אשכול אן א טיטל #3240

ממי, ווען איר האט געשריבן נאך אייער לשון קודש'דיגע פאעמע אז איר האט דורכגעטוען ציונות ואביזרייהו האב איך אייך געוואלט בעטן איר זאלט מיטטיילן אייערע ידיעות מיט אונז, כ'האב אנגעהויבן שרייבן אויף לשון קדוש מיט גראמען, אבער אז מ'קען נישט גייט עס נישט. יישר כח פאר'ן מיך מקדים זיין.
ליידער האב איך באקומען מיין עיקר עדיוקעשאן פון די מחניים ביכלעך (ווער געדענקט נאך ה. העכטקוף, ווערד אן אשכול פאר זיך) ממילא בין איך נישט אויסגעקאכט אין די ענינים. איך וועל מיך מוזן באגעניגן מיט א שתיקה כהודאה.
מיר באלעקן זיך דערמיט, חילך לאורייתא!

!!!Wow wow wow!!! I'm speechless
"ממי" טייערע ווען מ'האט גערעדט פון אן ארטיקל איז אפילו אין חלום נישט ארויפגעקומען אזוינס!
עס פארשעמט דאך דער גאנצער היימישער דזשורנאליזים, זיי קענען זיך פארשטעקן פאר דיר כקליפת השום!
איך בין נאך געפלעפט, איך קען נאכנישט עפענען מיין מויל, אי"ה ווען כ'וועל עס איבערליינען נאך עטליכע מאל בעיון וועל איך זעהן אויב איך האב מגיב צו זיין....

עס גלוסט זיך מיר פשוט דיר צו טרעפן און צאמקושען! אבער אנשטאט דעם נאדיר א הויפן מלא לייקס: 👍 👍 👍 👍 👍 👍 👍 👍 👍 👍

אויב איז אמת ווי די זאגסט וואס איז דער שכל פין די פירערס פין מדינת ישראל וואס געבען יא צוריק שטחים?

איך בין פארגאפט. איך טראכט וויפיל ארבעט ליגט אין דעם ארטיקל! WOW. און דאס איז נאך בלויז דער אנהויב!
ממי, א דאנק איז נישט דאס ווארט. מיר לעכצן און ווארטן אויף נאך רייכע ארטיקלען וועלכע זענען קילורין לעינים! כה לחי!

👍 👍 👍
הערליך הערליך, דיין ארטיקל ליינט זיך שפאנענד און געשמאק, און בנוסף איז עס שטארק באלערנד.
איין הערה, דו שרייבסט אנפאנג אז זיי האלטן אברהם יצחק און יעקב פאר מוסלעמענער, און אויך האלטן זיי אז אברהם יצחק און יעקב האבן באקומען א מתנה ארץ ישראל פון ג-ט פאר זייערע ליידן, אויב אזוי זענען זיי דאך יא בארעכטיגט אויף ארץ ישראל (לשטיתם שטייצעך).

אם כנים דבריך, פארוואס האט די יו ען אין 1948 געזען פאר וויכטיג צו לאזן ירושלים אינטערנאציאנאל?

שטארקע ווערטער! ווער איז דער אויפן קליפ?

שטארקע און אמתע ווערטער, שוואכע רעדנער. מאד מקומפלקס...

עס איז נישט די רעדע וואס די יו ען איז אדער זי איז נישט. איך זע בסך הכל אז די יו ען האט זיך בדוקא געשטעלט אויף ירושלים, נישט אויף אנדערע שטעט אין א"י, דאס ווייזט אז ירושלים האט דאן אויך געהאט עפעס צו זיך מער ווי דו לייגסט עס אראפ. עס קען אבער זיין אז דאס איז געווען א קריסטליכע אינציאטיווע. ברויך מען נאר וויסן לפי זה צי בית לחם האבן זיי אויך פארלאנגט עס זאל בלייבן אינטערנאציאנאל.

ממי שאמרו

די ציונים האבן מסכים געווען צו וואס די יו. ען. האט מחליט געווען אין תש"ח, משא"כ די אראבער האבן קיינמאל נישט געקענט מסכים זיין דערצי.

אוודאי האבן די ציונים מסכים געווען דערצו. זי האבן דאך גארנישט געהאט פאר דעם, איז זיי א האלבער לאנד אויך גענוג געווען. און וועגן ירושלים? זיי האבן זיך קנאפ געקימערט וועגן איר. אוגאנדא האט אויך נישט קיין ירושלים. מה שאין כן די מוסולמענער האבן געפילט ווי דו נעמסט זיי צי א האלבן לאנד. יחי ההבדל.

און אגב, נאכן מסכים זיין צו די יו ען החלטוה האבן זיי זיך גאנץ פיין אנגעפיפן אויף איר, און איינגענומען יעדן ברעקל טעריטאריע וואס זיי האבן נאר געקענט.

