען דאס שנעלע החלטה צו פארמאכען דעם אויבערשטן שטיקעל פונעם מענטש און אויפהערן צו טראכטען, און נוצען אלע כוחות בלויז צו ברענגען פרנסה און צו enjoyen די משפחה און קינדער.

דאס לעצטע חלק פון אונזער געזעלשאפט באשטייען פון די מענטשן וואס זענען ערגעץ-וואו סטאק געווארען מיט מיטפארן מיט דעם סיסטעם, און זיי מוזען טוישען זייער געדאנקען-גאנג, די אפטיילונג איז אויכעט צוטיילט אין פארשידענע קאטעגאריעס, עפ"י רוב רעדט מען פון מענטשן וואס האבן געליטען פון דעם סיסטעם, א שטייגער פון אביוסיוו עלטערען, אביוסיוו רעזשים פירער, אביוסיוו רעבע'ס, אביוסיוו מגי"ש וראשי ישיבות, וכו', אדער פון א lack of care און אטענשאן, זיך פילענדיג פארלאזט און אומ-אנערקענט פילט מען זיך ווי א דריטע ראד צום סיסטעם, און צוביסלעך פאנגט מען אהן צו אנערקענען אז די רעבי'ס פארענטשע קען זיין אנגעפילט אהן מיר, די כוללת קוויטעל פונעם רעבין קען זיין פיל, די סדרנים ביים יום הצלה פאראדע וועלען זיין אקטיוו אן מסדר זיין מיין פלאץ, און אחרון אחרון חביב "די רבי מיט די קינדער און אייניקלעך וועלען נאך האבען שיין פרנסה אהן מיין פדיון", דא דארף אזא מענטש אויף איינמאל זיך אויסשטעלן א נייע מהלך החיים, א פרישע מהלך המחשבה, זייענדיג צו'חוש'ט פון זיין אלטע געדאנקען-גאנג ווייסט ער נישט וואס צו האלטען און וואס אוועקצוווארפען, וואס צו איבערפארעמען, פארשידענע אנגעווייטאגטע געפילען מאכט עם שווער פון זעהן גראד זאכען, און צומאל קומען דיע אהן לבאר שחת נישט קענענדיג דילען מיט אזא גרויסע load of shi פאלען זיי אריין און פארשידענע אדיקשענס און לויפען אוועק פון לעבן. די מער רואיגע קומען און קאווע שטיבעל וכדומה געבן אויס זייערע confusions, פרייען זיך אביסעל צו ארויס שרייבען די מים גנובים וואס מ'האט געליינט און געסוירטשט, האלטען זיך אונטער מיט ליצנות מאכען פונעם סיסטעם וכל הקדוש להם.

דאס איז אלעס לפי ראות עיני א part פון סיסטעם, סיסטעם באשטייט פון מענטשען וואס זענען בעד די סיסטעם און פון אזעלכע וואס זענען קעגן די סיסטעם.

וואס טוט מען אבער אויב וויל מען זיך אויס טוהן די בגדים צואים, מ'וויל פרובירען צו טראכטען זאכען לאמיתו, נישט ווערען געדרייווט פון אגענדאס און resentments, מ'וויל טאקע זעהן דאס ריכטיגע (געהערט בשם אהבת ישראל מוויזניץ, דער תולדות ברענגט שמעתי ממורי אז אויב א מענטש וויל זעהן די אמת פון א זאך זאל ער אוועקלייגען זיינע נגיעות און ער זאל אזוי טראכטען, האט דער וויזשניצער געזאגט "יא א פיינע עצה אבער ווי נעמט מען א עצה צו די עצה"), און אויף דעם האב איך געברענגט די געדאנק פון מעטדעטאציע וואס העלפט אביסל דער מח פון דער מענטש זיך צו אויפהייבען פון די פארשידענע אגענדאס וואס דער מענטש איז פארדרייט און העלפט עם אביסעל אנצוקומען צו א הלכה ברורה.

אויב איך וועל האבען נאך צייט און געדולד העל איך שרייבען אביסעל וואס און וויאזוי מ'קען מאכען מעדיטאציע, און וואו מ'קען מאכען.

איינגעמיירעט » זונטאג מאי 26, 2013 12:34 pm

· #117953

שכח קופרניקוס פאר די support ס׳איז שוין געווען ביי מיר א בחינה פון כמעט שעברתי

אביגדור » זונטאג מאי 26, 2013 12:50 pm

· #117966

[ציטאט אראפגענומען]

זייער שיין! 👍

איינגעמיירעט » זונטאג מאי 26, 2013 1:04 pm

· #117972

איך האב גראדע נישט געפלנט עס צושרייבען מיט דע איינגעמיירעט ניק סהאט זיך בטעות אזוי געמאכט

אביגדור » זונטאג מאי 26, 2013 1:28 pm

· #117983

איינגעמיירעט
איך האב גראדע נישט געפלנט עס צושרייבען מיט דע איינגעמיירעט ניק סהאט זיך בטעות אזוי געמאכט

טעות חוזר.

