עצי שטיםשבת אחיםעצי שטיםשבת אחים
וויזניצע רבי מעג זיך אויך רוהיג ריפן כ''ק מרן אדמו''ר מכתר ווילידז שליט''א, ס'וועט גארנישט געשען...
די תורת מרדכי האט זיך טאקע געוואלט לכתחילה רופן מאנסיער רבי. נאר די חסידים האבן פארפירט
וויזניץ,
וכדו' זענען ברענד-נעימס אין חסידות. שטעלט אייך פאר די בעה״ב פון Apple, לאזט איבער די ביזנעס פאר די קינדער און זיי טוישן דעם נאמען.
איך וואלט נישט געטוישט פון Apple צו Orange...
און ווען מזאגט וויזניץ איז עס א connection צו די אמאליגע היים,
קשיא רישא לסיפא
די ברענגסט אליין אז די תורת מרדכי האט זיך געוואלט טוישן און דערנאך ברענגסטו כל מיני סברות פארוואס מען זאל נישט טוישן,
ושאלת חכם חצי תשובה, די שרייבסט ''נאר די חסידים האבן פארפירט''
ווי קהל'ס נער האט שוין ערווענט, אז זיי האבן אנגעקוקט חסידות ווי א קאמפעני
די תורת מרדכי האט געהאט א סיבה דערביי. קען זיין ווייל ער האט זיך נישט געוואלט אינדיפיצירן אלץ אגודיסט און געוויסע זאכן האט ער געהאלטן אז די ברודער טוט נישט ריכטיג וכדומה. אדער אפשר, אנדערע סיבות. ווען מהאט ארויסגעווארפן רבי ישראל פון וויזניץ האט ער נאכמאל געקלערט דעמאלטס צי ער זאל זיך טוישן די נאמען. ער האט געטראכט זיך צורופן “ווילחאוויץ”- די שטאט ווי זיין פאטער די אמרי חיים איז געוועהן רב. למעשה איז ער געבליבן וויזניץ אדער מאנסי-וויזניץ.
אבער אין אמתן אריין איך זעה נישט די פראבלעם. אויב פארגינט זיך יעדער איינער מיטן צווייטן.
וויזניץ אין זייער היסטאריע האבן געהאט אין יעדער דור מעהר ווי איין רבי. און זיי האבן זיך אלעמאל געהאלטן צוזאמען. די אהבת ישראל׳ס ברודער׳ס זענען געוועהן גרויסע רביס ווי אויך די אמרי חיים מיט זיינע ברודער און אין יעדע ראיאן איז געוועהן א צווייטע האגער וואס דארט איז ער געוועהן די רב. א וויזניצער חסיד וואס האט געוואוינט נענטער צי בארשע איז געקומען יו״ט קיין בארשע און אנטוניע חסיד וואס האט געוואוינט נענטער צו גרויסווארדיין איז געקומען יו״ט צום אהבת ישראל, (עיין בספר מארמארוש- מאה ושישם קהילות ק׳- גראס, כהן) נישט געוועהן קיין שום מחלוקות אדער פירוד לבבות. סאיז באוואוסט אין וויזניץ אז די גרעסטער וויזניצער חסיד אין היסטאריע רבי מרדכי חנא וואס האט יעדן טאג תשובה געטוהן ווייל ער האט איינמאל פארפאסט צוהערן די ברכות פון שחרית פון די אהבת ישראל האט אויך איינמאל געגעבן א קוויטל פארן אנטוניער רבי. יעדער וואס באשרייבט מארמארוש אינדערהיים ברענגט ארויס אז סאיז בעיקר געוועהן צוטיילט אין דריי. די חסידים פון משפחת האגער- קאסוב- וויזניץ. די חסידים פון משפחת טייטלבוים סיגוט-סאטמאר און די חסידים פון משפחת אייכענשטיין- ווייס זידיטשוב- ספינקא- דאלינע. ווי אויך אין מיינע צייטן פלעגן די בני ברק-וויזניץ און סערט-וויזניץ חסידים קומען קיין מאנסי אויב סהאט זיך געמאכט א יאר וואס זיי האבן נישט געקענט פארן קיין אר”י. כ׳געדענקט ווי ר׳ אברהם מאנדל- מחסידי ב״ב וויזניץ בוויליאמסבורג פלעגט זאגן אדער זעקס דאללער פאר די באס קיין מאנסי אדער זעקס הונדערט פאר א טיקעט קיין אר”י (לויט די אמאליגע פרייזן...) און ווען איינער האט געפרעגט ר׳ שמואל אברהם סימקאוויטש פארוואס ער קומט קיין מאנסי, ער איז דאך א בני-ברקער חסיד? האט ער געזאגט ראש השנה איז די “יום הדין” און געווענטליך ביי א פראצעס נעמט א מענטש א לויער, אבער נישט יעדע יאר קען מען אנקומען צום גרעסטן לויער אין די וועלט, אויב קען איך נישט אנגעקומען צום גרעסטן לויער זאל איך נישט נעמען די צווייטע גרעסטע לויער???
היינטיגע צייטן איז דא אין יעדע היימישע שטאט א האגער- וואס איז א אייניקל פון די אהבת ישראל וואס ער איז וויזניץ אין יענע שטאט. און ווען מזאגט וויזניץ וויליאמסבורג ווייסט מען שוין פון וועמען מ׳רעדט.
שיכון וויזניץ- אדמור הגה״צ רבי ישראל בן הישועות משה
בני ברק מרכז- אדמור ר’ מענדל בן הישועות משה
ירושלים- הגה״צ ר׳ אליעזר זאב בן התורת מרדכי
חיפה- הגה״צ ר׳ יעקב בן החכמת אליעזר מסערט-ויזניץ
בית שמש- הגה״צ ר׳ ברוך שמשן בן התורת מרדכי
אשדוד- הגה״צ ר׳ יצחק ישעי בן אדמור רבי ישראל מב״ב
אלעד- הגה״צ ר׳ יעקב מרדכי בן אדמור רבי ישראל מב״ב
מאנסי- הגה״צ רבי ישראל
קיימישע- הגה״צ ר׳ מענדל
וויליאמסבורג- הגה״צ רבי יצחק יוחנן
בארא פארק הגה״צ מו”ר ר׳ יעקב יוסף בן הגה״צ ר׳ פ”ש בן התורת מרדכי
מאנטריאל- הגה״צ ר׳ אהרן
לאנדאן הגה״צ ר׳ דוד לרפו״ש
דזעשקסאן ניו דזשערזי (לעיקוואד) הגה״צ רבי יעקב יוסף טווערסקי
בן הגה״צ רבי אברהם דוב חתן התורת מרדכי