[quote="יידישע וויקיפעדיע"]דורכאויס היסטאריע האבן אידן געהאט געמישטע באציאונגען מיט די אראבישע קעניגרייכן, און געוויסע פעלער זענען זיי באהאנדלט געווארן ווי צווייטע קלאס בירגער און אונטערדרוקט. מוסולמענישע היסטאריקער געבן איבער אז דער נביא מוחמד זעלבסט האט באפוילן זיינע נאכפאלגער נישט צו טשעפן די אידן, מיט דער האפענונג אז די אידן וועלן טוישן צו דעם מוסלומענישן גלויבן, למעשה האבן אבער די מוסולמענער געפירט גרויסע מלחמות מיט די יידן אינעם אראבישן האלבאינזל, און די וואס האבן זיך נישט געשמד'ט צו איסלאם האבן זיי אויסגעהרגעט. שפעטער אין די שפעטע 1800 יארן האבן אידן - בעיקר ספרדישע - זיך שטארק ציוואקסן אין איינגעגלידערט אין פילע אראבישע לענדער ווי אידן האבן געפירט גרויסע געשעפטן און געהאט א פרידליכע באציאונג מיט די רעגירונגען.
נאך די מיטל 1940'ער יארן האט דער צושטאנד זיך דראסטיש געטוישט, כמעט אלע אראבישע לענדער זענען ממש אויסגעליידיגט געווארן פון אידן איינס נאכן אנדערן, דער פאלנער אראבער האט א וויסטע שנאה צו די אידן, קיין אידן ווערט כמעט נישט געזען פאר זייערע אויגן. די נטורי קרתא זאגן אז דאס איז א דירעקטע רעזולטאט פון דער באוועגונג פון ציוניזם, און שפעטער די גרידונג פון דעם אידישן לאנד.[/quote]

אבער ס'געווען א עפאכע פון פעטע יארן אזוי בערך פון די מיטל 1800'טער יארן, טויזענטער אידן מיט פילע קהילות זענען געווען ציזייעט אין צישפרייט פון באגדאד ביז מאראקא, געהאנדעלט און געוואנדעלט, ביז עס האט זיך עבראפטלי אפגעהאקט ביי די זייעניסט מאוומענט,
עכ"פ דאס לערנט מען שטענדיג אין סאטמאר

עוד חזון, איך וויל נאך נישט פארוואנדלען די נושא צו א בלוט באד צווישן אנטי און פרא ציונות, דערווייל ענדשוי איך נאך דיין היסטארישע ידועות, לאמיר זיך נאך האלטן אין די ראמען

אייראפע איז א פארווייטאגטע נושא, ווי נישט ווי האבן מיר געליטן פון די קריסטן במשך די דורות פיל פיל מער ווי מיר האבן געליטן פון די מוסלעמענער, אבער דאס נעמט נישט אוועק פון די מוסלעמענער'ס עוולות.

ממש נאר אין נאמען פון די קריסטישע רעליגיע זענען געווען די קרייציגלער און די גרושי שפאניע, אנדערע פאגראמען ווי ת"ח ות"ט אדער דער שואה, זענען געווען סתם אנטיסעמעטיזם, נישט אז ס'מאכט א גרויסע חילוק

אור החיים אין די וואכ'ס פרשה
אור החיים ויקרא פרק ו
והן גלות ישמעאלים אשרי מי שלא ראם משעבדים וממררים חיי ישראל, ולא די שלא יתנו שכר אלא עוד שואלים ממנו מדוד והבא, ועוד אדם נגזל במה שיש לו והם תובעים ממנו מה שאין לו, וכוס זה ישקוהו עד שימות,

יישר כח מר' ממי שאמרי דיין ארבייט איז באמת ווינדערבאר, מען זעט אז איר האט אריין געלייגט א סאך כוח, און מחשבה, און צוזאם נעמען די היסטארישע פאקטען, יישר כוח, וחיילא דאורייתא.

נאר איין הערה:

די מסקנות וואס די נעמסט ארויס פון די פאקטען, בין איך עפעס נישט אזוי און גאנצען מסכים, צילוב די דאזיגע סיבה:

פון פאליטשע שטאנפונקט:

דער סדר העולם איז געווען אלעמאל, זינט די אנהייב פון מלחמות געשיכטעס, און עס האלט נאך אן ביזן ביזן היינטיגען טאג, אז וועט איין לאנד נעמט איין א צווייטע לאנד, ווערט דער איינעמער פולשטענדיג בעל הבית, נאכדערצו ווען דער איינגענימער לאנד האט פריער אטאקירט.

וואו למשל:

אמעריקע - דער מאמע פון דעמעקראטיע, האט איינגענימען נאצי-דייטשלאנד נאך די צווייטע וועלט מלחמה, האט אמעריקא דארט אראפגעשטעלט א פוס, און איז געווארן דארט פולשטענדיגע בעל הבית, און ארום געשאפט דארט כאדם עושה בתוך שלו. פון אויפשטעלן מיליטערישע באזעס, ביזן קאנטארלירען די אקאנאמיע. אמת טאקע אז גענעראל אייזענהאויער האט ערלויבט פאר די דייטשען צו האבן א שטיקל אויטאמענישע רעגירונג, אבער און דע-פאקטא האט וואשיגטאן געהאט דאס לעצטע ווארט, און אלע אנגעלעגנהייטען.