געפילטע פיש » זונטאג מאי 26, 2013 1:35 pm

· #117987

איז דען פארהאן אזא זאך ווי אן אייגענע מיינונג? נאר א אראגאנטער טיפש האט א מיינונג וואס מינה לא יזוע עד ביאת גואל, א קלוגער מענטש איז א הולך, ער עוואלווד, און א פשוטע שמועס מיט א צווייטע מענטש, זען אן ארטיקל, אדער סטאטיסטיקס קען עם בייגן די מיינונג אדער אויפשאקלען אביסל.

איינגעמיירעט » זונטאג מאי 26, 2013 2:08 pm

· #118006

זייער גוט ארויסגעברענגט געפילטע
ואדרבה פרוביר איינטאג ארויס צוגיין פון דיין לבוש אלס ריין ראסע באבוב,און פרוביר זיך אריינצולייגען און א קאפ פון א נארמאלער באבוב 45 חסיד,הייב אהן צו מדמה זיין למשל ביסט ווען א זוהן פון ריינהאלד, נייגער,קנאבלעך,צוויבעל,האלבערשטאם,אונגאר,רייכבערג,מיללער,זאפארין,האממער,גארדאן,וכ״ו
זיי דיך מדמה אלס א קינד און אן איידעם פון זיי וויאזוי דיין געדאנקען גאנג וואלט געפארען פאר אזוי ארום פאר צוויי וואכען מיט דעם געדאנקען גאנג,דערנאך טוה דיך צוריק אהן מיט דיין היצטיגע לבוש און טראכט דורך די צד 48
בטוח אני די וועסט קענען קומען דא מיט צוויי ניקים און זיך טענהן מיט דיך אליינס אהין און צוריק.
האב איך א חבר וואס האט דאס געטוהן און זיין צושפליטערטע קהילה
נאך פיר וואכען איז ער אנגעקומען מיט מסקנות המעדיטאציע.
ער לאזט זיי ביידע זיין רעביס און שפילען קוויטלעך,זיי קענען זיך ביידע רופען וואס א נאמען פון וועלכע שטאט זיי ווילען פון גאליציא ,פולין ,אונגארין, רומניא, מארמאריש ,זיזינבערגען,בראנקס,יונייטעד סטעיטס,ארגאנטינא, זיי קענען ביידע אנטוהן וואס א קאסטיום סגעפעלט זיי צו זייער רעבעצין פארשטייט זיך סזאל זיין פערפעקטלי פיטטעד און די רעביס גוף זאל גלאנצען לתפארת כל החסידים
זיי קענען טיילען און ווארפען בא די טישען וואס א סארט קיגעל זייער אווערסייז בני מעיים פארלאנגט,
בנוגע רעיל עסטעיט די הייליגע נכסים און בנינים קענען זיי זיך שלאגען עד יום מותם,
והעיקר האט עם די מעדיטעשין קלאר געמאכט ,אז נישט זיין רבי און נישט די צד שכנגד העט א פינגער און וואסער אריינלייגען און עם,ממילא איז ידו מסולקת and he is going to get a life

אביגדור » זונטאג מאי 26, 2013 2:23 pm

· #118014

אפשר.

איינגעמיירעט » זונטאג מאי 26, 2013 6:21 pm

· #118126

איך בין נישט און באבוב איך האב נאר אויסגערעכענט נעמען וואס איך קען מפי השמועה
אויפען ערגסטען פאל זיי דיך מצייר אז דיין טאטע און שווער זענען ריין ראסע 48 און די ביסט פון דיע יונגעלייט וואס האבען אפגעלאזט זייער משפחות און געגאנגען מיט די קארטשינע
What about ביסט א זוהן פון ליפשיץ,אדער נאך בעסער ביסט א זוהן פון אונגאר אליינס ?

אויס מענטש » מאנטאג מאי 27, 2013 2:39 pm

· #118512

גרעיד דזשאב איינגעמיירעט !
זייער גוטע ארטיקלעך מיר ווארטן בכליון עינים אויף די המשך ועל של עתה באתי
ווי ? ווי אזוי ? און ווען ? מאכט אט די היילגיע מעידטאציע ?
keep up

איינגעמיירעט » מאנטאג מאי 27, 2013 3:14 pm

· #118543

נוא אויב האסט יא הנאה געהאט זיי אזוי גוט און קוועטש דעם לייק קנעפל.
בנוגע מעדיטאציע העל איך דארפען האבען געגעסן נאך אזא שווערע פארטרוקענטע טשולענט ווי דיע וואך און האבען נאך אזא לאנגע סעשין און ביה״כ מינווייל קען איך דיר געבן א גרינגע בוך פאר מתחילים מיטען נאמען Jewish maditation געשריבען דורך אדוני מורי ורבי זצוקלה״ה ר׳ אריה קאפלאן ס׳איז דא צו באקומען און בארנס ווי אוכט אונליין

אויס מענטש » מאנטאג מאי 27, 2013 3:23 pm

· #118552

כדברי לעיל
גלייך איך מער ווען יענער ליינט און קויפט און קומט מיר פארציילן און עס איבערזאגן בטוב טעם ודעת אויף קאווע שטיבל

עמיר מוזן ווארטן