קיינער דא האט נישט גע׳טענה׳ט אז עס ״קען נישט״ קומען פון א לעבּ און דאס אוועקגעמאכט מכל וכל (לידיעתי). סך הכל וואס מ׳האט גע׳טענה׳ט איז אז סייענטיסטן, ולכאורה א מערהייט פון זיי, וואס האבן דאס אנאליזירט האבן
געזאגט אז עס קומט זוּנאַטיקלי [נאטורליך]; אזוי ווי עוואלושאן בכלל
(אולי איז דאס די קשר וואס וואס מ׳וויל דא מאכן מיט הוכחות למציאת ה׳; ווייל עוואלושאן בעצם גייט נישט אין איינקלאנג מיט׳ן הוכחה פון ״אינטעלידזשענט דיזיין״...). (ואגב, דער דר. קריסטיען ענדערסען, דער עיקר סייענטיסט פונעם געלינקטן שטודיע, האלט נאך אלס אזוי אז עס איז זוּנאַטיק.) אבער
@קורקלענד איז טאקע גערעכט אז עס איז דאך א שטארקע מעגליכקייט
(דאס זעה׳מיר שוין פון די שטודיעס אראפגעברענגט פריער. הגם, כנ״ל, האבן זיי דאך, עכ״פ דעמאלטס, נישט געזאגט אז עס איז ״לכאורה״ אזוי). ווי אויך איז ער גערעכט אז די אלגעמיינע וועלט און סייענטיפישע קאָמיוּניטי זענען געווען צי פאר די זוּנאַטיק/נאטורליכע אפציע און צי אוועקגעמאכט די לעבּ-ליִק מעגליכקייט. ווי ווייט אייניג עס איז מיט א זוּנאַטיק מעגליכקייט, וואס איז אויך א שטארקע מעגליכקייט, איז שוין ניתן לדון. סייענטיסטן און וויראלאגיסטן
רופן טאקע פאר אן אינוועסטיגעישאן אין צו דעם. זיי זאגן אז ביידע טעאריעס, זוּנאַטיק און לעבּ-ליִק, זענען ווייעבּל.
די אינוועסטיגעטיוו ארטיקל פון ניקאלסאן בּעיקער, וועלכעס ווערט צוגעליִנקט אין די ארטיקל וואס
@כלבאשבוע האט צוגעצייכענט, צונעמט און טענה׳ט זייער גוט פאר די מעגליכקייט אז עס איז פון א לעבּ. ווי אויך
טענה׳ט פאר די מעגליכקייט דער סייענס שרייבער ניקולאס וועיד - ער טאקע צונעמט ענדערסען׳ס הוכחות און ווייזט וואו ער איז זיך טועה אין זיינע טענות. ווי אויך ברענגט ער ארויס אז מ׳האט אוועקגעמאכט דעם טעאריע מעיקרא פשוט ווייל טראמפ האט אויך אזוי געזאגט. דאס איז עפ״י נייע עווידענס פון די פּרוֺיטיִנס אויפ׳ן ווירוס וואס העלפן דאס באהעפטן צו די פוּרין אין מענטשנליכע צעלן, דאס וואס מיינערס נישט ווייט פון וווּהאַן האבן באקומען אן ענליכע קרענק פון אן ענליכע נאטורליכע ווירוס וואס מ׳האט דערנאך שטודירט אין די וווּהאַן לעבּ, אז די וווּהאַן לעבּ האט נישט שטארקע זיכערהייט מאסנאמען, אז ארבעטערס דארטן זענען קראנק געווארן מיט ענליכע סימפטאמען נאך פאר די אלגעמיינע קאוויד אויסברוך אין כינע, און דאס שוואכקייט פון באווייזן און איבערבלייבענישן פון א נאטורליכע שורש. דער סייענס שרייבער דאנעלד מקניִל
באציהט זיך צו וועיד׳ס ארטיקל און איז בעצם מסכים אבער פארט מילדער. ער ציטירט אויך אנדערע עקספערטן אין די נושא וואס האלטן (שטערקער) פונעם לעבּ-ליִק מעגליכקייט. ער פירט אויך אויס אז עפ״י וואס מען ווייסט איז (ווי נישט) עפ״י אקאם׳ס רעיזאר מסתבר דעם לעבּ-ליִק מעגליכקייט.
מען דארף אבער אין אכט נעמען אז אפילו לפי״ז אז ס׳איז א לעבּ-ליִק טענה׳ן זיי אויך נאר אז ס׳איז צום מערסטענסט א טעות, ודלא כהפותח האשכול. א ״כוונה״ להרע איז א ״קאנספיראציע טעאריע״ און דאס איז וואס מ׳האט בעיקר אוועקגעמאכט (וואס האט שוין געמאכט אז די אלגעמיינע וועלט זאל טאקע אוועקמאכן די לעבּ-ליִק טעאריע מכל וכל).