גרויס-בריטאניע - האט געהאט די מעכטיגסטע ים פלאטע פאר לאנגע יארן, און פארפירט א סאך מלחמות, מיט פארשידענע לענדער, און וואו זיי האבן נאר אראפגעשטעלט א פוס, צו איז עס געווען אויפן אמעריקאנער קאנטינענט, צו און אוסטראליע, צו אינדיע, איז זי דארט פארבליבן, און פולשטענדיג רעגירט דארט, מיט אן אייזענעם פויסט, אן קיין רחמניות.

דאס זעלבע האט געטאן דער רויטער פארבאנד און מזרח אייראפע, נאך די צווייטע וועלטס קריג, און דאס זעלבע האט אמעריקא געטאן און אפגאניסטאן, און איראק.

דאס איז דער סדר העולם: דער איינעמער וואס געווינט די מלחמה, באקימט דאס פולער בעלות אויפן דאס באזיגט לאנד, אפגעזען פון די " היסטארישע רעכטען" "רעליגיעזע רעכטען" פון דעם באטרעפענדן לאנד, אינו משנה:

לאמיר איצט זען וואס עס טיט זיך מיט מדינת ישראל (פאליטיש גערעדט)

תש''ח:

ה' אייר תש''ח, האבן די אראבער אונטער די לענדער פון: ירדן, סיריע, מצריים, איראק, לבנון, סאדא אראביע, עקלערט קריג קעגן דאס וואס ניי געבוירענעם לאנד, מדינות ישראל.

מדינת ישראל, אונטער דעם הויפט גענעראל יעקב דורי האט ציריק גענפערט מיט א פייערדיגע מלחמה, וואס זי האט נאך 8 חדשים פולשטענדיג געווינען, און זי האט באקימען קאנטראל אויף רוב ארץ ישראל.

זי האט אבער פארלוירען אלט שטאט ירושלים, צו ירדן, און עזה, צו מצריים.

דער וועלט האט דאס דאן אנגענימען, און מדינות ישראל איז געווארען אנערקענט און דער אלגעמיינער וועלט, אלס דער לעגאלער רעגירונג פון ארץ ישראל, לויט די גרעניצען וואס זיי האבן געריפן "קו הירוק".

און ירדן איז געווארן אנערקענט אלס דער לעגאלער רעגירונג פון אלט שטאט ירושלים.

און מצריים איז געווארן אנערקענט אלס דער לעגאלער רעגירונג פון עזה:

אפגעזען וואס עס שטייט און קאראן:

תשי''ז:

ווינטער תשי''ז האבן זיך מיצרים און שפיץ פון זייער פרעזידענט גאמאל נבד אל נאצר, צובונדעוועט, און אנגעהויבן צו בלאקירן דעם סועץ קאנאל פאר די טראנפארט שיפן וואס האבן גברענגט סחורה צום פארט און אילת און מדינת ישראל.

וואו אויך האבן די מצריים אנגעפירט מיט טעראר באנדעס, וואס האבן טעראר'זירט די מדינת ישראל איינואוינער און די עזה אומגעגענט, און געשטעלט די זיכערהייט פון מדינת ישראל און געפאר.

האט מדינות ישראל אונעם שפיץ פונעם הויפט גענעראל משה דיין, דירוך געפירט דעם "מבצע קדש", און דירוך אויס די שלאכטען האט מדינות ישראל איינגענימען עזה און וואו אויך דעם האלב אינזעל סיני.

און יעדער האט פארשטאנען אז מדינות ישראל און געזעצליך די בעל הבית אויף די אלע איינגענימע שטחים.

נאר שפעטער צילוב דער דריק פון די וועלט האט דער דעמאלדיגער ראש הממשלה דוד בן גיריון, באפוילן אז דאס מיליטער זאל זיך ארויסציען פון עזה, און פון סיני.

תשכ''ז:

שנת תשכ''ז האט דער מיצרישער פרעזידענט גאמאל נבד על נאצר, אנגעדרייט די אראבישע לענדער, ירדן, סיריע, אנצוגרייפן מדינות ישראל, און איינמאל פאר אלעמאל אריין טרייבן גאנץ מדינת ישראל און ים התיכון, און פטור צו ווערן פון דאס קליין חוצפעדיג יודיש פאלק.

דער מלחמה האט זיך טאקע אנגעהויבן פון אלע זייטען, מצריים פון דרום, סיריע פון צפון, און ירדן פון מזרח,

מדינת ישראל און שפיטץ פון די גענעראלן, משה דיין, יצחק ראבין, האבן גענפערט מיט פייער, און די שלאכטען האבן זיך אנגעהויבן.

