הקטן
וואלסט געזאגט אז ביי די האליקאסט זענען, מער ווייניגער, די קלוגערע געבליבן און די מער נערישע געגאנגען?!?
מיר ליגט אין קאפ אז וויקטער פרענקעל,וואס האט דאס באבאכטעט פין די נאט, שרייבט (מענס-סערטש-פאר-מינאינג) אז ס'איז נישט געווען קיין שום קארעלשען פין IQ מיט סערווייוואל
בעצם איז גוט צו וויסען אז וויקטאר פרענקל'ס בוך איז געשריבן פון א בליק אין סייענטיפיק טעאריע אבער נישט אין היסטארישע מציאות, אפי' ס'איז געשריבן נאכן קריג און שוין פארקויפט געווארן מיליאנען קאפיס אין צענדליגע שפראכן, דאך איז די גאנצע בוך נישט למעשה, נאר א געדאנק. אפי' די חלק ווי ער אדרעסירט זיין אייגען לעבן איז עס געשריבן כעין א שטודיע.
בכל אופן, שטעלט ער אוועק די מהלך אז IQ איז ווערטלאז ווען א מענטש האלט נישט דערביי. די סיבה איז פשוט, ווייל קלאסישע IQ איז knowledge without application, נישט ווי היינט וואס מ'פרובירט צו מצרף זיין און מעסטן אויך סאשעל IQ און אויך די application אין עכטע טאג טעגליכע לעבן.
די האלאקאסט יארן זענען געווען מער ווייניגער מזל, אדער באשערט, אויב מ'איז געראטעוועט געווארן אדער געהארגעט געווארן. מ'האט געקענט זיין א שוטה און מענגעלע ימ"ש האט געשיקט אויף רעכטס, אדער א פיקח וואס מ'האט געשיקט אויף לינקס, כידוע. IQ קען נישט העלפן פאר דעם, ווייל חיים ומות איז געווען תלוי אין די IQ פון די מערדער און נישט אין די IQ פון די געפאנגענעם.
בכלל איז עס נישט רעספעקטפול צו אויסדריקן אויף מיליאנען אומשולדיגע קרבנות אז זייער "נישט גענוג הויכע IQ" האט געהאט א חלק פון זייער טויט דורך זיך נישט קענען גענוג העלפן.