דער גענעראל דוד אליעזר, האט געפירט די מלחמה אויף צפון, און באזיגט דעם סיריע'שער מיליטער, און איינגענימען דעם רמת הגולן, מיטן חרמון.

דער גענעראל אריאל שרון האט געפירט די מלחמה אויף דרום, און באזיגט דעם מצירישע מיליטער, און ער האט ווידער איינגענימען עזה, און דעם סיני אינזל.

דער גענעראל מרדכי גור געפירט די מלחמה אויף מזרח, און ער האט באזיגט דעם ירדן'אישער מיליטער און איינגענימען אלט שטאט ירושלים, און דער גאנצער אומגעגנט.

מדינות ישראל האט דאן צובאקימען ריזיגע און היסטארישע שטחים, יהודה, שומרון, מזרח ירושלים, אלט שטאט ירושלים, סיני, עזה-פאס, רמות הגולן, און א גרויס שטיק פונעם הר חרמון.

פארוואס זאל דאס נישט באלאנגען לעגאל פאר מדינות ישראל? האבן זיי דאס דען נישט איינגענימען פון די אראבער מיט בליטיגע שלאכטען, וואס די אראבער אליינס האבן פראבאקאציערט?

וואס האט דאס צו טון מיטן קארן, וואקף, אד''ג?

אין מהרש"א שטייט פארקערט, אז ביי די ישמעאלים איז סאך בעסער, וכבר אמרו אז יעדער איינער במקומו האט געהאלטן אז דאס איז די ערגסטע.

קאך_לעפל, אזוי ווי דו פארשטייסט אז דער פאקטישער זיגער קען טון דארטן מעשה בעל הבית, ווי דו שרייבסט, אזוי אויך פארשטיי אז די זיגערס אויף דעם וועלט ארענא טוהן אויך וואס זיי ווילן. און אין דעם פראנט איז - ליידער - מדינת ישראל נישט געווען א טאטאלער זיגער, אע"פ אויך נישט א קלארע פארלירער - אדאנק אמעריקא און אירע יוראפעישע פריינט.

קאך, וואו זעסטו אמעריקע'ס בעלות אין איראק און אפגאניסטאן? אזוי אויך די בריטישע קאלאניעס האבן אלע געהאט אייגענע אויטאנאמיעס און אפילו קעניגן, זיי זענען נאר געווען אונטערווארפן ענגלאנד. פארשטייט זיך עס איז געווען א חילוק צווישן די נייע שטחים אין אמעריקע וואס די אייראפעיאישע מאכטן האבן גענצליך אנעקסירט אלס זייער אייגנטום, און געהעריגע עסטאבלישט לענדער וואס זיי האבן נאר געמאכט למס עובד.

יא,

אבער עס קיקט אויס אזוי:

מיין רעליגע זאגט אז ארץ ישראל באלאנגט פאר די יודן, און דיין רעליגע זאגט אז עס באלאנגט פאר די אראבער,

אלזא? וואס טיט מען?

וועלכע רעליגע איז גערעכט?
דאס קען דאך נישט זיין קיין טענה! מען קען נישט פאדערען א לאנד פון א צווייטע פאלק מיט רעליגיע טענות,

אראבער צום יוד: גיב מיר ציריק מיין לאנד, ווייל מיין נביא זאגט אז עס באלאנגט צו מיר:

יוד צו אראבער: איך גיב דיר א פייג, ווייל מיין נביא זאגט אז עס באלאנגט צו מיר:

אראבער צום יוד: אבער מיין נביא איז דער עכטער:

יוד צום אראבער: קאפויער, מיין נביא איז דער עכטער:

וואו אזוי לאזט זיך דאס אויס?

הייבט מען זיך אן צו שלאגען,

און ווער באקימט דאס לאנד? כל דאלים גבר: דאס איז וואס איך האב געשריבן!

לאמיך פרעגן א אמעראצישע פראגע,
די א"ג פאלעסטינער, וואס פארפירן אזוי פאר א אייגן היימלאנד אין די מערב ברעג,
וואס פונקטליך איז געווען זייער שטעלע צווישן 1948 און 1968 לגבי די שטחים,
האבן זיי אויך פארפירט אזוי קעגן די פארוואלטער די ירדיינער אזוי ווי קעגן די איזרעליס?

נאך איבער דעם נושא

<!-- l --><a class="postlink-local" href="/topic/2415">viewtopic.php?f=3&t=2415</a><!-- l -->

ממי,
!FANTASTIC,
איך קען קוים ווארטן פאר נאך,

האסט געשריבן אז די וועסט אין אן אנדערע ארטיקל,
דיסקוסירן איבער דעם אוטענטישקייט פונעם דעם פאלעסטיניער פאלק,
מילא איבער דעם וועל איך נישט רעאגירן,

נניח די חברה פאר 1948 זענען געווען פון סיי וואספארא פאלק,
(קרעדיט,ניוט גינגריטש,)

למעשה האט מען גענומען מענטשן, (?) און זיי ארויסגעשטויסן פון דארטן בשן ועין,

מילא, זאל שוין זיין אז פון א רעליגיעזן שטאנטפונקט קומט זיך די חברה א שטויס פון אונטן,

פון א הומאנטערישען (צו נארישען) שטאנטפונקט אבער,
זאל מוכאמעד ברענען און גן עדן געזונטערהייט,
למעשה דארפן זיי צוריק די לאנד,

און פאר וואספארא סיבה אין דער סעקולערן וועלט,
זאל רעליגעזע הוכחות אדער כוונות,
דאמאנירן דעם אויסגאנג פונעם בלוט פארהאנקעטן קריזיס?

איך פארשטיי,
איך רעדט אבער פון א היינטצייטיגע נאטראלער בליק,

וועמען גייט אן וואס די חברה האבן אינזינען?

זאל זיין א הייליגער קאמף,
זאל זיין א פראסטע קאמף,

פאקטיש האט מען פאטריבן איינוואוינער פון א פלאץ.
זאלן זיי זיין טיפשום, מערדער, משוגעים, אדער סיי וואס,

און די חברה פארלאנגען צוריק זייער וואוין ארט,
מיט מוכאמוד אדער אן מוכאמוד

ממי, ספרא דקאווע שטיבעל איז צי אן ארעמע אויסדרוק אויף דיין אויסערגעווענליכער געלונגענע אינהאלטס רייכע ארטיקעל,
באמת א יישר כח עס האט מיך קלאר געמאכט פון ווי די קאפ אין וואנט שטאמט.
אבער וואס איך בין נישט קלאר איז אז די שרייבסט אז לשיטתם (-לשוטתם) טאר מען נישט נעכגעבען קיין שום שטח אין א"י אלטס וואקף, ווי אזוי קען זיין אז דער שמייליג שבשמייליגער סודיע אראביע האט מסכים געווען (איך מיין אז עס איז געווען נאך מלחמת ששת ימים, איך וואלט געווען דאנקבאר ווען איינער קען שרייבן פינקטליך ווען עס האט פאסירט) אז די מדינה זאל צוריק גיין צו 67 גרעניצען און אויפטויש צי לעבען גוט מיטן שוועסטער קינד. ווי אזוי קלעבט עס מיט וואקף???,( נאכדערצו אז זיי זענען דאך פון די שטערקסטע סוניס וואס פאר זיי איז א"י מער הייליג ווי שיע'ס אלטס אל אקצא, און עולם העטיך פעטרישקע ראיתי, דער שיע'ס איז אסאך מער ווילד ווי דעם סוני און ער שווערט אויפן ערגסטען ה"י!)
בעצם איז עס צי א גראדע קשיא אויף אזלעכע פארדרייטע קעפ

ממי זייער זייער שיין.

אויב איך מעג פרעגן מיר אלס אידן זענען ערלויבט צי לערנען אין שטודירען פרעמדע אפגעטער? היסטערי פארשטיי איך אז מען זאל מעגן אבער לערנען זייערע קוראן מיט די פסוקים א.א.וו. מעג מען?

קיין פרעמדע אפגאט איז עס נישט.

מוסלעמענער זענען נישט מנסך יין, ווייל זיי גלייבן אין דעם איין איינציגן באשעפער.

מען זעט די שווערע ארבייט וואס ליגט און די ארטיקעל, הזורעים בדמעה. וכו׳

-----
וואס איך פארשטיי נישט, כהיום יום 2013 טראכט דען דער אראבער פארוואס ירושלים איז זיינס?
איך זע אזא ארטיקעל נאר אלץ חלק פון שיינע היסטאריע, דער ארבער שלאגט זיך ווייל ער מען האט אים אזוי אויפגעצויגען, ער ווייסט נישט קיין דיטעליס פארוואס ווי און ווען,

פריער האב איך געשריבן פארוואס די אראבער האבן נישט קיין טענה, צו מדינת ישראל, אז ארץ ישראל איז זייער, פון א פאליטישע שטאנפונקט:

מען מיז אבער ארויסברענגן אז ע''פ תורתינו הק', וואס כלל ישראל, אריינגרעכענט די ציונים אויך, האבן מקבל געווען אויפן בארג סיני, באלה ובשבועה, איז פארבאטן פאר יודן צו האבן א אייגענע לאנד, און וואו אויך דאס מינדעסטע שייכות צו "לאומיות" וממשלה, פאר משיח וועט קימען,

עס איז פארבינדן מיט גאר הארבע אסורים, וואס א טייל פון זיי זענען גאר ביהרג ועל יעבר, כמבואר בגמ' מסכת כתיבות, ובספר איגרת הרמב''ם, וספר הק' נצח ישראל פונעם הייליגן מהר''ל, און וואו אויך און די הייליגע בריוו'ן פונעם הייליגן מהרש''ב מליבאוויטש, און וואו אויך אונעם ספר הק' ויואל משה, באריכות.

דאס נעמט אריין און זיך, זיצן און כנסת המינים, דינען אונעם ציוניסטישען מיליטער, גיין צו די בחירות הטמאות, ועוד.

איך האב עס געשריבן, ווייל איינער האט מיר מעורר געווען, אז דאס וואס איך האב נעכטן געשריבען, איז ציוניסטיש געשטימט, האב געפילט פאר א פליכט, צו שרייבן וואס איך האב געשריבן.

אז מען רעד שוין יא, לאמיר דיר אזוי פרעגן, ווען וועט זיין פרישע ווארע????

מען זעט די שווערע ארבייט וואס ליגט און די ארטיקעל, הזורעים בדמעה. וכו׳

-----
וואס איך פארשטיי נישט, כהיום יום 2013 טראכט דען דער אראבער פארוואס ירושלים איז זיינס?
איך זע אזא ארטיקעל נאר אלץ חלק פון שיינע היסטאריע, דער אראבער שלאגט זיך ווייל ער מען האט אים אזוי אויפגעצויגען, ער ווייסט נישט קיין דיטעליס פארוואס ווי און ווען, די היינטיגע קאנפליקט האט נישט קיין שום שייכות מיט סיי וועלכע חלק אין היסטעריע, עס פלעין א מציאות פון שנים אוחזים בירושלים זה אומר כילו שלי וזה אומר כילו שלי, א הסבר אדער אפווענדען זייער טענה וועט נישט העלפן לייזען די קאנפליקט.

כאמעך אזוי מתבונן געווען אין דעם גאנצן מבוכה דא, אז ס'לעולם דא 2 דברים נפרדים, איבער דעם הינזיכט צו ארץ ישראל געהער פאר אידן, איינס, מחמת "רעליגיע", צוויי, מחמת "היסטאריע", דהיינו אז היסטאריע צייגט אז די אידישע פאלק ציען די עלצטע ווארצלעך צו דעם לאנד, דאס מיינט ס'נישטא קיין שום אומה ולשון וואס מיר ווייסן היינט אויפן כדור הארץ וואס זאל קענען אנצייגן אז זיי האבן באזעצט ארץ ישראל איידער די אידן,

מיר אידן מאמינים בה' ותורתו ווייסן אז ארץ ישראל געהער פאר אונז נאר מחמת "רעליגיע", ס'האט זערא מיט היסטאריע, דאס איז דאך ערשטע די ערשטע רש"י אין בראשית, אז טראץ ארץ ישראל איז געווען באזעצט מיט די ז' אומות, וועלן זיי דאך טענה'ן "ליסטים אתם", אויף דעם זאגט גאט - לפי שיטת הרעליגיע - עס איז מיין וועלט איך קען געבן אין צינעמען פון וועם מיר שמעקט און הענגטס ענק אלע,

לויט אונזער רעליגיע ציעט א צווייטע פאלק זייערע ווארצלען אין אר"י פאר די יודן הגם איך קען נישט אנצייגן ווער דאס איז ווי אויך קומט קיינער נישט זיך שלאגן אלס דעם

ניין זיי זענענן נישט גערעכט אפילו זיי ווייסען נישט זייער אומרעכט,
איך האב בסך הכל געמיינט צו זאגען, אז לגבי די קאנפליקט פון היינט איז נישט נוגע וואס עס האט געברענגט די קאנפליקט און ווער עס איז גערעכט אדער אומגערעכט, ווייל סיי ווי קען הסבר, היסטערי, אד״ג לייזען די קאנפליקט, דערפאר איז דיין באשרייבנוג נאר גוט פאר וועל וויל וויסען אביסל היסטאריע, אבער עס גוט גארנישט צו צום עצם קאנפליקט,

קאך_לעפל

פריער האב איך געשריבן פארוואס די אראבער האבן נישט קיין טענה, צו מדינת ישראל, אז ארץ ישראל איז זייער, פון א פאליטישע שטאנפונקט:

מען מיז אבער ארויסברענגן אז ע''פ תורתינו הק', וואס כלל ישראל, אריינגרעכענט די ציונים אויך, האבן מקבל געווען אויפן בארג סיני, באלה ובשבועה, איז פארבאטן פאר יודן צו האבן א אייגענע לאנד, און וואו אויך דאס מינדעסטע שייכות צו "לאומיות" וממשלה, פאר משיח וועט קימען,

עס איז פארבינדן מיט גאר הארבע אסורים, וואס א טייל פון זיי זענען גאר ביהרג ועל יעבר, כמבואר בגמ' מסכת כתיבות, ובספר איגרת הרמב''ם, וספר הק' נצח ישראל פונעם הייליגן מהר''ל, און וואו אויך און די הייליגע בריוו'ן פונעם הייליגן מהרש''ב מליבאוויטש, און וואו אויך אונעם ספר הק' ויואל משה, באריכות.

דאס נעמט אריין און זיך, זיצן און כנסת המינים, דינען אונעם ציוניסטישען מיליטער, גיין צו די בחירות הטמאות, ועוד.

איך וויל נישט דא אין דעם אשכול דאס דעבאטירן, ביטע קום דא און לאמיר דאס דארט מברר זיין. ווייל לעניות דעתי איז נישטא קיין סרך איסור אין דעם.

טייערער ליטוואק, במחילות כבוד תורתך, עס איז זיך גארנישט דא, וואס צו דעבאטירן, דיין מיינונג אז איז נישטא קיין "סרך איסר" איז מיר זייער חשוב, אבער דער מיינונג פון אלע הייליגע צדיקים, און פון רבינו הק' מסאטמאר זי''ע, איז מיר דאך מער רעליווענט,

ואתכם הסליחה

איך האב נישט די ווערטער אויסצודריקן א דאנק פאר ממי שאמרו פאר'ן זיך נעמען די מיה צו קלארשטעלן דעם ענין לכל דורשי ומבקשי האמת. די "פויפסטליכער פונ'ם פויפסט" קנאים, די נטורי קרתא, נטרונא, ודומיהן, קענען אין א געוויסן זין באטיטלט ווערן זעלבסט האסיגע אידן, צוליב זייער פארקרימטן שיטה אין דעם ענין, מיט'ן צוזאמשטעלן פאליטיק און די תורה אויף אן אבסורדן אופן, פארדרייענדיג היסטארישע פאקטן, אזוי אז א גרויס חלק פון חרדי'שע אידן, בעיקר אין סאטמאר ווערן געפיטערט אינפארמאציע וואס קומט פון די גרעסטע שונאי ישראל.
די נושא מיט וואס דו האסט אנגעהויבן איז גאר א ברייטע, לאמיר עס צונעמען און צולייגן כפי יכולתי.
מוחמד האט זיך דערקלערט אלס דער נאכפאלגער פון אידישקייט און להבדיל קריסטנטום, אבער ער האט זיך געהאלטן אלס א דירעקטע לינק צו גאט אליין, און די אידן און קריסטן האבן אפגענויגט פון דעם גענצליך 'ריכטיגן' דרך. אויף אברהם האט ער געשריבן אז ער איז געווען א מענטש פון אמונה, נישט קיין איד און נישט קיין קריסט, נאר א מוסלעמענער. און ווי ממי שאמרו האט שיין מסביר געווען, מוסלעמענער מיינט איינער וואס גיבט זיך איבער פאר גאט. ממילא, לויט מוחמד, איז אברהם געווען דער אמת'דיגער מוסלעמענער.
מוחמד איז געווען א גוטער פאליטיקאנט, ער האט געשפילט רעליגיע לויט זיינע פאליטישע אינטערעסן. דערפאר האט ער אריינגענומען אידישקייט און קריסטנטום אין זיין אייגענע רעליגיע, כדי זיי צו צוציען צו זיך. ער האט געשריבן: "איידער דעם בוך (קוראן) איז געווען דער ספר פון משה, און דער בוך איז דאס מחזק." דערצו האט ער געטון נאך א שפיל, ער האט מחדש געווען אז אברהם און ישמעאל האבן אינאיינעם מקדש געווען די שטיין קאבא שטיין אין מעקא, וואס איז היינט דער הייליגסטער ארט ביי אלע מוסלעמענער. (פרעג מיך נישט ווי אזוי זיי זענען אנגעקומען אהין). דער שטיין איז געווען פארהייליגט ביי די אראבישע עובדי ע"ז אין מעקא, און דורך עס מאכן אלס א הויפט זאך אין זיין רעליגיע, האט ער געזוכט צו פאראייניגן יעדן איינעם, אלע אראבער וועלכע זענען בעיקר געווען עובדי ע"ז, אונטער איין שירעם.
אזוי ווי מיין צייט איז באגרעניצט, וועל איך ממשיך זיין שפעטער.

הרב נייגעריגער א pdf ביטע אויב עס איז נישט שווער

שווער איז עס נישט, אבער ס'וועט שוין זיין קומענדיגע וואך!

אז מ' בעט שיין באקומט מען!!! 😉
דא האט עטץ א דראפבאקס לינק צום PDF פון דעם ארטיקל:
<a class="postlink" href="http://goo.gl/1OYWl">http://goo.gl/1OYWl</a>

קאך_לעפל

טייערער ליטוואק, במחילות כבוד תורתך, עס איז זיך גארנישט דא, וואס צו דעבאטירן, דיין מיינונג אז איז נישטא קיין "סרך איסר" איז מיר זייער חשוב, אבער דער מיינונג פון אלע הייליגע צדיקים, און פון רבינו הק' מסאטמאר זי''ע, איז מיר דאך מער רעליווענט,

ואתכם הסליחה

עס איז נאך איינמאל דא וואס צו דעבאטירן.
דאס איז די מיינונג פון קיינער פון די צדיקים, נאר פון הרה"ק מאטמאר וואס האט אומסוקסעפאל דאס פראבירט ארויפצוצווינגן אויף די גאנצע וועלט.

ווי איז ממי שאמרו דער בעל הממאמר שוין לאנג נישט גיווען דא

ער איז אין געגנט, כ'ווייס נאר נישט פונקטליך וואו?!
פון זיין פרופייל
📎 p9hy=80.JPG

המקור במרשתת לדיון עם פייגלין, ולהבדיל, עם פייסל חוסייני ימ"ש: <a class="postlink" href="http://he.manhigut.org/general-articles/3191">http://he.manhigut.org/general-articles/3191</a>
יש להוסיף שבכל הכיבושים הערביים והמוסלמיים הם לא הפכו את ירושלים לבירתם והארץ הייתה בשבילם עוד ארץ באימפריה ולא מולדתם, ובכל השנים הלו וגם לפני כן ואחרי כן ירושלים היא העיר החשובה ביותר לעם היהודי. ובנוסף הם מתפללים על הר הבית עם גביהם וישבניהם לכיוון מקום המקדש שלהבדיל, הוא גם מקום כיפת הזהב שלהם. כל ה"לאומיות" שלהם היא מזויפת ונועדה רק בשביל לפגוע בחיים היהודיים בארץ וכפי שמנהיגים ערביים, כולל של ה"פלסטינים", אמרו לעתונות הבינ"ל והערבית. ויש לציין שהטרור שלהם החל לפני מה שמכונה "הכיבוש" בפי מי שמכונה, וגם לפני קום המדינה ואף כלפי היישוב הישן הלא ציוני.
ראו כאן את המאמר "ערבים בארץ ישראל מקומיים או זרים?" - <a class="postlink" href="http://hm-holyland.blogspot.co.il/2011/12/blog-post.html">http://hm-holyland.blogspot.co.il/2011/ ... -post.html</a>
ועוד חשוב להוסיף שאישים מוסלמיים שאינם נגועים בשנאת ישראל כמו מוכתרים בארץ וכמו האימאם עבדול האדי פלאצי, מזכ"ל ה"מג'לס אל-עולמה" שהיא מועצת חכמי הדת המוסלמים באיטליה, תומכים בהתנחלויות ובכך שכל הארץ שייכת ליהודים. ראו כאן על ה"השיח הציוני" שהוא בעצם אימאם על תמיכתו בהתנחלויות והתנגדותו לשתי מדינות לשני עמים: <a class="postlink" href="http://www.kr8.co.il/BRPortal/br/P102.jsp?arc=44450">http://www.kr8.co.il/BRPortal/br/P102.jsp?arc=44450</a>
מאמר המתייחס לארץ ישראל בקוראן: <a class="postlink" href="http://tanakhblogger.blogspot.co.il/2010/08/blog-post_04.html">http://tanakhblogger.blogspot.co.il/201 ... st_04.html</a>

אסיים בשירו של אלתרמן "ארץ ערבית" שאת השקרים הערביים לגבי ההיסטוריה של הארץ:

ארץ ערבית
"פלשתינה היא ארץ ערבית ואין לזרים כל חלק בה"
מתוך גילוי דעת של ההנהגה הערבית

לילה צח. אילנות מניעים
את נופם בלחישה אוורירית.
ממרום כוכבי ליל ערביים
נוצצים עלי ארץ ערבית.

נוצצים כוכבי ליל במצמוץ
וזורעים את אורם הרעוד
על העיר השוקטת אל קודס
שחנה בה המלך דאוד.

ומשם הם צופים ורואים
את העיר אל-חליל ממרחק.
עיר קברו של האב איברהים
איברהים שהוליד את איסחק.

ומשם קו אורם השנון
אץ לצבוע בזוהב אורו
את מימי הנהר אל-אורדון
שיעקוב במקלו עברו.

לילה צח. ברמיזה אוורירית
נוצצים כוכבי ליל כחוק
על הריה של ארץ ערבית
אשר מוסה ראה מרחוק.

יישר כח פאר הדור פאר די לינקס, עס קוקט אויס העכסט אינטערעסאנט. פארשטייט זיך אז דעם אמת קען מען פון דעם נישט דערגיין ווייל ער שרייבט קלאר אז די אפיציעלע רעגירונגס ציפערן גלייבט ער נישט - א קאנספיראציע גלויבער אין אנדערע ווערטער. בעסער: ער גלייבט נאר וואס עס איז אים געשמאק און שטימט מיט זיין אגענדע.

דעת תורה

יישר כח פאר הדור פאר די לינקס, עס קוקט אויס העכסט אינטערעסאנט. פארשטייט זיך אז דעם אמת קען מען פון דעם נישט דערגיין ווייל ער שרייבט קלאר אז די אפיציעלע רעגירונגס ציפערן גלייבט ער נישט - א קאנספיראציע גלויבער אין אנדערע ווערטער. בעסער: ער גלייבט נאר וואס עס איז אים געשמאק און שטימט מיט זיין אגענדע.

אין בעבור מה! שמח שתגובתי שמחה אותך.